هذا المنتدى فقط للمطالعة

يمكن للاعضاء مواصلة مشاركاتهم فى النسخة الجديدة على الرابط ادناه

http://www.anasudani.net/muntada

النتائج 1 إلى 10 من 10

الموضوع: طلقها بسبب التنباك

  1. #1
    تاريخ التسجيل
    19:42, 8th Apr 2010
    الدولة
    السعوديه الرياض
    المشاركات
    23

    افتراضي طلقها بسبب التنباك

    [align=justify] طلقها بسبب التنباك
    دعنى لاتقترب منى فقد كرهت حتى انفاسك رائحتك نتنه والعرق يخطلت بالتراب العالق بجسدك انت لاتصلح لان تقترب من احد فقد ينفر منك من يعرفك ومن لايعرفك كيف تقبل اولادك كيف تحتضنهم وانت بهذه الروائح النتنه الم اقل لك لاتستعمل التنباك وانت تنام الى جانبى ؛ انت تنام والسفه على فمك وتشخر ويسيل لعابك وانت نائم ويرسم لعابك المخلوط بالتنباك خرائط على الوساده التى تنام عليها انفاسك نتنه كم انت قذر ؛ لقد تعبت من تنظيف بواقى السفه التى تبصقها على الموكيت او حتى على السلة كيف يتعامل معك زملائك فى العمل الا ينفرون منك مافائدة ان تلبس قميص وبنطلون نظيف على روائح جسمك ورائحة فمك الكريهه لقد صبرت عليك وحاولت اصلاحك ولكن انت لاتسمع منى بل تهزأ بى وتزجرنى انظر الى آثار التنباك على اسنانك لقد صارت صفراء مظللة باللون البنى حتى التنباك طفى روعه الابتسامه عندك واحيانا تنام وكيس التنباك على جيبك وينطبع على ملبسك وعلى الملايا والمرتبه لقد تعبت من التنظيف والغسيل الا ترى ذلك ؛ نفذ صبرى ولولا الاولاد مااطيق ان اجلس معك انت حالة نادره
    قال لها :- ياوليه انت جنيتى ولاشنو والله تانى اسمعك تجيبى سيرة التنباك ده فى خشمك الا احشيه ليك تنباك ( مرة اخر زمن ) وكمان معاها فلسفه زائده انتى لاتحترمى الكيف ولاوزنه راسى كم سنه وانا مع التنباك تجى تقولى سيبه ؛ تعرفى انا ممكن اسيبك انتى ولا اسيب التنباك
    قالت له ؛- انت تقارنى بالتنباك اها ياانا او التنباك اختار ياتو فينا قالتها بحزم شديد
    قال لها ياوليه لاترفعى صوتك على واخسى الشيطان على بالطلاق تقولى بقم تانى الا اوريك الضرب المابتعرفيه عشان تتأدبى وماترفعى صوتك علىَ مرة ثانيه
    قالت ؛ كمان عايز تضربنى؟
    ايوه اضربك واضرب ابو اهلك كمان
    وصارت المشاده والكلام من هنا وهناك حتى وقع الطلاق عليها بسبب التنباك
    سؤال ؟ هل التنباك مضر للصحه وهل يتأذى الاخرين ممن يستعملونه وما سبب وقوع الشباب فى شباكه قالت لى امرأه فى منتصف الثلاثينيات بدأت قصتى مع التنباك يوم ان كان ضرسى يؤلمنى واعطانى زوجى سفه لكى يخمد الالم الشديد الذى الم بى منتصف الليل ولاتوجد صيدليه ولاحتى شىء يسكن الالم فما ان وضعت تلك السفه حتى شعرت بالارتياح من الم الضرس وكلما شعرت بالالم فى الاضراس اخذت سفه للتسكين ومن ديك وعيك حتى صار لى كيس تمباك خاص بى ؛ فهل يمكن ان يباع التنباك فى الصيدليات كمسكن للالام الاسنان
    (((اذا كنت ممن يستعملون التنباك فأحذر ان يقع عليك الطلاق قم بتنظيف اسنانك واجعل لونها الابيض الاصلى وتخلص من رائحة الفم الكريهه وخليك اجتماعى فالتنباك ضار بلثة الفم وسبب رئيس فى السرطان والطلاق ومشوه للاسنان ومنفر للانسان وغير اجتماعى الا اذا كان ضرسك مؤلمك يمكن سفه واحد ثلاث مرات فى اليوم ورابعه عند اللزوم )))
    (على فكره انا ذاتى قاعد اسف بالدس )
    شمس الدين المبارك الاقرع
    [/align]

  2. #2
    تاريخ التسجيل
    12:36, 28th Apr 2010
    الدولة
    ودمدني
    العمر
    23
    المشاركات
    212

    افتراضي رد: طلقها بسبب التنباك

    نفسي اعرف العاجبكم في التمباك شنو
    شكلو زاتو ما مساعد لمن اختو في خشمي لا حولة
    وبعدين مهما كان الزول نضيف وشياكة بيقلل من مظهرو
    وكما ذكرت يا اخي اجيب ليك ستين بلوة و مرض والناس ما ناقصة
    واكعب حاجة يكمل القروش

  3. #3
    تاريخ التسجيل
    11:22, 31st Mar 2010
    الدولة
    الخرطوم بحرى
    العمر
    44
    المشاركات
    64

    افتراضي رد: طلقها بسبب التنباك

    هذا الموضوع حساس وخطير التمباك من الاشياء التى عمت بها البلوى نسأل الله ان يجنبنا شر التمباك وغيره من العادات الضارة الاخرى

  4. #4
    تاريخ التسجيل
    15:23, 4th Feb 2009
    الدولة
    المملكة العربية السعودية
    المشاركات
    5,149

    افتراضي رد: طلقها بسبب التنباك

    موضوع جميل يا ود الاقرع
    لكن انت يااااود الاقرع بتحذر فينا ولا
    بترغب قينا نسف ( قلت لي بتسف بالدس)
    غااااااااااااااااااااااااااغ

  5. #5
    تاريخ التسجيل
    03:30, 9th Mar 2010
    الدولة
    الضواحي
    المشاركات
    16,470

    افتراضي رد: طلقها بسبب التنباك

    أنا لو ساعتين ما , ما شنقتلي سفه , بجنى صداع وبكون عصبي , وبشاكل , بتقفل معاي
    وقاعد احاول اسيبوا ما قادر , ولد خالتى , قالي , سف عطرون , وبرضوا مانفع
    وزاتوا الايام غلى , وبقى سعروا من خمسمية وفوق
    وكان الرطل ب 700هسه بقى بجنيه و300
    يا الله مع سلامة
    والصعود حاجة ما قيافى ..........

  6. #6
    تاريخ التسجيل
    23:47, 19th Jun 2009
    الدولة
    الــــرياض
    المشاركات
    1,071

    افتراضي رد: طلقها بسبب التنباك

    هو زاتو كيف بيجربو عشان يدمنو

    ريحتو معفنة وشكلو مقرف كيف بستحملو السجارة ارحم كتيييييييييييير

    والله يهدي الجميع

  7. #7
    تاريخ التسجيل
    15:26, 29th May 2009
    الدولة
    السودان الحنون
    المشاركات
    5,979

    افتراضي رد: طلقها بسبب التنباك

    [align=center]
    اعتقد انه نوع من انواع المخدرات
    الهنود عندهم نوع كده بسفوه لونه احمر بشوفه في الافلام الهنديه ببقوا زي الاكلوا اسكريم فراوله
    و اخواننا في اليمن عندهم القات و كللللهم نفس العينه
    ربنا يهدي و يصلح يا رب

    [/align]
    [align=center]
    [flash=http://forum.sh3bwah.maktoob.com/up/6930696521027223328.swf]width=800 height=800[/flash]

    # خربشه ... كديسه ب [fot1] روح واحدة بث :)[/fot1]
    [/align]

  8. #8
    تاريخ التسجيل
    03:30, 9th Mar 2010
    الدولة
    الضواحي
    المشاركات
    16,470

    افتراضي رد: طلقها بسبب التنباك

    اقتباس المشاركة الأصلية كتبت بواسطة ملاك الورد مشاهدة المشاركة
    [align=center]
    اعتقد انه نوع من انواع المخدرات
    الهنود عندهم نوع كده بسفوه لونه احمر بشوفه في الافلام الهنديه ببقوا زي الاكلوا اسكريم فراوله
    و اخواننا في اليمن عندهم القات و كللللهم نفس العينه
    ربنا يهدي و يصلح يا رب

    [/align]
    كلامك صح, لانوا التنباك فيه نشوة , وعدم استعمال ,لفترة طويلة يعمل
    فتور للجسم ............................
    والغريبة يأتى من دار فور ..............

  9. #9
    تاريخ التسجيل
    15:26, 29th May 2009
    الدولة
    السودان الحنون
    المشاركات
    5,979

    افتراضي رد: طلقها بسبب التنباك

    اقتباس المشاركة الأصلية كتبت بواسطة بعد الزمن مشاهدة المشاركة


    كلامك صح, لانوا التنباك فيه نشوة , وعدم استعمال ,لفترة طويلة يعمل
    فتور للجسم ............................
    والغريبة يأتى من دار فور ..............

    [align=center]
    عادي عادي ...... هو قال ليك البنتجو المنتج لازم يستعملوه
    مثلا افغانستان من اكبر الدول المنتجه للمخدرات و الحشيش
    و شفعهم الصغار بساعدوهم في جمع النباتات البعملوا منها حشيش في المزارع
    لكن ما في زول فيهم بقرب منه او بجربه عشان حرام
    و هم عارفين اضراره و انه بهد الزول و هم عايزين يستمروا في شغلهم مش يتحولوا لمدمنين

    [align=right]"تابعت فيلم وثائقي في قناة الجزيرة عن تجارة المخدرات في افغانستان"[/align]
    [/align]
    [align=center]
    [flash=http://forum.sh3bwah.maktoob.com/up/6930696521027223328.swf]width=800 height=800[/flash]

    # خربشه ... كديسه ب [fot1] روح واحدة بث :)[/fot1]
    [/align]

  10. #10
    تاريخ التسجيل
    03:21, 30th Apr 2010
    الدولة
    السعودية
    العمر
    37
    المشاركات
    43

    افتراضي رد: طلقها بسبب التنباك

    بسم الله الرحمن الرحيم
    السلام عليكم ورحمة الله وبركاته
    ود الاقرع موضوعك مهم لانه يهم شريحة كبيرة من المجتمع السودانى وهى عادة سيئة
    ويجب الاقلاع عنها وهنااطرح عليكم فكرة لاقلاع عنها وهى ناجعة لمن يملك الارادة القوية
    واللى هى استقلال شهر رمضان لاقلاع عنها فاذا الصائم يومة كلة صايم وبعد الافطار يخت لية
    سفة كبيييييييرة وباقى المساء والى السحور يحاول يقلل ويجعلها خمسة سفات ويواظب عليها
    والى منتصف رمضان بقدر الامكان يخليها ثلاث سفات بين الافطار والسحور وعند نهاية الشهر
    ممكن تكون سفة واحدة بين الفطور والسحور وشوية شوية يلاقى نفسة تخلص منها . بس لازم
    يكون عنده شوية عزيمة والله يهدى الجميع ......وانا زاتى بسف لكن ما بالدس.....!!!!!!
    [size=6][font=Arial]يايمة رسلى لى عفوك ينجينى
    من جور الزمان...........
    مسكا جسوا

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •