قُصاصات ..واقعية

يهتم بالحوارات والنقاشات الجادة فقط الرجاء الالتزام !!

المشرف: بانه

صورة العضو الرمزية
يقين
مشاركات: 4114
اشترك في: الثلاثاء 2014.11.18 8:28 am
مكان: بين الواقع وكَمْ أحلام

قُصاصات ..واقعية

مشاركة بواسطة يقين »

إهداء ..مُستَحَق

إلى..أختي الكبرى:

منكِ تعلمتُ كيف نجعل عشقنا للكتابة موجهاً لقضايانا الخاص منها والعام

دون أن نفقد إستمتاعنا بتلوين الحروف ورسمها مفرداتٍ زاهية

تزيح عنا كأبة المعاناة وتحدُ نظرتنا بـأفق أوسع!

إليكِ..

سأهدي صفحاتي المبعثرة

التي لملمت بعض شتاتها من دفاتر يومياتهم دون أن يدرون

والآخر من أوراقي الخاصة

لأنني واثقةٌ أنها ستلامس فيكِ ذات الوتر!2 1212


صورة العضو الرمزية
يقين
مشاركات: 4114
اشترك في: الثلاثاء 2014.11.18 8:28 am
مكان: بين الواقع وكَمْ أحلام

رد: قُصاصات ..واقعية

مشاركة بواسطة يقين »

تقدِمة:

هل هنالك من لم يعاني بشكلٍ أو بآخر من السلبيات التي صارت كالبكتريا الضارة

تنتشر بسرعة لتفسد كل ما تحط فيه ويصعب بل يستحيل القضاء عليها

وكلما مضى الوقت كانت الكوارث الناتجة .أفجع وأكثر مأساوية؟؟

لا أظن ..

فأنت حتماُ عانيت حينما أردت التقديم للجامعه

أو حينما وددت مغادرتها ..وأحببت أن تحمل شهادتك الجامعية

فترددت كثيراً على المسجل والعميد و..إلخ حتى تستخرجها

هذا دون التطرق ..للصعاب التي تحاربها من أجل الوصول لوظيفة

وغيره..وغيره و......!!

هُنا..من دفاتر حياتهم وحياتي ..

ومن مواقف تعرضنا لها جميعا ستتشابه في أحد المنعطفات مع خط سير أحدكم

سأبدأ ,,التدفق عسانا ..نصل لحل يقينا إعادة السناريوهات أو حتى لتفسير

فإما إقتنعنا ..وصمينا آذاننا وعمينا وإعتبرناه واقعاَ

وإما ..ذهبنا في الخطوة ..الأولى نحو الإصلاح!!
صورة العضو الرمزية
يقين
مشاركات: 4114
اشترك في: الثلاثاء 2014.11.18 8:28 am
مكان: بين الواقع وكَمْ أحلام

رد: قُصاصات ..واقعية

مشاركة بواسطة يقين »

قصاصة ..أولى





[align=right]يوم "السبت":[/align]
[align=right]-ألو[/align]
[align=right]-أهلاً وسهلاً...عيادة دكتور "....."[/align]
[align=right]-أنا "...." ... عندي مواعيد بكرة حابة أأكِدها وعايزة أعرف أجي الساعه كم[/align]
[align=right]-لحظة ......[/align]
[align=right]طيب يامدام ..تعالي لينا الساعة 12
[/b][/size]
-اتناشر اتناشر ولا الموضوع حيجر زي كل مره
[/align]
-لا لا تعالي اتناشر شوكة وانا بدخلك

-طيب مع السلامه ولي بكره




/


اليوم التاني الأحد.."يوم المواعيد بذاتو"

[align=right]الساعة 11:45 كنت جوة المكان[/align]
[align=right][/align]
[align=right]-سلام[/align]
[align=right]-سلام
[/b][/size]
-ده الكرت ..ومواعيدي على 12
[/align]
-معليش يامدام ..الدكتور كان عندو عملية وياداب جا ..
والناس الجو من الصباح ياداب دخل منهم اتنين

