الهلال يهزم الزمالك المصرى بهدفين وقصيدة

اخبار الفرق الرياضية..الدورى..الصحافة..والشمارات الكروية

المشرف: بانه

أضف رد جديد
صورة العضو الرمزية
mubark59
مشاركات: 2814
اشترك في: الأحد 2007.8.26 9:56 pm
مكان: بيريطانيا مدينة بيرمنجهام

الهلال يهزم الزمالك المصرى بهدفين وقصيدة

مشاركة بواسطة mubark59 »

فى الفيس بوك وجدت موضوع للهلالابى النشط الصيرفى والاعلامى الاذاعى السابق بالقناة الرياضية fM 104 أبوبكر الطيب ابراهيم وكتبت له بيت من مسدار هلالى سابق وقلت فيه :

مجد الهلال وعظمتو فايته الحد
وفى يوم الزمالك هجومنا ما بنصد

وتوقعت فوز الهلال على الزمالك ووعدت الاخ أبوبكر بقصيدة فى حالة الفوز وهآنذا أوفى بوعدى وواصلت وقلت :


مجد الهلال وعظمتو فايته الحد
وفى يوم الزمالك هجومنا ما بنصد
فرطنا قبييل يوم فيتا فات المد
ناس مريخنا الوصيف طروهو يوم السد !!!
عدينا الشهور والسنيين كم عد
راجيين كاس ويحيد نفرحبو لى يوم غد
وقبضنا السراب وبخرنا ريحه الند
ليه يا هلالنا ترخى !!! ومره تطره الشدّ؟؟!!؟؟
حرام جمهور وفى ترك المزاح للجد
يدفع بى سخى وكل مره يرجى الرد
وطال بيينا الحنيين مجهود جماعى وفرد
يا أشرف سلام ..... سلام أرعى الهلال بالجد
ويا أشرف سلام ..... سلام أرعى الهلال بالجد
وسّع للبدور ... وسّع للبدور خليها زى الورد
وسّع للبدور ... وسّع للبدور خليها زى الورد
صورة العضو الرمزية
مرسال الشوق
مشاركات: 14746
اشترك في: الاثنين 2009.11.2 3:49 pm
مكان: عارفني منــــــــــــــك

رد: الهلال يهزم الزمالك المصرى بهدفين وقصيدة

مشاركة بواسطة مرسال الشوق »

الهلال .... فريقنا وبنشجعوا من زمااان .... لكن المرة دي بصراااحة خيب امالنا فرط في فيتا هنا وهناك وكمان الزمالك في عقر داره بالرغم من ضعف ووهن الزمالك الظاهر للعيان ولكن جات طموحاتنا مخيبة للامال .... لابد من اعادة صياغة الفريق من والي ادارة ولاعبين وتدريبات جادة تؤتي اكلها....
الهلال بطل قومي ولكن دائما عنده المبالاه بالخصم وبالاخص عند احرازه الهدف الاول يستكين للفوز ولا يحاول تدعيم الفوز باكثر من هدف مما يجعل الخصم مطمنا علي بلوغ الشباك في اي وقت وخاصة في الدقائق الاخيرة من المباراة والمراقب لجميع المباريات التي انهزم فيها الهلال كانت في الدقائق الاخيرة من عمر المباراة لماذا الاستكانة والاستهانة من قبل اللاعبين في تلك اللحظات الحرجة وكانهم مجبورين علي اللعب من باب عدي من وشك والسلام
اذا لم يعيد نادي الهلال ادارة وفريق صياغة الفريق وتغييره من المفاهيم القديمة التي لاتقدم اي انجاز للفريق سوف نكون لافين في حلقة مفرغة ونتائج محسومة دائما بالخسارة ونرجع تاني بخفي حنين ...
أضف رد جديد

العودة إلى ”منتدى الملاعب السودانية“