التوقيعات في خواتيم المدائح النبوية

يشتمل علي المدائح النبوية و الاناشيد و الكليبات الاسلامية.

المشرف: بانه

صورة العضو الرمزية
omar babikir
مشاركات: 3592
اشترك في: السبت 2009.12.12 11:39 am
مكان: السعوديه

التوقيعات في خواتيم المدائح النبوية

مشاركة بواسطة omar babikir »

للمديح النبوى طعم ونكهه خاصة ...ولغة محببة للنفس ..ولكل ناظم
اسلوب رائع فيه الكثير من البلاغة والحكم والوعظ والسيرة...
كيف لا يكون كذلك وهو في محبة سيد الخلق وخاتم النبيين ..
عندما تستمع إلى المديح النبوي لا تجد صعوبة في معرفة الناظم..
فدوما يقوم المادح بالتوقيع باسمه في ختام القصيدة ...
وقد أصبحت سمة المديح عند رواته قديما وحديثا ...
دوما يكون ختام المديح النبوي بأسلوب رائع ومدهش..
يجمع فيه بين الصلاة على النبي والدعاء والابتهال ...
سأحاول إن استعرض بعض من هذه التوقيعات لأشهر
المادحين وناظمي الشعر في محبة الله سبحانه وتعالي...
ومحبة نبيه عليه أفضل الصلاة وأتم التسليم...
صورة العضو الرمزية
السودانى الاصيل
مشاركات: 8054
اشترك في: الاثنين 2008.9.1 9:24 pm
مكان: المملكه العربيه السعوديه /جازان سحر الطبيعه

رد: التوقيعات في خواتيم المدائح النبوية

مشاركة بواسطة السودانى الاصيل »

موضوعك جميل حيكون لانو عن المديح __ ونحن فى حلتنا عندنا جدى مبارك ود الفكى عبد الله ود الشيخ عبد الباقى

بالف المديح ويقيم ليليات بالمناسبات شئ جمييييل ورااائع


عندو قصيده بتقول

القبه الجميل واديها شوقى للرسول الفيها
حلحل قيدى اقوم ناويها ازور الروضه واجلس فيها

اها بجى بقول

الصلوات سلامى معاها والتسليم لواسع الجاها
من مبارك الخطاها راجيك يا الشفيع تمضاها
صورة العضو الرمزية
omar babikir
مشاركات: 3592
اشترك في: السبت 2009.12.12 11:39 am
مكان: السعوديه

رد: التوقيعات في خواتيم المدائح النبوية

مشاركة بواسطة omar babikir »

السودانى الاصيل كتب:
موضوعك جميل حيكون لانو عن المديح __ ونحن فى حلتنا عندنا جدى مبارك ود الفكى عبد الله ود الشيخ عبد الباقى

بالف المديح ويقيم ليليات بالمناسبات شئ جمييييل ورااائع


عندو قصيده بتقول

القبه الجميل واديها شوقى للرسول الفيها
حلحل قيدى اقوم ناويها ازور الروضه واجلس فيها

اها بجى بقول

الصلوات سلامى معاها والتسليم لواسع الجاها
من مبارك الخطاها راجيك يا الشفيع تمضاها


مرحبتين بالسوداني الاصيل
هنيئا لكم بوجود مثل هذا المادح مبارك ود الفكي بينكم
طبعا الليليات شى جميل وبتجمع ناس الحلة الواحدة على محبة
الله ورسوله ...
عجبنى جدا توقيع ودا الفكي ...طبعا الشفيع المذكور في التوقيع مادح ..
شكرا ليك كتير يا الاصيل وما تحرمنا من روائع ود الفكي
تحياتي..
صورة العضو الرمزية
امال الناس
مشاركات: 27686
اشترك في: الأربعاء 2009.6.17 9:57 am
مكان: السودان

رد: التوقيعات في خواتيم المدائح النبوية

مشاركة بواسطة امال الناس »

حياك الله يا عمر
ورمضان كريم
تصوم وتفطر علي خير
حقيقة انا وكل اسرتي من المحبين لمدائح الرسو (ص)
اختيارك للموضوع دليل علي الزوق الرفيع
يديك العافية يا عمر
صورة العضو الرمزية
omar babikir
مشاركات: 3592
اشترك في: السبت 2009.12.12 11:39 am
مكان: السعوديه

