ديـــوان ود الرضي

مرجع لفطاحلة الشعراء

المشرف: بانه

صورة العضو الرمزية
ناجي عثمان عبد الرازق
مشاركات: 31498
اشترك في: الخميس 2010.3.4 7:12 pm
مكان: السعودية

رد: ديـــوان ود الرضي

مشاركة بواسطة ناجي عثمان عبد الرازق »





البريق العاتم سماه


البِرَيقْ العَاتِمْ سَمَاهُ أمْ فِوَيطْر أُمْ زَينْ بَاسِمَاهُ
يَامَنَامْ عَنَّى أَعْلِمَاهُ إنِّى وَالِه أشْتَاقْ لَمِاهُ
عَلُّو يَرْحَمْ قَلْباً رَمَاهُ مِنْ مُعَسَّلْ بَارِدْ لَمِاهُ
طَيفُو حَسَّسْ قَلْبِى ورَمَاهُ قُتْلُو رَاعِى الحَالْ أَرْحَمَاهُ
إِمْتَى حَرَمَكْ أَدْخُلْ حِمَاهُ قَالِّى مَذْهَبْ مَالِكْ حَمَاهُ
الحُسْن الدَّايْماً نَمَاهُ والجَّبِينْ النِّاِضْح لُو مَاهُ
الجِّسَيمْ المُتْرَفْ أَمَاهُ الحَرِيرْ النَّاعِمْ دَمَاهُ
النَّجُلْ دَاغْسَاتْ نَاعِسَاهُ جَدْلهَ إيدُه ومَوْضِعْ رَسَاهُ
صَدْرُه أيْنَعْ ثَمَرَاً أسَاهُ مَالْبُو حَاكَى البَرْزَخْ رَسَاهُ
الخِدَيدْ النَّوَّرْ مَسَاهُ دِيمُه ذَاكِرْ ودَايْمَاً نَسَاهُ
بَرْضِى قَابِضْ جَمْرَةْ أسَاهُ عَلُّه شْعُرْ بِذَلِكْ عَسَاهُ
الجَّبِينْ اللاَّمِعْ فَضَاهُ نُورُه ضَاحَكْ نُورْ عَارِضَاهُ
عَلِّى أنْظُرْ بَسْمَةْ رُضَاهُ أرَى بَرْدَاً وغَيْمَاً حَضَاهُ
نُورُه يَسْطَعْ يَظْهِرْ خَفَاهُ شَعْرُه يَسْدُلْ يَسْتُرْ قَفَاهُ
البِرُوقْ والغَيمْ فِي صَفَاهُ يَحْكُو فَرَّهْ فَاطْرُو وشِفَاهُ
يَمْشِى رِدْفُه يَكَادْ يَوْقِفَاهُ كَتْفُه يَلْثًمْ طَيَّاتْ قَفَاهُ
المُرَجرَجْ كَفَلُو الكَفَاهُ المُزَمْزَمْ زَىْ خَاتْمُو فَاهُ
لَوْ تَرَيَّضْ سَاعَةْ عِشَاهُ طِيبُه سَكَنْ الطَّرُقْ المَشَ
القَمَرْ والبَانْ إخْتَشَاهُ مِنْ جَبِينُه ومَلْيَتْ حَشَ
دَا البِهِدْ للآمِلْ بُنَاهُ دَا البِزِيدْ للعَاشِقْ عَنَ
دَا البِخِلْ للعَابِد سَنَاهُ دَا البِنَسِّى العَاقِل جَنَ
البِرَيقْ المَثَّلْ لِفَاهُ والشَّوَادِى البَى ذِكْرُو فَاهُ
شَنْ حَالِى وعَكَّرْ صَفَاهُ طَالْ هِيَامِى وطَالْ لَىْ جَفَ

صورة
صورة العضو الرمزية
ناجي عثمان عبد الرازق
مشاركات: 31498
اشترك في: الخميس 2010.3.4 7:12 pm
مكان: السعودية

رد: ديـــوان ود الرضي

مشاركة بواسطة ناجي عثمان عبد الرازق »





رائعة ودالرضي

مثال للزوجة الصالحة والزوج الوفي


الرمية:
قالت وداع لي قلوبنا صاح .. اتبكمو الناس الفصاح
الجن صحا وجنو النصاح.. الجاهلة مي جاهلة نصاح
جات من تقوم ترعى الضنى.. الربرباي يا حسبنا
تــنت الكتيف في الانبنا.. الجاهلة يحفظا ربنا
قلت ليه رف قال لي بعيد لوكان قريب يوم الوعيد
قلت ليه درني اكون سعيد .. قال لي ولا في كل عيد
يا جميل حي .. الليلة هوي ليلنا

القصيدة

بريدا براها ترتاح روحي كل ما اطراها
ست البيت

قالت جارتها مجاوراها تجي شايلة وتجي مزاوراها
تلحظ احتياجنا براها .. نشكر سعيها بي وراها

ربنا بالجمال كافاها لامن قال قواما كفاها
المسرورة مي تافاهة .. يا حلاة الكلام في فاها



