خادمه ( شغاله سودانيه )

يهتم بالحوارات والنقاشات الجادة فقط الرجاء الالتزام !!

المشرف: بانه

صورة العضو الرمزية
الأميرالحب
مشاركات: 8630
اشترك في: الثلاثاء 2009.12.15 10:12 pm
مكان: الجليد

خادمه ( شغاله سودانيه )

مشاركة بواسطة الأميرالحب »

موضوع حقيقي استفزني بصورة قوية
ومن المسئول ؟؟

أحببت أنقل كافـة احداثه لكم لنشوف
الموضوع

انتهى الصراع الذي دار بيني وبين احد الاشخاص، وبداية الموضوع سألني ( هل تعرف خادمه سودانيه سأعطيها راتب مجزي ، أنا اريد خدامه ومربيه )
واحمر وجهي من الزعل وقلت اي سودانية تعمل خادمه واي مربيه دي وقلت له بصوت مرتفع لا تسخر من الناس الله بيسخر بيك يوماً ما
فقال: انا والله انا جادي. ومالو يعني .
المهم دار نقاش حاد بيننا..
فقال : يعني مافي خدامات سودانيات.
قلت له : اني اشك في ان يكون خدامات سودانيات في البيوت العربيه تكون قد اقترب مخرج الشمس من مغربها.
فقال : إذاً اقترب مخرج الشمس .
فقلت كيف : قال اخي خادمته سودانيه.
فقلت له وما دليلك ؟ممكن اشوفه .؟
المهم اتفقنا على مشاهدت جواز سفرها، ولو لا اراد ان يفوز بالشجار بعد هذه الشاداة الحــاده لما اضطر لذلك لابراز جواز الخادمه .. وفعلاً فإذا غلاف الجــواز منصوب على راحتيه صقر الجديان المو خمج.. وفتحته فإذا الآنسه الاريتريه متربعه على صفحة الجواز وابتسامتها قد غطت صفحة الجواز والختم وتسرب شعاع الابتسامه للصفحه التاليه، فغضبت وقرأت الاسم فكان اسم جدها ايضاً اسم اريتري غير عربي ..وبالواضح كانت الخادمه اريتريه ولكنها متحكره على صهوة جناح صقر الجديان وهى وثيقة السفر السودانيه..
الله.. الله ايها الاخوه على هذه الوثائق السامية التى تصرف لغير السودانيين..

اتمني ان تردو بصراحه وبالذات حواء السودانيه
هل من الممكن ان تكوني خادمه او مربيه في بيوت عربيه خارج ارض الوطن او داخله
مودتي
منقول
صورة العضو الرمزية
السودانى الاصيل
مشاركات: 8054
اشترك في: الاثنين 2008.9.1 9:24 pm
مكان: المملكه العربيه السعوديه /جازان سحر الطبيعه

رد: خادمه ( شغاله سودانيه )

مشاركة بواسطة السودانى الاصيل »

الاخ ود كبوشيه لا اعتقد ان هذا الشئ سيحدث من السودانيين
واريد ان اتاكد هل شاهدت الجواز بنفسك ؟؟؟

هل تاكدت تماااما وبنفسك ان الجواز السودانى لارتريه ؟؟؟؟؟
صورة العضو الرمزية
الأميرالحب
مشاركات: 8630
اشترك في: الثلاثاء 2009.12.15 10:12 pm
مكان: الجليد

رد: خادمه ( شغاله سودانيه )

مشاركة بواسطة الأميرالحب »

السوداني الاصيل :

عجبآ اخي
وكيف لي ان اكون قد امزح بمثل هذه المواضيع
تأكد تمامآ من الجواز السوداني
ولكن الصوره ليست بسودانيه حبشيه تمامآ
صورة العضو الرمزية
ود النصر
مشاركات: 1636
اشترك في: الأربعاء 2007.6.13 9:31 am
مكان: قطر
اتصال:

رد: خادمه ( شغاله سودانيه )

مشاركة بواسطة ود النصر »

الامير الحب كتب:
السوداني الاصيل :

عجبآ اخي
وكيف لي ان اكون قد امزح بمثل هذه المواضيع
تأكد تمامآ من الجواز السوداني
ولكن الصوره ليست بسودانيه حبشيه تمامآ


