لما ضاعت الكلمات في نص حديثنا وتبعثرت الحروف ...
لما الرد كان .ــــــــــــ..طالعه من ثغر باسم ...لما كنت بتستنى رد باحساس حالم ....
لما عيني تقول ليك احكي وبلل حروف شعري الجفت في انتظار مطر القلوب ...
احكي وحتدب الروح في كلماتي , حتمشي وتشوف اشواقي وين وصلت ...
حتتحسس احساسي وين اتجه ...وروحو وين اتعلقت ...
وحتطلع الكلمات مني وتسافر ليك ...
اسى الايام العاش فيها قلبي يستنى لحظه صدق ...
وروحي تتستنى الفرح المطرز بيك ...
قصة حب ... بدت لحظة القلب نبضو ارتعب ... سرع خطاه ... كالرعد
ماعرف لحظتها ايه الارعبو ...ايه الجهجه كيانو .. وقطع ثباتو ...ومن مكانو حركو ...
حبك هو الرعد كل احاسيسو بصاعقة شقف ... اتحدت كل الحواليه ووصلتو
صاعقة حنيـــــنه ضربت اوتارو وصحتو ... نورت ليه سما دنيتو ...وورتو ... ان الحبيب هنا بينظر ليك ...
وهي بتشكر قدر ساق ليها حب انغرس.... في اعماق الروح ...
ومصدر سعاده مابتوصف ...لا بنحكي ..لا بترسم ...
بس عيني الوحيده البتقدر توصفو ...لما تلمع ولهانه لنظرتو ....
لما تلاقي عيونك وتسرح طربانه بموسيقى عينيك ...
ما اعرف اقول ليك بحبك ... ولا اهجمك واقول ليك انا فت خطوط الحب وولهت بيك ..
ولا اسكت ..اخلي احساسك هو اليسوقك ... ويتحدى السكون ... ويقطع بيك لشاطيء قلبي ...
قلبي الزين ميناءو ...ووسواحلو ... سفنو ومراكبو ...مويتو ورمالو ...عشان يحفل بيك ....
عيوني اجراء مني وحتحكي ليك ...
عيوني اصدق من اي شك في نفسك ...وحتثبت ليك ...
عيوني اشف من انقى ماء نهر .. وحتشف ليك ...
حتشف ليك ... اي احساس ضاعت كلماتو واتبعثرت منو الحروف لما اتكلمنا في الليله ديك ...