الجديد فى المنتدى

لمشاهدة بقية الاعلان ادخل على الرابط الاتى

http://www.anasudani.net/fourm/showthread.php?t=80805

النتائج 1 إلى 7 من 7

الموضوع: ** مستحيل!! أعشق .. سواك ؟!!

  1. #1
    تاريخ التسجيل
    15:09, 3rd Apr 2010
    الدولة
    مكان
    المشاركات
    5,439

    0040 ** مستحيل!! أعشق .. سواك ؟!!

    [align=right]


    انتا ياسودانا ما طيب .. وبتحنّ حتى لزولا جفاك

    إنتا زى نخل كريم دفاق وسامق منو بيلحق علاك

    انتا شدرة حنة ولدنيانا جنة ونورعيونا من ضياك

    افديك بدمى وبروحى وأرتضى لانقاذك هـــلاك

    انت وحدك فى عيونى أحلى وأروع من مـــلاك

    ياوطن عزيز وغالى انتا ارضى .. وبريد سما ك

    مستحيل مهما خيرونى أعشق لى وطـــن سواك



    ***** ***** ***** ***** *****

    يلا يابا ويلايمة و يا بنية ويا وليدبلدى هموّ وهاك

    ياخيلانى وأعمامى تعالوا وياناس الحلة نتلم هناك

    هاكم نصيحة حبوبتى النجيضة القالت لحفيدها داك

    ياعشاى وياكبيدتى وياحشاى: ما تسوى شيتا براك

    اسمع من كبيرك وصحصح ضميرك واتقى مولاك

    إيد فى إيد تجدع بعيد وتبنوهو بيت وتبقو من الملاك

    خليك كريم مع والدك وأرضيها أمكّ بتلقاهو رضاك

    وقرّ كبيرك حنّ على الصغير .. و حبّ حتى من عاداك


    ***** ***** ***** ***** *****


    ** بتبقى سودانى .. وسودانية جد ،،

    أصالة فعل وقول ،، ويعلو نجم سماك




    ** قول معاى_ يا اخوى ويا أخيتى : كلنا يا سودان فداك

    وانتا ياسودانا ما طيب .. وبتحنّ حتى لزولا جفاك

    إنتا زى نخل كريم دفاق وسامق منو بيلحق علاك

    انتا شدرة حنة ولدنيانا جنة ونورعيونا من ضياك

    افديك بدمى وبروحى وأرتضى لانقاذك هـــلاك

    انت وحدك فى عيونى أحلى وأروع من مـــلاك

    ياوطن عزيز وغالى انتا ارضى .. وبريد سما ك

    مستحيل مهما خيرونى أعشق لى وطـــن سواك



    ***** ***** ***** ***** *****[/align]
    "اللَّهُمَّ انْفَعْنَا بِالْعِلْمِ وَزَيِّنَّا بِالْحِلْمِ وَجَمِّلْنَا بِالْعَافِيَةِ"

  2. #2
    تاريخ التسجيل
    10:57, 17th Jun 2009
    الدولة
    السودان
    المشاركات
    27,686

    افتراضي رد: ** مستحيل!! أعشق .. سواك ؟!!

    [align=center]سوداننا الحبيب

    ذلك الحب الذي لا يتوقف
    وذلك العطاء الذي لا ينضب
    ايها السودان المترامي الاطراف
    ايها الوطن المستطون في القلوب
    انت فقط من يبقى حبه
    وانت فقط من نحب
    وطني : السودان
    وطن الجدود والاباء
    وطن الحب والوئام
    انشاءالله تسلم
    ايها الوطن الحاضن
    للماضي والحاضر
    ايها الوطن
    يا من احببته منذ الصغر
    وانت من تغني بغناء العشاق
    واطربهم ليلك في السهر
    انت ك انشوده الحياه
    وانت ك بسمه العمر[/align]
    التعديل الأخير تم بواسطة امال الناس ; 12-02-2012 الساعة 14:29

  3. #3
    تاريخ التسجيل
    04:30, 9th Mar 2010
    الدولة
    الضواحي
    المشاركات
    16,469

    افتراضي رد: ** مستحيل!! أعشق .. سواك ؟!!

    [align=center]غيرك ما بهوى
    ومن غيرك ما بعيش[/align]

  4. #4
    تاريخ التسجيل
    16:17, 12th Nov 2011
    الدولة
    libya
    المشاركات
    128

    افتراضي رد: ** مستحيل!! أعشق .. سواك ؟!!

    وطنا
    محجوب شريف

    وطنا البإسمك كتبنا ورطنا .. أحبك
    أحبك مكانك صميم الفؤاد وباسمك اغنى
    تغنى السواقى خيوط الطواقى
    سلام التلاقى ودموع الفراق
    واحبك ملاذ وناسك عزاز
    أحبك حقيقه وأحبك مجاز
    وأحبك بتضحك وأحبك عبوس
    بعزة جبالك ترك الشموس
    وما بين ظلالك افتش وأكوس
    أفتش طفولتى وملامح صباى
    بناتك عيونن صفاهن سماى
    وهيبة رجالك بتسند قفاى
    أحبك بتضحك واحبك عبوس
    صحى بتملا عينى وتشّرف غناى
    بحضرة جلالك يطيب الجلوس
    مهذب أمامك يكون الكلام
    لأنك محنك عميق الدروس
    مجيد المهابة مديد القوام
    شبابك تشابك شديد الزحام
    أراهم وراهم غبار الحياه
    مداين تعاين كأمّ العروس
    تهلل تكلل جبين الإمام
    رزازاً يبلل أغانى الخليل
    أصدق كلامك حقيقه وبخاف
    أخاف الطريق اللى ما بودى ليك
    وأعاف الصديق اللى ما بهم بيك
    معاك انتظارى ولو بالكفاف
    وعنك بعيداً أبيت الرحيل
    وبيك اعتزاز الصباح الجميل
    جميع الأغانى اتكالن عليك
    جميع الأغانى اتكالن عليك



    كل التحايا الطيبة لك الماسة الخماسية
    (ربى ادخلنى مدخل صدق واخرجنى مخرج صدق واجعل لى من لدنك سلطانا نصيرا)

  5. #5
    تاريخ التسجيل
    15:09, 3rd Apr 2010
    الدولة
    مكان
    المشاركات
    5,439

    Sudan رد: ** مستحيل!! أعشق .. سواك ؟!!

    [align=right]** أعزائى : أحبة الوطن الغالى ..

    ** أمال الناس ،، بعد الزمن ،، ميسون ..

    ** بحضوركم إذدان المكان ،، وأشرق الزمان ،،[/align]



    "اللَّهُمَّ انْفَعْنَا بِالْعِلْمِ وَزَيِّنَّا بِالْحِلْمِ وَجَمِّلْنَا بِالْعَافِيَةِ"

  6. #6
    تاريخ التسجيل
    19:09, 27th Sep 2010
    الدولة
    مصر - السويس
    العمر
    60
    المشاركات
    4,154

    افتراضي رد: ** مستحيل!! أعشق .. سواك ؟!!

    أولآ شكرا على قلمكِ
    وثانيآ على حبكِ لوطنكِ
    وثالثآ تسلمي وتسلم إيديكي

  7. #7
    تاريخ التسجيل
    15:09, 3rd Apr 2010
    الدولة
    مكان
    المشاركات
    5,439

    افتراضي رد: ** مستحيل!! أعشق .. سواك ؟!!

    [align=right]** عمو/ صلاح :

    ** أولا" : منور ،، الدار ،،

    ** ثانيا" : أحبك اللّه .. وحببك لخلقه ،،

    ** ثالثا : بارك الله فيك ،، وجزاك عنىّ خير الجزاء ،،[/align]
    "اللَّهُمَّ انْفَعْنَا بِالْعِلْمِ وَزَيِّنَّا بِالْحِلْمِ وَجَمِّلْنَا بِالْعَافِيَةِ"

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •