مشاهدة النسخة كاملة : مفاجأة رهيبة...صور للخرطوم 2022


صلاح يحيى سليمان
15-02-2007, 01:21
سنتر برى التجارى من جهة كبرى برى كوبر



http://anasudani.net/php/pic/SD17.jpg



شاطى المنشية من ناحية برى


http://anasudani.net/php/pic/SD18.jpg


توتى من الناحية الجنوبية



http://anasudani.net/php/pic/SD19.jpg




مع تحياتى
وفى انتظار ايه تعليق
لو فى زول عندو الجرأة
وعاوز يقول حاجه...!!

:Sudan:

الاخوة الاعزاء....اتضح ان هنالك بعض الاعضاء لم يتمكنوا من مشاهدة الصور
او بمعنى ان الصور لم تفتح معهم ، لذلك حملت الصور مرة اخرى كمرفقات...فأذا
الصور لم تظهر لك مع فتح الصفحة...اضغط بالماوس على الصور الصغيرة فى
المرفقات لتفتح لك الصورة مكبرة فى صفحة جديدة...!

حزن السنين
15-02-2007, 06:24
مشكور يا ابوصلاح لكن عايز كم سنة عشان نقدر نحقق الحلم دا علي ارض الواقع و ربنا يكون في عون الناس في الكم سنة دي

الدكتوره
15-02-2007, 07:52
دى الخرطوم ولا دبى
نتمنى اكيد لى بلدنا كل الخير وربنا يدينا العمر ونشوفا كدا

شاربة توت ولابسة بوت
15-02-2007, 10:14
سبحان الله ..
لو الخرطوم بقت كده ..
يكون فعلا ربنا راضي عنه ..
لكين سنة كم !!!

فنونه بنت المدينه
15-02-2007, 11:16
لو سمحته والله الصور ما ظاهره عندي
ممكن اعرف كيف اظهرها
نفسي اشوف الخرطوم
تحياتي
فنونه بنت المدينه

صلاح يحيى سليمان
15-02-2007, 13:12
مشكور يا ابوصلاح لكن عايز كم سنة عشان نقدر نحقق الحلم دا علي ارض الواقع و ربنا يكون في عون الناس في الكم سنة دي

2007+15=2022

15 سنة ..ما كتيرة.....!
الله يدينا الصحة والعافية ...ونعيش لغاية 2022
على الاقل نتأكد كلام جد وله اشاعة(هههههههه)
مع تحياتى

صلاح يحيى سليمان
15-02-2007, 13:15
دى الخرطوم ولا دبى
نتمنى اكيد لى بلدنا كل الخير وربنا يدينا العمر ونشوفا كدا

دى الخرطوم .....يعنى ما مصدقه؟؟؟؟؟؟
عاينى للصور كويس...بتشوفى ملامح من حاجات
كانت لغاية 2007 موجوده........!!!!!

مع تحياتى

صلاح يحيى سليمان
15-02-2007, 13:18
سبحان الله ..
لو الخرطوم بقت كده ..
يكون فعلا ربنا راضي عنه ..
لكين سنة كم !!!

2022 يعنى بعد 15 سنة...!
وحزن بسأل بعد كم سنة؟؟؟
ذى الاتخلعتوا وما مصدقين...!!!

مع تحياتى

صلاح يحيى سليمان
15-02-2007, 13:21
لو سمحته والله الصور ما ظاهره عندي
ممكن اعرف كيف اظهرها
نفسي اشوف الخرطوم
تحياتي
فنونه بنت المدينه

الظاهر الكمبيوتر بتاعك محصن حتى من
الصور المشكوك فيها.......!!!!
اعملى تحديث للصفحة عدة مرات ....!
لازم تظهر معاكى....لانو الصور حملتها
من مركز تحميل المنتدى للصور ..وده
شغال على طول.

مع تحياتى

أود
15-02-2007, 14:58
على الله مابعيد


لكن الا نناسب الصينين


مشكور ياصلاح على الحلم الجميل

صلاح يحيى سليمان
15-02-2007, 16:07
على الله مابعيد


لكن الا نناسب الصينين




قولى يارب.....!
والصينين لو بساعدونا نصل لده......!
نهتف فى كل ارض المليون اناسودانى ...انا صينى....!
بس نحاسب ما نقع نتكسر....!!!!!
تشكرى على المرور
مع تحياتى

بت أبوظبي
15-02-2007, 19:43
الله ..
ده حلم
ولا علم !!
نفسي أنوم وأصحى
ألقى نفسي هناك !!
في الوقت داك !!

حايمه بعربيتي
مع اولادي
واقول ليهم
كان يا ما كان !
يا ساده يا كرام !
بلد قديييييييييييييمه
اسمها سودان !
حلوه وسمحه
من زمان !
بقت حاجه تانيه !!
في الألفيه التالته !!



ربنا يحيينا
نشوفك يا سودان عاليه !

محسي اصيل
15-02-2007, 20:10
مشكور مشرفنا علي الصور الحلوه دي
والله نتمني ان تكون الخرطوم بهذا الجمال والروعه بس دا داير شغل كتير وما اظن 15 سنه كفايه

صلاح يحيى سليمان
15-02-2007, 22:50
الله ..
ده حلم
ولا علم !!
نفسي أنوم وأصحى
ألقى نفسي هناك !!
في الوقت داك !!
ربنا يحيينا
نشوفك يا سودان عاليه !

ايوه كه خليكم متفائلين.....!
كده وصلنا من مرحلة الشك فى الصور...الى التفاؤل....!
ودى الخطوة الاولى....!
تشكرى بت ابوظبى على المرور.
مع تحياتى

صلاح يحيى سليمان
15-02-2007, 22:54
[font=Comic Sans MS]الله يحينا لي سنة 2022
font]

يارب...! ويطول فى عمرنا...ويدينا الصحة
والعافية....ونعيش ونشوف بلدنا واولادنا فى
قمة الحضارة.
شكرا صهيب على المرور....!
مع تحياتى

صلاح يحيى سليمان
15-02-2007, 23:01
والله نتمني ان تكون الخرطوم بهذا الجمال والروعه بس دا داير شغل كتير وما اظن 15 سنه كفايه

15 سنة ما كتيرة يا ود العمده.....!
بشوية اجتهاد ودعك تمام......!
وبترول اسعارو فى السماء.....!
وشوية استقرار وسلام....!
بنختصر ال15 سنة....!
يله نشد السواعد...!

