شوارع الخرطوم و اللبس من غير هدوم

يهتم هذا القسم بكل المعلومات عن وطننا الحبيب .

المشرف: بانه

صورة العضو الرمزية
abu rawa
مشاركات: 101
اشترك في: الثلاثاء 2007.10.23 2:47 pm
مكان: نادوس-NADUS

شوارع الخرطوم و اللبس من غير هدوم

مشاركة بواسطة abu rawa »

الملابس فاضحة تعرض بالمحلات التجارية بوسط الخرطوم وتحمل تلك الملابس النسائية أسماء تدل على الاستهتار بالقيم و الدين.. فتوجد بلوزة لا تغطى الاجزاء العلوية من صدر الفتاة تسمى «مس كول» وأخرى اشد خلاعة تسمى «فصل الدين عن الدولة» وملابس أخرى تسمى بمسميات غريبة مثل:-
اتحداك طلقني،لو سمحت كفكف لي،خطوة،حركة :smiels0:
السؤال هو لماذا التهافت على مثل هذه الازياء التى لا تشبه قيمنا واخلاقنا ولا تتوافق مع هوية المجتمع السودانى وارثه الثقافى والدينى، ثم أين دور الاسرة ورب الأسرة على وجه الخصوص كيف يرتضي لفتياته ان يرتدين مثل هذه الملابس
وثم ما هي الاسباب هل هي تقليد للفضائيات
ام نحن شعب فاسد ام ماذا؟ :confused:
صورة العضو الرمزية
sarona
مشاركات: 1776
اشترك في: الخميس 2007.2.15 1:14 pm
مكان: المملكة العربية السعودية

رد: شوارع الخرطوم و اللبس من غير هدوم

مشاركة بواسطة sarona »

الاخ abu rawa

الشعب السوداني من أكثر الشعوب محافظة على العادات والتقاليد ....

قد يكون ما ذكرت من موديلات ملابس موجود في الاسواق .....

لكن بالتأكيد أختك وجارتك وبنت عمك وزوجتك ما بيلبسوها ....

يعني الاسرة السودانية المحافظة ما زالت موجودة ...

واذا ظهرت حالة أو اتنين ففي كل مجتمع في اهل فساد

ولكن صدقني ما زالت بنت السودان بخير .....

وما زالت الاسر محافظة على عاداتها وتقاليدها .....وشرفها

تقبل مروري

.
صورة العضو الرمزية
هتان
مشاركات: 551
اشترك في: الخميس 2006.11.2 12:59 pm
مكان: التراب الغالي الما ليهو تمن
اتصال:

رد: شوارع الخرطوم و اللبس من غير هدوم

مشاركة بواسطة هتان »

العزيز ابو روا


غايتو عندك مواضيع كده جميله بشكل ,,,
طيب حكايه اللبس دي بترجع بينا لي بوست فات
اتكلمنا فيهو عن الثقافه السودانيه و موقفها من الثقافات الاخري
خاصه وانو السودان بلد متعدد الثقافات و الجهات
و الاثر السالب للثقافات الاجنبيه علي الثقافه السودانيه ,,,

غايتو انا بسمي البحصل ده
افرازات السلام
و بتفق مع الباش مهندسه في انو لسه في اسر كتير محاااافظه ,,,
صورة العضو الرمزية
abu rawa
مشاركات: 101
اشترك في: الثلاثاء 2007.10.23 2:47 pm
مكان: نادوس-NADUS

رد: شوارع الخرطوم و اللبس من غير هدوم

مشاركة بواسطة abu rawa »

sarona كتب:
الاخ abu rawa

قد يكون ما ذكرت من موديلات ملابس موجود في الاسواق .....

لكن بالتأكيد أختك وجارتك وبنت عمك وزوجتك ما بيلبسوها ....

يعني الاسرة السودانية المحافظة ما زالت موجودة ...

واذا ظهرت حالة أو اتنين ففي كل مجتمع في اهل فساد

ولكن صدقني ما زالت بنت السودان بخير .....

وما زالت الاسر محافظة على عاداتها وتقاليدها .....وشرفها

تقبل مروري

.
شكرا للمرور الجميل
سؤال خفيف امال الحايمات في الشوارع باللبس الغريب ديل منو؟
صورة العضو الرمزية
abu rawa
مشاركات: 101
اشترك في: الثلاثاء 2007.10.23 2:47 pm
مكان: نادوس-NADUS

رد: شوارع الخرطوم و اللبس من غير هدوم

مشاركة بواسطة abu rawa »

هتان كتب:
العزيز ابو روا


غايتو عندك مواضيع كده جميله بشكل ,,,
طيب حكايه اللبس دي بترجع بينا لي بوست فات
اتكلمنا فيهو عن الثقافه السودانيه و موقفها من الثقافات الاخري
خاصه وانو السودان بلد متعدد الثقافات و الجهات
و الاثر السالب للثقافات الاجنبيه علي الثقافه السودانيه ,,,

غايتو انا بسمي البحصل ده
افرازات السلام
و بتفق مع الباش مهندسه في انو لسه في اسر كتير محاااافظه ,,,
أولا نشاركم الحزن ونعزيك في ابو اربعة الذي مسح كل ما انجزته الكرة السودانية عام 2007
وسؤال صغيرون لماذ يكون هنالك اثر سالب للثقافات الاجبنية على حساب ثقافتنا وعادتنا خلينا نقول الاسلامية ( علي اعتبار ان الاغلبية مسلمة)
الاجابة لان تمسكنا بعاداتنا وتقاليدنا بقي في الباي باي
صورة العضو الرمزية
هتان
مشاركات: 551
اشترك في: الخميس 2006.11.2 12:59 pm
مكان: التراب الغالي الما ليهو تمن
اتصال:

رد: شوارع الخرطوم و اللبس من غير هدوم

مشاركة بواسطة هتان »

بالضبط كده
لكن برضو في اسر كتيره محافظه ,,,
صورة العضو الرمزية
نغم
مشاركات: 452
اشترك في: الأحد 2006.12.3 1:03 pm
مكان: السودان

رد: شوارع الخرطوم و اللبس من غير هدوم

مشاركة بواسطة نغم »

الاخ ابو روا طبعاً اول مرة أسمع بالبس بأسامي دى .أنا في نص السوق وبمشى السوق بشتري لكن أسامي زي دى ما سمعتبيها نهائي .علي العموم عرفنا حاجة .
صورة العضو الرمزية
عازف الأمل المفقود
مشاركات: 1426
اشترك في: الثلاثاء 2007.9.4 11:50 pm
مكان: السعـــــــــــــوديه
اتصال:

رد: شوارع الخرطوم و اللبس من غير هدوم

مشاركة بواسطة عازف الأمل المفقود »

صوتي من صوت اخوي هتان الحمد الله في اسر محافظه يديك على العافيه
صورة العضو الرمزية
شمس الغربه
مشاركات: 442
اشترك في: السبت 2007.9.29 1:45 am
مكان: بين الهدب - دمعة
اتصال:

رد: شوارع الخرطوم و اللبس من غير هدوم

مشاركة بواسطة شمس الغربه »

نغم كتب:الاخ ابو روا طبعاً اول مرة أسمع بالبس بأسامي دى .أنا في نص السوق وبمشى السوق بشتري لكن أسامي زي دى ما سمعتبيها نهائي .علي العموم عرفنا حاجة .
وأنــا أيضا. :blink:

أخي الكريم / ابو رؤى ..........
يسلمووو موضوع رائع....

أظننت اننا سنسلم من المؤثرات الخارجيه والعولمه وأننا سنظل نحافظ على كياننا وتقاليدنا كما هي دون ان تخضع لتغيير الزمن شأننا شأن باقي بلاد العرب والمسلمين هي علامات الانحلال ولكن أولي الالباب ومن خشي على ديبنه ونفسه من الفتنه يحذر.

