هذا المنتدى فقط للمطالعة

يمكن للاعضاء مواصلة مشاركاتهم فى النسخة الجديدة على الرابط ادناه

http://www.anasudani.net/muntada

النتائج 1 إلى 4 من 4

الموضوع: دا ما القلب البجرسو شوق

  1. #1
    تاريخ التسجيل
    15:10, 27th Dec 2006
    الدولة
    الخرطوم
    العمر
    43
    المشاركات
    278

    افتراضي دا ما القلب البجرسو شوق

    دا ما القلب البجرسو شوق

    دا ما القلب البجرسو شوق ** اذا ما اختار سميرو بعاد
    ولا القلب التبكي حبيبه ** لو غابت عن الميعاد
    قلب بالصح دا ما القلب البجرسو شوق

    قلب من قام صحاري الواحد كان يشقهن بالنوق
    محكوم بسياج العفه فد يوم ما سرح مطلوق
    شيال للتقيل مانحا لو ساق العمر ارقوق
    ندي ورياد كريم واجواد الا من الضعف معتوق
    دا قلبي نيل وكلو جمال ومابيحقد علي مخلوق
    ومهما جرحو المحبوب وخلا حشاهو كلو شقوق
    كتوم من قام يضاحك غيرو صابر والجرح مفتوق
    عليه اب يضحكوا الشمات وتجري دموعو روق فوق روق
    حكيم يعرف متين يرتاح وينسي شقاهو يصفي يروق
    ومتين يعكر يكون فيضان ويبقي علي الزرع خازوق
    فشكرا ياحبيب الروح عليه روادك المطبوق
    انا ان حبيت بقدس زولي وان فارق بفوت بي زوق

    الا بيبكي لما يشوف مابين الخلق في خلوق
    ماخده طباعا من الغابه شايلي ضميرا ماشي السوق
    وتاني بيبكي لما يشوف مابين الحقوق في حقوق
    نزلت من سماها زلال وطارت من تحت لفوق

    وداعا وما بقول بنساك وداعا القلب مخنوق
    وداعا وفي الختام دنياك مناي وراي تسوي القوق
    تمدلك السعاده ايدينا لفردوسا ليك تسوق
    وسيبني اعيش قسمتي وراك باسم والكبد محروق

  2. #2
    تاريخ التسجيل
    14:32, 3rd Nov 2006
    الدولة
    مدينة الأبراج
    المشاركات
    983

    Cool رد: دا ما القلب البجرسو شوق

    [glow1=CCCC33][align=center]صراحه أنا ما من عشاق الشعر والشعراء .. بس الكلمات القلتها جميله جميله جميله جدا
    ويديك العافيه ..
    شكرا لك مره تانيه
    [/align][/glow1]
    [SIGPIC][/SIGPIC]

  3. #3
    تاريخ التسجيل
    15:10, 27th Dec 2006
    الدولة
    الخرطوم
    العمر
    43
    المشاركات
    278

    افتراضي رد: دا ما القلب البجرسو شوق

    اجمل منو في الكون كلو ما شفنا
    جود يا الله بي لقياهو أنصفنا
    راضين نحن مهما حبو كلفنا
    لأنو ملك شعورنا ملك عواطفنا
    والفناهو لو يرحم يوالفنا
    نحن نطيعو ما دايرين يخالفنا
    حاول مره زورنا عشان تشرفنا
    وبي معنى الجمال الفطري عرفنا
    لفينا المداين والقرى وطفنا
    زيك لا بنلاقي ولا بيصادفنا
    يا سواقنا قدام بيتو وقفنا
    خليها الزهور تمرق تلاطفنا
    ما حبينا غيرو وهو عارفنا
    دايرين لي لماهو الحظ يحالفنا
    ليك غنينا وتر سلكو عازفنا
    نظمنا القصائد فيك وألفنا
    دايم حبي ليك ومستحيل يفنى
    وسيل الشوق على الحابنو جارفنا
    تعال بالله أرقص تاني أتحفنا
    وبي عينيك لو بتحب تكاشفنا
    ناري أنا من عيونو المنهن خفنا
    عيونا بالسهام كادت تنشفنا
    إن نسفت سبيبه معاهو تنسفنا
    وإن مالت بعد سابتين ترجفنا
    حياتنا عليها من قبلك تأسفنا
    ولو ما شفنا حسنك تاني شن شفنا

  4. #4
    تاريخ التسجيل
    15:10, 27th Dec 2006
    الدولة
    الخرطوم
    العمر
    43
    المشاركات
    278

    افتراضي رد: دا ما القلب البجرسو شوق

    راضين نحن مهما حبو كلفنا
    لأنو ملك شعورنا ملك عواطفنا

المواضيع المتشابهه

  1. كلمات تفتح القلب للحياة
    بواسطة بنت الكلاكلة في المنتدى بوح الخواطر
    مشاركات: 15
    آخر مشاركة: 08-07-2011, 16:52
  2. الشخير و ازمات القلب
    بواسطة كيمو في المنتدى بوح الخواطر
    مشاركات: 7
    آخر مشاركة: 08-07-2011, 16:40
  3. صلاة الفجر وامراض القلب
    بواسطة hamadaahram في المنتدى منتدى الطب و الصحة
    مشاركات: 25
    آخر مشاركة: 17-07-2009, 22:16
  4. قصة تقطع القلب
    بواسطة نوركم في المنتدى سيناريو وأحـداث
    مشاركات: 1
    آخر مشاركة: 26-08-2007, 01:21
  5. يا عايش وسط القلب
    بواسطة اهل الفرحه في المنتدى همس القصيد
    مشاركات: 1
    آخر مشاركة: 11-05-2007, 18:55

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •