دا ما القلب البجرسو شوق

يشمل القصائد الشعريه , الشعر الشعبى , الحلمنتيش , والدوبيت .

المشرف: بانه

أضف رد جديد
ودعلبوب
مشاركات: 278
اشترك في: الأربعاء 2006.12.27 4:10 pm
مكان: الخرطوم

دا ما القلب البجرسو شوق

مشاركة بواسطة ودعلبوب »

دا ما القلب البجرسو شوق

دا ما القلب البجرسو شوق ** اذا ما اختار سميرو بعاد
ولا القلب التبكي حبيبه ** لو غابت عن الميعاد
قلب بالصح دا ما القلب البجرسو شوق

قلب من قام صحاري الواحد كان يشقهن بالنوق
محكوم بسياج العفه فد يوم ما سرح مطلوق
شيال للتقيل مانحا لو ساق العمر ارقوق
ندي ورياد كريم واجواد الا من الضعف معتوق
دا قلبي نيل وكلو جمال ومابيحقد علي مخلوق
ومهما جرحو المحبوب وخلا حشاهو كلو شقوق
كتوم من قام يضاحك غيرو صابر والجرح مفتوق
عليه اب يضحكوا الشمات وتجري دموعو روق فوق روق
حكيم يعرف متين يرتاح وينسي شقاهو يصفي يروق
ومتين يعكر يكون فيضان ويبقي علي الزرع خازوق
فشكرا ياحبيب الروح عليه روادك المطبوق
انا ان حبيت بقدس زولي وان فارق بفوت بي زوق

الا بيبكي لما يشوف مابين الخلق في خلوق
ماخده طباعا من الغابه شايلي ضميرا ماشي السوق
وتاني بيبكي لما يشوف مابين الحقوق في حقوق
نزلت من سماها زلال وطارت من تحت لفوق

وداعا وما بقول بنساك وداعا القلب مخنوق
وداعا وفي الختام دنياك مناي وراي تسوي القوق
تمدلك السعاده ايدينا لفردوسا ليك تسوق
وسيبني اعيش قسمتي وراك باسم والكبد محروق
صورة العضو الرمزية
بت أبوظبي
مشاركات: 983
اشترك في: الجمعة 2006.11.3 3:32 pm
مكان: مدينة الأبراج

رد: دا ما القلب البجرسو شوق

مشاركة بواسطة بت أبوظبي »

[glow1=CCCC33]
صراحه أنا ما من عشاق الشعر والشعراء .. بس الكلمات القلتها جميله جميله جميله جدا
ويديك العافيه ..
شكرا لك مره تانيه
[/glow1]
ودعلبوب
مشاركات: 278
اشترك في: الأربعاء 2006.12.27 4:10 pm
مكان: الخرطوم

رد: دا ما القلب البجرسو شوق

مشاركة بواسطة ودعلبوب »

اجمل منو في الكون كلو ما شفنا
جود يا الله بي لقياهو أنصفنا
راضين نحن مهما حبو كلفنا
لأنو ملك شعورنا ملك عواطفنا
والفناهو لو يرحم يوالفنا
نحن نطيعو ما دايرين يخالفنا
حاول مره زورنا عشان تشرفنا
وبي معنى الجمال الفطري عرفنا
لفينا المداين والقرى وطفنا
زيك لا بنلاقي ولا بيصادفنا
يا سواقنا قدام بيتو وقفنا
خليها الزهور تمرق تلاطفنا
ما حبينا غيرو وهو عارفنا
دايرين لي لماهو الحظ يحالفنا
ليك غنينا وتر سلكو عازفنا
نظمنا القصائد فيك وألفنا
دايم حبي ليك ومستحيل يفنى
وسيل الشوق على الحابنو جارفنا
تعال بالله أرقص تاني أتحفنا
وبي عينيك لو بتحب تكاشفنا
ناري أنا من عيونو المنهن خفنا
عيونا بالسهام كادت تنشفنا
إن نسفت سبيبه معاهو تنسفنا
وإن مالت بعد سابتين ترجفنا
حياتنا عليها من قبلك تأسفنا
ولو ما شفنا حسنك تاني شن شفنا
ودعلبوب
مشاركات: 278
اشترك في: الأربعاء 2006.12.27 4:10 pm
مكان: الخرطوم

رد: دا ما القلب البجرسو شوق

مشاركة بواسطة ودعلبوب »

راضين نحن مهما حبو كلفنا
لأنو ملك شعورنا ملك عواطفنا
أضف رد جديد

العودة إلى ”همس القصيد“