لكن سؤال
الا ترى ان الشباب ايضا تغير لقد رفع الحياء من حواء والغيرة من آدم، والله انا بشوف الشعر المسبسب والجل والسلاسل ووألخ وماتفرز الرجل من المرأه دون مبالغه
نسأل الله الهداية والسلامه


وبانتظار الجديد من مواضيعك الشيقه
وكن بخير وبارك الله فيك
تحيــــاتي
صورة العضو الرمزية
abu rawa
مشاركات: 101
اشترك في: الثلاثاء 2007.10.23 2:47 pm
مكان: نادوس-NADUS

رد: شوارع الخرطوم و اللبس من غير هدوم

مشاركة بواسطة abu rawa »

نغم
عازف الامل المفقود
شمس الغربة
يديكم العافية على المرور وبجيكم صاد للتعقيب
صورة العضو الرمزية
وكيل عريف
مشاركات: 169
اشترك في: الأحد 2007.9.16 11:13 am
مكان: الخرطوم

رد: شوارع الخرطوم و اللبس من غير هدوم

مشاركة بواسطة وكيل عريف »

انا اتفق مع اخى هتان دى ثقافة السلام

الابسات اللبس ده اغلبهم اتاثرو بالسلام

يلا انت فكر براك الاتاثر بالسلام منو

شمس الغربه عزفت على الوتر الحساس

فى شباب بعملو عمايل اخبر منها البنات وده العيب الاكبر

ودى المواضيع المسكوت عنها ذاتا

وبجيك صادى

وكيل عريف
صورة العضو الرمزية
لحــ غروب ـظة
مشاركات: 585
اشترك في: الأحد 2007.6.3 10:13 am
مكان: أم درمان

رد: شوارع الخرطوم و اللبس من غير هدوم

مشاركة بواسطة لحــ غروب ـظة »

انا عاوزة افهم ليه انتو متحاملين على السلام والاتفاقيات ..

هي ما عندها دخل .. اساسا التربية هي الاساس ... المربي ما واحد من ناس السلام وجا دخل بيت زول قال ليه خلي بتك تلبس ولا ما تلبس ...
ما السلام الجاب الديجتال والدش والحاجات دي ... ما بقول انو الناس ما تتفرج ... بس لو كان في وعي عند الناس الكبار .. كان لما يكون بيتفرجو في حاجة شكلها غلط أو ما مقبول يوضح لي أولادم المغذى منها .. ما يخلو تفكيرم ضيق ولما يتفرجو في مسلسل او فيلم يكونو بس بعاينو لللبس والديكور والحاجات الفارغة .. من غير ما يفكرو أساسا القصة فكرتا شنو ....
يعني الغلط ما في العولمة ولا التلفزيون ولا السلام ....
الغلط فينا وفي جملة (وأنا مالي) ...

نعيب زماننا والعيب فينا ... وما لزماننا عيب سوانا ....

ارجو اني اكون وصلت فهمي ...
وبتمنى انو كل زول يقدر يغير بلسانو وفهمو يقدر ما يقيف يتفرج خاطبو عقول البشر وبطلو فرجة ...
صورة العضو الرمزية
sarona
مشاركات: 1776
اشترك في: الخميس 2007.2.15 1:14 pm
مكان: المملكة العربية السعودية

رد: شوارع الخرطوم و اللبس من غير هدوم

مشاركة بواسطة sarona »

abu rawa كتب:شكرا للمرور الجميل
سؤال خفيف امال الحايمات في الشوارع باللبس الغريب ديل منو؟

أنا ما عارفة أي شوارع دي اللي بتتكلم عها .....؟؟؟؟

طيب بتقول الحايمات .....وطبيعي ان بنات الاسر ما حايمات.....

يبقى ديل من الفئة الي قلنا انها فيها شيء من الفساد

ولو أمنت على كلامك فحالة أو اتنين مقارنة بتعداد سكان الخرطوم ... أعتقد

انها نسبة مقيولة وطبيعة لمجتمع طبيعي .....

يبقى يا أخ abu rawa

بكل الاحوال وردا على سؤالك في اخر البوست ....

عُمر الشعب السوداني ما كان ولا ح يكون فاااااسد

....

تقبل مروري

.
صورة العضو الرمزية
sunni
مشاركات: 1533
اشترك في: الأحد 2006.12.24 1:32 pm
مكان: مسقط - سلطنة عمان
اتصال:

رد: شوارع الخرطوم و اللبس من غير هدوم

مشاركة بواسطة sunni »

عزيزنا أبو رؤى،، ودايما بقول،، ربنا يخلي ليك رؤى،، ويخليك لينا لفتح المواضيع الجميلة دي،، إتفقنا أو إختلفنا فيها،، فهي محتاجة لتسليط الضوء عليها وتذكير الناس بيها

الملابس البتتكلم عنها دي،، تمنها كم؟؟ ومنو البيقدر يشتريها؟؟ وهل شايفينها ملبوسة في الشارع؟؟ وبتتلبس بالضبط وين؟؟

الأجوبة على الاسئلة دي بتجاوب علي كتير من تساؤلاتك والبتحاول توصلو ليك اختنا سارونا،، ما بيلبس الحاجات دي،، إلا من كانت لديه الإمكانية المادية،، والجراءة الإجتماعية،، والإتنين ديل ما بيتلمو إلا في نوعية من البنات،، الله لا يقابلك بيهم،، ولما تشوفهم في الشارع،، مش تلف منهم،، لكن وعي الحولك كلهم للبيعملوه البنات ديل،، ومستقبلهم ح يكون شنو،، وزي ما قالت اختنا لحظة،، نغير بي لسانا.

وربنا يغطي علينا وعلى بناتنا وأخواتنا
صورة العضو الرمزية
abu rawa
مشاركات: 101
اشترك في: الثلاثاء 2007.10.23 2:47 pm
مكان: نادوس-NADUS

رد: شوارع الخرطوم و اللبس من غير هدوم

مشاركة بواسطة abu rawa »

لحــ غروب ـظة كتب:انا عاوزة افهم ليه انتو متحاملين على السلام والاتفاقيات ..

هي ما عندها دخل .. اساسا التربية هي الاساس ... المربي ما واحد من ناس السلام وجا دخل بيت زول قال ليه خلي بتك تلبس ولا ما تلبس ...
ما السلام الجاب الديجتال والدش والحاجات دي ... ما بقول انو الناس ما تتفرج ... بس لو كان في وعي عند الناس الكبار .. كان لما يكون بيتفرجو في حاجة شكلها غلط أو ما مقبول يوضح لي أولادم المغذى منها .. ما يخلو تفكيرم ضيق ولما يتفرجو في مسلسل او فيلم يكونو بس بعاينو لللبس والديكور والحاجات الفارغة .. من غير ما يفكرو أساسا القصة فكرتا شنو ....
يعني الغلط ما في العولمة ولا التلفزيون ولا السلام ....
الغلط فينا وفي جملة (وأنا مالي) ...

نعيب زماننا والعيب فينا ... وما لزماننا عيب سوانا ....

ارجو اني اكون وصلت فهمي ...
وبتمنى انو كل زول يقدر يغير بلسانو وفهمو يقدر ما يقيف يتفرج خاطبو عقول البشر وبطلو فرجة ...
وين النظام العام ( بكل سيئاته ) ؟؟؟
الاجابة اختفي من بعد نيفاشا وابوجا
صورة العضو الرمزية
abu rawa
مشاركات: 101
اشترك في: الثلاثاء 2007.10.23 2:47 pm
مكان: نادوس-NADUS

رد: شوارع الخرطوم و اللبس من غير هدوم

مشاركة بواسطة abu rawa »

sarona كتب:
أنا ما عارفة أي شوارع دي اللي بتتكلم عها .....؟؟؟؟

طيب بتقول الحايمات .....وطبيعي ان بنات الاسر ما حايمات.....

يبقى ديل من الفئة الي قلنا انها فيها شيء من الفساد

ولو أمنت على كلامك فحالة أو اتنين مقارنة بتعداد سكان الخرطوم ... أعتقد

انها نسبة مقيولة وطبيعة لمجتمع طبيعي .....

يبقى يا أخ abu rawa

بكل الاحوال وردا على سؤالك في اخر البوست ....

عُمر الشعب السوداني ما كان ولا ح يكون فاااااسد

....

