روائــــع ود الأغبش

مرجع لفطاحلة الشعراء

المشرف: بانه

وليد ود الأغبش
مشاركات: 11
اشترك في: الأربعاء 2014.10.22 9:42 am
مكان: الخرطوم

روائــــع ود الأغبش

مشاركة بواسطة وليد ود الأغبش »

عثمان قولو بالنحن ليك قايلنو
اهتم بالملان والفاضي اجدعو زنو
الداير اللعب والفارغة زادت جنو
ماتجرب تمشلو احسلك ابعد منو

***

هاك نصيحتاً مني خليها تب في طريقك
امسك قوووي في صاحبك وخاوي رفيقك
الزول الحسود الديمة قصدو يعيقك
اوعاك من تمشلو عشان بنشف ريقك
***
خاوي الديمة في القاسيات سمح وصيفو
ولاتخاوي المزاجي والشغال على كيفو
خاوي الديمة مهتم بي صحابو وضيفو
ولا تخاوي الخنيييتة والكتير وقيفو

***

خليك زول شهامة وزول مروءة وواجب
بينك والبدورك ماتضعلك حاجب
ان داير البجيك خليكا دايماً عاجب
واختا الوشو متصرصر ورافع الحاجب

***

ماترمي الكلام الشين وجايب اللوم
والضيف البجيك ماتسيبو تمشي تنوم
الزول الساب عبادتو لافروض لا صوم
إياك من تصاحبو او معاهو تحوم

***

كتييير الشال ونستك ومن وراك اتكلم
وكتير الليكا بي طرف الاصابع سلم
شان تريح نفسك ومايجيكا يوم تتألم
اخد العبرة من الحصل واتعلم

***


ماتباري المسستم واب لباساً ناصل
كرامتك والتجامل ارسم شخيتاً فاصل
الزول كان اباك ماتمشي تحكي الحاصل
جافي البجافي ولي البواصلك واصل

***

ماتبقي الخنيتة وديمة كاتل الحيل
إتحمل همومك وابقى قدر الشيل
ان داير التمييز والاختلاف من ديل
شيل الفكرة.. من القمر في الليل

ود الاغبش...
وليد ود الأغبش
مشاركات: 11
اشترك في: الأربعاء 2014.10.22 9:42 am
مكان: الخرطوم

ود الأغبش - في الغزل

مشاركة بواسطة وليد ود الأغبش »

بدور احكيلك الفي قلبي يالطيبانة
ونفسي اديكي من الورود ريحانة
رغم معارفي يالدرة النصع لمعانة
بريدك انتي وكيتاً علي الزعلانة

****

خاطري يقولي عببر للزمان حابيهو
وهل تدرين مابسويلك الحاسيهو؟؟
سادخل يدي بين صدري وضلوعي الفيهو
واملخ قلبي بي دمو واناولك ليهو

*****

انتي مرادي كان في الماضي ولا الأجل
وانتي العافية لي بدني وشفايا العاجل
امش قول ليها ياطير الحمام الزاجل
لمن قال بحبك .. قالا كلمة راجل

*****

لا تظنيني ساهي ولا زول ناسيك
قلبي معاكي واصلاً من زمان حابيك
قولي الداير اقولو ودايرو يوصل ليك
أموووت بالحسرة لو ماعارفة ميت فيك

*****

ببركة ربي .. والرسول .. واحبابو
نقوي رباطنا بالايمان ونبقى اصحابو
قلبي الخالي من الشر والدنس وألعابو
قسم لسواكي يامحبوبتي قافل بابو

*****

يا من بيكي في طعم الغرام بتهنا
يحفظك الله بالعافية وكما بتمنا
بإذن الخالق العرش والجحيم والجنة
نمشّي عشقنا زي ما في الكتاب والسنة

****
ودالاغبش
وليد ود الأغبش
مشاركات: 11
اشترك في: الأربعاء 2014.10.22 9:42 am
مكان: الخرطوم

ود الأغبش - في الفخر

مشاركة بواسطة وليد ود الأغبش »

فينا شهامة من ولدونا جات من الله
وخيل الفرسة حالفين منو ماندلا
نحن ونحن يابو المرضي اسكت خلا
نحن بندفر الداهية ونقيف في محلا

***
نحن نفسنا للخير خير وفيو نتعلا
ونحن ان جينا للشر شر ومانا اقلا
نحن عقابنا للقاصدلو ضر ومزلا
نصو بنجدعو الكوشة ونص في السلا

***

نحن الدارنا والمادارنا حر ومخيير ..
نحن نحل مكان الجن وكت يتحيير ..
غباشتاً فينا لا بتزول ولا بتتغيير ..
صناديداً نموت واقفين وامرنا مسيير ..

