مشاهدة النسخة كاملة : مكتبة الشاعر ابو امنة حامد


استارو
27-10-2007, 09:47
الكلمات للشاعر
الراحل ابو امنة حامد...
تغنى بها الراحل أحمد الجابرى ...
رحم الله العملاقين و أسكنهم فسيح جناته ... و هاهو الشاب عمار السنوسي يصدح بها ....
مانسيناك جاي تعمل إيه معانا بعد ما بدلتنا
ماسقيناك أحلي ما في عمرنا
من عواطف مالقيناك
**********
الرهيف قلبو بيعيش في شكه اكثر من يقينو
تستبيهو نظرة جارحة وتحترق بالحب سنينو
قلبو ضايع في العيون الشاربة من حبو وحنينو
وناكرة حتي إنو إنسان يسعي لي قلبي يعينو
جاي تعمل إيه؟؟؟
**********
ماكفاهو العذاب الهو فيهو ليه تزيد آلامو اكتر
وليه عيونو العمرها ماخانتك تبكي و تسهر
وليه توشح فجرو بالأحزان بعد ماقلبو نور
اضحي جرح الفرقة في قلبو الحزين من حبو أكبر
**********
قلبي غافر ليك ذنوبك سيبو بس تنشف جراحو
الحنين العايش لحبك صرت تسخر من نواحو
سيبو مرة يغسل احزانو بالأمل يشرق صباحو
وكيف يطير لعشو عصفور منكسر مكسور جناحو
جاي تعمل إيه؟؟؟
مانسيناك جاي تعمل إيه معانا بعد ما بدلتنا
ماسقيناك أحلي ما في عمرنا
من عواطف مالقيناك
كلمات رائعة وجميلة من الاغانية التى تستهوينى فتقبلوها منى

حزن السنين
28-10-2007, 11:15
http://www.alnilin.com/sudaniat/images/wasal_copy.jpg

بنحب من بلدنا..

كلمات الشاعر الراحل/ أبو آمنة حامد
الحان/ محمد وردي..


بنحب من بلدنا
ما برا البلد
سودانية تهوى عاشق ود بلد
بعيون المفاتن شي ما ليهو حد..

التوب المهبهب فوق أم الضفاير
والخد المعطر زي أحلى الأزاهر
والخطوة الأنيقة ترنيمة مشاعر
أنا بي كلو عمري بمشيلا وبسافر
مين في الدنيا دية أجمل من بناتنا
الليهن قلوبنا والفيهن صفاتنا
الكامنات في روحنا والعايشات في زاتنا..

في حلفا البداية أحلامي وهنايا
أنا عايش لحبي المخضر برايا
النافرة الأليفة بجروحي وهنايا
أنا لي في كريمة شايقية بشلوخا
نعتز بصفاتا ما نجهل تاريخا
ماها المابية ريدتي ومو ياها المسيخة..

في شندي العظيمة تلقى بنات جعل
وحدات في المتمة زي لون العسل
النايرات خدودن زي فجرا أطل
في سنكات بنعشق بت سمرة وأبية
ترتاح في الضريرة خصلاتا الغنية..

عاشت في شعوري أحلى هدندوية
الواردات جدودن في الجود والشجاعة
البظهر جمالن من زمن الرضاعة
سودانية مية المية في زوقا وطباعة
يا ناس أرحموني أنا قلبي فرطاعة ..

لو تلقطنا اليانعة السمحة ونضيرة
تستنى الحليوة في مشية أميرة
أجمل حب عندي في قلب الجزيرة
لي في الغرب أغيد في دار حمر والبقارة
نحميها بسيوفنا تفاحنا ونضارة
تسكرنا الليالي وتطربنا النقارة
لي في جوبا الساحر تسلم لي خدودو
يمرح في غاباتو يسرح في ورودو
حبي الغالي ليهو ما بعرف حدودو

سودانية100%
28-10-2007, 11:55
شكرا لك يا حزن السنين. الاغنية دي انا بحبها شديد وعندي في شريط لكن مشوشة.
فممكن بعد ازنك و لو مافيها غلاسة تجيب لي الاغنية مسموعة لو عندك.:005: :005: :005:
ده بعد ازنك طبعا.