تقبل مروري

.
كل شوارع الخرطوم وفي كل الاوقات والعجب كمان اللبس في الحفلات الخاصة والعامة ، ولو كانت حالة ولا حالتين ما كانت بقت ظاهرة ، طيب تزايد الجرائم الاخلاقية دي برضو واحدة ولا اتنين ، يا ناس دار ا رعاية الاطفال مجهولي الهوية بالمايقوما بتسقبل طفلين كل يوم ( دي احصائية ماخوذة من الدار) وبعد كدة دة كلو مافي فساد ، فساد الذمم ونهب المال العام والثراء الحرام ( بقينا تالت دولة في العالم في الفساد) وكلو مربوط مع بعض
صورة العضو الرمزية
abu rawa
مشاركات: 101
اشترك في: الثلاثاء 2007.10.23 2:47 pm
مكان: نادوس-NADUS

رد: شوارع الخرطوم و اللبس من غير هدوم

مشاركة بواسطة abu rawa »

sunni كتب:عزيزنا أبو رؤى،، ودايما بقول،، ربنا يخلي ليك رؤى،، ويخليك لينا لفتح المواضيع الجميلة دي،، إتفقنا أو إختلفنا فيها،، فهي محتاجة لتسليط الضوء عليها وتذكير الناس بيها

الملابس البتتكلم عنها دي،، تمنها كم؟؟ ومنو البيقدر يشتريها؟؟ وهل شايفينها ملبوسة في الشارع؟؟ وبتتلبس بالضبط وين؟؟
المصيبة الكبري انو تمنا في متناول الجميع ، وبعدين انا ما قلت انو مافي اسر محافظة بل العكس موجودين وبكثرة لكن دايما الخير يخص والشر يعم ولازم يكون في قانون رادع لمثل هذه الظواهر سؤال بالله وين النظام العام (بكل سيئاته). وخليني اضرب مثل تاني الخليج مثلا (السعودية تحديدا) شوف الشارع بتاعم منضبط كيف رغم انو اذا شفتهم برة السعودية تشوف العجب .. وصلت الفكرة
صورة العضو الرمزية
sarona
مشاركات: 1776
اشترك في: الخميس 2007.2.15 1:14 pm
مكان: المملكة العربية السعودية

رد: شوارع الخرطوم و اللبس من غير هدوم

مشاركة بواسطة sarona »

abu rawa كتب:فساد الذمم ونهب المال العام والثراء الحرام ( بقينا تالت دولة في العالم في الفساد) وكلو مربوط مع بعض


:076: :076: :076:


abu rawa ده اللي عايزة أصل ليه معاك .....

يبقى وجود الفساد في المجتمع ليس من صنع المراءة أو الفتاة في المجتمع

فالرجل والمراءة فيه شركاء ....

فلما الاصرار على رسم صورة باهته وتافهه للمراءة السودانية .....

فليس فساد الذمم لدى بعض الرجال يعني أن كل سوداني رجل فاسد ....

وليس انعدام الحشمة والاخلاق في بعض الفتيات يعني أن المراءة في بلادي فاسدة ....

أبناء بلدي رفقا بالمراءة السودانية ....

فهي من أنجبتكم وجعلت منكم رجال اليوم....

وستجعل من أبنائكم رجال الغد ....
صورة العضو الرمزية
احلى دلع
مشاركات: 235
اشترك في: الاثنين 2007.6.25 2:08 am
مكان: الرياض

رد: شوارع الخرطوم و اللبس من غير هدوم

مشاركة بواسطة احلى دلع »

مشكور ياأبو روى على الموضوع الرائع بس اصابع ايديك مازي بعضها في ناس كذه وناس كذه بس اللي علينا احنا ان نحاول نحسن صورة المجتمع ونمنع الاشياء اللي حاصلة الان.
صورة العضو الرمزية
كل تراب
مشاركات: 4
اشترك في: الخميس 2007.9.27 1:14 am
مكان: ارز الله الواسعه

رد: شوارع الخرطوم و اللبس من غير هدوم

مشاركة بواسطة كل تراب »

][][§¤°^°¤§][][ يااااااليل ماطولك بس][][§¤°^°¤§][][
أضف رد جديد

العودة إلى ”منتدى السودان العام“