مكتبة الشاعر أزهرى محمد على

مرجع لفطاحلة الشعراء

المشرف: بانه

حافظ عوض الله محمد
مشاركات: 1011
اشترك في: الأربعاء 2007.4.11 11:57 am
مكان: السودان ، الخرطوم

رد: مع الشعراء

مشاركة بواسطة حافظ عوض الله محمد »

[grade="FFA500 FF6347 008000 4B0082"]كل مايتعلق بشاعرنا
ازهرى محمد على[/grade]
صورة العضو الرمزية
عمران عوض
مشاركات: 419
اشترك في: الثلاثاء 2007.4.3 11:16 am
مكان: السعوديه - الرياض

رد: مع الشعراء

مشاركة بواسطة عمران عوض »

أزهرى محمد على : إلى إنبثاق نفسى على ـ داخلى

مدخل أول

لمتين متيمم شطر النيل

متوقـّى اليابسة .. وواردْ

متوكـّى الغنية .. عصا موسى ...

بتـْهـش فى غيم الإلفة .. الشارد

مهدودة القُدرة وفترانة

حردان الضل البارد ...

بتـْوجـّل لى يوسف فى البير

يطلع من بطن البير .. المارد!

مدخل ثانى

فات الكان بدّينا إحساس بالإلفة

.... وكان راوينا

فات الباكى جرحنا .. وناسى جروحو

ولافـّى ورانا مدينة .. مدينة

فات الصاحى

ونحنّ نغط .. فى النومة السابعة

طالق حســّو .. ولا حسـّينا

حتـْحـتْ فينا غناهو الطاعم ..

وفات قنعان من خيراً فينا

سلامات يازول يا رائع

سلامات .. عوّافى

سلامات يا خلاصة الخير الفى الناس

وترياق الزمن المتعافى

سلامات يازول يارائع

سلامات عوّافى

..............

محاصر فيك

بسأل عن سكـّة تطلّع منك ...

أو سكـّة تودّى عليك

بسأل عن مخرج منك .. وليك

زى نهر بينبع .. وما لاقى مصب

بتمدد عشقك فى أقصى ضواحى الروح

... لى أقصى نواحى القلبْ

يتكثـّف بسعة إطلاق الرّب

.. وأنا كنت بفلـّى القلب .. بسيرتك

سميتك حلاّب الغيم

.. من ضرع الجدبْ

وظنيتك مارست الفعل .. السرّى

وحفـّظت فحولة النيل ... أيام الخصبْ

ولمحتك وإنت بتتمشـّى وترقـّص فى حمامـكْ

على حُمــّة إيقاع الحرب

وتكلكل جلد الكلمة .. الحافـّة

لحبيبة بتفتح مجـرى الغنا .. فى الدم

وتفلّس باب القلب

فيا بنوت الشارع الطاعم .. قومنْ .. كبْ

قومن لى الما قصـّر فى غناكن .. ضُمـّة

ولا إتلوّم بى وراكنْ .. تبْ

ولو تبقى السكّة الجايّة .. ضهبْ

وسلامات يازول يارائع

...........

البارح عصفورتك .. ركـّتْ فى البال

رقـصتْ

وأدتْ عصفور الريد .. شبـّال

وطارت من قولة .. كرْ

ما الزول النهر العصفورة ..

بحرّض فى كلاب الحرْ

.. لابسنى وداخل فى اللحم .. الحى

راصد كل البسأل عن حالى

حرّش ضُلـّى علىّ

ونتـّف زغب الخاطرة .. التخطر على بالى

ومنع العصفورة تحومْ

إستجوب كل الناس التجى فى النوم

.. ما تقومْ !

يازول يارائع .. ومهموم

يا مضـيـّع ضى عينيّى .. وراك

واقف .. حاحاى لى النوم

يا مستـّف رئة الدنيا .. شهيق

ومشحتف روح الخرطوم

كيف حال يا أبوى

كيف حال يا خال

... وتعالْ !

إتفضّل على باحة بيتنا .. الطـّيب

ماعون الأطفال

ضمـّد جراحاتك .. تعال ...

من ضلاماتك .. تعالْ

أدّينا هينين من صبُرْ

السكّة أبعد من مشيك

والجرح أعمق من حدود الإحتمال

السابلة والأطفال هناك

قدّامك المشوار .. طويل

والريح .. وراك

كل البيوت

إتشرّفتْ .. لى طلعتكْ

والونسة ما كملتْ .. معاك

القرقراب .. والقهقهة

مين سمـّى ترحالك .. غياب!؟

والغيبة بتزيدك .. بها

لو يرتق الحزن .. المصاب

كان بعدك الموت إنتهى

يا أقصى حالات الحضور المشتهى

يا منـْتهى

تعال .. قـرّّحنـا بى دهشة غناك الحى

وحـّىْ من جرحك .. الدامى

وفترْ حيلك

وحـّى من ضُلـّك الرامى

وحملْ شيلك

.. تموت متل الشدر .. واقف

تموت واقف على حيلك

فيا حليلكْ

.. يا حليلك بنستنـّاك

على صهوة جياد الريح

بنستنـّاكْ

فى الزمن اللّديح .. القيحْ

بنستنـّاك

على باب الحلم فى غناكْ

بنستنـّاك

رحيلك .. شلهتْ الدنيا ..

ورتـّب العالم البى هناك

... بنستنـّاك

وأنا تانى وراك .. شنْ لاحــقْ ؟

دهستنى فى بعـْدك .. حدو الخوف

الدّاخلة علىْ .. بالسـّاحق

أدّينى القدرة التمنحنى

بحجمـْبكْ سعة الشوف

لو أقدر أطل من شاهق

لو أقدر ألوّح لى عيونك

تلمحـْنى

وأنا ضعفى أمامك .. فاضحنى

... سامحْنى

ما قدرت أطولكْ .. سامحنى

.......................

شفتك من وجع طالع

من برزخ ملتقى النيلين

كنت هناك .. وحيـْدك

وكل الناس .. إتنين .. إتنين..

براك واقف فى حد السيف

براك .. الما وقفْ بينْ .. بينْ

تغازل حلمك الفارع

فتح بابين على الملكوتْ

تسلـّمْ على حضرة جلال الموتْ

وتفتح فى الأرض نفـّاج

إذا إمتلأ الفراغ ... بالصوتْ

فيا باطن الأديم .. أفتح

... براحات الحنين .. مشرعْ

وأندهْ لى مدن شاختْ

أنده لأطلال القرى .. الرّاحت

بيوت فى بيوت

تمرق من شبر ... مسرح

... مدنْ فاضلة

وعالم بى إتساع الحلم

بقامة يشتهى التابوت

فما لفظ البحر .. يونس

ولا إنسدّت شهية الحوتْ !

