البوم " شعبيات " فرقة الصحوة

يشتمل علي المدائح النبوية و الاناشيد و الكليبات الاسلامية.

المشرف: بانه

أضف رد جديد
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

البوم " شعبيات " فرقة الصحوة

مشاركة بواسطة waya »

الأخوة محبي الأغاني الشعبية " أغاني الحماسة "
أهدي ليكم البوم " شعبيات لفرقة الصحوة ,, على مقطعين ,,,
[grade="00008B FF6347 008000 4B0082"]

بتريد اللطام اسد الكداد الزام
هزيت البلد من اليمن للشام
سيفك للفقر قلام
تيّم فى التقر انصارو منزربين
بالصفا واليقين حقيقة انصار دين
بالحرب ام طبائق قابلوا المسكين
فى وش المكن رقدوا التقول نايمين
تيّم فى التقرانصاروا زاربنوا
بعهدوا القبيل بعيسى تاهمنوا
اتلموا العمد ليهم نقر سنوا
الهوج والشرق طار المنام منوا
تيّم فى التقر قال العمير للسوم
القوى والضعيف من عينو طار النوم
الكفرة النجوس ما بختوا من اللوم
حجرت الدرب خليت جمالم تحوم
الاسد النتر وقال الدين منصور
لمولوا الاورط جابوهم بالبابور
العمد الكبار كلامهم بقى مدحور
كم فقشت مدير وكرمت بالمامور
الاسد النتر بى جيهة الابقار
لمولو الاورط شايلين سلاح النار
ود حبوبة قام ورتب الانصار
فى كتفية ديك كم شبعن صقار
الاعلان صدر واتلمت المخلوق
بى عينى بشوف اب رسوة طامح فوق
كان جات بالمراد واليمين مطلوق
ما كان بنشنق ود اب كريق فى السوق
بتكلم بقول بوريك مين حسبوا
نايبو السنين منّو الرجال حسبو
الاعلان صدر واتلمت الحلال
نصبولو السلاح واتكرنف الخيال
قدر الله الحصل و الزمان ميال
منسول من ابوك ماك ود حرام دجال

****************

شدوا ليك ركب فوق مُهرك الجماح
ضرغام الرجال الفارس الجحجاح
تمساح الدميره الما بيكتلو سلاح
السم النقوع الفي البدن نتاح
يا عُصار المفازه اللعيون كتاح
المال مابيهمك إن كتر وإن راح

بطناً جابتك والله ما بتندم
يا اسد الكُداد الفي خلاك رزم
يا رعد الخريف الفي سماك دمدم
بابك ما أنقفل نارك تجيب اللم
مابتعزم تقول غيرإستريح حرّم

أبواتك جبير بيحلو للعوجات
مطمورتك تكيل للخاله والعمات
في الجود والكرم إيديك دوام بارزات
يا أب قلباً حديد في الحوبه ما بتنفات

عينيك يا الصقر في الحاره ما بتنوم
صدرك للصعاب دايماً بعرف العوم
في وسط الفريق للفارغه ما بتحوم
لا بتنلام ولا بتعرف تجيب اللوم
ود ناساً عُزاز جمعوا المكارم كوم
تفخر بيك بنات الباديه والخرطوم

******************
يسلم لي خال فاطنه
ليهم بلالي البدرج العاطله
ابكريق في اللجج
سدر حبس الفجج
خال فاطنه
عشميق حبل الوجج
انا أخوى مقلام الحجج
خال فاطنه
يا خريف الرتوع
ابشقه قمر السبوع
فوق بتو بسند الجوع
يا قشاش الدموع
خال فاطنه


[/grade]


صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: البوم " شعبيات " فرقة الصحوة

مشاركة بواسطة waya »

[grade="00008B FF6347 008000 4B0082"]الكوراك ضرب مرقن جراقده أنداد
أنداد النصارى الكلهم بولاد
كرار علي كبر عليهم زاد
سيفك في غضاريف الرجال صياد
متين ياعلي تكبر تشيل حملي
إياك ياعلي الخلاك أبوي دخري
للجار والعشير الكان أبوك بدي
للغني والفقير الكان أبوك حامي
يتسولب من العلج الحرير وأكسي
لا تعاين الوجود ضربك بي شر سوي
وسيفك في غضاريف الرجال أروي
جابولنا الكرامه وصبحنا فرحانين
ضربوا دنقرن جوني العيال مارقين
بسأل عن علي الفارس البقود تسعين
هو اللدر العلي ضهرو الخبوب والطين
ما بياكل الضعيف ومابسولب المسكين
الا سيبة الأسد أم قبضة هين
فرتيقة ام لبوس لويعة الفرسان
الليل بابلي عنزه وقرونه سنان

غير خالد ماليك تنين عرش دود الاربعين
السيل بوبا يا الفوتك مو دحين
تغني ليك أم هاني يشهدو أهل المعاني
نضيفا خاتي ريحة الشاني
كتل ديلاك خبرو جاني
يا القمره الماك شهير
يا الرأس الماك صغير
ابوك الصافي القبيل
تبراهو الشعبه والجنزير
خت كرسي للعديل
كورك قال يا غفير
العاداك وين يطير
شقيا صادف نكير

***************

حليلهم اخوان البنات العلمو الجبل الثبات [/grade]




صورة العضو الرمزية
moneer_salah
مشاركات: 487
اشترك في: الخميس 2007.10.11 10:15 pm
مكان: الدوحة _ قطر

رد: البوم " شعبيات " فرقة الصحوة

مشاركة بواسطة moneer_salah »

يدييييييك الف الف عافية ياوايا ياملك على
الابداع والابداع موصول لفرقه
الصحوة
الف شكر
صورة العضو الرمزية
فارس الرومانسية
مشاركات: 756
اشترك في: الاثنين 2008.6.23 4:02 pm
مكان: بين جرح السحابه وشهقه الارض البكر
اتصال:

رد: البوم " شعبيات " فرقة الصحوة

مشاركة بواسطة فارس الرومانسية »

يا waya
بصراااااحة شديده كده
انت الاول عديل
شكراً كتييييير
تخريمه
انت عارف انا بشيل وبنزل على التلفون متكيف خااااااااالص

يديك العافيه
صورة العضو الرمزية
اقوو
مشاركات: 146
اشترك في: الاثنين 2008.6.9 5:04 am
مكان: السعودية-منطقة الجوف

رد: البوم " شعبيات " فرقة الصحوة

مشاركة بواسطة اقوو »

مشكوووووووووور وخلينا دايما نشوف جديدك
صورة العضو الرمزية
مكنيكي حب...
مشاركات: 109
اشترك في: الثلاثاء 2009.5.19 12:31 am
مكان: في قلب كل حبيب وحبيبه.

رد: البوم " شعبيات " فرقة الصحوة

مشاركة بواسطة مكنيكي حب... »

مـــــــشــــــــــكــــــوووووور...........
.يديك الف عافية
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: البوم " شعبيات " فرقة الصحوة

مشاركة بواسطة waya »

[grade="00008B FF6347 008000 4B0082"]شباب يديكم العافية ,,,

تشكراتي لي طلتكم [/grade]
أضف رد جديد

العودة إلى ”منتدى الصوتيات و المرئيات الإسلامية“