نصائح ذهبية من الهرشه اللهيّي
المشرف: بانه
نصائح ذهبية من الهرشه اللهيّي
السلام عليكم ورحمة الله ، طبعا هذا الموضوع ملطووووش من بريدي الخاص
وحبيت أنصح به لوجه الله الأحباب المغلوبين علي أمرهم ( زي ناس هههههه )
وأحذروا ياشباب من ذوات السواطير والصبغة والمتشبهات ( بالكاوبوي)ورامبو وجماعتوا,
ما أن تم نشر المقال الماضى عن ظاهرة (قتل الأزواج) التى تنامت مؤخراً إلا وأصبح هاتفى لا يتوقف عن الرنين كما إمتلأ موقعى وبريدى الإلكترونى بالرسائل والتعليقات التى كان (آدم) يعبر فيها عن (خوفو من نفس المصير) ويطالب فيها بعقد مؤتمر (للسلام الشامل) و(المصالحة الزوجية) بينما كانت كل رسائل وتعليقات (حواء) تنصب فى أنها لا زالت تتمتع بإنوثتها ورقتها وأنو (مسألة المسدسات) و(السواطير) دى لا تلجأ إليها إلا مرغمة بعد أن (يفيض بيها الكيل) هذا وقد حملت بعض الرسائل من (حواء) تهديدات (لآدم) وجدت أنه من واجبى أن أسدى له هذه النصائح حتى لا يتم تنفيذها ويواجه من ثم مصيره المحتوم ! وحقو يا آدم تسمع نصايحى دى :
أجعل جزءًا من وقتك للجلوس مع الزوجة للتسامر والتحدث والتسلية والمزاح والمداعبة، مهما كانت مشغولياتك وبطل حكاية تعبان وفتران ومرهق وعاوز أشوف الكورة !
- المناداة عليها بأحب الأسماء إليها، ومخاطبتها بلطف وعذوبة مش (يا هوى) ويا (زولة) .
- إبداء الإعجاب بها، وامتداح جمالها وهندامها وطعامها دائمًا، عملت (محشى) ده أحسن محشى ، عملت (شوربة) دى أطعم شوربة ، ما عملت حاجة (تنوم على لحم بطنك) .. مفهوم.
- عامل زوجتك كما كنت تعاملها أيام الخِطْوبة (دى صعبة شديد لكن حاول)
- حاول أن تتصل بها من مكان (الشغل) وقول ليها كلام (فرايحى) يدخل فى نفسها البهجة والسرور بدلاً عن سؤالك الدائم لها : (أمشى شوفى الجمرة فاضل فيها كم؟)
- عند وصولك للبيت ابحث عنها أولاً، بدلاً عن (فتحك للتلفزيون) والبحث فى القنوات الفضائية ، وقدِّم أي شيء يعكس فرحتك بلقائها بدلاً عن (كيس الموز) الكل يوم !
- تعامل معها دائمًا بالرفق و(الحنية) ولا تكن عنيفاً فى تعاملك عشان العنف لا يولد إلا العنف (والنتيجة فى الآخر مافى صالحك)!
- اجعل طلباتك (الكتيرة ومسيخة) تبدأ بكلمات مثل (لو سمحتى بالله) ، (لو ممكن) ناولينى الحاجة دى لأن الإستمرار فى إستخدام (أفعال الأمر) جافة كده أكيد ممكن يعمل (ترسبات) قد تؤدى بأن (تناولك) فنجان القهوة أياهو !
- إذا جاءتك محادثة لا تأخذ الموبايل وتبتعد عنها بعيداً فإن تكرار المسألة دى ح يخليك تبتعد عن حاجات كتيرة أولها (الدنيا) !
-- إذا كنت من الناس القاعدين (يدسوا ليهم قريشات على جنبة) دون علمها فأعلم أن أضمن مكان لوضع هذه القريشات هو دولاب ملابسها ! (عن تجربة وكده) !! لأنو لو ختيت القروش دى فى أى حتة تانية ممكن تلاقيها وإذا لقتها مين عارف إحتمال تمشى تشترى بيها (أسلحة دمار شامل)
- تعلم الإنصات لها وتوجيه الأسئلة التي توضح مدى إهتمامك بها من شاكلة (والله حنتك تجنن) لكن عليك بالتركيز جيداً هنا حتى لا تكون (حنة قديمة) فتكون ضحية بقية (الصبغة الفضلت)
- شاركها بالأعمال المنزلية خاصة أعمال المطبخ فإن ذلك يساعدك على معرفة السكاكين (السنينة) ومن ثم (التخلص) منها وأهو الإحتياط واجب وإلا مش كده ؟
- تعلم أن تكيل لها عبارات الثناء والشكر والتقدير على كل ما تقدمه لك خاصة عند (تقديم القهوة وكده) ،
فربما يجعلها ذلك (تحن) وتغير (الراى بتاعا) فى آخر دقيقة!
- لا تهمل اصطحابها في نزهة أو رحلة؛ وليكن ذلك أحيانًا بدون الأطفال ولكن تجنب الوقوف أمام حافة الأماكن العالية ومصبات الأنهار !
- قف بجوارها بعطفٍ وحنانٍ في أزماتها الصحية وقدم لها كل المساعدا ت الممكنة لتكون فى أكمل صحة وعافية وتأكد إنك لن تندم على ذلك عندما تكون تحت تأثير (البنج) فى غرفة العمليات !
- لا تنسَ ما تطلب منك إحضاره من الخارج مهما كان صغيرًا فربما يؤدى ذلك إلى إلغاء أو (حتى تأجيل)
ساعة الصفر
- لا تنتقدها- خاصةً أمام الغير- بل استخدم التلميح لتوصيل ما تريد لأنو إنتا عااارف إنها فى الأخير ح (تنفرد) بيك
- الاهتمام بصديقاتها وإكرامهم (لكن بس ما تكتر المحلبية) ! عشان فى حاجة إسمها (شكوك وكده) !
- حاول أن تخفى مساعداتك (لأهلك) لأن معظم الزوجات بيعتبروا إنو (شهادة البحث) بتاعت الراجل مكتوب عليها (ملك حر) !
- ابتسم فى وجهها حتى فى أحلك اللحظات ( وإنتا بتشرب فى القهوة) مثلاً !
- يجب أن يكون حوارك معها سلساً ونقاشك معها منطقياً وعند الإختلاف والجدال يجب التسليم بالرأي الصواب الذى فى الغالب رأيها حتى تتجنب بلاوى كتيرة !
- احترم ترتيبات زوجتك للمنزل، ولا تسألها لماذا وضعت السرير الذى تنام عليه (بعيد من أخوانو) .. ياخى ما تخليكا زول شكاك وعندك هواجس !
- تجنب الغضب والاندفاع والتهور لأبسط الأمور، وأعرف إنو لو إنتا متهور ممكن يكون فى ناس متهورين أكتر منك !
كسرة :
إنتا أعمل بالنصائح الفوق دى وخلى الباقى على الله !
رد: نصائح ذهبية من الهرشه اللهيّي
[align=center]مشاءالله عليك ياعمى
والله لو كل الرجال عملو بنصيحتك
كان انحلت كل المشاكل الزوجية
الله يعطيك العافية
على البوست الرائع
لك الود وكل الاحترام
[/align]والله لو كل الرجال عملو بنصيحتك
كان انحلت كل المشاكل الزوجية
الله يعطيك العافية
على البوست الرائع
لك الود وكل الاحترام
رد: نصائح ذهبية من الهرشه اللهيّي
فى حاجات ممكن لاكن للدرجه دى بتشد السرج وتركب
رد: نصائح ذهبية من الهرشه اللهيّي
أسأل مجرب ولا تسأل طبيب
ينطبق عليك المثل
يابوصديق ياخوى وانا اقول ليه وشك كلو محفر اتارى من اثر السواطير والسكاكين
عفيت منك يام صديق
عاشان تانى تمشى لى حفلات الجامعه الامريكيه
- ahmedBolbol
- مشاركات: 8086
- اشترك في: الأحد 2008.12.21 6:04 pm
- مكان: الامــاراتــــــ / دبـــــــــــــى
- اتصال:
رد: نصائح ذهبية من الهرشه اللهيّي
ادهم كتب:
أسأل مجرب ولا تسأل طبيب
ينطبق عليك المثل
يابوصديق ياخوى وانا اقول ليه وشك كلو محفر اتارى من اثر السواطير والسكاكين
عفيت منك يام صديق
عاشان تانى تمشى لى حفلات الجامعه الامريكيه
ههههههههههههههه والله انت يا ود عمتى لسانك ده متبرى منك
ام صديق ربنا اكون فى عونها وين تانى تنافس مع جكس الامريكية.
ام صديق ربنا اكون فى عونها وين تانى تنافس مع جكس الامريكية.
- ملاك الورد
- مشاركات: 5979
- اشترك في: الجمعة 2009.5.29 3:26 pm
- مكان: السودان الحنون
رد: نصائح ذهبية من الهرشه اللهيّي
[align=center]
ههههههه
دا كله ما بنفع
لازم تصادر كل الاسلحه البيضاء و امنع فلام رامبو تدخل البيت
بعد داك اطمن
مشكووووور
[/align]
ههههههه
دا كله ما بنفع
لازم تصادر كل الاسلحه البيضاء و امنع فلام رامبو تدخل البيت
بعد داك اطمن
مشكووووور
[/align]
رد: نصائح ذهبية من الهرشه اللهيّي
تسلمي ع المرور وترقبي البوست القادمالهنوف كتب:[align=center]مشاءالله عليك ياعمى[/align]
والله لو كل الرجال عملو بنصيحتك
كان انحلت كل المشاكل الزوجية
الله يعطيك العافية
على البوست الرائع
لك الود وكل الاحترام
يا مومن الرجال والموية في الغُربال
رد: نصائح ذهبية من الهرشه اللهيّي
ضرب الحبيب زي ............ادهم كتب:
أسأل مجرب ولا تسأل طبيب
ينطبق عليك المثل
يابوصديق ياخوى وانا اقول ليه وشك كلو محفر اتارى من اثر السواطير والسكاكين
عفيت منك يام صديق
عاشان تانى تمشى لى حفلات الجامعه الامريكيه
الله لناس المواسييير 6 بوصة
رد: نصائح ذهبية من الهرشه اللهيّي
بلبل حبيب الكل والكل حبيبكبلبل2 كتب:ههههههههههههههه والله انت يا ود عمتى لسانك ده متبرى منك
ام صديق ربنا اكون فى عونها وين تانى تنافس مع جكس الامريكية.
أدهووووومي بولع النيران لكن
قول ليهو إطمئن قطعنا العرق وسيحنا دمو من زمااان
والفي البر عوااام
وليك يوم يا ظالم
رد: نصائح ذهبية من الهرشه اللهيّي
المشكلة الأسلحة البيلوجيةملاك الورد كتب:[align=center]
ههههههه
دا كله ما بنفع
لازم تصادر كل الاسلحه البيضاء و امنع فلام رامبو تدخل البيت
بعد داك اطمن
مشكووووور
[/align]
والنووي إسكييييتي
وبيني وبينك مبروووووك
رد: نصائح ذهبية من الهرشه اللهيّي
[glow=ffff66]
عمو ابو صديق والله خالتو طلعت خطيرة
ماتخليها تجي تدعم كورسات ذات الشجون وملوكة
شكلها معلمممممممممممة سلم عليها كتير
وانصح الناس ديل كويس يعملو حسابهم قبل ماتقع الفاس في الراس
[/glow]
عمو ابو صديق والله خالتو طلعت خطيرة
ماتخليها تجي تدعم كورسات ذات الشجون وملوكة
شكلها معلمممممممممممة سلم عليها كتير
وانصح الناس ديل كويس يعملو حسابهم قبل ماتقع الفاس في الراس
- بسمة الحياة
- مشاركات: 2006
- اشترك في: الخميس 2009.3.26 10:15 pm
- مكان: K.$.A
- اتصال:
رد: نصائح ذهبية من الهرشه اللهيّي
ايوة
ده اصلا المفروض تعملو
بي سواطير ولا بدونا
ناس ما بتجي الا بالعين الحمرا هههههههههه
ده اصلا المفروض تعملو
بي سواطير ولا بدونا
ناس ما بتجي الا بالعين الحمرا هههههههههه
رد: نصائح ذهبية من الهرشه اللهيّي
jasmina كتب:[glow=ffff66][/glow]
عمو ابو صديق والله خالتو طلعت خطيرة
ماتخليها تجي تدعم كورسات ذات الشجون وملوكة
شكلها معلمممممممممممة سلم عليها كتير
وانصح الناس ديل كويس يعملو حسابهم قبل ماتقع الفاس في الراس
ههههههههههههه
ده ما انا يا بت أخوي
هسي أنا قايل نفسي برااي
عليكم الله ياجماعة شوفو عمنا محمد نعيم وين
ما إكونوا غتسوا حجرو
وكمان ودابنعوف هع
ده بكون مرقنو كرعيه
- مرسال الشوق
- مشاركات: 14746
- اشترك في: الاثنين 2009.11.2 3:49 pm
- مكان: عارفني منــــــــــــــك
رد: نصائح ذهبية من الهرشه اللهيّي
شكلك كده ياابو الصديق والله اعلم محبوس في حبس انفرادي
قعدت تنصح في الخلوق ونسيت نفسك
ام صديق شكلها جهجهت باكاتك وخلتك تزوزي بالخلاء
علي العموم لو احتجت لي اي دعم طبعا نحن مابنقدر نجيك
لكن بنرسل ليك عيش وحلاوة طحنية ....
وانت عاد اتحل من قيدك براااااك
جدعة مرسالية ...
الفريق بلاك اصبح خلاء ياخي ....
متمنين عودتك لقواعدك سالم يارب
قعدت تنصح في الخلوق ونسيت نفسك
ام صديق شكلها جهجهت باكاتك وخلتك تزوزي بالخلاء
علي العموم لو احتجت لي اي دعم طبعا نحن مابنقدر نجيك
لكن بنرسل ليك عيش وحلاوة طحنية ....
وانت عاد اتحل من قيدك براااااك
جدعة مرسالية ...
الفريق بلاك اصبح خلاء ياخي ....
متمنين عودتك لقواعدك سالم يارب
مودتي من الاعماق
2
رد: نصائح ذهبية من الهرشه اللهيّي
مرسال الشوق كتب:
جدعة مرسالية ...
الفريق بلاك اصبح خلاء ياخي ....
متمنين عودتك لقواعدك سالم يارب
مودتي من الاعماق
2
45 45
القال : الفريق اصبح خلا ...!!!؟
خلاص يا محبوبة مصطفى سيد احمد
خلاص يا محبوبة مصطفى سيد احمد