هذا المنتدى فقط للمطالعة

يمكن للاعضاء مواصلة مشاركاتهم فى النسخة الجديدة على الرابط ادناه

http://www.anasudani.net/muntada

النتائج 1 إلى 13 من 13

الموضوع: مساجلة بين الشاعر حسن الزبير و د/شادول(ان شاء الله القيامة تقوم)

  1. #1
    تاريخ التسجيل
    12:47, 8th Jan 2007
    الدولة
    الوطن الكبير
    المشاركات
    151

    افتراضي مساجلة بين الشاعر حسن الزبير و د/شادول(ان شاء الله القيامة تقوم)

    [align=center]قصة القيامة
    يقول الشاعرالراحل المقيم حسن الزبير كنت يوم في المكتب فجأة جاني زميل من زملانا وقال لي أنا عايز أوسطك تخطبلي زميلتنا دي قلت ليه انتو متفاهمين؟؟ قال لي متفاهمين قلت ليه خلاص ان شاء الله في اليوم التاني قالت لي انا برد ليك بكرة ولمن جات في الصباح قالت لي أنا ما بقدر أتزوج زميلنا ده وذكرت لي بعض الاسباب قلت ليها انا حا أقول ليه مخطوبة واتفقنا على كده بعد داك جاني هو في المكتب جا وقف قدام التربيزة قال لي اها قلت ليه اقعد قال لي ما قاعد نجيب ليك شاي؟ قال لي ما دايرشاي قلت ليه طبعا زميلتنا دي امبارح اخدو الفرصة ومشو كلمو ود عمهاالكان خاطبا ورفض وقال ما بخلي بت عمو دي
    مهما كانت الظروف وبنات حواء كتار وربنا يديك الابرك منها قال لي يعني ما حا تتزوجني؟؟؟
    قلت ليه طبعاً لانها مخطوبة وانت جيت متأخر يعني ما حا تعرسني؟؟
    قلت ليه طبعاً ما حا تعرسك
    ضرب التربيزة وشتت لي الورق وقال لي
    ان شاء الله القيامة تقوم
    عشان الناس كلهم يتلخبطو في بعض
    المهم قالا بطريقة فيها نوع من الالم والحسرة
    أنا داعبتهم الاثنين بالقصيدة
    ان شاءالله القيامة تقوم
    عشان ريدك معاي ما بدوم
    ناس سهرانة طوالي
    وناس طول الليالي تنوم
    أشوف انا كيف حسابك يطول
    على الوعدالدوام ممطول
    وانا الشايف كتير أحباب
    بعيشو الريدة عرض وطول
    أنا الشايل دوام همك
    وأريدك ريدة زي أمك
    وأغير من غيرتي زاتا عليك
    أخاف أنا يا الخفيف دمك
    ان شاءالله القيامة تقوم
    وكل زول يمشي في حالو
    عشان ما قلبي يرجع يقول
    حبيب الدنيا في بالو
    كان ممكن الحكاية تنتهي عند هذا الحد
    لكن أخونا الدكتور أحمد فرح شادول قال لي
    أبداً الحكاية دي ما حصلت لزميلك
    دي حاصلة ليك انت
    وقام عمل قصيدة هاجمني بيها
    هجوم الشاعر شادول لحسن الزبير
    ان شاء الله الحسادة تطير
    وتمتد السعادة تدوم
    والضاق العذاب في الريد
    بكرة يعيش ويشبع نوم
    وتقول القيامة تقوم؟؟
    عشان حظك شقي ومشئوم
    وفتحن ليك بنات حواء
    وجافاك ليلة واحدة النوم
    بتقول القيامة تقوم؟؟
    أنحنا لا عرفنا الريد
    ولا زيّك عشقنا الغيد
    وحبينا القريب وبعيد
    وراجعنا القديم وجديد
    ولا ضمانا حضن الليل
    مع الوجه البهي وغريد
    ولا لليل شكينا حبيب
    اذا حتى العشقنا عنيد
    ولا نظمنا في الحلوات غنا وموال
    درر وقصيد
    ولالينا بن عوف غنا
    لا الصابر ولا الباكي
    خيالِك عندي يوماتي
    صباح خيري ومساء أفراحي
    أعد ميعادو باللحظات
    وسهري معاه صباحي
    عيونِك فوق عيوني تنوم
    وفوق آلامي ترتاحي
    وريدِك من عواتي الريح
    المو وأضم عليو جناحي
    وتقول القيامة تقوم؟؟
    أنحنا مع السعادة نسير
    مواكب فرحة هادرة هدير
    نحيا نحب نعيش ونغير
    ونعلن ثورة التغيير
    ناكل حب
    ونشرب حب
    ونلبس حب
    ونفرح بالمحبة نطير
    نعيش الريدةعرض وطول
    كبيرنا ملك صغيرنا أمير
    وتسمع صوت هتافنا يجيك
    ان شاء الله الحسادة تطير
    وتكبر وتنسى يا زغبير



