** مستحيل!! أعشق .. سواك ؟!!

يشمل النثر ،، الخواطر ......الخ

المشرف: بانه

أضف رد جديد
صورة العضو الرمزية
الماسة الخماسية
مشاركات: 5439
اشترك في: السبت 2010.4.3 2:09 pm
مكان: مكان

** مستحيل!! أعشق .. سواك ؟!!

مشاركة بواسطة الماسة الخماسية »

انتا ياسودانا ما طيب .. وبتحنّ حتى لزولا جفاك

إنتا زى نخل كريم دفاق وسامق منو بيلحق علاك

انتا شدرة حنة ولدنيانا جنة ونورعيونا من ضياك

افديك بدمى وبروحى وأرتضى لانقاذك هـــلاك

انت وحدك فى عيونى أحلى وأروع من مـــلاك

ياوطن عزيز وغالى انتا ارضى .. وبريد سما ك

مستحيل مهما خيرونى أعشق لى وطـــن سواك



***** ***** ***** ***** *****

يلا يابا ويلايمة و يا بنية ويا وليدبلدى هموّ وهاك

ياخيلانى وأعمامى تعالوا وياناس الحلة نتلم هناك

هاكم نصيحة حبوبتى النجيضة القالت لحفيدها داك

ياعشاى وياكبيدتى وياحشاى: ما تسوى شيتا براك

اسمع من كبيرك وصحصح ضميرك واتقى مولاك

إيد فى إيد تجدع بعيد وتبنوهو بيت وتبقو من الملاك

خليك كريم مع والدك وأرضيها أمكّ بتلقاهو رضاك

وقرّ كبيرك حنّ على الصغير .. و حبّ حتى من عاداك


***** ***** ***** ***** *****


** بتبقى سودانى .. وسودانية جد ،،

أصالة فعل وقول ،، ويعلو نجم سماك




** قول معاى_ يا اخوى ويا أخيتى : كلنا يا سودان فداك

وانتا ياسودانا ما طيب .. وبتحنّ حتى لزولا جفاك

إنتا زى نخل كريم دفاق وسامق منو بيلحق علاك

انتا شدرة حنة ولدنيانا جنة ونورعيونا من ضياك

افديك بدمى وبروحى وأرتضى لانقاذك هـــلاك

انت وحدك فى عيونى أحلى وأروع من مـــلاك

ياوطن عزيز وغالى انتا ارضى .. وبريد سما ك

مستحيل مهما خيرونى أعشق لى وطـــن سواك



***** ***** ***** ***** *****
صورة العضو الرمزية
امال الناس
مشاركات: 27686
اشترك في: الأربعاء 2009.6.17 9:57 am
مكان: السودان

رد: ** مستحيل!! أعشق .. سواك ؟!!

مشاركة بواسطة امال الناس »

سوداننا الحبيب

ذلك الحب الذي لا يتوقف
وذلك العطاء الذي لا ينضب
ايها السودان المترامي الاطراف
ايها الوطن المستطون في القلوب
انت فقط من يبقى حبه
وانت فقط من نحب
وطني : السودان
وطن الجدود والاباء
وطن الحب والوئام
انشاءالله تسلم
ايها الوطن الحاضن
للماضي والحاضر
ايها الوطن
يا من احببته منذ الصغر
وانت من تغني بغناء العشاق
واطربهم ليلك في السهر
انت ك انشوده الحياه
وانت ك بسمه العمر
صورة العضو الرمزية
بعد الزمن
مشاركات: 16470
اشترك في: الثلاثاء 2010.3.9 4:30 am
مكان: الضواحي

رد: ** مستحيل!! أعشق .. سواك ؟!!

مشاركة بواسطة بعد الزمن »

غيرك ما بهوى
ومن غيرك ما بعيش
maysoon
مشاركات: 128
اشترك في: السبت 2011.11.12 4:17 pm
مكان: libya

رد: ** مستحيل!! أعشق .. سواك ؟!!

مشاركة بواسطة maysoon »

وطنا
محجوب شريف

وطنا البإسمك كتبنا ورطنا .. أحبك
أحبك مكانك صميم الفؤاد وباسمك اغنى
تغنى السواقى خيوط الطواقى
سلام التلاقى ودموع الفراق
واحبك ملاذ وناسك عزاز
أحبك حقيقه وأحبك مجاز
وأحبك بتضحك وأحبك عبوس
بعزة جبالك ترك الشموس
وما بين ظلالك افتش وأكوس
أفتش طفولتى وملامح صباى
بناتك عيونن صفاهن سماى
وهيبة رجالك بتسند قفاى
أحبك بتضحك واحبك عبوس
صحى بتملا عينى وتشّرف غناى
بحضرة جلالك يطيب الجلوس
مهذب أمامك يكون الكلام
لأنك محنك عميق الدروس
مجيد المهابة مديد القوام
شبابك تشابك شديد الزحام
أراهم وراهم غبار الحياه
مداين تعاين كأمّ العروس
تهلل تكلل جبين الإمام
رزازاً يبلل أغانى الخليل
أصدق كلامك حقيقه وبخاف
أخاف الطريق اللى ما بودى ليك
وأعاف الصديق اللى ما بهم بيك
معاك انتظارى ولو بالكفاف
وعنك بعيداً أبيت الرحيل
وبيك اعتزاز الصباح الجميل
جميع الأغانى اتكالن عليك
جميع الأغانى اتكالن عليك



كل التحايا الطيبة لك الماسة الخماسية
صورة العضو الرمزية
الماسة الخماسية
مشاركات: 5439
اشترك في: السبت 2010.4.3 2:09 pm
مكان: مكان

رد: ** مستحيل!! أعشق .. سواك ؟!!

مشاركة بواسطة الماسة الخماسية »

** أعزائى : أحبة الوطن الغالى ..

** أمال الناس ،، بعد الزمن ،، ميسون ..

** بحضوركم إذدان المكان ،، وأشرق الزمان ،،



:Sudan: :Smiels17: :Sudan:
صورة العضو الرمزية
صلاح محجوب عبداللطيف
مشاركات: 4154
اشترك في: الاثنين 2010.9.27 6:09 pm
مكان: مصر - السويس

رد: ** مستحيل!! أعشق .. سواك ؟!!

مشاركة بواسطة صلاح محجوب عبداللطيف »

أولآ شكرا على قلمكِ
وثانيآ على حبكِ لوطنكِ
وثالثآ تسلمي وتسلم إيديكي
صورة العضو الرمزية
الماسة الخماسية
مشاركات: 5439
اشترك في: السبت 2010.4.3 2:09 pm
مكان: مكان

رد: ** مستحيل!! أعشق .. سواك ؟!!

مشاركة بواسطة الماسة الخماسية »

** عمو/ صلاح :

** أولا" : منور ،، الدار ،،

** ثانيا" : أحبك اللّه .. وحببك لخلقه ،،

** ثالثا : بارك الله فيك ،، وجزاك عنىّ خير الجزاء ،،
أضف رد جديد

العودة إلى ”بوح الخواطر“