منتدى أنا سوداني - مســـــــــــــــــــدار + مســــــــــــــدار
منتدى أنا سوداني

منتدى أنا سوداني (http://www.anasudani.net/fourm/index.php)
-   همس القصيد (http://www.anasudani.net/fourm/forumdisplay.php?f=76)
-   -   مســـــــــــــــــــدار + مســــــــــــــدار (http://www.anasudani.net/fourm/showthread.php?t=2417)

شـهد الكلامـ 06-03-2007 10:37

مســـــــــــــــــــدار + مســــــــــــــدار
 
بسم الله الرحمن الرحيم

الساده السودان

تحية الصباح والمساء

جبت ليكم فكره جديده

المسدار
هو نوع من الشعر البلدى او باللهجه القوميه بتاعتنا
بيتكون من اربعه ابيات شعر مختومه بقافيه واحده
يلا
على
كل
من
يلمس
الكفاءه
فى
نفسه
ان
يترجل :027:

شـهد الكلامـ 06-03-2007 10:56

رد: مســـــــــــــــــــدار + مســــــــــــــدار
 
الليله منتداكم من جيتو استبشرتا

لافونى الحبايب شايفاهم محل قبلتا

من صبح الكريم جيت ليهم زرتا

على النبى صليت وبيهم اتصبحتا

الاغبش 06-03-2007 18:34

رد: مســـــــــــــــــــدار + مســــــــــــــدار
 
المنتدي العجيب سموهم تب سوداني
فيهو اصول البلد حافظنها اخواني
وفيهو عازة ست ريدي فيها جميل الحاني
ليه يا شهد الكلام زدتي علي اشجاني

الاغبش 06-03-2007 18:39

رد: مســـــــــــــــــــدار + مســــــــــــــدار
 
المنتدي الجميل نعليهو بافكارنا
نوزن للكلام ونشرف بيهو بلادنا
ننشر للفضيلة الديمة هي زادنا
ويا شهد الكلام ليك الليلة اغلي سلامنا

شـهد الكلامـ 07-03-2007 08:20

رد: مســـــــــــــــــــدار + مســــــــــــــدار
 
اقتباس:

المشاركة الأصلية كتبت بواسطة الاغبش (المشاركة 15139)
المنتدي الجميل نعليهو بافكارنا
نوزن للكلام ونشرف بيهو بلادنا
ننشر للفضيلة الديمة هي زادنا
ويا شهد الكلام ليك الليلة اغلي سلامنا



الاغبش تحيه من ربى ليك تطراك
ود بلدا عزيز بالقلب ديمه ... معاك
فى الغربه تبكيهو ... وان جيتو هو حماك
سودانى الحبيب .. شان اسمك بسجل اسمى فى مسماك:Sudan:




الاغبش 07-03-2007 08:31

رد: مســـــــــــــــــــدار + مســــــــــــــدار
 
يا شهد الكلام في قلوبنا ديمة سكونك
يا سودانا الجميل دايما مخضرة غصونك
بجاه الاله تسلم من حقد مغبونك
وتعلي راياتك فوق مدارات كونك

انا اميرة الورد 07-03-2007 09:04

رد: مســـــــــــــــــــدار + مســــــــــــــدار
 
صراحه
الفكره حلوه جدا
اتمنيت يكون عندي الموهبه عشان اشارك معاكم
بس يا خساره
بس حكتفي اني اطلع عليكم


تحياتي للجميع
اميرة الورد

مهند عبد الرحمن 07-03-2007 10:15

رد: مســـــــــــــــــــدار + مســــــــــــــدار
 
الليلة المنتدى صبح ذو فائدة عظيمة
من كل الشرائح جاب لينا غصن نيمة
احسن ليك يازول تزورنا بي ترنيمة
عشان تبقى اصيل وزولا ليك قيمة

مهند عبد الرحمن 07-03-2007 10:17

رد: مســـــــــــــــــــدار + مســــــــــــــدار
 
اقيف يازول قبال تفوت لي دارك
ادخل منتدانا وقول لينا عن اخبارك
انت الفي الحارة تب ما بتتشارك
محل ما تقبل نقول ليك تتبارك

