اعضاء فى مطبخ أنا سوداني والشيف ناجي عثمان عبد الرازق

الديكور...الزينة..وكل ما يتعلق بالبيت السودانى .

المشرف: بانه

صورة العضو الرمزية
صلاح محجوب عبداللطيف
مشاركات: 4154
اشترك في: الاثنين 2010.9.27 6:09 pm
مكان: مصر - السويس

اعضاء فى مطبخ أنا سوداني والشيف ناجي عثمان عبد الرازق

مشاركة بواسطة صلاح محجوب عبداللطيف »





صورة





مطبخ أنا سوداني



•.•




أهـــــلاً ومرحبـــاً بـــكـــم
في مطبخنا المتواضع



والذي سَنُخْرِجْ منه الإبداع
ونفجر فيه الطاقات المدفونة
ونملئ منه البطـــــون والعيـــــون
ونتعرف عليكم عن قربٍ أكثر
ونورطكم أكثر وأكثر ونخرج عن الروتين




صورة




ما سأطرحه عليكم
[..لعبة..]
جميلة جديدة
مطبخية بحتة



لذلك أريد منكم



الحمـــاس والهمة العالية



للوصـــــول للكنز




صورة



معلش






أقصد





للـــ مطبخ







اللعبة عامة




والدعـــوة عامـــة




والكل يا معزوم يا عازم




والكل ممكن يشترك فيهــــا











المـــــراهقين



الشــبــــــــــاب



الصبــــايا


العواجيز



المشـــرفيــــــن



المديرين



صورة




تفاصيل اللعبة كالتالي:






1) أن نختار عضو معين ونطلب منه الدخول للمطبخ وعمل أي طبخة تخطر بباله حتى لو كوب عصير –




2) نمهله فرصة مدة ثلاث أيام فقط لإنهاء الطبخة.




3) يكتب لنا المقادير والخطوات لنجربها نحن كذلك لكن على ضمانته




4) يجب أن يمتعنا بصور الطبخة



5) انة يكتب الطبخة من دماغة مش منقولة من منتدى تانى



6) أن يختارالعضو الذي بعدة ليتحفنا بطبختة.




وهكذا



صورة



الهدف من اللعبة تعزيز الثقة في قدراتنا المطبخية





أكتشاف طباخين وطباخات جدد للمستقبل





وياريت كلكم تدخلوا كل شوية تشوفوا لو اسمكم مكتوب
لان ساعات فى اعضاء بيكونوا قافلين الخاص ومش بنعرف ننبهم







بما أني صاحب الموضوع فقد وقع أختياري على




الأستاذ ناجي عثمان عبد الرازق






ياريت تكتبيلى اي مقادير وطريقة اي طبخة بتعرف تعملها
والمطبخ مطبخك



ومتنسيش تختاري العضو اللى بعدكِ





اتمنى أن القى التفاعل منكم
بارك الله فيكم





مع تمنياتى لكم بقضاء أمتع الأوقات في مطبخنا



تحت اشراف




صلاح محجوب
صورة العضو الرمزية
بت السرف
مشاركات: 10839
اشترك في: الأحد 2011.3.20 8:47 pm
مكان: نبض الشوق الساكن جوة

رد: اعضاء فى مطبخ أنا سوداني والشيف ناجي عثمان عبد الرازق

مشاركة بواسطة بت السرف »


فكرة جميلة ياعمنا صلاح
وانا من اول الحضور..
وفى انتظار الراقى ناجى..
عشان نشوف ابداعاتو فى المطبخ..
صورة العضو الرمزية
ناجي عثمان عبد الرازق
مشاركات: 31498
اشترك في: الخميس 2010.3.4 7:12 pm
مكان: السعودية

رد: اعضاء فى مطبخ أنا سوداني والشيف ناجي عثمان عبد الرازق

مشاركة بواسطة ناجي عثمان عبد الرازق »

المبدع صلاح محجوب :
يا لها من دعوة كريمة من اخ كريم ....ويا لها من ورطة !! دخلت مترددا ، فالمطبخ الذي تدعوني له لا أفقه فيه شيئاً (خااااااااااااااالص) ، ...هل الملم خطواتي ..و.اهم بالخروج !! كنت أتمنى أن اشاركك في هذا المهرجان لكن يخذلني جهلى وعدم معرفتي ، أقول ليك حاجة طريفة وأكثر تعبيرا ، مرّه ناس البيت كلهم طلعو وكان معاي قريبي ، قال لي شوف لينا حاجة عشان نأكلها ، ما عرفت اي شي ومالقيت أي حاجة جاهزة ، قالي اعمل بيض مسلوق والله ماعرفت !! إتصلت بقريبتي حتى قدرت سلقت البيض !!.........وبعد ما ختيتها ليهو في الصحن كنت خايف يلقاها لسه نيه...هههههههههههه نحنا ناس الجاهزه ، عندي عمي قال لي مرة ؛ اصلا انا ما تعبت في الدنيا دي من امي لي مرتي !!، وانا على دربه سائر باذن الله
دعواتي لكم بوجبات دسمة وأنا برشح لهذه المهمة

الأخت الغالية بنت السرف

تحياتي
صورة العضو الرمزية
هجره
مشاركات: 5190
اشترك في: الاثنين 2010.10.18 12:16 pm
مكان: بلدى الغااالى

رد: اعضاء فى مطبخ أنا سوداني والشيف ناجي عثمان عبد الرازق

مشاركة بواسطة هجره »

الرائع صلاح محجوب

الفكرة جمييل جداً وانا بختار من استاذنا ناجى يعمل لينا كوب برتقال افتكر انها بسيطة وما صعبة يااستاذ ناجى ههه
صورة العضو الرمزية
ناجي عثمان عبد الرازق
مشاركات: 31498
اشترك في: الخميس 2010.3.4 7:12 pm
مكان: السعودية

رد: اعضاء فى مطبخ أنا سوداني والشيف ناجي عثمان عبد الرازق

مشاركة بواسطة ناجي عثمان عبد الرازق »

زمان ياهاجر كان عندي شغل في الابيض ، كنت بعمل في لوحات لصيدليات ، القروش العندي كلها كملت وماعرفت أتصرف ، أي واحد شغال معاهو إديني شيك والصرف في الخرطوم !! ماعرفت أعمل شنو المهم لما إتزنقت شديد مشيت السوق إشتغلت مع بتاع عصير (برتقال !!) قلت ليهو أنا بشتغل ليك كاشير لمدة إسبوع عشان أقدر أرجع اهلي ،، لكن وطوال الفترة دي ماحصل عاينت للناس البيعملو العصير ديل لما إنتهيت
صورة العضو الرمزية
آيات التفاؤل
مشاركات: 3022
اشترك في: الأربعاء 2010.12.29 5:57 pm
مكان: ..

رد: اعضاء فى مطبخ أنا سوداني والشيف ناجي عثمان عبد الرازق

مشاركة بواسطة آيات التفاؤل »

صرااااااحه فكره حلوه شديد


برمه

اخ ناجي اعملينا البيض المسلوق بما انك جربت تعملو

صورة العضو الرمزية
صلاح محجوب عبداللطيف
مشاركات: 4154
اشترك في: الاثنين 2010.9.27 6:09 pm
مكان: مصر - السويس

رد: اعضاء فى مطبخ أنا سوداني والشيف ناجي عثمان عبد الرازق

مشاركة بواسطة صلاح محجوب عبداللطيف »

مالكم يا جماعه مفيش حد عايز يعمل طبخه
انتم بتاكلوا من السوق ولا إيه

هعمل لكم

صينية الخضار في الفرن



صورة





للنباتيين


المقادير:


¼ كيلو كوسا.


¼ كيلو جزر.


3 حبات بطاطس.


¼ كيلو بازلاء.


¼ كيلو فاصوليا خضراء مسلوقة.


يمكن إضافة أنواع خضروات أخرى حسب الرغبة.


2 راس بصل مفروم.


1 فص ثوم مفروم.


¼ ملعقة زنجبيل أخضر مفروم.


2 حبة طماطم مفرومة.


1 ملعقة سمن كبيرة.


1 ملعقة صغيرة ملح.


1 ملعقة كاري.


1.5 ملعقة فلفل أبيض.


1.5 كوب ماء.


طريقة التحضير:


تقشر البطاطس وتقطع مكعبات ثم تغسل وتنقع مع إضافة الملح


وتترك لفترة ثم تقلى في الزيت حتى تكتسب اللون الذهبي.


أما بالنسبة للكوسا فتزال قشرتها الخضراء ويزال رأسها وتغسل


جيداً وتقطع على شكل دوائر وكذلك يحضر الجزر بنفس الطريقة.


تغسل الفاصوليا وتقطع قطع صغيرة.


يجهز الفرن ويترك مشتعلا لمدة ¼ ساعة حتى ترتفع درجة حرارته


(ينبغي أن تكون النار هادئة داخل الفرن).


