فلافل بالافاشكرى !!!

يهتم هذا القسم بكل المعلومات عن وطننا الحبيب .

المشرف: بانه

أضف رد جديد
مجدى عكاشه
مشاركات: 1581
اشترك في: الاثنين 2007.9.24 9:53 am
مكان: السودان

فلافل بالافاشكرى !!!

مشاركة بواسطة مجدى عكاشه »



بألأمس القريب ..

كان تخريج مجموعة من طلاب جامعة الخرطوم كلية ألأقتصاد .. وكانت المجموعة من خيرة طلاب تلك الكلية بحيث ان لديهم جماهير فاقت تصور الحضور .. وكان لكل طالب عدد مقدر من معجبيه ولا ننسى آولائك الجماهير المشتركين فى الكل المجموعـــة .. كان اليوم جميلآ حتى الحادية والعشر ليلآ بتوقيت مدينة الخرطوم ..

اللجنة المنظمة للحفل ..

كانت بحد زاتها مجموعة ( عجيبة ) كان لنا احساس بأننا فى احدى كازينوهات القاهرة او بعضآ من تلك التى نشاهدها فى التلفاذ .. كانت للجنة قوانين صارمة ووجه صبوح وابتسامة رائعة .. كل المتناقضات تجمعت فى تلك اللجنة الصبورة على عشوائية الجمهور السودانى ..

العجيب فى ألأمر ..

ان التخريج لم يمت للسودان بصلة .. ولم يتعلق بتلك التفاصيل السودانية انما كان غربيآ فى المقام الاول والاخير .. وكان الحضور الذى اتى الى ( الريفيرا ) الموردة مكان الحفل .. من خارج السودان واجنبيآ تمامآ بمفاهيمه .. فقد كانت الاغنيات الغربية تحوز على اكبر صوت من المعجبينـ .. وكلما بدأت بشء غربى وجدت قبولآ من الحضور .. اما من يأتى بتلك الاغنية فى تخريجة ( يا امى الله يسلمك ) فهو ينال قدر كافى من التهميش حتى يبدأ صاحب ( الديسكو ) بتغير الغنية لكى يتفاعل الجمهور معه ..

الحقـ يقال ..

لقد دار فى ذهنى تلك الايام الخوالى التى عشناها ايام الجامعة وايام مشقتها ومزلتها .. بحيث اننا كنا نعانى ما نعانى فى تلك الايام .. ونقول هيا للفلاح فى كل يوم .. ونبدأ بأشكالات الادارة فى دفع الرسوم .. ولماذا نجح فلان وتم تربيد فلان .. الاتحاد والجمعيات .. التحية للشعب السودانى المناضل .. الشعب يعانى .. الشعب جعانـ .. وما ادراك ما النضال .. فحقآ احترت فى امرى .. فسألت صديق لى على مقربة منى وقلت له : اسمع انت العالم دى معانا فى السودان دة ولا الحاصل شنو ؟

المهم ..

مالقيت اجابة غير ابتاسمة من الراجل صحبى دة لان كان مندهش جدا وعاجباهو الاندهاشة .. ووواصلة الحفلة وانا اخدت راحتى فى الرقيص على انغام الفنان بكرى المغربى .. وفى اثناء ما الحفلة شغالة والدنيا هايصة والرقيص مدور والصراخ اعلى من الساون !!

كانت فى كلمات تطقق اذنى بشدة ( هل كان مارايت السودان الجديد ) .. ( هل هى نتاج لحكم الجبهه الانقاذيـــة ) ( هل التردى الاخلاقى نوع من انواع التطور ) .. ( ماهو التطور الاسلامى ) ( وهل الدين يتغير مع كل جيل ) ( ما المقصود بتراجيديا الصراع ) ( وماهى حرب الثقافات ) وهل للعولمة دور كبير فى هذا !!!؟

كانت تسائلات تدير فى ذهنى .. مع العلم ان الحفل كان فى غاية الروعة والدهشة وكان لا يمت بالسودانيوية بصلة بل العكس تمامآ كان عبارة عن حفل امريكى او فرنسى او اجنبى اروبى !! وكان الحضور كذلك !!