Still I Need U 07-03-2007 10:58

رد: مســـــــــــــــــــدار + مســــــــــــــدار
 
ما شاء الله عليك يا شهد الكلام حقيقة لا أنكرها بأن هذا البوست




وكم كان رائعأً من الأعضاء النشيطين أن يلتمسوا حب الكتابة البسيطة ليدونوها وتصبح روعة جديدة تضاف إلى شخصك وإلى أنا سوداني ،، لا أكتب الشعر سواء ان كان باللقافية أو بغيره ولكني أمتلك الإحساس العالي الذي من خلاله يمكنني أن أوصلك إلى ما تريدين ، وكم كان رائعا من الأخوة الأعضاء وهم يسطرون كلمات تتجلي في عضطة المنتدي ، لك الشكر وأخيراً ولكم الشكر أعضاءنا الكرام الذين يثبتون لنا كل يوم بأننا أضفنا إلى مكتبتنا الكثير من الآفاق الأرحب في رحاب أنا سوداني.


وعد مني عزيزي شهد بأن أسطر لك ولو حروف بيسطة تتجلي لكم عبقاً وعبيراً بينكم ولك ألف شكر وتقدير وأرجو منك أن تواصلي في مثل هذه الإبداعات فنحن دائماً نبحث عن الإبداع ليكون لنا وحدنا ودمت.

شـهد الكلامـ 07-03-2007 11:18

رد: مســـــــــــــــــــدار + مســــــــــــــدار
 
التحيه للجميع على الروعه

بسحروكم والله
ويا اميره يعنى الشاعر خلااااص منو ؟؟؟ بس هى محاولات من ناس مبتدئه حاولى حبيبتى وبتنجحى اكيد
منتظراكى ................

مهند تسلم على المرور بس فى تعليق على
انت الفي الحارة تب ما بتتشارك( ما بتشارك ولا تشارك هههههه زى القلبت ذم ؟؟؟ )

عموما عينى بارده عليك والاغبش
تحياتى

جيناكم عدييييل والنيه لازما الخطوه
تتبعنى السلامه وقدامى التحايا00 نديه
لابات الفهم ... حاشاهم الكلمه التغلط بيه
من جيت عليهم لافيه الجود محيط من كل ناحيه جزيه

شـهد الكلامـ 07-03-2007 11:22

رد: مســـــــــــــــــــدار + مســــــــــــــدار
 
اخوى الكريم : استيل

اشكرك من الاعماق دائما تخجلنى بحسن كلماتك التى لا اجد من سرب حروفى مقابلااا لهااا

جزيت خيرا على المتابعه والاطراء
واكيد التميز بيكون بالتطلع للامام دائما اعزائى

منتظرا منك المحاولات واكيد بنتعلم كلنا ومافى زول شاعر مفطلح هههههههه

ما تتردد وانا منتظاركم

مهند عبد الرحمن 07-03-2007 11:58

رد: مســـــــــــــــــــدار + مســــــــــــــدار
 
اختي شهد تسلمي بس المعنى في بطن الشاعر وانا قصدي كان لما يكون في حارة بيتصدى ليها براهو يعني ما في زول بيشاركو وما ادري هل ادت المعنى ام لا بس هي محاولة
وهاك ده مسدار تاني
داك المنتدى بي نورو لاح شفناهو
لامي الناس هديل كل واحد مع دنياهو
بي السمح والعديل الحكمة ما بتخطاهو
كل الناس اخوان ما اظن في زولا براهو

شـهد الكلامـ 07-03-2007 12:19

رد: مســـــــــــــــــــدار + مســــــــــــــدار
 
تسلم اخوى مهند على التوضيح بس دايما فى المدح العام بنوصف الجماعه بناس الحاره عشان كدا وقفتنى ....


لامن نكتب الكلمه العديل معناها
لابد من تصل مهما يطول ممشاها
خليك من ناسا ......اللولوه بتختاهاااا
ماشييين التقول فى خط مستقيم راسمه لى دنياها

الاغبش 07-03-2007 17:21

رد: مســـــــــــــــــــدار + مســــــــــــــدار
 
الليلة الكي بورد لاح نسامو
من سوداني زاع لي لذيذ انغامو
ياربي الكريم تطؤل ايامو
بي جاه النبي دايما عديلة اقدامو

الاغبش 07-03-2007 17:23

رد: مســـــــــــــــــــدار + مســــــــــــــدار
 
الخبر الاكيد جابوهو في الدغشية
السوداني داك سيدجمال وحنية
يعدل للدرب ويكرم المية
وان خربت كمان بعدل النية

الاغبش 07-03-2007 17:28

رد: مســـــــــــــــــــدار + مســــــــــــــدار
 
شهد الكلام الديمة واسعة دايرك
ورينا كيف نوصل وكيف اخبارك
وفي السوداني كايسنو تب شمارك
الجلسة الجاية فوق دارك

ليه ما نزيد الكلام ونجيبا محنة
نجلس في النجائل زي حور الجنة
نوصل مهند وكمان يعرفو اهلنا
في السوداني ناس بلد باصلنا

الاغبش 07-03-2007 17:40

رد: مســـــــــــــــــــدار + مســــــــــــــدار
 
حلاة القدلة فوق صيدةً اسمها حليمه
يطوطِح كفلها الناس النفوسها سليمه
ترعاها العيون ساوات ضميرها وليمه
انكسر اللجام ركَّبنى فيها جريمه

رِكِب لِك فوق جموحاً ما بتدور الَّلكه
جيتِك كارِف المحلب بدور الدِّلكه
من جخنوب دروبِك ما بخاف والشِّبكه
دحين يا ام رشيم ارجينى فوق الدَّكه

نهدا دق تبل ماهو المدوشش قرو

يلعب حردفى توو المراقد ترو

فى بوش العصير الناس يقوموا يبرو

فوق ندادها كرباج النصر بتورو


لخلوخة تقوم مسايسه ومفروقه

بين التقنتين دفق البصير ماروقه

ان جلست معاك وان سمع منطوقه

على المشببات بلحيل بعيد معلوقه

حسرورن زمان انا ضيقنبو خلاقى

طول الليل مساهر وعينى ما بتلاقى

من فرط البجينى الهجعه بالعراقى

وين ما ادور اغلق فوقى يصبح باقى

يلا منو البقوم كدي وينعدل ويغني وينم فوق ام هبج وصاحباتا

احمد يس 11-03-2007 10:38

رد: مســـــــــــــــــــدار + مســــــــــــــدار
 
والله لو بنعرف شعر كنا شاركنا معاكم
لكين الشعر داير له ناس من شارواكم
الوزن والقافية ديل سلواكم
ونحنا علينا نقرأ ونستمتع اللى بتكتبه يمناكم

شـهد الكلامـ 15-03-2007 09:59

رد: مســـــــــــــــــــدار + مســــــــــــــدار
 
احمد يس محاوله ممتازه ياراجل دا وانت ما بتعرف لو بتعرف كان حصل شنو؟؟؟ خايف من العين؟؟؟:blink:

اليوم نص مارس على الاحبه رجعتا
سجـــــلتا الدخول وباسم الله استفتحتا
رحبت بكاتمة حزنها من قلبى ليها ارتحتا
ربنا يا كريم علينا ما تدلينـــــــــــــــــا
لمنتدى السودان ارفع دوام طاريــــنا
الاغبش حباب كلماتك دايما تعبر وافيا
قدراتك ممكنه بالحرف والقافيـــــــا
يس مرحب بيك فى دارا بالحيل بالكرم تب كافيا


الساعة الآن: 19:01.

Powered by vBulletin® Version 3.8.2
Copyright ©2000 - 2014, Jelsoft Enterprises Ltd anasudani

Adsense Management by Losha

كل ما يكتب فى المنتدى لايعبر عن اراء ادارة المنتدى وانما يعبر عن اراء كاتب الموضوع او المشاركة

Security team