كبريت ذات الشجون

المشرف: بانه

صورة العضو الرمزية
مرسال الشوق
مشاركات: 14746
اشترك في: الاثنين 2009.11.2 3:49 pm
مكان: عارفني منــــــــــــــك

كبريت ذات الشجون

مشاركة بواسطة مرسال الشوق »

رن رن رن ضرب تلفوني وقمت من النوم مخلوع رفعته عشان اشوف الضارب لي ده منو وانا عيوني ماقادر افتحهم من النعاس عين مغمده وعين مفتحة وبالعين المفتحة دي اشوف ليك اسم المتصل طشاش طشاش ده منو ذات الشجون تتصل بك ... ياربي دي ذاتو المعانا في المنتدي وكده ولا تلفوني ده يكون حق صاحبي المعاي في الغرفة لكن قلبت التلفون قدام ورا كده واتاكدت انه هو ايوه هو بعينو تلفوني قلت طيب لو التلفون حقي الاسم ده كيف اتحفظ عندي هنا بالرغم اني مابعرف ليها رغم زاتو ذاتو دي :d: المهم قلت اعمل اوكي واشوف الخبر شنو بالله لمن قالت لي الووووو ترترب وقفت علي حيلي وعيني التانية فتحت بمقدار 24 درجة فرهنهايت حسب التوقيت المحلي لام القري وقلت بصوت متقطع مرحب قالت لي المرسال مالك بتقطع زي العربية الشرقانه كده اول مرة تسمع صوتي ده قلت ليها ايوااا اول مرة انت كمان عاوزه تلخبطيني مالك انا متأكد شديد قالت لي خلاص اقفل يعني قلت لالالا تقفلي كيف حبابك قالت لي شكلي ضربت عليك في وقت مزعج شويه قلت ليها ياخي انت تضربي في اي وقت قالت لي يعني الوقت ده معاك كويس عشان انا عاوزه اتكلم معاك شويه قلت ليها تمام التمام ياخي احكي وقولي وماعليك قالت لي انا يالمريسيل اخوي عازمة جماعتنا ديل شاي وزلابيه منو ديل العازماهم قالت لي ام اسامة ودريمو والسنبلاية وهمسات المطر وام صباء وبت السرف وبانه والغالية بت الغالي وبعد الزمن ووحيد والفردوس وناجي ووايا وودابنعوف
ماشاء الله ديل كلهم خبارك عليهم والمناسبة شنو
قالت لي عاوزه اعمل لي كرامة لي بيتي الجديد ده اشتريناه قبل اسبوع كده وقلت لازم اضيف فيه الناس ديل واعمل معاهم قعدة حلوة تكون ذكري وكده
طيب ياذاتو هسع انا المطلوب مني شنو
قالت لي جيب لي بس معاك كركدي وعرديب و خميرة ....
كركدي وعرديب وخميرة ليه انتم هناك ماعندكم
يازول عليك الله بطل الغلبة واسرع جيب الحاجات دي بسرعة الناس ديل قبيل دقوا لي وقالوا جاين في الطريق وكمان راكبين ليهم حافلة 14 راكب بس مشكلتهم سواقهم ده شكلو كده ماعارف الطريق كويس راحوا في الطريق وتلفوناتهم مرة تدخل معاي ومرة تكون مقفولة غايتو الله يجيب العواقب سليمة
ربنا يوصلهم بالسلامة .... اها ياذتو غير ديل ماعاوزه حاجة تانية
لالا سلااامتك يلااا سريع انا عاوزاك تجي قبالهم
كويس
يامرسال يامرساااال اقيف اقيف ماتقفل
اها في شنو تاني لعلك نسيتي حاجة تانية
ايوااا
جيب لي معاك كبريت باقي الكبريت حقي خلصت
والله ياذاتو انت الليلة شكلك حاتجهجهي افكاري ياخي
معليش ياخوي المريسيل نردها ليك في الافراح
يلاااا تلفوني فيه مكالمة تانية شكلهم ديل الجماعة مايقوموا يرحوا تاني
اوك باي
طلعت من البيت وقمت جاري علي السوق وانا مرة اضحك ومرة استغرب الناس ديل اتلموا كيف بالطريقة دي قبيل ام اسامة دي كانت بتكتب في المشاركة بتاعة يلا قولوا وهي ماقالت لينا حاجة ولا جابت لينا خبر
والسنبلاية دي كانت غايبة امس النهار كوووولو طيب كيف عزموها ولحقت اتشطفت وجات
وهمسات المطر دي اخر كلام كتبتوا بسمة المنتدي كان بوست عن نكات المساطيل وكده وردينا عليها وبرضو ماجابت لينا خبر
وام صباء قابلتها في منتدي الكنترولات بقادي وحتي قالت لي نهارك سعيد يالمرسال الله ذاتو دي عاوزه تجنني ولاشنو
وبعدو ووايا ديل ليهم عييييك كم يوم مادخلوا المنتدي وقالوا ساكين خروف العيد
خلي بالك يالمريسيل القصة دي فيها حاجة لكن ربك يكضب الشينة
دخلت السوق وجبت الحاجات كلها كركدي وعرديب والكبريت وكمان جبت حلاوة وشاي وسكر عشان ماتكون نست حاجة تانية
وطوااالي مشيت علي ناس ذاتو كو كو كو فتح لي شافع صغنون وقال لي اتفضل ياعمو الضيوف قاعدين جووووه
قلت ليه طيب اجري نادي لي ذاتو سريع عشان نديها الحاجات دي وتدخله المطبخ وانا امشي اسلم علي الجماعة ديل قال لي انا بدخلهم ياعمو وقبال ماادخل ناداني سواق الحافلة بتاع الجماعة ديل
ياابوالشباب ممكن بالله تجيب لي موية باردة
قلت ليه سمح وعاينت كده للحافلة كانت مليااانة طين في اللساتك ومغبرة تغبيرة صاح والسبت فوق مليااان قفف وشوالات ممكن ذاتو طلبت منهم يجيبو ليها كمان حاجات مامعروف
شويه كده وجات ذاتو وهي بتضحك لي مالك واقف كده ف الباب عاوز ليك عزومة يالمرسال كمان هنديلك الجماعة السنبلاية وام اسامة وبقية الجماعة قاعدين منتظرنك من قبيل والله دخلوا قبالك وعليهم جنس تعب الناس ديل رايحين ليهم قريب ساعتين ادخل لي جوه خليهم يحكوا ليك الحاصل شنو الليلة بكتلوك من الضحك
وقبال ما ادخل جوه البيت رفعت نظري في السقف وشفت النجف والانارة الجميلة وعاينت للجدارن والموكيت وقلت ليها الدار مبروكة تب يعني العيد ده عيدكم ماشاء الله ربنا يزيد ويبارك
وقبال ماادخل لي جوووه قالت لي اها وينه الحاجات جيتني مربع يديك
يازوله كدي استهدي بالله انا قبيل اديته الوليد حقكم ده ودخله جوووه
اوعي تكون نسيت الكبريت
قلت لالالا مانسيت حاجة وكمان جبت ليك حاجات تانية مني زيادة عشان ماتكوني محتاجة حاجة تانية
قالت لي سمح خلاص ادخل وانا بجهز العصير واخت الشاي في النار وبجيكم
سمح ماتتاخري علينا باقي انا مشغول شديد
سمح خلاص
وانا ماشي كده في الممر الي الصالة وقع نظري علي اول كرسي جالسة فيه مرة لابسة توب حلو شديد ومعاها ولد حليو ماشاء الله اظنها ام اسامة اكان ما ظني يخيب وهناك في المقابل تلاتة بنات جالسات سوا يضحكن ويقرقرن قلت قطع شك ياما السنبلاية وبانه وهمسات وفي الناحية التانية جالسين اخوانا ناس الشنبات يضحكوا سااكت وخالفين كرعينهم وقدامهم تربيزة كبيرة من الزجاج المعشق وعليها مقدمة حلاوة كبيرة وكم زهريات حلوة
انا غايتو لمن شفتهم وقفت في مكاني وقلت ليهم والله الليلة الزلابية خلتنا نشوف ناس
ووقف الحضوور كلهم وهم مبتسمين وكلهم بصوت وااااحد المريسييييييييييل
سلمت علي الرجال اخواني اول بالتبادي وبالجد كان كل واحد فيهم التقول اسمو مكتوب في جبينو بعدو وايا ودابنعوف كلهم عرفتهم من اول مرة بالرغم اول مرة اشوفهم حكاية عجيبة صاح
لكن بالامانة كده غلبني اتمعن في وجوه الانسات ديل ومديت يدي وقعدت اسلم وانا بين ضاحك وارجف وده كلووو يرجع عشان لي زمن ماسلمت علي مرة كانن حلوات وطيبات وكل واحدة لها رونق وحضور مختلف تبادلنا السلام والتحايا وجلسنا نتبادل اطراف الحديث يحكي هذا يرد ذاك ينكت بعدو نضحك جميعا والونسة كانت جميلة وكانت كلها عن المنتدي والمشاركات الحلوة وكيف الناس بتعلق علي المواضيع وروعة الكتاب الذين اتحفونا بالبوستات الجميلة يااااا ه كانت جلسة حلوة بالجد
جاتنا ذاتو بعدما جهزت العصائر والحلويات ولكن عاينت ليها كده وعرفتني علي طول
وانا قاصد ليها وين الزلابية والشاي
وهي تلوح لي بيدها كده شخ شخ لالا لالا
شخ شخ لالالا كيف يعني 3313
قربت مني وقالت لي الكبريت الجبتو ابي يولع معاي
ليه ماله :004:
وقعت مني في جردل الموية واتبلت قلت احسن اقلبه عصائر وحلويات
ضحكت كده وقلت ليها زلابية وراحت مننا وسجم الكبريت الحرمنا منها