رد: التوقيعات في خواتيم المدائح النبوية

مشاركة بواسطة omar babikir »

امال الناس كتب:
حياك الله يا عمر
ورمضان كريم
تصوم وتفطر علي خير
حقيقة انا وكل اسرتي من المحبين لمدائح الرسول (ص)
اختيارك للموضوع دليل علي الزوق الرفيع
يديك العافية يا عمر


مرحتين بامال الناس
كل عام وانتى والاسرة الكريمة بالف خير
اعاده الله عليكم وعلينا بالخير واليمن والبركة
شكرا كتير على كلماتك الرقيقة ودا من ذوقك والله
خليك متابعة معانا..
تحياتي
صورة العضو الرمزية
omar babikir
مشاركات: 3592
اشترك في: السبت 2009.12.12 11:39 am
مكان: السعوديه

رد: التوقيعات في خواتيم المدائح النبوية

مشاركة بواسطة omar babikir »

سأبدا بقصيدة من احب المدائح الى قلبي ...وربما الى قلب الكثيرين
قصيدة ابلى المشرفات للشيخ عبد الرحيم البرعى عليه رحمة الله
فهى درة من الدرر الثمينة ..

إبلي المشرفات وسمهن فاخر
ينفعني درهن في اليوم الآخر

تناول فيها البرعى القرآن الكريم باسلوب فريد من نوعه
إبلنا يا معـشر
مية وأربعتاشر
تجي حاملة في المحشر
وبيها نستبشر

ثم اختتمها ايضا باسلوبه المبدع ووقع عليها باسمه في مزج للصلاة
على المصطفى والدعاء

صلواتاً نافية العـــــد
لــــود قصــي ومعد
برعي النظم يســــعد
للدرجة الفوق يصعد


اللهم ارفع عبدك البرعى لاعلى الدرجات واسعده بقربك بقدر محبته لنبيك
صورة العضو الرمزية
أم عسجد
مشاركات: 3395
اشترك في: الثلاثاء 2010.2.23 8:45 am
مكان: ام درمان

رد: التوقيعات في خواتيم المدائح النبوية

مشاركة بواسطة أم عسجد »

omar babikir كتب:
سأبدا بقصيدة من احب المدائح الى قلبي ...وربما الى قلب الكثيرين
قصيدة ابلى المشرفات للشيخ عبد الرحيم البرعى عليه رحمة الله
فهى درة من الدرر الثمينة ..


اللهم ارفع عبدك البرعى لاعلى الدرجات واسعده بقربك بقدر محبته لنبيك

اللهم امين
فعلاً اخى عمر ابونا البرعى له درر غاليه ونفيسه
وله اسلوب رايع فى توصيل المعلومات للناس البسطاء والمتعلمين
والنصح والارشاد
ومن المدائح التى تتميز بلشرح السلس للكل المعملات بين البشر بطرقه بسيطه وساهله
وتسمى الابيات الاخيره من كل مدحه بالصلا

بوريك طبك
كلمات / الشيخ البرعي عليه الرحمة
*******
بوريك طبك أحسن فيمن عاداك
ومن يحبك أذكر إلهك يوت

لا تنس ربك أكثر لذكر الموت تلقابو طِبَك
بل أنِـس إحسانك فيمن يحبك
وتناسى يوت لإساءة من يسبك


صلوات تطُلك يا الهادي في أم شباك تسليم يَصَلَك
البرعي ابن الشيخ يا الخير يقُلك
أضمَنِي والأحباب ونكون في ظِلك
صورة العضو الرمزية
omar babikir
مشاركات: 3592
اشترك في: السبت 2009.12.12 11:39 am
مكان: السعوديه

رد: التوقيعات في خواتيم المدائح النبوية

مشاركة بواسطة omar babikir »

mon كتب:

اللهم امين
فعلاً اخى عمر ابونا البرعى له درر غاليه ونفيسه
وله اسلوب رايع فى توصيل المعلومات للناس البسطاء والمتعلمين
والنصح والارشاد
ومن المدائح التى تتميز بلشرح السلس للكل المعملات بين البشر بطرقه بسيطه وساهله
وتسمى الابيات الاخيره من كل مدحه بالصلا

بوريك طبك
كلمات / الشيخ البرعي عليه الرحمة
*******
بوريك طبك أحسن فيمن عاداك
ومن يحبك أذكر إلهك يوت

لا تنس ربك أكثر لذكر الموت تلقابو طِبَك
بل أنِـس إحسانك فيمن يحبك
وتناسى يوت لإساءة من يسبك

صلوات تطُلك يا الهادي في أم شباك تسليم يَصَلَك
البرعي ابن الشيخ يا الخير يقُلك
أضمَنِي والأحباب ونكون في ظِلك


مرحبا بيك مون
اظن ان مدحة بوريك طبك تصلح ان تكون دستور لحياة الفرد
فقد جمع فيها الشيخ البرعى كل النصح والتوجيه والوعظ
لغة بسيطة وقدرة لا يجيدها سواه..
لم يترك شيئا من امور الدنيا والاخرة الا وذكره ..
فهو يحث على ذكر الموت ...وعلى الاحسان ...
وبر الوالدين... واحترام الكبير..وكتمان اسر ..والصبر ..الخ ..
لغة رائعة واسلوب سلس...
الــــــــــزم محـــــــــــــــــلك وتحلى بالآداب حرمك وحـِلك
واصبر لأمر الله حين يمتحن لك من رِبقة الأسواء والشر يحِلك
جــــــــــــــــــود إن دعــَنـــَك بمــــــالك الأيـــــــام أو وَدَعَنَك
إن رُمتَ من خَلاقَك يرضى عنك لأحِبَتك وأعـــدَاك كن بيضا سنك


سيكون لنا محطات عديدة مع الشيخ البرعى رحمه الله
صورة العضو الرمزية
أم عسجد
مشاركات: 3395
اشترك في: الثلاثاء 2010.2.23 8:45 am
مكان: ام درمان

رد: التوقيعات في خواتيم المدائح النبوية

مشاركة بواسطة أم عسجد »

مصر المؤمنه
الشيخ البرعى
صلواتـاً تسـرحَ للخيـر قـطـب الـرَّحَـي
تـوصـل ضريـحـه عـنــه لا تـبـرحَـا
تَذكُـرنـا عـنـده وأحـوالـنـا تـشـرحَـا
بالـفـوز تأتيـنـا وصـدورنـا تـشـرحَـا
وتقـول يـا بُـرعـي لهمـومـك أطـرحَـا
أكملـت علاجـك غيـر حقنـه ومشـرحـه
ومواصـلاتـك فــي السـكـة مصـرحـه
بالعافـيـه أفــرحَ ولـبــلادك أمـرحَــا
يا صاحِ هِمَّنا لزيارة اُمنا مصر المؤمّنا بأهل الله
صورة العضو الرمزية
omar babikir
مشاركات: 3592
اشترك في: السبت 2009.12.12 11:39 am
مكان: السعوديه

رد: التوقيعات في خواتيم المدائح النبوية

مشاركة بواسطة omar babikir »

الان الى رائعة من رواع المديح النبوي ...صلو يا امم لنبي الكرم
للشيخ قدورة عليه رحمة الله...وهى تسحتق وقفة مطولة ...

يبدأ الشيخ قدورة بذكر الله سبحانه وتعالى
بادي جيب نظم اسمه الاعظم
موجود وقديم مو وجود عدم
رحمن رحمن لينا بيرحم
ان اعطاك كريما" مابيندم
قلبي يابليد اعرف وافهم


ثم توصيف وتوحيد للذات الالهية بعمق وبلاغة
زاتو في الزوات ميها زات سهم
ميها زات عقول ميها زات فهم
ميها زات عظام ميها زات لحم
ميها زات عروق ما ملاننه دم
ميها زات نقص ميها زات تهم
يالساني قول الله اعلم


ثم مدح للنبي عليه الصلاة والتسليم
بثني بالرسول شافع الامم
سيد الفصاح سيد العجم
ربو اكرمو اية الكرم
البيتبعو بيبقي في نعم
والبخالفو ببقي في ندم


نواصل مع رائعة الشيخ قدورة ,,,,,
صورة العضو الرمزية
omar babikir
مشاركات: 3592
اشترك في: السبت 2009.12.12 11:39 am
مكان: السعوديه

رد: التوقيعات في خواتيم المدائح النبوية

مشاركة بواسطة omar babikir »

يواصل الشيخ قدروة في تحفته الرائعة ...
ليبين لنا كيف ان طريق الهدى اكمل عقله وصحح مقصده.
من عرفتك ات عقلي بيك تم
انت مقصدي وعشمي في الملم
انت ساس بناي الما انهدم
بمشي فوق خطوتك في كل قدم
لمني مع حيدر الاصم

ثم يصل الى التوقيع باسمه مخاطبا نفسه على التقصير في الصلاة على النبي :
ياقدوره قول فوقو اتكلم
امدح الرسول لاتتبكم
اكرف النسيم فوقو تنسم
سمع المداح التترزم
وادها التيراب التتقسم

ثم ختام القصيدة الرائع بالصلاة على سيد المرسلين وافضل خلق الله...
الصلاة وسلام لنبي الكرم
الصلاة وسلام لبجاه عم
صلاة وسلام لبقدما" جم
ماانزل كتاب ماسطر قلم
خاصه لاب علامه وتفرج الهم

رحم الله الشيخ قدورة رحمة واسعة...
وصلى الله وسلم وبارك على نبينا وحبيبنا محمد ..
صورة العضو الرمزية
omar babikir
مشاركات: 3592
اشترك في: السبت 2009.12.12 11:39 am
مكان: السعوديه

رد: التوقيعات في خواتيم المدائح النبوية

مشاركة بواسطة omar babikir »

الوقفة الآن مع فارس من فرسان المديح ...
واستاذ اساتذة المديح الشيخ حاج الماحى عليه رحمة الله..
في قصيدة شوقك شوى الضمير.. مع الافتتاحية بالبسملة والحمد والدعاء ..
شوقك شوى الضمير أطراك مناي أطير
أنا حابك من صغيـــر بريدك يالبشيــــر
بسم الله يــا قديـــر يا عــالي يا كبيـــر
يا جابر الكسير دبرنا يا بصيــــــر
بي أحسن التدبير من فضلك الكثير
جود يا كريم بي الخيــــر
أنصرنا يا نصير ويسر لنا العسير


ثم وقع في ختامها , ووضع ختم وتوقيع حاج الماحي المميز
بين الصلاة والتضرع والخوف والدعاء..

صليت ألوف تكرير سلاما غير تعبير
بي عد التفاسير عدد الدواب و الطير
الصقور و الزرازير الجراد و العصافير
ونبات و العتامير القوي والقرير
الحنطة و الشعير من عبدك المحيسير
الماحي المغيرير خايف من الكرير
يوم يقطع الفرفير داير الرسول يحضر
عن ضمة القبير يحبس سؤال نكير
في بيتو مستتر لا يومت النشير
في تاجك ننحشر
صورة العضو الرمزية
omar babikir
مشاركات: 3592
اشترك في: السبت 2009.12.12 11:39 am
مكان: السعوديه

رد: التوقيعات في خواتيم المدائح النبوية

مشاركة بواسطة omar babikir »

نقف الآن مع واحدة من ارق القصائد وهى مميزة لانها بطريقة مربعات
الدوبيت للشاعر محمد علي الفراش الشهير بود الفراش...
وقد شدا بها المبدع عبد الله الحبر بصوته العذب ...قصيدة ارض الحجاز

ارضاً فيــــــــــــها يس بن عبدالله .. جايل عقلــــــي فيها وديـــما بيـــها بلاهي
حبــــها لي آمـــر في فــؤادي وناهي.. اهو الخــلاني ينطق بالجــواهر ــــاهي

يا بلد الرسول فوقـــك بجــر القافية.. يا وطن الرجـال اهل الســريرة الصـافية
لي قلبي السقيـم فد نظرة منك شافية..... شوقي عليك زي شوق المريض للعافية


القصيدة طويلة ورائعة ولى معها وقفات ...
صورة العضو الرمزية
omar babikir
مشاركات: 3592
اشترك في: السبت 2009.12.12 11:39 am
مكان: السعوديه

رد: التوقيعات في خواتيم المدائح النبوية

مشاركة بواسطة omar babikir »

نواصل مع رائعة ود الفراش ....
حيث ينتقل بنا الى عشق الاماكن التى عاش فيها النبي عليه الصلاة والسلام
في كلمات تقطر عذوبة وهيام لا مثيل له...

قســــماً بي منــــاها وكعبتا واركانــــا.. والقبـــة البــتتمني الـثـــــــريا مكانــــــــا
غاية قصدي ازورها وابقي من سكانــــا.. لكن المقــــــادير بالقيــــــود مالــــــكانا

مغــــرم بيـــها من ايــام قــراية لوحـــي.. ما لقيت لي دوايــاً بيهو اشفــي جروحـي
غير يا نفسي ترحلي للحجاز وتروحي .. واكرف من صبــا طيبه البينعش روحــي


يا للعشق الذى ما بعده عشق....
صورة العضو الرمزية
omar babikir
مشاركات: 3592
اشترك في: السبت 2009.12.12 11:39 am
مكان: السعوديه

رد: التوقيعات في خواتيم المدائح النبوية

مشاركة بواسطة omar babikir »

يواصل الشاعر ود الفراش في كلماته الرقيقة وحبه للرسول وهذه
المرة مدحا لخصال النبي من فروسية وشجاعة وكرم ..

صاحب المعجزات يا حليل زمانو وجيـــلو .. ان مشي في الارض وحش القفار يأويـــــلو
يبـــــراهو الغمــــام مشتــــاق الي تظليـــلو .. من فــــرقو بينــــوح جــذع الشجـــر يبكيــلو

ابو مـــدحــــاً حكـــاهو البــارئ في تنــــزيلو .. عزمـــو يزعزع الجبـــل العظيـــم ويزيــلو
فارســــــاً ما بتطيــــق أعدائــــهو هجـــمة خيـــلو .. كـــفو بيخجـــل الغيـــث البيـهدر سيلو


ثم يختم القصيدة بتوقيعه في كلمات تذيب الصخر ...

ابـــكي واقولو جيت يا سيـــــد مضر وكنانة .. خايف من لهيــــب نــــاراً يوج دخــــــانا
دايــــرك ســــاعة الاعمــــال يقيــــف ميــــزانا .. تلـــزم لي صحايـفا بالذنــــوب مليانة

عشمـــــان فيــــك جيتــــك يا حبيــــب مــولاكا .. لائـــذ مستجيـــر بالزهــــرة بترجاكا
وقـــول لي يــــا جني الفـــراش بنتـــولاكا ... انت معـــانا في الداريــــن ونحــن معــاكا


الحقاني
مشاركات: 111
اشترك في: الاثنين 2010.5.24 1:47 pm
مكان: ارض الله

رد: التوقيعات في خواتيم المدائح النبوية

مشاركة بواسطة الحقاني »

بارك الله فيك على الموضوع القيم والمجهود المقدر
مع احترامي وتقديري
صورة العضو الرمزية
omar babikir
مشاركات: 3592
اشترك في: السبت 2009.12.12 11:39 am
مكان: السعوديه

رد: التوقيعات في خواتيم المدائح النبوية

مشاركة بواسطة omar babikir »

الحقاني كتب:بارك الله فيك على الموضوع القيم والمجهود المقدر
مع احترامي وتقديري


اخى الحقاني لك الشكر على مرورك الكريم
و جزاك الله كل خير
تحياتي
صورة العضو الرمزية
omar babikir
مشاركات: 3592
اشترك في: السبت 2009.12.12 11:39 am
مكان: السعوديه

رد: التوقيعات في خواتيم المدائح النبوية

مشاركة بواسطة omar babikir »

نعود مرة اخرى للشيخ البرعي وهذه المرة مع قصيدة
يا ليالي الساده عودي التى يفتتحها بالدعاء والثناء..
يا خــــالق الوجــود ندعوك في السجود
ألحـــقنا بالجدود ونبيت علي الحـــــدود
أثنــــي علـــي المنــــور الوجــهه مدور
البــــدر منه نــــور والــــكون به تنـــور