****

يا اب رصعة المفتفتة للحجار والصبة
قولو نفسنا مي ساهلة لي البلعبا
ان قلت المكارم كاسنا ديمة معبا
لكن في الشوامة اخلاقنا عادمة الحبة

***

اخوان حواء واسياد كرامة وعزة
والارض ام جبال بالنهرة ساي بنهزة
من ولدونا مارضعنا الحليب بي لذة
كانو بكبو موية النار بديل في البذة

***
ودالاغبش
صورة العضو الرمزية
الفردوس المفقود
مشاركات: 6827
اشترك في: الأربعاء 2012.1.4 8:59 am
مكان: مهبط الوحي

رد: ود الأغبش - في الغزل

مشاركة بواسطة الفردوس المفقود »

وليد ود الأغبش كتب:بدور احكيلك الفي قلبي يالطيبانة
ونفسي اديكي من الورود ريحانة
رغم معارفي يالدرة النصع لمعانة
بريدك انتي وكيتاً علي الزعلانة

****

خاطري يقولي عببر للزمان حابيهو
وهل تدرين مابسويلك الحاسيهو؟؟
سادخل يدي بين صدري وضلوعي الفيهو
واملخ قلبي بي دمو واناولك ليهو

*****

انتي مرادي كان في الماضي ولا الأجل
وانتي العافية لي بدني وشفايا العاجل
امش قول ليها ياطير الحمام الزاجل
لمن قال بحبك .. قالا كلمة راجل

*****

لا تظنيني ساهي ولا زول ناسيك
قلبي معاكي واصلاً من زمان حابيك
قولي الداير اقولو ودايرو يوصل ليك
أموووت بالحسرة لو ماعارفة ميت فيك

*****

ببركة ربي .. والرسول .. واحبابو
نقوي رباطنا بالايمان ونبقى اصحابو
قلبي الخالي من الشر والدنس وألعابو
قسم لسواكي يامحبوبتي قافل بابو

*****

يا من بيكي في طعم الغرام بتهنا
يحفظك الله بالعافية وكما بتمنا
بإذن الخالق العرش والجحيم والجنة
نمشّي عشقنا زي ما في الكتاب والسنة

****
ودالاغبش
يا هلا بيك ود الاعبش وبقلمك الرائع
خاطري يقولي عببر للزمان حابيهو
وهل تدرين مابسويلك الحاسيهو؟؟
سادخل يدي بين صدري وضلوعي الفيهو
واملخ قلبي بي دمو واناولك ليهو
عجبني جدا
صورة العضو الرمزية
ود الخير
مشاركات: 11370
اشترك في: الخميس 2009.4.30 11:51 pm
مكان: جده

رد: ود الأغبش - في الغزل

مشاركة بواسطة ود الخير »

ود الاغبش حبابك الف
رائع جدا
صورة العضو الرمزية
ود الخير
مشاركات: 11370
اشترك في: الخميس 2009.4.30 11:51 pm
مكان: جده

رد: ود الأغبش - في الحكمة

مشاركة بواسطة ود الخير »

وليد ود الأغبش كتب:عثمان قولو بالنحن ليك قايلنو
اهتم بالملان والفاضي اجدعو زنو
الداير اللعب والفارغة زادت جنو
ماتجرب تمشلو احسلك ابعد منو

***

هاك نصيحتاً مني خليها تب في طريقك
امسك قوووي في صاحبك وخاوي رفيقك
الزول الحسود الديمة قصدو يعيقك
اوعاك من تمشلو عشان بنشف ريقك
***
خاوي الديمة في القاسيات سمح وصيفو
ولاتخاوي المزاجي والشغال على كيفو
خاوي الديمة مهتم بي صحابو وضيفو
ولا تخاوي الخنيييتة والكتير وقيفو

***

خليك زول شهامة وزول مروءة وواجب
بينك والبدورك ماتضعلك حاجب
ان داير البجيك خليكا دايماً عاجب
واختا الوشو متصرصر ورافع الحاجب

***

ماترمي الكلام الشين وجايب اللوم
والضيف البجيك ماتسيبو تمشي تنوم
الزول الساب عبادتو لافروض لا صوم
إياك من تصاحبو او معاهو تحوم

***

كتييير الشال ونستك ومن وراك اتكلم
وكتير الليكا بي طرف الاصابع سلم
شان تريح نفسك ومايجيكا يوم تتألم
اخد العبرة من الحصل واتعلم


***


ماتباري المسستم واب لباساً ناصل
كرامتك والتجامل ارسم شخيتاً فاصل
الزول كان اباك ماتمشي تحكي الحاصل
جافي البجافي ولي البواصلك واصل

***

ماتبقي الخنيتة وديمة كاتل الحيل
إتحمل همومك وابقى قدر الشيل
ان داير التمييز والاختلاف من ديل
شيل الفكرة.. من القمر في الليل

ود الاغبش...
ود الاغبش اعجبتنى حكمتك جدا
واصل ومتابعين
صورة العضو الرمزية
بانه
مشاركات: 11781
اشترك في: الأحد 2012.10.14 7:37 pm
مكان: ارض الله الواسعة

رد: ود الأغبش - في الفخر

مشاركة بواسطة بانه »

مرحب بيك اخونا ود الاغبش

قصيده رائعه جدا

واصل في ابداعاك

ومتابعين happy0005.gif
صورة العضو الرمزية
بانه
مشاركات: 11781
اشترك في: الأحد 2012.10.14 7:37 pm
مكان: ارض الله الواسعة

رد: ود الأغبش - في الغزل

مشاركة بواسطة بانه »

قمه في الروعه والجمال

تسلم الانامل happy0005.gif
صورة العضو الرمزية
ام اسامه
مشاركات: 1670
اشترك في: الأحد 2014.3.2 9:05 am
مكان: الخرطوم

رد: ود الأغبش - في الغزل

مشاركة بواسطة ام اسامه »

رووووعة تسلم
صورة العضو الرمزية
مسلمة وافتخر
مشاركات: 9423
اشترك في: الخميس 2008.11.13 5:16 pm
مكان: حيث اكون نفسى

رد: ود الأغبش - في الغزل

مشاركة بواسطة مسلمة وافتخر »

حبابك ود الاغبش happy0005.gif
وليد ود الأغبش
مشاركات: 11
اشترك في: الأربعاء 2014.10.22 9:42 am
مكان: الخرطوم

من روائع ود الأغبش

مشاركة بواسطة وليد ود الأغبش »

من البيا يالله وحرات موضوعي
متييين تمطرني بالفرحة وتزيلا دموعي
بألم الفرقة والشوق البزيد موجوعي
حاس بقلبي باقي حريق وحطبو ضلوعي

***

حادث في الطريق لجّن شياب وشباب
فيهـــم جنة ومنهــم ..فقــد.. أعصـاب
سألنا الكانو واعين إيه الحصل يااحباب؟
قالو البت (.........) جات تاوقت بالباب

***

لذيذ ايامي والمتعة القبيييل موجودة
فقدتها لما فقدتها المريودة
بقيت ياخلي في حيرة وحيل مفقودة
تقول مكسوربي لوري في مثلثات برمودة

ود الاغبش
وليد ود الأغبش
مشاركات: 11
اشترك في: الأربعاء 2014.10.22 9:42 am
مكان: الخرطوم

مجادعة ود الأغبش + ودنجاع

مشاركة بواسطة وليد ود الأغبش »

ود نجاع :

امسيت صاحبي متحسس بلا مشهاد
نتحي الشوق وطيف زولا بلادو بعاد
علي المتبور قديما وكاحلة غير مرواد
جبارتي يغزها الغزا الجبال اوتاد

ود الاغبش :

وانا في الشوق معزب باللهب وقاد
اترتر ديمة واتقلب بين رقاد و قعاد
كان ما عقلي واقف ليا بالمرصاد
اكان ودرتا يانجاع وطشيت صاد

ود نجاع

نظر في عيوني كلمات الموده قراهن
جرن دماعو بي طرف الهدم ضاراهن
قالي عهود غرامنا آسيدي في محراهن
راهن بي وفاي وبي وفاك براهن

ود الاغبش :

كلمات المودة الفي الغرام قلناهن
ياريت الحروف يفهم قصد معناهن
الكانن قبيل بنجر نميم لغناهن
كيفن يارفيق نحيا ونعيش ببلاهن

ود نجاع :

الله يجيرني في عقلي الصبح متلوش
هديل في راسي مسمارييين وكم شاكوش
يادهب التبايده الاصلي مو مغشوش
بشوف احلامي طالعات في هواك فشوش

ود الاغبش :

كُر من ريدي يانجاع جمر مفروش
بالي ومخي من الريد صبح ملطوش
قدر ماصرفت فيها من حنان وقروش
القى سهمها نص اضلاعي داخل توووش
وليد ود الأغبش
مشاركات: 11
اشترك في: الأربعاء 2014.10.22 9:42 am
مكان: الخرطوم

مجادعة ود الأغبش + الباقر السر

مشاركة بواسطة وليد ود الأغبش »

الباقر السر :

ساهرتا الليالي مع السما و نجماته
من الرادمه ديسا و قدتن وجناته
فيها وفيها واحد زيد عليهو تلاته
سمحه وقمحه شايقيه وجميلة صفاتة

ودالاغبش :

شبهه الاريل الفي المشية ياداب تاتا
حارمة الشوفة لي الزيي .. فقط صاحباتا
رغم الجفوة والصد المعاهو غتاتا
الا حقيقة يالباقر.. هناية ..حلااااتا

الباقر :

الذوق و الادب وارثاهو من خالاته
فيها الفيها كافيها و تقال خطواته
غزالتي فرقها بين بنوت بلدنا شتاته
خدها منقه لهجها سكره وشوكلاته

الاغبش :

الكاتلانا بي عيونا وسموم نظراتا
شايلة قلوبنا كالعلاقة في كفاتا
قلبي الكان بيعشم في فرص طلعاتا
قالو المرقة ياصاحبنا قاطعة بتاتا
وليد ود الأغبش
مشاركات: 11
اشترك في: الأربعاء 2014.10.22 9:42 am
مكان: الخرطوم

ود الأغبش - انا ياصاحبي

مشاركة بواسطة وليد ود الأغبش »

انا ياصاحبي ليه ايامي ديمة هموم
انا ماسورة ولا حظوظي ساكت شوم
بعد الشيب ملاني وغطى راسي عموم
اصبح قلبي في يد وز صغييير مابعوم

***

شبيه الاريل الفي المشية ياداب تاتا
حارمة الشوفة للزيي فقط صاحباتا
رغم الجفوة والصد المعاهو غتاتا
الا حقيقة يابوحميد هناية حلااااتا

***

ياكرباوي انا في مرضة قاسي عزابة
وسببي السمحة الي وصالي قافل بابة
الدكتور كشفلي وشافلي كان في اصابة
وقالي عاد يا ابني الحالة حالة التابة

***

زولي الخدو اشبهه للورد الندا
شدا وصدا مدا وعن غرامو ارتدا
جدا وردا تاني وقالي اوقف حدا
سدا وهدا حباً ليو شهر ماعدا
وليد ود الأغبش
مشاركات: 11
اشترك في: الأربعاء 2014.10.22 9:42 am
مكان: الخرطوم

مجادعة ود الأغبش + وائل محمد

مشاركة بواسطة وليد ود الأغبش »

ود الاغبش :

حليل ايامنا في زمنن شقاوتو تطقشش
زمن الشوكة للشوك من ايدينا ننقشش
زمان بالنبلة في اللمبات ننيش ونفقشش
هسي كبرنا يابواللول وشيبنا يرقشش


وائل:

حليل أيامنا في زمنا" عيونو تعممش..
زمن الشاب أكان رااااجل ، و جلدو مشممش
في الريف قمنا من قدح الفضيله نخممش.
و هسي بقينا بى عين المدينه نرممش..


ود الاغبش:

زمان خططفنا في ضلع العرس نتجارا
وبرضو نهبنا لزرايب كسرنا اسوارا
والناضمنا في الشارع وجابلو عوارا
عقب نلبدلو وندقو قرايبو حقارا

وائل:

زماااان عينينا للقاصدنا واقده شراره
براك عارفنا ترباية شموخ و حراره
ما تشوف البراءه تقول خلاس أبراره
ساكتين ساي للدنيا العميقه أسراره..

ود الاغبش:

عصاة السلمة والشوتال وعود طورية
طبيييعي معانا من الشرقة للعصرية
وكل من قال مفتتل وجابلو لينا ازية
بقول للقروي يلا ابدالو في المرثية

وائل:

جدولنا التحت من فتو جاتني أسيه.
يا حليل البلد البى الجمال مكسيه..
أيام يا سلاااام ، هسع بقت منسيه..
جيت العاصمه ، راحت راحتك النفسيه
وليد ود الأغبش
مشاركات: 11
اشترك في: الأربعاء 2014.10.22 9:42 am
مكان: الخرطوم

مجادعة ود الأغبش + ابراهيم القروي

مشاركة بواسطة وليد ود الأغبش »

ود الاغبش:

تعال ياقروي ننضم في الزمان باكيلا
وهاكا رسالتي الواجب عليك توصيلا
البنت القبيييل الكنت مابمشيلا
هسي رجعتا ياصاحبي وبقيت اجريلا

القروي:

جناً فيك يالاغبش محنتبو حيلا
من الناديه خدادا وعيونا كحيله
المازياكا بي دمع الهيام باكيلا
هسي بوصلا القول وبالعليك بحكيلا

ود الاغبش:

بهواها وبريدا وفي هواي بشقيلا
وفي خدادي جدول من دموعي نزيلا
سالتك بالذي ساقي البلاد من نيلا
قول ليها قال من غيرك نفسو شن باقيلا

القروي:

عارفك آللصم ليك كم زمن ساعيله
وروحك من فراق ست السماحه عليله
قولك جاها منظوم بالعليك تفصيله
قات يومين و ارد .. هسع دموعا بهيله

ود الاغبش:

ممكون بالعزاب ياقروي كيف الحيلا
كل ما اتر عليها تزيد علي تزليلا
انا الخلاني اسال روحي مالا نحيلا ؟
ياهو عزاب جفاها ؟ ولا انا الشاقيلا ؟

القروي:

مويه الدنيا جت نارك ولا بتطفيلا
وروحك شبعا ومن اليقين اسقيلا
درب الريد سمح لكن مسافتو طويله
زولتك جافيه لكن برضو روحا جميله

ود الاغبش:

تايهه في غراما ونفسي فاقدة دليلا
ومن نيران جفاها روحي طال بهديلا
الساكنة القليب وبالضلوع ضاميلا
ياها مزاج رويحتي وخمرتي وتسطيلا

القروي:

عارفك شاكي من الفي قوامه الريله
وروحك في سجون الوجعه لسه نزيله
بكره الدنيا ضحك وبالسعاده تكيلا
تبقي حداكا والحاله العليك تزيله

ود الاغبش:

أأأخخ ياقروي كان تعرف طرق بهديلا
عيني من عزاب الغمدة مابية تجيلا
كلماتن قبيييل ناوي لي تعديلا
بجيبا ليك في قوافي وانت امشي أديلا

القروي:

عارف طيفا زازاكا وكتر تنكيله
خاون للسقد عينيك وبيهو كفيله
ليلك شايلو دمعات والجفون راويله
حلقك ساده عبره ويوت توح شاكيلا

ودالاغبش:

في أخر الختام حروفي ليك بهديلا
وعارفك ود جعل وود قبيلة أصيلا
شاحد للكريم نفوسنا كان يهديلا
ويغنيها الفرح وبالطرب نتكيلا

القروي:

أغبش ود غبش خلقك تملي نبيله
حد ما اجر حروفي عليك بشوفا قليله
تربايه عزاز الفارغه ماك هاويله
يحفظك الله يرعاك والشرور يكفيله
وليد ود الأغبش
مشاركات: 11
اشترك في: الأربعاء 2014.10.22 9:42 am
مكان: الخرطوم

ود الاغبش - كتير

مشاركة بواسطة وليد ود الأغبش »

كتييير الفكا دربو وحالتو جايطة جواطة ..
وفي الملخوم وطافش وسايطة بالو سواطة ..
كتييير القالو أوووب بي حرقة عالية اسواطة ..
وفي الراكز قصادك .. وفي البدق الواطة ..

***

كتيير الشال ونستك ومن وراك اتكلم
كتييير الليكا بي طرف الاصابعين سلم
عشان ترييح نفسك ومايجيكا يوم تتألم
أخد العبرة من الحصل وإتعلم

ود الأغبش
صورة العضو الرمزية
ام اسامه
مشاركات: 1670
اشترك في: الأحد 2014.3.2 9:05 am
مكان: الخرطوم

رد: مجادعة ود الأغبش + ودنجاع

مشاركة بواسطة ام اسامه »

تسلم والله قمه الروعه
صورة العضو الرمزية
ام اسامه
مشاركات: 1670
اشترك في: الأحد 2014.3.2 9:05 am
مكان: الخرطوم

رد: مجادعة ود الأغبش + ابراهيم القروي

مشاركة بواسطة ام اسامه »

يعجبني ذاك النوع من شعر المجادعات
سلمت يداك
صورة العضو الرمزية
ام اسامه
مشاركات: 1670
اشترك في: الأحد 2014.3.2 9:05 am
مكان: الخرطوم

رد: مجادعة ود الأغبش + وائل محمد

مشاركة بواسطة ام اسامه »

مافي كلام كل الجمال
أضف رد جديد

العودة إلى ”وثائق و شعراء“