    رد حسن الزبير
    ان شاءالله القيامة تقوم
    وعشمي في الله ما شويّة
    أدخل جنة المأوى
    وهناك يدوني حورية
    أتكي في الارائك أنووووووم
    بكل حبور وحرية
    وأرتاح من ده مافي وقوم
    وأمش جيبلي وجيب ليّا
    أفارق دنية المعدوم
    والقى مطالبي بالنية
    ولوحنيت للحم الطير
    تجيني الطيرة مشويّة
    عشانك كيّة يا دكتور
    تكون حوريتي خمرية
    تجرجر ديسا ده المردوم
    ولهجتا خالصة عربية
    أخلي ليك بنات حواء
    تحاحي صباح وعصرية
    وتبقى عواطلي يا دكتور
    هناك لا مرض ولا شكيّة
    هناك لا أذن سمعت
    ولابعيونا مرئية
    هناك حتى الرحيق مختوم
    وولدان طائفة دوريّة
    لا عشوائي في الخرطوم
    ولا صفقات تجارية
    صفي النية يا مهجوم
    بلاش هجمات هبوبية
    وان شاء الله القيامة تقوم
    وتنجح مية في المية

    رد شادول
    ما مقبولة اعذارك
    وما معروف مصيرك وين
    وماهي صالح اعمالك
    عشان يدوك حوراً عين
    لو انت على الصراط ماشي
    وشركوا ليك ببنية
    حا تختل كل حساباتك
    وحا تحتل حتلة ابدية
    أما لو ضرب حظك
    وجابوا ليك بنات الحور
    تموت واقف على طولك
    ويشيلك حيلك المشلول
    وتتلفت يمين وشمال
    مشدوه بالجمال مبهور
    وتحتار باقي عقلك طار
    فيمن يهوي او يختار
    ديك قواما سمهر وطول
    وديك دعج العيون مكحول
    وديك جمالا يسبي عقول
    وديك من فيها حلو القول
    ودييييييييييييييييك خليها لي شادول
    وديك شعراً كمان خلي
    قدر ما يزيد نعومة وطول
    عذابنا وليلنا فيه يطول
    وديك خشيما بنقط كلام معسول
    تقيف مشدوه وتفوت القيامة عليك
    واقف انت تتلفت طرب وذهول
    حسن دنياك للزي ديل
    وديل يا صاحبي هم دنياك
    يودّنك ويجيبّنك
    ويختنّك ويشيلنك
    يجلبّنك ويبيعّنك
    يغسلّنك ويشرّنك
    ويدفنّنك ويكتلنك
    يقيدو النار يشدّنك
    ويبرن عودك المسلوب يحرقنّك
    تفوح انت ويزيد دنّك
    وتغني الدنيا بي فنك
    ده حال الدنيا
    ما بتدوم
    مرة تلام ومرة تلوم
    ويوم تتعب
    مرة تحب وتشبع حب
    ومرة تحب وما تنحب
    حسن خليهم السمعوك وارجع لحلوكلامك
    معقولة القيامة تقوم
    قبل ماتلقى احلامك