لحظة،،،،
في خادمات سودانيات للاسف.
وفي حبش شايلين جوازات سودانية للاسف الاكبر.
وفي ناس شغالين بجوازات سودانية وهم ما سودانيين وده الاسف الاكبر.
وفي يوم ما الحلم ان يزول كل هذا.
[/quote]
صورة العضو الرمزية
السودانى الاصيل
مشاركات: 8054
اشترك في: الاثنين 2008.9.1 9:24 pm
مكان: المملكه العربيه السعوديه /جازان سحر الطبيعه

رد: خادمه ( شغاله سودانيه )

مشاركة بواسطة السودانى الاصيل »

ود النصر كتب:

لحظة،،،،
في خادمات سودانيات للاسف.
وفي حبش شايلين جوازات سودانية للاسف الاكبر.
وفي ناس شغالين بجوازات سودانية وهم ما سودانيين وده الاسف الاكبر.
وفي يوم ما الحلم ان يزول كل هذا.
[/quote]

زى ما قلت اخى ود النصر الكلام دا قديييم
ولما طلبت من الاخ الامير الحب التاكد انه بنفسه شاهد الجواز وذلك لان الموضوع شاهدته كثيرا
وفى تواريخ سابقه فتعجبت حين ذكر انه تاكد

فلو لاحظنا ان الموضوع فى المنتديات دى بتواريخ شويه قديمه

حذفت الروابط والموضوع منقول ومتداول فى بعض المنتديات

واعتقد ان الحال قد تحسن
لكن للاسف الشدييد فى خادمات سودانيات دى حقيقه
لكن انا كرجل وود رجال حرمتى او قريبتى اموت قبل ما اشوفا
تشتغل تحت شخص استعبدا

لا ليست فقط
حرمتى تكون اميره ومقامها عالى وهى تطلب والبقيه يجيبون
تتحرك متى تشاء وكيف ما تشاء

نحن نتعب ونعرق ونكسر الحجر لتكون هى سعيده وهانئه
ولا عاش من يكسر لها خاطر او يقلل من شانها

زوجتى صيدلانيه
لم تعمل الا فى صيدليه خاصه باسرتنا
والمحاسب الذى يعمل معها خالها وكل الطاقم منا وفينا
وتداوم اذا احبت والا فهى حره
صورة العضو الرمزية
ود النصر
مشاركات: 1636
اشترك في: الأربعاء 2007.6.13 9:31 am
مكان: قطر
اتصال:

رد: خادمه ( شغاله سودانيه )

مشاركة بواسطة ود النصر »

[{size=5]

61.gif 61.gif 61.gif 61.gif 61.gif 61.gif 61.gif 61.gif 61.gif 61.gif 61.gif 61.gif

انت عارف بعد مرات السكوت ابلغ من الحديث


[/size][/QUOTE]
صورة العضو الرمزية
الأميرالحب
مشاركات: 8630
اشترك في: الثلاثاء 2009.12.15 10:12 pm
مكان: الجليد

رد: خادمه ( شغاله سودانيه )

مشاركة بواسطة الأميرالحب »

ود النصر كتب:[{size=5]

61.gif 61.gif 61.gif 61.gif 61.gif 61.gif 61.gif 61.gif 61.gif 61.gif 61.gif 61.gif

انت عارف بعد مرات السكوت ابلغ من الحديث


[/size]
[/quote]



ود النصــــــــــر :
مرات السكات بجيب بلاوي
عشان كده اخبر الواحد اي موضوع
حار حار تحلو
يديك العافيه
صورة العضو الرمزية
dream-lady
مشاركات: 25355
اشترك في: الجمعة 2011.4.29 10:32 pm
مكان: الرياض

رد: خادمه ( شغاله سودانيه )

مشاركة بواسطة dream-lady »

حياكم الله
بكل مصداقية دعوني اعكس لكم ان اغلب الجنسيات الافريقية المذكورة وغيرها تحمل جنسياتنا بكل بجاحه ويعملوا مايحلوا لهم ونحن اسياد الاسم ...حتى توجد احياء في الرياض تجد فيها بعضهم يلبسون ثيابنا ويدورون قي الشوارع ....
وفي كثير من الامكنة تشوهت صورتنا وكلو من تساهيل ذوي القلوب الطيبة ناسنا الكرماء الذين اعطوهم جنسياتنا التي هي اغلى مانملكه -واكرر هذا الشئ موجود للآن
صورة العضو الرمزية
ام مودة
مشاركات: 1214
اشترك في: الأربعاء 2009.6.24 8:02 am
مكان: السودان

رد: خادمه ( شغاله سودانيه )