ثم يختتمها بالصلاة على النبي محمد صلى الله عليه وسلم
وبالدعاء للنفس ...
صـــل يا غريب وداني علي ريس الجنان
البـــرعي فيك فانـــــــي وســـكونه كردفان
يا ليالي السادة عودي بنبينا طه جـــــــودي
صورة العضو الرمزية
omar babikir
مشاركات: 3592
اشترك في: السبت 2009.12.12 11:39 am
مكان: السعوديه

رد: التوقيعات في خواتيم المدائح النبوية

مشاركة بواسطة omar babikir »

من روائع حاج الماحى عليه الرحمة قصيدته الشهيرة
صلاة وسلام يا محمدا....وهى قصيدة طويلة و بديعة ...

صلا وسلام لى محمدا *** خاتم الرسل سيدي أحمدا
يا لساني قول الله واحدا *** حاشا لم يلد لالُو والدا
واجب الوجود باقي مفردا *** أنفى للشريك عَنْه وأبعدا
مالك الملوك سامع الندى *** رازق العباد فَضلو واجدا
باسط النِعَم ليهو نحمدا *** نسألو القبول والمشاهده
يشرح القلوب يجعل الهدى *** في رضاك يا ربي نعبدا


يوقع حاج الماحي في ختامها بالشوق للنبي ثم الصلاة والتسليم ...

الماحي ليك يقول يا محمدا*** عندي نية فيك وربي شاهدا
بالجهر والسر ليك رايدا*** ناوي لي زيارتك مقيدا
ناوي قبل أموت ليك اعاودا ***اصبا ذاك مقامك واشاهدا
وابلغ المراد والمقاصدا** بشكي للاخوان داير الفدا
جنة النعيم لينا مخلدا***ونكسب الحسان عين ونهدا
سالبلة الشعور سمحة اليدا *** نايرة الجسوم المزبدا

الصلاة وسلام ديمة زائدة ***الصلاة وسلام ديمة سرمدا
الصلاة وسلام مومعدده ***الصلاه وسلام لي محمدا
طه ثم يسين واحمدا ***الوسيلة محمود وحامدا
بي عدد نباتا يفرهدا *** حين طوي النخيل عشبه وددا
مارزم سحاب كر والعدي*** عدد فضائل الموالدا
وعلموا ربي من نوروما بدا*** ترضي للرسول تكفي للعدا
صورة العضو الرمزية
omar babikir
مشاركات: 3592
اشترك في: السبت 2009.12.12 11:39 am
مكان: السعوديه

رد: التوقيعات في خواتيم المدائح النبوية

مشاركة بواسطة omar babikir »

من روائع الشيخ ود اب شريعة ومن المدائح المحببة الى قلبي
لما فيها من بلاغة ومعاني كلها في مدح صفات النبي محمد عليه
الصلاة والسلام


نعمه وطوبي

نعمه وطوبي لمن سار نحو الشام واليمن زار النبي
يا منعماً عيناي من الذنب انعماً امنن علي يا راحماً
بالخير وأعطي مراحماً
امدح من بي وضع طاب نحس الزمن
طه النذير المؤتمن في المرسلين مكرماً

نبياً علي كرسي النبوءة اولآ
بي ايدو تيجان الوني تعقد وقدره اطولا
كعب الحجي من امو مقطوع صرة جاء
من دم نظيف باب الرجاء بي نوره الكون سر جاء
حاز الكمال والبهجة والبهاء والجمال
شرع القويم مع جمال يُمْنَ الفَضُلْ والغير شمال

من لجته النبي موسي دعواك نجته
لقنت ادم حجته وانوارك اي يوم سجدته

من اروع المقاطع في القصيدة
يا القاسماً مولاك قسمك أقسما
ما من سماء الا سماءَ قدرك عليه تجسما
الزاد نمي بدعائك يا ابا القاسما
في الرسل انت مقدما اول وايضاً خاتما



ونواصل مع رائعة ود اب شريعة لنستمتع بالتوقيع الختامي ,,,
أضف رد جديد

العودة إلى ”منتدى الصوتيات و المرئيات الإسلامية“