§¤°~®~°¤§سلسة الاحاجي السودانية §¤°~®~°¤§

يحتوي على كل أنواع القصص والأحداث الواقعية الشخصية .

المشرف: بانه

صورة العضو الرمزية
moony
مشاركات: 455
اشترك في: الأربعاء 2007.2.21 8:29 am
مكان: السودان

§¤°~®~°¤§سلسة الاحاجي السودانية §¤°~®~°¤§

مشاركة بواسطة moony »

ترددت كثيرا في انشاء هذا البوست.
لاسباب كثيره.
منها انو الاحاجي ثراث.
ومع اختلاف الراوي والمنطقة تختلف القصة.
لكن المضمون يبقى.
وهذا ما شجعني انا ما بحاول اغير في الثراث لانو المضمون باقي.
توكلت عليك يا الله.

وبسم الله نبدأ

الحجوه الاولى :

[align=center]ام توب بني[/align][/b][/B][/u]
في منطقه من مناطق سودانا الحبيب كان في رجل متزوج وله سنين كثيره شاء القدر انو يحرم من الاطفال.وكان هذا الشي بيحزنو وماثرو.في يوم من الايام مع الصباح قام يدعي بالخلف الصالح وفعلا استجاب لي دعاه وولدت له طفله فرحه عمرو.فرح بيها فرح ماعادي وكل ما كانت الطفله تكبر فرحوا كان بيزيد معاها اكتر.
واصبحت شابه وكانت بتحب اللون البني وما بتلبس غيرو عشان كده اشتهرت بام توب بني.كانت اجمل بنات الحته .لونها اصفار زي الذهب وعيون كبااااااااار ورموش طواااال زي السيوف متراصة وشعر اسود من الليل وفي نص ظهرها والحواجب هلالين عديل مرسومات .لاطويله ولا قصيره لا سمينة ولا ضعيفة.كفانا من الوصيف الباقي اكيد بتعرفوه. كان عندها اعذب صوت لمن تغني الجميع بيسكت.
كل الصفات دي خلتها تكون محسوده من جميع بنات الحله.الداير يخطب يخطب ام توب بني البيحب ويعشق ام توب بني .ام توب بني هي السمحه. ام توب بني هي الظريفة اللطيفه ........... ام توب بني..........ام توب بني........... ام توب بني اي حاجه ام توب بني.
ابوها وامها كانو بيخافوا عليها شديد كيف دي ما البكر والحتاله.
جاء يوم اتلموا فيه بنات الحله وقالوا نحنا خلاص كفانا زهجنا ودايرين نقعد كده اي زول داير يعرس يمشي لي ام توب بني .هي زاته قاعده ترفض ومابية اي زول.كان عرست كان خلصنا من الموضوع بدل ما مطفشه لينا العرسان.
المهم الحقد والغيره عمتهم وقاموا اتفقوا يغدروا بيها.

كيف حنواصل كيف .......................[/size]
Still I Need U
مشاركات: 503
اشترك في: الثلاثاء 2007.6.19 11:19 am
مكان: بلاد الله الواسعه

رد: §¤°~®~°¤§سلسة الاحاجي السودانية §¤°~®~°¤§

مشاركة بواسطة Still I Need U »

صورة
[align=center]تحياتي يا رائعة ،
واصلي خلينا نشوف أم توباً بني دي عرست ولا لسه ،،
الفكرة جميلة خالص ،، خالص ،،
ولي عودة ،،[/align][/size]
صورة
صورة العضو الرمزية
moony
مشاركات: 455
اشترك في: الأربعاء 2007.2.21 8:29 am
مكان: السودان

رد: §¤°~®~°¤§سلسة الاحاجي السودانية §¤°~®~°¤§

مشاركة بواسطة moony »

اخ استيل والله انت الرائع بمشاركتك وتشجيعك
وناسف على التاخير
وده باقي الحجوه
.......................................................................................................................

لمن اتفقوا البنات عليها والغيره عامياهم قاموا مشوا ليها وقالوا ليها (ارح نمشي البحر نعوم) قالت ليهم انا امي قعد تحميني امشي البحر وانا ما بعرف اعوم.قالوا ليها ما تقولي ليها وانتي الوحيده في بنات الحله الما بتعرفي تعومي.كده امشي معانا بنعلمك.
المهم يحنسوا ويحنسوا لمن رضت تمشي معاهم.ولمن نزلوا البحر دخلوا عاموا لي جوه ولزوها بعييييييد .وطلعوا هربوا.
ام توب بني غطست الغطسه الاولى وطلعت. وغطست الغطسة التانية وطلعت.وغطست الغطسة الثالثة وما طلعت.......؟؟؟؟؟؟
جات سمكه كبيييييييره وبلعت ام توب بني مع غطستها الثالثة.
قعدت ام توب بني في بطن السمكة يوم كامل.
ورحمه من ربنا اصطاد السمكة صياد.وبعد تعب طلع السمكه هو ومعاه اكتر من 10رجال وفرحانين فرح شديد.ام توب بني سمعت صوت الناس هايجة بقت تكورك (طلعوني طلعوني) الناس خافت وقالت السمكة بتتكلم.الصياد لاحظ الحركة في بطن السمكة,طوالي شال سكينة وشق بطن السمكة.وكانت الغريبة والعجيبة البنت الطلعت من جوف السمكة.
الصياد قال ليها يا بتي احكي لي قصتك ودخلتي جوه السمكة كيف.
وحكت ليه القصة كلها.
قام حن عليها وقال ليها تمشي معاي البيت وتقعدي مع بناتي لمن تلقي اهلك.
وقعدت مع اهل الصياد.وكل يوم تطلع مع بناتو يلقطوا حطب الوقود.تمشي تقيف تحت شجرة كبيرة وتغني.
(يا يمة........... يا يمة
انا ام توب بني
والبنوت رمني في البحرني
يا يا به............. يا يابه
انا ام توب بني
والبنوت رمني في البحرني) وتقعدت تبكي بكى يقطع القلب
كل يوم بنفس الطريقة.
صورة العضو الرمزية
moony
مشاركات: 455
اشترك في: الأربعاء 2007.2.21 8:29 am
مكان: السودان

رد: §¤°~®~°¤§سلسة الاحاجي السودانية §¤°~®~°¤§

مشاركة بواسطة moony »

اما عن اهل ام توب بني.ما عرفوا بنتهم دي مشت وين.خطفها غول ولا وحش ولا مشت وين مافي زول عارف عارف عنها حاجه. امها مرضت مرض شديد وبقت ما بتتحرك.والاب كل يوم يمشي البحر تنزل دموعوا ويرجع البيت لا بيكلم زول وكل يوم بنفس الطريقة.
ومرت الايام.
في يوم ولد السلطان طلع يصطاد.وجابو القدر جمب الشجره البتغني فيها ام توب بني,وسمع غناها وبكاها.وعجبتوا عجب شديد. طوالي جاها وقال ليها ابشري يا ام توب بني اي حاجه دايراها تلقيها. ام توب بني خافت وجرت على بنات الصياد.وبنات الصياد عرفوه.وطلب منهم يمشي معاهم يقابل ابوهم.وقعد مع الصياد وحكى ليه القصة.وانو لحدي هسي مافي زول عارف عن اهلها حاجة ولا الجهه الجات منها.
ولد السلطان وعد ان يساعدهم ويلقى لام توب بني اهلها.
قام ولد السلطان سافر مده ثلاث ايام عشان يلاقي العجوز.(العجوز دي يعني الحكيمة ومرأه مبصره بتشوف وبتعرف )
واول ما دخل قال ليها عجوز كلامك يجوز.
وريني اهل ام توب بني وين.
العجوز قالت ليه تمشي البحر وتتجه جه الشرق بعد عشرة ليالي تلقى روحك عند اهلها.
فرح ولد السلطان.وكلم الصياد وام توب بني
وفعلا سافروا والصياد حلف الا يمشي معاهم يوصلوا ام توب بني.
في اليوم العاشر مانامت ام توب بني الليل كلوا وفي صباح تعاين لي بعيد لقت ليها ارض باينه من بعييييييييد لمن قربت عرفت البيوت وبقت تكورك ديل اهلي ديل ناسي.وتلمت اخيرا بامها وابوها وحكت ليهم القصة من البنات رموهافي البحر والصياد لقاها لحدي مارجعت ليهم كيف. وطلبت يعفوا عن البنات.
وولد السلطان طلب من ابو ام توب بني انوا يعرسهاوالاب قال ما بيوافق الا الصياد يوافق.
والصياد طبعا وافق وتم العرس. :019: :019: :019:

والبنات كان عقابهم انهم عنسوا ومافي زول اشتغل بيهم وبقوا منبوذات من الجميع.


[align=center]وتمت ختمت[/align] [/size]
صورة العضو الرمزية
sarona
مشاركات: 1776
اشترك في: الخميس 2007.2.15 1:14 pm
مكان: المملكة العربية السعودية

رد: §¤°~®~°¤§سلسة الاحاجي السودانية §¤°~®~°¤§

مشاركة بواسطة sarona »

الرائعة موني
حقيقي ابداع .....
القصة والسرد ...
عارفة يا موني لو تلقى الحكاية دي
حركة ابداع فني بسيطة (رسوم متحركة ) تتطلع فيلم...
ولا سندريلا في زمانا..
تسلمي يا غالية ويديك العافية....
وفي انتظار بقية الحكاوي
.
.
صورة العضو الرمزية
moony
مشاركات: 455
اشترك في: الأربعاء 2007.2.21 8:29 am
مكان: السودان

رد: §¤°~®~°¤§سلسة الاحاجي السودانية §¤°~®~°¤§

مشاركة بواسطة moony »

مرحبيك سرونا في بيت الحجى
اوعدك انو الحجوه الجاية ح تعجبك
واقصها ليكم بمزاج
شكرا غاليتي والله ما يحرمني منك
صورة العضو الرمزية
moony
مشاركات: 455
اشترك في: الأربعاء 2007.2.21 8:29 am
مكان: السودان

رد: §¤°~®~°¤§سلسة الاحاجي السودانية §¤°~®~°¤§

مشاركة بواسطة moony »

الحجوه الثانية:



[align=center]ثلاث اخوان[/align]

كان في راجل عندو ثلاث اولاد وعندوا شجرة تفاح بتشيل مره في السنة ثلاث تفاحات.كل تفاحة بتستوي بعد التانية بيوم.يعني الاولى واليوم البعدو التانية وهكذا.
وكان في غول بس مصاقر التفاحات دي.يجي كل سنه كل يوم ياكل تفاحه لمن يخلصوا.
الاب اضايق شديد من الحركة دي.واستنى اولادوا لمن كبروا.وناداهم في يوم وقال ليهم كل زول يحرس تفاحتوا.
اليوم الاول كان على الولد الكبير.وده كانت مدلعه حبوبتو.ابوه اداه سيف طويل وقال ليه احرس تفاحتك.
الولد قاعد الليل كلو ولمن جه الغول خاف منو ودسه.والغول اكل التفحه ومشي.
الاب لمن عرف زل من ولدو زعل شديد لكن يسوي شنو نادى الولد الثاني وطلب منو يحرس تفاحتو.
اها الولد الثاني كانت مدلعه اموا دلع شديد.وقعد الليل كلوا لمن جه الغول خاف منو ودسه زي اخوه الكبير.
الاب قرب يموت تاني يوم اولادوا الاثنين والكبار طلعوا خوافين.
لكن العمل شنو.وجه دور الصغير.
الصغير كان احسن واحد فيهم.وقعد الليل كلوا منتظر لمن جه الغول قام ضربوا بالسيف.الغول جرى. وولد الصباح حكى لابوه وشافوا دم الغول عامل اثر.والتفاحه قاعده في الشجره.الاب قطفها واداها لولدوا الصغير فرحان.
الاب قال لازم نمشي نقص الدرب ونقتل الغول ده ما بنرتاح منو الايموت.[/size]
صورة العضو الرمزية
sarona
مشاركات: 1776
اشترك في: الخميس 2007.2.15 1:14 pm
مكان: المملكة العربية السعودية

رد: §¤°~®~°¤§سلسة الاحاجي السودانية §¤°~®~°¤§

مشاركة بواسطة sarona »

الله يا موني ....رائع جدا

في انتظار التكملة بتاعة الحجوة


.
.
صورة العضو الرمزية
ibn batoota
مشاركات: 1429
اشترك في: الاثنين 2007.2.5 1:02 am
مكان: on sea

رد: §¤°~®~°¤§سلسة الاحاجي السودانية §¤°~®~°¤§

مشاركة بواسطة ibn batoota »

الغاليـــة موني
فكره بسيطة وحلوة
أحييك علي طريقة السرد...
حاجة رائعة جدا أم توبا بني دي....

ومنتظرين الإخوان التلاتة...


بي غادي كده....