[align=right]إنتظري حبه[/align]
[align=right]-طيب[/align]
[align=right]الساعة 2:10[/align]
[align=right]-لسه ؟[/align]
[align=right]لسه والله ... الناس الليله كتااار وفي كم حالة طارئة بنضطر نخششهم[/align]
[align=right]-وبعدين؟[/align]
[align=right]-الصبر طيب[/align]
[align=right]-طيب ممكن اغير وأجي بكره؟[/align]
[align=right]-لا لا ..بكره وبعد بكره عندو مؤتمر ..والأربع المواعيد ملانة ..لكن الخميس ضمان بختك نمرة واحد[/align]
[align=right]والساعه تسعه ..بتكوني معاهو[/align]
[align=right]-جداً..يلا سلام[/align]
[align=right]الخميس..9:00[/align]
[align=right]-إزيك.."....." وينها؟؟[/align]
[align=right]-عندهم عرس ما جات[/align]
[align=right]-طيب"وعدت الموضوع تاني "..مواعيد ومفروض ادخل[/align]
[align=right]-معليش بس ماف زول قال لي ومضطرة أدخل بالأسماء العندي ..ولو زول ما دخل بدخلك بدلو[/align]
[align=right]-معقول لكن؟؟يعني اقعد سااي كده وما ضامنة بخش متين؟؟[/align]
[align=right][/align]
[align=right]انا مآخدة إذن من الشغل للمرة التانيه خلال اسبوع[/align]
[align=right]شوفي لي طريقة ولو لأ ..السبت بيكون كويس بجيكم في العيادة المسا[/align]
[align=right]-لا -لا الدكتور السبت ما شغال ..إلا الأحد[/align]
[align=right]-طيب "لي هنا أنا ظريفة شديد".

.الأحد اللي هو بعد إسبوع كااامٍل الساعه 5:00[/align]
[align=right]-أهلاً يامدام معليش والله اليوم داك نسيتك!!!!![/align]
[align=right][/b][/size]بالجد ما قدرت أسكت ..[/align]
يعني معقوله صحة الناس للدرجة دي ما فارقة معاها؟؟
وإتكهربت وإنفعلت

[align=right]تنسيني ؟؟[/align]
[align=right]ليه؟؟................!![/align]
[align=right]ومرقت حرقتي تبع الإسبوع الفات كلو ..وحردت المقابلة وكمان ما ناوية أمشي تاني من جديد!![/align]
[align=right][/align]
//
يلا ..أها
أسه هنا ..شن بفيدني الصبر ولا اللامبالاة ولا حتى تطويل البال القصر من كتر ما طولناه؟؟
أنا يمكن تجربتي أهون من ناس كتير
في زول تلقاهو شهر بيجي وما لاقي مواعيد ..
وناس تساسق بالمواصلات ..وتصل تدفع الوراها والقدامها ومسلسل المماطلة متتابع
ده غير ..إنو موظفة الإستقبال بتستقبلك بي تكشيرة..وتنهرك زي الكنك شافع صغير
والصحة ..دي آخر حاجة الناس بتستفهم عنها
غير لو دخلنا في موضوع القروش بتاعت الكشف ..الأدوية ..المواصلات ذاتها...الخ
الموضوع حيجر..والدوامة حتغرقنا
//

السوالب ..كتيرة
والغريب إنها ماشه من زيادة لي أزيد لي أزيد لي ازيد
وربنا يسترها
السؤال
البيوظف الناس ديل منو؟؟
الإختيار على أي أساس؟؟
وكيف تبقى المهنة الإنسانية الأولى تحت يد اللا إنسانيين؟؟

أسئلة لو جاوبناها صح ..وبدينا بي روحنا قبل التانين يخيل لي حاجات كتير حتختلف!

شيماء
[/size][/font][/color]
صورة العضو الرمزية
شذي زهر
مشاركات: 5554
اشترك في: السبت 2012.4.14 10:00 pm
مكان: السودان

رد: قُصاصات ..واقعية

مشاركة بواسطة شذي زهر »

الرائعه يقين
مساء الخير

عزيزي المهنه الإنسانية أصبحت وانتهت ومن زمااااان بدري..في ايدي. اللاإنسانية. (كما ذكرتي)

من فتره دخلت مستوصف..للفحص.ومن ثم مقابله الدكتور المختص..

تم الفحص ..وكنت في انتظار مقابله الدكتور. ..انتظرت وانتظرت. ..وأنا. مربضه

وكنت أعلم. ان. ترتيبي.ليس ببعيد.
ذهب اخي .....ليفهم ما يحدث
وللاسف. .وجد الدكتور في مقابله. خاصه مع عدد من الضيوف( لا اله الا الله. وأشهد أن محمد رسول الله )
موظف الاستقبال. ..لم يجد ما يقوله
الضيوف يرددون في عبارات الإعتذار. .وهم طالعين
اما الدكتور .كان في قمه الحرج والكسوف
ودا كلو لما وصلهم صوت احتجاجنا

دا كلو كان ممكن ابدا ما يحصل
لكن متي......لاندري
صورة العضو الرمزية
يقين
مشاركات: 4114
اشترك في: الثلاثاء 2014.11.18 8:28 am
مكان: بين الواقع وكَمْ أحلام

رد: قُصاصات ..واقعية

مشاركة بواسطة يقين »

المميزة ..شذى

صباحاتك ..عافية

عزيزي المهنه الإنسانية أصبحت وانتهت ومن زمااااان بدري..في ايدي. اللاإنسانية. (كما ذكرتي)


يبقى ..السؤال

من السبب ..في زوال ملامح انسانيتهم ال"متعاطفة"

نحنُ ..هُم أم أشياء أخر

وما ننسى إنهم في الاول والأخير بيكونو "أهل" زول

وممكن "ظريفين" شديد في حتات تانيه لمن تتهجمي !

،،

بتذكر ..واحده مرة سألتها عن مكان الأشعة لأنو حابة أعمل صورة لي اسناني فعايزة اعرف أمشي وين

ببساطة حمرت لي 3313

والله جد حميرة مبالغة

وقالت لي "مابتعرفي تقري"؟!باري اللافتات!!

من الهجمة وجع "الضرس" راح

وكالعادة "حردت" !!

أها عليك الله زي ال"لئيمة" دي .. الجابا في مكان كل زول على قول أهلنا "شايل دقنو "وجعو" ومتمحنبو" شنو؟

والغريبة .. من مطلوبات شغل المنصب ده .."اللؤم" أظِن

لأنو لو سألتي زول ..ليه هي كده او هو كده

يقول ليك وهو بيضحك .. ياخ دي كان ما هي الناس ديل كان جننونا جن!

معقوله بس ؟!

مستشفى ..يعني عيان

عيان..يعني يحق ليهو يمارس "وجعو" وقلقو بالطريقة اللي بتريحو مش بالطريقة البتريحهم

/



من فتره دخلت مستوصف..للفحص.ومن ثم مقابله الدكتور المختص..

تم الفحص ..وكنت في انتظار مقابله الدكتور. ..انتظرت وانتظرت. ..وأنا. مربضه

وكنت أعلم. ان. ترتيبي.ليس ببعيد.
ذهب اخي .....ليفهم ما يحدث
وللاسف. .وجد الدكتور في مقابله. خاصه مع عدد من الضيوف( لا اله الا الله. وأشهد أن محمد رسول الله )
موظف الاستقبال. ..لم يجد ما يقوله
الضيوف يرددون في عبارات الإعتذار. .وهم طالعين
اما الدكتور .كان في قمه الحرج والكسوف
ودا كلو لما وصلهم صوت احتجاجنا

دا كلو كان ممكن ابدا ما يحصل
لكن متي......لاندري


كمان!!

ومالو عزيزتي ..طالما نحنا ساكتين .. وبندفع

ونتبسم و"مجبورين" ليهو الحق يعمل اكتر من كده

بس كويس ع الاقل "حشّ" وهم كمان

في النوع التاني كمان الممكن .. ولا يشتغل بيك ويواصل عادي كنو في صالون بيتو

الحمد لله ع كل الأحوال ..وربنا يعافينا وما يختنا تحت رحمة زول !

/

كسرة مستحقة:

في أطباء ..بيستاهلو بجد ..إنهم ياخدو لقب انسان وبجدارة

وفي "موظفي إستقبال" قمة في الذوق والتعامل الطيب

ديل ليهم التحية والتجلة

وكثر الله "الزيهم" !

شذى:

ممتنة2 1212



صورة العضو الرمزية
شذي زهر
مشاركات: 5554
اشترك في: السبت 2012.4.14 10:00 pm
مكان: السودان

رد: قُصاصات ..واقعية

مشاركة بواسطة شذي زهر »

يقين
أثناء مابقرأ في مشاركتك الأخيره
ورد في خاطري ....إن بعض من الدكاترة. ...يحببوك فيهم لأبعد حد.
ولما وصلت لنهايه المشاركه .....وجدت مافي خاطري ..قد ختمتي به

فعلا....بعض منهم ...يملك ابتسامة. .سبحان الله تسري في جسد المريض كسريان الدواء...تماما.
ويعطيك.اجمل .إحساس. ..وانت تحكي معه......

نسأل. الله أن لا يسلط علينا من لا يخافه ولا يرحمنا
صورة العضو الرمزية
طلال الحكيم
مشاركات: 4056
اشترك في: السبت 2010.5.8 11:08 am
مكان: السعودية

رد: قُصاصات ..واقعية

مشاركة بواسطة طلال الحكيم »

هي فعلا قصاصات واقعية من حياتنا ..

إن لم تمر بنا مرت بمن حولنا ...والكأس دائر بيننا ... مر المذاق .. نادر الحلاوة ..

واصلي يا أختي يقين طرحك الجميل للقضايا بطريقة مميزة ...

فربما أتتنا الجراءة يوما على مشاركتك بصورة أعمق من هذه إذا ما لامست فينا كلماتك وترا ..

وهي لا شك لامسة .
صورة العضو الرمزية
يقين
مشاركات: 4114
اشترك في: الثلاثاء 2014.11.18 8:28 am
مكان: بين الواقع وكَمْ أحلام

رد: قُصاصات ..واقعية

مشاركة بواسطة يقين »



اللهم آمين شذى زهر

وأصلحَ شأننا ..أجمعين !

ممتنة لإضافتك الجميلة .. 2 1212

صورة العضو الرمزية
يقين
مشاركات: 4114
اشترك في: الثلاثاء 2014.11.18 8:28 am
مكان: بين الواقع وكَمْ أحلام

رد: قُصاصات ..واقعية

مشاركة بواسطة يقين »

أخي الكريم ..طلال

،

فعلاً .. تذوقناها

ولو عن طريق الغير ممن يهمنا أمرهم!

سأفعَل ..

فقط أتمنى ألا يصلكَ ..طرفُ سوطها

فهو "حار"..وأسأل "مجربين"

وإن فعَل ..

عندها .. سأكونُ بإنتظار عودتك،

/

لكَ التجلة ..
صورة العضو الرمزية
معتبر
مشاركات: 11934
اشترك في: الخميس 2009.8.13 8:03 pm
مكان: حته كدة

رد: قُصاصات ..واقعية

مشاركة بواسطة معتبر »

قصاصات واقعية
لزمن يصعب التوقع فيه

وناس عاجباهم روحهم

ومطلعين روحنا
صورة العضو الرمزية
يقين
مشاركات: 4114
اشترك في: الثلاثاء 2014.11.18 8:28 am
مكان: بين الواقع وكَمْ أحلام

رد: قُصاصات ..واقعية

مشاركة بواسطة يقين »

صدقتَ والله يامعتبر

مطلعين روحنا الهينة دي

الله المستعان بس!

المُشكلة ..مشكلة إحساس بالنفخة

أول ما الواحد ياخد مكان فيهو مسؤوليه ولو غفير

طوالي يمارس السلطه بي طريقة خطأ

ويروحو فيها ناس انحنا المساكين ديل !
صورة العضو الرمزية
تائب
مشاركات: 954
اشترك في: الاثنين 2010.6.14 7:54 pm
مكان: فى ام طرق عراض

رد: قُصاصات ..واقعية

مشاركة بواسطة تائب »

يقين كتب:

قصاصة ..أولى





يوم "السبت":

-ألو

-أهلاً وسهلاً...عيادة دكتور "....."

-أنا "...." ... عندي مواعيد بكرة حابة أأكِدها وعايزة أعرف أجي الساعه كم

-لحظة ......

طيب يامدام ..تعالي لينا الساعة 12

-اتناشر اتناشر ولا الموضوع حيجر زي كل مره

-لا لا تعالي اتناشر شوكة وانا بدخلك

-طيب مع السلامه ولي بكره




/




اليوم التاني الأحد.."يوم المواعيد بذاتو"

الساعة 11:45 كنت جوة المكان


-سلام

-سلام

-ده الكرت ..ومواعيدي على 12

-معليش يامدام ..الدكتور كان عندو عملية وياداب جا ..


والناس الجو من الصباح ياداب دخل منهم اتنين


إنتظري حبه

-طيب

الساعة 2:10

-لسه ؟

لسه والله ... الناس الليله كتااار وفي كم حالة طارئة بنضطر نخششهم

-وبعدين؟

-الصبر طيب

-طيب ممكن اغير وأجي بكره؟

-لا لا ..بكره وبعد بكره عندو مؤتمر ..والأربع المواعيد ملانة ..لكن الخميس ضمان بختك نمرة واحد



[align=right]والساعه تسعه ..بتكوني معاهو[/align]

-جداً..يلا سلام

الخميس..9:00

-إزيك.."....." وينها؟؟

-عندهم عرس ما جات

-طيب"وعدت الموضوع تاني "..مواعيد ومفروض ادخل

-معليش بس ماف زول قال لي ومضطرة أدخل بالأسماء العندي ..ولو زول ما دخل بدخلك بدلو

-معقول لكن؟؟يعني اقعد سااي كده وما ضامنة بخش متين؟؟



[align=right]انا مآخدة إذن من الشغل للمرة التانيه خلال اسبوع[/align]


[align=right]شوفي لي طريقة ولو لأ ..السبت بيكون كويس بجيكم في العيادة المسا[/align]

-لا -لا الدكتور السبت ما شغال ..إلا الأحد

-طيب "لي هنا أنا ظريفة شديد".

.الأحد اللي هو بعد إسبوع كااامٍل الساعه 5:00

-أهلاً يامدام معليش والله اليوم داك نسيتك!!!!!

بالجد ما قدرت أسكت ..


يعني معقوله صحة الناس للدرجة دي ما فارقة معاها؟؟



وإتكهربت وإنفعلت


تنسيني ؟؟

ليه؟؟................!!

ومرقت حرقتي تبع الإسبوع الفات كلو ..وحردت المقابلة وكمان ما ناوية أمشي تاني من جديد!!


//



يلا ..أها

أسه هنا ..شن بفيدني الصبر ولا اللامبالاة ولا حتى تطويل البال القصر من كتر ما طولناه؟؟

أنا يمكن تجربتي أهون من ناس كتير

في زول تلقاهو شهر بيجي وما لاقي مواعيد ..

وناس تساسق بالمواصلات ..وتصل تدفع الوراها والقدامها ومسلسل المماطلة متتابع

ده غير ..إنو موظفة الإستقبال بتستقبلك بي تكشيرة..وتنهرك زي الكنك شافع صغير

والصحة ..دي آخر حاجة الناس بتستفهم عنها

غير لو دخلنا في موضوع القروش بتاعت الكشف ..الأدوية ..المواصلات ذاتها...الخ

الموضوع حيجر..والدوامة حتغرقنا

//

السوالب ..كتيرة

والغريب إنها ماشه من زيادة لي أزيد لي أزيد لي ازيد
وربنا يسترها

السؤال

البيوظف الناس ديل منو؟؟

الإختيار على أي أساس؟؟

وكيف تبقى المهنة الإنسانية الأولى تحت يد اللا إنسانيين؟؟

أسئلة لو جاوبناها صح ..وبدينا بي روحنا قبل التانين يخيل لي حاجات كتير حتختلف!




[align=left]شيماء[/align]

أختنا الغاليه
القالب الدرامى الذى صغت به تلك القصاصات كان مثل
الكبسول الذى يغلف لنا الدواء المر (الواقع المُر) ..
تصورى فى عيادة دكتور محترم قطعت الكهرباء رأيت
فنى المختبرات يفحص بنور الشمعه .. يعنى لو جات
الكهرباء يمكن يفحص لينا بدون ميكروسكوب بالعين
المجرده لولا نتانة العينات ..
بالله وين نحن فى ياتو ليل ..!!
صورة العضو الرمزية
يقين
مشاركات: 4114
اشترك في: الثلاثاء 2014.11.18 8:28 am
مكان: بين الواقع وكَمْ أحلام

رد: قُصاصات ..واقعية

مشاركة بواسطة يقين »

أخي العزيز ..تائب

مساك خير


،،

أممممم

عشان كده بقيت ما بستغرب شي

بس ده استهتار ما بعدو ..

أقل شي واللي بيعرفو اللي ما درس علوم بالأساس خلي طب او مختبرات

إنو العينات بدون ما يتوفر ليها الجو ال"مناسب" بتفسد

فده .. على قولتك الا يفحصا "بي عيونو"

الحمد لله غايتو .. ده غيض من فيض

وربنا يستر علينا وعلى اللي بيهمونا من "التهلكة" المجانية دي

سلمتَ
ام ساره
مشاركات: 187
اشترك في: السبت 2014.8.30 12:04 pm
مكان: الكاملين

رد: قُصاصات ..واقعية

مشاركة بواسطة ام ساره »

يا بت انتي شفتي حاجة انا قبل كده مشيت محل فحص بتاعة المعمل اخدت العينة مني وبنفس الاداه اخدت من زول تاني لمن سألتها طردتني وقالت لي انتي بتعرفي احسن مني
صورة العضو الرمزية
يقين
مشاركات: 4114
اشترك في: الثلاثاء 2014.11.18 8:28 am
مكان: بين الواقع وكَمْ أحلام

رد: قُصاصات ..واقعية

مشاركة بواسطة يقين »

ام ساره كتب:يا بت انتي شفتي حاجة انا قبل كده مشيت محل فحص بتاعة المعمل اخدت العينة مني وبنفس الاداه اخدت من زول تاني لمن سألتها طردتني وقالت لي انتي بتعرفي احسن مني
دي المشكله ..إنو لما تَقَومي .. طوالي ينعوِج كلامهم عليك

لو بس الزول بيرضى بالنصيحه .. كان اتغيرت حاجات أكتر

أم سارة

ما يكون الأداة بتاعتك زاتا "فحصوا" بيها لي زول تاني

ربنا المستعان بجد
صورة العضو الرمزية
مسلمة وافتخر
مشاركات: 9423
اشترك في: الخميس 2008.11.13 5:16 pm
مكان: حيث اكون نفسى

رد: قُصاصات ..واقعية

مشاركة بواسطة مسلمة وافتخر »

ههههههههه
الصراحة هم يبكى وهم يضحك
يعنى الواحد بقى يخاف يمشى المستشفى
بعد ما لينا غير العطارة
والله ما عارفة اضحك ولا ابكى
صورة العضو الرمزية
يقين
مشاركات: 4114
اشترك في: الثلاثاء 2014.11.18 8:28 am
مكان: بين الواقع وكَمْ أحلام

رد: قُصاصات ..واقعية

مشاركة بواسطة يقين »

قُصاصة ..2

المكان الأول..

بيت ناس أمي
الزمان

..قبل اربع سنوات.. مساءاً



/



زهجانه ..ومافي موضوع .. قلت اقلب التلفزيون حبه ..

وكالعادة اشوف قناة النيل الأزرق

لقيت برنامج.."مافي مشكلة" شغال وفي واحده بتتكلم وهم بيسمعوا ليها



"قصتا بي إختصار كالآتي

أهلها برة .. جات تدرس الجامعه في السودان ..

قاعدة مع ناس "صراحة لطول المده ما قادره اتذكر قالت اهلها ولا صاحباتا

اتزوجت زميلها "عرفي" .. وجابت بت .. والولد اتنكر ليها

لي هنا ..انا كنت نوعاً ما بقنع في روحي إنو حقيقة وبحاول أستوعب القصه

لكن الجزئية الحيرتني وخلتني أفتح "خشمي" قدر ده

لما قالت إنو المشكله اللي هي عايزه ليها حل



"البت توديها وين؟؟!



لأنو هي ما مشت اهلا فترة طويله وابوها قال ليها ياتجي ياأنا جايي

ولأنهم ما عارفين موضوع زواجا .. فهي غالبها تتصرف كيف

خاصةً إنو حاولت تودي الطفلة الملاجئ او دور الايتام وما قبلوا بيها

الحيرني اكتر
إنو قدر ما ساره ابو دي بي جاي بي جاي سألتا وحاولت تصل لي حل ..مافي

المهم أخدو مع الكنترول اخدو الرقم وقالو حيتصرفو

"لي اسه طبعاً نفسي أعرف .. الحصل شنو"

وده من وجهة نظري أهمَ شي لأنو ما ممكن معلقة لي كم سنه بي قصة آخرها زي ما بقولو لسه

طيب..

القصة أكيد معظمنا سمع بيها او قرأ عنها ..ده لو ما حضرا

وبوقتها ..كنت بشكك في مصداقية البت

لأنو تفاصيل كتيره ما وقعت لي في راسي

بس بلعتها ..بالغصب


لكن قصة شبيهه حصلت قبل قترة قريبة..

خلتني اقيف مع روحي شويتين

ما حآخدها من ناحية الدين لأنو ال"حرمة"
معروفة .. والشرع حكمو "باااااين

لكن تساؤلات بتمر في بالي حبيت نتشاركها

الزواج العرفي في الجامعات ..حقيقة ملموسة أم نغمة نشاز؟


الأهل آخر من يعلم بصدق أم البعض يمارس سياسة "دفن الرؤوس في الرمال "

وتجاهل الإشارات ثقةً في تربيتهِ أو إنشغالاً أو حتى ضعفاً من المواجهه ؟

والأهم

لماذا ..كُل القصص التي نسمع بها أبطالها من أبناء المغتربين او الأقاليم؟
"ودي الحاجة البتزعلني بجد"

لأنو في اللي درس في السودان وماكان همو غير قرايتو وما ليهو في الملمات


المسؤوليه ... على من تقع..؟

و..

المايقوما .. محطة توقف تحتاج للكثير من الحديث
خاصةً مع تزايد أعداد الأطفال "مجهولي النسب" ؟!



كلمة ..حق:

ليست جميعُ الأصابع .. مثل بعضها البعض !
صورة العضو الرمزية
يقين
مشاركات: 4114
اشترك في: الثلاثاء 2014.11.18 8:28 am
مكان: بين الواقع وكَمْ أحلام

رد: قُصاصات ..واقعية

مشاركة بواسطة يقين »

ذات الشجون كتب:
ههههههههه
الصراحة هم يبكى وهم يضحك
يعنى الواحد بقى يخاف يمشى المستشفى
بعد ما لينا غير العطارة
والله ما عارفة اضحك ولا ابكى

والله حبيبة .. ياهو الحاصل

لا تعرفي تبكي لا تعرفي تضحكي

والمُشكله إنو حتى ال"عطارين" بقيتي ما بتضمني حاجاتهم ..إلا من رحم ربي
صورة العضو الرمزية
شذي زهر
مشاركات: 5554
اشترك في: السبت 2012.4.14 10:00 pm
مكان: السودان

رد: قُصاصات ..واقعية

مشاركة بواسطة شذي زهر »

ذات الشجون كتب:
ههههههههه
الصراحة هم يبكى وهم يضحك
يعنى الواحد بقى يخاف يمشى المستشفى
بعد ما لينا غير العطارة
والله ما عارفة اضحك ولا ابكى
والله صاح ي ذاتو
انتي عارفه انا لما ادخل غرفه الفحص دي ....بزهجهم شديد
تلقاني أسأل ...وينا العينه حقتي .....واتاكد أن اسمي مكتوب عليها ......ولازم اتأكد أن اسمي او
أن الرقم الذي في ورقه الفحص. ..هو نفسه الموجود علي وعاء.العينه
ومش كده وبس...لازم اتاكد أنهم. مرفقات ببعض ..في انتظار الفحص
حتي بعد كده...اطلع
والحمدلله
صورة العضو الرمزية
تائب
مشاركات: 954
اشترك في: الاثنين 2010.6.14 7:54 pm
مكان: فى ام طرق عراض

رد: قُصاصات ..واقعية

مشاركة بواسطة تائب »

أختنا العزيزه دائماً يقين
قرأت موضوع عيال المغتربين والإنحرافات السلوكيه
والزواج العرفى هو أهونها .. فهو زواج على اية حال
بس أنا بتصور إدارة البرنامج قد تختلق مثل تلك
القصص كوقايه احترازيه لصد الشباب من اللجؤ الى
مثل تلك الممارسات ..
طبعاً أعجبت بالدراما التى صورت بها بنات الاستقبال
واصطحبنا معها ممارسات (فنى المختبرات) والهمجيه
فى التعامل مع المريض ... بس يا ريت لو دخلتى على
الدكتور جوا .. وهو أس البلاء حينما إختار بت الإستقبال
النكديه .. وقبل نتائج الفحص بتلك العشوائيه .. وقصصوا
هو خليها براها ..
تصورى دكتور كتب لفقيره ثلاثه علاجات لإبنها المريض
قيمتها 27جنيه .. أشفق عليها الصيدلى واعطاها البديل
فتيل واحد يعالج الكحه والرشح وخافض للحراره ب12
جنيه .. بالكاد قدرت تدفعها ؟؟
ليه عمل الطبيب كده ؟؟ لأنو عندو نسبه فى الأدويه
- كتب دكتور لاخر دواء ب 140جنيه البديل بتاعو ب
72جنيه والفرق بس فى سرعة امتصاص الجسم للدواء
ممكن الفرق يكون دقائق ..
أضف رد جديد

العودة إلى ”حوارات جادة“