جامعة للمغتربيين........

واحة المغتربين...كل ما يتعلق بالمغتربين من اسئلة،استفسارات،،،تعارف،،،،تهانى،،تعازى واخبار

المشرف: بانه

أضف رد جديد
صورة العضو الرمزية
قمر السودان
مشاركات: 25
اشترك في: الأربعاء 2006.12.6 5:57 pm
مكان: في السعودية و قلبي في السودان

جامعة للمغتربيين........

مشاركة بواسطة قمر السودان »

جامعة المغتربين
أعتقد انو الغالبية العظمى ما عارف عنها اي حاجة..
أولا *هي جامعة لابناء المغتربين و مؤسسينها و المدرسين فيها تقريبا كلهم من المغتربين*
ثانيا* الهدف الاساسي منها إنو يشيلو حكاية الخصم من النسبة*
ثالثا*ستفتتح هذة الجامعة بإذن الله عام 2008( يعنى حيكون دفعتي اللي هم يدوب امتحنو السنة دي هي أول دفعة)$و طبعا دة كلو على حسب كلامهم$ *
رابعا *هي ما حتكون كلها للمغتربين بل حيكون في نسبة بسيطة جدا من ابنا السودان*
خامسا*الجامعة دي فيها مساهمة و تقدر تساهم بالتوجه لسفاره السودان*
سادسا* الجامعة دي فيها مختلف المجالات و تحتوي على مستشفى تعليمي ضخم جدا*

أخيرا(ياريت كلامهم ده يصدق و يكونو قدر كلمتهم.) :0040:
صورة العضو الرمزية
ضـــوء القـــمــر
مشاركات: 489
اشترك في: الجمعة 2007.6.15 4:57 pm
مكان: اخاف ان تمطر الدنيا ونحن لسنا معا
اتصال:

رد: جامعة للمغتربيين........

مشاركة بواسطة ضـــوء القـــمــر »

والله نتمني
بس لو المغتربين درسوا بجامعات سودانية يكون افضل عل6شان يتأقلموا ويقدروا يعايشوا اخوانم في السودان يعني انت افضل ليك انك تدرسي جامعه في السودان ده من راي المتواضع منتظر مداخلتك.......
ود المسالمة
مشاركات: 171
اشترك في: الأربعاء 2006.12.20 8:08 pm
مكان: السعودية

رد: جامعة للمغتربيين........

مشاركة بواسطة ود المسالمة »

شكرا علي طرح هذا الموضوع الجامعة ما مخصصة لاولاد المغتربين فقط مفتوحة لكل
السودانيين ولكن المغتربين هم الذين اقترحوا قيام جامعة تكون كاملة في كل شي من معامل
ومراكز ابحاث وكليات مكتملة الممغتربين مساهمين ب60% من قيمتها والباقي موزع علي
شركات سودانية والمساهمة فيها مفتوحة لكل السودانيين وعلي فكرة لن يكون اسمها جامعة
المغتربين وهي سوف تكون اضافة حقيقة للجامعات في السودان وهذا للعلم
صورة العضو الرمزية
قمر السودان
مشاركات: 25
اشترك في: الأربعاء 2006.12.6 5:57 pm
مكان: في السعودية و قلبي في السودان

رد: جامعة للمغتربيين........

مشاركة بواسطة قمر السودان »

اولا العزيزه ضوء القمر العزيز ود السالمة شكرا على المرووووووووووووووووووووووووووووور الكول دة
حبيبتي ضوء القمر انا عايزه اقول ليك انو الجامة دي في السودان بس اكيد ما الافضل انو نقرا في الجامعات العادية لانو في الجامعات العادية الشايل شهادة عربية ده كانو شايل جريمة......
وده راي...
صورة العضو الرمزية
ابراهيم الجيو
مشاركات: 1428
اشترك في: الاثنين 2006.12.4 9:06 am
مكان: السعودية

رد: جامعة للمغتربيين........

مشاركة بواسطة ابراهيم الجيو »

قمر السودان,,و شكراً على الموضوع جميل ومهم ,,, وبالفعل حضرت أكثر من كذا اجتماع لجامعة المغتربين منذ أن كانت فكرة وإلى أن وصلت وحصلت على التصديق الآن من مجلس الوزراء,, وتقريباً غالبية المعومات المذكورة منكم صحيحة كونها مساهمة وكونها لا تخص أبناء المغتربين فقط,, بل حتى أبناء السودان العام ,,,,, والحمد لله الفكرة منذ ولوجها وإلى الآن تسير في أيادي ذووي الاختصاص في هذا الشأن من مسئولين هنا وهناااااااااك,, والشروط والمعلومات موجودة كلها في مبنى السفارة بالرياض,,,

دمتم بود,,,
صورة العضو الرمزية
استارو
مشاركات: 1280
اشترك في: الأحد 2007.3.4 8:27 pm
مكان: السعودية

رد: جامعة للمغتربيين........

مشاركة بواسطة استارو »

الاخت
قمر السودان
نشكرك على ماطرحتيه عن تلك الجامعة فليس لدينا علم بها
ولاكن نتمنا ان ينال المغتربين حقهم الكافى فى التعليم اكطن من المشاكل التى
تواجه اخوننا المغتربين الدراسة اى الدراسة الجامية ونبلهم كراسى اضافيية فى القبول
ونتمنا ذلك ..تقبلى تحياتى من الرياض مغرونة بالمحبة والسلام،
صورة العضو الرمزية
خالد المشـــرف
مشاركات: 66
اشترك في: الثلاثاء 2007.6.19 10:03 pm
مكان: khartoom
اتصال:

رد: جامعة للمغتربيين........

مشاركة بواسطة خالد المشـــرف »

شكراا يا قمـــــــــــ(السودان)ـــــــــــــر

والله اول مره اسمع بالجامعه دي

لو انتي حتدخلي هناك ندخل معاكي كلنا :)





تحياتي
صورة العضو الرمزية
sunni
مشاركات: 1533
اشترك في: الأحد 2006.12.24 1:32 pm
مكان: مسقط - سلطنة عمان
اتصال:

رد: جامعة للمغتربيين........

مشاركة بواسطة sunni »

في البداية،، لما بديت أقرأ في الموضوع،، ختيت يدي في راسي،، بس شكراً للأخوان وللتوضيح إنه الجامعة ما فقط لأبناء المغتربين. لأنه من الأشياء البتقلقني جداً هو فصل المغترب وأولادة عن المجتمع. الفكرة دي مش بدت تتأطر، إنما بدت حتى إفرازاتها تظهر في كلامنا وونستنا،، وخلينا نرجع مش لبعيد،، ح أرجع لبعض التعابير المستخدمة هنا في البوست ده

1. المشاركة رقك (1) من أختنا قمر الزمان،،، النص "رابعا *هي ما حتكون كلها للمغتربين بل حيكون في نسبة بسيطة جدا من ابنا السودان*"

2. المشاركة رقم (5) من أخونا إبراهيم الجيو النص " بل حتى أبناء السودان العام "
طبعاً قد يعترض بعض المشاركين وبالذات أصحاب المشاركتين،، وأنا ما بقول إني بهاجمهم، ولا بقول إنه بيقصدوا شيء،، لكن الكلام ده وإن ظهر في كلامهم هم الإتنين،، لكن بيظهر في كلامي أنا البكتب،، وكلامك إنت يا البتقرأ أسه.

الموضوع إنه،، رضينا أم أبينا،، أصبح إبن المغترب (ولا أقول المغترب) يتعامل كانه إنسان جاي من المريخ والدليل إنه أصبح مصطلح يطلع من ألسنتنا دونما وندي (أبناء المغتربين) (والسودانيين) ؟؟؟
هل معنى كدة إنه في قرارة نفسنا فصلنا بينهم خلاص؟؟ ومن دون أن ندري؟؟؟ وهل هو واقع الحال ما فرض الموضوع ده؟؟؟

آسف يا قمر،، ما عاوز أغير ليك الموضوع،، لكن ده شيء يخوف،، لو ما كان مرعب

لكم التحية
صورة العضو الرمزية
spanisheyes
مشاركات: 2127
اشترك في: الأحد 2007.10.21 10:50 pm
مكان: بلدي التاني (ليبيا)

رد: جامعة للمغتربيين........

مشاركة بواسطة spanisheyes »

هي فكرة حلوة من ناحيه عدم خصم الدرجات فقط اما من النواحي التانيه اشوف انها ما فكرة حلوة دا كدا بيفصل المغتربين عن الابناء الوطن الناشئين في السودان يعني طول عمرهم مغتربين ولمن يجو يكونو منفصلين عن وطنهم كدا نحنا ما عملنا حاجه ولا حلينا اي حل عشان كدا اقول انو لو ما اتعملت يكون احسن والمغتربين اتمني انكم تسعوا انو يغضوا النظر عن مسأله خصم الدرجات في الجامعات السودانيه مش يعملو ليكم جامعه خاصه لانو دا حيكون فيو عزل الطالب المغترب عن المجتمع السوداني وشكرا
صورة العضو الرمزية
بت الشماليه^ MisS_GreeN
مشاركات: 31
اشترك في: الثلاثاء 2007.3.20 11:16 pm
مكان: في بيتنا...الامارات

رد: جامعة للمغتربيين........

مشاركة بواسطة بت الشماليه^ MisS_GreeN »

معقول؟؟؟


في جامعه كدا


انا ممتحنه السنه دي.......................لو في زول يعرف معلومات عنها يقولي.........
أضف رد جديد

العودة إلى ”ملتقى المغتربين بالخارج“