فهل بائعة الفلافل تعتقد بأن الطعمية البدون جبنة وسلطة ححتباع بهناك .. ولا تعمل فيها كتشب وحبت ماينيز وجبنة رومى .. ومرات مرات فلافل باللافاشكرى !!؟
حافظ عوض الله محمد
مشاركات: 1011
اشترك في: الأربعاء 2007.4.11 11:57 am
مكان: السودان ، الخرطوم

رد: فلافل بالافاشكرى !!!

مشاركة بواسطة حافظ عوض الله محمد »

( هل كان مارايت السودان الجديد )

بل هى غربة المواطن فى بلده
قريب منك بعيد عنك
غريب ذاتك مع ذاتك
وحيدة وحيدة يابنية وبراى صابر على وجعك

فقد السودان بموت د . قرنق اكبر من موت فكرة السودان الجديد

( هل هى نتاج لحكم الجبهه الانقاذيـــة )
بل هى نتاج لأنحسار مصطلح الاسرة الممتدة ، التى كانت تساهم فى تكوين الشخصية العامة للفرد


( هل التردى الاخلاقى نوع من انواع التطور ) ..

جيل اليوم جيل بدون طموح ، الامر ليس على الاطلاق ماذا ننتظر منه

( ماهو التطور الاسلامى )
.................................


( وهل الدين يتغير مع كل جيل )

......................................
اعلاه شق لا اعرف اجابته ولكن مفهوم التدين هو الذى يتغير وليس الدين


( ما المقصود بتراجيديا الصراع )
........؟؟؟؟؟؟؟؟؟؟؟؟؟؟


( وماهى حرب الثقافات )
تصدير عادات وتقاليد الشعوب الغربية الينا يعتبر من اكبر المعارك التى نخوضها
المعركة تتمثل فى اننا يجب ان نأخذ ماينفعنا ونترك لهم الباقى


وهل للعولمة دور كبير فى هذا !!!؟
...........؟؟؟؟؟

ما باله تخريجك اخى مجدى صار كرائعة مصطفى سيد احمد أسئلة ليست للاجابه
صورة العضو الرمزية
طناش
مشاركات: 285
اشترك في: الخميس 2007.10.18 12:37 am
مكان: في عيون وطني ,,

رد: فلافل بالافاشكرى !!!

مشاركة بواسطة طناش »

فهل بائعة الفلافل تعتقد بأن الطعمية البدون جبنة وسلطة ححتباع بهناك .. ولا تعمل فيها كتشب وحبت ماينيز وجبنة رومى .. ومرات مرات فلافل باللافاشكرى :blink: !!؟ههههههههههههههههههههه
يا اخ ارحم نفسك والله بالغتا في الوصف لمن راح ليك ...
بصراحه موضوع جميل وشيق
لكن حا اقول انو من أول الاسباب
* العولمه #$# وكدا كدا بعدها البوبار
ولي عوده يا رائع ..
ومشكووووووور
مجدى عكاشه
مشاركات: 1581
اشترك في: الاثنين 2007.9.24 9:53 am
مكان: السودان

رد: فلافل بالافاشكرى !!!

مشاركة بواسطة مجدى عكاشه »

حافظ عوض الله محمد كتب:
بل هى غربة المواطن فى بلده
قريب منك بعيد عنك
غريب ذاتك مع ذاتك
وحيدة وحيدة يابنية وبراى صابر على وجعك

فقد السودان بموت د . قرنق اكبر من موت فكرة السودان الجديد

( هل هى نتاج لحكم الجبهه الانقاذيـــة )
بل هى نتاج لأنحسار مصطلح الاسرة الممتدة ، التى كانت تساهم فى تكوين الشخصية العامة للفرد


( هل التردى الاخلاقى نوع من انواع التطور ) ..

جيل اليوم جيل بدون طموح ، الامر ليس على الاطلاق ماذا ننتظر منه

( ماهو التطور الاسلامى )
.................................


( وهل الدين يتغير مع كل جيل )

......................................
اعلاه شق لا اعرف اجابته ولكن مفهوم التدين هو الذى يتغير وليس الدين


( ما المقصود بتراجيديا الصراع )
........؟؟؟؟؟؟؟؟؟؟؟؟؟؟


( وماهى حرب الثقافات )
تصدير عادات وتقاليد الشعوب الغربية الينا يعتبر من اكبر المعارك التى نخوضها
المعركة تتمثل فى اننا يجب ان نأخذ ماينفعنا ونترك لهم الباقى


وهل للعولمة دور كبير فى هذا !!!؟
...........؟؟؟؟؟

ما باله تخريجك اخى مجدى صار كرائعة مصطفى سيد احمد أسئلة ليست للاجابه


عزيزى حافظ ..
انه الالم يا عزيزى .. فنحن لا نخوض صراعآ مع الغرب انما نقف مبتسمين له .. وشعارنا هو مرحبآ بكل ما اتى من بلدان الغرب .. فالغرب يعرف كيف يدخل الى نفوسنا الضعيفة التى اعتادت على الكسل وعدم الاهتمام ببقايا التراث التى اندثرت تحت مظالم العسكر ..

وللاحداث بقية يا عزيزى !!
مجدى عكاشه
مشاركات: 1581
اشترك في: الاثنين 2007.9.24 9:53 am
مكان: السودان

رد: فلافل بالافاشكرى !!!

مشاركة بواسطة مجدى عكاشه »

طناش كتب:فهل بائعة الفلافل تعتقد بأن الطعمية البدون جبنة وسلطة ححتباع بهناك .. ولا تعمل فيها كتشب وحبت ماينيز وجبنة رومى .. ومرات مرات فلافل باللافاشكرى :blink: !!؟ههههههههههههههههههههه
يا اخ ارحم نفسك والله بالغتا في الوصف لمن راح ليك ...
بصراحه موضوع جميل وشيق
لكن حا اقول انو من أول الاسباب
* العولمه #$# وكدا كدا بعدها البوبار
ولي عوده يا رائع ..
ومشكووووووور


طناش يا مطنشنا

تسلم كتير على التحليل الزوق يا راقى

وبستناك تانى يا مان
بنت دار النيل
مشاركات: 34
اشترك في: الثلاثاء 2007.8.28 3:40 pm
مكان: الامارت ابوظبى

رد: فلافل بالافاشكرى !!!

مشاركة بواسطة بنت دار النيل »

والله يا مجدى يا اخوى انت الجوه السودان مندهش من السودان الجديد اها احنا نقول شنو انا جيت السودان فى شهر اجازة بعد غياب سنتين والله الشفتو فى السودان خلال شهر خلنى فاتحة خشمى من الدهشة من شهر 6 لحدى اسه والحالة سودانية نار كانت بتقول لى انتى ما شفتى اى حاجة ربنا يستر ويا ريت لو بنطبق العوالمة ونستفيد منها فى حاجة احسن من سماع الاغانى الاكيد الشباب فرحانين بالالحن وما عارفين معانى الاغانى ولا البس البسنوا وما عارفين شنو المكتوب فيه بس كل همهم ان هم متابعين الموضة ربك يستر على العباد بستر من عندو والله كريم على السودان كان جديد ولا قديم
مجدى عكاشه
مشاركات: 1581
اشترك في: الاثنين 2007.9.24 9:53 am
مكان: السودان

رد: فلافل بالافاشكرى !!!

مشاركة بواسطة مجدى عكاشه »

بنت دار النيل كتب:والله يا مجدى يا اخوى انت الجوه السودان مندهش من السودان الجديد اها احنا نقول شنو انا جيت السودان فى شهر اجازة بعد غياب سنتين والله الشفتو فى السودان خلال شهر خلنى فاتحة خشمى من الدهشة من شهر 6 لحدى اسه والحالة سودانية نار كانت بتقول لى انتى ما شفتى اى حاجة ربنا يستر ويا ريت لو بنطبق العوالمة ونستفيد منها فى حاجة احسن من سماع الاغانى الاكيد الشباب فرحانين بالالحن وما عارفين معانى الاغانى ولا البس البسنوا وما عارفين شنو المكتوب فيه بس كل همهم ان هم متابعين الموضة ربك يستر على العباد بستر من عندو والله كريم على السودان كان جديد ولا قديم

ربنا يستر على السودان كان جديد ولا قديم ...!!
بنت دار النيل ..
بألأمس ايضآ دار حوار مهم عن التطور فى الولايات الامريكية المتحدة وبقية دول العالم وبما فيها الهند وكيفية التطور الاقتصادى او المادى هناك .. ان كنت راس ماليآ او ان كنت اشتراكيآ تعاونيآ او لبراليآ فى مجتمع متعدد .. فهل هناك امكانية التطور ام لا !!!

العجيب فى ألأمر ان التطور الذى يمكن ان تحصل علية هو اولآ تطور مفاهيمى بجعلك تتعامل مع الانسان كأنسان ومن ثم كيفية الاستفادة منه .. وهو بالتالى يتعامل بنفس الاسلوب وهكذا .. نحن هنا نتعامل على اساس ثقافى واساس مادى بحت .. لا نتعامل وفقآ للذهنية المحمولة بل الشكال تلعب الدور الرئيسى فى حياتنا اليومية ..
لذلك بنت دار النيل .. يتعامل الصغار على اساس الاشكال الدائرية البحتة .. وكما قلتى انتى فى نهاية الحديث ربنا يستر على السودان كان جديد ولا قديم ..

تحياتى ليكى وللاسرة كمان ..
صورة العضو الرمزية
M.Hadad
مشاركات: 2564
اشترك في: الجمعة 2007.10.26 11:41 pm
مكان: في عمق اللاشئ

رد: فلافل بالافاشكرى !!!

مشاركة بواسطة M.Hadad »

والله حافظ وصف واوفي وللاسف ده معني الحضاره في الجيل الجديد
صورة العضو الرمزية
مهند عبد الرحمن
مشاركات: 377
اشترك في: الثلاثاء 2006.12.12 1:36 pm
مكان: السعودية جدة

رد: فلافل بالافاشكرى !!!

مشاركة بواسطة مهند عبد الرحمن »

الاخ مجدي عكاشة اولا شكرا للموضوع
ثانيا اود اخي ان اعقب علي بعض من ما ورد فيه اولا معروف ان الانسان بطبيعة حاله يحب التجديد ولكن يجب ان لا يكون التجديد هذا على حساب امور اخرى مثل الدين العرف العادات والتقاليد وما رأيته اخي في الحفل المذكور من مظاهر وعادات دخيلة علي مجتمعنا السوداني والذي اعتبره من اكثر المجتمعات تمسكا بدينه قد تستغربه انت ويستغربه الاخرون ولكن لابد من معرفة الاسباب التي ادت لبعد هذا المجتمع عن موروثاته فأنت قلت بأن السياسة هي من اهم الاسباب ولكن دعني اقول لك ان السياسة قد تلعب دور ولكن ليس بالاهم ايضا هنالك عوامل اخرى منها بعد الشباب عن الدين الحالة الاقتصادية حب الانسان للتقليد لما هو كل جديد الغزو الثقافي الغربي والذي بات يشكل سلاحا فتاكا يهدد امة الاسلام الفضائيات التي ملأت سمانا بكل ما هو قبيح والعولمة التي دخلت علينا من دون استعداد لمواجهتها وغيرها من الاسباب التي ادت لتشكيل ما رايته
اما من ناحية اخرى نجد ان للاعلام دور مهم جدا في مجابهة تلك الامور وكذلك المؤسسات الدينية وكذلك دور التعليم والمؤسسات العلمية وفي المقام الاول الاسرة لها الدور الاكبر في محاربة تلك العادات

اخي مجدي مرة اخرى تقبل مروري واسف اذا اطلت في التعليق وشكرا للموضوع
صورة العضو الرمزية
مرسال الشوق
مشاركات: 14746
اشترك في: الاثنين 2009.11.2 3:49 pm
مكان: عارفني منــــــــــــــك

رد: فلافل بالافاشكرى !!!