تاني نقول ليك حبوبه مووووني
صورة العضو الرمزية
moony
مشاركات: 455
اشترك في: الأربعاء 2007.2.21 8:29 am
مكان: السودان

رد: §¤°~®~°¤§سلسة الاحاجي السودانية §¤°~®~°¤§

مشاركة بواسطة moony »

قام الاب واولادو قصوا دم الغول لحدي ما وصلوا لي حفرة كبيرة.الحفرة دي بتنزل سبعه اراضي تحت.الاب قال لاولادوا جيبوا حبل وينزلو للحفرة تحت.الاب طلب من الابن الاكبر انو ينزل اول.طبعا هو بيخاف لكن قال لابوه بيحاول.ابتدوا ينزلوه لمن ظلمت الحته قعد يكورك (ارفعوني ارفعوني).وطلعوه من الحفره.الابن الثاني نزل وبرضوا ما وصل نص المسافة قعد يكورك (ارفعوني ارفعوني).ورفعوه الابن الصغير قال لابوه نزلني ولو قلت لك ارفعوني ما ترفعوني نزلوني زياده.
وفعلا شغال ليهم نزلوني نزلوني لمن وصل اخر الحفرة.ولقى شنو !!!!!!!!!
لقى ثلاث بنات ووحده فيهم جميلة جمال ما عادي.قام سالهم انتوا من وين.قالوا نحنا خطفنا الغول من اهلنا.وسالهم الغول وين.قالت ليه احلى وحده فيهم في اخر الممر ده لكن اعمل حسابك الغول لمن يكون مغمض عيوني يعني صاحي ولمن يكون مفتح نايم.اضربوا ثلاث ضربات لو قال ليك زيدني ما تزيدوا.
وفعلا مشى طوالي لقاه مفتح عيونو.وبسيفوا ضربو الضربة الاولى والضربة الثانية والضربة الثالثة .وبعدها قعد يكورك زيدني زيدني.وطبعا كان عارف اللعبه كويس وابى ما يزيدوا.
والغول طوالي روحوا مرقت.وبعد ما مات فرح الابن الصغير.
ومشى للبنات قام طلع البنت الاولى والبنت الثانية والبنت السمحة قال ليها انا بطلع وانزل لك الحبل (خاف اخوانوا يتشاكلوا فيها)والبنت قعدت تبكي وخافت يخلوها ويمشوا.المهم حن عليها وفعلا طلعها قبلوا.
وحصل الكان متوقعوا الاخوين اتشاكلوا في البنت والاب قعد يحاول يحجز وقام الحبل اتفلت ووقع وخلوا بطلنا قاعد تحت في اخر الحفرة على بعد سبع اراضي.
صورة العضو الرمزية
ibn batoota
مشاركات: 1429
اشترك في: الاثنين 2007.2.5 1:02 am
مكان: on sea

رد: §¤°~®~°¤§سلسة الاحاجي السودانية §¤°~®~°¤§

مشاركة بواسطة ibn batoota »

موني أوعه تقولي لي القصة إنتهت...

أخوك عاش الدور بتاع الولد الصغير...:D لانو حسسو شديد..

منتظرين الباقي سررررررريع وماتقولي بكره..
صورة العضو الرمزية
moony
مشاركات: 455
اشترك في: الأربعاء 2007.2.21 8:29 am
مكان: السودان

رد: §¤°~®~°¤§سلسة الاحاجي السودانية §¤°~®~°¤§

مشاركة بواسطة moony »

[quote="ibn batoota"]موني أوعه تقولي لي القصة إنتهت...

أخوك عاش الدور بتاع الولد الصغير...:D لانو حسسو شديد..

منتظرين الباقي سررررررريع وماتقولي بكره..
[/quote]
ما انتهت بكرة بتنتهي ان شاء الله
ما لف ليله وليلة لو اتقالت في يوم كانت بتكون سمحة
التشويق اهم حاجة في سرد الحكاوي :075:
صورة العضو الرمزية
اصيله
مشاركات: 358
اشترك في: الأحد 2006.10.29 12:19 pm
مكان: الخرطوم

رد: §¤°~®~°¤§سلسة الاحاجي السودانية §¤°~®~°¤§

مشاركة بواسطة اصيله »



مونى
ياخطيييييره
والله سرد رائع يشد الزول شد للمتابعه
اها واصلى ولى قدام
صورة العضو الرمزية
moony
مشاركات: 455
اشترك في: الأربعاء 2007.2.21 8:29 am
مكان: السودان

