الجديد فى المنتدى

لمشاهدة بقية الاعلان ادخل على الرابط الاتى

http://www.anasudani.net/fourm/showthread.php?t=80805

النتائج 1 إلى 15 من 15

الموضوع: ود الدرديري،،، وأول فيديو كليب،،،

  1. #1
    تاريخ التسجيل
    09:06, 4th Dec 2006
    الدولة
    السعودية
    العمر
    30
    المشاركات
    1,428

    افتراضي ود الدرديري،،، وأول فيديو كليب،،،

    ود الدرديري أو كما يطلق عليه في الوسط العام (ود الشيخ) من الشخصيات الفنية المعروفة في الوسط الفني في الرياض،،، سيرته الذاتية باختصار من مواليد الثورات سنة ( ) ،، والده أحد شيوخ الطريقة المكاشفية بأمدرمان،، خريج قانون دولي،،، وحاصل على الماجستير ومتزوج حديثاً من (k) بتا عمنا في عرسو العيان شال المكعوج وجاء،،،:D غايتو،، أول مرة أشوف عريس بيغني يوم عرسوا

    اشتهر دوماً في الحفلات بأغاني الحقيبة نور العين وياربيع الدنيا مسامحك ياحبيبي و......... مما جعله في موقع محبة عند كبار السن والشباب الذين يطالبون دوماً براجل المره وطلعت كبري وغرز شديدة لو ما قبضناه في اللحظة الأخيرة

    بالإضافة إلى اشرافه لكورال عزة السودان للناشئين،، بعد أن قدمو أغنيتين فنيتين من كلماته والحاته نالت استحسان أكثر من 2000 شخص من الحضور،،،،من بينهم سفير السودان الأستاذ/ محمد الأمين الكارب،، بالإضافة إلى البروفسير عز الدين عمر الموسى وزوجة الأستاذ/ حمد الريح،،، الشاعرة (عفاف الصادق حمد النيــــل)

    أغنية لنادي الهلال أيضاً بمناسبة مشاركته في البطولة الإفريقية من ألحانه وكلمات الشاعر الأستاذ/ حسين همزة ،، نالت استحسان جمهور الهلال في ليلة رمضانية وعلى رأسهم السيد صلاح إدريس وكان وعد بالتقديم لجمهور الهلال في استادهم في حالة نيل البطولة،، أخرتها مرقنا بعضوية الهلال هدية المركز الرابع،،

    بالإضافة إلى العديد من الحفلات في كل من المنامة وأبو ظبي ودبي والشارقة وجدة والدمام

    يباشر هذه الأيام تصوير فيديو كليب جديد،، لأغنية في منتهى الروعة من كلماته والحانه بعنوان (يازول يانيـــــل) تم تصوير (12) مشهد من أصل (42) مشهد.

    كلمات الأغنية

    يازول يانيل

    [align=center]كيف شايل همك وشجن الغربة وآهة شوقك وطول الليل
    كيف شايف دربك ودمعة حزنك بين أهدابك وعمر السكة اللسة طويل
    يالشلت جراحك بقجة ذكرى منوسرة وتنتح وفي اعماقك يومي تسيل
    كيف خليت الغربة تسوقك وإنت المزروع طيبة نخلة في خصر النيل
    كيف وقعت بطاقة فقدك جوه عيون مليانة محنة وجوه قلوب رايداك بالحيل
    مالك يازول أدمنت الغربة و زدت همومك وكنت وحاتك جمل الشيل
    يازول معجون بالطيبة قليبك مامشتاق لى موية النيل؟
    مامشتاق يازول يانيل؟؟
    مامشتاق لى قعدة جبنة وريحة كسرة وحفلة حنة هوايد الليل؟
    مامشتاق لى صوت أصحابك و ضل الشجرة الحاضن بابك وشاطيء النيل؟
    مامشتاق لى شيلة سفرة في عرس أخوانك ومرقة فاتحة على جيرانك
    وصــرة زول زعلان وجميل؟
    مامشتاق لى رشة مطرة وصوت حولية ودقة نوبة وصدى تهليل؟
    مامشتاق لى زولة حنينة مستفة ريده تريدك جد جد وشوقا يتاورك نص الليل؟؟
    لومامشتاق الناس وحياتك ليك مشتاقه
    وصورتك لسع في اعماقهم فنجري راكز ... أخو أخوان ... سوداني أصيل *[/align]