مع تحياتى

Still I Need U
16-02-2007, 16:50
بالمناسبة عندي ( بريزينتيشن ) عن التخطيط العمراني ده للعاصمة الخرطوم ، وطبعا المالك أو أحد ملاك هذا المشروع هو السيد / اسامة داؤد رئيس مجلس شركة الكوكاكولا في السودان ، وجاري الان العمل على هذا المشروع وأنه على اعيننا ليل نهار ، وتري الكل يجتهد لتكتمل هذه الروعة في غاية الجمال وحتي إذا كانت لغاية 2022 فا المانع في ذلك ، نعم أننا نجهل أساسيات البنية التحتية في السودان كدولة ، ولكن كون أننا نبدأ ولو بالقليل فذك يعني أننا نسير من بدأ الآخرون ونحن بإذن الله تعالي نصبح في يوم ما أغني دولة في العالم وأن أراد الله ذلك ،، نسأل الله العلي القدير التوفيق لكل القائمين على أمر إنشاء هذه القرية الصغيرة ،،

تشكر عزيزي صلاح ،

صلاح يحيى سليمان
16-02-2007, 21:02
بالمناسبة عندي ( بريزينتيشن ) عن التخطيط العمراني ده للعاصمة الخرطوم ، وطبعا المالك أو أحد ملاك هذا المشروع هو السيد / اسامة داؤد رئيس مجلس شركة الكوكاكولا في السودان ، وجاري الان العمل على هذا المشروع وأنه على اعيننا ليل نهار ، وتري الكل يجتهد لتكتمل هذه الروعة في غاية الجمال وحتي إذا كانت لغاية 2022 فا المانع في ذلك ، نعم أننا نجهل أساسيات البنية التحتية في السودان كدولة ، ولكن كون أننا نبدأ ولو بالقليل فذك يعني أننا نسير من بدأ الآخرون ونحن بإذن الله تعالي نصبح في يوم ما أغني دولة في العالم وأن أراد الله ذلك ،، نسأل الله العلي القدير التوفيق لكل القائمين على أمر إنشاء هذه القرية الصغيرة ،،

تشكر عزيزي صلاح ،

اهو ده الكلام البشجع.....!!!!
ومع التفاؤل وشوية سرحة.....بتتحقق كل الاحلام....!
تشكر يا استيل على الغيرة الشديده للسودان...!
وياريت كل شبابنا بهذا الطموح....!
مع تحياتى
وفى انتظار تعليق الزائر القادم......!!!

شاربة توت ولابسة بوت
17-02-2007, 10:12
خلاص نتفائل مع المتفائلين ..
ونحلم مع الحالمين ..
ونشد السواعد ..
ونقول :
دايما عالي يا سودان ..

LIL HSTRYA
17-02-2007, 10:30
I Hope Were Alive Inshalah

مهند عبد الرحمن
17-02-2007, 10:40
الله يحضرنا الزمن ده

sarona
17-02-2007, 11:22
الرهيب بالنسبة لي الان ان الصور ما فتحت

وبرغم قيامي ببعض المحاولات الفاشلة

صلاح يحيى سليمان
17-02-2007, 12:40
I Hope Were Alive Inshalah

ان شاء الله يا هستريا.....!
الف مرحب بيك معانا وحبابك عشرة.... ! ونتمنى ان تصير
من اعضأنا النشطين.....!
ارجوا منك استعمال الكى بورد العربى الموجود فى نافذة الكتابة
اذا كان ما عندك كى بورد عربى.....!
لغة المنتدى هى العربى.....وايه مشاركة بغير اللغة العربية تحزف...!
لكين انت لسع جديد علينا وشويه شويه حا تمر على كل لوائح المنتدى.
مرة تانى الف مرحب بيك.

مع تحياتى

صلاح يحيى سليمان
17-02-2007, 12:42
الله يحضرنا الزمن ده

ان شاء الله يارب.....ويدك الصحة والعافية.

مع تحياتى اخ مهند

صلاح يحيى سليمان
17-02-2007, 12:53
الرهيب بالنسبة لي الان ان الصور ما فتحت

وبرغم قيامي ببعض المحاولات الفاشلة

سارونا....حكاية جد بتغيظ....يعنى انتى تانى واحدة الصفحة
ما عاوزه تفتح ليها....والناس الباقين تفتح ليهم.....حقارة وله شنو؟؟؟؟؟
نسأل ناس الخبرة ....السبب يكون فى شنو؟؟؟؟؟؟
انا حملت الصور فى مركز تحميل الصور للمنتدى وهو مساحة مجانية
فى شركة لايكوس المعروفة.!!!!!!
هل سيرفر شركة لايكوس فى بعض الدول ممنوع؟؟؟؟؟؟؟
ارجوا الافادة لو فى زول عندو معلومة.....!!!!
تشكرى سارونا برغم الحاصل على المرور.....واوعدك حا تشوفى الصور...!
مع تحياتى

sarona
17-02-2007, 13:22
شكرا على المجهود المبذول سيادة المشرف العام

فتحت الان معاي الصور وشفت الخرطوم الجديدة

يااااااااااارب نعيش ونشوف سودانا بيعلى ويتقدم


ودايما بقول ( بلدنا أمان وناس حنان)

احمد يس
17-02-2007, 13:29
لكين الراكوبة وين

صلاح يحيى سليمان
17-02-2007, 13:45
شكرا على المجهود المبذول سيادة المشرف العام

فتحت الان معاي الصور وشفت الخرطوم الجديدة

يااااااااااارب نعيش ونشوف سودانا بيعلى ويتقدم


ودايما بقول ( بلدنا أمان وناس حنان)

الحمد لله ....كده يادوب ارتحته.....!
ما عاوزين تفرقه فى المنتدى.....!
ناس تشوف وناس ما تقدر تشوف.....!!!!
و يااااااااااارب نعيش ونشوف سودانا بيعلى ويتقدم

مع تحياتى

صلاح يحيى سليمان
17-02-2007, 13:54
لكين الراكوبة وين

اخوى احمد .....ده سؤال وله استفسار؟؟؟؟؟؟
طيب اكون معاك جاد....!
الرواكيب فى عام 2022 حاتكون من حكاوى الحبوبات والجدود
ذيك وذى كده......حا نقعد نلعلع حليل زمن الرقاد فى الرواكيب
تحت شجر النيم ( وطبعا نشرح ليهم شجر النيم كان شكلو كيف)
والهمبريب الطبيعى...مش تبريد مركزى...وسيراميك حافظ للبروده.
اواصل فى السرحة وله كفاى كده؟؟؟؟؟؟؟؟

مع تحياتى

احمد يس
17-02-2007, 14:00
الاخ صلاح
والله هو ما سؤال والا استفسار....................... دى دعوة لنا جميعا بأننا مع التقدم اللى بنتمناهو انشالله للسودان ....ما عايزين شبابنا ديل ينسوا تراثنا وعاداتنا ................
لكين فى 2022 ربنا يدينا طولة العمر ما ياهو الكرسى بالمخدات جنب الباب نشوف الرايح والجاى ... ويمروا علينا ناس ستيل وحزن السنين وصهيب وابراهيم ويقولوا لينا يا حاج انا فلان ما متذكرنى والا شنو...............

sweet lips
17-02-2007, 20:52
كلامك صحيح ياحزن الايام وانا معاك فى الكلام ده حنستنى كم سنه عشن ده كلو يتحقق المهم الكلام ده بالجد ولا كلام ساى بقولوا
الله يديك العافيه وفى انتظار المزيد ان شاء الله

صلاح يحيى سليمان
18-02-2007, 14:48
كلامك صحيح ياحزن الايام المهم الكلام ده بالجد ولا كلام ساى بقولوا


sweet lips يعنى بتفتكرى الصور دى هظار؟؟؟؟؟؟؟؟؟
الكلام ده جد ومليون جد.....!!!!
السودان عام 2022 حا يكون من الدول العظمى ال10 الاوائل
وبقولوا امريكا حا يحصل ليها انهيار ....يرجعهم لزمن الكاوبويات
وحا يعتمدوا على معونات الدول الغنية ذى السودان.....!!!
اواصل فى سرد الاسرار وله كفاكى؟؟؟؟
تشكرى على المرور....!
مع تحياتى

صلاح يحيى سليمان
18-02-2007, 14:56
الاخ صلاح
والله هو ما سؤال والا استفسار....................... دى دعوة لنا جميعا بأننا مع التقدم اللى بنتمناهو انشالله للسودان ....ما عايزين شبابنا ديل ينسوا تراثنا وعاداتنا ..................

ده كلام صاح.....كلو حاجه ولا ضياع التراث والاصل.
بس تعرف يا احمد انا فى صورة عامله لى قلق........!
صورة مركز برى التجارى...دى بالظبط ملتقطه من امام نادى الشرطة
يعنى تقريبا فى مكان مقابر برى الحالية........!!!!!

المقابر ودوها وين؟؟؟؟؟؟؟؟؟؟؟
اهلى كلهم مدفونين هناك؟؟؟؟؟؟؟؟؟

حبيبو
22-02-2007, 13:39
يخوانا انتو بتتكلمو جد ولا بطمنو في نفسكم
انا ما قصدى أحبط كم
لكن انحنا ما عندنا زول شغال لي بلدو
البقعد في الكرسي ده بس عليو بي رقبتو
الناس تكون جاده لانو ده الواقع والشىء الحاصل
ونكون واضحين وصريحين
الليله كميه العطاله الفي السودان قدر شنو الاغلبيه العظمى
شايلين شهاداتم ومالاقين ياكلو
ده كلو من شنو
انحنا هنا بنتكلم بي حريتنا وهسى لو طلعت بره وقلت الكلام ده بركبونى الطياره
وربنا يهدى ويصلح الحال وسودانا يبقى احسن من كده

abomomen
22-02-2007, 19:07
حاجة حلوة خالص و15 سنة قريبة لو ربنا حيانا
تشكر مشرقنا العام علي الصور الروعة

صلاح يحيى سليمان
22-02-2007, 20:21
يخوانا انتو بتتكلمو جد ولا بطمنو في نفسكم
انا ما قصدى أحبط كم
لكن انحنا ما عندنا زول شغال لي بلدو
البقعد في الكرسي ده بس عليو بي رقبتو
الناس تكون جاده لانو ده الواقع والشىء الحاصل
ونكون واضحين وصريحين
الليله كميه العطاله الفي السودان قدر شنو الاغلبيه العظمى
شايلين شهاداتم ومالاقين ياكلو
ده كلو من شنو
انحنا هنا بنتكلم بي حريتنا وهسى لو طلعت بره وقلت الكلام ده بركبونى الطياره
وربنا يهدى ويصلح الحال وسودانا يبقى احسن من كده

اخى حبيبو ....ياراجل خليك متفائل.....!
مداخلتك بتدى الانطباع انك عائش مرحلة من الاحباط
تجاه السودان......انت لسع جديد معانا....بعد كم اسبوع
حا نبرمجك......!
خلينا مع المشاركة دى نسرح شوية.....!
ده الهدف منها....!!!!! حتى لو ما مصدقه.....انت ما اول واحد.
خليك متابع معانا فى المشاركة وحا تشوف مفاجأة فى النهاية.

مع تحياتى

ابوبكر
01-03-2007, 12:41
ابشر يا مشرفنا الغالي
احمل ليك خبر انو هذه المشاريع
بدأ العمل فيها وجاري على قدم وساق
وانشاء الله تتم في فترة اقل من المدة المحددة

صلاح يحيى سليمان
04-03-2007, 16:07
ابشر اخوى ابو بكر.......!
ده الكلام......!
اخوانا ديل ما عاوزين يصدقوا ...!
ولو شافو صور بورتسودان 2022 حا يجنوا...!
( بالمناسبة بورتسودان حا تاخد جائزة اروع ميناء
فى العالم سنة 2018 ودى معلومة ناس كتيرة ما عارفاها)
معاى ...يا....ابوبكر....!!!!!! وله سرحته؟؟؟؟؟

مع تحياتى

sunni
05-03-2007, 06:04
العزيز صلاح،

زي ما قال بعض الإخوة، هناك بريزينتيشن قامت به الشركة التي وقع عليها عطاء التصميم (كما أعتقد)، بس للعلم والتصحيح أسمح لي أقول، إن الموقع ما ليه علاقة ببري (وخلينا ما نتعصب لمنطقتنا، وكلنا أولاد بري)، إنما الموقع هو في منطقة المقرن، ويضم من الملتقى وحتى بناية الفاتح الجديدة شرقا، وحتى بداية المنطقة الصناعية عن طريق شارع الغابة جنوباً، وممكن نتبين بعض المعالم زي ما ذكرت، وهي توتي، وكبري الفتيحاب وبناية الفاتح أو زي ما سمعت ليها بإسم جميل وهو (تشالنجر عاوز يقوم) وغيرها. والمتصفح لبرنامج غوغل إيرث، ممكن يشوف بدء معالم التكسير ومساواة الأرض ويظهر بشكل واضح الشكل البيضاوي على ضفة النيل الأبيض الشرقية وفي منطقة الغابة، وهو نواة نادي اليخوت.

ولكم تحياتي
السني أبوالعزائم أبوالريش

gehaif
05-03-2007, 06:30
العمل جاری علی قدم وساق بمنطقة المقرن التجاریة وهی المرحلة الاولی من المشروع وقد بدأت بعض من ملامح الابراج بالظهور فنحن نلاحظ یومیا فی طریقنا لأمدرمان تزاید الهیکل الحدیـدی لبرج بترودار وکذلک بدء وضوح معالم برج شرکة البترول الصیـنیـة کما وانه واضح للعیــان تمرحل العمل وانسیـابه بصورة منضبطة یـومیـا
المرحلة الثانیـة ستکون المناطق الترفیـهیـة (ملاعب جولف - حدائق ومنتزهات - نادی یخوت - شالیـهات) وستکون بمنطقة الغابة (باعتبارها من اهم المحمیـات الطبیـعیـة فی العالم)
اما المنطقة السکنیـة فسیـتزامن العمل بها مع المنطقة الترفیـهیـة (وستشمل المنطقة الصناعیـة واجزاء من الحلة الجدیـدة بعض تعویـض اصحابها)

بس ده کلام للمعلومیة والبجی منکم فی اجازة ما بعرف البلد واللللللللللللللللللللللللله

ousama
05-03-2007, 09:22
التمنى بلا ارادة نوع من احلام اليغظة. فاذا توفرت الأرادة فكل شيئ ممكن و الصين خير مثال فيلا نشد المئزر ونترك الأحقاد خلفنا لنبنى هذا البلد العظيم

Ousama

الدافعابى
05-03-2007, 11:35
نتمنى ان نشوف الخرطوم كذلك ، والارادة موجودة لأنو فى شغل ظاهر كما ُذكر ،،
بحبك ياوطنى .... الله يعليك

صلاح يحيى سليمان
05-03-2007, 11:35
العزيز صلاح،

بس للعلم والتصحيح أسمح لي أقول، إن الموقع ما ليه علاقة ببري (وخلينا ما نتعصب لمنطقتنا، وكلنا أولاد بري)، إنما الموقع هو في منطقة المقرن،

ولكم تحياتي
السني أبوالعزائم أبوالريش

الف مرحب بيك اخ السنى ....وطبعا دى مفاجأة رهيبة ان نتقابل فى هذا المنتدى بعد كل هذه السنين الطويلة واتمنى ان تكون رسالتى الخاصة قد وصلتك......وابشر يااخوى
ناس برى بقينا شلة فى المنتدى.
التحيز لم اود ان اوضحه فى الصور( فضحتنى) بس الواحد سرح....وما اجمل السرحان مع مثل هذه الاحلام الجميلة.....! برى او المقرن او الجريف......كلو واحد... اهم شئ......سودانا فوق.....!!!!!

مع تحياتى

صلاح يحيى سليمان
05-03-2007, 11:40
تشكر اخ gehaif على التوضيحات المهمة

مع تحياتى

صلاح يحيى سليمان
05-03-2007, 11:42
التمنى بلا ارادة نوع من احلام اليغظة. فاذا توفرت الأرادة فكل شيئ ممكن و الصين خير مثال فيلا نشد المئزر ونترك الأحقاد خلفنا لنبنى هذا البلد العظيم

Ousama

نقول يا رب.......وان شاء الله نعيش ونشوف احلامنا تتحقق.

مع تحياتى

صلاح يحيى سليمان
05-03-2007, 11:46
والله يا اخ الدافعابى الاخوان ما قصروا ....والمعلومات الوضحوها
تاكد صحة المشروع الضخم الذى بدأ التنفيز فيه.....نقول خير.....!
والناس اللسع ما مصدقه .....بكره حا تشوف بعيونه...!
تشكر اخى على المداخلة.

مع تحياتى

ودالدرديري
05-03-2007, 12:08
تشكر كتير كتير على المجهود الرائع يامشرفنا العزيز يديك الصحة والعافية
وحبيت اوضح ان مشروع مدينة السنط (المقرن سابقا) مشروع حقيقي وجنسيات المستثمرين من السودان والكويت والامارات وعلى ما أظن السعودية والله اعلم
وكثير من الاخوة العرب لهم علم بهذا المشروع وينتظرون فتح الاكتتاب لشراء حصصهم من الاسهم فيه حيث انه مشروع استثماري يسمح بالتملك او الايجار لمدة او لمدد طويلة للسودانيين والاجانب واكرر الاجانب لأن جميع من هم غير سودانيين يجب ان يعاملوا معاملة الاجنبي وخلونا من حكاية عرب وغيروا عشان نمشي لي قدام زي باقي الناس

صلاح يحيى سليمان
11-03-2007, 14:46
صدقت يا ود الدرديرى......اخير لينا بعد ده نتلفت لبلدنا......ومش نفتح للعرب وبس.....
لكل اعداء السودان فى الداخل كانوا او فى الخارج.....وانا بركز بشده على اعداء السودان
( من السودانين....!!!!)فى الخارج ... وهولاء فئة خبيثة ...فشلوا فى حياتهم واضاعوها غربة بدون
فائده ...واليوم كل همهم الانتقام من البلد لاسباب يوهمون بها انفسهم فقط....وانا
ادرى جيدا ما اقول واعيشه هنا فى اوربا......!
ود الدرديرى .....ما نخاف على بلدنا.....والله ماشه تمام التمام...وربنا يدينا فى العمر
ونشوف سودانا فى سلام وامان.....والباقى علينا....!

مع تحياتى

hamza
11-03-2007, 19:42
[حتى لو في الخيال دعونا نحلم ونشيل «®°·.¸.•°°·.¸¸.•°°·.¸.•°®»فال الامنيات «®°·.¸.•°°·.¸¸.•°°·.¸.•°®»..

Hashim
12-03-2007, 05:59
هل هذه الصور التي رايناها هي فعلا مدينة غابة السنط ام خيالنا يصور لنا هذا ؟ ارجو الاجابة

انا اميرة الورد
12-03-2007, 07:03
والله انا مش عارفه اقول ايه
اقول ان دا خيال ومستحيل
ولا اقول ايه

بس انا حقولكم حاجه
زمان في فيلسون يوناني
قال
لو استطعت ان اغير مهنتي
لكنت اخترت ان ابيع الأمل للبشر

وانا بتأمل وبعيش على امل ان يوم حشوف الصور دي حقيقه في بلدي
وحشوف احلى من كدا

وما حقول غير يارب


تحياتي
اميرة الورد

sunni
12-03-2007, 08:49
أهلا صلاح، وما عاوز أقول ياود حبوبتي ولا خالتي ولا عمتي ولا يا خالي ولا ولا ولا :040:
على العموم انا ما عاوز الخم الناس بأمور شخصية، وإن كان مفخرة لي انه المشرف العام تكون بينه وبيني لحمة قوية زي البيننا.

أنا من رأيي لو في مجال لتحميل البرزينتيشن كامل للعاوز يشوفه في الموقع، وأنا كمان عندي برضه البرزينتيشن بتاع مطار الخرطوم الجديد. وإن كان تنفيذ البريزينتيشن ما بالوضوح والجمال والدقة بتاعة مشروع السنط.
بالمناسبة، مشروع السنط عنده موقعة الخاص، وممكن الناس تشوف الصور في شكل محدث دائما، والموقع هو
http://www.alsunut.com

تحياتي

sunni
12-03-2007, 09:38
هل هذه الصور التي رايناها هي فعلا مدينة غابة السنط ام خيالنا يصور لنا هذا ؟ ارجو الاجابة

يا أخوانا والله عيب علينا، البيقرا الكلام ده بيقول إما نحن ما واثقين من نفسنا، أو مستكثرين الموضوع على بلدنا، مع انه انا بحكم إني سوداني أصيييييييل، فاهم كلامكم ده بيعني شنو، لكن أنا بقول (البيقرأ كلامكم). بالنسبة لكل السودانيين الإغتربوا بيكونوا قعدوا في خانة المتفرج أو المشجع، وقعدوا مع ناس غير سودانيين وإحتكوا بيهم، عشان كدة بيتضح ليهم عيوبنا نحن كسودانيين أكثر من العاش وإتربى في بلدنا الحبيب. وأنا في مشاركة قبل دي قلت لمشرفنا العام (يا صلاح خلينا من التعصب) وأنا أسه بقولها للكل، ما نخلي تعصبنا يبعدنا من النقد الذاتي البقودنا لإننا نعي ونعرف عيوبنا عشان نقدر نتخطاها ونمشي لقدام. وزي ما بيقولوا، الجمل ما بشوف عوجة رقبته.
يمكن الكلام المطروح ناتج عن الكم الهائل من الإحباط الحاصل، لكن نحن والله كفاءات ما ناقصين، بس ناقصين إيمان بي نفسنا أكثر (كشيء عملي) وينقصنا كمان وصف سيدنا على كرم الله وجهه للإيمان (ما وقر في القلب وصدقه العمل). فنحن بنعرف، لكن ما بنترجم معرفتنا لشيء عملي ملموس. أنا في رأيي انه نفتح موضوع جديد لمناقشة نقطة النقد الذاتي وعيب الشخصية السودانية. ومتأكد انه في كتيرييييين شايلين في بطنهم.

في النهاية العاوز أقوله، انه لو في واحد عندي خلاف معاه سواء أكان فكري، سياسي، أيدلوجي أو أو أو، لو قام عمل حاجة أنا بشوف انه الناس بتستفيد منها، والله بخت يدي في يده، لأنه في النهاية المستفيد هو وطن الجدود.

تحياتي

majdi hyder
13-03-2007, 00:56
حاجة تجنن يعني ما وريتونا الششقق دي حا تكون تمليك ولا ايجار وبعدين حكوميه ولا استثمار عشان الواحد يعمل حسابو من هسع وكان تمليك النقدم ليها علي قرض
ولييييييييييييييييييييي قدام

Ali al7alfawi
21-03-2007, 10:48
ده يسمى بمشروع السنط
ومخططه هو السيد أسامة داؤد
ربنا يخلي قريبي علشان يصلح بلدي

ودالدرديري
21-03-2007, 11:21
ده يسمى بمشروع السنط
ومخططه هو السيد أسامة داؤد
ربنا يخلي قريبي علشان يصلح بلدي

وانا معاك ياحلفاوي ربنا يخلي قريبك ويديهو العافية وكل امثالو من الحادبين على مصلحة البلد والقاعدين يستثمروا اموالهم بالداخل - ومابعتبروها مجازفة غير مضمونة النتائج - لانو قرار الاستثماربالداخل يحتاج الى شجاعة ورجالة عديل كدا وأهو الرجال ظهروا وقولو واحد




و.....الباقي على الله

Ali al7alfawi
22-03-2007, 13:17
ود الدرديري
تعرف والله إرتحت ليك لله في لله
وشعرك الكاتبو بالأحمر ده عجبني شديد
ونصيحة فرده لي فرده لو إعتبرتني فردتك
زح بعيد من البت العيونا عاملة زي بحر برمودا
لأنو على حسب تنظيرات الفلاسفة البزنطينين والفلاسفة الفلاتة
إنو بحر برمودا ده عميق وبيخفي السفن وإنت سفينة فإياك وتايتنك
ونقول إتنين وربنا يكتر من المغتربين التفاتيح علشان يفتحوا لينا بلدنا دي

شات 77
22-03-2007, 16:50
هذا هو طموحنا للسودان الجديد سودان العزة والنهوض
واتمني ان يواكب التحضر البنياني يواكبة تحضر انساني
حتي يكون الاساس قوي لا يهتز امام الاعاصير التي تاتي
لتهز السفن؟

صاحبة الحرف العنيد
28-03-2007, 19:40
سلم يا المشرف العام على الصور اللي بترفع من روحك المعنوية شويه
انا اول ما شفت الصور قلت دي الخرطوم ولا دبي
وبعدين بعد كم سنة؟؟؟15 !!! ما أظن 15 دي حتقبى كدى بعد 30 سنة
واتمنى اعيش وأشوف عشان الحره اللي في نفسي تهمد
تقبل تحياتي

hesham aljamrey
17-04-2007, 16:42
الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين
هذا الكلام ليس أحلام بل أهداف موضوعه وتحت التنفيذ بخطط حثيثه
الأن في زيارتي الأخيرة للوطن رايت ملامح الطريق الدائري وفي زيارتي 2004م كنت أراءه حلم والآن على أرض الواقع بالبحر وأبورؤف والقمائر والثورات خروج بأمبدات وأبوسعد والكبري الجديد وأيت كبرى توتي الذي كان في الأحلام وشركة توتي للإستثمار التى سوف تجعل من توتي لؤلؤة النيل
ورأيت مركز عفراء التجاري الذي يضاهي المجمعات التجارية الضخمة حيث يتفرد عليها بقاعة الأعراس وقاعة العرض وغيرها .
وقد علمت من أحد الأخوة بأنهم سوف يستفيدون من النيل حيث هذه الوزارات العتيقة والسكنات العسكرية وسوف تنقل من مواقعها .
من النعم على السودان يبدأ الآن من حيث أنتهت التقنية والتكنلوجيا فأنظروا إلى التطور الذي حدث في علم الأتصالات ( موباتيل سوداتيل - اريبه - سوداني _ كنار الخ .....
محتاجين لمزيد من الأستقرار وإيقاف هذه الحروب الأهلية .. وإن شاء الله نرى الخرطوم أجمل من ذلك

عفراء
18-04-2007, 22:31
دا منانا والله نتمنى بلدنا تبقى جميلة بس قولو يارب

معتز
18-04-2007, 23:05
تسلم يا مشرفنا على الصور الجميلة دى وانشاء الله بلدنا تكون زى كدا واحسن من كدا يارب ادعو معاى من قلوبكم بس

صلاح يحيى سليمان
18-04-2007, 23:45
لكل الاخوة والاخوات المتشككين فى الموضوع.......الكلام ده مش حا يتم فى 2022 وانما فى عام 2012
حسب التقديرات الاخيرة...يعنى اتخيلوا الخرطوم بعد 5 سنوات حا تكون كيف....الحقيقة التانية ودى انا كنت ناوى اذكره فى نهاية المشاركة وهو رابط الشركة القائمة بجزء كبير من هذا المشروع الضخم..ولكن
اخونا السنى مشكور ...ذكر اسم رابط الشركة فى رد من ردوده على المشاركة .
ود رابط موقع الشركة لكل من يحب الدخول اليه ويشاهد تلك الحقائق.

http://www.alsunut.com/

:Sudan: :Sudan: :Sudan:

مع تحياتى

ام ريتاج
19-04-2007, 00:08
انشااااء الله السودااان يكون كدة واحلى واكيد احلى ما تنسوا جماااال الطبيعة من مياااه وغااااباات وجباااااال وتربه خصبه (يعني مويه عذبه وخضااار وفوااااكه وحليب ولحووم فريش ) كلها انتاج محلي . وحتى العمراااان امشوااااا شوفواا السوداااان في السنتين الفاتو ما حتعرفوه والله اهلي مؤجرين شقه ما اقل من شققنا دي وكل البنااااا الجديد بالمستوى دا .وعلى فكره شوية عاااائداااات بترول ونبقى في القمة والعبرة بالغير والمقارنة بين سودانا وهؤلاء ظلم.

نورا
22-04-2007, 21:23
المشكله البنايات عاليه فوق
ونفسيات الناس
تحت في الأرض
وين التقدم ده
والإزدهار

ثانكس

صلاح يحيى سليمان
23-04-2007, 00:47
انشااااء الله السودااان يكون كدة واحلى واكيد احلى ما تنسوا جماااال الطبيعة من مياااه وغااااباات وجباااااال وتربه خصبه (يعني مويه عذبه وخضااار وفوااااكه وحليب ولحووم فريش ) كلها انتاج محلي . وحتى العمراااان امشوااااا شوفواا السوداااان في السنتين الفاتو ما حتعرفوه والله اهلي مؤجرين شقه ما اقل من شققنا دي وكل البنااااا الجديد بالمستوى دا .وعلى فكره شوية عاااائداااات بترول ونبقى في القمة والعبرة بالغير والمقارنة بين سودانا وهؤلاء ظلم.

الاخت ام ريتاج....صدقتى فى كلامك...مع شوية امان واستقرار...وهدوء سياسى ...بلدنا كاسحة باذن
الله...وعليكم الله احنا امريكا معاديانا ليه؟؟؟؟؟؟ فكروا كويس.....الخير الموجود فى السودان كتير...وامريكا
من اكثر الدول التى ضرت سياساتها مع السودان فى استثمار الشركات الامريكية وعلى راسها شركات
البترول .....خير يا اهلنا الغبش......خير لاهلنا الطيبين.

:Sudan: :Sudan:

مع تحياتى

صلاح يحيى سليمان
23-04-2007, 00:48
المشكله البنايات عاليه فوق
ونفسيات الناس
تحت في الأرض
وين التقدم ده
والإزدهار

ثانكس

اصبرى شوية يا نورا.....الخير جاى وان شاء الله اكتر.

مع تحياتى

عاشقة محمود عبد العزيز
23-04-2007, 09:28
و الله نتمنى لي وطنا الحبيب كل التقدم والازدهار

واحنا محبين لي وطنا بي ترابه ونيله وان شاء الله باذدهاره

وربنا يحقق الأمنيات

صلاح يحيى سليمان
24-04-2007, 10:17
و الله نتمنى لي وطنا الحبيب كل التقدم والازدهار

واحنا محبين لي وطنا بي ترابه ونيله وان شاء الله باذدهاره

وربنا يحقق الأمنيات


قريب ان شاء الله....تشكرى عاشقة محمود....!

مع تحياتى

الزعيمة ذات العزيمة
15-06-2008, 20:32
ماشاء الله و لا أحلى

الله اجعله حقيقة لا حلما جميلا

flower
15-06-2008, 22:06
يارب إحنا محتاجين عونك يارب لا تحرمنا
بالتأكيد دا مستقبل السودان ، أنا بأكد دا الكلام ماناقلاه والله انا عيدت العيد الفات في السودان وبالتحديد في بورسودان فشوفت البلد بتشهد نهضة عمرانية ومدنية ملحوظة وأقدر أقول إنها اتقدمت شوية من خط البداية وقلت ليهم على دا الاجتهاد الانتو شغالين فيهو أنا بقول ليكم إنو 2010 حتكونو بورسودان مدينة سياحية زي ما سمعنا أهالينا قالو كانت مدينة سياحية ،،بسسسسسسسسسسسسسسسسس أيه؟
في حالت إنو الكل خدم للبلد بإخلاص فبعد دا العنصر الأساسي أنا متأكدة من النجاح للوطن الغالي.

وطني شريف
17-06-2008, 00:31
كلام جميل واحلام جميله
ممكن تتحقق
بس يعم الامن والسلام
وحيكون اجمل من كده
بس التطور ما عمران وبس في عوامل تانيه كتير من ثقافه وادب وفن وتكنولوجيا

أبو أحمد
17-06-2008, 10:00
والله يا أبو صلاح صور جميلة جداً
ربنا يدينا طول العمر عشان نفرح
بيها مع أولادنا.

wy wy
18-06-2008, 19:24
مشكوررررررررررررررررررررر ويسلموووووووووووووووووو

صالح الفايدابي
19-06-2008, 12:22
[ دا ما كتير علينا والله دي فعلا صورة السودا ن والخرطوم في نظري 0000 بس احب اثني علي القال انو يجب معاملة كل من هو غير سوداني علي انه اجنبي وازيد علي كلامه انه بالذات العرب يجب ان يعاملو ا علي انهم اجانب وخلونا من الطيبة المضيعانة في بلاد الغربة 00



ˆ° ][`~*¤!||!¤*~`][ تقبلوا خالص تحياتي][`~*¤!||!¤*~`][[

برنس السودان
22-06-2008, 13:20
لو دي كانت صور الخرطوم ما كان في زرل سابه من زمان .
http://anasudani.net/php/pic/samp21106d416a46c833.jpg

دحدوح المريخابى
23-06-2008, 14:50
واللة نتمنى كل الخير لى بلدنا
وانشاء اللة تكون كدا واحسن كمان
ومشكور على المتابعة

ضحكة بشر
03-07-2008, 04:31
ياريت ياريت يااااااااااااااااااااااااااريت
الله يحيينا ونلاقي السودان بقة كدة

حلوة بس فقيرة
04-07-2008, 14:07
وووووووووووووووووووووووووووووو ووووووووووووووواو صور فظيعة بس يا تري ده ]حيتحقق متين سنة كم بمعني اصح[/color]

رهام الحضري
15-07-2008, 10:41
والله شكلو دة السودان بعد ماننقرض ياريتو يحصل فعلا مافي شئ بعيد على الله
يسلموووووووووووووووووووووووووو و

كجنكة
19-07-2008, 19:20
السلام عليكم ـ،،

صور رائعة جدا جدا ..

تخريمة :

الناس ديل لو بستقلوا الرسوم والجبايات
البشيلها صاح يبقى سنة 2022 كتيرة
خليها 2012 كدة مناسبة ..

شكرا على الصور وتقبل مرورى ..

فتى السقاي
22-07-2008, 07:18
شكرا على الصور وربنا يتقبل دعائكم عشان نرجع لي السودان ونرتاح من البلد دي شكرا تاني مرة.

ابوبكر
24-07-2008, 07:01
الحقيقة الصور دي لي مجسم مدينة السنط السياحية والتي تملكها مجموعة دال الصناعية ويتم إنشاها حالياً بمنطقة المقرن حيث تمت اعمال الردم والتأسيس وانتهت البرج الول بالتقريب وبدوأ في إنشاء البرج الثاني بالقرب من فندق هيلتون الخرطوم

الدافعابى
24-07-2008, 08:11
المهم يكون بلدنا جميلة ....
وقبل جمال البلد محتاجين جمال النفوس .....

صلاح يحيى سليمان
26-07-2008, 14:43
الحقيقة الصور دي لي مجسم مدينة السنط السياحية والتي تملكها مجموعة دال الصناعية ويتم إنشاها حالياً بمنطقة المقرن حيث تمت اعمال الردم والتأسيس وانتهت البرج الول بالتقريب وبدوأ في إنشاء البرج الثاني بالقرب من فندق هيلتون الخرطوم


ابوبكر ..كيف احوالك؟؟؟؟
تعرف واحنا بنتناقش فى المشاركة دى ...وذى ما ذكرت بدت فعلا ملامح مدينة السنط تظهر.
لكل الاخوة الاعضاء المتداخلين ..كم نتمنى ان نرى بلدنا فى السنين القليلة القادمة فى مطلع الدول.
وان يستمر هذا العمران وبهذا الحماس الذى نراه الان ونعايشه.

وسودانا فوق ...:Sudan: :Sudan:

القحطاني545
10-09-2008, 13:51
انشا الله عن قريب نشوف السودان زي ماليزيا ليه لا السودان يتمتع بالمناظر الجميلة والخضرة والماء والحسن والجمال هي مقومات العمارة الحديثة

اروع ابتسامه
10-09-2008, 14:13
شكرا روووووووعه

هنو
10-09-2008, 14:21
صورررررررررررروعة يسلمو مزيد من الابداع

المحسي الاصيل
22-09-2008, 17:03
انشاء الله

aliman62
22-09-2008, 20:48
صور رائعة وربنا يطول عمرنا ونشوف السودان في مقدمة الدول الأفريقية والعربية

hdma
22-09-2008, 23:55
ماشااء الله ..
ياسلالالالالالالالالام ..
لو تبقى الخرطووم كذا ..
ان شاء الله حتبقى قرييب زي كذا ..

ملك
23-09-2008, 23:44
ان شاء الله دايما في تقدم .....

الدلوعة شيراز
09-10-2008, 04:10
مشكور يا مشرفنا على
الصور اعذرنا اذا ما صدقنا
ان السودان بقت بالصورة دي
انشاءالله الله يحيينا لل15 سنة
الجاية ونشوف التعمير كمان وكمان
لكن تعمير بلا تلوث
تقبل مروري...

فاروق الخالدى
10-10-2008, 06:21
صدقونى دا مابعيد لانه السودانيين هم الذين بنوا الاهرامات وبنوا دول الخليج بتخطيطهم وبعلمهم اما الفلوس فلو صدقنا النية فى البنية التحتية فصيصبح الحلم حقيقة فالسودان ملى بكل كنوز الارض

فاروق الخالدى
10-10-2008, 06:30
:Sudan: :076:صو رهيبة وياهو دا السودان البنتمناه وربنايبارك لنا فيه

آخر العنقود
10-10-2008, 10:44
.. ان شاء الله ربنا يدينا طولـــة العمر ونعايش الرووعة دي ..

.. وبعدين 15 سنة ما بعيدة شديــــــد ..

.. إيــد على إيــد بتجدع بعيــــــد ..

.. وطالما في أمل وإرادة قوووية حيجي يومــ والحلمــ يبقى واااقع وحقيقة ..



.............................. ..................
.. وزي ما قالت شيرين عبد الوهااب ..

.. غالية بلدنا علينا .. وهتفضل في عنينا .. ومدامــ بنحب بلدنا يبقى هتتغير بإدينا ..
.. إحنا اللي نعليها .. بإدينا نخليها .. أجمل لينا ولولادنا مهما العمر يعدي عليها ^^
.............................. .............



.. فوووق فووووق سودانـــــا فووووق ..

.. وان شاء الله داايمن في العلالــي .. يا .. ** أحلــــى بلـــــــــد **

ابوداود
10-10-2008, 11:02
مشكووووووووووووووووووووووووووو ووووووووووووووووووور
انشاء الله تكون احلي من كده

منال بلال محمد
15-10-2008, 20:29
عاينو انا مشاركة جديده انتو بتحلموا ولا دي صحيح الخرطوم عاوزه زول يصحيني عشان خايفه اكون بحلم تكوووووووووووووووووووووووووووو وون مصيييييييييييييييييييييييييييي ييييييييييبه

Akon_Nelly
07-11-2008, 11:03
مشكورررررررر يا مشرف العام بس ديه متهيقلى دبى ...شكرا ليك و على الصور

سحر محمد
08-11-2008, 15:54
مشكوووور مشرفنا الرائع على

صور رائعة وممتازه

يا رب السودان تبقي فى تقدام دائم

مع خالص تحياتى

المقدام
11-11-2008, 15:35
يارب ان شاء الله يكون حقيقه ما صور وبس

كابو
11-11-2008, 19:31
كل شئ ممكن ان يتحقق لو صدقنا في الوعد

واتمني ان يتحقق الحلم قبل هذا الاوان

شكرا عمنا صلاح

sweetmemories
15-11-2008, 08:09
شكرا ايها المشرف على هذه الصور الرائعة ونتمنى حقا ان يكون السودان بهذا الشكل يوماً ما مع اني عاشقة للسودان حتى النخاع واي شكلٍ كان فالسودان هو ارض العطاء الذي لا ينضب معينه فأنا لا استطيع ان اعبر بحبي لهذا الوطن الغالي مهما قلت، ولكن اتساءل هل في العمر بقية حتى نراه بهذه الصورة او حتى هل سأراه بصورته هذه؟ فأنا جد مشتاقة مشتاقة لأرض السودان العامرة بأهلها الطيبيين اتمنى ان اعود للسودان والوطن الجميل الذي عشت فيه اجمل سنوات عمري مع أبي أامي ولن اعيش مثل هذه السنين مرة أخرى فالذكريات السعيدة لن تعود ثانية ولكن يكفي ان نتشنق عبيرها من نسمات وطننا الحبيب .وشكرا لأنكم منحتموني هذه الفرصة كي أعبر عما تجيش به دواخلي واتمنى ألا اكون ثرثارة مع انها اول مداخلة لي مع تحياتي .......
Sweetmemries

سحر محمد
18-11-2008, 23:50
المشرف الرائع الاستاذ صلاح

مشكووووور على الصور الجميلة ورائعه

ان شاء الله السودان فى ازدهار

السودان هي ارض المحبه والعطاء

يكفي طيبت شعبها وقلبهم الجميل

مشكووووور مشرفنا العزيز

بكري البدوي
23-11-2008, 07:01
** سئل الكمبيوتر عن مستقبل السودان بعد مائة عام ؟
**فقال بان السودان سوف يصبح ملك الارض !!!
**قيل وكيف ذلك ؟
**قال جميع سكان الكرة الارضية سوف يرحلون الي المريخ

بوح القوافي
23-11-2008, 08:06
[السلام عليكم ورحمة الله وبركاته
يارب تتحقق ونشوف بلدنا بالصورة دي وما يبقي حلم خدو الغراب وطار
ومشكور علي الصورة الحللوة دي اللي وضعتها لسودانا الحبيب

وهج الحب
01-12-2008, 16:55
والله العظيم انا اتخلعت


لاكين لودى الخرطوم سنه 2022



حتكون مافاضية لى دبى زاتو



احسن الناس البرا ديل يجو


انا عمرى 18


لحد الزمن دى انا اكون بقيت

32 سنة


كان الله طول فى عمرنا

هديل الحب
03-12-2008, 08:21
اتمنى انو يتحقق الحلم دا وما يكون رسم وكلام كتير كالعادة
ومشكور على الصور

وليد العسلاوى
11-12-2008, 13:01
من خشمك لباب السماء يابوصلاح ولا مستحيل تحت الشمس لكن ما كنت تمشى على الشماليه شويه بس عشان نشوفها سنة2022 بقت كيف

أبو أحمد
12-12-2008, 17:21
والله ما شاء الله

HAPPY GIRL
12-12-2008, 18:11
والله الله يحينا لسنة 2022
ونشوف الحاجات دي
الله حاااجة حتبقى السوداننن ولا اوروبا هههههههههههههههههههههههههههه
مشكوووور اخوي على الموضوع والامل الكبير في السودان هههههههههههههه
اتمنى تتقبل مروري

$Big boss$
12-12-2008, 21:48
بسم الله الرحمن الرحيم
الله يحينيا يا رب ويحضرنا لما تبقى كده
تسلم على الموضوع

sma7a
12-12-2008, 22:59
ان شاء الله يارب نشوف السودان كدا ربنا يحينا لحدى الزمن دا
بس فعلا مشروع المقرن جارى التنفيذ ممكن يخلص قريب 7 سنه كدا تقريا
وشكرا ياعمو صلاح
دمت بخير
تحيانى

ساردية
13-12-2008, 22:12
السلام عليكم ورحمة الله وبركاته


اخي الغالي ...... ليس من المستحيلات ان يتحقق هذا الامل ......

بس لو كان للناس طموحات
و قدًروا المسؤولية

وكلو بيد الله

تقبلوا خالص تحياتي
أخوكم ساردية - عبدالعظيم

محمدالامين على الجريفابى
09-01-2009, 16:43
الله يطمنك يا دكتور ويا ما فى الجراب يا حاوى .
كل هزا بالاضافة الى ملتقىالنيلين الزى يلبس حلة زاهية بمواصفات لاتقل عن تلك التى رايناها لبرى وهنالك مدينة القولف التى يجرى العمل فيها على قدم وساق وهى شراكة بين وزارة التخطيط العمرانى وشركات دال (اسامة داؤود )غرب مستشفى سوبا الجامعى وشاطئ النيل الازرق من الجريفين غرب وشرق وشاطئ النيل الابيض من ناحية الفتيحاب والغابة ومطار الخرطومالجديد والمدن المحورية والطرق الدائرية والانفاق والكبارى الطائرة والمعلقة بين الحرطوم وتوتى وتوتى وبحرى .
ادامها الله نعمة واسعد بها البلاد والعباد

ام رهف
12-01-2009, 15:41
ربنا يحقق الاماني يارب
السودلن يستاهل كل خير

mohamed kamal
14-01-2009, 09:14
السلام عليكم ورحمة الله وبركاته
اناmohamed kamalعاوز اقول اني سعيد جدأجدأ ءاني اشتركت معاكم وكل سنة وانتم طيبين بمناسبت السنة الجديدة وعاوز اشكر المشرف العام على ترحيبوبي وءانشاء الله استفيد منكم وتستفيدو مني

mohamed kamal
14-01-2009, 09:17
اوكل الناس قالة ءانشأالله .....حيبقة كدة

محمد حيدر
21-01-2009, 12:46
00008B]بسم اللة الواحد الاحد السلام عليكم ورحمة اللة وبركاتة وبعد فى الحقيقة انا سعيد جدا جدا بالمشاركة معكم واقول انشاء اللة سنة حلوة علينا وعليكم وتعود علينا وياكم بالخير والبركة والشكر كل الشكر للمشرف العام ونشاء اللة تستفيدو منى واستفيد منكم
اما بالنسبة لصورة الخرطوم 2022ليس هنالك شئ مستحيل ازا اتفالنا خير وشدينا حيلنا
سوف يبقى السودان جنة اللة فى الارض زى ماقال الملك فهد رحمة اللة
واللة الموفق[/size]^&)§¤°^°§°^°¤§(&^

محمد حيدر
21-01-2009, 12:52
بسم الله الرحمن الرحيم
«®°·.¸.•°°·.¸¸.•°°·.¸.•°®»نتمن ى زلك عشان نرجع لاهلنا«®°·.¸.•°°·.¸¸.•°°·.¸.•° ®»

رومنسي ومنسي
22-01-2009, 17:04
ياترى حنعيش للوقت دااااك


يديك الف عافيه على المجهود الحلو ده


اخوك رومنسي

bitadlan
11-02-2009, 10:26
حقيقه صور جميله وعلى قول الاخ مع التفاؤل ( وشوية سرحه ) والله شكلها دايره ليها سرحه كبيره شويه انشاء الله تتحقق

إيريل
11-02-2009, 10:33
شكراً على الصور الحلوه

نور الشمس
11-02-2009, 12:09
المشرف العام

مشكور على صورك الرائعة للخرطوم عام 2022 وهي فعلا قمة في الجمال والفن العماري ... سملت يداك والله يعطيك العافية ولك تحياتي.

عابده مرغنى عبدالله
11-02-2009, 14:03
صور رووعه ياريت السودان يكون كم كده
لكن دايرين كم سنه عشان نحقق ده كلو

ابوحمودى
11-02-2009, 15:50
بلدنا بحالتة الراهنة دى شايفة احلى بلد لو الصور دى نفزت مالك يامع تحياتى ابوحمودى

patshe
21-09-2009, 06:39
الأستاذ:صلاح
السودان عشان تبقى كدة داير ليها مش لحدي 2022
السودان لحدي 3022لسع ماحتكون وصلت كده


وتقبل مروري

ملاك الورد
21-09-2009, 23:59
صور جميله
و إن شاء الله يكون السودان كده وحلى من كده كمان

فــتى الفلامنكو
22-09-2009, 21:56
والله إن شاء الله متمنيييين السودان يكوووون في العلالي


يا سلة غذاء العالم

BAD BOY
23-09-2009, 09:17
:064: سنظل نحلم وننتظر الي ان يتحقق الحلم:001::001::001:

:040: تقبل مروري اخي الاستاذ صلاح

بشوره الأموره
23-09-2009, 09:43
لعل الحلم يتحقق يوما"

ريهام
10-10-2009, 18:58
روعة أتمني للسودان دوام الصحة والعافية وأتمني
أنو السودان تكون دايماً حلوة وجميلة وشكراً
علي الطرح

القلب الملك
10-10-2009, 19:15
يعني بعد 13 سنة ،،، ما بعيدة للبعيش ،،، دحين دا ما برج القلب الملك :040:


ربنا يحقق الاحلام ،،، ويجعل لبلدنا استقرارا وازدهارا ،،،

مها
11-10-2009, 15:53
بتمنى اشوف الخرطوم اجمل واروع من كده
لكن هل ده ممكن ؟؟

Adsense Management by Losha