أمثال سودانية ...

يهتم هذا القسم بكل المعلومات عن وطننا الحبيب .

المشرف: بانه

أضف رد جديد
صورة العضو الرمزية
saro0ona
مشاركات: 185
اشترك في: الاثنين 2007.7.2 3:41 pm
مكان: قطر - الدوحة

أمثال سودانية ...

مشاركة بواسطة saro0ona »

[align=center]بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته
ش
جبت ليكم الليلة أمثال سودانية ان شا الله تعجبكم...

الباب البجيب الريح سدو واستريح



الماشاف البحر تخلعوا الترعة



المال تلتوا ولا كتلتوا



القلم ما بزيل بلم



القرد في عين امه غزال



سمح الغنا في خشم سيدو



الولادة صغرة والمشي صباح



قلبي على جناى وقلب جناي على حجر



درب السلامة للحول قريب



تعيس الحظ يلاقي العضمة في الفشفاش



البيرقص ما بيغطي دقنو



بليلة مبشر ولا زبيحة مكشر



الما كلوا الدبيب يخاف من جر الحبل



الخير في الملعون زي الشرة في القندول



الجمرة تحرق الواطيها



المايهدي الكريم تعبان



البفكك من اكل التوم قل اكلو



الراجل افجخي بصلة قبل ما يبقي اصلة



رزقاً تكوسلوا ورزقا يكوسلك



الما بتلحقو جدعو



الخيل تجقلب والشكر لى حماد



الفى بطنو حرقص براهو برقص



العيش يلف أخيرا يجي الطاحونة



التسويهو كريت تلقاهو في جلده



جلداً ماهو جلدك جرو بالشوك



الخير في المنعول ذي الشره في القندول



التدورو والتابه بيجي يوم تكوس للمه ما تلقى



اللستحوا ماتوا



البتسويهو بإيدك يغلب أجاويدك


******************************
م.....
ما تحرموني من ردودكم الحلوة يا حلوين...:D[/align]

[/size]
صورة العضو الرمزية
sunni
مشاركات: 1533
اشترك في: الأحد 2006.12.24 1:32 pm
مكان: مسقط - سلطنة عمان
اتصال:

رد: أمثال سودانية ...

مشاركة بواسطة sunni »

أختنا سارونا الصغيرة (نسبة لأن هناك سارونا قبلك وأكبر منك معانا هنا)

يديك ألف عافية، ومشكورة،،

وعاوز منك طلبين،،
الأول تحولي لينا الموضوع ده في المنتدى الصحيح المختص بالأمثال

والتاني

رأيك شنو تبحثي في قصص الأمثال دي وتجيبيها لينا ؟؟؟

وخلي ده مشروع إجازتك السنوية،،، أكيد إنت في إجازة المدرسة،، وبي كدة، بتستفيدي،، وتفيدي

لك التحية
صورة العضو الرمزية
هتان
مشاركات: 551
اشترك في: الخميس 2006.11.2 12:59 pm
مكان: التراب الغالي الما ليهو تمن
اتصال:

رد: أمثال سودانية ...

مشاركة بواسطة هتان »

السلام عليكم ,,, بضيف صوتي لي صوت الاستاذ السني

لو بتقدري يا سارونا تجبي اي مثل معاهو قصتو
صورة العضو الرمزية
saro0ona
مشاركات: 185
اشترك في: الاثنين 2007.7.2 3:41 pm
مكان: قطر - الدوحة

رد: أمثال سودانية ...

مشاركة بواسطة saro0ona »

ان شا الله بحاول القاها ليكم...
شكرا على مروركم...
أضف رد جديد

العودة إلى ”منتدى السودان العام“