    ---------------------------------------------------------------------------------------------------


    المعروف بأن منتدانا يوجد بوسطه العديد من لهم تأثير اجتماعي فني ورياضي وتعليمي صفحي وذوي مرجع بأوساط الجالية السودانية بالمملكة العربية السعودية كالمرهف احساساً وذوقاً وشعراً يوسف حمد النيل،، الذي تغنى له كبار الفنانين (عصـــام محمد نور) بكلمات ألبوم عمله الأخير ((ومضــــــــــــــة هواي))، والعمل الأخير (لجعفر السقيد) بالإضافة إلى ((أســـرار بابكر))،،

    العضو الوجيه،، ذو نشاط اجتماعي ملحوظ في العديد من النشاطات السودانية وشخصية محبوبة في جميع الأوساط،، والمعروف عنه أنه يمتلك نوع من الثقافــــــة العاليــــة في جميع مجالات الحياة. ويعتبر استشاري لنا بما اكتسبه من خبرة الحياة وترحاله بين العديد من الدول


    التحية لهم أينما كانوا،وأنتم تكونوا الومضة الأنيقــة بتمثيل أنا سوداني في شتى أموركم،،، وبداية موفقـــــة لكم جميعاً في شتى مجالات الحياة،،وسنتابع أمر هذا الفيديو هنا إلى أن يرى النور عبر الشاشة الصغيرة،،،،
    التعديل الأخير تم بواسطة ابراهيم الجيو ; 11-02-2008 الساعة 12:40

  2. #2
    تاريخ التسجيل
    09:06, 4th Dec 2006
    الدولة
    السعودية
    العمر
    30
    المشاركات
    1,428

    افتراضي رد: ود الدرديري،،، وأول فيديو كليب،،،

    [align=justify]ومضــــة هواي،،،،

    العمل الأخير للفنان ((عصام محمد نور))
    كلمات / يوسف حمد النيـــــــــل،،،،



    [align=center]ومضــــة هواي،،،

    بستاذنك ادخلك عليك من باب غناي وسكتك

    ابداكي بي نغم الكلام واتحسسك

    لو تاورك احساسي بيكي ولامسك

    تلقيني في ومضة هواي واقف عليكي وبندهك

    ****

    بستاذنك واكتب عليك ممنوع خروجي ومرقتك

    اتنسمك واعبر واجيك من باب هواي وفرحتك

    حتى المداخل لي خطاك موصودة

    شان خاطر الحروف الشايلة منك

    ضي بهاكي وسمرتك

    ****

    بستاذنك وافرد خيول اشعاري ليك

    بحفظ دواخلك روعتك

    وانا بندهك في كل خطاي وطلعتك

    مديني من وهج الحروف كان اوصفك

    وانا بندهك بي طيب سماحتك وسحنتك

    بستاذنك ما بين مسامك بدخلك[/align]


    ---------------------------------------------------------------------------
    بالإضافة إلى إحياء /يوسف حمد النيل، إلى العديد من الجلسات الشعرية في مختلف مناطق الرياض،، كان أخرها قبل شهر في الإنتركونتنتل،،

    ودي دعوة لجميع الأعضاء إلى الإستماع إلى الشريط الأخير لعصام محمد نور،، لحين تجميع أعمال الأستاذ/ يوسف ومحاولة نقلها لأعضاء المنتدى،،،
    [/align]
    التعديل الأخير تم بواسطة ابراهيم الجيو ; 10-02-2008 الساعة 11:23

  3. #3
    تاريخ التسجيل
    21:45, 3rd Jul 2007
    الدولة
    وطن الجدود وبالتحديد المعمورة
    العمر
    26
    المشاركات
    494

    افتراضي رد: ود الدرديري،،، وأول فيديو كليب،،،

    والله ماشاء الله ياود الشيخ طلعت فنان ما هين




    [align=center]
    نحن ملوك مدريد


    [/align]

  4. #4
    تاريخ التسجيل
    19:20, 31st Mar 2007
    الدولة
    أبو ظبى
    المشاركات
    1,098

    افتراضي رد: ود الدرديري،،، وأول فيديو كليب،،،

    أخى الجيو شكرا على هذه المعلومه التى توافقت مع أحساسى بأن ود الدرديرى ومن متابعتى
    له بأن له علاقه خاصه مع الحقيبه والله كان أحساس ليس له إثبات واضح كده
    غير ما تابعت له من مواضيع ولأنه من أمدرمان وغالبية أهل أمدرمان يحبون الفن وبالذات
    فن الحقيبه و بعد كلامك ده أظن قد صدق ما ظننته فى هذه الشخصيه . حتى أنى فكرت
    ان أسأله وهو بهذا الكم من المعرفه بأمور الحقيبه فكرة ترتيب لقاء بينه وبين الأستاذ
    عوض بابكر على الهواء فى برنامجه على التلفزيون المهم أخى إحساس وصدق وربنا يسهل
    له أمر الفيديو كليب فهو يستحق أن تنشر له هذه الأعمال .

    ولى قدااااااااااام أخى ود الدرديرى

    (همسه) يديك العافيه الجيو

  5. #5
    تاريخ التسجيل
    19:20, 31st Mar 2007
    الدولة
    أبو ظبى
    المشاركات
    1,098

    افتراضي رد: ود الدرديري،،، وأول فيديو كليب،،،

    الأخ إبراهيم
    مســــــــــــــــــــــاء الخير
    أولا أحب أن أشكر المرهف شعرا وذوقا الأستاذ يوسف حمد النيل على إسهاماته فى
    إثراء هذا المنتدى بروائعه و إبداعاته كما أحب أن أهنيئه على ألبوماته
    التى لا يناسبها إلا الكبار كعصام و السقيد وأسرار وأتمنى له المزيد من الأبداع

    (همسه) دمتم بالف عافيه

  6. #6
    تاريخ التسجيل
    13:14, 15th Feb 2007
    الدولة
    المملكة العربية السعودية
    العمر
    43
    المشاركات
    1,776

    افتراضي رد: ود الدرديري،،، وأول فيديو كليب،،،

    [align=center][align=center]ود الشيخ .....


    قامة غنية عن التعريف ....












    وفي انتظار أغنية نادي الهلال و صدور الالبوم بأحر من الجمر .......



    وبالتوفيق يارب .........


    شاعرنا الهمام .....صاحب الاحساس والكلمـة الراقية ......

    يوسف حمد النيل ......










    ودعواتي ليك بالمزيد من الابداع والتألق ......



    ود الدرديري ويوسف حمد النيل .......

    أسماء تلمع ..... على سماء الفن السوداني ....

    .
    .ود الجيو ......


    الكلام ده كله كنت داسيه وين ........

    يديك العافية بجد ....



    ...الكليب بتاع ود الشيخ نازل مع اي محطة ......

    لزوم الترقب ..... الدعاية ...........