مشاركة بواسطة ام مودة »

ود كبوشه مساء الخير الشغل اي ان كان نوعه ظالما شريف ومافيه حاجه غلط ليه لا انا شفته وحدي سودانيه عن صاحبتي بتشتغل عندها بتكوي ليها الملابس وهي محترمه ومؤدبه بس الظروف فرضت عليها تشتغل لكن الغلط في الجنسيات الاخره البتكون شايله جواز سوداني وبيلبسو التوب السودان ديل هو الغلط تحياتي
صورة العضو الرمزية
ود النصر
مشاركات: 1636
اشترك في: الأربعاء 2007.6.13 9:31 am
مكان: قطر
اتصال:

رد: خادمه ( شغاله سودانيه )

مشاركة بواسطة ود النصر »

الامير الحب كتب:


ود النصــــــــــر :
مرات السكات بجيب بلاوي
عشان كده اخبر الواحد اي موضوع
حار حار تحلو
يديك العافيه
[/quote]






انت عارف
نظرة الناس للموضوع بتختلف بغض النظر عن حدوثو فعلياً او افتراضياً.
الشغل من حيث المبدأ ما فيهو حاجة وهي اكيد لو اتخرجت من كلية الطب
ما بتشتغل (شغالة) واكيد ظروفها فرضت عليها كده
بس كمان يعني في حاجات ما بنرضاها للسودانيين
نحن الواحد لو اكلها بي موية جوة البيت ما مشكلة بس برة صعبة وزي
ما قلت ليك المسألة قياسها نسبي عند الناس
اما مسألة الجواز دي موضوعها كبير لانو حتي السودانية كان اشتغلت
في المهنة دي بتشتغل بي ثوابتنا ام التانين فات سيد العارفين..

تسلم ويديك العافية
[/quote]
صورة العضو الرمزية
ود النصر
مشاركات: 1636
اشترك في: الأربعاء 2007.6.13 9:31 am
مكان: قطر
اتصال:

رد: خادمه ( شغاله سودانيه )

مشاركة بواسطة ود النصر »

dreem-lady كتب:
حياكم الله
بكل مصداقية دعوني اعكس لكم ان اغلب الجنسيات الافريقية المذكورة وغيرها تحمل جنسياتنا بكل بجاحه ويعملوا مايحلوا لهم ونحن اسياد الاسم ...حتى توجد احياء في الرياض تجد فيها بعضهم يلبسون ثيابنا ويدورون قي الشوارع ....
وفي كثير من الامكنة تشوهت صورتنا وكلو من تساهيل ذوي القلوب الطيبة ناسنا الكرماء الذين اعطوهم جنسياتنا التي هي اغلى مانملكه -واكرر هذا الشئ موجود للآن

تسلمي وانتي جبتيها من الاخر
انا عندما قلت حديثي كان القصد انو الجواز عند الما عارف يعني
شنو سوداني مشكلة كبيرة
والغلط اكيد ما منو الغلط من الاداهو الجواز...
لانو والله السودان العليهو ما شوية لمن يزيدو عليهو متل ده
ويديك العافية
[/quote]
صورة العضو الرمزية
السودانى الاصيل
مشاركات: 8054
اشترك في: الاثنين 2008.9.1 9:24 pm
مكان: المملكه العربيه السعوديه /جازان سحر الطبيعه

رد: خادمه ( شغاله سودانيه )

مشاركة بواسطة السودانى الاصيل »

يا ناس البخلى مره تدخل فى بيت غير بيت زوجها وهى غريبه شنووو ؟؟

وسبع البرمبه دا اللهو راجلا شغال شنو وليه ما اوفر ليها حاجتا ؟؟

يعنى هسى سودانيه تقول لى راجلا مع السلامه انا ماشه اخدم فى بيت عشان ادونى
الف ريال ولا خمسية ريال !!!!
اعوذ بالله والله ما سواها لى زول بعرفوا
صراحه احس قلبى انقبض لمن اتخيل مره تخدم ونادوها وامكن تغلط انهروها واحتمال
اضربوها ؟؟؟؟

وتجيب ليك القروش تقول ليك انا اشتغلت وديل قروشى
اعوذ بالله يا جماعه دا ابدا ما كلام

ونحن بنسمع كل يوم الحوادث البتحصل فى البيوت ولو كنت قافل عليك الباب ومحافظ على بيتك
ربك استر عليك خليك لمن تفك مرتك من يدك وترسلا تجيب ليك قروش

فى حنانات
المهنه اشتهرت فى السعوديه ودى برضو خطره جددا يعنى واحده قالوا شباب فى استراحه قلدوا
ليها صوت حرمه وجابا زوجها لحدى الاستراحه وهو بى نفسو سمع الاصوات ما تشك انها حرمه
وفى الاخر لعبو بيها وهو خم وصر القروش ؟؟؟

الاصل المراه للبيت وللاطفال وربنا خلقا لى بيتا وتركيبتا الجسمانيه انثى رقيقه ما وش تعب
ومخاطر
صورة العضو الرمزية
ود النصر
مشاركات: 1636
اشترك في: الأربعاء 2007.6.13 9:31 am
مكان: قطر
اتصال:

رد: خادمه ( شغاله سودانيه )

مشاركة بواسطة ود النصر »

61.gif 61.gif 61.gif 61.gif 61.gif 61.gif 61.gif 61.gif 61.gif 61.gif 61.gif 61.gif

اصيل ،،،، اصيل
صورة العضو الرمزية
بحلم
مشاركات: 4790
اشترك في: الأربعاء 2009.7.22 10:04 pm
مكان: مصر ام الدنيا

رد: خادمه ( شغاله سودانيه )

مشاركة بواسطة بحلم »

بصراحة كلام ود كبوشة والاصيل
مستفز جدا لان انتم بتكلموا على الشغالة كانها فتاة ليل
ما واحده الظروف اجبرتها على كدا علشان ما تمد ايديها لحد
لا قريب ولا غريب لان اصل مافى حد بيشيل حد دلوقتى
وعلى مااعتقد اى شغل شريف ماعيب انى اى جنسية تشتغله
انا اعرف بنات جامعيات وشوفتهم وربى شاهد ربات بيوت خادمات زى ما بتقولوا
وبيتكلموا لغات كمان يعنى ما انجليزا بس
واصلا مافى واحدة بتنزل تشتغل خداما زى ما بيقول الاصيل علشان
مجرد انى المبلغ كبير او طمع فى الفلوس اذا كانت سودانية فعلا
ولكن انا معكم انى فى ناس بتشوه صورة السودانين بتحال
الشخصية السودانية بسبب افعالهم السيئا
صورة العضو الرمزية
الحلم المستحيل
مشاركات: 383
اشترك في: الثلاثاء 2011.5.17 9:43 pm
مكان: المستحيل

رد: خادمه ( شغاله سودانيه )

مشاركة بواسطة الحلم المستحيل »

بحلم كتب:
بصراحة كلام ود كبوشة والاصيل
مستفز جدا لان انتم بتكلموا على الشغالة كانها فتاة ليل
ما واحده الظروف اجبرتها على كدا علشان ما تمد ايديها لحد
لا قريب ولا غريب لان اصل مافى حد بيشيل حد دلوقتى
وعلى مااعتقد اى شغل شريف ماعيب انى اى جنسية تشتغله
انا اعرف بنات جامعيات وشوفتهم وربى شاهد ربات بيوت خادمات زى ما بتقولوا
وبيتكلموا لغات كمان يعنى ما انجليزا بس
واصلا مافى واحدة بتنزل تشتغل خداما زى ما بيقول الاصيل علشان
مجرد انى المبلغ كبير او طمع فى الفلوس اذا كانت سودانية فعلا
ولكن انا معكم انى فى ناس بتشوه صورة السودانين بتحال
الشخصية السودانية بسبب افعالهم السيئا


61.gif 61.gif 61.gif

انا بتفق مع بحلم
في ناس ظروفهم بتجبرهم ان يشتغلو في البيوت
مافي اي بنت او سيدة ربت منزل سودانية او غير سودانية
تحب انها تشتغل في بيوت الناس
لكن ربنا أعلم بالظروف الجبرتها تعمل كدا
فما في داعي نحكم عليها طوالي انها سيئة مدام الشغل شريف
وانا بعرف سودانية جايبة معاها الخدامة من السودان يعني سودانية برضو
واكيد التانية لو ما ظروفها ما حتقبل تشتغل خدامة
Batta
مشاركات: 3299
اشترك في: الاثنين 2011.1.10 10:17 am
مكان: umdurman

رد: خادمه ( شغاله سودانيه )

مشاركة بواسطة Batta »

السودانى الاصيل كتب:
يا ناس البخلى مره تدخل فى بيت غير بيت زوجها وهى غريبه شنووو ؟؟

وسبع البرمبه دا اللهو راجلا شغال شنو وليه ما اوفر ليها حاجتا ؟؟

يعنى هسى سودانيه تقول لى راجلا مع السلامه انا ماشه اخدم فى بيت عشان ادونى
الف ريال ولا خمسية ريال !!!!
اعوذ بالله والله ما سواها لى زول بعرفوا
صراحه احس قلبى انقبض لمن اتخيل مره تخدم ونادوها وامكن تغلط انهروها واحتمال
اضربوها ؟؟؟؟

وتجيب ليك القروش تقول ليك انا اشتغلت وديل قروشى
اعوذ بالله يا جماعه دا ابدا ما كلام

ونحن بنسمع كل يوم الحوادث البتحصل فى البيوت ولو كنت قافل عليك الباب ومحافظ على بيتك
ربك استر عليك خليك لمن تفك مرتك من يدك وترسلا تجيب ليك قروش

فى حنانات
المهنه اشتهرت فى السعوديه ودى برضو خطره جددا يعنى واحده قالوا شباب فى استراحه قلدوا
ليها صوت حرمه وجابا زوجها لحدى الاستراحه وهو بى نفسو سمع الاصوات ما تشك انها حرمه
وفى الاخر لعبو بيها وهو خم وصر القروش ؟؟؟

الاصل المراه للبيت وللاطفال وربنا خلقا لى بيتا وتركيبتا الجسمانيه انثى رقيقه ما وش تعب
ومخاطر


61.gif 61.gif 61.gif 61.gif 61.gif 61.gif 61.gif 61.gif


احييييييييييييييييييييك من قلبي
صورة العضو الرمزية
الأميرالحب
مشاركات: 8630
اشترك في: الثلاثاء 2009.12.15 10:12 pm
مكان: الجليد

رد: خادمه ( شغاله سودانيه )

مشاركة بواسطة الأميرالحب »

بحلم كتب:
بصراحة كلام ود كبوشة والاصيل
مستفز جدا لان انتم بتكلموا على الشغالة كانها فتاة ليل
ما واحده الظروف اجبرتها على كدا علشان ما تمد ايديها لحد
لا قريب ولا غريب لان اصل مافى حد بيشيل حد دلوقتى
وعلى مااعتقد اى شغل شريف ماعيب انى اى جنسية تشتغله
انا اعرف بنات جامعيات وشوفتهم وربى شاهد ربات بيوت خادمات زى ما بتقولوا
وبيتكلموا لغات كمان يعنى ما انجليزا بس
واصلا مافى واحدة بتنزل تشتغل خداما زى ما بيقول الاصيل علشان
مجرد انى المبلغ كبير او طمع فى الفلوس اذا كانت سودانية فعلا
ولكن انا معكم انى فى ناس بتشوه صورة السودانين بتحال
الشخصية السودانية بسبب افعالهم السيئا


الغاليه بحلم :
اي سودانيه تقول انا سودانيه وراسعه م رفوع فوق

وبعدين يا بحلم انا شهدته المنظر بنفسي وبعدين شفت الجواز بعيوني البياكلا الدود
واستبعدت سودانيه تكون شغاله خدامه
ولازال ما بصدق
نحن السودا\نيين في السودان بنجيب الحبش خدامين في بيوتنا
وبعدين يا بحلم ما تتحسسي ساكت
السودانيات امهاتنا واخواتنا وزوجاتنا
ويسلمت علي مرورك بجاي
لك التحيه
صورة العضو الرمزية
بحلم
مشاركات: 4790
اشترك في: الأربعاء 2009.7.22 10:04 pm
مكان: مصر ام الدنيا

رد: خادمه ( شغاله سودانيه )

مشاركة بواسطة بحلم »

الامير الحب كتب:
الغاليه بحلم :
اي سودانيه تقول انا سودانيه وراسعه م رفوع فوق

وبعدين يا بحلم انا شهدته المنظر بنفسي وبعدين شفت الجواز بعيوني البياكلا الدود
واستبعدت سودانيه تكون شغاله خدامه
ولازال ما بصدق
نحن السودا\نيين في السودان بنجيب الحبش خدامين في بيوتنا
وبعدين يا بحلم ما تتحسسي ساكت
السودانيات امهاتنا واخواتنا وزوجاتنا
ويسلمت علي مرورك بجاي
لك التحيه
تسلم يا ود كبوشة واكيد اى سودانية صغير او كبيرة
متعلمة او غير متعلمة تفخر وترفع راسها للسماء
وما فى تحسس ولا حاجة وانا معاك انى فى ناس بتعمل كانها سودانية وهى غير كدا
وعندنا هنا فى مصر بشوف بنات وسيدات بيلبسو التوب وشكلهم ما لازم اذكر
وهما اصل ما سودانين وانا معاك فى النقطة دى
ولكن انا بتكلم على طريقة كلامك عن الخدامه كانها مهنة غير اخلاقية
وانا شايفة انها مهنة اجبرت عليها اى من تعمل بها وظروفها اجبرتها على كدا
ودا افضل من ان تعمل حاجة غلط ودى وجهة نظرى فى الموضوع لا اكثر
صورة العضو الرمزية
أبو صديق
مشاركات: 4406
اشترك في: السبت 2009.12.5 8:10 pm
مكان: ثم أهدتني المنافي !!!

رد: خادمه ( شغاله سودانيه )

مشاركة بواسطة أبو صديق »

أحيّ حماسك وغيرتك ونخوتك يا ود جعل لكن البوست شكلو أخد مُنحني آخر غير المقصود منو
رجاءاً تعديل مساره وضع في الإعتبار الفلاشا الذين الحبش والأرتريين السافروا إسرائيل عن طريق
السودان أيام المرحوم نميري هل تفتكر لسسسه عايشين في فلسطين أم إنتشرو وعاثوا فساداً في بقاع الدنيا المختلفة وبجوازنا الســـــــــــــــــــــوداني أبو صقر الجديان ذااااتو..
ولي عودة بالنهار ..
صورة العضو الرمزية
السودانى الاصيل
مشاركات: 8054
اشترك في: الاثنين 2008.9.1 9:24 pm
مكان: المملكه العربيه السعوديه /جازان سحر الطبيعه

رد: خادمه ( شغاله سودانيه )

مشاركة بواسطة السودانى الاصيل »

بحلم كتب:
بصراحة كلام ود كبوشة والاصيل
مستفز جدا لان انتم بتكلموا على الشغالة كانها فتاة ليل
ما واحده الظروف اجبرتها على كدا علشان ما تمد ايديها لحد
لا قريب ولا غريب لان اصل مافى حد بيشيل حد دلوقتى
وعلى مااعتقد اى شغل شريف ماعيب انى اى جنسية تشتغله
انا اعرف بنات جامعيات وشوفتهم وربى شاهد ربات بيوت خادمات زى ما بتقولوا
وبيتكلموا لغات كمان يعنى ما انجليزا بس
واصلا مافى واحدة بتنزل تشتغل خداما زى ما بيقول الاصيل علشان
مجرد انى المبلغ كبير او طمع فى الفلوس اذا كانت سودانية فعلا
ولكن انا معكم انى فى ناس بتشوه صورة السودانين بتحال
الشخصية السودانية بسبب افعالهم السيئا

الغاليه بحلم :040:

تحيه واحترام لشخصك الغالى جددا

انتى فهمتى قصدى غلط يا بحلم
وانا ما قصدت انها مهنه غير شريفه

لكن ودى حقيقه من المهن ما عارف اوصل ليك الفهم كيف
لكن مهنة الخادمه مهنه دونيه
يعنى فى الطبيبه وفى المهندسه وفى السكرتيره
الخادمه انا لمن اتكلمت عنها ما اتكلمت عن نواحى اخلاقيه
خالص

لكن الخادمه تؤمر من جميع افراد الاسره
يعنى بشغلوها وامكن تعبانه
ولو غلطت برفعوا صوتم عليها

انا دا الكلام القلتو بس
ودا انا كرجل ما بسمح لوليتى احصل ليها كدا

وابدا يا بحلم ما نستبعد الاعداء عليها من نواحى تانيه

والشئ الهام
يعنى لو واحده فى السودان اشتغلت خادمه لسودانيين
معاها فى الفريق
عاااااااااادى
مضمونين

بس رجل مغترب
معناها وضعو كويس

طيب اسمح لزوجتو تشتغل خادمه ؟؟
ما عشان هى محتاجه لكن عشان ازيد دخلو

على حساب كرامة زوجتو
اعتقد وراى شخصى عيب عليهو
واختلاف الانظار لا يفسد للود قضيه
أضف رد جديد

العودة إلى ”حوارات جادة“