    الا رحم الله الشاعر حسن الزبير وادخله فسيح جناتة مع الصديقين والشهداء

    [/align]
    التعديل الأخير تم بواسطة أود ; 12-07-2007 الساعة 15:32
    [align=center]سأصبر حتى يمل الصبر من صبـري***وأصبر حتى يأذن الله في أمري
    وأصبر حتى يعلم الصبرأنى صبرت***على شيئ أمر من الصبر
    [SIGPIC][/SIGPIC]
    [/align]

  2. #2
    تاريخ التسجيل
    16:57, 15th Jun 2007
    الدولة
    اخاف ان تمطر الدنيا ونحن لسنا معا
    المشاركات
    489

    افتراضي رد: مساجلة بين الشاعر حسن الزبير و د/شادول(ان شاء الله القيامة تقوم)

    هههههههههههههههههههههه
    شكرا اخي والله الناس ديل مابتغلبهم حاجه الكلام ده ولا بيفتشو ليهو

  3. #3
    تاريخ التسجيل
    05:18, 11th Jun 2007
    الدولة
    مصر
    المشاركات
    295

    افتراضي رد: مساجلة بين الشاعر حسن الزبير و د/شادول(ان شاء الله القيامة تقوم)

    [align=center]حبيبى الجميل أود أنتا فتحت عنيا على حاجات مكنتش واخد بالى منها

    وشكرا على الموضوع القيم ده

    وتقبل منى خالص تحياتى

    إسلام المصرى [/align]

  4. #4
    تاريخ التسجيل
    12:47, 8th Jan 2007
    الدولة
    الوطن الكبير
    المشاركات
    151

    افتراضي رد: مساجلة بين الشاعر حسن الزبير و د/شادول(ان شاء الله القيامة تقوم)

    [align=center]ضوء القمر تسلم على المرور الجميل

    اسلام انته لسه شفته حاجة دى حاجة كدة على الماشى
    [/align]
    [align=center]سأصبر حتى يمل الصبر من صبـري***وأصبر حتى يأذن الله في أمري
    وأصبر حتى يعلم الصبرأنى صبرت***على شيئ أمر من الصبر
    [SIGPIC][/SIGPIC]
    [/align]

  5. #5
    تاريخ التسجيل
    02:44, 3rd Jul 2007
    الدولة
    حنبنيه البنحلم بيه يومايى
    العمر
    33
    المشاركات
    390

    افتراضي رد: مساجلة بين الشاعر حسن الزبير و د/شادول(ان شاء الله القيامة تقوم)

    عقول متغذيه تمام
    حاجة جميلة كون انك تكون حاضر بديهة
    او حتى كاتب قصائد

  6. #6
    تاريخ التسجيل
    14:35, 9th Feb 2007
    الدولة
    السودان
    العمر
    36
    المشاركات
    17

    افتراضي رد: مساجلة بين الشاعر حسن الزبير و د/شادول(ان شاء الله القيامة تقوم)

    [align=center]~*¤ô§ô¤*~*¤ô§ô¤*~ الناس فى شنو واود فى شنو يفتش لينا الا فى المصايب ما لك مقوم القيامة نحنا اولاد متين
    لكن بكل صراحة الموضوع شيق
    وتسلم يا اود
    ~*¤ô§ô¤*~*¤ô§ô¤*~
    [/align]

  7. #7
    تاريخ التسجيل
    12:47, 8th Jan 2007
    الدولة
    الوطن الكبير
    المشاركات
    151

    افتراضي رد: مساجلة بين الشاعر حسن الزبير و د/شادول(ان شاء الله القيامة تقوم)

    [align=center]فرح العسولا

    موسى

    تسلمو ياغالين
    [/align]
    [align=center]سأصبر حتى يمل الصبر من صبـري***وأصبر حتى يأذن الله في أمري
    وأصبر حتى يعلم الصبرأنى صبرت***على شيئ أمر من الصبر
    [SIGPIC][/SIGPIC]
    [/align]

  8. #8
    تاريخ التسجيل
    10:47, 28th Jun 2007
    الدولة
    السودان _ولاية النيل الابيض _ ربك
    العمر
    35
    المشاركات
    19

    افتراضي رد: مساجلة بين الشاعر حسن الزبير و د/شادول(ان شاء الله القيامة تقوم)

    [انشاء الله القيامة تقوم
    بس يكون عملى احسن من الحالى واخش الجنة طوالى الاقى اود والمصرى الى فى بالى
    تسلم اود

  9. #9
    تاريخ التسجيل
    10:05, 24th Aug 2007
    الدولة
    السودان / عطبره
    العمر
    45
    المشاركات
    7

    افتراضي رد: مساجلة بين الشاعر حسن الزبير و د/شادول(ان شاء الله القيامة تقوم)

    [size=5]حسن الزبير يااااااااه هذا الذى كان من زمن الحقيبه مابنختلف [/size]

  10. #10
    تاريخ التسجيل
    12:47, 8th Jan 2007
    الدولة
    الوطن الكبير
    المشاركات
    151

    افتراضي رد: مساجلة بين الشاعر حسن الزبير و د/شادول(ان شاء الله القيامة تقوم)

    [align=center]موسى البرق

    انور

    تسلمو ان شاء الله

    [/align]
    [align=center]سأصبر حتى يمل الصبر من صبـري***وأصبر حتى يأذن الله في أمري
    وأصبر حتى يعلم الصبرأنى صبرت***على شيئ أمر من الصبر
    [SIGPIC][/SIGPIC]
    [/align]

  11. #11
    تاريخ التسجيل
    11:57, 11th Apr 2007
    الدولة
    السودان ، الخرطوم
    المشاركات
    1,011

    افتراضي رد: مساجلة بين الشاعر حسن الزبير و د/شادول(ان شاء الله القيامة تقوم)

    شاعرنا المرحوم حسن الزبير قامه فى الشعر الغنائى
    شادول رمز من الرموز

    انظرا معى الى
    وأغير من غيرتي زاتا عليك
    أخاف أنا يا الخفيف دمك



    شكرا على القصيده
    [align=center]واظل دوما ابحث عن مرفأ اضمد فيه جراحاتى القديمه
    يحتوينى فى صمت وسكون وتظلين دوما ذلك المرفأ
    [/align]

  12. #12
    تاريخ التسجيل
    19:08, 20th Dec 2006
    الدولة
    السعودية
    المشاركات
    171

    افتراضي رد: مساجلة بين الشاعر حسن الزبير و د/شادول(ان شاء الله القيامة تقوم)

    الله يرحم شاعرنا حسن الزبير وهو كان من شعراء المريخ العظيم وكنت انا من المحظوظين لاني اتسمعت له وهو يلقي شعره في جلسة جمعتنا به في منزله العامر بالعمارات الله يرحمه ويدخله الجنة ويجعله
    مع الشهداء والصديقين
    [color=FF0000]السودان في حدقات العيون[/color]

  13. #13
    تاريخ التسجيل
    16:08, 26th Sep 2007
    الدولة
    السودان
    العمر
    34
    المشاركات
    4

    افتراضي رد: مساجلة بين الشاعر حسن الزبير و د/شادول(ان شاء الله القيامة تقوم)

    كونو الواحد يتزكر الموت مرة مرة كويس لكن الواحد استعد لية بي شنو لكن الموضوع جيد شكراً

المواضيع المتشابهه

  1. مكتبة الشاعر المبدع مختار دفع الله
    بواسطة ود أونسه في المنتدى وثائق و شعراء
    مشاركات: 4
    آخر مشاركة: 13-10-2010, 13:57
  2. ثمانية أشياء لن يسألك الله عنها يوم القيامة
    بواسطة nourelsalam في المنتدى قطاف إسلامية
    مشاركات: 46
    آخر مشاركة: 05-09-2009, 03:00
  3. **هكذا سيكون يوم القيامة**
    بواسطة بنت الكلاكلة في المنتدى قطاف إسلامية
    مشاركات: 11
    آخر مشاركة: 20-08-2007, 22:42
  4. مكتبة الشاعر د/ احمد فرح شادول
    بواسطة nunoosa في المنتدى وثائق و شعراء
    مشاركات: 7
    آخر مشاركة: 16-06-2007, 12:47
  5. الظلم ظلمات يوم القيامة
    بواسطة حزن السنين في المنتدى قطاف إسلامية
    مشاركات: 4
    آخر مشاركة: 04-04-2007, 03:52

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •