ساعة شباب

المشرف: بانه

أضف رد جديد
صورة العضو الرمزية
بانه
مشاركات: 11781
اشترك في: الأحد 2012.10.14 7:37 pm
مكان: ارض الله الواسعة

رد: ساعة شباب

مشاركة بواسطة بانه »

مرسال الشوق كتب:
ساعة شباب ....
واحة استمتعنا بها ومناقشة قضايا مهمة لنجد لها الحلول و لنعرف الاسباب وماهي طريقة المعالجة
شكرا لكل من ادلي بدلوه وتجازب اطراف الحديث
والشكر لصاحبة البوست العملاق
مودتي من الاعماق

مرسال الشوق
مر من هنا

happy0005.gif happy0005.gif


شكرا مرسال

يديك العافيه

وانتظرونا مع موضوع اخر قريبا happy0005.gif
صورة العضو الرمزية
بانه
مشاركات: 11781
اشترك في: الأحد 2012.10.14 7:37 pm
مكان: ارض الله الواسعة

رد: ساعة شباب

مشاركة بواسطة بانه »

اسعد الله صباحاتكم بكل خير

عدنا اليكم كما وعدناكم

بما انه نتيجه الشهادة ظهرت وهذة الايام باب التقديم للجامعات

عايزين نتكلم عن طريقه اختيار التخصص الجامعي المناسب

كتير مننا بكون عنده رغبه انه يقرا شئ معين بي لما يجي وقت

التقديم بتتفاجأ بي انه ناس البيت عايزين انك تقرا حاجه مختلفه

عن الا انت عايزها بتكون محتار بين رغبتك ف مجال محدد وعن رغبه ناس البيت
في ناس بقدرو بقنعو اهلهم وفي واحدين بقبلو بي رغبة

اهلهم يلا في مشكلة بتواجه معظمهم الا و هي لما يدخل

الجامعه ما بقدر يحبها فا بالتالي حا يسقط ويقعد كله مره يعيد

سنه *سنة وبعد ما تخلص مابتكون creative بعكس المجال

الا بتكون داخله عن رغبه

الاسئله البتطرح نفسها

●هل من حق الاهل انهم يختارو لينا مجال دراستنا

●لو انت /ي كنتو ف موقف متل دا بتتصرفو كيف
صورة العضو الرمزية
ninar tato
مشاركات: 9099
اشترك في: الاثنين 2013.10.21 5:27 pm
مكان: كسلا

رد: ساعة شباب

مشاركة بواسطة ninar tato »

[color=5]
دايما متالقه يا بانه ..


بالنسيه للتخصص الجامعي
عن رأي انو من حق الفرد
يختار تخصصو
لانو ادرى بالمجال اللي هو ح يختارو

ولكن للاهل برضو حق في اختيار ما هو افضل لاولادهم

ولكن اذا كان هذا الاختيار يتعارض مع اختيار
الفرد تخصصه
فمن الافضل للفرد واهله ان يكون تخصص الفرد من اختياره
لا من اختيار اهله
وذلك لان اختيار الاهل للفرد عكس ما كان يتمنى سيحبطه
في المجال الذي هو مقدم عليه

ولكن اذا كان الاتفاق بينه وبين اهله قبل الاختيار فيكون ذلك افضل


اما عن نفسي ..
فرغبتي ورغبة اهلي ان اصير طبيبا
والحمد لله اتوفقت وحاليا بالمستوى الثاني
[/color]
صورة العضو الرمزية
بانه
مشاركات: 11781
اشترك في: الأحد 2012.10.14 7:37 pm
مكان: ارض الله الواسعة

رد: ساعة شباب

مشاركة بواسطة بانه »

اهلا بعودتك نينار

ربنا يوفقك ان شاء الله happy0005.gif

ناخد الموضوع من جانب تاني وهو

في بعض الاهالي بجبرو ابناءهم او بناتهم ع تخصص معين

يعني لو م دخلت التخصص الا هم عايزنو معناها ما ح تقدر تدخل

الجامعه ف بالتالي في واحدين بستسلمو ويدخلو المجال الا

اهلهم اختاروه ليه او الاهل يقولو ليك طالما انت متمسك بي

رائك دا وعايز التخصص دا شوف طريقه اشتغل عشان تصرف ع جامعتك

وما ننسي كمان انه الاهل اكيد عايزين مصلحتنا وليهم الفضل بعد ربنا سبحانه وتعالي
صورة العضو الرمزية
ninar tato
مشاركات: 9099
اشترك في: الاثنين 2013.10.21 5:27 pm
مكان: كسلا

رد: ساعة شباب

مشاركة بواسطة ninar tato »

[color=5]
يا مرحبا بنوش ...


زي ما قلتي في بعض الاهل بجبروا
ابناءهم ,, و الكثير منهم في ما مضى
كان بخلي الجامعه
اما في الوقت الحالي الكثير
اصبح ينصاع لرغبة الاهل
ومعظمهم بكونوا يقروا خاص

والحته دي ممكن تاثر سلبيا ع الابناء
وخصوصا انهم في مراحل النضج
منهم من يتجاوز هذه العقبه
ومنهم من يتخلى عن الجامعه عند
اول عترة

و هنا الواحد بحس داخليا انو
مجبر يقرا وما ح يكون ع قدر كبير
من الامانه تجاه اللي بعملو
و لما يرسب مثلا في احدى السنين
دا بكون ليه حاجز صعب انو يتخطاه
[/color]
صورة العضو الرمزية
بانه
مشاركات: 11781
اشترك في: الأحد 2012.10.14 7:37 pm
مكان: ارض الله الواسعة

رد: ساعة شباب

مشاركة بواسطة بانه »

اهلا اسبونجي

*شنو هي الطرق البتخلي الواحد يقنع اهله بالمجال الا هو عايزه

*في رائك لما يختارو لي اهلي مجال دراستي هل دا يعتبر الغاء لي شخصيتي
صورة العضو الرمزية
ninar tato
مشاركات: 9099
اشترك في: الاثنين 2013.10.21 5:27 pm
مكان: كسلا

رد: ساعة شباب

مشاركة بواسطة ninar tato »

[color=5]
ابسط الطرق واسهلها النقاش والتفاهم

ففي الاول والاخير معظم الاهل .. " ليس كلهم
فبعضهم يتباهون بان ولدهم دخل كلية كذا وكذا
فقط على سبيل المحاكاة لابن لجارتهم مثلا "
..فمعظمهم يريد مصلحة ابنه


ليس الغاء للشخصيه بمعنى الكلمة
ولكن تدخل الاهل في الاختيار لا
يقلل ولو بجزء بسيط من الشخصيه
ولكن اذا كان هذا الاختيار متكررا
منذ الصغر من غير اتاحة فرصة للابن
لابداء رأيه قد يتسبب في فقدان شخصيه الابن
ويضعف نمو شخصيته ع المدى
[/color]
صورة العضو الرمزية
بانه
مشاركات: 11781
اشترك في: الأحد 2012.10.14 7:37 pm
مكان: ارض الله الواسعة

رد: ساعة شباب

مشاركة بواسطة بانه »

معاك حق حتي مجال الدراسه دخل في المحاكاة والبوبار

يلا كتير جدا بصادف انك ما جايب نسبة بتدخلك المجال الا هم

عايزنو ليك وعشان هم بقلدو في جيرانكم او اهلكم حا يقروك

ليهو خاص "بالقروش " عشان يتفشخرو م اكتر من كده وانت

البتكون الضحيه ف الحكايه دي كلها

نرحع لي نقطه الغاء الشخصيه

ف بعض الاهالي بحبو شئ اسمه سيطرة بمعني بكونو

مسيطرين عليك ف كل شئ حتي اصحابك بختاروهم ليك ودا اكبر

غلط بعملو الشئ دا من باب مصلحتنا وخوفهم علينا وعشان

بقولو انهم اكبر مننا فاهمين الحياه اكتر مننا وكده يلا الحاجة دي

بتنعكس عليك بعدين ف شخصيتك بتكون ضعيفه ومهزوة وما

قادر تاخد قرار ف اي شئ بخصك انت
صورة العضو الرمزية
كيوبيد
مشاركات: 10052
اشترك في: الجمعة 2009.2.20 2:27 pm
مكان: الخرطوم

رد: ساعة شباب

مشاركة بواسطة كيوبيد »

ح ارد عليك بطريقة تانية
تاثير الاهل ما لازم يكون بى ضغط مباشر
يعنى انت مثلا مجال قرايتك
فى واحد من عيلتك متخصص فيهو
اذا كانت الاجابة نعم دا فرض راي عليك بس بى صورة رقيقة

صورة العضو الرمزية
بانه
مشاركات: 11781
اشترك في: الأحد 2012.10.14 7:37 pm
مكان: ارض الله الواسعة

رد: ساعة شباب

مشاركة بواسطة بانه »

كيوبيد كتب:ح ارد عليك بطريقة تانية
تاثير الاهل ما لازم يكون بى ضغط مباشر
يعنى انت مثلا مجال قرايتك
فى واحد من عيلتك متخصص فيهو
اذا كانت الاجابة نعم دا فرض راي عليك بس بى صورة رقيقة

خالو صباح الخير

بالنسبة لي مجال دراستي كان بي اختياري براي والحمد لله م لقيت اعتراض من ناس البيت

معاك جدا في كلامك دا

يقولو ليك احسسسن تدرس كده والله المجال دا كويس فلان او فلانه قروهو
يلا تاني نجي لي حته اقناع الاهل بي المجال الا انت عايزو
في البدايه لازم يكون اختيارك للمجال دا عن رغبه وتكون مقتنع بيهو جدا حتي تاني تقدر تقنع اهلك

سؤال : هل ح يجي يوم و تفرض ع اولادك انهم يقرو المجال الا انت بتختارو ليهم ؟
صورة العضو الرمزية
ninar tato
مشاركات: 9099
اشترك في: الاثنين 2013.10.21 5:27 pm
مكان: كسلا

رد: ساعة شباب

مشاركة بواسطة ninar tato »

اذا ربي اطال في الاعمار
ما ح اجبر ولدي ع شيء
بخليه يختار ودا شويه
شويه ح يبني ثقتو
بالمستقبل
صورة العضو الرمزية
بانه
مشاركات: 11781
اشترك في: الأحد 2012.10.14 7:37 pm
مكان: ارض الله الواسعة

رد: ساعة شباب

مشاركة بواسطة بانه »

ninar tato كتب:
اذا ربي اطال في الاعمار
ما ح اجبر ولدي ع شيء
بخليه يختار ودا شويه
شويه ح يبني ثقتو
بالمستقبل
بالظبط كده

وبعدين يتحمل نتيجه قراراتو

happy0005.gif happy0005.gif
صورة العضو الرمزية
ninar tato
مشاركات: 9099
اشترك في: الاثنين 2013.10.21 5:27 pm
مكان: كسلا

رد: ساعة شباب

مشاركة بواسطة ninar tato »

بانه كتب:بالظبط كده

وبعدين يتحمل نتيجه قراراتو

happy0005.gif happy0005.gif
وشويه شويه يعتمد على نفسو
لانو ما ح يكون في البتخذ ليه قرار
صورة العضو الرمزية
بانه
مشاركات: 11781
اشترك في: الأحد 2012.10.14 7:37 pm
مكان: ارض الله الواسعة

رد: ساعة شباب

مشاركة بواسطة بانه »

ninar tato كتب:وشويه شويه يعتمد على نفسو
لانو ما ح يكون في البتخذ ليه قرار
اصلا الاعتماد ع النفس المفرض يعلموه ليه من هو صغير
صورة العضو الرمزية
كيوبيد
مشاركات: 10052
اشترك في: الجمعة 2009.2.20 2:27 pm
مكان: الخرطوم

رد: ساعة شباب

مشاركة بواسطة كيوبيد »

بانه كتب:خالو صباح الخير

بالنسبة لي مجال دراستي كان بي اختياري براي والحمد لله م لقيت اعتراض من ناس البيت

معاك جدا في كلامك دا

يقولو ليك احسسسن تدرس كده والله المجال دا كويس فلان او فلانه قروهو
يلا تاني نجي لي حته اقناع الاهل بي المجال الا انت عايزو
في البدايه لازم يكون اختيارك للمجال دا عن رغبه وتكون مقتنع بيهو جدا حتي تاني تقدر تقنع اهلك

سؤال : هل ح يجي يوم و تفرض ع اولادك انهم يقرو المجال الا انت بتختارو ليهم ؟
بنوش صباحك عافية happy0005.gif

فرض القرار ما لازم يكون بالضغط زى قلت ليك
يعنى اذا جا ولدى وقال لى انا داير اقرا علم اللاهوت بخليهو ابدا والله :004:
ولا اذا جات بتى قالت لى دايرة ادرس موسيقي بديها ليك حلات كف
يا سلاااااااااااااااااااام :004: :004:
فى حاجات نحن كـ شرقيين ما بنقبلا حتى لو كانت صحيحة
تحياتى يا دكتورة 2 1212
صورة العضو الرمزية
بانه
مشاركات: 11781
اشترك في: الأحد 2012.10.14 7:37 pm
مكان: ارض الله الواسعة

رد: ساعة شباب

مشاركة بواسطة بانه »

كيوبيد كتب:بنوش صباحك عافية happy0005.gif

فرض القرار ما لازم يكون بالضغط زى قلت ليك
يعنى اذا جا ولدى وقال لى انا داير اقرا علم اللاهوت بخليهو ابدا والله :004:
ولا اذا جات بتى قالت لى دايرة ادرس موسيقي بديها ليك حلات كف
يا سلاااااااااااااااااااام :004: :004:
فى حاجات نحن كـ شرقيين ما بنقبلا حتى لو كانت صحيحة
تحياتى يا دكتورة 2 1212
وصياحك يا خال

I got u

يلا الحاجات الا احنا كشرقيين ما بنقبلا دي مش هي already بتدرس ف جامعتنا وكده ولا شنو ؟

تسلم يا خال 2 1212
صورة العضو الرمزية
ام اسامه
مشاركات: 1670
اشترك في: الأحد 2014.3.2 9:05 am
مكان: الخرطوم

رد: ساعة شباب

مشاركة بواسطة ام اسامه »

صباح العلم بنوش

والطرح الصباحي جميل
ف بحاول اطلع من جو خبط الملعقة الجوة الكوز
سيمفونية عجيييبة بطلها صغيري جود
.........
دائما ما يتمني الوالدين لا بنهم ان (يطلع احسن زول)
فمنذ نعومة اظافر صغيرها
تهدهده وتغني له والدته بفرح
كبير ( تبقي لي دكتور)
وتعني بذلك طبيبا لان الام كانت يوما في الماضي
تعتقد ان الافضل هو الطبيب

........
اما لو كانت الام واعية ومدركة لماهية
الاشياء لادركت ان هناك الكثير من الكليات
التي ترتقي بالشخص لابعد مما تتخيل
ف جميل ان يكون ابني سفير
او استاذ جامعي
او او او
وكل انسان مهم في منصب
لا يديره سواه

.........
يمكن للاهل ان يدلوا برايهم في
مسالة اختيار الكلية ولكن الخيار الاكمل
للابن لان ذلك يتعلق بميوله
ومقدراته الذهنية.....،،،،

...........
ولكن الان اختلط الحابل بالنابل
في ظل القبول الخاص
فكيف سيتساوي طالب احرز ٩٥٪ مع طالب احرز ٨٥٪
وتموها ليهوا بقروش اهلوا
ومن هنا اتي تخريج الالاف الغير مؤهلين

.......
بالنسبة لي لابني كامل الحرية
في اختيار الكلية التي تتسق
مع ميوله حتي يكن من المبرزين
ان شاء الله

.....
ودي
صورة العضو الرمزية
يوسف مدير
مشاركات: 972
اشترك في: الجمعة 2011.2.11 7:11 am
مكان: السودان - ربك

رد: ساعة شباب

مشاركة بواسطة يوسف مدير »

اولا أحييكي على البوست الدسم والمواضيع الحية اللي بتجيبيها ...
بالنسبة للموضوع فالاهل المفروض يدعموا رغبات اولادهم مش يفرضوا عليهم حاجة هم ما حابينها ... في ناس الواحد م بيحب نوع معين من المأكولات والمشروبات فلو انت عارف الشيء ده وأجبرتو يتناولو م حتعرف العواقب شنو بعدين ...
الحكاية ما حكاية ناس البيت عاوزين او ما عاوزين الحكاية هي الواحد مننا عاوز شنو لانو ده مستقبل ومنه بتتكون شخصية الانسان ...
احيانا رغبة الطالب بتكون نفس رغبة اهلو وهنا مافي تعارض بالمرة واحيانا الطالب بيكون عندو اكتر من رغبة بس في نفس المجال يعني طب او صيدلة او طب اسنان مثلا وهنا لو احتار ممكن يستشير او الاسرة تديهو رايها بس بدون فرض
وللاسف دي واحدة من سلبيات التربية وهي انتزاع حق الاختيار من الابناء....
صورة العضو الرمزية
بانه
مشاركات: 11781
اشترك في: الأحد 2012.10.14 7:37 pm
مكان: ارض الله الواسعة

رد: ساعة شباب

مشاركة بواسطة بانه »

ام اسامه كتب:صباح العلم بنوش

والطرح الصباحي جميل
ف بحاول اطلع من جو خبط الملعقة الجوة الكوز
سيمفونية عجيييبة بطلها صغيري جود
.........
دائما ما يتمني الوالدين لا بنهم ان (يطلع احسن زول)
فمنذ نعومة اظافر صغيرها
تهدهده وتغني له والدته بفرح
كبير ( تبقي لي دكتور)
وتعني بذلك طبيبا لان الام كانت يوما في الماضي
تعتقد ان الافضل هو الطبيب

........
اما لو كانت الام واعية ومدركة لماهية
الاشياء لادركت ان هناك الكثير من الكليات
التي ترتقي بالشخص لابعد مما تتخيل
ف جميل ان يكون ابني سفير
او استاذ جامعي
او او او
وكل انسان مهم في منصب
لا يديره سواه

.........
يمكن للاهل ان يدلوا برايهم في
مسالة اختيار الكلية ولكن الخيار الاكمل
للابن لان ذلك يتعلق بميوله
ومقدراته الذهنية.....،،،،

...........
ولكن الان اختلط الحابل بالنابل
في ظل القبول الخاص
فكيف سيتساوي طالب احرز 95٪ مع طالب احرز 85٪
وتموها ليهوا بقروش اهلوا
ومن هنا اتي تخريج الالاف الغير مؤهلين

.......
بالنسبة لي لابني كامل الحرية
في اختيار الكلية التي تتسق
مع ميوله حتي يكن من المبرزين
ان شاء الله

.....
ودي
مساء العوافي

اشكرك ع مداخلتك الرائعه 2 1212

اكيد الاهل عايزين مصلحتما ودائما ببحثو لينا عن الافضل

بالنسبه لموضوع القرايه بالقروش متل م زكرتي كلو بقي متساوي عادي جدا تلقي طالب جايب 92 مع طالب جايب 60 قاعدين ف نفس البينش واي شئ

التعليم زمان كان بالكفاءات بس حاليا بقي بالقروش

ربنا يخلي ليك اولادك وتشوفيهم ف اعلي المناصب ان شاء الله 2 1212 2 1212

صورة العضو الرمزية
ام اسامه
مشاركات: 1670
اشترك في: الأحد 2014.3.2 9:05 am
مكان: الخرطوم

رد: ساعة شباب

مشاركة بواسطة ام اسامه »

بانه كتب:مساء العوافي

اشكرك ع مداخلتك الرائعه 2 1212

اكيد الاهل عايزين مصلحتما ودائما ببحثو لينا عن الافضل

بالنسبه لموضوع القرايه بالقروش متل م زكرتي كلو بقي متساوي عادي جدا تلقي طالب جايب 92 مع طالب جايب 60 قاعدين ف نفس البينش واي شئ

التعليم زمان كان بالكفاءات بس حاليا بقي بالقروش

ربنا يخلي ليك اولادك وتشوفيهم ف اعلي المناصب ان شاء الله 2 1212 2 1212

ويخليك ي غالية
أضف رد جديد

العودة إلى ”منتدى الراكوبة“