    .
    .
    [/align]
    [/align]
    [align=center][align=center]

    لسانك لا تذكر به عورة امرئ ...... فكلّـك عورات وللناس ألسـن

    وعينك إن أبدت إليك معايباً ........ فصنها وقل يا عين للناس أعينُ




    .
    [/align]
    [/align]

  7. #7
    تاريخ التسجيل
    01:02, 5th Feb 2007
    الدولة
    on sea
    المشاركات
    1,429

    افتراضي رد: ود الدرديري،،، وأول فيديو كليب،،،

    [align=center]ودالشيخ يا ابداع





    للابداع عده وجوه والوان مختلفه

    وانت وجهها المشرف ولونها الباهي

    الفيديو كليب الاول ماهو الا اعلان
    لانطلاق مجموعه من الفيديوهات القادمه

    تمنياتي القلبيه الصادقه ان اراك دوما الي الامام

    ولي قداااااام

    والباقي علي الله



    الاخ الشاعر يوسف حمد النيل

    شخص غني عن التعريف

    وقصائده واشعاره تسبق اسمه

    لكم التحيه ود الشيخ والشاعر يوسف حمدالنيل

    واتمني ان اري لكم عملا مشتركا قريبا



    [/align]
    [align=center]


    ،،،،حدق العيون ليك ياوطن اصبح مقر واصبح سكن،،،،
    [/align]

  8. #8
    تاريخ التسجيل
    18:11, 31st Jan 2007
    الدولة
    بلداً هيلي نا
    المشاركات
    1,253

    افتراضي رد: ود الدرديري،،، وأول فيديو كليب،،،




    المتنقشاتي الجيو

    لك الشكر كله والتجلة على نشر الغسيل دا بي جاي
    شوية وبجي أفتك للناس ديل فت البوش
    يديك العافية




    الاخوة المتداخلين جميعاً

    لكم فائق الشكر والتقدير على الاحساس الجميل والدعوات الأجمل
    وربنا يوفقنا ونقدم حاجة تنال القليل من الرضا
    موضوع الأغنية الكليب هو ترجمة أحاسيس وسؤال كبير موجه خصيصاً لكل مغترب
    سيبث بإذن الله على الفضائية السودانية ضمن برنامج خاص عن المغتربين


    يديكم العافية كللللكم



    وليييييييييييييييييي قدااااااااااااااااام







    و................الباقي على الله





    [align=center]
    يلسعني نحل النشوة في الوجــدان !!
    لاأعرف كيف أحُـكَـك يا وجــدان !!!
    محظوظ جـدا نحل عيونك .. صادف قـلباً عريان !!

    [/align]

  9. #9
    تاريخ التسجيل
    13:32, 24th Dec 2006
    الدولة
    مسقط - سلطنة عمان
    المشاركات
    1,533

    افتراضي رد: ود الدرديري،،، وأول فيديو كليب،،،

    العزيز ود الشيخ،، الرجل المتألق دوما،، يديك الف عافية،، وياريت لما الكليب يجهز،، تخت لينا منه حتة كدة في المنتدى.

    الجيو،، والله التنقشة مرات بتكون إيجابية تب. لكن كدي تعال لي بي جاي،، إنتو الوجيه ده سمعتوه بيغني؟؟؟؟

    كدي لما يشيل بشكيره،، ابروه ليي باب الحمام
    [align=center]مَشَيْنَاهَا خُطَىً كُتِبَتْ عَلَيْنَا وَمَنْ كُتِبَتْ عَلَيْهِ خُطَىً مَشَاهَا[/align]
    [align=center]
    [/align]

  10. #10
    تاريخ التسجيل
    09:06, 4th Dec 2006
    الدولة
    السعودية
    العمر
    30
    المشاركات
    1,428

    افتراضي رد: ود الدرديري،،، وأول فيديو كليب،،،

    اقتباس المشاركة الأصلية كتبت بواسطة sunni مشاهدة المشاركة

    الجيو،، والله التنقشة مرات بتكون إيجابية تب. لكن كدي تعال لي بي جاي،، إنتو الوجيه ده سمعتوه بيغني؟؟؟؟

    كدي لما يشيل بشكيره،، ابروه ليي باب الحمام


    الوجيه مالو،،،
    كااااااااااااااااااااك شديد

    هو قال دفعتك،،،، لكن بجي بفتوا ليك برواقـــــة كدا،،

  11. #11
    تاريخ التسجيل
    13:32, 24th Dec 2006
    الدولة
    مسقط - سلطنة عمان
    المشاركات
    1,533

    افتراضي رد: ود الدرديري،،، وأول فيديو كليب،،،

    ابراهيم ياخوي انا ما عاوز اغير الموضوع وأحول الأنظار عن فرحتنا بي اخونا خلف،، لكن كلمة الوجيه دي،،،، عوجة والله.

    قال أنا دفعته؟؟؟ نسى لما يرقدو هم في سريرين وينومونا في الواطا؟؟؟ لما في ابرد يجرو مننا البطاطين،، يدبلو هم البطاطين،، ونحن ندبل البجامات والشرابات ؟؟؟ ياخي ديل برلمونا لما طلعو عيننا،، اسه عاوز يصغر نفسو ويعمل فيها دفعتي؟؟ والله دي لو عند ابن بطوطة كان قال ليك هيييييي يكا
    [align=center]مَشَيْنَاهَا خُطَىً كُتِبَتْ عَلَيْنَا وَمَنْ كُتِبَتْ عَلَيْهِ خُطَىً مَشَاهَا[/align]
    [align=center]
    [/align]

  12. #12
    تاريخ التسجيل
    02:45, 29th Sep 2007
    الدولة
    بين الهدب - دمعة
    العمر
    32
    المشاركات
    442

    افتراضي رد: ود الدرديري،،، وأول فيديو كليب،،،

    [align=center]السلام عليكم ورحمة الله وبركاته


    أخي الكريم / ابراهيم الجيو .......

    شكرا للحاجات الحلوه والأخبار المشرفه دي

    وعلى قول سارونا كنت داسيه وين وليه ...!

    ويكفينا فخرا وجود أمثال أخينا ود الشيخ بيننا

    ونحن في شوق لرؤية الكليب

    وفي الحقيقه كلمات الغنيه رائعه بمعنى الكلمه ومعبره جدا جدا

    واتمنى له كل النجاح والتوفيق في حياته المهنيه والشخصيه


    كونوا بخير وبارك الله فيكما
    تحياتي وتقديري
    [/align]



    [align=center]
    تخريمه:
    أخي الجيو أطلعنا على الجديد دائما
    [/align]

    أنا عندي من المآسي جبل يتمشى ويتنقل معي
    لكن وإن خبـــا أمل جذوة من الفؤاد تشتعل

  13. #13
    تاريخ التسجيل
    13:01, 7th Mar 2007
    الدولة
    السودان/الفاشر
    العمر
    31
    المشاركات
    9,771

    افتراضي رد: ود الدرديري،،، وأول فيديو كليب،،،

    [align=center][grade="00BFFF 4169E1 0000FF"]اصلوووووووووو ما ممكن

    ياخي ممكن نسخة كدا هدية لناس المنتدى

    وتسلم الى المندوب احســــــــــــــــــــان

    الجيووووو مع اني جيت متاخرة بس في امل احصل علي نسخة

    يعني يطلع المبدع والرائع الدرديري فنـــــــــــــــان كمــــــــــــان

    على الحلال بسمع ســــــــــــــــوداني من بعد اليــــــــــــــــــــــوم [/grade]
    [/align]
    [align=center][/align]

    [align=center]كــل حــي سيمــوت .. ليــس في الدنــيا ثبـــوت[/align]

  14. #14
    تاريخ التسجيل
    09:57, 11th Oct 2007
    الدولة
    السعودية
    العمر
    29
    المشاركات
    105

    افتراضي رد: ود الدرديري،،، وأول فيديو كليب،،،

    مشتاقين للبلد ولتراب البلد ولناس البلد ,, ربنا يرد غربة اي مغترب بالسلامة آ مييين .

  15. #15
    تاريخ التسجيل
    17:16, 27th Feb 2009
    الدولة
    المملكه العربيه السعوديه (الرياض)
    العمر
    20
    المشاركات
    1,671

    افتراضي رد: ود الدرديري،،، وأول فيديو كليب،،،

    ياود يافنان

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •