طبعا كلنا حضرنا الكثير من الاعراس والحفلات الخاصة بنا نحن السودانيين
ولكن توجد هناك بعض العادات التي تتخلل هذه الاعراس انا عايز اعرف رأيكم فيها
وطبعا دا جزء من هذه العادات ماكلها
1 - مارأيك في الحفلات المختلطة للعرس السوداني واختلاط الرجال بالنساء وطبعا النساء باحلي ازيائهم واخر تبرج ( هل هذا يجوز دينيا ) او نحنا بنكون عارفين ومنطشين ؟؟؟
2 - الجلد بالسوط لبعض القبائل السودانية او بالاحري اغلبية قبائل السودان يجلدو بالسوط فى الاعراس
3 - الضريرة والقصد منها ؟؟؟
4 - العريسين يشربوا حليب وكل واحد يبخ علي التاني
5 - حنة العريس ليه العريس يتحنن ؟؟؟
ارجو منكم التفاعل وابداء رأيكم بكل صراحة
.
.
.
وان شاء الله حياتكم دائما افراح وبهجة وسرور
على فكرة بالنسبة للعادات انا بشوف ان من الطبيعى انو كل دولة بيكون عندها حاجة بتميزها
فبالنسبة للجلد بالسوط وشرب الحليب تلاشت هذه العادات على ما اعتقد لانى اراها فيها جهل شديد وليس لها اى هدف
اما بالنسبة لحنة العريس(دى الشئ المميز عند السودانيين وهى غير مكلفة ومافيها بوبار ولذلك اتمنى ان لاتتلاشى هذه العادة ابدا لان الحداثة لاتتقيد بالعادات والتقاليد احيانا
واما ليه العريس يتحنن (لانها عادة تعودنا عليها على الرقم من انها قد تبدو للبعض ليس لها اهمية ولكن الزواج له طقوس خاصة ونحن نعتز بحنة العريس)
اما العرس المختلط فنحن فى السودان(وده الغالب) بيكون مكان الرجال براهوا والنساء ايضا وحتى لو كان مختلط (يعنى ذى نظام الصالات المغلقة )فما بشوف فيهو مشكلة اذا كان هنالك لبس محترم
ولكن ماتقصده من لبس خليع هنا المشكلة ودى البقت ظاهرة واضحة وبشوفها تجاوز شديد يعنى حتى العروس نفسها ممكن تلقاها لابسة فستان ممكن هى نفسها مابتقدر تلبسوا فى البيت قدام ابوها واخوانها ولكن قلة الايمان هو ما يصور لها ان من حقى ان اتعرى يوم العرس كما اريد حتى وان تجاوزت الحدود والعرف
zaina كتب:على فكرة بالنسبة للعادات انا بشوف ان من الطبيعى انو كل دولة بيكون عندها حاجة بتميزها
فبالنسبة للجلد بالسوط وشرب الحليب تلاشت هذه العادات على ما اعتقد لانى اراها فيها جهل شديد وليس لها اى هدف
اما بالنسبة لحنة العريس(دى الشئ المميز عند السودانيين وهى غير مكلفة ومافيها بوبار ولذلك اتمنى ان لاتتلاشى هذه العادة ابدا لان الحداثة لاتتقيد بالعادات والتقاليد احيانا
واما ليه العريس يتحنن (لانها عادة تعودنا عليها على الرقم من انها قد تبدو للبعض ليس لها اهمية ولكن الزواج له طقوس خاصة ونحن نعتز بحنة العريس)
اما العرس المختلط فنحن فى السودان(وده الغالب) بيكون مكان الرجال براهوا والنساء ايضا وحتى لو كان مختلط (يعنى ذى نظام الصالات المغلقة )فما بشوف فيهو مشكلة اذا كان هنالك لبس محترم
ولكن ماتقصده من لبس خليع هنا المشكلة ودى البقت ظاهرة واضحة وبشوفها تجاوز شديد يعنى حتى العروس نفسها ممكن تلقاها لابسة فستان ممكن هى نفسها مابتقدر تلبسوا فى البيت قدام ابوها واخوانها ولكن قلة الايمان هو ما يصور لها ان من حقى ان اتعرى يوم العرس كما اريد حتى وان تجاوزت الحدود والعرف
الاخت زينه اولا شكرا لمرورك
وثانيا انا اوفقك الرأي بانه لكل دوله عاداتها وتقاليدها فى اعراسها
ولكن فى بعض الاحيان هذه العادات تتجاوز الحدود
بالنسبة لموضوع الجلد بالسوط وشرب الحليب لم تتلاشي نهائيا ومازالت تستعمل الي الآن
وانا لا انكر لنا نحن السودانيين عاداتنا السمحه فى الاعراس وفى غير الاعراس
ولكن كونه اعراسنا فى السودان ما مختلطة فانا اخالفك الرأي
الاغلبية اعراسنا مختلطة بالمعني الاصح ( الحفلة )
اما عن حنة العريس الا ترين انهنوع من التشبه بالنساء
واوافقك الراي في اللبس الغير محتشم سواء كان ذلك الذين يحضرون العرس او العروس نفسها
والله شيء مخجل جدا وخارج عن عاداتنا وديننا
زينه شكرا لمرورك وتعقيبك ويعطيك العافية
والله عادتنا في العرس حلوه الا بعضها يعني زي الجلدده يعني ما حلوه مفروض تنتهي
اما الحنه فحلوه شديد بس الاختلاط ده ما حلو وغيرو مفروض نحافظ على الجميل من عاداتنا لانها بتميزنا
تقبل مروري
bet-handasa كتب:والله عادتنا في العرس حلوه الا بعضها يعني زي الجلدده يعني ما حلوه مفروض تنتهي
اما الحنه فحلوه شديد بس الاختلاط ده ما حلو وغيرو مفروض نحافظ على الجميل من عاداتنا لانها بتميزنا
تقبل مروري
بت هندسه
شكرا لمرورك الكريم واتمني ان نحافظ علي جميل عاداتنا
بصراحة انا معاك في كلامك يا اخ معتز و شكرا ع مواضيعك الحلوة ...
بالنسبة للخلط في العرس ما حلو لانو كتير من البنات ما بلقوا راحتهم يمكن عشان انا في مجتمع خليجي و بشوف الاعراس هنا من غير خلط بلقوا راحتهم .
و الجلد بالسوط شي غير هادف بس .
و الضريرة ما عارفة شنو الاستافدة منها انا شايفاها ماليها معني اساسا لو ليها معني قول لي .
الحنة دي ما مشكلة الرسول (ص) كان بتحنن لكن السودانيين عملوها عادة ليهم في المناسبة دي و ليه ما عارفة .
ليالي كتب:بصراحة انا معاك في كلامك يا اخ معتز و شكرا ع مواضيعك الحلوة ...
بالنسبة للخلط في العرس ما حلو لانو كتير من البنات ما بلقوا راحتهم يمكن عشان انا في مجتمع خليجي و بشوف الاعراس هنا من غير خلط بلقوا راحتهم .
و الجلد بالسوط شي غير هادف بس .
و الضريرة ما عارفة شنو الاستافدة منها انا شايفاها ماليها معني اساسا لو ليها معني قول لي .
الحنة دي ما مشكلة الرسول (ص) كان بتحنن لكن السودانيين عملوها عادة ليهم في المناسبة دي و ليه ما عارفة .
الاخت ليالي شكرا لمرورك الرائع الذي اسعدني كثيرا
الضريرة دي مجموعة من الارياح مختلطة مع بعض وتستعمل فيها المحلب ولها عدة اشكال
وانا معاك ماشايف ليها ا ي معني غير انهم بيقولو يعملوها عشان قطع الرهد
ثانيا انا من راي ما شايف أي حاجة كعبة في عادات الزواج السوداني حتى لو كان الاختلاط لأنو هو يوم واحد الناس بتبتهج فيهو ... بعدين اكتر الزواجات البتحصل بتكون عن طريق الاعراس ده فلان شاف فلانة وعجبته ومشى اتقدم ليها ... إلخ
بالنسبة للجلد والحليب ... ده عادات شبه مختفية
والحنة ده من سنن الرسول : عن أبي ذر رضي الله عنه أحن رسول الله صلى الله عليه وسلم قال: (إن أحسن ما غيرتم به الشيب، الحناء والكتم) رواه الترمذي وقال حديث صحيح .
ثانيا انا من راي ما شايف أي حاجة كعبة في عادات الزواج السوداني حتى لو كان الاختلاط لأنو هو يوم واحد الناس بتبتهج فيهو ... بعدين اكتر الزواجات البتحصل بتكون عن طريق الاعراس ده فلان شاف فلانة وعجبته ومشى اتقدم ليها ... إلخ
بالنسبة للجدلد والحليب ... ده عادات شبه مختفية
والحنة ده من سنن الرسول : عن أبي ذر رضي الله عنه أحن رسول الله صلى الله عليه وسلم قال: (إن أحسن ما غيرتم به الشيب، الحناء والكتم) رواه الترمذي وقال حديث صحيح .
تقبل مروري .. تحياااااااااتي
اخي ود الجزولي شكرا لمروك الكريم وتعقيبك
ولكن انا اخالفك الرأي فى عملية الاختلاط دي علي الاقل من الناحية الدينية
وشايفك ماعلقت علي الضريرة ؟؟؟
ود الزوحي الشكر لك من جديد
والله نحنا نتمني انه عندنا نحنا السودانيين عادات يحسدونا عليها كل الجنسيات الاخري
لذلك نتمني ان لا تشوه بعض العادات هذه الصورة الجميلة
ونتمني انه نحافظ علي عاداتانا السمحة ونترك العادات الاخري
والي الامام دوما
ثانيا انا من راي ما شايف أي حاجة كعبة في عادات الزواج السوداني حتى لو كان الاختلاط لأنو هو يوم واحد الناس بتبتهج فيهو ... بعدين اكتر الزواجات البتحصل بتكون عن طريق الاعراس ده فلان شاف فلانة وعجبته ومشى اتقدم ليها ... إلخ
بالنسبة للجلد والحليب ... ده عادات شبه مختفية
والحنة ده من سنن الرسول : عن أبي ذر رضي الله عنه أحن رسول الله صلى الله عليه وسلم قال: (إن أحسن ما غيرتم به الشيب، الحناء والكتم) رواه الترمذي وقال حديث صحيح .
تقبل مروري .. تحياااااااااتي
تعال ياود الزوحي
أنت بتفتى على كيفك ولاشنو ؟؟؟
الرسول صلى الله عليه وسلم قال غيروا الشيب بالحناء كما ذكرت ,, وليس أن يتحنن الرجل كأنه أمرأة وهذا من التشبه بالنساء الذى حرمه الاسلام ,,
وبعدين أراك تجوز الاختلاط ,, وتعلله بأنه يوم واحد ,,!! يأخى أتق الله فو الله أن ماتكتبه فأنه محسوب عليك كلما قرأه أنسان!!
وكل عادات الزواج عندنا مخالفه للشرع الحنيف ,, إبتدا من لبس العريس ل,,لحرير ,, وهلال الذهب الذى حرمهما الله بصريح الآيات فى القرآن الكريم ,, مرورا برقصة العروس الخليعه ,, والاختلاط , والبزخ ,, وحنة العريس ,, الذى يتحول فيها الرجل كالمرأة , وهذا من التشبه المحرم ,, وخاصه إن الحنه تأخذ وقتا طويلا حتى تزول آثارها[/size]
انا بتعجبني شديد كل عاداتنة في العرس صح هي حاجات ممكن تكون غلط بس ماكلها غلط والحلو إنو عاداتنا مختلفة عن عادات أي عرس تاني يعني حاجة خاصة بينا إحنا بس
همسة حنين كتب:انا بتعجبني شديد كل عاداتنة في العرس صح هي حاجات ممكن تكون غلط بس ماكلها غلط والحلو إنو عاداتنا مختلفة عن عادات أي عرس تاني يعني حاجة خاصة بينا إحنا بس
شكرا لمروك الكريم ياهمسة حنين
لقد اسعدني مرورك كثيرا