حزن السنين
28-10-2007, 12:58
اختنا الجديدة / سودانية 100%

شاعرنا الراحل / ابوامنة حامد من اعلام هذا الوطن و ترك خلفه ارث لم يستطيع
الاخرون حمله فلهو الرحمة و السلوان و الزم زويه الصبر

علي العموم انا بفتش علي الاغنية و اذا لقيت الاغنية اكيد حرسلة ليك

تخريمة :
بس ما تتعودي علي كدة اوكي المرة دي سماح عشان الناس جداد و كدة ...:008: :008:


دمتي بود يا ستي ،،،،

سودانية100%
29-10-2007, 01:30
خلاص كويس انا تاني لما اكون دايرة حاجة بكوسة براي.
لان اولاد بلدي ما دايرين يسعدوني وما ممكن اطلب من ناس تانية.
حاعمل بعدكم شنو يا ناس بلدي يا سندي يا الحاط البتكي عليه في الغربة دي.:001: :Smiels3: :001:

وكيل عريف
29-10-2007, 09:39
شكرا حزن السنين

فمازالت بنات بلادى هن يمثلن قمة الحياء

فى الوطن العربى وقمة الاناقه فى لبس التوب

السودانى ويكفينا فخرا ان السودان به :

روضه الحاج

عفاف حسن امين

اسرار بابكر


امال عباس

هنادى الصديق

والقائمه تطول شكرا لك انت وحدك يابت بلدى


وكيل عريف

حزن السنين
29-10-2007, 10:36
خلاص كويس انا تاني لما اكون دايرة حاجة بكوسة براي.
لان اولاد بلدي ما دايرين يسعدوني وما ممكن اطلب من ناس تانية.
حاعمل بعدكم شنو يا ناس بلدي يا سندي يا الحاط البتكي عليه في الغربة دي.:001: :Smiels3: :001:


اها نفهم شنو يعني من الكلام دا .....:017:

حزن السنين
29-10-2007, 10:38
شكرا حزن السنين
فمازالت بنات بلادى هن يمثلن قمة الحياء
فى الوطن العربى وقمة الاناقه فى لبس التوب
السودانى ويكفينا فخرا ان السودان به :
روضه الحاج
عفاف حسن امين
اسرار بابكر
امال عباس
هنادى الصديق
والقائمه تطول شكرا لك انت وحدك يابت بلدى
وكيل عريف



يا عريف ،،،،

و الله ما قصرت ابداً و مشكور علي المرور
و حقيقي هم اعلام من اعلام السودان التي نفتخر بها

دمت بود اخي

سودانية100%
29-10-2007, 12:05
يا ما بلغت يا حزن يعني انا خاتى لك زولان بيبكو واحد تاني خايل يافطة مكتوب عليه زعلان .اعمل شنو اكتر من كده يعني.

حزن السنين
29-10-2007, 12:11
سودانية 100%

نهارك سعيد ،،،

معقول كلامي علك لي الدرجة دي علي العموم لو زعلانة انا اسف جداً ما كان قصدي يا ستي
لكن الموضوع كل مجرد مزحة ما اكتر من كدة لكن الظاهر عليك انتي ما بتحبي المزح

و بعدين طولي بالك شديد يا ستي


تخريمة :
اسف مرة تانية ،،،، :confused:

وكيل عريف
29-10-2007, 13:13
يا ما بلغت يا حزن يعني انا خاتى لك زولان بيبكو واحد تاني خايل يافطة مكتوب عليه زعلان .اعمل شنو اكتر من كده يعني.

الله لا جاب الزعل ياسودانيه

حزن بيهزر معاك

وكيل عريف

سودانية100%
29-10-2007, 22:18
حزن........وكيل............
يا اخونا انا والله بهظر معاكم ساي .
شكلي كده زودتها .يلى اسفة سماح المرة دي.:040: :040: :040:

حزن السنين
30-10-2007, 07:54
:017:





:017:





































المرة دي سماح لكن برضوا ما تتعودي اوكي ....!!!!! :016:

وكيل عريف
30-10-2007, 11:40
ما زعلانه خلاص اوكى ده المطلوب

بعدين حزن قاليك ماتتعودى هو رسل الاغنيه ولا لسه

انا ذاتو عاوز الاغنيه دى

سودانيه التوب السودانى قرب ينقرض

ولا رايك شنو

وكيل عريف

سودانية100%
30-10-2007, 15:14
لا والله يا وكيل انا ما شفت اي اغنية.
وهو شابكني ما تتعودي ما تتعودي.

استارو
30-12-2007, 16:32
توثيق مكتبة الشاعر ابو امنة حامد

Adsense Management by Losha