مشاركة بواسطة مرسال الشوق »

الغالي مجدي عكاشة ..
في البدء دعني احييك بتحية الاسلام الخالدة الا وهي السلام عليكم ورحمة الله وبركاته
ثانيا لك مني باقات من الورد ننثرها لك هنا لعودتك سالما معافي الي وطنك الثاني منتدانا الغالي
ولو علمنا بقدومك الذي تأخر علينا كثيرا وتركت فينا فراغا مميتا بابتعادك عنا لاستقبلناك بالطبول ...
ولكن عسي ان يكون المانع خير
اخي الغالي ..
لقد قرأت هذا المقال كذا مرة انت حاضرا الآن وغائبا فقد لمست من خلال كتابتك مشاعرك النبيلة اتجاه وطنك
وغيرتك الجميلة علي مورثاتنا الجميلة التي بدأت تتلأشي شيئا فشيئا .
اخي الغالي اعلم بان الاستعمار خرج من الباب ولكنه دخل عن طريق الشباك كيف ؟؟ زمان كان الاستعمار يستعمر الارض والمكان وكنا نخوض معه معارك جباره كي ينزاح عن اراضينا وقد فعلنا فعلا فعادت الينا الارض وعزتنا وكرامتنا وصارت اعلامنا الوطنية ترفرف خفاقة في سماء الوطن معلنة بزوق فجر جديد من الحريات وهيبة الذات
ولكن لم نحافظ علي هذا الوطن بالطريقة السليمة ولم ناحفظ علي عاداتنا السمحة ومورثاتنا الجميلة التي وهبنا اليها جدودنا زمان كما كان ينشد اولئك المغنيين في حب الوطن
جدودنا زمان وصونا على الوطن
على التراب الغالي الما ليهو تمن
نحن حافظين للوصية
جوه في قلوبنا الوفية
لقد فرطنا فيها للآسف واتبعنا عادات وتقاليد دخيلة علينا ونسينا كل ماهو ثمين وغالي واليوم لايخفي عليك كيف صار حال الوطن طاردا لكل سوداني وكانه الجحيم والادهي والامر دثرنا عيوننا عن عيوبنا وصرنا لانبالي وهنا تكمن المشكلة والمعضلة ارتضينا بالتمثيل وخدعنا انفسنا باننا في تقدم وازدهار ولكن هنالك مايحيك في النفس باننا تراجعنا الاف السنين الي خط الرجعة والتخلف وكل هذا بسبب ابتعادنا عن دييننا الحبيب وارتضينا بالتقليد الاعمي لعادات الغرب الذي خرج منا بالباب وآب الينا بالشباك ...
اخيرا اقول ( إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ )

عفوا للاطالة ...
تقبل مروري المتواضع

مرسال الشوووق ،،،
صورة العضو الرمزية
السنبلاية
مشاركات: 16000
اشترك في: الأحد 2010.3.28 1:46 pm
مكان: ود مدنى

رد: فلافل بالافاشكرى !!!

مشاركة بواسطة السنبلاية »

نتمنى ان نسمع عنه كل خير ..
صورة العضو الرمزية
ام اسامه
مشاركات: 1670
اشترك في: الأحد 2014.3.2 9:05 am
مكان: الخرطوم

رد: فلافل بالافاشكرى !!!

مشاركة بواسطة ام اسامه »

هذا جيل معاصر للغزو الثقافي الغربي والتقليد الاعمي لعادات وموروثات لا تمت الينا بصله ..حتي اصبحت تسيطر علي زوجانا السوداني الذي كان جميلا بعاداتنا ..فدخلت الزفة المصريه ثم عاده رقص ال . .slow التي استحي حين مشاهدتها..اين حيائنا..؟؟؟ وعاده تقطيع التورته وهلم جرا
الله يرحمك يا عاداتنا
ما معروف الاجيال الجايه ح تسوي شنوو
أضف رد جديد

العودة إلى ”منتدى السودان العام“