في هذه الأثناء توضع الكوسا والجزر والبازلاء والفاصوليا في


صينية ويوضع فوقها 2 ملعقة سمن كبيرة والتوابل ويضاف كمية الماء.


توضع الصينية في الفرن الهادئ لمدة ثلث ساعة.


تضاف البطاطس بعد ذلك للصينية وتخلط جميع المكونات و


تبقى خمس دقائق أخرى في الفرن.


تغلق نار الفرن ويبقى باب الفرن مغلقا لمدة خمس دقائق بعد


إطفاء النار حتى تتماسك المكونات.


مين إلــ هيخش يعمل طبخه حلوه زيه
صورة العضو الرمزية
هجره
مشاركات: 5190
اشترك في: الاثنين 2010.10.18 12:16 pm
مكان: بلدى الغااالى

رد: اعضاء فى مطبخ أنا سوداني والشيف ناجي عثمان عبد الرازق

مشاركة بواسطة هجره »

ناجي عثمان عبد الرازق كتب:
زمان ياهاجر كان عندي شغل في الابيض ، كنت بعمل في لوحات لصيدليات ، القروش العندي كلها كملت وماعرفت أتصرف ، أي واحد شغال معاهو إديني شيك والصرف في الخرطوم !! ماعرفت أعمل شنو المهم لما إتزنقت شديد مشيت السوق إشتغلت مع بتاع عصير (برتقال !!) قلت ليهو أنا بشتغل ليك كاشير لمدة إسبوع عشان أقدر أرجع اهلي ،، لكن وطوال الفترة دي ماحصل عاينت للناس البيعملو العصير ديل لما إنتهيت



يعنى ناجى رائع فى الكتابة وبس المطبخ شى جميل اكيد

وعلى العموم العصير هين كل ما فى الموضوع تقشر البرتقال وتقطعو الى قطع صغيرة وترميه فى الخلاط مع القليل من الماء و تخلط تصفى العصير وتضع ليه السكر على حسب ذوقك وبالهناء والشفاء .
صورة العضو الرمزية
القلب الملك
مشاركات: 9797
اشترك في: الجمعة 2009.7.31 1:40 am
مكان: بعد سن الأربعين ،،،

رد: اعضاء فى مطبخ أنا سوداني والشيف ناجي عثمان عبد الرازق

مشاركة بواسطة القلب الملك »



براااااااي بعزم نفسي


ما بنتظر لامن تنادوني


اصلي مما اشوف لي اتنين داخلين بيت توش بدخل وراهم


كان معزوم معزوم ،،، وكان ما معزوم كيتا فيهم معزوم

***


بقدم ليكم طبخة رائعة رائعة رائعة

للعذاب العايشين في عذاب

وللمتزوجين العذاب الحياتم جحيم في عذاب

***

الأكلة كتير مميزة وفيكم تعملوها كل يوم


***

الخطوة الأولى

تغشى البقالة وتخلي البقال يسجل علي الحساب

***

وتشيل منها ،،،













صورة



إندوميييييي :022:

***


لازم يكون عندك كباية كبييييرة تسخن فيها الموية بالبولار

صورة



بعد الموية تسخن وتجلبغ من الكباية

تكسر الاندومي جوة كيسا عشان ما تعزبك بالملعقة

وأي حاجة تلقاها جوة الكيس صالحة للاستعمال

حتى لو كان الكيس مقدود ودخلو ......

***

بعدا تجيب كورة كبييييييرة تكب فيها الموية المسخنة

وتكب فيها الاندومي المكسرة وتسرتا لي عينا موية

***

وتقعد تصوت وتصوت وتصوت

أكان في الوكت دا تسابيح في التلفزيون اضحك معاها شوية

وما تنسى تصوت وتصوت

***

بعدا تكب الحاجات اللقيتا جوة الكيس

***

ويللاااا هممممم ،،، هممم

واشرب من الموية الكتيرة الكبيتا ،،، مرقة يعني

***

وكل ما يغلبك تشيل بالمعلقة معناها تشرب شوربة

وهكذا لحدي ما تبقى الاندومي رهاب رهاب

**

بعدا خت الكورة في مكان آمن طبعا فيها باقي المرقة


***

لما يجي العشاء

تمشي تجيب رغيف صامولي وتغرقو في المرقة

***

كدا تكون ضمنت الغدا والعشاء بأقل خسائر ممكنة

***

كان عايز تحلي

الرغيف الصامولي دا الحقو بلبن بدرة

قطعو في الكورة زاااااااتا بعد ما نشفتا شوربتا

***

واعمل شاي في كبايتك الكبيرة ديك حسب مزاجك

كان بي لبن ولا سادة ،،،

واتكي في الوسادة ،،،

وشوف الفضاء دا بهل عليك بي شنو ،،،

***

وكدا يعني ،،، :005:
Control 5
مشاركات: 200
اشترك في: الاثنين 2009.11.30 11:13 pm
مكان: 1