مي العزاية دايماً سادا.. ومي الغبشة المغبرة حادة
مي اللهفانة بي ورا المادة.. دي اللي شبابا ديمة موادة

ومن صابحتها وماسيتا .. طاعمة وناعمة لو مسيتا
ما قاستني ما قاسيتا .. وتشكر فضلي كل ما كسيتا

وليه ما اشكرا مطاوعاني .. حافظة لي متعتي وحافظاني
حاوية من الانوثة معاني .. مهما ابقى مر بالعاني


ان كان يوم حبيب واصلي .. الكرم العريض يوصلي

منها قط خلاف ما حصلي ..
بس
ازعاجها لي قوم صلي

صورة
صورة العضو الرمزية
ناجي عثمان عبد الرازق
مشاركات: 31498
اشترك في: الخميس 2010.3.4 7:12 pm
مكان: السعودية

رد: ديـــوان ود الرضي

مشاركة بواسطة ناجي عثمان عبد الرازق »





دمت أوالى


دُمْتَ أَوَالِى ذِكْرَ التَّوَى لِى وأَنْتَعِشْ مَرَّاتْ العَلِيلْ
لَو هَوَاكْ يَا أَهْيفْ هَوَى لِى لاَ سَمَاءً سَهْل النَّوَالِ
مَالِى والشَّمَّاتْ الخَوَالِى بَعْصَى فِى مَرْضَاكْ كُلَّ وَالِى
مَا عَلَىْ فِى الجَّفَا والأَوَالِى مُلْتَهِبْ مُلْتَاحْ وإنْتَ وَالِى
لَى زِلاَلِى وظِلِّى الظَّلِيلْ
لَوْ يَكُونْ فِى حُبَّكْ زَوَالِى فَالعَزِيزْ لَى عِزَّكْ ذَلِيلْ
لَيْتَ هَذَا البَينْ إِنْطَوَى لِى فِى لَيَالِى البُعْد الطِّوَالِ
كَانْ تَطِيبْ أَيَّامِى التَّوَلِى كَانْ لِوَاءَ السَّعَدْ إِلْتَوَى لِى
والزَّمَانْ بَالخَيرْ كَانْ نَوَى لِى كُنْتُ أَلْثُمْ كَفْ الرَّوَى لِى
خَلْفَ بَدْرَكْ لَيْلاً سَدِيلْ
لَوْ بَكَيْتُ وبَكَى مَنْ حَوَى لِى بَالفُرَاقْ كَمْ صَدَحْ الهَدِيلْ
لَوْ حَبِيبِى إِنْصَرَتْ حِبَالِى بَرْضَهَا العَبْرَاتْ مُصْبِحَالِى
لَوْ بُلِيْتَ وصَارْ جِسْمِى بَالِى لَوْ حَكُوا الحَاكُونْ بَى وبَالِى
مَهْمَا قَالُوا النَّاسْ مَا مِبَالِى مِلْتُ كُلْمَا تَخْطُرْ بِبَالِى
مَافِى حَيَّا مَالَيهُ مَيلْ
أَصْبُو رِيحْ الصَّبَا مَا صَبَا لِى زُرْ مَنَامَاً تَصْنَعْ جَمِيلْ
يَا إتِّجَاهِى وإِتِّجَاهْ سُؤَالِى إِنْتَ زِنْتَ الدُّرْ واللآلِى
أْنَتَ أَرَبِى بَلْ إِنْتَ فَالِى إِنْتَ رُوحِى وصَحْبِى وآلِى
مُذْ نَأَيْتُمْ عَنِّى ونَأَى لِى الزَّمَانْ إِتْنَكَّرْ مَآلِى
حَيْثُ إِنْتَ الكُلْ والكَلِيلْ
لَوْ رَآكْ مَبْغُوضِى ورَأَى لِى كُنْتُ لَيهُ الخِلْ والخَلِيلْ
النَحِيبْ لأيَّامْنَا وزَمَانَا الكُنَّا فِى صَفْوَاتَه وأَمَانَا
قَبْلِ مَا يَتَعَذَّرْ لَمِانَا بَعْدَ نَأَيَكْ أَفْضَلْ عَمَانَا
يَا حَيَاةْ أَرْوَاحْنَا وطَمَانَا لَوْ زَمَانْنَا بِهَجْرَكْ رَماَنَا
كُلَّ شَىْ بَى ضِدُّه بِيَزِبلْ
إِنْ عَطَفْتَ إِنْطَفَى حَرْ ظَماَناَ وإنْ جَفَوْتَ فَشَوْقَاً جَزِيلْ
قَالِّى هَاكْ مَكْنُونْ السَّرَائِرْ يَا طَرِيحْ مَنْ أَلِفْ السَّرَايرْ
مَا الدَّهَاكَ بَحُبْ الحَرَائَرْ دُونْ حُلُوكَ تَحُولْ المَرَايَرْ
يَا سَلاَمْتَكْ عُقْبَالْ جَرَايرْ العِرُوضْ والأَغْرَاضْ ضَرَايِرْ
والرَّقِيَبْ وأَشَارْ للهَدِيْل
الشَّرِيرْ مَنْ تَبِعْ الشَّرَايِرْ والكَرِيمْ مَنْ تَبِعْ العَدِيلْ
اسْتَعِنْتَ بِجَلَدِى ورَائِى سَاوَمْتُة يَا خِلاَّىْ إِشْتِرَائِى
كَىْ أَرَاهُ ومَانَى المِرَائِى مَانِى جَاهْل الدَّاهْمَة الوَرَائِى
قَالِّ ذَلكَ زُورْ وإفْتَرَاءِ قُلْ لِى مَنْ لِلْعَنْقَاءِ رَائِى
كُفْ وكَفْكِفْ ذَا المُسْتَحِيلْ
قُتَّ آهٍ فُصِمَتْ عُرَائِى صَدَّ عَنِّى وَزَرَفْ الكَحِيلْ
قُتَّ مَرَّتْ الاَيَّامْ يَا السَّلاَمَة وإنْتَ عَينَه وسِيْنَه ولاَمَه
يَا مُنَزَّهْ عَنْ المَلاَمَة يَا صَبَاحَا كَشَفْ الظَلاَمَه
يَاصَبِيحَاً حُسْنَك عَلاَمَه تَعْدُو عَيْنَاكِ عَنِّى عَلاَمهَ
وقَلْبِى هَايِمْ ودَمْعِى الهَمِيلْ
إنْتَ نَارِى وإنْتَ السَّلاَمَه والزَّمَانْ بَى مَيْلَكْ يَمِيلْ
قَالَّى هَاكْ نُصْحِى وهَاكْ عَوَانِى لاَ تَقُولْ لِلجَّوَى والجَّوَانِى
الهَوَى نِبْرَاسَ الهَوَانِ مَا الجُّهُدْ فِى حُبْ الغَوَانِى
والغَرَامْ للنَّاهِضْ يَوَانِى تَجْنِى زَرْعَكَ والكُلْ فَوَانِى
خَلِّى غَرْسَكْ شَبَه النَّخِيلْ
بَينْ حَيَاتِكْ ومُوتَكْ ثَوَانِى كُنْ عَلَى مَا تَضْمُرْ بَخِيلْ
لَوْ رَأيتْ مَرْآتْ مَحَيَّكْ بَالحَقِيقَة وأَمْعَنْتَ زَيَّكْ
تَلْقَى سِحْرَاً رَاهِبْ تَحَيَّكْ حَفَّ مَايْقَاً رَاعِبْ وَرَيَّكْ!!
الصَّفَا المَوصْوُف هُوْ زَيَّكْ يَا الفَرِيدْ فِى حُسْنَكْ وجَيَّكْ
شُوفْ جَبِينَكْ تَلْقَى الدَّلِيلْ
لَوْ تَقَارِنْ بَالبَدْرِ ضَيَّكْ تَلْقَى مَحْيَكْ أَزْهَرْ جَلِيلْ
هَاكْ ثَنَاىَ يُقَارِبْ عُلاَكَ يَا نَزيه ويَغِيرْ كَاحِلاَكَ
يَا العَفَافَكْ صَايَنْ وَلاَكَ إكْفَهَرَّ الزَّىْ بَانْ جَلاَكَ
وإنْتَصَبْنَ النَّيْرَيَنْ إلاَكْ.. مَا إشْتِعَالْ النُّورْ العَلاَكَ
ومَا النَّسِيَمْ العَاطْر بَلِيلْ
َيْبَقى خَدَّكْ ضَاحَك حُلاَلَ أَمْ بَسَمْتَ وفَاحْ العَلِيلْ؟
نَشْوَةْ الأَلْبَابْ مِنْى هَاكَ دُرْ يَنَاسِبْ لَى مُشْتَهَاكَ
الحَيَا المِنْ شِيَمَكْ نَهَاكَ أَنْ تَفَاخْر وتَظْهِرْ زَهَاكَ
أَوْ تَكُونْ مَغْرُورْ بَى بَهَاكَ آبى تَأبَى الحُرَمْ إِنْتِهَاكَ
جَنَّه عَطْفَكْ وجَفَاكَ وَيِلْ
قَالْ أَتَسْخَرْ أَمْ مِنْ دَهَاكَ؟ أَقْصِرْ أَحْسَنْ شَرْحَكْ طَوِيلْ
القَوَافِى البَدَتْ إِعْتذَارَه والقُلُوبْ الخَافَتْ بَزَارَه
والوَرِعْ التِّبِعْ النِّذَارَه الجَّمِيعْ مِنْ مَايْقَكْ حَذَارَى
يَا سُلاَفَة مَعَنَى العَذَارَى رَوْضَة حُسْنَكْ والنَّاسْ هَزَارَى
يَا الخَرِيفْ الوَافَاهُ نِيلْ
يَا رَبيعْ المَاحْلَة المَزَارَة يَا سَعَادَة حَظْ مَنْ يَنِيلْ
مَا مُحِبَّاً بَحَبِيبْ تَفَوَّهْ إلاَّ صَدَّعْ كَبْدِى وتَأَوَّهْ
دَمَعِى تَرْجَمْ عَنْ حَالِى نَوَّهْ فَيِكَ بَنْظِمْ دُرْ مَا مَمَوَّهْ
فَصْلُوَ جَوْهَرْ خَاصْ غَيرْ مُشَوَّهْ بَى غَرَايِبْ حُسْنَكْ مَجَوَّهْ
عَنْ تَحَيُّزْ لِصَّاً يَصِيلْ
يَامَا حُسْنَكْ تَوَّهْ ونَوَّهْ كَالْكَواكِبْ زَانُوا الأَصِيل

صورة
صورة العضو الرمزية
ناجي عثمان عبد الرازق
مشاركات: 31498
اشترك في: الخميس 2010.3.4 7:12 pm
مكان: السعودية

رد: ديـــوان ود الرضي

مشاركة بواسطة ناجي عثمان عبد الرازق »





تيهى فوق العز والنفل

تِيهَى فُوقْ العِزْ والنَّفَلْ لَيْلَى قُولْ حُسَّادِكْ أَفَلْ
لَيْلَى لَيلَة ولَيلِكْ سَدَلْ فِيكْ عَلِيلْ الصَّبَا مُعْتَدَلْ
النَّجِمْ بَبَهَاكْ لَيْلَى دَلْ والفَهِيمْ بَالآيَة إسْتَدَلْ
لَيلَى قَدْركْ مَا إنْجَهَلْ لَيلَى سَعْدِكْ هَدَا شَهْرُة هَلْ
بَالسِّرُورْ كُلْ وَجْه إسْتَهَلْ والجَّمِيعْ لله إبْتَهَلْ
فِيكِى كُلَّ الخَيرْ إنْبَهَلْ والعَفَافْ المَزَجُو الجَّهَلْ
بَالطَّرَبْ كُلْ عَقُلْ إنْزَهَلْ المَهَلْ يَا لَيْلَى المَهَلْ
فِيكْ شَوَادِى إزْدَرَوا بَالْهَدَلْ فِيكِ هَزَّ البَهْلُولْ قَدَلْ
جُورِى تِيَهَاً جُورِكْ عَدَلْ أَنَا لاَ أرُومْ عَنْ جُورِكْ بَدَلْ
المبَُطَّرْ مَالْ وإعْتَدَلْ والمُرَجْرَجْ طَاوِى البِدَلْ
جَنْدَلْ الفِرْسَانْ أبْ جِدَلْ ولاَ عَلَيهُ إتْبَخْتَرْ قَدَلْ
مَاحْ رَتَلْ فُوقْ هَيْبَة ونَفَلْ خَرَّ بَدْرُه وطَمَحْ الكَفَلْ
يَا المُنِيرْ التَّامْ مَا أفَلْ إسْتَقَلَّ ورَفَتْ الحِفَلْ
جَرَّ تُوبْ الهَيْبَة الرَّفَلْ زَانْ لَجِمْع الجِيلْ الحَفَلْ
شَعْرُه رَيشْ هِضْلِيماً جَفَلْ فِكْرِى عَنْ تَصْوِيرُه إنْقَفَلْ
المُدَلَّلْ مَهْمَا فَعَلْ والخِدُودْ النُّورِنْ شَعَلْ
والجَّبِينْ الجَّافَى الزَّعَلْ يَا سَعَادْة الأمْ والبَعَلْ



صورة
صورة العضو الرمزية
ناجي عثمان عبد الرازق
مشاركات: 31498
اشترك في: الخميس 2010.3.4 7:12 pm
مكان: السعودية

رد: ديـــوان ود الرضي

مشاركة بواسطة ناجي عثمان عبد الرازق »





ليالي الخير

ليالي الخير جادن................من المحبوب
نسائم الليل عادن................من المحبوب
شفت في الأحلام ظبى يتهادن.....برخيم نغمات خلى تنادن
عبرات الشوق بى ازدادن......تلكم أحلام ليت تمادن
شفت الحسن الحافل رافل .....في ثياب العز والعز كافل
رانع واحل تايه غافل........لادن هادل ضامر كافل
هادئ ساكن آمن قادل ........بهجة هيبة حاكم عادل
لافح فره وطارح سادل......ليل عسعس كاسى الهادل
بوبح جيده وأبصر واقل ......ظن مراقب صدق العاقل
قلب المخضوب فوق الفاقل........تل اليمنى ومشى متاقل
رنا متخاوف بارق لجّ.........بعضه فى بعضه ترادف لجّ
نصفو تثنى وآخر لجّ ...........لاطم أمواج من غير لج
رفع الهدب شفت محور ..........نوره تدفق صعد أتدور
فكر في شئ فضل أتصور.....بسم النوار فتح نور
فيه تأمل أيسر بند ..........لدن المثمر غصنه البندى
مايقه ترقرق شهر الهندي ......... فوح منو العرف الرّندى
وصحيت ندمان نومي انقل........تناوم غش وقواي كل ّ
حاولت النوم لكن كلا.........هيهات يعود الكان ولّى
شفت في الأحلام ظبى يتهادن.....برخيم نغمات خلى تنادن
عبرات الشوق بى ازدادن......تلكم أحلام ليت تماد
شفت الحسن الحافل رافل .....في ثياب العز والعز كافل
رانع واحل تايه غافل........لادن هادل ضامر كافل
هادئ ساكن آمن قادل ........بهجة هيبة حاكم عادل
لافح فره وطارح سادل......ليل عسعس كاسى الهادل
بوبح جيده وأبصر واقل ......ظن مراقب صدق العاقل
قلب المخضوب فوق الفاقل........تل اليمنى ومشى متاقل
رنا متخاوف بارق لجّ.........بعضه فى بعضه ترادف لجّ
نصفو تثنى وآخر لجّ ...........لاطم أمواج من غير لج
رفع الهدب شفت محور ..........نوره تدفق صعد أتدور
فكر في شئ فضل أتصور.....بسم النوار فتح نور
فيه تأمل أيسر بند ..........لدن المثمر غصنه البندى
مايقه ترقرق شهر الهندي ......... فوح منو العرف الرّندى



صورة
صورة العضو الرمزية
ناجي عثمان عبد الرازق
مشاركات: 31498
اشترك في: الخميس 2010.3.4 7:12 pm
مكان: السعودية

رد: ديـــوان ود الرضي

مشاركة بواسطة ناجي عثمان عبد الرازق »





متى مزاري...
متى مزاري أوفى نذارى......واجفوا هذا البلد المصيف
*************
ما أقول امتى....... المزار........إلا تجرى دموعي..... الغزار
زارني ناسم شاقني المزار.......لو يزورني الطيف يبقى كيف
*************
ياخصيب السوح امتى اطوفك........وأستريح الروح من قطوفك
ياحبيبى إن شاء الله أشوفك.........في نعيمك...... وظلك وريف
**************
أشهى.... والآمال يفرحوني.......مالي إلا سجعي.......ولحونى
صرت ابغض من ينصحوني........هل تجامل وترسل لي طيف
***************
امتداحك بقى لي قراية............لي تملى القرطاس مراية
الوحايح فصمت عراى.........ها جزا من يعشق ظريف
*************
شعرك اسود زى حظ حسدوك......نور تضاحك بدرك فصودك
كم غضنفر.... فاتكابو سودك.......والمها تهواك .....يا خشيف
************
عفوك اسمح لأجلك ثناى..............لا امل من قبلك ....عناى
عندى مرك حلو يا مناى............والذي يرضيك هو اللطيف
***********
يا ما عاشق وما هو وافى.........ويا ما شاعر يقصد عوافى
مثلهم من يعشق ..قوافي........ومثلنا من يعشق....... عفيف
***********
يامحجب صاين... جمالك...........يا مهفهف بعضك امالك
دام زهاك ..ودايم... كمالك.........يا وحيد القدر.... المنيف
***********
يا رشيقا حسنك..... نمالك.......قل لطيفك هاجرنى... مالك
دمعي كف وكفى انهمالك...........إن بعد الصيف الخريف
*************
يا لهيبي.... الزاد اشتعالا............لي جمر الغضى انتعالا
يا نسيم المحبوب تعالا............من لريحك ارحم ..بهيف
***********
يا امانى .....من كل واقب........ماله طيفك لي ما هو راغب
هل في طرق الأحلام مراقب......أم يحاذر امرا...... مخيف
*********
إن أقول الثنا يا جحاجح..........فهو منه واليه ........راجح
إن تزنبو ترى وزنه راجح........خلى معنى و الروح خفيف
*********
السلام ما ابتسمت زهورك............ما تلألأ رف نور نهورك
ما جلت بسماتك ...شهورك...........يبقى لي متكأك.....قطيف



صورة
صورة العضو الرمزية
ناجي عثمان عبد الرازق
مشاركات: 31498
اشترك في: الخميس 2010.3.4 7:12 pm
مكان: السعودية

رد: ديـــوان ود الرضي

مشاركة بواسطة ناجي عثمان عبد الرازق »




من الاسكلا
من الاسكلا وحلّ......قام من البلد ولّى
دمعي للثياب بلّ
********
بى داهى العذاب حلّ....وبى تذكاره بتسلى
قلبي الذاب واختلّ.....وين بدر التمام هلّ
*******
صفر ودع الوابور......حاجزين قمره أتنين دور
الوابور مرّ بالمجرور....شال ظبيا سكونو خدور
*********
جبل أوليا حبيبي غشا.....وحصل في القطينة عشا
يا قلبي الطفش وفشا.......الما آليته......... ينكفشا
********
حل زى الصقر خوى......بالبدر الدويم ضوّى
عاد لا حوله لا قوّه......حبيبي الليله في الكوه
*******
صباح الخير على ام نفلين.......أهني البيها محتفلين
سيد الحسن رب اللين.......شرف كوستى والجبلين
********
هنيئا حان وقت زهاك.........الرنك احتفل ببهاك
وين الليله يا النشهاك......يا ليت كنت في جلهاك
********
يا كاكا الحبيب طلاك......بعده الزاد نفوسنا هلاك
يا ملوط حليل نزلاك........يازمن الفراق نسلاك
*********
بقدومك كدوك أصبح.......سوقو من الكساد ارباح
انا من نياحى صرت ابح........كأنى فى مبرك المذباح
**********
زاد من بعدك الانكال......قلبى البالهموم..... انكال
شاطري العاصمه يا ملكال.....توفيقيه صبرى انا كال
*********
شامبى أضحى بيك مسرور.....بعد المنقلا يا سرور
يا جوبا حي أنا المضرور....بعده النوم بقى لي ضرور
************
من دا الهم ما بنجى.........حبيبي الليله في تونجا
يا خالق الخلق تنجا.......تركاكا..... حلت العنجا
********
سلام متنامى ما غبّ.....ما مرّ النسيم صبّ
يرضى ال للعفاف ربى....ويخدم كامل الرتبا
*********
صب يا دمعي لا تكون جاف......وياقلبى البقيت رجاف
البدر الخفا....... الانجاف.....اليوم شرف...... الرجاف



صورة
صورة العضو الرمزية
ناجي عثمان عبد الرازق
مشاركات: 31498
اشترك في: الخميس 2010.3.4 7:12 pm
مكان: السعودية

رد: ديـــوان ود الرضي

مشاركة بواسطة ناجي عثمان عبد الرازق »




بى هوى الخلخال
بى هوى الخلخال.......لي حبيب الروح
جيبلى طيب الحالي........يانسيم ....الليل
*******
قولو نام الخالي...............وهو يتخيل
رنة الخلخال
بالنظر اسخي لي.........هنئ بى رؤياك
الحياة الماسخالى
**********
النسيم هبى لي..........يا حسينت الذات
الجمر هبى لي
ياحبيب رحماك.............لا تزيد بلبالى
ولا تكون شكواي.....موية في غربالي
*******
قال لي فيق يا غالى..........إن تنل شكواك
لي لست أبالى
كلما أطراك...........العقل يابالى
يا حبيبي البى............حنن اليابالى
*********
كم وكم قبالى...........قلبو مشغول بيك
وانت ماك مبالي
آه كلما أطراك........لا اعى اقبالى
صرت من البى ........شخصي كاد يغبالى
********
لامني فيك الوالي......واللّ ما بيسوى
وكل من يأوى لي
لست اعبأ بى .........زخرف الأقوال
برضي في التبريح.....والبكى المتوالي
**********
ياعزول اجمالى......اهنأ بى رؤياك
خلنى واعمالى
لا حياة لي ......لولا ما الآمال
خلنى وبلواي.......انت مالك ومالي
*********
يا نسيم لي والى.........هب من المحبوب
في كلا الأحوال
ها أنا الراجيك ......... واقفا لنوالى
وقفة المرؤوس .........في رجاء الوالي
***********
هاك صافى مقالي.......يابديع الذات
انت نور امقالى
الجفا يانور.......العيون لي قالي
هذا لو يرضيك..........حبذا يا غالى



صورة
صورة العضو الرمزية
ناجي عثمان عبد الرازق
مشاركات: 31498
اشترك في: الخميس 2010.3.4 7:12 pm
مكان: السعودية

رد: ديـــوان ود الرضي

مشاركة بواسطة ناجي عثمان عبد الرازق »




ود الرضي لم يشتم فقط بل وصف الدخان يتبع الحسناء وهى خارجه من هذه الساونا ( شم وشوف ) فقال في رمية يا طابق البوخه....

الجميل واصل .......درة الاصل
الله لا ادراك..........بالعلى حاصل
العذاب أنواع.......جملة غير فاصل
فرحت الشمات......بالالى واصل
***********
فاح لي كبريته.....كبدي كالبنزين
قادحه كبريته
اصلو هالكنى......منو ما بريته
يا جرح غور.....ان شا الله ما شفيته
***********
طابق البوخه........قام ندا يهتّف
نام من الدوخه
ايدو عاقباهو.......الجدلة مملوخه
لي معالق الجوف....موسو مجلوخه



صورة
صورة العضو الرمزية
ناجي عثمان عبد الرازق
مشاركات: 31498
اشترك في: الخميس 2010.3.4 7:12 pm
مكان: السعودية

رد: ديـــوان ود الرضي

مشاركة بواسطة ناجي عثمان عبد الرازق »




وهذه هدية لكل اهلنا فى العسيلات وام ضوابان

من عتمور اب حمد والعقبه قري
واب روف نحن الطردنا سباعه
اسود الغابه عرفتنا وبقينا رباعه
بكرتنا ام عرف مافي ود مقنعه باعه
والشاطي للحبشه هولنا نحن رفاعه

نحن بنو الحسين الزهره حبوبتنا
يوم دق النحاس ياهو يوم حوبتنا
نحن الصالحين شربو ا عقاب كوبتنا
نحن السم شربناهو والدابي في عببتنا

نحن الفي دفاتر العز اتسجلنا
ندرج للرفيق لي فلسو ما عجلنا
ان طاب طاببناه وان فلس اجلنا
نيران البواطن بي مظاهر الجنه

تعال يا حبيبي النريك صفاتنا
ما عاشرنا زول ضاق عسلنا وفاتنا
نحن رجال عمل نحن الخشن كفاتنا
نحن وفانا مع العاشرنا حدو وفاتنا

نحن التسعه مننا الكانو قلبوا الحربه
نحن فزعنامابشيل في السعن غير شربه
نحن عشيرنا مابحس طول العمر بالغربه
نحن مقدنا نحن دخننا نحن جرمنا فرج الكربه

نحن اولاد عسيل خاتي الذبابه عسلنا
نحن طبعنا مع العاشرنا نرمي رسننا
ساميه اخلاقنا طاهره ارحامنا قل مثلنا
نحن صبينا سيف الصاقعه مابدور سنه

نحن عسلنا ما بمسخ بطول المده
نحن البجينا غريب علينا مبده
هينين لينين ما فينا حده وشده
نحن ود بتنا في الرجال عليه المده

نحن المحسنين العالمين تعرفنا
نحن رجال عمل نحن الكتير طارفنا
نحن الضاق عسلنا اصلو ما بفارقنا
والغلا ان تفحل نحن بيطردو جرفنا

نحن الجار والعشير بنعزه
نحن ابواتنا كتلوا الجرده رجعوا يهزوا
نحن ابواتنا ما بتمزوا ما بتهزوا
نحن بحرنا فوق لي سدرنا طالع نزوا

نحن الشاطي هولنا وسيوف العده
نحن ابواتنا كتلوا ردوم في حرب الجرده
الدراقي مننا هابوا فارس اب قرده
ابواتنا سبوا السيوف والناس سبيهم خرده



صورة
صورة العضو الرمزية
ناجي عثمان عبد الرازق
مشاركات: 31498
اشترك في: الخميس 2010.3.4 7:12 pm
مكان: السعودية

رد: ديـــوان ود الرضي

مشاركة بواسطة ناجي عثمان عبد الرازق »




الغواني البارع جمالة
للشاعر / ود الرضي
لم تلحن ولم تغنى
******




الغوانـي البـارع جمالـة
أم غصون الهبهـب أمالـة
مالـي أرى العالـم ثمالـة
والبدور مزدهـرة بكمالـة
الخلائق اليوم فرحى مالـه
يبقى بت السماء سدّوا ماله
هل دي حور الجنة وزلالـة
حافلة بي رضوانه وبلالـه
أم دي حفلة طاهر السلالـة
في وداعة الحي ذو الجلالة
شوف وجوه الخير المهالـة
هاتفة بالترحـاب بإنزهالـه
بأهلة أيدي الكـرم إنبهالـه
عاطفة عطـف الام جُهالـه
شفت في الفتيـان البسالـه
وفي الشباب الحيا والأساله
من ذوايبا ما هـن نسالـه
النسيم يأتيك بـي رسالـه
شفت شفت النُحُل الكحالـة
والمعاطـف الرُّنـع وحالـه
والخدود الليل إنمحـى لـه
شُفت بدر السماء إستحى له
شفُت فيهـن ظبيـة تلالـه
إنجلت والكون إنجلـى لـه
قمره طلعت في بيت حلالـه
والخير موشح تاجه وهِلاله
المُهـاة الرُّنـح كسـالـه
رف نور الهيبات كسى لـه
حال تمخول دارس الرساله
عن صلاته إتلاهى ونسى له
السلام لي توتـي ورجالـه
الزُّملا يـا نعيمـة الزمالـه
الخريـده المـورث كمالـه
جاهلة حالنا وتجهل جمالـه



صورة
صورة العضو الرمزية
ام اسامه
مشاركات: 1670
اشترك في: الأحد 2014.3.2 9:05 am
مكان: الخرطوم

رد: ديـــوان ود الرضي

مشاركة بواسطة ام اسامه »

ياسلام اجمل ما نظم من اشعارنا الرصينه كان من كتابه الفذ ود الرضي...ويكفيه فخرا ست الدار من اروع ماقال
صورة العضو الرمزية
مرسال الشوق
مشاركات: 14746
اشترك في: الاثنين 2009.11.2 3:49 pm
مكان: عارفني منــــــــــــــك

رد: ديـــوان ود الرضي

مشاركة بواسطة مرسال الشوق »

الاخ ناجي مشكور علي الطرح الجميل
والشاعر العسيلاوي ود الرضي شاعر فز وله باع جميل في الشعر ومن اجمل اشعاره اشعار الحقيبة
في المحبوبة والكرم والشجاعة .
وقد ذكر ود الرضي في اشعاره اولئك التسعة من الاشراف العسيلات في اشعاره الذين حاربوا الاستعمار
نحن صبينا سيف الصاقعه مابدور سنه
نحن التسعه مننا الكانو قلبوا الحربه
نحن فزعنامابشيل في السعن غير شربه
نحن عشيرنا مابحس طول العمر بالغربه
نحن مقدنا نحن دخننا نحن جرمنا فرج الكربه

نحن اولاد عسيل خاتي الذبابه عسلنا
نحن طبعنا مع العاشرنا نرمي رسننا
ساميه اخلاقنا طاهره ارحامنا قل مثلنا
كانت حرب الجردة بقيادة الشيخ ود بدر قام باستشارة يونس ود حران قال له هل نطيع الاتراك ام نعلن العصيان فقال يونس ود حران نحن بنموت قدامك

فجمعت القبائل بقيادة الشيخ ود بدر (الشكرية المغاربة البطاحين الاحامدة السدارنة بعض من العبدلالب كترانج ) وكان في مقدمة جيش الشيخ ود بدر كتيبة العسيلات
كان يقود جيش العسيلات الشيخ بشير ود الحاج مساعد
كانت للعسيلات خمسة رايات :
راية بقيادة محمد ود الحاج مساعد وراية الخليفة الامين ود الحاج عتمان وراية ابراهيم ود الحاج مساعد وراية الخليفة سعد ود الخليفة احمد ودبدر(ود ام هاني) الراية الخامسة كانت راية الادريساب وهم اهل الدبيبة وكان يحملها محمد علي ابو ترمة وهناك رايات فرعية راس مية مثل راية الامحمداب يحملها احمد ود الفريع راية الحسناب والحاج عبد المطلب ومن فرسانها احمد باعو راية الحجيراب يونس ود حران راية الجابراب الحاج عثمان ود البشير راية الهدوداب الدومة خالد الشيخ علي ابو شمال الذي استشهد اخاه ابراهيم في موقعة شيكان ومن اهم فرسان موقعة الجردة: حاج محمد خويسي قتل في الصبابي وكان اسمها حلينقو وقتل احمد باشا اخاه ايضا.
اهم فرسان حرب الجردة من العسيلات:
ابراهيم احمد بخيت
الشفيع محمد الشفيع
عمارة ود الامين ابليفة
عبدالقادر ود الشيخ
حسن ود الناير
الفكي عبدالله
ود ضقل
الزين ود ملاح
عمر ود اصول
عدلان ود دروسة
كرومة ود ابو رقيبة
الفيل ود دعوب
البصالي وابنه
عوض الجيد ود البصالي
الامين احمد عمارة
حميد ودحاج عبدالله
الرضي ود سليمان
علي ود شناوي
محمد مساعد محمد
ابديغم محارب من الحجيراب
بابكر حبيب الله ود ابعيش
مصطفى دعوب
علي ود سرار
الفكي عتمان ود بركات
القرقس واخوه اب حنة
ومن الادريساب(الدبيبة):
بركات ود ارباب واخوه:
حمد ود علي واخوه:
العباس ود علي واخوه:
مضوي ود علي
رملي ود ارباب
اهم شهداء حرب الجردة من العسيلات:
ادريس احمودي
الصاحب عبد امو ود اب عيش
عدلان ود حمد علي
عبدالله ابضينة
-محمد الحاج عتمان ود التوم
-ارباب احمودي الحاج ادريس
الفكي الامام ود المحسي (الدبيبة)
-الحاج عتمان ود البشير ود النور (سيد فريق النور)

كما استشهد اولاد جبارة الاربعة وهم من المعاليا كانو يسكنون قرية ام حمام شمال شرق الحويلة والان تسكن ذريتهم العزازي بالمناقل

عندما جمع العسيلات قال الشيخ ود بدر:



حباب العسيلات قرقاب الدم

حباب العسيلات البفرجو الهم

حباب العسيلات السيفهم قلام

حباب العسيلات العشيرهم ما بنضام

ملاحظة اخيرة ...

هولاء التسعة هم اجدادي ولديهم زرية نعرفهم كلهم وحتي هذه اللحظة في كثيرا من الاوقات يطلق علي شخصي الضعيف اسم ود عقاب التسعة الجاء ذكرهم سالفا في اشعار ود الرضي..

مودتي وتقدري علي طرحك الجميل


مرسال الشوووق ،،،
صورة العضو الرمزية
ام اسامه
مشاركات: 1670
اشترك في: الأحد 2014.3.2 9:05 am
مكان: الخرطوم

رد: ديـــوان ود الرضي

مشاركة بواسطة ام اسامه »

ياسلام تستوقفني رائعه ود الرضي ست البيت فهي مثال للزوجه الصالحه وما اجمل ان يري زوجها كل تلك الخصال الجميله
صورة العضو الرمزية
سلمي عطالله
مشاركات: 12
اشترك في: الخميس 2014.9.18 5:20 pm
مكان: ام ضوبان

رد: ديـــوان ود الرضي

مشاركة بواسطة سلمي عطالله »

رحم الله شاعرنا ودالرضي
أضف رد جديد

العودة إلى ”وثائق و شعراء“