:l: :l: :l: :l: :l: :l:


جدعة .... اخيرة

تعيشوا وتاخدوا غيره كانت هذه حلمة من احلام اليقظة التي تراودني بين الحين والاخر

:d: :d: :d: :d:
صورة العضو الرمزية
السنبلاية
مشاركات: 16000
اشترك في: الأحد 2010.3.28 1:46 pm
مكان: ود مدنى

رد: كبريت ذات الشجون

مشاركة بواسطة السنبلاية »

احسن حاجة عملتها فى حلمك الحلمتا بيهو وانت صاحى .. !!!
قلتا الحافلة .. ما قلتا ( الكارو ) ..!!؟ :yar:
عشان لو كان بيت ذاتو بيمشوا ليهو بالكارو انا بعتذر من المشوار
احسن اشرب كركدى .. 2323 2323
قال حلمان قال ..!!؟ 123 45

سنة يا احلام اليغظة ...!!؟
صورة العضو الرمزية
همسآت المطر
مشاركات: 656
اشترك في: الأربعاء 2014.9.24 8:36 pm
مكان: ♥ همسآت الليل ♥

رد: كبريت ذات الشجون

مشاركة بواسطة همسآت المطر »

والله يا المرسال بجد بجد ابدعت خيال فات حق المساطيل بهناااااك :l:

انا اتخيلت العزوومه ضبيحه تقول ذلابيااا :d:

باقي انا زاتي اليومين دي بقيت زيك اهوجس بالحم والشيه والمراره ساااي :d:

وبجد ذاتوو كنها هي اللي في القصه حسيت بكدا انا 123
صورة العضو الرمزية
ام صبا
مشاركات: 4302
اشترك في: الأربعاء 2009.3.4 3:30 pm
مكان: المملكه العربيه السعوديه

رد: كبريت ذات الشجون

مشاركة بواسطة ام صبا »

مرسال الشوق طاب مساك
تصدق كيفتني جد عشان انا اللقيمات عندي احلى من كل شي
بس قلبتوها عصير وضيعتوا علينا اللقيمات بالله عيد الحلم
خلينا ناكل اللقيمات وكل سنه وانتو طيبين وياريت الحلم يكون واقع
صورة العضو الرمزية
مسلمة وافتخر
مشاركات: 9423
اشترك في: الخميس 2008.11.13 5:16 pm
مكان: حيث اكون نفسى

رد: كبريت ذات الشجون

مشاركة بواسطة مسلمة وافتخر »

مرسال الشوق كتب:رن رن رن ضرب تلفوني وقمت من النوم مخلوع رفعته عشان اشوف الضارب لي ده منو وانا عيوني ماقادر افتحهم من النعاس عين مغمده وعين مفتحة وبالعين المفتحة دي اشوف ليك اسم المتصل طشاش طشاش ده منو ذات الشجون تتصل بك ... ياربي دي ذاتو المعانا في المنتدي وكده ولا تلفوني ده يكون حق صاحبي المعاي في الغرفة لكن قلبت التلفون قدام ورا كده واتاكدت انه هو ايوه هو بعينو تلفوني قلت طيب لو التلفون حقي الاسم ده كيف اتحفظ عندي هنا بالرغم اني مابعرف ليها رغم زاتو ذاتو دي :d: المهم قلت اعمل اوكي واشوف الخبر شنو بالله لمن قالت لي الووووو ترترب وقفت علي حيلي وعيني التانية فتحت بمقدار 24 درجة فرهنهايت حسب التوقيت المحلي لام القري وقلت بصوت متقطع مرحب قالت لي المرسال مالك بتقطع زي العربية الشرقانه كده اول مرة تسمع صوتي ده قلت ليها ايوااا اول مرة انت كمان عاوزه تلخبطيني مالك انا متأكد شديد قالت لي خلاص اقفل يعني قلت لالالا تقفلي كيف حبابك قالت لي شكلي ضربت عليك في وقت مزعج شويه قلت ليها ياخي انت تضربي في اي وقت قالت لي يعني الوقت ده معاك كويس عشان انا عاوزه اتكلم معاك شويه قلت ليها تمام التمام ياخي احكي وقولي وماعليك قالت لي انا يالمريسيل اخوي عازمة جماعتنا ديل شاي وزلابيه منو ديل العازماهم قالت لي ام اسامة ودريمو والسنبلاية وهمسات المطر وام صباء وبت السرف وبانه والغالية بت الغالي وبعد الزمن ووحيد والفردوس وناجي ووايا وودابنعوف
ماشاء الله ديل كلهم خبارك عليهم والمناسبة شنو
قالت لي عاوزه اعمل لي كرامة لي بيتي الجديد ده اشتريناه قبل اسبوع كده وقلت لازم اضيف فيه الناس ديل واعمل معاهم قعدة حلوة تكون ذكري وكده
طيب ياذاتو هسع انا المطلوب مني شنو
قالت لي جيب لي بس معاك كركدي وعرديب و خميرة ....
كركدي وعرديب وخميرة ليه انتم هناك ماعندكم
يازول عليك الله بطل الغلبة واسرع جيب الحاجات دي بسرعة الناس ديل قبيل دقوا لي وقالوا جاين في الطريق وكمان راكبين ليهم حافلة 14 راكب بس مشكلتهم سواقهم ده شكلو كده ماعارف الطريق كويس راحوا في الطريق وتلفوناتهم مرة تدخل معاي ومرة تكون مقفولة غايتو الله يجيب العواقب سليمة
ربنا يوصلهم بالسلامة .... اها ياذتو غير ديل ماعاوزه حاجة تانية
لالا سلااامتك يلااا سريع انا عاوزاك تجي قبالهم
كويس
يامرسال يامرساااال اقيف اقيف ماتقفل
اها في شنو تاني لعلك نسيتي حاجة تانية
ايوااا
جيب لي معاك كبريت باقي الكبريت حقي خلصت
والله ياذاتو انت الليلة شكلك حاتجهجهي افكاري ياخي
معليش ياخوي المريسيل نردها ليك في الافراح
يلاااا تلفوني فيه مكالمة تانية شكلهم ديل الجماعة مايقوموا يرحوا تاني
اوك باي
طلعت من البيت وقمت جاري علي السوق وانا مرة اضحك ومرة استغرب الناس ديل اتلموا كيف بالطريقة دي قبيل ام اسامة دي كانت بتكتب في المشاركة بتاعة يلا قولوا وهي ماقالت لينا حاجة ولا جابت لينا خبر
والسنبلاية دي كانت غايبة امس النهار كوووولو طيب كيف عزموها ولحقت اتشطفت وجات
وهمسات المطر دي اخر كلام كتبتوا بسمة المنتدي كان بوست عن نكات المساطيل وكده وردينا عليها وبرضو ماجابت لينا خبر
وام صباء قابلتها في منتدي الكنترولات بقادي وحتي قالت لي نهارك سعيد يالمرسال الله ذاتو دي عاوزه تجنني ولاشنو
وبعدو ووايا ديل ليهم عييييك كم يوم مادخلوا المنتدي وقالوا ساكين خروف العيد
خلي بالك يالمريسيل القصة دي فيها حاجة لكن ربك يكضب الشينة
دخلت السوق وجبت الحاجات كلها كركدي وعرديب والكبريت وكمان جبت حلاوة وشاي وسكر عشان ماتكون نست حاجة تانية
وطوااالي مشيت علي ناس ذاتو كو كو كو فتح لي شافع صغنون وقال لي اتفضل ياعمو الضيوف قاعدين جووووه
قلت ليه طيب اجري نادي لي ذاتو سريع عشان نديها الحاجات دي وتدخله المطبخ وانا امشي اسلم علي الجماعة ديل قال لي انا بدخلهم ياعمو وقبال ماادخل ناداني سواق الحافلة بتاع الجماعة ديل
ياابوالشباب ممكن بالله تجيب لي موية باردة
قلت ليه سمح وعاينت كده للحافلة كانت مليااانة طين في اللساتك ومغبرة تغبيرة صاح والسبت فوق مليااان قفف وشوالات ممكن ذاتو طلبت منهم يجيبو ليها كمان حاجات مامعروف
شويه كده وجات ذاتو وهي بتضحك لي مالك واقف كده ف الباب عاوز ليك عزومة يالمرسال كمان هنديلك الجماعة السنبلاية وام اسامة وبقية الجماعة قاعدين منتظرنك من قبيل والله دخلوا قبالك وعليهم جنس تعب الناس ديل رايحين ليهم قريب ساعتين ادخل لي جوه خليهم يحكوا ليك الحاصل شنو الليلة بكتلوك من الضحك
وقبال ما ادخل جوه البيت رفعت نظري في السقف وشفت النجف والانارة الجميلة وعاينت للجدارن والموكيت وقلت ليها الدار مبروكة تب يعني العيد ده عيدكم ماشاء الله ربنا يزيد ويبارك
وقبال ماادخل لي جوووه قالت لي اها وينه الحاجات جيتني مربع يديك
يازوله كدي استهدي بالله انا قبيل اديته الوليد حقكم ده ودخله جوووه
اوعي تكون نسيت الكبريت
قلت لالالا مانسيت حاجة وكمان جبت ليك حاجات تانية مني زيادة عشان ماتكوني محتاجة حاجة تانية
قالت لي سمح خلاص ادخل وانا بجهز العصير واخت الشاي في النار وبجيكم
سمح ماتتاخري علينا باقي انا مشغول شديد
سمح خلاص
وانا ماشي كده في الممر الي الصالة وقع نظري علي اول كرسي جالسة فيه مرة لابسة توب حلو شديد ومعاها ولد حليو ماشاء الله اظنها ام اسامة اكان ما ظني يخيب وهناك في المقابل تلاتة بنات جالسات سوا يضحكن ويقرقرن قلت قطع شك ياما السنبلاية وبانه وهمسات وفي الناحية التانية جالسين اخوانا ناس الشنبات يضحكوا سااكت وخالفين كرعينهم وقدامهم تربيزة كبيرة من الزجاج المعشق وعليها مقدمة حلاوة كبيرة وكم زهريات حلوة
انا غايتو لمن شفتهم وقفت في مكاني وقلت ليهم والله الليلة الزلابية خلتنا نشوف ناس
ووقف الحضوور كلهم وهم مبتسمين وكلهم بصوت وااااحد المريسييييييييييل
سلمت علي الرجال اخواني اول بالتبادي وبالجد كان كل واحد فيهم التقول اسمو مكتوب في جبينو بعدو وايا ودابنعوف كلهم عرفتهم من اول مرة بالرغم اول مرة اشوفهم حكاية عجيبة صاح
لكن بالامانة كده غلبني اتمعن في وجوه الانسات ديل ومديت يدي وقعدت اسلم وانا بين ضاحك وارجف وده كلووو يرجع عشان لي زمن ماسلمت علي مرة كانن حلوات وطيبات وكل واحدة لها رونق وحضور مختلف تبادلنا السلام والتحايا وجلسنا نتبادل اطراف الحديث يحكي هذا يرد ذاك ينكت بعدو نضحك جميعا والونسة كانت جميلة وكانت كلها عن المنتدي والمشاركات الحلوة وكيف الناس بتعلق علي المواضيع وروعة الكتاب الذين اتحفونا بالبوستات الجميلة يااااا ه كانت جلسة حلوة بالجد
جاتنا ذاتو بعدما جهزت العصائر والحلويات ولكن عاينت ليها كده وعرفتني علي طول
وانا قاصد ليها وين الزلابية والشاي
وهي تلوح لي بيدها كده شخ شخ لالا لالا
شخ شخ لالالا كيف يعني 3313
قربت مني وقالت لي الكبريت الجبتو ابي يولع معاي
ليه ماله :004:
وقعت مني في جردل الموية واتبلت قلت احسن اقلبه عصائر وحلويات
ضحكت كده وقلت ليها زلابية وراحت مننا وسجم الكبريت الحرمنا منها

:l: :l: :l: :l: :l: :l:


جدعة .... اخيرة

تعيشوا وتاخدوا غيره كانت هذه حلمة من احلام اليقظة التي تراودني بين الحين والاخر

:d: :d: :d: :d:
ههههههههههههه الكبريتة شريتها فى الشمس عشان تنشف :l: :l:
يجازى شيطانك يا المريسيل :d:
انا فى البداية تنحت وعيونى قربن يطلعن من محجرن :yar:
بس كانت لمة ولا فى الاحلام
شوفت وايا بقميصه المشجر داك ولا بعد الزمن بالبنطلون ابو حمالات كان حالهم يكسف :l:
بس انت يا المريسيل الواحد ما يرسلك لى شئ تيجى تفتضحو فضيحة اللحمة فى الجزارة :004:

صورة العضو الرمزية
مرسال الشوق
مشاركات: 14746
اشترك في: الاثنين 2009.11.2 3:49 pm
مكان: عارفني منــــــــــــــك

رد: كبريت ذات الشجون

مشاركة بواسطة مرسال الشوق »

السنبلاية كتب:
احسن حاجة عملتها فى حلمك الحلمتا بيهو وانت صاحى .. !!!
قلتا الحافلة .. ما قلتا ( الكارو ) ..!!؟ :yar:
عشان لو كان بيت ذاتو بيمشوا ليهو بالكارو انا بعتذر من المشوار
احسن اشرب كركدى .. 2323 2323
قال حلمان قال ..!!؟ 123 45

سنة يا احلام اليغظة ...!!؟

ماكتر خيري وديتكم ناس ذاتو واهو لقيتو ليكم شرباتات شربتوها
المرة الجاية بوديكم سقط لقط واخليكم في صحراء الربع الخالي
واخليكم تقولوا حقي برقبتي


:d: :d: :d: :d:
صورة العضو الرمزية
مرسال الشوق
مشاركات: 14746
اشترك في: الاثنين 2009.11.2 3:49 pm
مكان: عارفني منــــــــــــــك

رد: كبريت ذات الشجون

مشاركة بواسطة مرسال الشوق »

همسآت المطر كتب: والله يا المرسال بجد بجد ابدعت خيال فات حق المساطيل بهناااااك :l:

انا اتخيلت العزوومه ضبيحه تقول ذلابيااا :d:

باقي انا زاتي اليومين دي بقيت زيك اهوجس بالحم والشيه والمراره ساااي :d:

وبجد ذاتوو كنها هي اللي في القصه حسيت بكدا انا 123


يخليك ياغالية ...
وربنا يسعدك كمان وكمان .... لكن شنو رحلة كاربة صاح
اتخيلتي ذاتو قلتي لي اها لقيتيها كيف حبوبة صاح
بس ياخسارة وقعت الكبريتة في الموية شكلها كده عاملاها مخصوص

:d: :d: :d:
صورة العضو الرمزية
مرسال الشوق
مشاركات: 14746
اشترك في: الاثنين 2009.11.2 3:49 pm
مكان: عارفني منــــــــــــــك

رد: كبريت ذات الشجون

مشاركة بواسطة مرسال الشوق »

ام صبا كتب:مرسال الشوق طاب مساك
تصدق كيفتني جد عشان انا اللقيمات عندي احلى من كل شي
بس قلبتوها عصير وضيعتوا علينا اللقيمات بالله عيد الحلم
خلينا ناكل اللقيمات وكل سنه وانتو طيبين وياريت الحلم يكون واقع
تستاهلي كل خير ياغالية
اها المرة الجاية بنشيل معانا كم كبريت النشوف ذاتو دي بتمشي وين
:l: :l: :l:
صورة العضو الرمزية
مرسال الشوق
مشاركات: 14746
اشترك في: الاثنين 2009.11.2 3:49 pm
مكان: عارفني منــــــــــــــك

رد: كبريت ذات الشجون

مشاركة بواسطة مرسال الشوق »

ذات الشجون كتب:
ههههههههههههه الكبريتة شريتها فى الشمس عشان تنشف :l: :l:
يجازى شيطانك يا المريسيل :d:
انا فى البداية تنحت وعيونى قربن يطلعن من محجرن :yar:
بس كانت لمة ولا فى الاحلام
شوفت وايا بقميصه المشجر داك ولا بعد الزمن بالبنطلون ابو حمالات كان حالهم يكسف :l:
بس انت يا المريسيل الواحد ما يرسلك لى شئ تيجى تفتضحو فضيحة اللحمة فى الجزارة :004:



اهاهاهاهاهاهاهاهاهاهاهاه
يخليك لينا ومايحرمنا من كرمك وايا ده حالتو اتشطف
من بدري والعجب بعدو قال ليه يومين بعوم في الترعة
الجنب بيتهم عشان يكون جاهز للعزومة دي
انت شفتي حاجة فضيحتك بجلاجل وبعدين نحن
جبنا الحاجات والناس ديل رايحين بالشارع
عاوزه تمرقينا ساكت من المولد بدون حمص حلااااتك :l: :l: :l:


:d: :d: :d: :d:
صورة العضو الرمزية
السنبلاية
مشاركات: 16000
اشترك في: الأحد 2010.3.28 1:46 pm
مكان: ود مدنى

رد: كبريت ذات الشجون

مشاركة بواسطة السنبلاية »

مرسال الشوق كتب:
ماكتر خيري وديتكم ناس ذاتو واهو لقيتو ليكم شرباتات شربتوها
المرة الجاية بوديكم سقط لقط واخليكم في صحراء الربع الخالي
واخليكم تقولوا حقي برقبتي



:d: :d: :d: :d:

شكلك بقول .. طورتا الكارو لـ( طيارة مروحية ) .. 123 45
عاوز تودينا بيها الصحراء ..!! 2323 2323
صورة العضو الرمزية
مرسال الشوق
مشاركات: 14746
اشترك في: الاثنين 2009.11.2 3:49 pm
مكان: عارفني منــــــــــــــك

رد: كبريت ذات الشجون

مشاركة بواسطة مرسال الشوق »

السنبلاية كتب:
شكلك بقول .. طورتا الكارو لـ( طيارة مروحية ) .. 123 45
عاوز تودينا بيها الصحراء ..!! 2323 2323
لالا بوديكم كداري عشان كعب العالي حقك العاجبك ده يقطس منك في الرملة

:l: :l: :l: :l:
صورة العضو الرمزية
السنبلاية
مشاركات: 16000
اشترك في: الأحد 2010.3.28 1:46 pm
مكان: ود مدنى

رد: كبريت ذات الشجون

مشاركة بواسطة السنبلاية »

مرسال الشوق كتب:
لالا بوديكم كداري عشان كعب العالي حقك العاجبك ده يقطس منك في الرملة

:l: :l: :l: :l:

لا خلاص انا بعتذر من المشوار معاكم ..!! 3313

صرحة .. حاجة تخلينى اوحل فى الرملا ما عاوزاها ..!!؟ 3313

شفتا كيف d010.gif d010.gif

صورة العضو الرمزية
مرسال الشوق
مشاركات: 14746
اشترك في: الاثنين 2009.11.2 3:49 pm
مكان: عارفني منــــــــــــــك

رد: كبريت ذات الشجون

مشاركة بواسطة مرسال الشوق »

السنبلاية كتب:
لا خلاص انا بعتذر من المشوار معاكم ..!! 3313

صرحة .. حاجة تخلينى اوحل فى الرملا ما عاوزاها ..!!؟ 3313

شفتا كيف d010.gif d010.gif

خلاص مامشكلة بنديك الحمار حق الكارو ... بس اوعي يفنجط بيك

:l: :l: :l: :l: :l:
صورة العضو الرمزية
السنبلاية
مشاركات: 16000
اشترك في: الأحد 2010.3.28 1:46 pm
مكان: ود مدنى

رد: كبريت ذات الشجون

مشاركة بواسطة السنبلاية »

مرسال الشوق كتب:
خلاص مامشكلة بنديك الحمار حق الكارو ... بس اوعي يفنجط بيك

:l: :l: :l: :l: :l:

امسك حمارك عليك والكارو بتاعتك ..!! 123 45 55

وانا بكلم ذاتو تشوف لينا أى حاجة نمشى بيها ..!!؟ d010.gif


:l: :l:
صورة العضو الرمزية
كيوبيد
مشاركات: 10052
اشترك في: الجمعة 2009.2.20 2:27 pm
مكان: الخرطوم

رد: كبريت ذات الشجون

مشاركة بواسطة كيوبيد »

المريسيل حقيقة خيالك عجييب
اتخيلتك بالجد بتسلم على البنات ومدنقر
حلوة الفكرة
شوف لينا لمة تانية بس فى خروف
ما دايرين زلابية
زرة زاتو كويييييييس ما تعزمينى ي دفعة
صورة العضو الرمزية
وحـــيد
مشاركات: 10029
اشترك في: الثلاثاء 2012.3.6 11:00 am
مكان: ‍‍‍‍‍

رد: كبريت ذات الشجون

مشاركة بواسطة وحـــيد »



هسع في عزومة ولا مافي :yar:

برمة : ام صبا منورة الراكوبة :d:

صورة العضو الرمزية
ام اسامه
مشاركات: 1670
اشترك في: الأحد 2014.3.2 9:05 am
مكان: الخرطوم

رد: كبريت ذات الشجون

مشاركة بواسطة ام اسامه »

هههههههه
يجازي شيطانك يا مرسال
تخريمة"
ذاتو العزومة متيييين؟؟؟
صورة العضو الرمزية
مسلمة وافتخر
مشاركات: 9423
اشترك في: الخميس 2008.11.13 5:16 pm
مكان: حيث اكون نفسى

رد: كبريت ذات الشجون

مشاركة بواسطة مسلمة وافتخر »

مرسال الشوق كتب:

اهاهاهاهاهاهاهاهاهاهاهاه
يخليك لينا ومايحرمنا من كرمك وايا ده حالتو اتشطف
من بدري والعجب بعدو قال ليه يومين بعوم في الترعة
الجنب بيتهم عشان يكون جاهز للعزومة دي
انت شفتي حاجة فضيحتك بجلاجل وبعدين نحن
جبنا الحاجات والناس ديل رايحين بالشارع
عاوزه تمرقينا ساكت من المولد بدون حمص حلااااتك :l: :l: :l:


:d: :d: :d: :d:

ياتو حاجات الكبريتة المبلولة ديك ولا حاجات غيرها :d:
ولا انت قصدك رطيل السكر الجيت لافيه فى ورق فلسكاب داك :l:
اومال كان جبت معاك عتوت لا سخيل كان طردتنا من البيت عديييل كدا :l:
صورة العضو الرمزية
مسلمة وافتخر
مشاركات: 9423
اشترك في: الخميس 2008.11.13 5:16 pm
مكان: حيث اكون نفسى

رد: كبريت ذات الشجون

مشاركة بواسطة مسلمة وافتخر »

السنبلاية كتب:
امسك حمارك عليك والكارو بتاعتك ..!! 123 45 55

وانا بكلم ذاتو تشوف لينا أى حاجة نمشى بيها ..!!؟ d010.gif


:l: :l:
الهليكوبتر جاهزة 123 45
خلى ناس المرسال يمشوا بالكارو :l:
صورة العضو الرمزية
مسلمة وافتخر
مشاركات: 9423
اشترك في: الخميس 2008.11.13 5:16 pm
مكان: حيث اكون نفسى

رد: كبريت ذات الشجون

مشاركة بواسطة مسلمة وافتخر »

وحـــيد كتب:


هسع في عزومة ولا مافي :yar:

برمة : ام صبا منورة الراكوبة :d:


الخبيز والبسكويت انتهى تشرب شاى بلبن2 1212
أضف رد جديد

العودة إلى ”منتدى الراكوبة“