اكيد الكل يومياً بكون قرفان وزهجان من ضغوط الحياة الاقتصادية والمعيشة وضغوط العمل في مجال عمل كل واحد مننا لذلك جاءتني فكرة البوست لكي نبعد الكابة والاحزان ونزيل القرف الحاصل ونخفف علي بعضنا من الهموم
الفكرة
علي كل من يدخل في هذا البوست ان يترك بسماته بكتابة بيت شعر او بيت من قصيدة او من اغنية او نكتة مضحكة او اي شيء يراهو العضو مناسب لازالة الكرب والغضب ويجلب الفرح ويبعد الاحزان البوست للفرفشة والسعادة .
وعلينا ان نلتزم يومياً بالدخول ولا نبخل علي بعضنا ببسمة حلوة او قراة ما يسر
طبعاً يا جماعة ما في محل في الدنيا
فيهو هاجس بتاع عنوسة اكثر من السودان..
ما عارف ليه؟
وبدل يقولوا عانس .. والمعني معروف وخفيف.. يقولو (بايرة)
كلمة تقال للبضاعة وتقال لشئ يشترى ويباع..
معنى جد مضحك
ولمزيد من الضحك اليكم هذه النكات
على مسئولية أمولة...
واحده بايره وشينه حلمت انها قاعده في الكوشه قالت دايره تفسر الحلم اتصلت علي شيخ والرقم طلع غلط رد عليها واحد مسطول قالت ليهو ياشيخنا أنا حلمتا انو قاعده في الكوشه وعلي يدي اليمين قاعد كلب وعلي يدي الشمال قاعده حمامه معناها شنو قاليها يعني كان نبحتي وﻻ كان طرتي مافي عرس مافي عرس..... ...
مسطول بخاف من مرتو يوم شالت المفراكة وعايزه تدقو إدسه تحت السرير نزلت ليه وقالت: لو إنت راجل أطلع قال ليها: ماطالع والنشوف كلمة منو البتمشي في البيت ده
مسطول جاء البيت دق الباب جاتو مرتو قال ليها افتحي عشان انا شايل زهووور للقمر الواقف خلف الباب مرتو فتحت الباب وقالت ليهو ووووين الزهووور ؟ قال ليها وووين القمر ؟
مسطول اشترى طبق بتاع قنوات فضائية من ورا اهلو وقال ليهم انا إشتريت كلب كبير ومتوحش وخطير خليتو في السطوح مافي واحد يطلع فوق ح ياكلكم ..
قام طلع اخوهو المسطول الكبير.. نزل يرجف..
سألوهو أها شفت الكلب؟؟؟؟
قال: لا .. شفت الصحن البياكل فيهو..
مسطول جاء البيت دق الباب جاتو مرتو قال ليها افتحي عشان انا شايل زهووور للقمر الواقف خلف الباب مرتو فتحت الباب وقالت ليهو ووووين الزهووور ؟ قال ليها وووين القمر ؟