رد: §¤°~®~°¤§سلسة الاحاجي السودانية §¤°~®~°¤§

مشاركة بواسطة moony »

اصيله اهلا ومرحب بيك
ونواصل غدا ان شاء الله
صورة العضو الرمزية
الغريبة
مشاركات: 824
اشترك في: الاثنين 2007.4.2 10:53 pm
مكان: السودان-الدوحة

رد: §¤°~®~°¤§سلسة الاحاجي السودانية §¤°~®~°¤§

مشاركة بواسطة الغريبة »

شكرا ليك يا مونى
قصصك حلوة خالص
تسلمى يا منوية
صورة العضو الرمزية
lucky boy 618
مشاركات: 18
اشترك في: الثلاثاء 2007.4.3 7:28 pm
مكان: doha

رد: §¤°~®~°¤§سلسة الاحاجي السودانية §¤°~®~°¤§

مشاركة بواسطة lucky boy 618 »

والله تمام التمام تنفعي كاتبه

والله اتمنى ليك اجمل التوفيق



lucky boy 618

الرجاء تقبل مروري :028:
صورة العضو الرمزية
moony
مشاركات: 455
اشترك في: الأربعاء 2007.2.21 8:29 am
مكان: السودان

رد: §¤°~®~°¤§سلسة الاحاجي السودانية §¤°~®~°¤§

مشاركة بواسطة moony »

[quote="الغريبة"]شكرا ليك يا مونى
قصصك حلوة خالص
تسلمى يا منوية[/quote]

تسلمي يا الغربية وان شاء الله والواحد ما يقصر معاكم ويقدر يشارك باكبر حجم من الحجى

[quote="lucky boy 618"]والله تمام التمام تنفعي كاتبه

والله اتمنى ليك اجمل التوفيق



lucky boy 618

الرجاء تقبل مروري :028: [/quote]

لكي بوي تحية مني لك خاصة وشكرا على المرور الجميل




اها نواصل باقي الحجوة :040:
صورة العضو الرمزية
moony
مشاركات: 455
اشترك في: الأربعاء 2007.2.21 8:29 am
مكان: السودان

رد: §¤°~®~°¤§سلسة الاحاجي السودانية §¤°~®~°¤§

مشاركة بواسطة moony »

وصلنا وين يا خوانا.

آه لمن البطل فضل تحت.وبقت عليه مصيبتين.البنت السمحة الراحت.وقعادوا في الحفرة.
قام صاحبنا مشى تحت.ولقى العجائب.نفس الفوق تحت ولقى بحر وقعد يتامل فيه.بعد شوية سمع صوت زول بيبكي.قام يفتش ويتلفت.ولقى شافعة بتبكي.وسالها مالك.قالت ليه في تمساح كبير قاعد في البحر ده ،ولا بيخلي زول يشرب منو.واي زول اي حيوان اي شي يقرب يبلعوا.واهلي بقوا عطشانين.وحالتنا حالة.قام دق صدروا وقال ليها ما تخافي بعون الله اقدر عليه.ومشي عند طرف البحر.وفجأة طلعت موجة كبيرة وطلع منها التمساح.كبير شديد ولونة اسود ومخيف.وبسرعة جه فاتح خشموا يبلع البطل.قام طوالي بسيفوا ضرب التمساح وقطع ليه راسوا وقتلوا.البنت فرحت فرح وجرت لي اهلها كلمتهم.
اتلموا الناس يشكروا فيه وعلى حسن الجميل.البنت الصغيرة جرت وجابت ليه توب مرسوم في سحاب ونجوم وقالت ليه ده توب السماء.وعليك الله شيلوا بتحتاجوا واصرت عليه.واهل القرية قالوا له لو احتجت اي شي قول لينا.
قال ليهم داير اطلع فوق .قام واحد كبير اشر ليه فوق في الجبل في راجل عجوز بيعرف اي شي امشي عليه واسالوه.
قام مشي طلع الجبل ولقى الراجل العجوز بيرعى في الغنم وحدات بيض ووحدات سوود.
وسالوا كيف الطلوع لي فوق.
العجوز قال ليه شفت غنمي ديل غمض عيونك وامسك وحدة من الغنم ديل لو طلعت بيضاء بطلعك فوق ولو سوداء حتغطسك تاني سبع اراضي لتحت.
البطل قام غمض عيونوا ومسك وحده لمن فتح عيونوا لقاها سوداء.وهب لقى روحوا نزل سبع اراضي تاني لي تحت.حظوا تاني خانوا.

وهو ماشي يلعن في حظوا فجأه الارض ظلمت وعاين لي فوق لقى طائر كبييير وضخم.نزل تحت وخطف ليه خروف .وبعد شوية تاني جه.وفكر يمكن الطائر ده يطلعني .ومشى براحة واتعلق في الطائر.
الطائر طار وركه في عشوا.ورمى الاكل لي كتاكيتوا.البطل نزل وقعد في العش .وخلي الطائر يطير بعيد.
كان تعبان شديد.ونزوي في ركن العش ونام.

صحى على صوت الكتاكيت بتكورك خايفة،ولقى الدبيب ماشي عليها. بسرعه ضرب الدبيب وقتلوا.وشالوا جدعوا بره العش.الكتاكيت حبتوا لانو انقذها واتلمت حولينوا.وفجأة جات امهم.وشافتوا قاعد في العش.وهجمت عليه دايرة تقتلوا.الكتاكيت اتلمت فيه وغطتوا وقعدت تصرخ في امها ما تقتليه ده انقذنا من الدبيب كان داير ياكلنا.يأمنا عايني برة العش.
وفعلا عاينت لقت الدبيب مقتول.وتاسفت للبطل وشكرتوا على انقاذ اولادها.وقالت ليه اطلب اي شي.
قال ليها داير اطلع فوق.فوق 14 ارض.
سكتت شوية الطائر الام وقالت ليه الرحلة متعبة لكن انا بوصلك.لكن انا بحتاج لي 10خرفان.و20قزازة موية عشان توصلنا.قال ليها ما مشكلة وفعلا لم العشر خرفان.والعشرين قزازة موية.وربطهم وشالهم فوق ظهر الطائر الام.والكتاكيت اتلمت فيه.وادتوا توب مرسوم فية جبال وانهار وقالت ليه ده توب الارض.شيلوا بتحتاجوا.

وفعلا الرحلة كانت صعبة وطويلة وهو كل شوية يجدع الاكل والموية للطائر لحدي ما وصلوا.
وبعد وصل فرح بعودتوا وشكر الطائر.وتجه لي بيتوا.
لقى الاب قاعد واول ماشافوا فرح بيه بعد ما افتكروا مات تحت في الحفرة.
البطل حكى للاب القصة كلها.
وسالوا من البنت الاخيرة الاب ضحك.وقال ليه البنت دي طلعت بنت السلطان.واخوانك الاثنين مشوا يخطبوها ورفضتهم قالت مهرها توبين.توب السماء وتوب الارض.
ويا ولدي التوبين عندك ارح هسي نمشي نخطبها.
ومشوا لي السلطان وحكوا ليه القصة وكيف التوبين وصلوا عند البطل.السلطان فرح وقال للبطل والله كان جيتني من غير التوبين انا كنت ح اعرس ليك بنتي.

وقامت الافراح بزواج البطل بالاميرة بنت السلطان :019: :019: :019:

وتمت ختمت
صورة العضو الرمزية
ibn batoota
مشاركات: 1429
اشترك في: الاثنين 2007.2.5 1:02 am
مكان: on sea

رد: §¤°~®~°¤§سلسة الاحاجي السودانية §¤°~®~°¤§

مشاركة بواسطة ibn batoota »

لوووووووول

قصة مبالغة ...
الولد الصغير ده بذكرني بي صغري... :076: :022:

شكرا موني
في إنتظار باقي الحجوات
صورة العضو الرمزية
moony
مشاركات: 455
اشترك في: الأربعاء 2007.2.21 8:29 am
مكان: السودان

رد: §¤°~®~°¤§سلسة الاحاجي السودانية §¤°~®~°¤§

مشاركة بواسطة moony »

[quote="ibn batoota"]لوووووووول

قصة مبالغة ...
الولد الصغير ده بذكرني بي صغري... :076: :022:

شكرا موني
في إنتظار باقي الحجوات
[/quote]

هههههههههههههههه

وجه الشبة شنو هسي يا ابن بطوطة :040: :040: :040: ؟؟؟؟؟؟؟؟؟؟؟؟

راجعه ليكم بمزيد من الاحاجي ان شاء الله
أضف رد جديد

العودة إلى ”سيناريو وأحـداث“