دوبيت ونمه

يشمل القصائد الشعريه , الشعر الشعبى , الحلمنتيش , والدوبيت .

المشرف: بانه

أضف رد جديد
صورة العضو الرمزية
العشاري
مشاركات: 183
اشترك في: الأحد 2009.4.26 12:34 am
مكان: اسكوتلندا

دوبيت ونمه

مشاركة بواسطة العشاري »

رايكم شنو يا رايقين لو شويه نهبش الدوبيت والنم ونمشي رحله لي اهلنا في البطانه و الشكريه وكل القبايل السودانيه
ونسمع شويه دوبيت ونم في ضل الشجر والرواكيب ونحكي كم قصيده فوق الابل والطبيعه والكرم والحماس
وبيتين تلاته فوق السمحات المكسراتننا ومرقداتننا خيوط


ابدا ليكم بي نمه




دي لي فلانه هي عارفه نفسها


ليه عاشق المدلل وبيه شن داير
والمحيا المتل قمر العشاء الداير
والديس الغزير لي قامتا يضاير
تجيك بي عجن وتقولك شن داير
رحماك يا عشوق طاش الفكر حاير
يا ناس الله لي
الجرحو نوسر بي
غور في الضمير وفوق قلبي خلف الكي
يا ناس الله لي
تنبش
مشاركات: 289
اشترك في: الاثنين 2009.1.26 11:25 pm
مكان: السودان

رد: دوبيت ونمه

مشاركة بواسطة تنبش »

تسلم على الموضوع الرائع
ولك التحايا والود
ما قلنا مافي واحدة الكلام ده لي منو
يا ولد احسن ليك
مشتاقين
تحياتي
صورة العضو الرمزية
العشاري
مشاركات: 183
اشترك في: الأحد 2009.4.26 12:34 am
مكان: اسكوتلندا

رد: دوبيت ونمه

مشاركة بواسطة العشاري »

تنبش يا لذيذ
وين غاطس حمد لله علي السلامه
الكلام دا لي واحده كدا
أضف رد جديد

العودة إلى ”همس القصيد“