وفجأة بس....!

المشرف: بانه

صورة العضو الرمزية
dream-lady
مشاركات: 25355
اشترك في: الجمعة 2011.4.29 10:32 pm
مكان: الرياض

وفجأة بس....!

مشاركة بواسطة dream-lady »

لقيتك!
ودوناً عن البشر....حسيتك..
اني مخلوقة من ضلوعك

وجوه لضلوعي خبيتك!
ولما شفتك..والتقيتك
حسيت الزمن كان ضايع....بدونك
ولما شفت لهفة الشوق....وجنونك
زدت في ريدتي..واكتر من كتير..حبيتك
وفي نن العين...ختيتك...واصطفيتك
صورة العضو الرمزية
dream-lady
مشاركات: 25355
اشترك في: الجمعة 2011.4.29 10:32 pm
مكان: الرياض

رد: وفجأة بس....!

مشاركة بواسطة dream-lady »

واتعلقت بيك

وأدمنتك ...بدون ماأشعر!

ولقيت الدنيا بلاك مابتسوى

ولقيت الضوء...يشرد في غيابك ويتحسر

ولمن تحضر...يخجل يتستر

ولقيت المطر من ندواتك...سرحان متحجر

والضل الطارح...يبراك يتمخطر

وقلبي الرفراف ...يهتف يستحضر...

كل لحظة...حسيت بعيونك..وضمتني جفونك

وأحس بالجن عايز يستعمر

وأتوب واعوذ واستغفر

بس فجأة...
صورة العضو الرمزية
مرسال الشوق
مشاركات: 14746
اشترك في: الاثنين 2009.11.2 3:49 pm
مكان: عارفني منــــــــــــــك

رد: وفجأة بس....!

مشاركة بواسطة مرسال الشوق »

من خلف أبواب الغياب جيتك معمعم بي خطا الشوق والسراب
سايقني الحنين والليل وسمرة الناس والسواد
سايقني ومالي ايد في مشيتو سايقني ومناي القاك هناك
بين الشجر وسط الغيوم القاك نغم يكسر وتر حد الخيال

جدعة ... مرسالية ...
دريمو .... نورك اطفي جميع الكهارب
ليك مدة ومابنت وانت وحشتك عملت لينا استلهابات في الشوف
وفقر حاد جدا ف كوامن النفس الابت ترتاح الا مع حرفك الجميل
ماتغيبي تاني عشان مانبلغ عليك هروب ونعمل ليك خروج بدون عودة
ارجو منك تصحيح اوضاعك سريع


:l: :l: :l: :l: :l: :l:
صورة العضو الرمزية
dream-lady
مشاركات: 25355
اشترك في: الجمعة 2011.4.29 10:32 pm
مكان: الرياض

رد: وفجأة بس....!

مشاركة بواسطة dream-lady »

فقدتك!

وضاع الحلم الساكن جواي

وتآه الشوق ...وعكر صفاي

وفتشت جيوب الزمن الراح

ولقيت نفحة شوق وباقة لهفة وآثار جراح

ووسط الألم العاثر...والهم الغادر

حبة أفراح

ولقيت جمرة نفسك قايدة تشوشح فيني تهز الراح

ولقيتني ..جواي بفتش فيك

وبنادي عليك

واتلمس نور قلبك قايد ضواي

ويحرقني لهيبك...ولهيب فقدانك يلهب في حشاي

وأفتش فيك

وأنادي عليك

وأحوم اتلمس كل خطاويك
وأشم عطرك ...واتعطر بيك

وانادي اسمك
....وارد عليك

واناديني...عشان اجيك

وأفتش ليك

وفجأة بس!
صورة العضو الرمزية
dream-lady
مشاركات: 25355
اشترك في: الجمعة 2011.4.29 10:32 pm
مكان: الرياض

رد: وفجأة بس....!

مشاركة بواسطة dream-lady »

مرسال الشوق كتب:
من خلف أبواب الغياب جيتك معمعم بي خطا الشوق والسراب

سايقني الحنين والليل وسمرة الناس والسواد
سايقني ومالي ايد في مشيتو سايقني ومناي القاك هناك
بين الشجر وسط الغيوم القاك نغم يكسر وتر حد الخيال
جدعة ... مرسالية ...
دريمو .... نورك اطفي جميع الكهارب
ليك مدة ومابنت وانت وحشتك عملت لينا استلهابات في الشوف
وفقر حاد جدا ف كوامن النفس الابت ترتاح الا مع حرفك الجميل
ماتغيبي تاني عشان مانبلغ عليك هروب ونعمل ليك خروج بدون عودة
ارجو منك تصحيح اوضاعك سريع


:l: :l: :l: :l: :l: :l:

وفجأة بس!

جيت تنقط قطرات الفرح البقطر حواليك

وجيت تتبارك بالفرح الماتع ..وضوك ساطع

يلهب فيني شرارة الفكرة

وجمال الخاطر لهسي وبكره

وكل لحظة تنعس من هدهدة الذكرى

مرسال...

شوقك فاضحاه عيون منتظرة

وحلاوة الحس وجمال الكلمة...بين ايديك...خواطر مبتكرة


همسة دريماتية:

اعدك بتصحيح الاوضاع ...نهائيا بلا خروج :040:

والبوست يفرش لك عند المدخل...بُسطاً من فل

وعند المخارج....فُرشاً...متكأ استراحة ...شفرة خروجها تأشيرة وعد صادق بالعودة

فمرحبا بنورك ساطعا بين الاحرف الفرحة بك
صورة العضو الرمزية
dream-lady
مشاركات: 25355
اشترك في: الجمعة 2011.4.29 10:32 pm
مكان: الرياض

رد: وفجأة بس....!

مشاركة بواسطة dream-lady »

لقيتك!

ولقيت العيد الراح مع روحة عيدك

ومسكت في ايدك

واستحلفتك..ماتسيبني ..ولايمكن اسيبك ...وتحلف وازيدك

حلفان ووعود ...وكل نجوم الليل وقمر البيت وشموع العيد..حاضرين وشهود

وتحلف ..واعود

امسك ايدك...وأتعلق بجيدك

واحسه نبضك ووريدك

واحس بعينيك....ترسم في ملامح غابت

وترجع احساسيس...ندمت وتابت

ورجعت تعيد...ماضي بعيد

وكان اليوم ...يوم عيد

وفجأة بس!
صورة العضو الرمزية
طلال الحكيم
مشاركات: 4056
اشترك في: السبت 2010.5.8 11:08 am
مكان: السعودية

رد: وفجأة بس....!

مشاركة بواسطة طلال الحكيم »

وأنا شارد - كالعادة - بين غيمات وذيول نجمات
فجأة بس ... قلبي بـ جيتك أحس
وحالي إلتبس

حالة جنون صابتني فجأة
أو ممكن تقولي
عندي مس
أبسم براي ... وأردد غناي ..
ومنك أنا
ما قلت بس
وفيك أسرح بعيد .. وأرجع سعيد .. وأنظم نشيد
وأردد وأعيد ... أجمل قصيد


وكل الجِنان ... ده كلو كان
لما شفتك (فجأة بس)
هامس
مشاركات: 1098
اشترك في: السبت 2007.3.31 6:20 pm
مكان: أبو ظبى

رد: وفجأة بس....!

مشاركة بواسطة هامس »

dream-lady كتب:
لقيتك!

ودوناً عن البشر....حسيتك..
اني مخلوقة من ضلوعك


وجوه لضلوعي خبيتك!
ولما شفتك..والتقيتك
حسيت الزمن كان ضايع....بدونك
ولما شفت لهفة الشوق....وجنونك
زدت في ريدتي..واكتر من كتير..حبيتك

وفي نن العين...ختيتك...واصطفيتك

فـقـدتك... وفـجأه بس
حسيت بـقـربك
مجبور أنا... للسؤال عنك
رغـمـ العتاب الشـفـتو منك
قـلبى يخفـق
لا بلومك لا منك يزعل
ما أصلو ريدو مجراه دمك


(همسه) عودا حميدا
كل التحايا
صورة العضو الرمزية
معتبر
مشاركات: 11934
اشترك في: الخميس 2009.8.13 8:03 pm
مكان: حته كدة

رد: وفجأة بس....!

مشاركة بواسطة معتبر »

وفجأة بس

جمعت الانفاس
وهتفت يا اغلي ناس
لقيتك ولقيت معاك مشاعر كانت تايهه في باحات اصابها جفاف
تفتش عن حنان يروي يبابهاويخضر ساحاتها

دريمو الغالية عودة حلوة وكلمات انيقة
صورة العضو الرمزية
kaydoo
مشاركات: 6130
اشترك في: الأربعاء 2009.8.19 5:03 pm
مكان: الرياض
اتصال:

رد: وفجأة بس....!

