الكحة ولاصمة الخشم
المشرف: بانه
- مرسال الشوق
- مشاركات: 14746
- اشترك في: الاثنين 2009.11.2 3:49 pm
- مكان: عارفني منــــــــــــــك
الكحة ولاصمة الخشم
من الضهر لغاية العصير كده كويس ومافيني عوجة تب بس بالله من الشمس وقعت والدنيا ضلمت كده جات حبة سقيطة باردة شويه ظنيتها جاية من خليج المكسيك مكان المسلسلات المكسكية وكده هواء بااارد تووووش دخل في قفصي الصدري بدون احم ولادستور بعد شويه كده ضربات قلبي بدت تزيد وعيوني بقن صغار ومرات مرات كده يدمعن بلاشغلة وبقيت اعطس زي الهوتسن اتش اتششش اتششش طوالي عرفت اني احتليت من قبل مكروب داهمني في غفلة من امري وتغلغل داخل حنايا الروح زاتو قلت ممكن تكون العطسة دي حاجة كده وبتعدي ما اشتغل بيها وانا اصلو معروف عني رجل صنديد وبتحمل للظروف الاقتصادية لالالا عفوا الظروف الطقسية المواتية .
في الحقيقة طنشت الموضوع وقلت سيبك ياخي مكروب مكروبين مابعملوا حاجة وبعدين لو دخلوا في جسمي ده من المغصة الانا فيها بستشهدوا قطع شك جوه غرف القصبات الهوائية دي لكن الحالة زادت وانا في صلاة العشاء واقف في الصلاة وانقلب التعطس لكحة شديدة بدون اي انزار مسبق الدفع وطول الصلاة ابشركم الامام ده بقرأ في شنو ماعارف بس شغال كحححح كححح كح لمن خلصت الصلاة قمت جاري جري وركبت عربيتي وقلت اتلافي السعال الديكي ده سريع قبال مايتمكن مني والدنيا مقبلة علي عيد دخلت الصيدلية كده وقلت ليه ناولني دواء كحة سريع ياخي وفعلا ناولني الدواء وركبت عربيتي وانا في الطريق كده فتحت ليك الدواء وشييييييييييطك شييييييييييييييطك شربت لي قدر 60 ملليلتر كده بالله سييييييييييتك جري في مسارب روحي زي الموية في الخرطوش وارتحت شويه قلت والله الدواء مفعولو سمح خلاص كدي النقرأ صناعتو شنو وبديت اقرأ
اسمو اميدرامين شراب للسعال
120 ملليلتر
تحتوي كل ملعقة صغيرة علي دايفنهيدر امين
( والله قريتها تلطاشر مرة وبرضو مافهمت قاصدين شنو )
انتاج جلفار الخليج للصناعات الدوائية
وانا طول مابقرأ بتلمط لسع في باقي الدواء في لساني لذيذ لذة حلوة خلاص
وفي الحقيقة الدواء جاب مفعول سريع الكحة وقفت والعطيس خف شويه
وانا سايق كده في الطريق قلت علبة الدواء دي لازم تكون فيها ارشادات او تحزيرات
وفعلا رفعت الصندوق تاني وبديت اقرأ من جديد
مكتوب بالخط الاحمر
تحزير : عند استخدامك للاميدرامين يحدث احيانا دوار او نعاس ينصح بعدم قيادة المركبات او تشغيل الالات والابتعاد عن المشروبات الكحولية
فجاة كده عيوني بقن يزغللن وبقيت اشوف طشاش طشاش
الناس ديل كاتبين ملعقة واحدة بتعمل كده والدواء حقي كلو 120 ملليلتر وانا شربت نص القارورة 60 ملليلتر معاناها شنو يالمرسال الشافك طقشت الحيطة او العربات القدامك ديل ماكضب وخاصة بعد طشاش العيون وخدر كامل في اطراف الجسم قلت ده ميتة وخراب ديار وبراي سويته في نفسي
هسع مش كان ارحم الكحة ولاصمة الخشم
في الحقيقة طنشت الموضوع وقلت سيبك ياخي مكروب مكروبين مابعملوا حاجة وبعدين لو دخلوا في جسمي ده من المغصة الانا فيها بستشهدوا قطع شك جوه غرف القصبات الهوائية دي لكن الحالة زادت وانا في صلاة العشاء واقف في الصلاة وانقلب التعطس لكحة شديدة بدون اي انزار مسبق الدفع وطول الصلاة ابشركم الامام ده بقرأ في شنو ماعارف بس شغال كحححح كححح كح لمن خلصت الصلاة قمت جاري جري وركبت عربيتي وقلت اتلافي السعال الديكي ده سريع قبال مايتمكن مني والدنيا مقبلة علي عيد دخلت الصيدلية كده وقلت ليه ناولني دواء كحة سريع ياخي وفعلا ناولني الدواء وركبت عربيتي وانا في الطريق كده فتحت ليك الدواء وشييييييييييطك شييييييييييييييطك شربت لي قدر 60 ملليلتر كده بالله سييييييييييتك جري في مسارب روحي زي الموية في الخرطوش وارتحت شويه قلت والله الدواء مفعولو سمح خلاص كدي النقرأ صناعتو شنو وبديت اقرأ
اسمو اميدرامين شراب للسعال
120 ملليلتر
تحتوي كل ملعقة صغيرة علي دايفنهيدر امين
( والله قريتها تلطاشر مرة وبرضو مافهمت قاصدين شنو )
انتاج جلفار الخليج للصناعات الدوائية
وانا طول مابقرأ بتلمط لسع في باقي الدواء في لساني لذيذ لذة حلوة خلاص
وفي الحقيقة الدواء جاب مفعول سريع الكحة وقفت والعطيس خف شويه
وانا سايق كده في الطريق قلت علبة الدواء دي لازم تكون فيها ارشادات او تحزيرات
وفعلا رفعت الصندوق تاني وبديت اقرأ من جديد
مكتوب بالخط الاحمر
تحزير : عند استخدامك للاميدرامين يحدث احيانا دوار او نعاس ينصح بعدم قيادة المركبات او تشغيل الالات والابتعاد عن المشروبات الكحولية
فجاة كده عيوني بقن يزغللن وبقيت اشوف طشاش طشاش
الناس ديل كاتبين ملعقة واحدة بتعمل كده والدواء حقي كلو 120 ملليلتر وانا شربت نص القارورة 60 ملليلتر معاناها شنو يالمرسال الشافك طقشت الحيطة او العربات القدامك ديل ماكضب وخاصة بعد طشاش العيون وخدر كامل في اطراف الجسم قلت ده ميتة وخراب ديار وبراي سويته في نفسي
هسع مش كان ارحم الكحة ولاصمة الخشم
- همسآت المطر
- مشاركات: 656
- اشترك في: الأربعاء 2014.9.24 8:36 pm
- مكان: ♥ همسآت الليل ♥
رد: الكحة ولاصمة الخشم
ههههههههههه الله يجازيك يا المرسال بالغت لكن
من زمان دواء الكحه معرف برقد
عقلك ويين ياخي
زكرتني امي بالقصب نمسك منها نص الفتيل
لما تشرب انسي بس اليوم كلو مع اﻻحلام عايشه هههههه
من زمان دواء الكحه معرف برقد
عقلك ويين ياخي
زكرتني امي بالقصب نمسك منها نص الفتيل
لما تشرب انسي بس اليوم كلو مع اﻻحلام عايشه هههههه
رد: الكحة ولاصمة الخشم
شكلك لقيت الدواء حلو شربت الفتيل كلو
رد: الكحة ولاصمة الخشم
زوووول كبيييير كدة تشرب
دواء كسفتنا يا اخ
انا لو كتلوني مابشرب دواء
عموما سلاااااامات
دواء كسفتنا يا اخ
انا لو كتلوني مابشرب دواء
عموما سلاااااامات
رد: الكحة ولاصمة الخشم
كفارة وسلامتك والله
ووسامى الجديد العاجبنى دا كرامتك
عارف زمان لمن يجو يدونا بنج بسالونا بتشرب حاجة
كحوليات قاصدين
هسي انت دوا الكحة سوا ليك دوخة
حلوة البراء
زرة : بتشرب حاجة
ووسامى الجديد العاجبنى دا كرامتك
عارف زمان لمن يجو يدونا بنج بسالونا بتشرب حاجة
كحوليات قاصدين
هسي انت دوا الكحة سوا ليك دوخة
حلوة البراء
زرة : بتشرب حاجة
رد: الكحة ولاصمة الخشم
ههههههه
سلامتك الف سلامة
لميت في الفتيل كله كتحتو
سلامتك الف سلامة
لميت في الفتيل كله كتحتو
- مرسال الشوق
- مشاركات: 14746
- اشترك في: الاثنين 2009.11.2 3:49 pm
- مكان: عارفني منــــــــــــــك
رد: الكحة ولاصمة الخشم
همسآت المطر كتب: ههههههههههه الله يجازيك يا المرسال بالغت لكن
من زمان دواء الكحه معرف برقد
عقلك ويين ياخي
زكرتني امي بالقصب نمسك منها نص الفتيل
لما تشرب انسي بس اليوم كلو مع اﻻحلام عايشه هههههه
شفتي كيف .... الدواء لذيذ لكن عمل لي لفة راس وخلاني اتعتر بالطريق
- مرسال الشوق
- مشاركات: 14746
- اشترك في: الاثنين 2009.11.2 3:49 pm
- مكان: عارفني منــــــــــــــك
رد: الكحة ولاصمة الخشم
التائب كتب:شكلك لقيت الدواء حلو شربت الفتيل كلو
ده كلامك افاااا حرم كمان صنقعت بالفتيل لي فوووق واديتو دقة في قعرو
- مرسال الشوق
- مشاركات: 14746
- اشترك في: الاثنين 2009.11.2 3:49 pm
- مكان: عارفني منــــــــــــــك
رد: الكحة ولاصمة الخشم
ام اسامه كتب:زوووول كبيييير كدة تشرب
دواء كسفتنا يا اخ
انا لو كتلوني مابشرب دواء
عموما سلاااااامات
طيب اعمل شنو الحبوب مابقدر اخده بحس بيها واقفة في حلقي
عشان كده الدواء ساهل وبشفط سريع ...
- مرسال الشوق
- مشاركات: 14746
- اشترك في: الاثنين 2009.11.2 3:49 pm
- مكان: عارفني منــــــــــــــك
رد: الكحة ولاصمة الخشم
كيوبيد كتب:كفارة وسلامتك والله
ووسامى الجديد العاجبنى دا كرامتك
عارف زمان لمن يجو يدونا بنج بسالونا بتشرب حاجة
كحوليات قاصدين
هسي انت دوا الكحة سوا ليك دوخة
حلوة البراء
زرة : بتشرب حاجة
يخليك ياحبوب وتسلم
علي الطرب بتلاتة انا مابشرب حاجة مرة
ولو شربت روووب ساكت راسي بدوش وعيوني الاتنين يبقن شمال
- مرسال الشوق
- مشاركات: 14746
- اشترك في: الاثنين 2009.11.2 3:49 pm
- مكان: عارفني منــــــــــــــك
رد: الكحة ولاصمة الخشم
ابن عوف كتب:ههههههه
سلامتك الف سلامة
لميت في الفتيل كله كتحتو
يخليك يارفارف قلبي الشمين
كتح هو نان كتح السواد والرماد ... عدمتو النقطة
مابتتذكر لمن اتصلت عليك وقلت ليك لو جاتني حاجة ابقي علي العقاب 10