رد: اعضاء فى مطبخ أنا سوداني والشيف ناجي عثمان عبد الرازق

مشاركة بواسطة Control 5 »

فكرة جميلة يا عمنا الغالى
واحنا متابعين معك
صورة العضو الرمزية
بت السرف
مشاركات: 10839
اشترك في: الأحد 2011.3.20 8:47 pm
مكان: نبض الشوق الساكن جوة

رد: اعضاء فى مطبخ أنا سوداني والشيف ناجي عثمان عبد الرازق

مشاركة بواسطة بت السرف »

ناجي عثمان عبد الرازق كتب:
المبدع صلاح محجوب :
يا لها من دعوة كريمة من اخ كريم ....ويا لها من ورطة !! دخلت مترددا ، فالمطبخ الذي تدعوني له لا أفقه فيه شيئاً (خااااااااااااااالص) ، ...هل الملم خطواتي ..و.اهم بالخروج !! كنت أتمنى أن اشاركك في هذا المهرجان لكن يخذلني جهلى وعدم معرفتي ، أقول ليك حاجة طريفة وأكثر تعبيرا ، مرّه ناس البيت كلهم طلعو وكان معاي قريبي ، قال لي شوف لينا حاجة عشان نأكلها ، ما عرفت اي شي ومالقيت أي حاجة جاهزة ، قالي اعمل بيض مسلوق والله ماعرفت !! إتصلت بقريبتي حتى قدرت سلقت البيض !!.........وبعد ما ختيتها ليهو في الصحن كنت خايف يلقاها لسه نيه...هههههههههههه نحنا ناس الجاهزه ، عندي عمي قال لي مرة ؛ اصلا انا ما تعبت في الدنيا دي من امي لي مرتي !!، وانا على دربه سائر باذن الله
دعواتي لكم بوجبات دسمة وأنا برشح لهذه المهمة

الأخت الغالية بنت السرف

تحياتي

اهلا بالغالى ناجى ..
واشكرك جدا لاختيارك وترشيحك...
واقول لك سر ....انا من عشاق المطبخ وبحب اتفنن فيه
رغم انو كتيرين مابصدقوا ذلك (بقولوا على حنكوشه)
يللا الملم اوراقى واجيكم...
انتظرونى...
صورة العضو الرمزية
ود الخير
مشاركات: 11370
اشترك في: الخميس 2009.4.30 11:51 pm
مكان: جده

رد: اعضاء فى مطبخ أنا سوداني والشيف ناجي عثمان عبد الرازق

مشاركة بواسطة ود الخير »

موضوع شيق ومفيد
والعزابه تتعلم
انا عندى ليكم اسبوع وبأذن الله تشوفوا اككلات تسر العين وتملاء البطن
دا غير الطعم اللذيذ
انتظرونى
الله يعطيك العافيه
صورة العضو الرمزية
بت السرف
مشاركات: 10839
اشترك في: الأحد 2011.3.20 8:47 pm
مكان: نبض الشوق الساكن جوة

رد: اعضاء فى مطبخ أنا سوداني والشيف ناجي عثمان عبد الرازق

مشاركة بواسطة بت السرف »

عندى ليكم اكلة بسيطة
لاحباب الفسيخ ...
فسيخ من غير فسيخ ...ولا بتوسخ ايديك بنظافه الفسيخ ...
حاجاتو بسيطة...
بصلة متوسطة الحجم ومبشورة ناعم..
دكوة..
ليمون 3حبات او حسب رغبتك..
قرن شطة خضراء...
2 معلقةكبيرة صلصة...
3معلقة كبيرة زيت طعام..
و....

صورة

2علبة تونة مفتته....


