الجديد فى المنتدى

لمشاهدة بقية الاعلان ادخل على الرابط الاتى

http://www.anasudani.net/fourm/showthread.php?t=80805

صفحة 1 من 6 123456 الأخيرةالأخيرة
النتائج 1 إلى 20 من 111

الموضوع: موسوعة الشعر الشايقى

  1. #1
    تاريخ التسجيل
    16:10, 27th Dec 2006
    الدولة
    الخرطوم
    العمر
    42
    المشاركات
    278

    افتراضي موسوعة الشعر الشايقى

    [align=center][grade="00008B FF6347 008000 4B0082"]كلمات الاستاذ/ محمد سعيد دفع الله
    اداء المبدع الفنان / عبد القيوم الشريف

    مليت من الغربه آعلى .. يا ولدى يا ايدى اليمين
    داير الرجوع بس كيف يكون ... وتفكيرى فيهو انا من متين
    كل ما اقول اصبر شوى باكر تكون الحاله زين
    القى الظروف ياها الظروف .. بس زايده سؤ بحلف يمين
    وآخد لى لفته على الزمان ... القاها مرت كم سنين
    لمتيـــــــــن بتتفك القيــــــــود ... القاسى قلبها ما بيلـــــين
    **********
    جيت فاكر انى اكون سعيد ... بى مال بيجرى على اليدين
    لكنــو مقسوم يــا لعــــزاز .... رزقا يكون دائمــا ضـــنين
    والشئ العجيب مما وصل ولليلى فوق اكتافى دين
    حســرة وهموم متواليات .... والدمعه يوت هالابه عـيــن
    نيران مولعى فى القلب مسكين فقد لضرا الامين
    كان عيشو هاديه قبل يجى ... و فى بيتو كان قوتو اليقين
    والليله فى الاهوال دوام يصرخ ومو لاقى البعين
    وينــك بعــدتى على ّ ليه ... وانا ليكــى كاتلنــى الحــنيــن
    يا السمحه سموكى القرير والناس تجيك من وين ووين
    وانا قـمــت منك شــن اقول .... غير ده المسطر فى الجبين
    يا درة الوطن العزيز يا النادره يا لماليك وزين
    عشمى ومناى ارجع واجيك ....... انا غير هواك متل السجين
    داير اكون بين الاهل محضون وحاضن اعز طين
    داير حياتى مع الصحاب ..... واللقمه ما بين العوين
    ***********
    يا لوبه شمر للضراع والليلى جيت اوصيك دحين
    كونك تقصر ما اظن وانا عارفو طبعك يا الخزين
    يات من معلم درسك شاكرك علم وخلقا يزين
    ما عليك خوف ما دام معاك زولا مسمى الزين وزين
    انت البتعرف للاصول كاسب رضاء الوالدين
    من قمت درفونا صغير ما كت يوم نيا عجين
    دائما مواظب و مجتهد فى الجانبين دنيا ودين
    ورافع السماوات غير عمد داعيهو ينصر وليك يعين[/grade]
    [/align]
    التعديل الأخير تم بواسطة استارو ; 29-12-2007 الساعة 11:12

  2. #2
    تاريخ التسجيل
    16:10, 27th Dec 2006
    الدولة
    الخرطوم
    العمر
    42
    المشاركات
    278

    افتراضي حليلكم يا أهلنا ..

    [align=center][grade="FFA500 FF6347 008000 4B0082"]حليلكم يا أهلنا ..
    ياحليلها بلدنا ليها الشوق كتلنا ..
    الدموع بالشوق تكب من يوم رحلنا ..
    أهو منك يا ظروف عاد كيف زعلنا
    باقي نحنا نريدة ريدتا من جهلنا ..
    وكمان هي قليبها رتاي للمتلنا ..
    الفرح انشر و الدار تبقى جنة..
    والدليب ان دق حس طمبورنا رن..
    زغرتن بنوتنا في الدار ان دخلنا ..
    يرقصن قدامنا و الشبال يصلنا...
    ماها قاسي السيرة بالعافية ان نزلنا..
    من جميع نتلم كلنا بعدلنا..
    نفرحك يالخاطر ان سرنا و قدلنا
    بتحت يتهزن الحيطان قبلنا ..
    وا طيابة فينا نحن الزين فعلنا ..
    وا سماحة فوقنا سمحين زي شتلنا ..
    نحن زي قشا مفرهد في سهمنا..
    و زي جزاير بي تحت خيرن شملنا..
    زي تمرنا اللا تحت شايل متنا ..
    ويا حلاة القمري فوقن قوقى غنا..
    مافي زولا يزعل ان شلنا و اكلنا..
    يا حليل الما بكوسو درب زعلنا ..
    ياحليل الريد حليلكم يا أهلنا ..
    يا حليلا بلدنا ليها الشوق كتلنا[/grade]
    [/align]
    التعديل الأخير تم بواسطة استارو ; 29-12-2007 الساعة 11:13

  3. #3
    تاريخ التسجيل
    16:10, 27th Dec 2006
    الدولة
    الخرطوم
    العمر
    42
    المشاركات
    278

    افتراضي رد: الغــــربـــــة !

    [align=center][grade="00008B FFA500 008000 8B0000 008080"]انا المعجب
    انا المشتاق اشوف عينيك
    كل صباح واتعذب
    واسمع من شفاهك ديل
    الذ نغم برأى أطرب
    وتلوح لى فى صفاء عينيك
    بحور من ريد........ أدور اشرب
    ومرة اتوه ... اقيف مشدوه
    اقول يا عبدو أتادب
    زمانك فات ..........
    والريد فى قليبك مات
    ليه فوق جمرو تتقلب
    واشيل من عمرى
    عشرة سنين
    اقول يمكن يكون انسب
    وأدلى دلوى مع الخطاب
    مع العشاق يجوز اكسب
    وأعاين لى عيونك يمكن القى سعادة
    القى غضب
    واشيل فوق راسى هم الدنيا
    فوق افكارى يترسب
    قلبى رهيف
    ما خاض زى حروبك ديل ولا جرب
    وفجأة يعود صوابى الغاب
    أشوف انا نفسى جنبك زى وليد يلعب
    بيجرى وراء سراب ورهاب
    بعيييد...................لليلة ما قرب
    وهل معقول ؟
    يكون فى وصول ؟
    متين يا رب
    ما تصارحيه ........ خافى عليهو
    قولى ليهو لا يتعب
    انا المعجب
    انا الولهان ولى سنين
    بعانى من الصعاب اصعب
    وقالوا على كبرت خلاص
    ولسع ماقدرت خطب
    انا المعجب
    انا المشتاق ..........
    انا الطوالى بترقب
    انا التائه
    وعيونى بلاك ما شافت
    يمين كوكب
    شوية ريده
    ليه يا صيده
    ما دا انا المتيم تب[/grade]
    [/align]
    التعديل الأخير تم بواسطة استارو ; 29-12-2007 الساعة 11:15

  4. #4
    تاريخ التسجيل
    15:32, 3rd Nov 2006
    الدولة
    مدينة الأبراج
    المشاركات
    983

    Cool رد: الغــــربـــــة !

    [glow1=CCCC33][align=center]شكرا على المرور ود علبوب ..
    ونورنا بطلتك البهيه ..
    [/align][/glow1]
    [SIGPIC][/SIGPIC]

  5. #5
    تاريخ التسجيل
    15:32, 3rd Nov 2006
    الدولة
    مدينة الأبراج
    المشاركات
    983

    Cool رد: حليلكم يا أهلنا ..

    [glow1=CCCC33][align=center]كلام حلو يا ود علبوب .. وإلى الأمام
    شكرا
    [/align][/glow1]
    [SIGPIC][/SIGPIC]

  6. #6
    تاريخ التسجيل
    15:32, 3rd Nov 2006
    الدولة
    مدينة الأبراج
    المشاركات
    983

    Cool رد: مليت من الغربه

    [glow1=CCCC33][align=center]جات في الوتر الحساس ..
    شكرا ود علبوب
    [/align][/glow1]
    [SIGPIC][/SIGPIC]

  7. #7
    تاريخ التسجيل
    16:10, 27th Dec 2006
    الدولة
    الخرطوم
    العمر
    42
    المشاركات
    278

    افتراضي رد: مليت من الغربه

    [align=center][grade="00008B FF6347 008000 4B0082 FFA500"]ياريت الشوق زى البريد بيطوف كان شات اشواقى ختيتا فوق مظروف
    ورسلتها لى انسان ملك السمع والشــــــــــــــــــــــــــ ـــــــــــــــــوف
    زولا بريدوا شديد بالنسبة مثاب الطـــــــــــــــــــــــــــ ــــــــــــــــوف
    بهواه يا خلاى مهما أمشــــى ومهما اشوف ولو جابوا لى الحور قدامى واقفى صفوف[/grade]
    [/align]
    التعديل الأخير تم بواسطة استارو ; 29-12-2007 الساعة 11:17

  8. #8
    تاريخ التسجيل
    16:10, 27th Dec 2006
    الدولة
    الخرطوم
    العمر
    42
    المشاركات
    278

    افتراضي رد: الغــــربـــــة !

    انا المعجب
    انا الولهان ولى سنين
    بعانى من الصعاب اصعب
    وقالوا على كبرت خلاص
    ولسع ماقدرت خطب
    انا المعجب
    انا المشتاق ..........
    انا الطوالى بترقب

  9. #9
    تاريخ التسجيل
    16:10, 27th Dec 2006
    الدولة
    الخرطوم
    العمر
    42
    المشاركات
    278

    افتراضي دروب الريد عبدالله محمد خير

    [align=center][grade="00008B FF6347 008000 4B0082"]ريدكم لي شديد يا يابا ريدي أنا للبريدو شديد
    إلا أنا ما معاكم ديمه لكن عن حبيبي بعيد
    خلوني اللسافر أبوي لو كان في إجازة العيد
    أمشي أزور حبيبي الغالي داير أوفي حق الريد
    عشان يا يابا من يوم روح ما جاب لي منو بريد
    وما قال لي وين يا زولي كيف عامل براك وحيد
    ليشن يابا ما بترضوني ياني وليدكم الويحيد
    خايف بكره ما تلقوني إلا تتلتولي القيد
    شان شوق الحبيب مالكني والنار في ضلوعي تقيد
    داير يابا أمشي وأزورو يمكن شوفتو لي تفيد
    يابا عليك عطفك لي ما تخلوني أبكي شديد
    ويابا إن كت بتدري البي ماب تأبى لي أبقى سعيد
    يابا إن كت قادر أخلي كت خليتو بدري أكيد
    زولاً حبو عاش في قلبي كيفن عن طريقو أحيد
    كان يا يابا ما جربت تهواها الحسان الغيد
    وكان يا يابا ما أشجاك صوت البلبل الغريد
    وكان يا يابا ما ساهرت وعينيك ضاقن التسهيد
    ما بتهتم بي أعذاري مهما أقول ومهما أعيد
    دحين يا يابا ماك مشتاق وحيدك يبقى عندو وليد
    يحوم في البيت ويلعب فيهو يمرح في براءه سعيد
    يقول لي يمه يا حبوبه يا حبوبه عندي نشيد
    يسعدني ويسر بال أمه ليك يا يابا يبقي حفيد
    هاك يا يابا من أشعاري أبيات أنهكا الترديد
    كم تاه في دروب الريده قلبي وكم نظم له قصيد[/grade]
    [/align]
    التعديل الأخير تم بواسطة استارو ; 29-12-2007 الساعة 11:19

  10. #10
    تاريخ التسجيل
    16:10, 27th Dec 2006
    الدولة
    الخرطوم
    العمر
    42
    المشاركات
    278

    افتراضي العيد المضى عبدالله محمد خير





    طولت شايل الذكرى في عيني
    للعيد المضي
    طولت بحسب في نجوم الليل
    وأقدر في مساحات الفضا
    وأغصب مشاعرى علي الألم وأروضا
    واتمني لو لحظاتنا ديك
    تسمح ظروفنا نعوضا
    وتجمعني بالحسن الرفض أفكاري
    كان بيعارضا
    يمكن قبل نتبادل الحب الشريف
    يمكن رضا
    تمضي السنين وتمضي الشهور
    واتمنى لو كان تمت الأيام
    وانتهت السنين
    والكون وقف خلا المسير
    كان قلبي فتش عن نصير
    خفف عذابات الضمير
    ومن قبل ما أصل المصير
    الفيهو قلبي المحترق فكر كتير
    اتذكر العيد المضى
    يوم بيتنا أصبح كلو خير
    يوم كنا بي نشوة فرح
    دايرين نطير يوم القمر في بيتنا
    متواضع قعد فوق السرير
    وقال ... كل عام وانتم بخير
    نظراتو كان زي بسمة الطفل الغرير
    وخصلات شعر تنساب متل موية الغدير
    وحبات نهودو الطعنن فوق الصدير
    حاولت بيهن استجير
    من العيون التايهه والخصر الصغير
    من الشفاه العطشى
    والوجه المنير من السعير
    ومرت ليالي طوال علىّ
    وطأت غرامك ما بتخف
    حاولت أصارحك وليك بالبي اعترف
    فكرت أكتب ليك رسائل
    بي دموعي الما بتجف مليون حرف
    داير أخليك عن دلالك تنصرف
    داير أعبر عن مشاعر
    عن مشاعرك تختلف
    ودايرك تصدق إني
    في محراب غرامك معتكف
    واجيب قلم واحصر تعابير الألم
    وكل ابتهالات العشم
    لكني من أول حرف
    أجد الأنامل ترتجف
    وتتذكر العيد المضى
    أعياد تجي وأعياد تفوت
    والفرحة تصحب كل عيد تملا البيوت
    وأنا كل ما استقبلت عيد أحيا وأموت
    وأطبع ملايين التهاني على الكروت
    تمضي السنين وتمضي الشهور
    وأنا قلبي يحيا بلا شعور
    لكنو قرر يا القلبت ظلامو نور
    قرر يحارب كل أوضاعو ويثور
    قرر يكاشفك بي ضمير ما فوقو زور
    قرر يرسل ليك سطور
    مكتوبه فوق ورق الزهور
    مكتوبه بي دمعو الغزير
    داير الحروف تبقالو نور
    وتبقالوا ....
    لى قلب البحبو جواز مرور

  11. #11
    تاريخ التسجيل
    16:10, 27th Dec 2006
    الدولة
    الخرطوم
    العمر
    42
    المشاركات
    278

    افتراضي رحلة النسيان


    نسيتك أنا
    نسيتك ما لأني إنسان ونساي
    نسيتك أنا
    لأني بقيت لما أطراك بساهر
    وإنت طيفك ماهو لولاي
    نسيتك أنا
    عشان ردة فعل ذكراك جواي
    بقت تنتر مغس مرات ولواي
    نسيتك أنا
    ونسيت كل السماحه الفوق دريبا بقيت غناي
    وخليت لك بلد بي حالو ورحلت بي جاي
    غلطانه إن بقيت فهمتي إنو رحيلي فوق رأي
    مهاجر شان أحسن حالي وأرجع ليك شاشاي
    وحاتك لا لا .. دنياك ما بتوافق تاني دنياي
    وحاتك لا لا .. لا داير أخادعك ولاني خازاي
    قسا القلب الببكي الشوق
    عليك بقي ماهو بكاي
    وجفاها القمري عصرياتنا
    ماعاد فيها .. قوقاي
    صحيح حسدوني فيك زمن عزلتك وقالوا نقاي
    ما عارفني بكدح وبشقى ساكت وماني لقاي
    يفيض بحرك يعم وما فيهو من تالاي سقاي
    نسيتك أنا
    وبفتش في دليل لي دربي ضواي
    دحين أطفيها نار الغيره أو زيديها بوباي
    وأبكي على غرورك بعدي أو كوسيلو رضاي
    وقول لي معاك سلامه، أو قوليها باباي

  12. #12
    تاريخ التسجيل
    10:50, 4th Nov 2006
    الدولة
    ابوظبي
    العمر
    37
    المشاركات
    1,202

    رد: رحلة النسيان

    [align=center][/align]


    [glow1=66CCFF]ودمتم سالمين ...[/glow1]
    [flash=http://www.shio5qatar.net/uploads/2be14f3e99.swf]WIDTH=200 HEIGHT=350[/flash]


    [align=center]ضع المؤشر واستمع [/align]

  13. #13
    تاريخ التسجيل
    16:10, 27th Dec 2006
    الدولة
    الخرطوم
    العمر
    42
    المشاركات
    278

    افتراضي رد: رحلة النسيان

    شكرا على المرور ويديك العافية يارب

  14. #14
    تاريخ التسجيل
    16:10, 27th Dec 2006
    الدولة
    الخرطوم
    العمر
    42
    المشاركات
    278

    افتراضي ويوم فراقك كت دائر اموت

    قال فيها

    اسيا بابورك فى الاراك يا اسيا بابورك فى الاراك
    ان ايوم رحيلك كت دائر افوت
    ويوم فراقك كت دائر اموت
    صفر البابور كان دائر يفوت
    وصفه البحر وشوف عينى انشرف الحوت
    اسيا بابورك فى الاراك اسيا تبشه ولقت الرمال
    ودونى دقايق دخل ودونى فرصه اعتزر
    اعصابى باظط وجسمى صلصل
    لو مامرق كان جبريل نزل
    لو ماب اخاف الله العزاب
    واخشى الشعب يقولى كذاب
    كنت احلف فوق الكتاب
    واقول اسيا من نور مو من تراب
    اسيا من الاوضه ماشى على التكل
    ومن اطرافها يترحل الضل
    وفى مشيها يرتبك العقل
    اسيا ان دارت تحوم اول شى تقيف السموم
    وينزل الغيث والقش يقوم
    دائر امشى الاراك فتحلى كنتين
    ودقق للمساكين علشان خاطر اسيا الكيله مليم

  15. #15
    تاريخ التسجيل
    16:10, 27th Dec 2006
    الدولة
    الخرطوم
    العمر
    42
    المشاركات
    278

    افتراضي افتدقتك الفاتح إبراهيم بشير

    إفتقدتك



    يا حبيبي أنا إفتقدتك لما فاض الشوق عليّا
    وإنت عارف روحي غيرك لا بتموت لا بتبقى حيه

    يا حليلي أنا كنت قايلك زي زمان مهتمي ليّا
    في الحُزن تحزن معايا ويوم أغيب تسأل عليّا
    بإختصار أنا كنت دايرك تبقى أقرب مني ليّا
    وإنت تاريك بي مشاعرك مُستقر فوق الثريا

    دا الصباح الفي عيونك باعني لي بحر الأسية
    وسابني بين شطآنو هايم وجاري لا عند العشية
    لاني قادر أقول كفاية ولاني راضي أكون ضحية
    والمصيبة أنا كان بكيت ولا جنيت هيًّ هيَّ

    كل مصيبتي هويت عيونك في زمن ظالم شوية
    يكره الحب والتصافي ويعشق الجفا والرزية
    الطيور وكتين تغني الزهور تصبح ندية
    إلا عاد كيفن تغني وعينا في عين الحِّدية


    إفتقدتك وإنت عارف زيي يعشق بالسجية
    ومستعد ما عندو مانع يهدي ليك الروح هدية
    لا بيهادن لا بيساوم لا بيبيع أبداً قضية
    ولو تمور الدنيا فوقو يرتكب مليون جنية


    إفتقدتك يا مُنايا ويا سعد روحي الشقية
    لما فاضت بي هِمومي والأمور لاجت عليّا
    إفتقدتك يا صباحي والضلام ضامِّي العشية
    وإفتقدتك ألف مرة لما شِمتو اصحابي فيّا

    شُفت كيف أنا إفتقدتك لحظة الأم العتية
    وإنت ماك جايب خِبيري وماك مفكر تبقى جية
    حتى يوم لاقيت صِحابك منك إتوقع(ت) تحية
    إلا وآخيبة رجايا ويا حلال الحسرة بيّا

    ويا حبيبي أنا إفتقدتك

  16. #16
    تاريخ التسجيل
    16:10, 27th Dec 2006
    الدولة
    الخرطوم
    العمر
    42
    المشاركات
    278

    افتراضي جن الريد الشاعر علاء الدين




    اولا يا شباب لا اكون اثقلت عليكم بكلمات اهلنا الشوايقة فلى العذر ففى كلماتهم كلماتهم ومابين السطور همسات !!!!!!!!!!!!!!!

    أحمد زول معروف بالطيبة *** حُسن أخلاقو عليها إتربى
    تكفي شهادة ناس الحلة *** إنو خلوق وخجول ومُربى
    مهذب رغم حداثة سنو *** لبس تهذيبو أصالة وهيبة
    أدي الناس الحب أدوهو *** وحسن الظن بيناتن شبه

    خشت فجأة أميمة حياتو *** وصارت بينو وبينا محبة
    قلبو إختارها عشان معروفة ** زولة حنينة وراقية وطيبة
    دسو الريد في السر بيناتهم *** وخلّو حبيس ودفين ومخبى
    وكيف تنضارى متل أشواقم *** وليه زي ريدهم يوم يتخبى

    وبعد أعوام وصلتلو رسالة *** جواب مليان تقيل ومعبى
    قبال يفتحو عرف الراسل *** باينة وظاهرة رسائل وهبة
    أخوهو الليهو زمن متغرب *** تسعة سنين قضاهن غربه
    مرسل ليهو تذاكر وفيزا *** دايرو يجيهو هناك في طيبه

    طار في الأول أحمد فرحه *** وكلم كل الناس والصحبه
    لما إتذكر أميمة حبيبتو *** فجأة إنتابو شعور بالخيبه
    لكن قرر إنو يســــــــــافر *** سرعة يعود ويتم الخطبه
    لأنو الغربه طريقه قصير *** وفيها يهون تحقيق الرغبه

    جاتو اميمة حزينة توادعو *** جاتو تجفف دمعو الكبه
    جاتو توصي عشان ما يقوى *** وما ينساها هناك في الغربه
    جاتو تطمنو إنو حيفضل *** ريدها الخالد مهما غبّا
    حافظه عهود الريدة البينهم *** ومهما كان حيظلو أحبه
    أهدتلو مصحف شان يرعاهو *** من العين والهم والكربه
    لبسا عهد الريد في جيدهــــا *** عقد ممهور بى صورة الكعبه
    قامو إتوادعو زين إتباكو *** فات خلاها وحيدة وخبه
    سافر شال همو وأحزانو *** بعد أيام في المملكة غبا
    لاقو الناس يا زول كيف حالك *** بالأحضان قام سالمو وهبه
    قالو نصاح ناس أمي وأبويا *** مشتاقين راجنلك أوبة
    قاللو أحمد سافر يا وهبه *** غير جوك وروِّق حبه
    أمك ياخي تلاهي عليك *** لاخالالها ا ضريح لاقبه
    السودان مشتاقلك كلو *** ضفاف ورمال سواقي وتربه
    وحتى النيل فرحان راجيك *** تجي وتنهل من مويتو العذبه
    بعد أيام كان وهبه هناك *** بين أصحابو وأهلو وأحبه
    في حضن أمو الطول منو *** في حيشانو الواسعة الرحبه
    قالتلو أمو أخوانك كبرو *** وما فضلنا زول يتربى
    بس فضللي أشوفو جديدك *** وكتين لسع حيه وطيبه
    إختارولو بنيي سميحه *** تشع حيويه ورونق وهيبه
    أديبه وراقيه وكلها عفه *** وبرضو أهل وقراب في الحسبه
    يوم العرس الحي صبّاحي *** فرح مطبوق والناس منطربه
    شاق الليل صوت كم زغروده *** وحس طنبور ودليبو الربه

    إلا في واحده حزينه وباكيه *** سايله دموعا دوام منسكبه
    كان في دموعا سؤال بيحير *** وفي آهاته أسرار محتجبه
    وقالو الناس دي دموع الفرحه *** وغيرا شنو الحا يكون السِّبه
    بعد أيام ساق وهبه عروسو *** ساقا رجع لي بلد الغربه
    سايقو حنين لي كل أصحابو *** ولي أحمد أخوهو أشواق ملتهبه
    وصل الباب كورك يا أحمد *** فتح أحمد بي لهفه ورغبه
    شاف قدامو الما متوقع ** وهم الكون فوق راسو إنصبه
    شاف السلسل عهد الريده *** نفس السلسل وصورة الكعبه
    شاف قدامو أميمه حبيبتو *** كانت قاسيه وقاضيه الضربه
    شاف أحلامو تضيع قدامو *** بعد ما كانت منو قريبه


    كانت لحظه تفيض بالدهشه *** شاف الدنيا كأنها كذبة
    كورك أميمه...أميمه وصنقع *** صنقع ودنقر.. ودّر وغبى
    وجن أحمد في نفس اللحظه ** وجنّ أحمد في نفس اللحظة
    جن الريـد..ما أظن ينطبّا

  17. #17
    تاريخ التسجيل
    16:10, 27th Dec 2006
    الدولة
    الخرطوم
    العمر
    42
    المشاركات
    278

    افتراضي مُنادي الشوق



    مُنادي الشوق ينادي داير أرجع لي بلادي
    أحكي للطيبين وأغني أنسى ألامي وسُهادي
    أصلي ما كان في مُرادي يوم أفارق داري غادي
    أهجُر الأوطان وأسافر بالسنين يبقى إبتعادي
    بلدي طيبة وما بتعادي وفي الكرم غنالها شادي
    دوزن الألحان وأبدع راح يطوف كل البوادي
    حبي ليها وريدها زادي شايلو في عيوني وفؤادي
    ليها برسل كل حروفي ودمعة الأشواق مدادي

    شوقي ليها ولي ضِفافها وطهرها ونورا وعفافا
    سلسبيل نيلها البيجري بالسنين خدّر جفافا
    أي زول لو مرة شافها زاهية في حُلة زفافا
    تاني يحلم ما يفوتا لو زمان الوصل صافَ
    شوقي لي ذرات ترابها ولي سهولها ولي هِضابا
    زهرة الياسمين تضاحك خُضرة الصفصاف في غابا
    طفلة من الزاندي دابا عنفوان القاش شبابا
    راقصت في عبري رنة حلوة من وتر الربابة

    شوقي ليها ولي نعيما وفوقنا دايماً راشة غيمة
    روحي من الغربة ضاقت دايرة ترجع لي قديمة
    كل ما نطرى بلدنا ديمة تنهمر دمعات أليمة
    نحن إخلاصنا ووفانا لي بلدنا بقالنا شيمة

  18. #18
    تاريخ التسجيل
    16:10, 27th Dec 2006
    الدولة
    الخرطوم
    العمر
    42
    المشاركات
    278

    افتراضي القصيدة ليك انتى وبس والله!!!

    أنا أخترت من بين العيون ياغالية عينيك أعشقا
    وأخترت شوفتك كل يوم لو حتى شوفتك أسرقا
    لكني مالاقي الفرح لا في البعاد ولا في اللقاء

    وما من هواك .. أنا أصلي عاد خلقوني من طين الشقاء

    مديت كتير حبل الصبر لامن فقدت أنا أولو
    ومن غير صبر بقدر أساي ياغالية شانك بحملو
    بس لو سمحت ومرة بس داير قليبك أسالو
    حافظ معزّتو زي زمان ولا الحصل كان بدلو ؟

    والله يا نور العيون أصعب سفر سفر الأمل
    تلقاك تعاين في الهدف .. وما داري أنت متين تصل
    كل الدروب جربتها وسافرت فيها عشان أصل
    وفي كل مره الف وأعود من تاني لي نفس المحل

    سيبي العواطف ديك بعيد .. وأنسي ريدك وقولي لي
    أيه الفرق لو زول زرع أمالوا في أخصب ودّي
    والتاني روح للبعيد وأختارلوا يا محبوبة صيّ
    حايحصد الأول أكيد والثاني زي حالتي العلي

    ولو جيتي تسألي عن هواي بالله أسالي عن هواك
    تلقي الجواب نفس الجواب ماقلبي يادنياي معاك
    أرجوك أوعي تفكري أنو قلبي يصبح لسواك
    لكن لو فقد العشم يمكن أقولوا خلاص كفاك

    أنا عارف المواجع لي براي أنا طول سنيني أبكي وأنوح
    فقدت أحساس الألم ياروحي من كُتر الجروح
    ومابلقي عارف فرحتي غير فيك يا أم وجهاً صبوح
    وكفاية كل القلتو ليك .. أنا تاني مابقدر ابوح

  19. #19
    تاريخ التسجيل
    18:23, 13th Dec 2006
    الدولة
    الخرطوم
    العمر
    37
    المشاركات
    118

    افتراضي رد: القصيدة ليك انتى وبس والله!!!

    [align=center]كلام جميل ودعلبوب والي الامام[/align]
    [align=center][/align]

  20. #20
    تاريخ التسجيل
    15:32, 3rd Nov 2006
    الدولة
    مدينة الأبراج
    المشاركات
    983

    Cool رد: القصيدة ليك انتى وبس والله!!!

    [align=center]كلماتك رائعة .. وإحساسك أروع
    شكرا ود علبوب
    [/align]
    [SIGPIC][/SIGPIC]

صفحة 1 من 6 123456 الأخيرةالأخيرة

المواضيع المتشابهه

  1. موسوعة الماسنجر ...!!!
    بواسطة حزن السنين في المنتدى منتدى الأنترنت والبرامج والتصاميم
    مشاركات: 16
    آخر مشاركة: 21-07-2009, 08:57

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •