هذا المنتدى فقط للمطالعة

يمكن للاعضاء مواصلة مشاركاتهم فى النسخة الجديدة على الرابط ادناه

http://www.anasudani.net/muntada

صفحة 5 من 6 الأولىالأولى 123456 الأخيرةالأخيرة
النتائج 81 إلى 100 من 111

الموضوع: موسوعة الشعر الشايقى

  1. #81
    تاريخ التسجيل
    17:08, 10th Sep 2008
    الدولة
    السودان
    العمر
    42
    المشاركات
    151

    افتراضي رد: موسوعة الشعر الشايقى

    ابداع يا ود علبوب امتعتنا بكل ما هو جميل
    وروحنا غيرك لا بتموت لا بتبقي حية
    لك الشكر ومنتظرين المزيد

  2. #82
    تاريخ التسجيل
    04:00, 12th Sep 2008
    الدولة
    السعودية
    المشاركات
    442

    040 الرواسي

    بـدر مـــدر يـــا رواســـى نـحــن بـعــاد لحـقـنـا الـقـيــف
    انـت مدبـج ونحـن نقاسـى بــرد امشـيـر والـمـوج والزيـفـة
    مركـبـك الماليـهـا مـطـارق تمـشـى تقـيـف تـسـرح بيكـيـفـة
    مـرة مغـارب ومـرة مشـارق وانـت تخـاف الريـح وحقيـقـة
    ساوهـا زينـة وفـوقـا بـيـارق وأنــت مـدبـج تــوب وقطيـفـة
    فيها المات زو الضاربه الفالق والمسلمين فـى حالـة مخيفـة
    كـل النـاس تـرزح فــى كـفـة وأنــت ونـاسـك فــوق الـدفـة
    الدايشيـن والراسهـم لفـة والشاخصيـن فـى الـمـدى للضـفـة
    سـاولــك فـوقـهـم الـفــة فـــوق الـمـويـة وريـقـهــم جــفــة
    مـن العطـش النـص اتوفـى وبـاقـى الـنـص الفـضـل جيـفـة
    ضاقوا المـر والحـال استعصـى الشغـال واللاحـق الحصـة
    الـواصـل للـرحـم اتقـصـه والـهـداى مــو لاقــى الـفـرصـة
    الرسـاى سافـر مـا وصـى خلـى محـمـد واحـمـد وحفـصـة
    الأطـفـال العـرفـو القـصـة ســدت جــوه حلـوقـهـم غـصــة
    مــن الـجـوع الــدم اتمـصـه واصـبـح كــل الحـلـم رغـيـفـة
    كـل الراكـب شـاف احـلامـو دون احـسـاس مـاتـت قـدامـو
    فـن كتابـو وكسـر اقـلامـو لا الوالـديـن لا جــار مــا لامــو
    هزموه اخوانو البى الجوع ناموا وكم خريج ما لاقى وظيفة
    يـا الفكيتهـا وقلـت لهـا سيـرى وعـارف إنـو الدنيـا دمـيـرى
    لا فى ضفاف لا شفنا جزيرى لا فى الحيرى لا فى الطيرى
    كسـرت جناهـا وقلـت لهـا طيـرى واتملكـت الكانـت ميـرى
    يـا السـودان الناصـع وحيـرى ايـد الـحـق صابـونـة وليـفـى
    قبلـك كـم متعلـم وقــارى عـكـس الـريـح فكـولـو الـصـارى
    مشدوهـيـن متعـشـى وحــارى ريـسـهـا شـلـتـه والـبـحـارى
    كـم سنـوات علامهـا البـارى واقفـة وهــم شايفنـهـا جــارى
    بقينـا هـلاك والقيـف مضـارى لا حجـار لا دوحــة وريـفـة
    حـسـك عيـنـك مــا تتـمـادى وتنـسـى الـراكـب عـنـدو إرادة
    الأهـوال الشافهـا وخاضهـا كــان فــى مـدرسـة ولا عـيـادة
    شفـنـا الإيــد الكـانـت اجــواده عـلـمـت الله مـــن التعـريـفـة
    يــا ريـسـنـا قـــدر وديـــرك فـــك الـدفــة وادهـــا غـيــرك
    احفـظ نفسـك ترضـى ضميـرك وقـف اوع تواصـل سيـرك
    كان طاوعتنـا شـن بيضيـرك عـرض اكتافـك وفـك البيريـك
    لا هنـى وشكـرا وكتـر خيـرك انسـان فـى الأرض خليفـة .

  3. #83
    تاريخ التسجيل
    04:00, 12th Sep 2008
    الدولة
    السعودية
    المشاركات
    442

    افتراضي رد: موسوعة الشعر الشايقى

    تسلم ياود علوب اول حاجه على مجهودك الرائع وان شاء الله مشاركاتي تعجبك

  4. #84
    تاريخ التسجيل
    15:10, 27th Dec 2006
    الدولة
    الخرطوم
    العمر
    43
    المشاركات
    278

    افتراضي رد: موسوعة الشعر الشايقى

    تسلمى ويسلم الجميع
    اولا انا ود علبوب وليس علوب كما يكتب الكثيرين
    **** مشاركتك اكيد حلوة يا رينا وكيف لا تكون كذلك وهى كلمات الرائع حاتم حسن الدابى وعلى فكرة القصيدة مكتوبة قبل اكتر من 19( سنة ) يعنى اكيد اتفهم المعنى بتاع ال 19 سنة والكلام دة على لسان اخونا حاتم نفسه ومدر مدر يا رواسى

  5. #85
    تاريخ التسجيل
    04:00, 12th Sep 2008
    الدولة
    السعودية
    المشاركات
    442

    افتراضي رد: موسوعة الشعر الشايقى

    اول حاجه كل سنة وانت طيب ياود علبوب واسفه على عدم الانتباه في كتابة اسمك

  6. #86
    تاريخ التسجيل
    15:10, 27th Dec 2006
    الدولة
    الخرطوم
    العمر
    43
    المشاركات
    278

    افتراضي رد: موسوعة الشعر الشايقى

    شكرا لمروركم جميعا و ونبدأ سلسلة هدايا العيد مع المبدع محمد الحسن سالم حميد ورائعته عيوشة

    عيوشة
    صبت غيوم ذات يوم فوق أرض معطوشة
    كان في حشاها بعوم كركارتو مفقوشة
    في الفيها حي قيوم والدنيا مدووشة
    فاقت بصور الدوم كم حلِة معروشة
    *** ***
    الباقر الدرويش وحِّيدو خابر السر
    فالدومي صورا دا ريش جنحين ملاك البر
    ما بين سبيطة يعيش بالليل نبي الله خضر
    جيش يا ابن آدم جيش وِِرْ العشق يا تر
    ** **
    وينطاير الدرويش بين حضرتو وهوشة
    وتمرق من المافيش للدنيا دقلوشة
    *** ***
    تمرق مروق الريح والغيمة والمطرة
    قش الخلاء اللا ليح لا شوك ولا ظهرة
    تمرق بلا تاريخ وتدخل بها الوكرة
    دبش الظلط والسيخ والتلتلة الضكرة
    يا نوح مراكبك فوج فرت من الحجرة
    الموج يشيله يلوج من كوشة لي مجرى
    يا نوح حصايتنا قامت في ساقيتنا
    لا نار لا دايتنا لا أزيار كدايتنا
    كانت تنيص وتئن ما كنا فيها نحن
    بس فرهدت كيفن فزت سعايتنا
    إلا أن يكون الجن عوض رعايتنا
    وساعة السواقي تجن بكسر سقايتنا
    ** **
    يا نوح يا إما الجن يا الباقر الدرويش
    صقر البطانة أب سن يا دابي رندة أب ريش
    أدا الحصايي الحن وكبرت من المافيش
    بس سابتن يا نوح يوم دمَّ قلب الدوم
    سابت دياره جروح وشابت على الخرتوم
    اختارت البيروح وأبت الوفاء البيدوم
    ** **
    لكين دعي الدرويش لكن نجيهة الجن
    بي دابي رندة أب ريش طارت نديهة أب سن
    من طاعمي زي الفل انضبلنت كيفن
    لا همبريب لا ضل في الريح تضاضي تئن
    *** **
    من تابري بفراشة وزرزور وحواشة
    دقلوشة كنتوشة لاماله شماشة
    همبوبة فشفاشة وصيصايي كرموشة
    عينيها رماشة أم لمبة فتاشة
    من كوشة لي كوشة دنقيره صنقيره
    حنديره في غيره خلاها دعموشة
    تلوشة ولا ضفاف بارك عليها جفاف
    بي ريحو مقشوشة
    وزي صرخة الغرقان
    في الفاضي عز فيضان
    شعراته منفوشة
    *** ***
    وشفع مباراها
    عيوشة عيوشة
    الليل هديماتا وشمش الله برطوشة
    تشرب من الشارع وتلقف من الكوشة
    عيوشة أرقصيلنا صقرية كاروشة
    السمبا جابودي الهورس عيوشة
    وعيوشة ماب ترقص لكنها الدوشة
    والدوخة .. بي هوشة بالراحة بي شدِّي
    زي البتنترتع في إيدا دم نقع
    والتاني برطوشة تفلت من الشفع
    كيف عاقة مهبوشة
    *** ***
    منعودي الزي دي من بدري مو هسع
    مما انضبح جدي
    في كورتي وانقطع وجدعوهو في كوشة
    في شندي قام ولّع نيرانو محموشة
    في الباشوات ترشع تشلع في طربوشة
    *** ***
    عند لفة الهندي عيوشة منجقدي
    تدخل على بيتاً ستاتو متمدي
    ناساً بعرفوها لكين بعافوها
    دايرين غسيل عدي شاكرين يا دقلوشة
    ويدوها عيشايي بي دمعة مرشوشة
    *** ***
    وتتملك الشارع خطواته مربوشة
    السوقة والصبيان عيوشة عيوشة
    الليل هديماته وشمش الله برطوشة
    تشرب من الشارع وتلقف من الكوشة
    *** ***
    شبعاني ماليها جيعاني مدهوشة
    في الراح بأهاليها والحلَّ بالكوشة
    لا من رغيفايي كسرايي قرقوشة
    لا برتكانايي بي صفحة مدقوشة
    *** ***
    وين المدينة الكان على رغم ما فيها
    من فاقة من حرمان لحاقة أياديها
    وتشفق على الإنسان لا دَوَشة لا دُوشة
    حنانة مبشوشة
    بي فضلة في مطعم بي فكة في قروشة
    بي نظرة لي طفلة في لوعة منقوشة
    يا رقصة في حفلة وأحلى أكلة يوم بوشة
    ويا كلمةًً طيبي بالبسمة مفروشة
    يا عالم الغيب شن حلَّ بالكوشة
    *** ***
    حلابه ما حلَّ
    بي الباقر الدرويش الجن جنا الحلة
    وناساً بيوتا عويش رايداكي لي الله
    أول قوالك ريش سبتيله يا أم ذلة
    قتيله دايرة أعيش وجاكي الكضب فلّة
    خدر المدن بخشيش ما أبيخ العلة
    ومأمولك المافيش
    *** ***
    لكن جماعة الله ناس باقر الدرويش
    غفرولك الذلّة
    فاوة العشم والطيش قفروكي يا ولاَّ
    بس نقطة التفتيش والعارض الحاشا
    ناشا ونعل خاشا خرطوم وقرقوشة
    *** ***
    ينذكروك والليل قمراتو متشوشة
    من عاشة دون دوشة في الحلي دقلوشة
    جم دوكي تتعشى وتصبح تقش حوشه
    مدخورة لي باكر ما دلاَّ عشُّوشة
    طوالي بتذاكر بأصحابه مدووشة
    *** ***
    صاب المحل قشة وراس البلد دوشة
    بالك طفر طشَّة جيتيها مخموشة
    غيرتي لي عشة وسووكي عيوشة
    مويتك من الشارع
    وقوتك من الكوشة وجابولك الكشة
    حين درتي كشكوشة
    *** ***
    وتنصنتيها أصوات أماتك الأموات
    صديلنا وين كتي في مجرى في كوشة
    في أحضان دِقن ميتي أو تِفِّي منفوشة
    صديلي يا بتي يا عاشة عشُّوشة
    أنا عندي ليك إنتي وكيف كنتي كنتوشة
    صدِّي وكفاك دوشة دي مدينة ماهيلك
    غاشاك ومنغشة ميتي وتقاويلك
    مافي اليخليلك صبراً يخاويلك
    غير ناس أحاويلن قطعن أحاويلك
    *** ***
    سيبي الفي إيد الغير واتباهي بالليلك
    ما شفتي كيف الطير باكي ويغنيلك
    يا جرحنا الحائم طول النهار هائم
    من مجرى لي كوشة ينحاشى لي كومر
    قبّل على كوبر بأصحابو مكشوشة
    *** ***
    أصحاباً أومولك باكر يلاقولك
    في مجرى فوق كوشة كالعادة يحكولك
    ودونا لي ضابطفي الفيها كان ظابط
    ما الوضع منجارط وسعر الدموم هابط
    *** ***
    وين قال أوديهن والعندي ما قادر
    بالموية أكفِّيهن والعسكر أدُّونا
    سيطان وفكّونا كالعادة يا أخونا
    حيكومة مجنونة
    *** ***
    بنغسِّل العربات
    وما أبعد الكورنيش عتالة جرسونات
    شغلاً ما يكِّل عيش وما فينا إضرابات
    غير نضرب الأورنيش وبالحالة دي الكابات
    مرات يجيك الديش
    *** ***
    ما يقبضوا الباعوض الماب يدور فتيش
    ما يصوبو البارود تالا أب كلام غشغيش
    يا أوضاع ضلامية إشمعنا نحنا وليش
    نحنا الحرامية ولاّ البدسو العيش
    شقيش نقع شقيش حتى السجن ما فيش
    ما فيش يا عيوشة
    *** ***
    يا ريح بشيشي \ بشيش
    ويرجع صراخ الجن والباقر الدرويش
    نبي الله وأهل الحن وغيماً مطرتو دريش
    صقرالبطانة أب سن وحس دابي رندة أب ريش
    *** ***
    في الدومي آخر الليل
    يا عاشة صدى الدار
    يا حاشا حوشي السيل يا راشة رشي النار
    يا خاشة بين الحيل ونفس الغلابة الحار
    يا طاشة نحنا يي ديل ضيب المدن غدار
    *** ***
    الفأرة بأجحاره البومة بأوكاره
    الطيرة بعشوشة الكل بي مأواه
    الكافة بعيوشة وود البلد داك تاه
    ضاقت بو أرض الله غير مجرى أو كوشة
    *** ***
    يفقش صديرك آه أواه يا مفقوشة
    ما آدم بدور حواه في أوضة بي حوشه
    أوضة معيشي ونوم مفروشة معروشة
    من صور وجوبيل دوم ويي ديل يا عيوشة
    ولابد تجيهن يوم لابد يا عيّوشة
    *** ***
    ويا كل عيوشة مطروشة في الخرطوم
    في مجرى أو كوشة يا الحقكن مهضوم
    يا قصروا الدوشة يا أرجو القيامي تقوم
    والسلطة حنكوشة
    *** *** يا أبونا يا الأسود
    يا أمنا القرقد يا دون شغل يا زول
    ما لاقي منّو يصد طول الوكت مشغول

    *** ***
    جاك المحل قاسيت لامن هجرت البيت
    أو هجروكا غصِب صب المطر خبيت
    أول هناك طبيت دارك لقيتا حرب
    كرت عليك فريت
    *** ***
    كان ما في غير تنفد بي جلدك الأسود
    بي راسك القرقد وبي فألك الشامخ
    زي تاج أبو الهدهد لامن يطير لبلاد
    لا نبلة لا صياد من كايا حتّى جبيت
    دود الحلال دون خيت زي ما يدور ينقد
    *** ***
    حاشاكا صيبي وعيب
    لي شينة ما ختيت
    قدّامي من تبِّيت
    قلبك يحس بالغيب
    ماك التقول يا ريت
    عند تبنتك للجيب
    دخري وركيزة البيك
    دغري وعراض




    قوليها يا خيّة للنفسو ما هيِّة
    شن جبهة متكية
    لي شاشة كاكية
    من يا نكي
    طربوشة جم جبهة دغرية
    العمة مكوية صنعة كبوشية
    فوق راسه ملوية
    ترقش بياض نية حاضناله طاقية
    بالهيبة منقوشة
    زي وشم ما كيَّة وشلخاً في عيوشة
    *** ***
    يا جرحنا الطيب جاييك زمن طيب
    خيراتو ليك أول صدقني يا طيب
    مهما الزمن طول الحال حيتحول
    الكوشة لي واحة والمجرى لي جدول
    والسجن لي ساحة بيناتا تتجول
    عينيك مدهوش ةفي طفلة
    دقلوشة كنتوشة
    في حوشة في إيدا بت لعاب
    والتاني كشكوشة

  7. #87
    تاريخ التسجيل
    21:08, 18th Sep 2008
    الدولة
    الخرطوم
    العمر
    36
    المشاركات
    28

    mangol قصيدة (ودالشايقى )

    للشاعر محمد بادي

    قصيدة ود الشايقي

    يجيها الحول والحول بى زول
    والزول غول
    ونحن ضهابة نحن تعابة
    لا نقدا ولا محصول
    ياقشاره مامعقول
    يافقاسه ما معقول
    عليك عرزينك المبهول
    أضربى الجملة بالميت قداحة فول
    وعيشه تقول ضنيب أم سيسي , عرض وطول
    وجاز اللمبه فى غلبا
    وحق الفطره للطلبه
    ركوب التاكسي بالقلبة
    ولو الروح بقت سلبه , نمص الصلصه من علبا
    وكانت جاتنا فى الرقبه
    ****
    دا كلو كوم والوليه وتاني ام العيلة كوم
    الوليه الفنجريه حلاوه نبق
    الوليه الغجريه ودايره دق
    البطن ديمه منفوخه طبق طبق
    يجيها الحول
    وحول بي زول
    ومره تديها الهواده وترمي زي زولين زياده
    الله اريتو الزول يزاول
    ياحكم صفر دا فاول
    البطن بت اللذينه ديرة تعمير القبائل
    وأب شنب تعبان وعرقه يسيل جداول
    يلحس الكوع رغم انفه وكان مزاول
    وديمه يشبع فى البشاتن وديمه يشبع فى البهادل

    شايله فوق الصفحه سوسو
    واحد الله
    باليمين مقيوده سيسى
    مالو تانى
    وأب شنب شايل أماني
    تلاته بركه ,, وكل حركة معاها بركة
    وفى البطن بنجوسها فرفر
    والقطر بي وراها صفر
    والله يستر
    ****
    شوق كمان جنس الفصاحة
    والفتاوي الماها صاحة
    نحن عارفين الله اعظم
    والرزق بنزل مقسم
    للبجاهد والمعسم
    والله
    وربنا يتم المقاصد
    والله ماشقالو حنكاً ضيعو
    والله ما سوالو طفلاً ماسقاهو ورضعو
    الا اسمعو يا رفاق
    الرضاعة خشم بيوت
    و الربايه خشم بيوت
    والمعايش ماها توت
    والمعذب أخير يموت
    الوليد أكان مبرجل شِن بيسوي
    زي كليب جربان يعوي
    يصبح والمصران مهوي
    ويمسي والمصران مهوي
    لايبهرج ,, لابيضوي
    الوليد كان يربى قوي
    عمله أسترليني سايره
    يبقى صاروخ ارضى جوي
    ***
    النجاح مو مهم كتير
    والبيطير من أرض جاعت كان أخير
    واخير جتكم بي بشاره وقولو خير
    خير
    ربنا يخلى الخواجه عشان ماتقيف قدامنا حاجه
    ياخلق , ياعقل صبه
    تشربو الويسكي المعباه
    وتلحسو الرز بالمربي
    تبلعو عروق المحبه
    تدو كضبه وراها كضبه
    عشان تقيف ماتدو حبه
    انتي يا جاموسة دري
    هو اليكتح وانتي ضري
    الليلة يقطعو حبل سري
    بكرة يظهر حبل سري
    العداد ماسكاهو سري
    لاتحدثي لا تقري
    الا تنشري وتدري
    ويلا يا دايتنا جري
    انه قول المعري
    خفف الوطء خليلي
    هاهنا قبر سليلي
    جمي جمي وبكرة تمي
    ويلا يا نخلاية رمي
    ارمي اردب فول وسمسم
    وخلي ملك الموت يلملم
    حبة يا اهل المحبة
    حبة في جوف الولية
    حبة واحدة مع العشية
    والمطايب هىّ هىّ ...
    لا بطوناً كالخيام
    ولا سمايه .. ولا كرامه
    لا شرابا .. ولا طعاما
    قد تقولون حراما
    لستُ مفتي ,,,,
    ولماذا لستُ أفتي ؟
    شيخنا ود الشايقي خريج الخلاوى
    يكتب البخرة ويداوى
    يعشق الماحي وطارته وأبوكساوي
    قافل أضانو من الخلايق
    لا مصايب لا بلاوي
    إلا فى عرس وطلق
    قد يجيب بعض الفتاوى ...
    حالته ساتره ونص كم
    اسطى في سوق السماسرة
    بيعه رابحه وبيعه خاسره
    وهو حامد مُتشكر ليس ملحد منكر
    يمشي مابين السراري
    ونساوينه الحواري لا تغيب عن قلبه أبداً
    *****
    حاجه سعده لجنه خردا
    حاربت فى المهديه
    وهي آلت لجلابط وكراضم , عن قريب ستزور الأبديه
    واحيلت للمعاش
    فأستراحت واراحت

    ثم تأتي سعديه
    وهى رهن الخدمات
    ومفاخر ومباخر وعيون فاهمات
    تعرف الوقت المناسب وتُحاسَب وتحاسب
    ليس فى الدين حرج

    أخر العنقود ليلى
    أصغر الزوجات ليلى
    افخر العينات ليلى
    شيخنا ود الشايقى أفلح
    أشترى ليلى مكع كع فتصلح
    وتصبين وتنحنح
    وهو شيخُ متصوف
    فى هزيع الليلٍ يمدح

    (( يا ليلى ليلك جنّ معشوقك أوّه وانّ ))

    وتُجيب المدح ليلى وتُغرود غير هدنه
    وتُزيد الشيخ قُرباً قاب قوسين أو أدنى
    أنها دنيا المقالب بأسم ليلى من يُطالب
    لست ادري
    ****
    فى مره
    والممرات كثيره
    صلى شيخنا الصبح ونافلة بآيات قصيره
    وتعوذ ودعا الله بأن لايتجوز
    وتشهق ، وتمنطق ، وبراس السبحه طق .. طق
    ومضى يتلو الكتاب
    مر بالمال والبنون !! فتبسم .. وتنسم
    وبآيات الطلاق !! فتجشم .. وتكشم
    ثم ايات الزواج فترنم
    وأذا ما لاقى مُثنى .. وثلاث .. ورُباع
    وقف الشيخ طويلاً !!!!!
    مثلما فحل الضباع
    وبكى ..بدموع بقرية
    وشهيقا كادجاجة البطرية
    وهو يرخى من حبال وتريه
    وجرى دمع الزراعه المطريه
    انها عين الشماتة !!!!!!!
    فأنا لا املك غير ثلاثة
    انني قصرت في حق الكتاب
    سأعاني ما اعاني من عذاب
    أين مني زوجةً بكراً فتية
    أين مني المحلبيه ؟
    والعطور البلدية
    والعطور الاجنبية
    فى نقاء كبحيرة طبريه ؟؟؟
    ثم قال استفغر الله وطفر
    وتحكك وتقيف وتمطى يتبختر
    يسأل الله عروسه
    وخرج يحشحش بعبايه وزناد وكدوسه
    يمشي من غير فرامل وتروسا
    خطفها .......خطفها ........ خطفها
    جاب ضحيه هايله ومُدهنة
    جزار وفالح فى تجارة القرصنه
    خلف الكراع فوق الكراع
    وكدوسه زي المدخنه
    بالكفتين زي الخشب !! حرق شباب السوسنا
    وتفوت سنه.... وتمر سنه .....
    شيخنا خلى الميضنة
    يوم هناك ويوم هنا
    بقى فى الحرد والطنطنه
    وهو زاتو عجز وأنتنى
    شيخنا يالشيخ البجم
    خلف زرازير السجم
    واحدين أساميهم عرب
    واحدين أساميهم عجم
    بدأ بمحمد (ص)
    ثم زوجات الرسول (ص) العشره
    وكل الذين تجمهرو فى البيعه تحت الشجره
    طلحة الخير , والزبير
    ثم سعدُ وسعيد
    ثم ست مبايعين
    وكمل اسماء الصحابة
    والكرام التابعين
    وتابعين التابعين
    والنجوم البارزين
    واسامي الخالدين
    ثم عبد مايشاء من البنين
    عبد المقيت
    عبد الحسيب
    عبد االجليل
    عبد المُعين
    ثم سمى فى الختام
    عبد مالك الملك ذو الجلال والأكرام
    ثم نوع فى القوافي
    وتبحر فى تراكيب المضافى
    شمس الدين
    ونجم الدين
    وقمر الدين
    وقمر صناعى الدين
    سيف الدين
    وزحل الدين
    ومهر الدين
    وعااااااااااد لا وين
    أخر الدور الواحده بقت تفقس فى تمانيه شهور
    ولدة اناتي جوز فوق جوز
    وولدة ضكور
    والراجل تقول مسحور
    ومابخليلو مرتا بور
    وزرعته مابتقع واطه
    بعد حولين يزيدو على اهل مالطة
    وشيخكم عاد قعد باطة
    يكتب الطلبات لست
    المقاسات بالدست
    لحسو قدر العندو ست
    حتو درج الخزنه حت
    الولية تنبح ما تكست
    البت تدور كان أصبحت وأن كان مست
    جيب خرئط وشرائط وهياكل وسلاسل
    ولفايف وقطائف
    ومحزق ومفستق ومنمق
    وغوايش وعرايس وعرايش
    ونفايس ومداين وطلاوة
    واراضي وسماء
    وجوارب واكمة وهلما .. وهلما
    أنها نكبة روما والمتمه
    أن طعم العرس حلو ولذيذ
    وهو راحات واقداح نبيذ
    والخوازيق ستأتي
    و أنتفاخات القرنتي
    ثم ضربات البلنتي
    وباعوض كالنتمتي
    لايقاوم بالدي أم تي
    انت تصرخ بنتي بنتي
    وهي تصرخ
    حني حني
    وتتي تتي ........ ولا عليا
    عدوك مزموم بكل لسان وان كان اعداءك القمران
    ولله سرفى علاك وانما كلام الورى ضرب من الهزيان

  8. #88
    تاريخ التسجيل
    09:01, 21st Oct 2007
    الدولة
    الخرطوم بحري
    العمر
    47
    المشاركات
    284

    افتراضي رد: موسوعة الشعر الشايقى

    قمه في الروعه والابداااااااااااااااااااااااا اااااع
    لك الشكر

  9. #89
    تاريخ التسجيل
    22:26, 2nd Feb 2009
    الدولة
    السعوديه
    المشاركات
    2

    افتراضي رد: موسوعة الشعر الشايقى

    الأخوة الأعزاء تحيه وتقدير
    هذه اول مشاركة لى فى منتداكم العامر ,واحببت ان تكون اول مشاركة لى عن الشعر الشايقى لانى احب كل مايكتبه شعراء بنى شايق.............
    حقيقة هذه المشاركه عباره عن رساله وصلتنى عام 2007 من أحد الأخوه فأحببت ان اشرك الجميع لتذوق هذه الوجبة الخفيفه المطبوخه بنكهة الروعه الشايقيه (روعه مشلخه)
    تحياتى



    الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد...



    إخوتي الكرام...

    نهاركم سعيد...

    بالسلام عليــكم والتقدير والتجِلَّة...
    ثم الصلاة والسلام على مُنجي هذه المِلَّة...
    وبعيداً عن العنصرية البغيضة المُمِلَّة...
    أهديكم هذا البوست...

    الغرض: إستراحة ظليلة ننثر فيها بعض تُراث أهلنا الشايقية من فِنون وحِكَم وأشعار...

    الدعوة: مفتوحة للجميع للمشاركة...

    البداية: قصة قدييييييييييييمة... أهديها لكم كإفتتاحية... وهي عن موضوع العِشْق الجنون عند أهلنا الشايقية...

    حكى لي الأُستاذ/ الشاعر (الثوري) محمد محمد أحمد الشايقي (المعروف بكريمة)...

    قال لي عندما كان ببورتسودان عضواً في نادي الخريجين وفي أحد الجلسات الأدبية طُرحت مسابقة وجائزة مالية عن أكثر (بيت شعر قيل في الحب الصااااااااادق)... فقال لي،،، معظم الإخوان تكلموا بأبيات عنتر وعبلة وقيس وليلى وجميل بثينة... وما شاكلهم من الشعراء الفطاحلة في الشعر العربي والغزل... فقال لي أنه بعد هؤلاء العمالقة طلع المسرح وقال للجنة التحكيم والجمهور أُريد أن أحكي لكم قصة ومعها مقطع قصيدة....

    القصة... زماااااان كان في واحد يحب ليهو واحدة شديد خلااااااااااااس لكن طبعاً زمان كان الحب بالدس فإتفق هو معاها يسافر (تِحِت تِحِت).. يمشي بلاد بحري (الدناقلة والمحس) ويلم القروش ويجي راجع ويدخلوا قفصهم الذهبي السعيد كأحلام كل الشباب... وفعلاً حمل هذا الإتفاق الذي جعله يشتغل ليل نهار وحماس منقطع النظير.... (بدل التَبَّانة الظاهر عليهو يشيل تبانتين بتاعات طين)!!!! لاحدي ما جمع القروش وجاء راجع،،،، في الفترة دي البت تقدم ليها ود عمها وخطبها وتزوجها وحتى لو ما أكذب عليكم كانت حامل!!!! وطبعاً ما ممكن تقول أنا مرتبطة كان حا يقطعو لسانها.. لأن الزمن داك ما كان في حاجة إسمها الإرتباط... إلا الإرتباط بالهوية والبلد...

    فعندما رجع المسكين وجدها قد تزوجت بإبن عمها ولم يُظهر أي معارضة خارجية كتم حبه بين ضلوعه ليش لم يزعل،،، لأنه يعرف تماماً إنها ما أدَّتُو شاكوش إنما التقاليد هي التي فعلت به هذه الإفاعيل... فاستغفر ربنا وصبر...

    ففي يوم من الأيام صادفها وهي تشتري بعض الأغراض من الدكان القريب لبيتهم فقالت له السلام عليكم،،، فرد عليها السلام... (والسلام سنة الإسلام)... فذهبت هي خجلانة لصديقتها وقالت لها قابلت اليوم حبيبي فلان وقلت له السلام عليكم لو كان عارفني (حامل) ما كان رد عليَّ السلام!!!

    فصديقتها أخذت الكلام حااااااااااااااااااار وأخبرته به... فهنا قال هذه الأبيات...

    قال ليها....

    تريديني وبرِيدِك ومن زماااااااااااان كُتْ فيكي عشمان...

    إن وِلِدْتي إنشاء الله تيمان...

    إن بِقى لا رابِع بُطان...

    إن لِقيتك ماني ندْمان....

    فهنا قررت اللجنة إعطائه الجائزة.... أسأل الله أن يعطي شاعرنا الفذ السياسي البارع محمد محمد أحمد الشايقي العافية وأن يجمعنا به في داره العامر بأُمبدة في أسعد اللحظات...

    خارج النص:
    عليكم الله يستاهل الجائزة ولَّة ما يستاهلة؟؟؟
    .............................. .............................

    أملي: أن ينال هذا العمل الرضا والقبول والمشاركة من كل الإخوة الكرام...

    وللجميع قواسيب مودتي...

    أبو الحســـــــــــين

  10. #90
    تاريخ التسجيل
    20:31, 9th Apr 2007
    الدولة
    ليبيا
    العمر
    37
    المشاركات
    31

    افتراضي رد: موسوعة الشعر الشايقى

    مشكورين شعر حلو كتيييييييييييييييييير
    ستظلون دوماما بين البنفسج والندي.......
    عطرا........يزيب......كآبة الاشياء فينا
    ++++++++++++++++

  11. #91
    تاريخ التسجيل
    18:16, 27th May 2008
    الدولة
    khatum
    العمر
    39
    المشاركات
    4

    افتراضي رد: موسوعة الشعر الشايقى

    الزمن يا يمه ساقني بعيد خلاص

  12. #92
    تاريخ التسجيل
    18:02, 26th Nov 2008
    الدولة
    المملكه العربيه السعوديه
    المشاركات
    1,808

    افتراضي رد: موسوعة الشعر الشايقى

    [align=center][align=center]يديكم العافييييييييييييه كلكم تسلم يدكم مشكورين[/align][/align]
    [SIGPIC][/SIGPIC]

  13. #93
    تاريخ التسجيل
    22:52, 2nd Mar 2009
    الدولة
    -
    العمر
    37
    المشاركات
    4

    افتراضي رد: موسوعة الشعر الشايقى

    ود علوب احييك ياراقي وسلمت يداك يامبدع

    بيقولوا من زماااان الشوايقه بكايين وبحبوا من قلبوهم شديد ماكنت مصدق قريت جن الريد الكتبتها

    شاف قدامو الما متوقع ** وهم الكون فوق راسو إنصبه
    شاف السلسل عهد الريده *** نفس السلسل وصورة الكعبه
    شاف قدامو أميمه حبيبتو *** كانت قاسيه وقاضيه الضربه
    شاف أحلامو تضيع قدامو *** بعد ما كانت منو قريبه

    لقيته بكا وجن اجارك الله


    تسلم حبيبنا ود علوب ونكت لينا من جوه كده زي دي :)

  14. #94
    تاريخ التسجيل
    23:15, 11th Aug 2007
    الدولة
    على سفر
    المشاركات
    14,068

    افتراضي رد: موسوعة الشعر الشايقى

    تشكراتي ود علبوب ,, لكل الروائع التي نثرتها هنا ,,

    وأزيدك من الشعر بيت ,,

    [align=center][grade="00008B FF6347 008000 4B0082"]يا قلبي الحزين وين تمشي ليه كل الدروب مقفولة
    كيفن زول يصل للجامعة يرجع تاني لي سنة أولى
    ياما كتار حليلهم ضاعوا في زحمة دروب مجهولا
    يزرعو في النوايا الطيبة كان ثمرة ضياع محصولا
    الواحد يريد النجمة ما بيقبل يشوفو افولا
    تلقى وسط ظروفو يشابي عشمان انو بكرة يطولا
    مسكين كان يخادع نفسو بي سحب الخريف وهطولا
    متعشم يقول المسرة يوم باكر يدقو طبولا
    مسكين ياحليلو اتناسى نكبات الزمان وفصولا
    واتناسى انو نحن غلابا احلامنا العراض مطبولا
    من زمن القراية شراي ما بشوف غير سيوف مسلولا
    كل ما اقول وصل لي مرسى القى احزاني شادى خيولا
    قاسي الزي يقلى الداريو نقاي يعرف المصقولا
    اول ما يقول ديك لي كل خلق الله بكرة يجولا
    عايش فد سؤال جواي ليه لحظات فرحنا عجولا
    وايام الحزن تندب زي السلحافية مهولا
    اختلطت على ايامي قدامي الهموم مسدولا
    ممشكلتي العلي ومالبي ما هو مرض دوا وكبسولا
    اه اه اه اه اه اه اه
    اه من دنيتي واقدارا اه من جحيما وهولا
    شينا الزي بلقى الدايرو منو الدمعة ما مقبولا
    لكن يا رفاق بالدغري كلمات بي صراحة بقولا
    انا كان جنيت او ودرت تبقى ظروفي هي المسئولة[/grade][/align]

  15. #95
    تاريخ التسجيل
    23:15, 11th Aug 2007
    الدولة
    على سفر
    المشاركات
    14,068

    افتراضي رد: موسوعة الشعر الشايقى

    [align=center][grade="00008B FF6347 008000 4B0082"]
    جرح الريدة

    سافر يا جرح جواي سافر فوق جناح السرعة
    الموج يوم يضارب الشاطئ
    والريح لما تطفئ الشمعة
    والمحبوب وقت يجرحنا لو فى ضمير يحس أو يوعه
    جرح الريدة كان يتعد من ضمن العجائب السبعة

    الضايق عقارب الريدة يرميهو الأثر بالخلعة
    بنوت حواء ما لاتنو بالخوف والشجن واللوعة
    بالليل والجراح نتاحة والناس ناموا بعد الهجعة
    شفت بنات نعش في دمي يتهادن بهيات طلعة

    يا قلبي الحزين اسمعني خت قرض الصبر في الوجعة
    قول لي كيف تفيدك عترة وانت وقعت كمين وقعة
    اشهدت واستغفرت غسلت العليك بى دمعة
    اتيقنت قلت براك ما ليك تب عشم في رجعة

    مالك قلبي من تطراها بالبيك لا بتحس لا بتوعه
    منحوس انت من ما قمت اصلك ما بتفوز بقرعة
    سعدك لو تجيبو كرامة كان مديت زمان القرعة
    في المر ما عليك ملامة أشرب ما تفضل جرعة

    الناس قالوا لي انساها لو داير تطيب بسرعة
    حاولت وغلبني انساها ذكرته لى صبحت طبعة
    طلعتا في صباح ايامي لا غابت خميس لا جمعة
    سرقت بالي ما فضل لي منو قدر اعد لا سبعه

    يا ست الحسان احلامنا ما بنلقاها عن ست ودعه
    في دنيا الغرام والريدة البكا والنواح ما بدعة
    زول كانت مشاعرو عليك جاري زي الحجر في الفلعة
    محتار نارو كيف يطفيها مادام النفس بقى ولعة [/grade][/align]

  16. #96
    تاريخ التسجيل
    21:24, 1st Sep 2008
    الدولة
    المملكه العربيه السعوديه /جازان سحر الطبيعه
    العمر
    40
    المشاركات
    8,054

    افتراضي رد: موسوعة الشعر الشايقى

    اقتباس المشاركة الأصلية كتبت بواسطة waya مشاهدة المشاركة

    جرح الريدة

    سافر يا جرح جواي سافر فوق جناح السرعة
    الموج يوم يضارب الشاطئ
    والريح لما تطفئ الشمعة
    والمحبوب وقت يجرحنا لو فى ضمير يحس أو يوعه
    جرح الريدة كان يتعد من ضمن العجائب السبعة

    الضايق عقارب الريدة يرميهو الأثر بالخلعة
    بنوت حواء ما لاتنو بالخوف والشجن واللوعة
    بالليل والجراح نتاحة والناس ناموا بعد الهجعة
    شفت بنات نعش في دمي يتهادن بهيات طلعة

    يا قلبي الحزين اسمعني خت قرض الصبر في الوجعة
    قول لي كيف تفيدك عترة وانت وقعت كمين وقعة
    اشهدت واستغفرت غسلت العليك بى دمعة
    اتيقنت قلت براك ما ليك تب عشم في رجعة

    مالك قلبي من تطراها بالبيك لا بتحس لا بتوعه
    منحوس انت من ما قمت اصلك ما بتفوز بقرعة
    سعدك لو تجيبو كرامة كان مديت زمان القرعة
    في المر ما عليك ملامة أشرب ما تفضل جرعة

    الناس قالوا لي انساها لو داير تطيب بسرعة
    حاولت وغلبني انساها ذكرته لى صبحت طبعة
    طلعتا في صباح ايامي لا غابت خميس لا جمعة
    سرقت بالي ما فضل لي منو قدر اعد لا سبعه

    يا ست الحسان احلامنا ما بنلقاها عن ست ودعه
    في دنيا الغرام والريدة البكا والنواح ما بدعة
    زول كانت مشاعرو عليك جاري زي الحجر في الفلعة
    محتار نارو كيف يطفيها مادام النفس بقى ولعة

    drawGradient()

    والله يا الهنا كللللللللللللللللللللكم

    ابداع فى ابداع

    والشعر الشايقى من اجمل الاشعار فى السودان
    والشعر والغناء الشايقى هو يناقش قضايا قمة الاهميه فى
    اسلوب رائع وبديع
    مثلا الاغتراب والبعد عن الوطن
    وايضا تناول قضية الطفله مرام

    وما اجمل الاصوات الشايقيه
    اضفت اللبنه الجميله على الكلمه
    من اشهر المغنيين الشايقيه
    1/ عبدالرحيم ارقى
    لو القدح المعلا فى نشر وتحبيب الاغنيه الشايقيه للشعب السودانى
    2/ عبد الرحيم البركل
    3/عبد القيوم الشريف
    4/النصرى
    5/طبعا هؤلاء الجيل الحديث

    من احب شعراء الشايقيه الى

    الشاعر الفاتح ابراهيم بشير



    هذه القصيده من احب القصائد الى قلبى اخى وايا
    نظمت كلماتها بعنايه فائقه

    مشكوريــــــــــــــــــــــــ ـــــــــــــــــــن

  17. #97
    تاريخ التسجيل
    05:51, 1st Apr 2009
    الدولة
    السعودية_جدة
    العمر
    27
    المشاركات
    287

    افتراضي رد: موسوعة الشعر الشايقى

    روووووووووووعة مرة
    وتحفة

  18. #98
    تاريخ التسجيل
    21:24, 1st Sep 2008
    الدولة
    المملكه العربيه السعوديه /جازان سحر الطبيعه
    العمر
    40
    المشاركات
    8,054

    افتراضي رد: موسوعة الشعر الشايقى

    اقتباس المشاركة الأصلية كتبت بواسطة سالومي مشاهدة المشاركة
    روووووووووووعة مرة
    وتحفة


    فعلا والله يا سالومى
    رووعه

    وين الشباب يا ريت تواصلوا
    منتظريــــــــــــــــــــــــ ــــــــــــن

  19. #99
    تاريخ التسجيل
    15:09, 25th Jan 2009
    الدولة
    الخرطوم
    المشاركات
    8

    افتراضي رد: موسوعة الشعر الشايقى

    والله أخي ماقصرت شـكــ وبارك الله فيك ـــرا لك ... لك مني أجمل تحية .

  20. #100
    تاريخ التسجيل
    19:28, 7th Jun 2009
    الدولة
    سودان العزه و الكرامه
    المشاركات
    2,466

    افتراضي رد: موسوعة الشعر الشايقى

    [align=center]علَّ ألشايقى ما بعيد ألكــــــــلام ويمجِّد
    لأنُّو ألمجد طبعوا وربعو مــــن ألمولد

    يالشاتمنا بالقول وألكـــــــــلام ألشين
    نحن أولاد رجال ملكوا ألبلاد حاكمين
    ما عابهم أحـــــد إلا أللئيم و ضنين
    ويا ألواصف يمين خشمك بنملاهو طين
    أولاد شايق ألفرَّاس عقب فى ألحارَّة
    أولاد شايق ألأمَّــة ألعظيمة ألدارَّة
    أصحاب ألمروؤة وقت تقع بك ضارَّة
    وشيالين تقيل وقت ألفرح وألسارَّة


    ده ألشايقى ألأســــد منُّوا ألأسود تتلملم
    ده ألفارس ألركين بى فضلوا سمع ألأبكم
    ويالشاينَّا بالقول إنت بــــس ما بتفهم

    شن بتقول يمين نحن ألكلام خاتِنُّوا
    وألزول كان ظلم حالفين نطيِّر جنُّوا
    نحن شوايقة درب ألموت يمين خابرنُّوا
    ما هامّينا قول خيبان يمـين دايسنُّوا

    قولك إنت فى ألفرسان كلام معيوب
    وألبيتهم قزاز أحسن يفارق ألطُّوب
    وكان بتدور دواس يبقى ألكلام يادوب
    جاب ليك ألأجل وبرضوا ألأجل مكتوب [/align]

صفحة 5 من 6 الأولىالأولى 123456 الأخيرةالأخيرة

المواضيع المتشابهه

  1. موسوعة الماسنجر ...!!!
    بواسطة حزن السنين في المنتدى منتدى الأنترنت والبرامج والتصاميم
    مشاركات: 16
    آخر مشاركة: 21-07-2009, 07:57

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •