السودان بعيون مغتربة ( يوجد حنين للوطن)

المشرف: بانه

صورة العضو الرمزية
ابن عوف
مشاركات: 7729
اشترك في: الخميس 2008.6.19 7:51 pm
مكان: وسط اهلى الطيبين وسمحين

السودان بعيون مغتربة ( يوجد حنين للوطن)

مشاركة بواسطة ابن عوف »

السلام عليكم ورحمة الله يا اجمل اعضاء
طبعا العنوان واضح والغربة فرقتنا من الوطن كل علي حسب ظرفه بعض جاء للغربة وتزوج هنا وانجب

فى الغربة وهذا سوف يكون تواصل اجيال

مدخل
غريب وحيد فى غربتو
حيران بكفكف دمعتو
حزنان يغالب لوعتو
ويتمنى بس لى اوبتو
طال بيه الحنين
فاض بيه الشجن
واقف يردد من زمن



وانا ايضا هنا اردد وحنيت لاشياء فى الطفولة وكانت لنا ايام مرح شقاوة يمكن يتشابه هذا البوست مع بوستات اخرى

ونبدا بالطفولة وهناك العاب كن نلعبها فى الطفولة وبدات تندثر وحاحكى عن ايام الطفولة الجميلة واكيد هنا شاركنى فيها اعضاء كثر اتمنى منهم ان يشاركونى بزكرياتهم واعتقد انه جيلنا نحن ختام لجيل جميل

سوف استحضر شئ من الطفولة واجيكم على رواقة
صورة العضو الرمزية
ابن عوف
مشاركات: 7729
اشترك في: الخميس 2008.6.19 7:51 pm
مكان: وسط اهلى الطيبين وسمحين

رد: السودان بعيون مغتربة ( يوجد حنين للوطن)

مشاركة بواسطة ابن عوف »

انتو الـ 11 الدخلو ديل واحد ما عنده تعليق يعنى نعمل شنو




يديكم العافية
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: السودان بعيون مغتربة ( يوجد حنين للوطن)

مشاركة بواسطة waya »

[grade="00008B FF6347 008000 4B0082"] يا عمنا " ود ابنعوف " تعال أحكي زمنكم الحلو ده ,,, ثمح ..


بتعرف " تح تح "[/grade]
صورة العضو الرمزية
احساس الكون
مشاركات: 847
اشترك في: السبت 2007.8.25 9:40 pm
مكان: ليبيا
اتصال:

رد: السودان بعيون مغتربة ( يوجد حنين للوطن)

مشاركة بواسطة احساس الكون »

[grade="00008B FF6347 008000 4B0082"]ود ابنعوف مشكور على الموضوع الجميل بس الله غالب الواحد مجبور يعمل شنو من ونحن فى سن الطفوله خارخ السودان حتى الان الواحد ما قادر يرجع اشن الاصدقاء والله اصدقاء الطفوله ما بيتعوضو صح ولا [/grade]
صورة العضو الرمزية
ابن عوف
مشاركات: 7729
اشترك في: الخميس 2008.6.19 7:51 pm
مكان: وسط اهلى الطيبين وسمحين

رد: السودان بعيون مغتربة ( يوجد حنين للوطن)

مشاركة بواسطة ابن عوف »

waya كتب:[grade="00008B FF6347 008000 4B0082"] يا عمنا " ود ابنعوف " تعال أحكي زمنكم الحلو ده ,,, ثمح ..


بتعرف " تح تح "[/grade]


مشتاقين يا خ


اخبارك عامل شنو

زمنا طبعا بعد زمنكم انتم كان زمنكم قاسى :D


بعرفدى لعبة كنتو بتلعبوها مع ناس ابوي صاح :040:
صورة العضو الرمزية
ابن عوف
مشاركات: 7729
اشترك في: الخميس 2008.6.19 7:51 pm
مكان: وسط اهلى الطيبين وسمحين

رد: السودان بعيون مغتربة ( يوجد حنين للوطن)

مشاركة بواسطة ابن عوف »

احساس الكون كتب:[grade="00008B FF6347 008000 4B0082"]ود ابنعوف مشكور على الموضوع الجميل بس الله غالب الواحد مجبور يعمل شنو من ونحن فى سن الطفوله خارخ السودان حتى الان الواحد ما قادر يرجع اشن الاصدقاء والله اصدقاء الطفوله ما بيتعوضو صح ولا [/grade]
نحن جيلنا دا جيل واقع فى النص عاصرنا القديم وتمتعنا فى اللعب

اليوم كان يمر جميل جدا


وشكرا للمرور الرائع
صورة العضو الرمزية
الهايم
مشاركات: 704
اشترك في: الأحد 2009.5.17 12:08 am
مكان: وادي الهيام @ مدينة الحب
اتصال:

رد: السودان بعيون مغتربة ( يوجد حنين للوطن)

مشاركة بواسطة الهايم »

تسلم ياخليل منتظرنك قلت بتزل شي من لعباتكم دي دايرين نشوف ابواتنا كيف كانو بيلعبو
هههههههههههههههههههههههههه

تحياتي ومروري يا أخ العرب
صورة العضو الرمزية
ابن عوف
مشاركات: 7729
اشترك في: الخميس 2008.6.19 7:51 pm
مكان: وسط اهلى الطيبين وسمحين

رد: السودان بعيون مغتربة ( يوجد حنين للوطن)

مشاركة بواسطة ابن عوف »

الهايم كتب:تسلم ياخليل منتظرنك قلت بتزل شي من لعباتكم دي دايرين نشوف ابواتنا كيف كانو بيلعبو
هههههههههههههههههههههههههه

تحياتي ومروري يا أخ العرب
اخى وحبيبي فى الله الهايم

كم اسعدنى ترك بصماتك هنا

الطفولة شئ جميل البراءة هى انقى وابيض مرحلة من العمر

وفى هذا البوست ان شاء الله سوف امر بمراحل حياتنا الى محطتنا هذة

ودمت بود
صورة العضو الرمزية
نهر المحبه
مشاركات: 6170
اشترك في: الجمعة 2009.5.29 6:15 pm
مكان: في ارض الله الواسعه

رد: السودان بعيون مغتربة ( يوجد حنين للوطن)

مشاركة بواسطة نهر المحبه »

والله الله يرحم ايام زمان مازمان شديد
هوووووووي انا ماعجوز
لكن كنا بنلعب لمن كنت صغيره بلعب في الموكيت .ماما لبستني الجزمه والتي شيرت
طبعا انتو عارفين الباقي
وفتحي يا ورده
المهم انتو كنتو بتلعبو كيف
صورة العضو الرمزية
ابن عوف
مشاركات: 7729
اشترك في: الخميس 2008.6.19 7:51 pm
مكان: وسط اهلى الطيبين وسمحين

رد: السودان بعيون مغتربة ( يوجد حنين للوطن)

مشاركة بواسطة ابن عوف »

نواصل

مدخل اخر

وينو صوت الساقية

الكان بشق الليل

وين نخيل الرامى

الظلال فى النيل

وينو وين زوبيقنا

الكانو منو نشيل

وين جداول الموية

الجارية زى السيل

يابحر حلتنا فى رمال الذكري

لابتشيل الموجة ولا بتفارق الفكرى


هكذا الزكريات الحلوة تظل عالقة فى الاذهان العاب اندثرت بقت ذكرى جميلة تداعبنا اطيافها


كنا نتجمع اطفال الحى منذ الصباح بعد مانشرب بالقيمات فى ساحة الفريق ونبدا المرح واللعب واى ساعة

زمن كانت عندنا لعبة معينة واللعب فى مناطق بختلف من المدينة للقرية كنا نلعب خرط البلى او خرط

الفلل وهى طبعا اغطية زجاج البيبسي وهذة كانت تعتمد على الماهر فى الصيد والضاربو قوى وبعضهم

يمتلك الجلة وهى الرمان الكبير من اطارات اللورى وهذة غالبا ما يمتلكها الولد العندهم لورى او ابوهـ

مكانيكى والبضرب اكبركوم هو الفائز وانا شخصيا ما كان لى فيها حظ وهكذا يمر اليوم ونحن نلهو

ونلعب ونطط الى وقت الفطور ودى احلى حاجة نتجمع اولاد الفريق واى واحد يجيب فطورهـ

والفطور يتكون من كسرة رهيفة معها طماطمات وبصل وزيت وملح وزيت سمسم تعجنهاودى ما بتعدى

الا فيها مقالب كتيرة ومضحكة ويمر اليوم كله متعة


ويتبع
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: السودان بعيون مغتربة ( يوجد حنين للوطن)

مشاركة بواسطة ود الزوحي »



يا سلام عليك .. يا ابنعوف ..

حركت فيني حتات مضت .. كادت تكون اتنست ..

أتذكر ليك وألا شنـــو .. كلو والله كان جميل ..

حليل زمن الصبا .. الماضي وحليل زمن الحياة الدافــــــــــي
صورة العضو الرمزية
ابن عوف
مشاركات: 7729
اشترك في: الخميس 2008.6.19 7:51 pm
مكان: وسط اهلى الطيبين وسمحين

رد: السودان بعيون مغتربة ( يوجد حنين للوطن)

مشاركة بواسطة ابن عوف »

ود الزوحي كتب:


يا سلام عليك .. يا ابنعوف ..

حركت فيني حتات مضت .. كادت تكون اتنست ..

أتذكر ليك وألا شنـــو .. كلو والله كان جميل ..

حليل زمن الصبا .. الماضي وحليل زمن الحياة الدافــــــــــي
رفيقى الغالي
يلا كب لينا ذكرياتك هنا عشان بعض الاعضاء يستفيدو من الموروثات الى كاد تندثر ونعمل ترابط اجيال

والعاب منطقنكم كانت كيفى وتسمياتها


زقاق

اسعدنى مروركـ واكون سعيد لو كتبت لينا ذكريات الطفولة [/size]
الدلوعة
مشاركات: 160
اشترك في: الثلاثاء 2009.3.17 3:56 pm
مكان: الخرطوم الرياض

رد: السودان بعيون مغتربة ( يوجد حنين للوطن)

مشاركة بواسطة الدلوعة »

والله ذكرتنى حاجات كثيرة ايام الطفولة
طبعا انا كنت زمان شقيه جدا ومن لالعاب اللعبتها لعبة انو اىواحد يختبى فى اى محل والبعروفو مكانو بعاقبوه وانا كنت دائما اول زول بلاقوها وهاك ياعقوبات مرة اشيل اى زول فيهم ومره يجلدونى ومرة امشى اترسل اى مرسال ومرة يشربونى اللبن وطبعا انا اكثر حاجة بكرهها شرب اللبن المهم العقوبات كانت دائما بتكثر لى فى مره من المرات قلت لازم اتخبى فى محل مافى زول يلاقينى فيهو واختبيت فى دولاب امى كانت بايعاهو وخاتنو برة ومستنين المشتريهو يجى ياخذو وانا كنت يوميها خفيفه وانا فى الدولاب هذا اشعر ليك انى فوق يعنى شايلنى وبعدها بديت اضرخ وبعدداك العمال رمو الدولاب وانا فى الارض ويدى اتكسرت ودبهتلت جنس بهدله شهر وانا راقده مافى مدرسة ولاحتى اللعب .
صورة العضو الرمزية
ابن عوف
مشاركات: 7729
اشترك في: الخميس 2008.6.19 7:51 pm
مكان: وسط اهلى الطيبين وسمحين

رد: السودان بعيون مغتربة ( يوجد حنين للوطن)

مشاركة بواسطة ابن عوف »

نهر المحبه كتب:والله الله يرحم ايام زمان مازمان شديد
هوووووووي انا ماعجوز
لكن كنا بنلعب لمن كنت صغيره بلعب في الموكيت .ماما لبستني الجزمه والتي شيرت
طبعا انتو عارفين الباقي
وفتحي يا ورده
المهم انتو كنتو بتلعبو كيف
انتى دفعتى عديل كدا

الحاجات دى كانت ماما بتحكيها لى

هوى اعترفى ساي

كدى قصى لينا من لعب البنات زى لعب الكار والركة عمياء

قولى مافى حد بعرف انك كبيرة دا سر :D



اسعدنى مرورك وترك بصمتك
صورة العضو الرمزية
ابن عوف
مشاركات: 7729
اشترك في: الخميس 2008.6.19 7:51 pm
مكان: وسط اهلى الطيبين وسمحين

رد: السودان بعيون مغتربة ( يوجد حنين للوطن)

مشاركة بواسطة ابن عوف »

الدلوعة كتب:والله ذكرتنى حاجات كثيرة ايام الطفولة
طبعا انا كنت زمان شقيه جدا ومن لالعاب اللعبتها لعبة انو اىواحد يختبى فى اى محل والبعروفو مكانو بعاقبوه وانا كنت دائما اول زول بلاقوها وهاك ياعقوبات مرة اشيل اى زول فيهم ومره يجلدونى ومرة امشى اترسل اى مرسال ومرة يشربونى اللبن وطبعا انا اكثر حاجة بكرهها شرب اللبن المهم العقوبات كانت دائما بتكثر لى فى مره من المرات قلت لازم اتخبى فى محل مافى زول يلاقينى فيهو واختبيت فى دولاب امى كانت بايعاهو وخاتنو برة ومستنين المشتريهو يجى ياخذو وانا كنت يوميها خفيفه وانا فى الدولاب هذا اشعر ليك انى فوق يعنى شايلنى وبعدها بديت اضرخ وبعدداك العمال رمو الدولاب وانا فى الارض ويدى اتكسرت ودبهتلت جنس بهدله شهر وانا راقده مافى مدرسة ولاحتى اللعب .
ما احلي انك تحلق فى سماوات الماضى القريب

وفى احلى فترة العمر والطفولة البرئية

ما احلى اذا اديتينا من العاب البنات


سعدت بمرورك الرائع
وبانتظار ان تضيفى ما بزاكرتك
صورة العضو الرمزية
نهر المحبه
مشاركات: 6170
اشترك في: الجمعة 2009.5.29 6:15 pm
مكان: في ارض الله الواسعه

رد: السودان بعيون مغتربة ( يوجد حنين للوطن)

مشاركة بواسطة نهر المحبه »

والله يااخ ابنعوف الغربه دي شالت مننا كتير
اتربينا هنا ولعبنا لكن انا زعلانه لني ما لعبتها في الشارع مع اصحابي
لكن كنا بنلعب باختي الصغيره لمن امي تمرق وتخليها كنت بعمل عليها ام
وبرضو كنا بنلعب فتحي يا ورده غمضي ياورده هنا كيس كش كش
مليان دبابيس الله
رجعتنا للزمن اجميل
صورة العضو الرمزية
نونيتا
مشاركات: 408
اشترك في: الجمعة 2014.4.18 7:36 pm
مكان: واحة خضراء

رد: السودان بعيون مغتربة ( يوجد حنين للوطن)

مشاركة بواسطة نونيتا »


هل يعلم الصّحبُ أني بعد فرقتهم
أبيت أرعى نجوم اليل سهرانا
أقضي الزمان ولا أقضي به وطراً
وأقطع الدهر أشواقا وأشجانا
ولا قريب إذا أصبحت في حزنٍ
إن الغريب حزين حيثما كانا
...

عارف جد أقسى شي شعور إنك بعيد عن بلدك ومتيقن انك جد بعيد .. وعمرك بيفوت .. ومالحقت تعمل ذكريات ببلدك تحكيها عالأقل لأولادك او تتذكرها بعدين :(
جد الغربة شي موجع بحيث إنك منفي نوعاً ما من ضحكات الأهل المافيك تتمتع بيها إلا بالتلفون :") .. عن الأعياد الما زي أعياد السودانين .. عن سقف الخصوصية العالي هنا .. عن عدم الثقة المتبادلة .. عن عدم الاستقرار .. عن الشعور المؤقت .. عن أشياء كتيرة كتيرة موجعة ..
يمكن الغير ما يحسوا بيها بس جد أي مغترب لسنوات عديدة بيحس بوكزات بس يتذكر أن اهله ماحوله .. إنه كانوا حيفرحوا بيه لمن يعرفوا امتيازاتو عن اشياء كتيرة .. الحمدلله على كل شي ,.. بس جد والله مافي أحلى من الدار بخيره و بشره ..
اعتذر عن الإطالة
صورة العضو الرمزية
نونيتا
مشاركات: 408
اشترك في: الجمعة 2014.4.18 7:36 pm
مكان: واحة خضراء

رد: السودان بعيون مغتربة ( يوجد حنين للوطن)

مشاركة بواسطة نونيتا »

جسمي معي غير أن الروح عندكم


فالجسم في غربة والروح في وطن


فليعجب الناس مني أن لي بدنا


لا روح فيه ولي روح بلا بدن
صورة العضو الرمزية
ابن عوف
مشاركات: 7729
اشترك في: الخميس 2008.6.19 7:51 pm
مكان: وسط اهلى الطيبين وسمحين

رد: السودان بعيون مغتربة ( يوجد حنين للوطن)

مشاركة بواسطة ابن عوف »

نهر المحبه كتب:والله يااخ ابنعوف الغربه دي شالت مننا كتير
اتربينا هنا ولعبنا لكن انا زعلانه لني ما لعبتها في الشارع مع اصحابي
لكن كنا بنلعب باختي الصغيره لمن امي تمرق وتخليها كنت بعمل عليها ام
وبرضو كنا بنلعب فتحي يا ورده غمضي ياورده هنا كيس كش كش
مليان دبابيس الله
رجعتنا للزمن اجميل
نهورة سلامات وكل عام وانتى بخير
فعلا الغربة مرارة كبيرة ما تعرف الفاتك الا بعد سنين
ومازالت العاب في الخاطر بين كل فترة يتكرر صداها في الذاكرة
ابقي واصلي مع شرح اللعبة
صورة العضو الرمزية
ابن عوف
مشاركات: 7729
اشترك في: الخميس 2008.6.19 7:51 pm
مكان: وسط اهلى الطيبين وسمحين

رد: السودان بعيون مغتربة ( يوجد حنين للوطن)

مشاركة بواسطة ابن عوف »

نونيتا كتب:
هل يعلم الصّحبُ أني بعد فرقتهم
أبيت أرعى نجوم اليل سهرانا
أقضي الزمان ولا أقضي به وطراً
وأقطع الدهر أشواقا وأشجانا
ولا قريب إذا أصبحت في حزنٍ
إن الغريب حزين حيثما كانا
...

عارف جد أقسى شي شعور إنك بعيد عن بلدك ومتيقن انك جد بعيد .. وعمرك بيفوت .. ومالحقت تعمل ذكريات ببلدك تحكيها عالأقل لأولادك او تتذكرها بعدين :(
جد الغربة شي موجع بحيث إنك منفي نوعاً ما من ضحكات الأهل المافيك تتمتع بيها إلا بالتلفون :") .. عن الأعياد الما زي أعياد السودانين .. عن سقف الخصوصية العالي هنا .. عن عدم الثقة المتبادلة .. عن عدم الاستقرار .. عن الشعور المؤقت .. عن أشياء كتيرة كتيرة موجعة ..
يمكن الغير ما يحسوا بيها بس جد أي مغترب لسنوات عديدة بيحس بوكزات بس يتذكر أن اهله ماحوله .. إنه كانوا حيفرحوا بيه لمن يعرفوا امتيازاتو عن اشياء كتيرة .. الحمدلله على كل شي ,.. بس جد والله مافي أحلى من الدار بخيره و بشره ..
اعتذر عن الإطالة
نونيتا منورة الصفحة
وكل عام وانتى بخير

صراحة عجبنى التلخيص دا للغربة
“قصاص الغربة يكمن في كونها تنقص منك ما جئت تأخذ منها، بلد كلما احتضنتك ازداد الصقيع في داخلك؛ لأنها في كل ما تعطيك تُعيدك إلى حرمانك الأول، ولذا تذهب نحو الغربة لتكتشف شيئًا… فتنكشف باغترابك.”


أحلام مستغانمي,
أضف رد جديد

العودة إلى ”منتدى الراكوبة“