يا....زول

يشمل القصائد الشعريه , الشعر الشعبى , الحلمنتيش , والدوبيت .

المشرف: بانه

أضف رد جديد
صورة العضو الرمزية
ام اسامه
مشاركات: 1670
اشترك في: الأحد 2014.3.2 9:05 am
مكان: الخرطوم

يا....زول

مشاركة بواسطة ام اسامه »

قصيده روعه من شاعر سوداني نادي علي احد الاخوة العرب بيا(زول) فرد عليه باستياء انا مش (زول)..فرد شاعرنا ::
انا الغلطان تقول لي زول
بقول ليك زول
مالو الزول
وانت بتعرف ايه للزول
سخيف وجهول
كمان زعلان
خلاص ياسيدي انا غلطان
شطحت وكنت فاكرك زول
الزول الماهو عاجبك ده
الله الخلقو خلقو كده
سمرة لونو من طينو
يبقي الفرق بينك وبينو
انو نضيف وابيض قلبو
عارف قدرو شاكر ربو
ساتر عرضو ماسك دينو
مخلص امين وديع ورزين
حشيم القول بديعو رصينو
اسد في الحارة
لا بختاك ولا برجاك تجيو في عرينو
اكان بي حدرة بادرتو
بتلقاك بي عترة
ويستناك تقول الروب
قبل ما يشممك سكينو
ياتوب يا بوسدك الطوب
والراجل يحمر عينو
كمان بي كلمه بتخاويهو
وبي بسمه بجيك خيرو
لا بتقدر تعيش من دونو
لا بتختاهو لي غيرو
زول الماهو عاجبك ده
بلا توجيه ولا تعليم
اديب وفهيم
هميم وكريم
وفطرة ربو من خلقو
لا فتان ولا خوبيتاه
لا فتان ولا خوان
اخو اخوان
بكفي الالف والالفين من الضيفان
زول الماهو عاجبك ده
يوم تحتاجلو بتلاقيهو
اكان ورطان وكان جيعان
وكان وجعان وكان سجمان
قبل تتاوه وتناديهو
يمين في اقل من برهة
وبين مد الالف والها
قبل ناسك يجيك حفيان
يضمد جرحك ويداويهو
ده جمل الشيل
دخري الحوبة فارس العتمة ساري الليل
لبيب وذكي ونجيب بالحيل
فهيم فهما يهد الحيل
تقول لي ما فهمت عليك عيد القلتو لي تاني
واجيب فهامة عاد من وين
كلامي القلتو الماني؟
اخير ليك تمش تختاني
وتنسي الزول وتنساني
وفوت قبال تعاديني
واقول اللوح ده عاداني
ويكفي الزول ويكفيني
اني وانو...............
سوداني....
صورة العضو الرمزية
الماسة الخماسية
مشاركات: 5439
اشترك في: السبت 2010.4.3 2:09 pm
مكان: مكان

رد: يا....زول

مشاركة بواسطة الماسة الخماسية »

شعرجميل حقيقى _أم أًسامة إختيار موفق

وكلنا إلى زوال ويبقى من خلق الخلق


سلمت أياديك يا زولة يا الذوق
صورة العضو الرمزية
ام اسامه
مشاركات: 1670
اشترك في: الأحد 2014.3.2 9:05 am
مكان: الخرطوم

رد: يا....زول

مشاركة بواسطة ام اسامه »

ممتنة لمرورك الانيق عزيزتي ست الذوق الماسة
صورة العضو الرمزية
ابو الملكات
مشاركات: 942
اشترك في: الثلاثاء 2008.7.29 6:16 pm
مكان: الامارات

رد: يا....زول

مشاركة بواسطة ابو الملكات »

نعم ياهو الزول ما اصلو الزول سمح بلحيل
شكراً يارائعه ياسودانية اصلية يا بت بلدي
كل الود
صورة العضو الرمزية
ام اسامه
مشاركات: 1670
اشترك في: الأحد 2014.3.2 9:05 am
مكان: الخرطوم

رد: يا....زول

مشاركة بواسطة ام اسامه »

ابو الملكات كتب:
نعم ياهو الزول ما اصلو الزول سمح بلحيل
شكراً يارائعه ياسودانية اصلية يا بت بلدي
كل الود
دخري الحوبة فارس العتمة ساري الليل
اكيد هي صفاتك ايها الزول الاسمر الجميل
ولو ما كنت من زي ديل
وآاسفاي وآمآساتي وآذلي
سرني مرورك ابو الملكات
يديك الف عافية
صورة العضو الرمزية
بانه
مشاركات: 11781
اشترك في: الأحد 2012.10.14 7:37 pm
مكان: ارض الله الواسعة

رد: يا....زول

مشاركة بواسطة بانه »