الطريقة...
تحمر البصل فى الزيت الى ان يصير لونه ذهبى..
تضيف اليه التونة وتقلب على نار هادئه
الى ان تذوب التونة مع البصلة تماما
وتضيف اليها الصلصة ..وتقلب على النار
ئم نذوب الدكوة فى عصير الــ الليمون ونضيفها للمقدار وتقلب عل نار هادئة
ونرمى فيها قرن الشطة الخضراء الى ان يستوى المقدار
وممكن اضافة ملح وفلفل اسود ناعم حسب الرغبة...
ويقدم ساخن...
وبالهناء .
صورة العضو الرمزية
ناجي عثمان عبد الرازق
مشاركات: 31498
اشترك في: الخميس 2010.3.4 7:12 pm
مكان: السعودية

رد: اعضاء فى مطبخ أنا سوداني والشيف ناجي عثمان عبد الرازق

مشاركة بواسطة ناجي عثمان عبد الرازق »

المبدعة بنت السرف :
شكرا لتقبل الدعوة وشكرا لمساهمتك الأحلى (الفسيخ) بتاع الحناكيش ، طريقة جميلة ، طبعا أنا نقلتها لي ناس البيت قلت ليهم ده فسيخ بنت السرف ، أنا طبعا لا أصلح للمهام دى خالص ولا أفقه أي شئ ، وما بقول ليك مظلوم لاني مافكرت أصلا في خوض التجربة ، تعرفي الخرطوم دي بتعلم الزول إكون سريع في الحاجات الزي دي ، السندوتشات على الماشي دي بقت أساسية ومابنعرف غيرها وبعدين قصة الطبخ دي دائما بتكون مربوطة بالغداء ونحن الوجبة دي شايلنها من القاموس نهائي عشان كدة مابتخيل نفسي في يوم في المطبخ ، شكرا ليك وشكرا لكل من شارك وأتمني وحتي يستمر البوست إنك ترشحي حد لوجبة جديدة مع تحياتي
صورة العضو الرمزية
بت السرف
مشاركات: 10839
اشترك في: الأحد 2011.3.20 8:47 pm
مكان: نبض الشوق الساكن جوة

رد: اعضاء فى مطبخ أنا سوداني والشيف ناجي عثمان عبد الرازق

مشاركة بواسطة بت السرف »

تسلم كتير ناجى ياغالى...
ولسه ناوية انزل كم سلطات على الماشى وسريعة
بس انتظر شويه عشان انزلهم بمزاااااج
صورة العضو الرمزية
صلاح محجوب عبداللطيف
مشاركات: 4154
اشترك في: الاثنين 2010.9.27 6:09 pm
مكان: مصر - السويس

رد: اعضاء فى مطبخ أنا سوداني والشيف ناجي عثمان عبد الرازق

مشاركة بواسطة صلاح محجوب عبداللطيف »


شكرآ للمتداخلين جميعآ أعزائي الأفاضل
بت السرف
ناجي عثمان عبد الرازق
هاجر يوسف حسين
الثلج الدافئ
القلب الملك
Control 5
التائب



نقلت لكم ... اكلة نوبية اصيلة
من الاكلات التراثية النوبية اللذيييييييييييييييييييييييذة الا وهى
الجكوووووت باللغه الكنزيه أو الإتِررررررر باللغه الفادكيه




المقادير:



0.5 كيلو ورق سبانخ فريش طازج (بدون العروق او العيدان ورق فقط)

صورة



2 ربطة كزبرة خضراء ورق بس بدون العيدان او العروق وطبعا كله مغسول كويس ومتصفى

صورة




بامية جافة مطحونة حبة زى اللى فى الطبق دول


صورة



شوربة دجاج او لحم او اى شوربة
ملح-فلفل اسود-قليل من الكربوناتو
تقلية (ثوم مفروم -كزبرة جافة مطحونة
-زبدة او سمنة او زيت)


الطريقة:
* نغلى الشوربة ومعاها حبة طماطم
* نضيف الكزبرة والسبانخ ونتركها تغلى شوية
* نفركها بالمفراك وهو واضح فى الصورة حتى تنعم تماما والكربوناتو بتساعد انها تنعم


صورة



*نضيف البامية الناشفة وهى بتساعد على تماسك الجكوت (مايبقاش صايص)



صورة


* نعمل التقلية (نسخن الزبدة او السمن او الزيت ونضيف الثوم المفروم والكزبرة الجافة المطحونة ونشوحها ) ثم نضيفها على الجكوت ونقلب
* نظبط الملح والفلفل الاسود
وده الشكل النهائى


صورة



صورة


واحنا بناكل الجكوت مع الفتة وهنا عاملة فتة بصلصة الثوم الحمراء


صورة



صورة


وساعات بنعمله مع بيض او بنعمله فتة مع الخبز
وبالهنا والشفاااااااااااااااااااااا
صورة العضو الرمزية
صلاح محجوب عبداللطيف
مشاركات: 4154
اشترك في: الاثنين 2010.9.27 6:09 pm
مكان: مصر - السويس

رد: اعضاء فى مطبخ أنا سوداني والشيف ناجي عثمان عبد الرازق

مشاركة بواسطة صلاح محجوب عبداللطيف »

السلام عليكم ورحمة الله وبركاته
بسم الله الرحمن الرحيم
ودي أكله سودانيه بحكم اني متزوج سودانيه

بنت أركويت والحله الجديده حلة الكنوز



ازيكم جميعا الحاضرين والغائبين


اليوم اقدم لكم الاكل السوداني

اكلات حلوة وسهلة وياريت تعجبكم


عصيدة بملاح الروب
من المطبخ السوداني
واكلة سودانيه شعبيه



صورة



المقادير



3م ك بصل مجفف مطحون ناعما 2م ك لحم العجل المجفف ومطحون ناعما
2 كاس زبادى (زنة الكاس 500 جم) 3 م ك دقيق أبيض
نص فنجان فول سودانى مطحون ناعما (تحميص خفيف)
3م ك زيت ملح فلفل ملقعة سمن بلدى (او زبدة) ويكة(بامية مجففة)
صورة
فى قدر يوضع البصل واللحم وكوب من الماء على النار
حتى يبدأ فى الغليان ويضاف الملح والفلفل ويترك لمدة 3 دقائق
صورة
يخلط الدقيق مع الزبادى جيدا ثم يضاف الى الخليط السابق
ويحرك حتي يغلظ قوامه ويبدا فى الغليان (يمكن اضافة 1/4 م ص ويكة)
تخفض النار ويترك لمدة 7 دقائق
يذاب الفول بقليل من الماء ويضاف اليه مع التحريك لمدة 2 دقيقة
تضاف السمن ويرفع من على النار
يقلب كل دقيقة حتى تهدا حرارته (حتى لا تتكون طبقة جامدة عل السطح )
العصيدة:


عجينة الكسرة السودانية المخمر المصنوع من الذرة النابتة
يكون قوام العجين سائلا نوعا ما
يوضع قدر عميق يوضع 2كوب من الماء مضاف اليه الملح
يرفع على النار حتى يبدأ فى الغليان
يضاف العجين الى الماء المغلي وهو على النار مع التحريك بخفة
حتى يغلظ قوامه(زي عمل الكاستر) ويترك على النار مع التحريك حتى ينضج
ويمكن اضافى الماء اذا كان القوام غليظ جدا
تحضر قوالب يمن مسحها بقليل من الزيت أو تبلل بالماء
تصب العصيدة فى القوالب وتترك تبرد
فى طبق عميق تقلب العصيدة ويضاف اليها ملاح الروب

صورة
فنجاطة
مشاركات: 633
اشترك في: الخميس 2012.10.11 8:12 am
مكان: الامارات

رد: اعضاء فى مطبخ أنا سوداني والشيف ناجي عثمان عبد الرازق

مشاركة بواسطة فنجاطة »

والله الملاح
بتاع السبانخ شكلو حلو واظنو
انحنا بنقول ليهو الوريق صح ولا غلط
وعاوزة اعرف الوريق اسمو برا السودان شنو
وبعدين ياستاذ صلاح انته سلمته علي ناس الحلة الجديدة
وانا برد عليك وعليكم السلام
انا من الحلة الجديدة في نفس حلة الكنوز
فنجاطة
مشاركات: 633
اشترك في: الخميس 2012.10.11 8:12 am
مكان: الامارات

رد: اعضاء فى مطبخ أنا سوداني والشيف ناجي عثمان عبد الرازق

مشاركة بواسطة فنجاطة »

ياريت لو استمريتو في البوست دا
وكل واحد او وحدة نزلو لينا شي وياريت
يكون بلدي
يعني فكرة الاستاذ صلاح جميلة شديد
صورة العضو الرمزية
إشراقه
مشاركات: 2090
اشترك في: الأربعاء 2012.10.3 1:37 pm
مكان: القاهرة

رد: اعضاء فى مطبخ أنا سوداني والشيف ناجي عثمان عبد الرازق

مشاركة بواسطة إشراقه »

فكرة روووووووووووووووعة أستاذى صلاح

لو تبحوا ااقدم هنا أكل مصرى أنا فى الخدمة :022: banana.gif :076:
أضف رد جديد

العودة إلى ”البيت السوداني“