... ويا زول .. يا رائع

تمشى بى الحسرة ... وتموت؟

سلامات ..

يازول .. يارائع
حافظ عوض الله محمد
مشاركات: 1011
اشترك في: الأربعاء 2007.4.11 11:57 am
مكان: السودان ، الخرطوم

رد: مع الشعراء

مشاركة بواسطة حافظ عوض الله محمد »

بحبك بحر00 الشاعر أزهري محمد علي

مَعاي
وْ غِـشـيـتِكْ أسلِّـم عَـلـيـكْ
أتكِّـل قُـصَـادِكْ
هُمـوم الـحَـرَازْ
أطـمِّنْ طـيوف الـخريف الـوشيِك
أبـشِّـر دواخْـلِـك بـوعَدْ الـرَزازْ
مودِّر مَلامحِكْ
غبِيتِكْ
لِـقيتِكْ
بـتـلـفُظْ شوارعِـكْ بـيـوتِـكْ
تـصادر خُـطاي َ وتْـكَاجِر مَـشيِكْ
تَـغَـالِـطْ حَواسِـكْ مَـلامـحِكْ
وتْـحَـرد عـيونِكْ مـقَاطع وَشِـيكْ
سَألتِكْ: خَـبَـارِكْ
مَسُوكَرْ لسانك
وصَمْتِك يشفِّـقْ
خَبَـارِكْ!بِـتَـغْرُب شُـمـوسِكْ
زمـانَ الـشَـمـوس الـبِـتَشرِقْ
تـضيع الـملاحه الـتَّعطِّن وجـيهِكْ
ومِّنـك تَدَفِّـق
خـبـارك غريبة
أَقلِّـب دواخِـلـكْ
أكـوس الـحبيه الـلى عـنِّك بِتفْرِق
بتَفْرِق حبيبتى البِتَلْبس فصول الخُصوبه
بِتضْـحَـكْ أغـانـي
وتْدفِّـق عُـذوبـه
وْبِتَـنْـزِل
مَـطَرْ
عِـشِـقْـتِكْ لأنِّـك حـبـيـبتى
وْبـحبِّك بَـحـرْ
عِشِقْتِكْ
لأنّك خواتـم الـحـقـيقه
وطـريـق الـوصولْ
لأنّك بداية الْـخـلـيقه
واساس القبولْ
أَحيِّـي الغيوم
البِتَـفْـطُـم ذُبـوِلـكْ
تَـرضعِّ سُـهولِكْ ، مـواسم الـهُطولْ
واحـيِّـي الـمداين الـبِتَفْتَح حـدودا
وتـمـنح عـيونِكْ جَـواز الـدُخولْ
يزيـد خيـرِكْ
ولا طابـت بَـلاَكْ عِـيـشَه
مـقـسَّـمة إنتِ فى غـيـرِكْ
مـقـسَّـمة فيـكِ ما فـيـشه
ومـخـيَِـم لـيـلـك الـعَـسْـعَسْ
لا بَرقَـنْ بُـروق صَـحـوِكْ
لا صُـبْـحِـكْ رضِى اتْـنـفَّس
يَـحـنْدِك فى الـعَـطش غـيمِك
تـمـطِّري إنت فى الـخاطر
وتُـنْـفِّضي من دواخـلي الـعَسْ
بديـتْ اِتـسـامـى للآخِـرْ
رمـيـتْ توب الـبِـيات الـرَّثْ
قِوِيـتْ إتْـيَـقَّـنت روحـي
وسـقَـطَ مـنـىِّ الـكـلام الـغَـثْ
أنا الـدّاخـرِكْ بـصيره وشـوفْ
يـا بُقْـعَـة ضو
فى عَـتْـمة قـلـبى الـمحفوفْ
ومُـسْـربَـل بـالـشِـتا والـلْـيـل
والخـوفْ
فارغه ومـلـيـان بِيـكْ
وضـيـقَـه عـلـيـكِ الـبِـشـره
أنا غـيّـبْتِكْ بـيـنى وكُـنْـتِكْ
زمَّـلـتِك فى الـخـاطر بُـشرى
مـزَّقـت سـتـار الـجِـلد الـهَـشْ
وطَـلَـعْتىِ مِنْ الـجـسد الـقشره
تازقتَ
لـقـيتِكْ فـيـنى الـنَـفْس الـكامله
تِـتْوقِّي اليابـسـه
والـنـهرِ فى إيدِكْ صَـلصَال
يـتـسـارق ضـوِّك خافـت
مـتـهـافِت نحـوك أجـري
مُـهـرول راكض
سـابَـقْـت خُطـايَ وْحَـدَقْـتِكْ
غـيـمـه..وضُـلْ ..وبُـحـيـره..
ضـارفْـتِـكْ بـيـنى وضـاريـتِكْ
من الحـزن الـقـابـض
نَفَسِي وروحي
واقِف عَارِض
سـتَّـفـتَ عُـيُـونِـك بـالـمطَرَه
وقَـرّحـتكْ ضـد الـزمن الـراَكضْ
وحَدَقْتِك حبـيـبـتـى
الـبـتَـشْبه فُـصـول الـخُـصوبه
تَـضَـحْك أغـاني وتـدفّق عُـذوبه.
وبـتَنْزل مَـطَـر
عِـشِـقْـتِك لأنـك حـبـيـبتى
وبـحبِّكْ بَـحَـرْ.
حافظ عوض الله محمد
مشاركات: 1011
اشترك في: الأربعاء 2007.4.11 11:57 am
مكان: السودان ، الخرطوم

رد: مع الشعراء

مشاركة بواسطة حافظ عوض الله محمد »

اٍختيار000 الشاعر أزهري محمد علي

يا مفتونه
بصدق الوَعدْ
يا مسكونه بحلم الغَدْ
أنا خيّرتكْ
بين الشّهَدْ
وبين البُّن الفِطْرِهَ
وانتِ اخترتي سَواد البُّن
وطَعْمَ القهوه البِكْرَه
أنا خيّرتكْ...
وانتِ اخترتي ،
هل قدَّرتي الرُقعَه الواقعه
بين الليله وْأحلام بكرهْ
وكيف حَتْمِلى الحِتَّه الواسعه
بين الواقع وبين الفكره
وين حتلقي المويه الناقعهْ
يوم نصطادِ في المويه العِكْرَه؟
أنا بدّيكِ موانع الصاقعه
إنتِ ادِّينى الموت السُتره
أنا خيّرتك...
وانتِ اخترتي
واقف جَنْبِك لو إحترتى
بايع نفسي وشارِيكِ
دافنِكْ بيني مُواريكِ
واصْلِك مَنّى أتاريكِ
لوتعْرفي يوم شاهدْتِكْ
من روحي بتَدخُلي فى نفسي
باريتكْ خلِسَه وغازلِتكْ
سمعّتِك وما سامع همسي
كضّبتَ عيوني وصدّقتِكْ
غّيبتَ احساسك في حسِّي
وناديتك:
يا مطمنِّه فى قلبى الخوف
بتونِّسي روحي وبتحَجَّي
بترجِّعي لعيوني الشوف
اتلوّمى دايما واحتجّي
مشتاقِلكْ جداً وملهوف
واقف فى دَرْبِكْ مُترجِّى
وحَجيجِكْ بي قَلبي يطوف
جوايَ بِتْعمرى وْبِتْحِجِىّ
وانا جيتِكْ
مكسور الخاطر
جيِتكْ مجروحْ
ولقيتِكْ مفضوح الصمت
ألفي عيونِك بالبوح
مَمْحوق الزمن البين ضحِكْ والنوحْ
سَكّنتِكْ كل الأنفاس الحيّه
وسلَّمتِك مُفتاح الروحْ
لو تعرفي يوم هدهدتِك
فى ليل بستجدى الغَمْضه
أقدامِكْ كانت فى الصحرا
وايديك فى الْبَحرْ بِتتْوضا
كم حائط ينهض بيناتنا
كم حائط من بينا اتْهَدَّ
قاومتَ الرهبه وناديتِكْ
والصوت من عندِك مارَدَّ
طاوعت الرغبه وغَنيتِكْ
غنيت للمرأه الورده
صورة العضو الرمزية
عمران عوض
مشاركات: 419
اشترك في: الثلاثاء 2007.4.3 11:16 am
مكان: السعوديه - الرياض

رد: مع الشعراء

مشاركة بواسطة عمران عوض »

معاي وغشيتك / ازهري محمد علي

معاي وغشيتك اسلم عليكي
واتكل قصادك هموم الحراز
اطمن طيوف الخريف الوشيك
وابشر دواخلك بوعد الرزاز
مـودر مـلامـحك غبـيتك
لقيتك بتلفظ شوارعك بيوتك
تصادر خطـاي وتكاجر مشـيك
تغالط حواسك ملامحك
وتحرد عيونك مقاطع وشييك
سالتك خبارك؟خبارك مسوكر لسانك وصمتك يشفق
خبارك بتغرب شموسك.. زمان الشموس البتشرق
تضيع الملاح التعطن وجيهك ومنك تدفق
خبارك غريبة؟
بقلب دواخلك بكوس الحبيبةال لعللك بتفرق
بتفرق حبيبتي البتلبس فصول الخصوبة
بتضحك اغاني وتدفق عزوبة وبتنزل مطر
عشقتك لانك ..لانك حبيبتي و بحبك بحر

* * *

عشقتك لانك خواتم الحقيقة وطريق الوصول
لانك بداية الخليقة واساس القبول
بحي الغيوم البتفطم زبولك ترضع سهولك مواسم الهطول
واحي المداين البتفتح حدودها وتمنح عيونك جواز الدخول

يزيد خيرك ولا طابت بلاك عيشة
مقسمة انتي في غيرك مقسمة فيكي ما فيشة
ومخيم ليللك العسعس
لا برقن بروق صحوك ولا صبحك رضى اتنفس
يحندك في العطش غيمك تمطري انتي في الخاطر
وتنفضي من دواخلي العس
بديت اتسامى للآخررميت توب البيات الرس
قويت .. وإتيقنت روحي
وسقط من الكلام الغتس
دنا الداخرك بصيرة وشوف
يا بقع الضو في عتمة قلبي المحفوف
ومسربل في الشتا والليل والخوف
فارعة ومليان بكى ضيقةعليك البشرة
انا غيبتك بيني وكنتك زملتك في الخاطر بشرى
نزلتي ستار الجلد الهـش وطلعتي من الجسد القشرة
تاوقت لقيتك ..لقيتك فيني النفس الكاملة
تتوقي اليابسة والنهر
يتسارق ضوك خافت متهافت نحوك اجري واهرول راكض
سابقت خطاي وحدقتي الغيمة وضل وبحيرة
ضاربتك بيني وضاريتك من الحزن القابض نفسي وروحي و رابض عارض
ستفت عيونك بالمطرة وقررعتك ضد الزمن الراكض
وحدقتك حبيبتي البتلبس فصول الخصوبة
بتضحك اغاني وتدفق عزوبةوبتنزل مطر
عشقتك لانك.. لانك حبيبتي وبحبك بحر
صورة العضو الرمزية
عمران عوض
مشاركات: 419
اشترك في: الثلاثاء 2007.4.3 11:16 am
مكان: السعوديه - الرياض

رد: مع الشعراء

مشاركة بواسطة عمران عوض »

سلامات يا زول يا رائع

أزهري محمد علي

مدخل أول

لمتين متيمم شطر النيل

متوقَي اليابسة ووارد

متوكَي عصا موسى

بتهش في غيم الإلفه الشارد

مهدود القدرة وفتر انه

حردان الضل البارد

بتوجل لي يوسف في البير

يطلع من بطن البير المارد !

مدخل ثاني

فات الكان بدينا إحساس بالإلفه

وكان راوينا ،

فات الباكي جرحنا وناسي جروحو

ولافَى ورانا مدينه ……مدينه

فات الصاحي ونحن نغط

في النومة السابعة

طالق حسو ولا حسينا

حتحت فينا غناه الطاعم

وفات قنعان من خيرا فينا

سلا مات يا زول يا رائع

سلا مات عوافي !

سلا مات يا خلاصة الخير الفي الناس

وترياق الزمن المتعافي

سلا مات يا زول يا رائع

سلا مات عوافي

محاصر فيك

بسأل عن سكه تطلَع منك

أو سكه تودي عليك

بسأل عن مخرج منك وليك

زي نهر بينبع

وما لاقي مصب

بتمدد عشقك من أقصى ضواحي الروح

لي أقصى نواحي القلب

يتكثف بسعة إطلاق الرب

وأنا كنت بفلي القلب بسيرتك

سميتك حلاب الغيم

من ضرع الجدب

البارح عصفورتك

ركت في البال

رقصت

وأدت عصفور الريد شبال

وطارت من قولة كر

ما الزول النهر العصفورة

بحرض في كلاب الحر

لابسني وداخل في اللحم الحي

راصد كل البسأل عن حالي

حرش ضلي علي

ونتف زغب الخاطرة التخطر علي بالي

ومنع العصفورة تحوم

أستجوب كل الناس البجو في النوم

ما تقوم !

يا زول يا رائع يا مهموم

يا مضيع ضي عيني وراك

واقف

حاحاي للنوم

يا مستف رئة الدنيا

ومشحتف روح الخرطوم

كيف حال يا أبوي

كيف حال يا خال

شفتك في وجع طالع

علي برزخ ملتقي النيليين

كنت هناك وحيدك

وكل الناس أتنين … أتنين

براك واقف

في حد السيف

براك ألما واقف بين …بين

تغازل حلمك الفارغ

فتح بابين علي الملكوت

تسلم خواتم عمرك اليانع

تسلم علي حضرة جلال الموت

وتفتح في الأرض نفاج

إذا امتلأ الفراغ بالصوت

فيا بطن الأديم أفتح

براحات الحنين مشرع

وانده لي مدن شاخت

أنده لأطلال القري الراحت

بيوت في بيوت

تمرق من شبر مسرح

مدن فاضلة

وعالم باتساع الحلم

بقامة يشتهي التابوت

فما لفظ البحر يونس

ولا انسدت

شهية الحوت …… ويا زول يا رائع تمشي

بالحسرة وتموت ؟


--------------------------------------------------------------------------------
[/align][/size][/color]
حافظ عوض الله محمد
مشاركات: 1011
اشترك في: الأربعاء 2007.4.11 11:57 am
مكان: السودان ، الخرطوم

رد: مع الشعراء

مشاركة بواسطة حافظ عوض الله محمد »

بحبك بحر000 الشاعر أزهري محمد علي

مَعاي
وْ غِـشـيـتِكْ أسلِّـم عَـلـيـكْ
أتكِّـل قُـصَـادِكْ
هُمـوم الـحَـرَازْ
أطـمِّنْ طـيوف الـخريف الـوشيِك
أبـشِّـر دواخْـلِـك بـوعَدْ الـرَزازْ
مودِّر مَلامحِكْ
غبِيتِكْ
لِـقيتِكْ
بـتـلـفُظْ شوارعِـكْ بـيـوتِـكْ
تـصادر خُـطاي َ وتْـكَاجِر مَـشيِكْ
تَـغَـالِـطْ حَواسِـكْ مَـلامـحِكْ
وتْـحَـرد عـيونِكْ مـقَاطع وَشِـيكْ
سَألتِكْ: خَـبَـارِكْ
مَسُوكَرْ لسانك
وصَمْتِك يشفِّـقْ
خَبَـارِكْ!بِـتَـغْرُب شُـمـوسِكْ
زمـانَ الـشَـمـوس الـبِـتَشرِقْ
تـضيع الـملاحه الـتَّعطِّن وجـيهِكْ
ومِّنـك تَدَفِّـق
خـبـارك غريبة
أَقلِّـب دواخِـلـكْ
أكـوس الـحبيه الـلى عـنِّك بِتفْرِق
بتَفْرِق حبيبتى البِتَلْبس فصول الخُصوبه
بِتضْـحَـكْ أغـانـي
وتْدفِّـق عُـذوبـه
وْبِتَـنْـزِل
مَـطَرْ
عِـشِـقْـتِكْ لأنِّـك حـبـيـبتى
وْبـحبِّك بَـحـرْ
عِشِقْتِكْ
لأنّك خواتـم الـحـقـيقه
وطـريـق الـوصولْ
لأنّك بداية الْـخـلـيقه
واساس القبولْ
أَحيِّـي الغيوم
البِتَـفْـطُـم ذُبـوِلـكْ
تَـرضعِّ سُـهولِكْ ، مـواسم الـهُطولْ
واحـيِّـي الـمداين الـبِتَفْتَح حـدودا
وتـمـنح عـيونِكْ جَـواز الـدُخولْ
يزيـد خيـرِكْ
ولا طابـت بَـلاَكْ عِـيـشَه
مـقـسَّـمة إنتِ فى غـيـرِكْ
مـقـسَّـمة فيـكِ ما فـيـشه
ومـخـيَِـم لـيـلـك الـعَـسْـعَسْ
لا بَرقَـنْ بُـروق صَـحـوِكْ
لا صُـبْـحِـكْ رضِى اتْـنـفَّس
يَـحـنْدِك فى الـعَـطش غـيمِك
تـمـطِّري إنت فى الـخاطر
وتُـنْـفِّضي من دواخـلي الـعَسْ
بديـتْ اِتـسـامـى للآخِـرْ
رمـيـتْ توب الـبِـيات الـرَّثْ
قِوِيـتْ إتْـيَـقَّـنت روحـي
وسـقَـطَ مـنـىِّ الـكـلام الـغَـثْ
أنا الـدّاخـرِكْ بـصيره وشـوفْ
يـا بُقْـعَـة ضو
فى عَـتْـمة قـلـبى الـمحفوفْ
ومُـسْـربَـل بـالـشِـتا والـلْـيـل
والخـوفْ
فارغه ومـلـيـان بِيـكْ
وضـيـقَـه عـلـيـكِ الـبِـشـره
أنا غـيّـبْتِكْ بـيـنى وكُـنْـتِكْ
زمَّـلـتِك فى الـخـاطر بُـشرى
مـزَّقـت سـتـار الـجِـلد الـهَـشْ
وطَـلَـعْتىِ مِنْ الـجـسد الـقشره
تازقتَ
لـقـيتِكْ فـيـنى الـنَـفْس الـكامله
تِـتْوقِّي اليابـسـه
والـنـهرِ فى إيدِكْ صَـلصَال
يـتـسـارق ضـوِّك خافـت
مـتـهـافِت نحـوك أجـري
مُـهـرول راكض
سـابَـقْـت خُطـايَ وْحَـدَقْـتِكْ
غـيـمـه..وضُـلْ ..وبُـحـيـره..
ضـارفْـتِـكْ بـيـنى وضـاريـتِكْ
من الحـزن الـقـابـض
نَفَسِي وروحي
واقِف عَارِض
سـتَّـفـتَ عُـيُـونِـك بـالـمطَرَه
وقَـرّحـتكْ ضـد الـزمن الـراَكضْ
وحَدَقْتِك حبـيـبـتـى
الـبـتَـشْبه فُـصـول الـخُـصوبه
تَـضَـحْك أغـاني وتـدفّق عُـذوبه.
وبـتَنْزل مَـطَـر
عِـشِـقْـتِك لأنـك حـبـيـبتى
وبـحبِّكْ بَـحَـرْ.
حافظ عوض الله محمد
مشاركات: 1011
اشترك في: الأربعاء 2007.4.11 11:57 am
مكان: السودان ، الخرطوم

رد: مع الشعراء

مشاركة بواسطة حافظ عوض الله محمد »

خاطر الحبيبه000الشاعر أزهري محمد علي
جرحتَ ليه خاطر الحبيبه؟
الحبيبه:
المَشّطَتْ عَصَب التضاريسْ
وهَدّتْ على كل الخرايط.. والفراغاتْ
مدهونه
بِى لونا أرصفةَ المحطّات
واقده من رِيقَا الفوانيس
جرحْتَ ليه خاطر الحبيبه
دي السكَّه أبعد من حدود الإحتمالْ
والجرخ أعمق من بكا الليل والنويح
ويوم استفزَّتْ قُدرتَكْ
قِيمة المسافات
عرفتَ إنَّك قَليلْ حِيله وفَصيحْ
ستفَّت عُمرك فى حقايب الرجعه
للسفر القديم
مَرَقَتْ
تشهِّل غربتكْ
وبى توبا تَسْتُر عورة الزمن اللئيمْ
وتكْسِي فى الشِّدر اللّحا
ماهى دي الحبيبه الطوَّلتْ ضُلْ الضحى
وقَعدتْ تفلِّي السِكّه من وجع الضِّرِيَسه
وعضّضة الجوع الزَنيم
ماهي دي الحبيبه
الشَّحْتَفتْ روحي
ومعطَّنه فى ينابيع الألقْ
الشاربه من فجر الشروق
وماخده من لون الشَفَقْ
ماهى دى الحبيبه
الداخله من بين مسامات العَرَقْ
رَقْرَاقْ
وطالعه زي قمر الدُجي
وسايقانى فى كل الدروب: سَاسَاقْ
راميانى حد القَريْفَه
وقالْيانى زى قهوةْ بِجا

ماهى دى الحبيبه
يومي المشيتْ مجبور
على السكَّه المُريبه
أدَّتني إحساسا الرَّطِبْ
وشَهَرتْ ضحكتا العَذْبَه وْ مَشَتَ
كانت رؤاها بتحْتشِد
زى نار
بتسجنْ روحا
فى عود الثِّقاب
وتعلن مهرجانات الحريقْ
لو كشّت ا***** ولقيتا
ما كنتَ ضلّيتْ الطريقْ
ودفقتَ مويتى على الرِهابْ
مشيتْ ورا الشدر اليمامه
دى الرتّبتْ خدّر الحنينْ
فى الروح وعبَّت
دُوار النشوه...
فى جَسَد الندامه
وانا كنتَ مفتونْ
بي تداعي اليابسه
فى عرس التسَابْ
مَشدُود على حبل الصعود أٍفل
مَشَلْهتْ بالأيادى الفوق..
مَشَلْهتْ والبدن مُنحلْ
لفحتَ من الأرِض طِرقه
مرقتَ على البحر شاشوق
لقيتْ توب البَحَرْ خِرْقَه
لقيت درب الرجوع أطول.

هَيَا يازوله
المخَارِجْ وين؟
لا غُلَّتْ يَداكْ عن حَلْ
غِلبتَ فى الحيل البِلمِّك
من حِبال الصوت
وينَدهِلْك:تعالى
:تعالى
مَا وردَّتْ مُرْحَاكة البيوتْ الناشفه
سَاسَاقِكْ عَبَثْ
شِنْ قُدْرِتَكْ تنسلِّي
من قلب الضُلمَّه الحالكه خنْجَر
مِنْ قَبَس
ومن وين أجيبلِكْ قُدْرَه
تستلهم رؤاك
وانا جَايِّ من وحشة سنيني
المُرّهْ
بى آخر نَفَسْ
من...
وين..
أجيبلك قُدرهْ بَسْ؟
مِنْ وين؟
وانا هَدَّ إحساسي السَفَرْ
أنا بندهِكْ: لو مَرّه
ضَفّه اتبرّجتْ
حلَّت ضفايِراَ للبَحَر
بَنْدَهِكْ:لو لَّبش الموج فى الطَّمِى
والشاطي
فى ذروة المَدْ
انكسرْ
وانا بَعْزِمكْ علي مويهَ..
عذبَه
وضُل وريف: لو هَمْ سَقَطْ
من طاقه..
فى حلم الحبيبه..
وإنتحر
جرحتَ ليه خاطر الحبيبة؟
حافظ عوض الله محمد
مشاركات: 1011
اشترك في: الأربعاء 2007.4.11 11:57 am
مكان: السودان ، الخرطوم

رد: مع الشعراء

مشاركة بواسطة حافظ عوض الله محمد »

أبـداكــي مــن ويــن
الشاعر أزهري محمد علي
-----------------------------
أبداكى من وين وفينى منك لسة حاجات
من مخاوف و من شجن
أبداك من وين وظنى إنك فكرة إعلان الحيـاة
وانتهاء العوارض والمحن
نفسى ألقاك
وأكون كلى من بعضك
أو بعضى من كلك بدن
داير ألقاك وأوحد دايرة الدم
المقسمة بينى بينك والسحن
أبداك من وين
ولا منك أبتديك محل محل
من ياتو منفذ بدخلك
كل المنافذ الفيك سداها المحل
من ياتو شارع بوصلك
كل الدروب معطونة لآخر الوحل
بستبيح كل الشوارع وادخلك
نتلاقى نهدين من تسامى وإشتهى
أبداك من حيث انتهت
عندك خواطر الإنتهاء
من أى قاسم مشترك
أو شبه التشابه بدخلك
أبداك من وين
صورة العضو الرمزية
عمران عوض
مشاركات: 419
اشترك في: الثلاثاء 2007.4.3 11:16 am
مكان: السعوديه - الرياض

رد: مع الشعراء

مشاركة بواسطة عمران عوض »

وضّـاحه

الـصباح الـباهى لونك
وضّـاحه يافجر المشارق
غـابة الأبـنوس عيونك
يَـابْنَيّه مـن خُبز iلفنادق
شـيدتي في جواىْصوامع للفرح
وفـتحتِ في دُنياي مسارح
لــــلـــمَـــرحْ
وبـقـيـتـي لــــيْ
سِــكّــه وعــيـون
لا قِـــدرْتَ أطـولـكْ
شــــان أجــيــكْ
لا قِـدرْتَ من غيرِكْ أكونْ
وانـا بـيك مالينى الكلام
حرّكت بيك عصب السكونْ
جَـلبتَ لـيكْ الغيم رحط
طـرّزتَ ليكْ النيل زفاف
حَــرَقْــت ليك
الــشــوق بــخـور
وفــرشــتَ لــيـك
الــريــد لِــحَـافْ
لا الـسِكَّه بـيكِ بِـتِنْتهي
ولا مـعاك ملّيت الطواف
يـا ريتني لو أقْدَر أكونِك
الـصباح الـباهى لونك
يَـابْنَيّه مـن خُبز الفنادقْ
غـابة الأبـنوس عيونك
وضّـــــاحــــه
لــو طــال ا لطريق
بـيناتْنا واتـرامي الـمدى
وصنَّت مَسَامْعِكْ من iiنِداي
شِـرْبَتْ فـيافيِك ا لصدى
مـا تـحنِْى هامات النخيل
مـا تـرمي دَمَعاتالندى
مـا تْشنِّفى الزمن الجميل
دا الـعُمرِ يـا دابـو اْبتدا
! والعُمْرِ إيه حيكون iiبدونِك
وضّـاحهَ يا فجر المشارِق
الـصباح الـباهى لـونِك
يـا بـنيه من خبز الفنادقْ
غـابة الأبـنوس عيونك







الخروج من بيت النمل


تمى غناك الخمجان
وزودى إيقاع الرقص
ومحل ما تمدى إيدك
أنزلى أمطار
وريحى أعصاب الطقس
مدستر فيك الزول الجواى
ومنك أول زول
نازل دستوروا معاى
أول زول صالحته لوجه الأرض
كان منك
آخر زول ناهر خوفى
وعارف معنى الرفض
كان منك
يا متوهطة حلم الكل
ومعلنة إنك ضد البعض
أنا راغب أستخلص عذبك
من بحر الشك المالح
أسقيك حليب الروح
أكسيك من عُري الزمن الفاضح
يا وحم العشق المحموم
ومخاض الجرح الفادح
أنا ليه قدامك .. دون
وعدتك نمشى نخصب حلم المويه
بوعد الرمل
رجعنا نكلم حلم المويه
برفض الرمل
وقعدنا بنقطع فى المويه وفى الرمل
سرقوك منى ودسوك
فى بيت النمل
طراك الصهيل حس الصرير فى بابى
أنا عازمك مقيل ومخصمك ما تابى
خليهو العويل كان يسترك جلبابى
يا جدية العُزاز ما بلحقك نشابى
فى الوادى الفسيح مرقت براها كلابى
فزت فى القنيص صدّن بلاها كلابى
أدتنى السلام سلمتها السبابى
حنت للرحيل رحلت مع الجلابى
وحّيدا الكتيل كتل المنخلع للدابى
ويا خيه .. كل البراحات وسوسه
الهاويه خلفك والبحر
وقدمك طنين الهلوسه
محمدك ساساق دروب الهم
محمدك .. طول المدى الشاسع
بين الإيدين والفم
ويا إنتى العشم مزبوح
أدسك فى خلايا الدم
تمرقى بى خراج الروح
حمل كاذب رعد أبكم
حبل متروك على القارب
واشوفك فى الحصار باهته
نتف غضب العُصار ريشك
حتل فيك الكلام الرخو
نقز فى دمى درويشك
واظنك إنتى
غشاك الشعور بالزهو
سقط سهواً غناك الكان
بكلب جلدة الغفوة
وينفذ من مسام الصحو
لكنك بتطلعى من حوافر الخوف
تطلعى من حلم مهووس
ومن فجة سفر طول
يسربك الحنين فينى
تعلنى عن زمن آتى
تعلنى عن وطن أجمل
ولكنك بتطلعى .



الطشاش


غيب إحساس الرضى
ومسَح الروح بالغباش
وانا ما نعيت
طيب معشرك
ولا أقمت عليك عزا
إشتهيت أفرد ضفيرتك للمطر
واحقن وريدك بالدُعاش
واكتفيت
أفضل أريدك إندهاش
أو ألوذ بي نفسي عنك
! يامدهشة
أنا وين أفوت منك أمش؟
بشفق عليك
من حسن ظنك
بالملايكة المارقه من باب الشمس
يا جابدة من تحتى الأرض
وقابضة فى نفسى العرش
يا نابضة من عطش الجسد للروح
مجلوبة إنت ومستباحه
كل المواعيد الزنيمه
كانت مباحة
ومطلقة
كل البراحات الحميمة
موصوده دونك ومغلقه
مسجونه فيك
إنتظارات السحاب
والإحتمالات المريحه ومقلقه
محلوبه من دمك عصارة العفه
فيك
لا فُضّ فيك
يا صومعة إملاقى والعشق المحال
دقت مسامير الفجيعه
على العُضام الحيه واللحم الحلال
بتمرقى من وجع المحجَه
وتندسى بين جرحى العُضال
وما انبله حلقك بالإجابات السؤال
فعلام جدواه .. السؤال
علام جدواه السؤال
وفارسك مدجج بالدعاوى الخايبه
والوعد الحنوط
رددتى فى سرك جلالات الهزيمة
وتليت على سرى التشهد والقنوت
مطموسة فيك كل الصحايح
بالفضايح
الواقفه شاهد والبيوت
وتعارضه ما بين الضحك والعبره
شوكة حوت
فعلام جدواه السؤال
يا باحثه عن كل السواقط
من نهاراتنا المهمة
ونابتة من خيبة أملنا
مع الليالى المدلهمة
يا متعبة
ومحقونة بى خدر الأمانى
المستجمة
أنا ما دلقتك للشوارع البارده
ولا البيوت المترفه
لو راودك عن نفسك الماجن الدّعى
وهدّ عزمك بالوعود الزايفه
ما تنسى إنك كنت وافقه
على المسامير الصقر
مجليه بى عرق الشفا
لا شاكيه من ذل العوز
لا باكية من وجع الجفا
وأنا ما دلقتك للشوارع البارده
ولا البيوت المترفه
يا واقفه مشروخه وأبيه يا نحملك شرف القبيله
ونغرمك سيف القضيه أو نبعثـك حُـرة ونـبيّه
لو قد ثوبك من قفا وأنا ما دلقتك .. ما دلقتك
حافظ عوض الله محمد
مشاركات: 1011
اشترك في: الأربعاء 2007.4.11 11:57 am
مكان: السودان ، الخرطوم

رد: مع الشعراء

مشاركة بواسطة حافظ عوض الله محمد »

حُضْنِك البستان
الشاعر أزهري محمد علي
----------------------------
مَرقت من نَهْرِك
جرِف أَخضر
بقامة حَضنِكْ البُستانْ
بقامة يشتَهيك الطّلْ
وتَحْشَد الحديقه هديل
تنْفضَّ المدينه رِهام
جنون الإعتصام
فى بِتْ تفسِّح ضحكتا الطاعمه
تستِّف ما يشاء الدَلْ
مسامات الأزقه ضِحِكْ
يَسلِم ضحكتنا الدخان
جنون
نفخ فيها الإله روحو
مَرق إحساسا من طين الحَمَا المسنونْ
فعمَّ يتسائلون
عن الوعد اليقين
إذا أْنتَبذتْ حفيده الطينْ
أقاصي الجرحِ
دارين من حنين
وغنيَّت لى فرح وهّاج
وحلّت زي حلول الروح
جسد فى جبّة الحلاّج
وهَاج وَحَم الخليقه عليها
أمشاج إبتَلتَْ أمشاجْ
ما تَاكتْ الباب البجيب الريح
ولا واربَتْ نَفّاج
ومحتاج لى ضفتين من شوق
إذا الهدّام بلغ قيفِك
أدخُلي ما تَسَع إيديك
وامْرُقي ما يَسَع كيفِكْ
أنا اتْسلبطَّ في لونِكْ
عشان اسْرِقكْ من شمس تَفِرّ الضو
على أبعد نفق في الروح
ألوان من مزيج طيفِكْ
منو السمّاك
ضَرة المويه
ونَديدة النار
يوم حَتْحَتِكْ فينا الرّعاف
منو العلّمِكْ
نسج التباريح في العصب
وانتى بتجلبى الغلّه
فى سِنيِنّا العجاف؟
بخاف تَجْهَرِك مويةَ الرِِّهاب
وفى السكّهَ بَستْلْفِكْ وهم
وانا باتجاهك مُحْتَشِد
بالرغبه واحساس اللغم
أنا مُتَّهَمْ
إنى البحبكّ وَحَّدِكْ..
أنا مُتَّهم
إنِّى البحبك للأبدْ
فكره وبساسق فيكِ
من ذرة بُخار المويه لى قاع اللّحدْ
البِنَيَّات حَاحَن النوم
من عيونى وروّحنْ
البِنَيَّات المن حلاتِن عَشْرَقَن...
ركَّن على غُصنى بيِْقُوقَنْ
نَقَّدَنْ قندول غُنايَ
ونقَّطَنْ شهدِ ولبن...
وفاتَنْ مَشَنْ
فاتَنْ مسافة يلمحنَّك ويَمّحَنْ
فاتَن مسافة يكبَحنْ
جماح الرغبه والحاح الجسد
فاتَنْ مسافة يَلْفَحَنّكْ
من رمض أو يَمْنَحَنّك ضُلْ
رتِّبى مُدْخلات العشق
فَراش بين الرحيق والفُلْ
بناديِلك حبيبة القَلبْ
ينَادوِلكء حبية الكلْ
جَرِف أخضر
بقامة حضُنِك البُستانْ
بقامة يشتهيِك الطلّ
وتحتَشد الحديقه هديل
تنفضَّ المدينه رِهان
جنون الإعتصام فى بِتْ
تفسِّح ضحكتا الطاعمه
تستّف ما يشاء الدّل
مسامات الأزقة ضِحِكْ
نفخ فيها الإله روحو
مَرَقْ إحساسا
من طين الحما المسنون
جنون
حافظ عوض الله محمد
مشاركات: 1011
اشترك في: الأربعاء 2007.4.11 11:57 am
مكان: السودان ، الخرطوم

رد: مع الشعراء

مشاركة بواسطة حافظ عوض الله محمد »

أمنية
الشاعر أزهري محمد علي
-------------------------------
دبت على عصبي الأفاعي
وحقن مفاصلنا الشتاء
وهبت رياح كل النوازل والتداعي
وزل إيقاع الخطأ
قالت حببية قلبي لي اكسيني من جلدك غطا وسامحني
لو نبتت جذور الريد غضب
ضربت جذور العشق في الزمن الخطأ
صورة العضو الرمزية
ودالدرديري
مشاركات: 1253
اشترك في: الأربعاء 2007.1.31 6:11 pm
مكان: بلداً هيلي نا

رد: مع الشعراء

مشاركة بواسطة ودالدرديري »

حافظ

أنا اتْسلبطَّ في لونِكْ
عشان اسْرِقكْ من شمس تَفِرّ الضو
على أبعد نفق في الروح
ألوان من مزيج طيفِكْ

----------------------
------------------------
---------------------------
--------------------------------
--------------------------------------



و.... بـــــــــــس
حافظ عوض الله محمد
مشاركات: 1011
اشترك في: الأربعاء 2007.4.11 11:57 am
مكان: السودان ، الخرطوم

رد: مع الشعراء

مشاركة بواسطة حافظ عوض الله محمد »

ودالدرديري كتب:حافظ

أنا اتْسلبطَّ في لونِكْ
عشان اسْرِقكْ من شمس تَفِرّ الضو
على أبعد نفق في الروح
ألوان من مزيج طيفِكْ

----------------------
------------------------
---------------------------
--------------------------------
--------------------------------------



و.... بـــــــــــس
بنستناك
وانا تانى وراك .. شن لاحق؟
دهستنى فى بعدك حدود الخوف
الداخلة على بالساحق
أدينى القدرة التمنحنى
بحجمك سعة الشوف
لو أقدر أطل من شاهق
لو أقدر ألوح لى عيونك
تلمحنى
وانا ضعفى أمامك فاضحنى
سامحنى
حافظ عوض الله محمد
مشاركات: 1011
اشترك في: الأربعاء 2007.4.11 11:57 am
مكان: السودان ، الخرطوم

رد: مع الشعراء

مشاركة بواسطة حافظ عوض الله محمد »

سلامات
إلى إنبثاق نفسي على – خارجي
إلى مصطفى سيداحمد
ازهرى محمد على
-------------------
مدخل أول :
لمتين متيمم شطر النيل
متوقى اليابسة .. ووارد
متوكى الغنية .. عصا موسى
بتهش فى غيم الإلفة .. الشارد
مهدودة القُدرة وفترانة
حردان الضل البارد
بتوجل لى يوسف فى البير
يطلع من بطن البير المارد
مدخل ثاني :
فات الكان بدينا إحساس بالإلفة
وكان راوينا
فات الباكى جراحنا وناسى جروحو
ولا فى ورانا مدينة .. مدينة
فات الصاحى
ونحن نغط فى النومة السابعة
طالق حسو ولا حاسينا
حتحت فينا غناهو الطاعم
وفات قنعان من خيراً فينا
سلامات يازول يا رائع
سلامات .. عوافى
سلامات يا خلاصة الخير الفى الناس
وترياق الزمن المتعافى
سلامات يا زول يا رائع
سلامات عوافى
محاصر فيك بسأل عن سكة تطلع منك
أو سكة تودي عليك
بسأل عن مخرج منك ... وليك
زى نهر بينبع ... وما لاقى مصب
بتمدد عشقك فى أقصى ضواحى الروح
لى أقصى نواحى القلب
يتكثف بسعة إطلاق الربّ
وانا كنت بفلى القلب بسيرتك
سميتك حلاب الغيم
من ضرع الجدب
وطنيتك مارست الفعل .. السرى
وحفظت فحولة النيل ... أيام الخصب
ولمحتك وانت بتمشى وترقص فى حمامك
على حُمة إيقاع الحرب
وتكلكل جلد الكلمة الحافة
لحبيبة بتفتح مجرى الغنا فى الدم
وتفلس باب القلب
فيا بنوت الشارع الطاعم قومن كب
قومن لى الما قصر فى غناكن .. ضمة
ولا إتلوم بى وراكن تب
ولو تبقى السكة الجاية ضهب
وسلامات يا زول يا رائع
البارح عفورتك ركت فى البال
رقصت
وادت عصفور الريد شبال
وطارت من قولة كر
ما الزول النهر العصفورة
بحرض فى كلاب الحر
لا بسنى وداخل فى اللحم الحى
راصد كل البسأل عن حالى
حرش ضلى على
ونتف زغب الخاطرة ... التخطر على بالى
ومنع العصفورة تحوم
إستجوب كل الناس التجى فى النوم
ماتقول !!
يازول يارائع ومهموم
يا مضيع ضى عينيى .. وراك
واقف حاحاى لى النوم
يا مستف رئة الدنيا شهيق
ومشحتف روح الخرطوم
كيف حال يا ابوى
كي حال يا خال
وتعال !
إتفضل على باحة بيتنا .. الطيب
ما عون الأطفال
ضمد جراحاتك .. تعال
من ضلاماتك .. تعال
أدينا هينين من صبر
السكة أبعد من مشيك
والجرح أعمق من حدود الإحتمال
السابلة والأطفال هناك
قدامك المشوار .. طويل
والريح .. وراك
كل البيوت
إتشرفت .. لى طلعتك
والونسه ماكملت .. معاك
القرقراب .. والقهقهة
مين سمى ترحالك .. غياب !
والغيبة بتزيدك بها
لويرتق الحزن المصاب
كان بعدك الموت إنتهى
يا أقصى حالات الحضور المشتهى
يا منتهى
تعال فرحنا بى دهشت غناك الحى
وحى من جرحك الدامى
وفتر حيلك
وحى من ضلك الرامى
وحمل شيلك
تموت متل الشدر واقف
تموت واقف على حيلك
فيا حليلك
يا حليلك بنستناك
على صهوة جياد الريح
بنستناك
فى الزمن اللديح القيح
بنستناك
على باب الحلم فى غناك
بنستناك
رحيلك شلهت الدنيا
ورتب العالم البى هناك
بنستناك
وانا تانى وراك .. شن لاحق؟
دهستنى فى بعدك حدود الخوف
الداخلة على بالساحق
أدينى القدرة التمنحنى
بحجمك سعة الشوف
لو أقدر أطل من شاهق
لو أقدر ألوح لى عيونك
تلمحنى
وانا ضعفى أمامك فاضحنى
سامحنى
ما قدرتا أطولك سامحنى
شفتك من وجع طالع
من برزخ ملتقى النيلين
كنت هناك وحيدك
وكل الناس اتنين اتنين
براك واقف حد السيف
براك الما وقف بين ... بين
تغازل حلمك الفارع
فتح بابين على الملكوت
تسلم على حضرة جلال الموت
وتفتح فى الارض نفاج
إذا امتلأ الفراغ ... بالصوت
فيا باطن الاديم أفتح
براحات الحنين ... مشرع
وأنده لى مدن شاخت
أنده لأطلال القري .. الراحت
بيوت فى بيوت
تمرق من شبر مسرح
مدن فاضلة
وعالم بى إتساع الحلم
بقامة يشتهى التابوت
فما لفظ البحر يونس
ولا إنسدت شهية الحوت
ويا زول يا رائع
تمشى بالحسرة وتموت سلامات
يازول يارائع
صورة العضو الرمزية
سودانية نار
مشاركات: 653
اشترك في: السبت 2007.2.24 1:06 pm
مكان: السودان

رد: مع الشعراء

مشاركة بواسطة سودانية نار »

وووب علي بالسوداني يالهوووووووي بالمصري
عقدتونا وطلعتو زيتنا شباب
عفارم عليكم عفارم :076: :076: :076: :076:
اول يوم لي هنا عندكم لكن
بجيب مخدتي ومرتبتي وكل يوم معاكم
اطربتونا حتي الصدمة
جميل بلدي جميل شعره
رائعون شعراءه
بالجد عارفين حافظ وعمران انتو ليكم الفضل في بدء اهتمامي بالشعر السوداني
من زوية اخري غير الزاوية التي كنت اعتقدها وامارسها
تسلموا موفقين
راجييين الباقي
حافظ عوض الله محمد
مشاركات: 1011
اشترك في: الأربعاء 2007.4.11 11:57 am
مكان: السودان ، الخرطوم

رد: مع الشعراء

مشاركة بواسطة حافظ عوض الله محمد »

سودانية نار
ياحبذا لو وريتنا زاويتك

حاليا بلم فى اشعار كتيره لعمالقة اثروا وجداننا ومابخلو ( العبادى ود الرضى وعتيق )
بدعو الجميع لكتابة القصائد التى تقع بطرفهم ، ان شاء ابيات منها
دفتر اشعارى الخاصة بهاشم صديق رائح ومالاقيهو
بفتش فى اشعار الاستاذة روضة الحاج بواسطة دكتور غازى

سودانية نار بفتش فى قصيدة تشبهك اهديها ليك أو اصدمك بيها
شويه صبر ....
صورة العضو الرمزية
سودانية نار
مشاركات: 653
اشترك في: السبت 2007.2.24 1:06 pm
مكان: السودان

رد: مع الشعراء

مشاركة بواسطة سودانية نار »

صابرين صامدين
بس ما تطلوا
حافظ عوض الله محمد
مشاركات: 1011
اشترك في: الأربعاء 2007.4.11 11:57 am
مكان: السودان ، الخرطوم

رد: مع الشعراء

مشاركة بواسطة حافظ عوض الله محمد »

نسيم الروض

نسيم الروض زورنى فى الماسية وجيب لى الطيب

من جنائن آسيا وانعش روحى زيل الم البى

يانسيم نفحاتك بادية وغمرت ارجاء الحضر والبادية

اظنك مريت فى ساعة هادية وعانقت غصين الزهر النادية

مالك ياعشوق محبوبتك دارية بى حالك وليك دايما طارية

شكرا يانسيم اخبارك وافية ولكن ريك لى شفاى ما كافية

ماظنى اطيب واضوق العافية وغير ما انظر الجميلة وجافية



اغنية ابو داوؤد لكى سودانية نــــــــــار لمرورك البهيج
وبعدها نرجع للشعر
صورة العضو الرمزية
Suhaib
مشاركات: 1030
اشترك في: الأحد 2006.12.17 8:48 pm
مكان: Al-Hilal

رد: مع الشعراء

مشاركة بواسطة Suhaib »

حافظ،،،

مجهود طيب ،،،وتوثيق جميل ،،،،احيك والاخ عمران،،،،،

التحية لجميع شعراء بلادي ،،،،،،
أضف رد جديد

العودة إلى ”وثائق و شعراء“