ام اسامه مشكور علي الاختيار الرائع

يديك العافيه

happy0005.gif happy0005.gif
ابراهيم عباس
مشاركات: 454
اشترك في: الاثنين 2011.4.18 5:12 pm
مكان: السودان الكاملين كلكول

رد: يا....زول

مشاركة بواسطة ابراهيم عباس »

حقيقة اعجبنى هذا الكلام الجميل ومن كتب مثل الكلام سودانى اصيل
لك كل الشكر والتقدير
صورة العضو الرمزية
ام اسامه
مشاركات: 1670
اشترك في: الأحد 2014.3.2 9:05 am
مكان: الخرطوم

رد: يا....زول

مشاركة بواسطة ام اسامه »

ابراهيم عباس كتب:حقيقة اعجبنى هذا الكلام الجميل ومن كتب مثل الكلام سودانى اصيل
لك كل الشكر والتقدير
وديل اهلي
ولو ما جيت من زي ديل وآسفاي
وآماسآتي وآذلي
تصور كيف يكون الحال لو ماكنت سوداني
واهل الحارة ما اهلي
اخي ابراهيم
سرني مرورك الرائع
صورة العضو الرمزية
ميرفابي
مشاركات: 2865
اشترك في: الخميس 2015.1.15 10:56 pm
مكان: بين الخرطوم وبورتسودان

رد: يا....زول

مشاركة بواسطة ميرفابي »

بصمات خااااصة لكِ
انه الجمال بحد ذاته
ان اجدكِ تضيفي على المكان رائحة الزهور .. وأكثر
بهذا التواجد العطر
دمتي بحفظ الرحمن
صورة
صورة العضو الرمزية
يوسف مدير
مشاركات: 972
اشترك في: الجمعة 2011.2.11 7:11 am
مكان: السودان - ربك

رد: يا....زول

مشاركة بواسطة يوسف مدير »

السوداني شخصية أصيلة في أي مكان ....
والسوداني اتحدى العالم كلو لو قال ليك عندي مشكلة مع سوداني ...
الاصل والذوق
الكرم والجود
وارثو من آآبا وجدودها
والنخوة والمروءة
الشجاعة فايتها حدودها
تقول لي ما عرفت شنو يعني يا زول ؟؟؟
واحدنا بس بيغلب مية
وحرووومنا ان جاطت بترمي عمارة
ديل ناسا ما بتعرفهم الا في الضيقة والحاارة
والبيديك ما بيحسب ويقوللك كم
ولا بيعرف شنو العندك يقول حرررم
تعال يا زول
هو وكتين قال يا زول حسبك زول
اتاريكا كجول ؟؟؟ !!!
الخواجا اب لسانا اعوج عرف معناتا
وانت العريبي ما قدرت تفرز دي في اللغات ياتا؟؟؟؟
حليلك يا سليل القوم ...
حليلك
كان جابوك للخرتوم
او مرة شفت ديوم
ولا لعبت في المردوم
او دقووك ام دلدوم
لامن رقدت ليك كم يوم
كنت عرفت
ناس فطينة وكمان مريوم
وناس عاشة بنات فطوم
وكنت حلفت يمين الله
ما تمشي
ولا في بلدا يعرف قيمة الانسان
زي بلادنا الناسا طيبين حُنااان
ردك وجعني بالحيييل يا هذا
وبقيت اسأل ليش يعني لماذا
هسة كلامنا ده رطين ؟؟
ولا البتقولوهو في بطن اللغات مفهوم؟؟؟
شيتا عربي
وشيتا عبري
وشيتا تاني لاتيني
ويقولك انا ما زول !!!
نااان آآآآآ الزويل وكتين رقوك وسووك زول
احمد الاله ما ناداك يا انت يا مجهول
كلامك اوزن دروبو
واعرف نضمك
شان ما تغلط
وتفضح روحك
موااااهب ...
اختيار راقٍ من شخصية راقية تعرف كيف تنتقي ...
احييكِ على هذه اللوحة المعبرة ..
صورة العضو الرمزية
مرسال الشوق
مشاركات: 14746
اشترك في: الاثنين 2009.11.2 3:49 pm
مكان: عارفني منــــــــــــــك

رد: يا....زول

مشاركة بواسطة مرسال الشوق »

ياسلام ..... كفي ووفاء



لو ما جيت من زي ديل..
كان أسفاي وآ مأساتي وآ ذلــى
تصور كيف يكون الحال
لو ما كنت سوداني وأهل الحارة ما أهلي
تصور كيف يكون الحال؟
آصال خاطر
مشاركات: 26
اشترك في: الأحد 2015.11.1 7:32 pm
مكان: مصر
اتصال:

رد: يا....زول

مشاركة بواسطة آصال خاطر »

قصيدة رائعه جدااااااااااااا
أضف رد جديد

العودة إلى ”همس القصيد“