مشاهدة النسخة كاملة : اغنية مخلة بالآداب العامة


ماضي أبوالعزائم
02-02-2009, 01:01
(‏ ‏بما انها المساهمة الاولى بالجد ما عرفت انزلها فى اى منتدى-أقبلوها على علاتها)

اشتهرت على مرحلتين أولا عبر برنامج "ربوع السودان" للفنان ‏آدم شاش، ثم فى التسعينات عبر فرقة عقد الجلاد، و قد اعجبت ‏بها فى المرحلتين و كنت ارددها دائما:‏
‏ يابنية سوى الجبنة
‏ فى ضل الضحاويا‏
‏ فنجان جبنة بى شمالو
‏ يسوى الدنيا بى مالو‏

و أجتر فى مخيلتى الإيقاع البيجاوى و اللهجة البيجاويه ‏المميزتين.‏
‏ حدث و أن إنتقلت الى مدينة بورتسودان للعمل هناك . ‏
و الملفت فى هذه المدينة أنها لا تشابه اى مدينة اخرى فى ‏السودان خاصة من حيث التمازج الإثنى و الأزياء المميزة للرجال و ‏النساء على حد سواء. و لما كنت مغرم بالجبنة ذلك المشروب ‏الذى يعشقه أهل الشرق، لاحظت أن كل بائعى الجبنة من ‏قبيلة العرب"الهدندوه" من الرجال و لن أجد بائعة جبنة واحدة من ‏نساء هذه القبيله بالرغم من إنهن يبعن كل شئ حتى "التنباك" ‏و هن مفترشات الارض، ظل التساؤل يدور فى رأسى و ‏بشدة..لماذا؟؟!!‏
إلى ان وجدت الاجابة بين ثنايا كتيب صغير لكاتبنا الكبير ضرار ‏صالح ضرار بعنوان "تاريخ سواكن" و عبر سرد تاريخى لأحد ‏أبطال الشرق أدهشنى تجاهل كتب تاريخ السودان لذكره خاصة ‏فى التوثيق للفتره المهدية، و ملخصها أنه قبل الفترة المهدية ‏كان يعيش فى المنطقة الواقعه حول سواكن فارس "همباتى" ‏يدعى "حمدين عيساى" كان مشهورا و مهابا و محبوبا، لايستقر ‏فى مكان واحد فجمله مسرج دائما و سيفه على الكتف، وعند ‏وصوله ذات مرة إلى مرابط قبيلتة خرجت كل القبيلة لاستقباله ‏كبطل و فى مقدمتهم الفتيات بالزغاريد إلا أحد شبان القبيلة ‏اشتهر بتمشيط شعره "بالودك" و العزف على "الربابه"، ‏فاستفزته بنت عمه بهذه الصفة و قارنت بين ربابته و سيف ‏حمدين عيساى .‏
‏ قرر أن يستفز حمدين عيساى بشكل لا يترك له خيار سوى ‏قبول مبارزتة، فذهب إلى خيمة "صديقة" حمدين عيساى الواقعة ‏فى أطراف المضارب وطلب منها أن تصنع له جبنة، و استلقى ‏‏"خارج" الخيمة، كان هذا قمة الاستفزاز الذى لا يقبله اى بيجاوى ‏‏"هدندوى".‏
‏ إختصار الرواية تبارز البطلان من الصبح و حتى الظهر و لم يفز أى ‏منهما مما جعل حمدين عيساى يعقد صلحا مع هذا الشاب(لا ‏أذكر إسمة حاليا لعدم توفر المرجع لدى الآن) فكونا ثنائى صال و ‏جال فى بوادى البجه إلى ان انضما إلى عثمان دقنة و كانا عماد ‏و قواد جيشة.‏
‏ كان إستغرابى عظيما لحدثين هامين:-‏
‏ أولا: لماذا تجاهل كتاب التاريخ دور هذين البطلين خاصة و ‏انهما لم يستسلما بعد اعتقال عثمان دقنة.‏
‏ ثانيا: ما قيمة طلب فنجان جبنة من هدندوية الشئ الذى ‏جعل فارس معروف و مهاب مثل حمدين عيساى يقبل مبارزة ‏شاب مغمور و مشهود له بلين العريكة.‏
‏ ذهبت الى أحد اصدقائى الهدندوه فى منزله و سألته..هل ‏صحيح إذا طلبت من بيجاوية جبنة كأنو طلبتها فى ‏نفسها؟؟ فرد بسرعة و بدون تفكير..مش كأنو ..دا إنت ‏طلبتها فى نفسها عدييييل.‏
‏ سويها
‏ الجبنة التسويها‏
‏ حالف ما بخليها‏

يا فجورك يا آدم شاش، "حسب الإرث الثقافى البيجاوى".‏
أم للجنة النصوص رأى آخر.‏
‏ ‏

sunni
02-02-2009, 08:55
العزيز ماضي،،
كتير من القصائد والتراث الشعبي له أجندة خفية لما نتعمق فيه،، وأعتقد انه ده واحد من الأدلة،، ولكن السؤال هنا،، هل لهذه القصيدة فصة معينة قد تغير المفهوم والمقصد المباشر لها قياسا لهذه العادات التي ذكرت؟ أم هو فجور من آدم شاش زي ما ذكرت. وهناك بعض التساؤلات
1. ماهو البابور الحربي الحامل للقوات العسكرية (أكيد يقصد سفينة في البحر) الماشي طوالي؟
2. ما المقصود باللوري في القصيدة؟

ولي معك عودة ،، ويديك العافية على الموضوع الجميل
بس ما ظلمت موضوعك بي عنوانه؟

حموودى
02-02-2009, 10:32
قبائل الشرق بصفة عامة لها قوانين واعراف وتقاليد غريبة جدا
ومخيفه في بعض الاحيان


ومن ما أذكر فانك لا يحق لك ان تقول اسم الام او (أمك كيف؟)

المرأة تعمل أكثر من الرجل - تحركات المرأة والرجل في الخلا تتم بطقوس معينه وكل له وقته وأولويته في سلوك أي الطرق


ما يهمنا الان هو القصيده والاغنيه الرائعه جدا جدا الجبنه


طبعا اول ماقرأت الموضوع عن الجبنه اردت أن اربطه بالعنوان
قتخيلت انك تتحدث عن (جبنه حلوه حبشية)


عقد الجلاد علي مر الزمن تأتينا بالدرر لحنا وكلمات
عام 1998 كنت في زيارة لمدينة سواكن وأقمنا ليلة ثقافيه هناك وكنت المشرف الثقافي
و(فنان الحفله) وتغنيت بي فارس الحوبه - العلم ممحوق -انا امدرمان - كاسلا كاسلا
وكانت المطالبات تنهال علي للتغني بأولاد المدارس وياليله ليلك جنه و حاجه امنه

وعندها عازف الايقاع قال لي واحد ادروب صاحبو
حانغني ليكم سوي الجبنه - قام ادروب قال ليو بلغه سواكنيه جميله
لا اله الا الله انته داير مشكلات ولا شونو؟؟؟؟



طبعا مافهمنا هو قاصد شنو لكن فكرته فيها كتير وماعرفته


لكن بعد ده الواحد يمشي يتأكد من أصل وسبب ومفردات ومغزي هزه الاغنيه



تخريمات كده:
نورتنا جدا جدا بموضوعك الشيق وحللت أهلا ونزلت سهلا
وموضوعك أصاب وجهته وانتم أهل الخبره ونحن في محرابكم تلاميييييييذ

.

ماضي أبوالعزائم
02-02-2009, 13:05
بس ما ظلمت موضوعك بي عنوانه؟
السنى سلام
لو كان طلب فنجان جبنة من بيجاوية يحمل كل هذة المعانى فما قولك فى
الجبنة التسويها حالف ما بخليها
عفصت على اقتباس لكن كانا يا عمر لا رحنا ولا جينا

ماضي أبوالعزائم
02-02-2009, 13:16
حمودى حبابك
ومن ما أذكر فانك لا يحق لك ان تقول اسم الام او (أمك كيف؟)
المرأة تعمل أكثر من الرجل - تحركات المرأة والرجل في الخلا تتم بطقوس معينه وكل له وقته وأولويته في سلوك أي الطرق

دة بقودنى لبوست كنت نزلتة فى موقع آخر بعنوان (العادات السودانية و الاثر الوثنى)
وقوفك و تاملك فى رد البيجاوى صحيح... سكنت بورتسودان لمدة 10 سنوات و لم اسمع هذه الاغنية فى مكان عام
ودى
افيدونى اعمل اقتباس كيف اصلى جديد على الموقع ده

أبوالريش
02-02-2009, 13:29
بس ما ظلمت موضوعك بي عنوانه؟
السنى سلام
لو كان طلب فنجان جبنة من بيجاوية يحمل كل هذة المعانى فما قولك فى
الجبنة التسويها حالف ما بخليها
عفصت على اقتباس لكن كانا يا عمر لا رحنا ولا جينا

برضو (عفصت) يا ماضي؟

المسألة بسيطة .. وواحدة واحدة حتعتاد ....... أنا برضو جديد

صلاح يحيى سليمان
02-02-2009, 13:31
الاخ ماضى

تاكيدا لكلام الاخ حمودى ....فاهلنا فى شرق السودان لهم من العادات والتقاليد العديدة التى نجهلها تماما...فلقد كنت وانا طالب فى مدرسة برى الاميرية المتوسطة واثناء فترة الاجازة الصيفية ...كنت اقضى بعض من الزمن فى الاجازة الصيفية فى زيارات للعم على سليمان الضو فى مدينة سنكات ...وكنا نقضى معظم الوقت اما فى سوق المدينة نحتسى القهوة او فى تسلق جبال سنكات وجبيت.....عشنا شهود للعديد من الاختناقات
والمضاربات ( بالسيوف والسكاكين ) ..وكانت الاسباب فى نظرى بسيطة جدا ..ليس من المعقول ان تؤدى الى كل هذه الضوضاء ...وعلمت من الاخوان المرحوم محمد على سليمان والاخ د/عمر على سليمان عن الكثير من عادات وتقاليد الهدندوة ...

لدينا هنا فى المنتدى مجموعة من اهلنا فى الشرق ..اتمنى ان يوفونا برائهم بما جاء فى مشاركتك.

وشكرا اخ ماضى

كابو
02-02-2009, 13:35
اخانا الاكبر ابو ماضي .....

مفردات الاغاني الشعبية السودانية تمتلئ بالعديد من المفردات والتعابير والايماءات من شاكلة التي ذكرت , واذا تمعنت في اغاني الحقيبة تجدها تصرح تارة وتومئ تارة اخري .
وحتي اغاني الطنبور تمتلئ بالفواكهه من كل شكل الليمون , البرتكان , التفاح وانت أدري بالمقصد ,
واقول لاخي حموودي رغم اني مكثت قرابة الثلاثة اعوام في بورتسودان الا اني لم اكتشف مغذي اغنية الجنية الا هذة اللحظة ولا يفوتني هنا سرد ما حدث للشهيد الزبير عندما زار الشمالية والطرفة رواها رفيق دربة علي ما اذكر وكانت تدور حول مغذي البرتكان الذي يتغني بة أهل الشمال ( ما في داعي لسردها ) .

صلاح يحيى سليمان
02-02-2009, 13:39
حمودى حبابك
ومن ما أذكر فانك لا يحق لك ان تقول اسم الام او (أمك كيف؟)
المرأة تعمل أكثر من الرجل - تحركات المرأة والرجل في الخلا تتم بطقوس معينه وكل له وقته وأولويته في سلوك أي الطرق

دة بقودنى لبوست كنت نزلتة فى موقع آخر بعنوان (العادات السودانية و الاثر الوثنى)
وقوفك و تاملك فى رد البيجاوى صحيح... سكنت بورتسودان لمدة 10 سنوات و لم اسمع هذه الاغنية فى مكان عام
ودى
افيدونى اعمل اقتباس كيف اصلى جديد على الموقع ده



الاخ ماضى ....اعفص .....او احسن اضغط ....ولو بقيت حنين ..اعمل كليك ......على ايقونة اقتباس..
تفتح معاك صفحة جديدة وبداخل الصندوق الماسى تجد الكلام العاوز تعمل ليهو اقتباس.....انزل الى نهاية الكلام المكتوب .....واكتب ردك ......ثم اعمل معاينة للمشاركة فى الاول ....لو ظهر ليك الاقتباس صاح...
اعمل اعتماد للمشاركة.....

صلاح

ابازركو
02-02-2009, 13:52
مشكور اخ ابوماضي علي التنويهات الجميلة عن قبائل شرق السودان وخاصة الهدندوة لاكن من الممكن تغير عنوان الموضوع هذا راي انا فقط وفي الختام تقبل ودي ويعطيك الف عافية

صلاح يحيى سليمان
02-02-2009, 14:30
اخانا الاكبر ابو ماضي .....

مفردات الاغاني الشعبية السودانية تمتلئ بالعديد من المفردات والتعابير والايماءات من شاكلة التي ذكرت , واذا تمعنت في اغاني الحقيبة تجدها تصرح تارة وتومئ تارة اخري .
وحتي اغاني الطنبور تمتلئ بالفواكهه من كل شكل الليمون , البرتكان , التفاح وانت أدري بالمقصد ,
واقول لاخي حموودي رغم اني مكثت قرابة الثلاثة اعوام في بورتسودان الا اني لم اكتشف مغذي اغنية الجنية الا هذة اللحظة ولا يفوتني هنا سرد ما حدث للشهيد الزبير عندما زار الشمالية والطرفة رواها رفيق دربة علي ما اذكر وكانت تدور حول مغذي البرتكان الذي يتغني بة أهل الشمال ( ما في داعي لسردها ) .


الاخ كابو

البرتكان...الليمون...التفاح... .ده كلو عرفناهو....

الرقيبة قزازة عصير.....دى تقول عليها شنو؟؟؟؟؟

حليل اهلنا زمان ....غزل فى كل ماهو بسيط

معزرة اخ ماضى طلعت من موضوعك.

وشكرا

sunni
02-02-2009, 22:32
العزيز ماضي،،،
البوست بتاعك ده ذكرني بوست فتحته أنا زمااااان،، إسمه (قصة قصيدة)، فكرته هي محاولة لتوثيق قصص القصائد، وكنت ذكرت فيه قصة قصيدة (حقو لي قولي) و (غيرة)،،، ولظروف ما،، وياريتا ما ترجع،، فقدت الرغبة في مواصلته،، والمشكلة كل ما أفتحه عشان أواصل فيه،، بلقى انه بقى عندي عقدة نفسيه مع البوست ده، ح أفتشه ليك وأجيبه،، أكيد ممكن يكون عندك عليه إضافات حلوة

ماضي أبوالعزائم
02-02-2009, 23:52
اخانا الاكبر ابو ماضي .....

مفردات الاغاني الشعبية السودانية تمتلئ بالعديد من المفردات والتعابير والايماءات من شاكلة التي ذكرت , واذا تمعنت في اغاني الحقيبة تجدها تصرح تارة وتومئ تارة اخري .
وحتي اغاني الطنبور تمتلئ بالفواكهه من كل شكل الليمون , البرتكان , التفاح وانت أدري بالمقصد ,
.

العزيز كابو
ده كلام ينطبق على التشبيه و زيما بقولوا ناس
العربى التشبيه و الجناس و الطباق(حلوه دى؟؟)
بس الكلام هنا عن موروث ثقافى نحن(البلويت)كما يقول
ناس الشرق نجهله نماما
عشان اقرب المسألة-فى الشرق التمباك من مكملات الرجولة
بل اغلب النساء بسفوا الصعوط تجى فى الغرب عند اهلنا البقارة ا
التمباك حرام بهذا القياس لو شفنا هدندوى/يه سافى/فه ده شى عادى ا
ما بقارى مولع سجارة فدة فالت اجتماعيا حسب البيئة التة نشاء فيها(موروثة الثقافى)

ماضي أبوالعزائم
02-02-2009, 23:58
الاخ ماضى ....اعفص .....او احسن اضغط ....ولو بقيت حنين ..اعمل كليك ......على ايقونة اقتباس..
تفتح معاك صفحة جديدة وبداخل الصندوق الماسى تجد الكلام العاوز تعمل ليهو اقتباس.....انزل الى نهاية الكلام المكتوب .....واكتب ردك ......ثم اعمل معاينة للمشاركة فى الاول ....لو ظهر ليك الاقتباس صاح...
اعمل اعتماد للمشاركة.....

صلاح

تدينى كم فى المية...ما فالح؟؟

ماضي أبوالعزائم
03-02-2009, 00:09
لاكن من الممكن تغير عنوان الموضوع هذا راي انا فقط وفي الختام تقبل ودي ويعطيك الف عافية

ابازركو سلام
أولا انا ما ضد الاغنية ولا عندى منها موقف اخلاقى
بس خلينا نفترض فرضية:- لو كان فى لجنة النصوص عند اجازة الاغنية واحد هدندوى كانت بتجاز؟
حاولت انبه لفهم متواجد عند شريحة اساسية فى المجتمع السودانى و خلينا نفترض انك هدندوى
وأسال نفسك-هل هذه الاغنية مخلة بلآداب العامه ام لا؟؟
ودى

ماضي أبوالعزائم
03-02-2009, 00:18
[font=Simplified Arabic]العزيز ماضي،،،
البوست بتاعك ده ذكرني بوست فتحته أنا زمااااان،، إسمه (قصة قصيدة)، فكرته هي محاولة لتوثيق قصص القصائد، وكنت ذكرت فيه قصة قصيدة (حقو لي قولي) و (غيرة)،،، font]

ياريت يالسنى خاصه عندك هناك حبوبة(حيدر أمين)

حموودى
03-02-2009, 12:40
تدينى كم فى المية...ما فالح؟؟




هييييع


والله عفاصاً

مباااالغه



..

.


100%


banana.gif

:075:

.

ماضي أبوالعزائم
04-02-2009, 01:17
هييييع


والله عفاصاً

مباااالغه

.

انا كركاب
مطرة بلا سحاب
انا ود العقاب
هييع
:008: :008: :008:

sunni
04-02-2009, 18:52
العزيز ماضي،،،
البوست بتاعك ده ذكرني بوست فتحته أنا زمااااان،، إسمه (قصة قصيدة)، فكرته هي محاولة لتوثيق قصص القصائد، وكنت ذكرت فيه قصة قصيدة (حقو لي قولي) و (غيرة)،،، ولظروف ما،، وياريتا ما ترجع،، فقدت الرغبة في مواصلته،، والمشكلة كل ما أفتحه عشان أواصل فيه،، بلقى انه بقى عندي عقدة نفسيه مع البوست ده، ح أفتشه ليك وأجيبه،، أكيد ممكن يكون عندك عليه إضافات حلوة

اها ياماضي،، مشيت أفتشو،، لقيت كابو جاب ليك خبرو،، أضغط هنا (http://www.anasudani.net/fourm/showthread.php?p=300982#post30 0982)

khalsami
04-02-2009, 20:21
والله البوست بتاعك جميل وحبيت اقول فنجان جبنة بي شمالو يسوي الدنيا بي حالو والمرور مقبو ل ياريت

ماضي أبوالعزائم
06-02-2009, 23:46
والله البوست بتاعك جميل وحبيت اقول فنجان جبنة بي شمالو يسوي الدنيا بي حالو والمرور مقبو ل ياريت

جيتن جيت و مرحبتين حبابك

صلاح يحيى سليمان
07-02-2009, 04:08
انا كركاب
مطرة بلا سحاب
انا ود العقاب
هييع
:008: :008: :008:




معتز النصيحه لى الله بكريك كااااااااااارب
و كان دة البكرى التنى ما بقدر عليهو
تسلم يابا






خرمان و سجمان و داير عداة راس
حبابك بابل






لو كان بنك زغى(أكلاموى)ما عندى مانع




الاخ ماضى ....عليك الله ...براحه كده ....اشرح ليه الكلام ده بالعربى....والله العظيم ما فهمته ولا حاجه.

وقول ليه تدينى كم فى الميه فى هذه الاقتباســــــــــــــــــــــ ـــــــــــــــات؟؟؟؟؟

بعد داك عازمك جبنة حبشية معاها مكسرات لبنانية...فى ضل الضحاوية.

ماضي أبوالعزائم
11-02-2009, 12:10
الاخ ماضى ....عليك الله ...براحه كده ....اشرح ليه الكلام ده بالعربى....والله العظيم ما فهمته ولا حاجه.

وقول ليه تدينى كم فى الميه فى هذه الاقتباســــــــــــــــــــــ ـــــــــــــــات؟؟؟؟؟

بعد داك عازمك جبنة حبشية معاها مكسرات لبنانية...فى ضل الضحاوية.

يا دكتور اطلع منها إحنا اولاد كار واحد و جيل واحد.
طيب عشان المافهم:
كركاب نسبة للرعد .مطرة بلا سحاب تورية لقوة الشكيمة و إستحالة المنازلة . ود العقاب أى ابن ا الاصول .
الجبنة عند اهلنا بيوضع البن فى الشرغرغ مع الماء و يغلى و المحلول الناتج هو (البكرى) ثم يضاف ماء على نفس البن(المستعمل) و الناتج هو ال(التنى) وهو طبعا اخف من البكرى و هكذا دواليك

حصل غلطة إملائية فهى (عدلة) و ليس (عداة)
بنعرف البن الحبشى ودة كبار شوية و طعمة جميل بس فيهو مرارة و البن ذو الحبة الصغيرة يسمى
(ا لزغى) و اهلنا فى الشرق بسموهو (اكلاموى)

صلاح يحيى سليمان
15-02-2009, 20:42
الاخ ماضى

عشان انا ما بتاع قهوة ....
طلعت مسطلحاتك كلها قهوجية....

كده اترحته شوية..
فى الاول شلته هم ..
افتكرت انى نسيت المصطلحات السودانية..

يا بتاع الجبنة انته؟؟؟؟

أبعاج
17-02-2009, 16:48
هذه هى المواضيع فعلا ,, والله أستفدنا كثيرا من تلك المعلومات القيمه والاثراء الفكرى ةالتأريخى الذى أتى به بعض الاخوان !والى الامام

ماضي أبوالعزائم
19-02-2009, 22:37
هذه هى المواضيع فعلا ,, والله أستفدنا كثيرا من تلك المعلومات القيمه والاثراء الفكرى ةالتأريخى الذى أتى به بعض الاخوان !والى الامام

دراج المحن سلام
تسلم أخى على المرور
:064: الجبنة عجبتك؟؟

rfif alhiat
21-02-2009, 12:43
العزيز كابو
ده كلام ينطبق على التشبيه و زيما بقولوا ناس
العربى التشبيه و الجناس و الطباق(حلوه دى؟؟)
بس الكلام هنا عن موروث ثقافى نحن(البلويت)كما يقول
ناس الشرق نجهله نماما
عشان اقرب المسألة-فى الشرق التمباك من مكملات الرجولة
بل اغلب النساء بسفوا الصعوط تجى فى الغرب عند اهلنا البقارة ا
التمباك حرام بهذا القياس لو شفنا هدندوى/يه سافى/فه ده شى عادى ا
ما بقارى مولع سجارة فدة فالت اجتماعيا حسب البيئة التة نشاء فيها(موروثة الثقافى)
ابو العزائم مشكور على الموضوع الروعة وبخصوص العنوان بقول للاخ السوني ما بعيد شديد
وبخصوص اهلنا البقارة كلامك جد الجد التمباك دا حرام والسجاير وكان واحد سفا او دخن دا ما نافع يقولك ام بالموت شراب السجاير المنعول الله واكبر علية والواحد ما بسويها قدام اهلو الكبار ابد ولك الشكر وتقبل مروري

ماضي أبوالعزائم
22-02-2009, 07:26
ابو العزائم مشكور على الموضوع الروعة وبخصوص العنوان بقول للاخ السوني ما بعيد شديد


الاخ rfif alhiat سلام
اولا اشكرك على المرور
والله الاغنية دى عاجبانى جدا لكن لمل اكون الفهم العام هو تجنب طلب الجبنة من واحدة لانو ببساطة بتكون (حسب الفهم السائد) طلبتها لفراشك , وتجى و فى العلن تطلب من البنية ان تسوى جبنة. فى بورتسودان و كسلا استحيل تسمع هذة الاغنية فى محل عام لانو ببساطة ان قبلت ذلك لنفسك فستفقد الزبائن من الجنس اللطيف لانو الحياء سيمنعهن من دخول المكان.اعتز بشهادتك عن اهلك البقارة
ودى

Adsense Management by Losha