مشاركة بواسطة kaydoo »

موضوع في قمة الروعه
لطالما كانت مواضيعك متميزة
لا عدمنا التميز و روعة الاختيار

دمت لنا ودام تالقك الدائم
صورة العضو الرمزية
dream-lady
مشاركات: 25355
اشترك في: الجمعة 2011.4.29 10:32 pm
مكان: الرياض

رد: وفجأة بس....!

مشاركة بواسطة dream-lady »

هامس كتب:فـقـدتك... وفـجأه بس
حسيت بـقـربك
مجبور أنا... للسؤال عنك
رغـمـ العتاب الشـفـتو منك
قـلبى يخفـق
لا بلومك لا منك يزعل
ما أصلو ريدو مجراه دمك


(همسه) عودا حميدا
كل التحايا
لقيتك...

ورغم مرارة الغربة

وبعد الفُرقة

...لقيت الدهشة ملك يمنيك

وحب الدنيا .....شايلو في ايدك

....

همسة: الله يسلمك هامس ياأنيق

دوما أحرفك تسرق الدهشة من بين الاسطر
صورة العضو الرمزية
dream-lady
مشاركات: 25355
اشترك في: الجمعة 2011.4.29 10:32 pm
مكان: الرياض

رد: وفجأة بس....!

مشاركة بواسطة dream-lady »

طلال الحكيم كتب:
وأنا شارد - كالعادة - بين غيمات وذيول نجمات
فجأة بس ... قلبي بـ جيتك أحس
وحالي إلتبس
حالة جنون صابتني فجأة
أو ممكن تقولي
عندي مس
أبسم براي ... وأردد غناي ..
ومنك أنا
ما قلت بس
وفيك أسرح بعيد .. وأرجع سعيد .. وأنظم نشيد
وأردد وأعيد ... أجمل قصيد


وكل الجِنان ... ده كلو كان

لما شفتك (فجأة بس)
لما شفتك (فجأة بس)

قلبي ارتجف...وصوتي راح...وانحبس

وبين توهاني (بين عينيك)

ورجفاني(بين ايديك)

تاهت الانفاس بخار...قايدة من جواي نار

وبقيت بهرب (مني)...(ليك)

واسكن جواك...واضطرب مابين جفونك

وأقرأ الشوق من جنونك..

وانزع الشك من ظنونك...

وأهمس...يا(نور العين)...يا(مجنون)...انا مجنونك !

انا مفتونك...!

ومن دونك....!..مابقدر اعيش

ومن دونك...الحب مافيش

والشوق مافيش....وانا مافيش..(ة)...ولايمكن (من دونك)..أعيش!


ماانت الاول..وانت ( النص)..وانت الطيش...

ووسط الحلم الشاعل الجوف

ووسط ..(امانك)...ومن دون خوف

ووسط همساتك...ومغمضة عن كل الدنيا...وعدمانة الشوف

فجأة بس!...
صورة العضو الرمزية
dream-lady
مشاركات: 25355
اشترك في: الجمعة 2011.4.29 10:32 pm
مكان: الرياض

رد: وفجأة بس....!

مشاركة بواسطة dream-lady »

معتبر كتب:
وفجأة بس
جمعت الانفاس
وهتفت يا اغلي ناس
لقيتك ولقيت معاك مشاعر كانت تايهه في باحات اصابها جفاف
تفتش عن حنان يروي يبابهاويخضر ساحاتها

دريمو الغالية عودة حلوة وكلمات انيقة
جاني صوتك...

يلهب فيني...جن اللهفة وحنين الشوق

وبحة (صوتك)تهدهد...وبحر عيوني معاك يروق

ويسكن ...ويتخدر...وانعس فيك..وبعطر انفاسك الكون يتعطر
...وافتش جوة زحام انفاسك (قطعة سكر)....وبيها اسكر

ومع آخر زفرة...اعود اتحسر

اجيب كاس أشواقي..ومع اشواقك امزج احضر

ومن بصماتك..اختم انفاس السكر...

واقعد استرجع...

كلماتك ديك

ورمشات عينيك

واقعد اهمس ..واهلوس بيك

وانت قصادي...بهناك اناديك

وبسرعة (ارد)عليك...

واطمن فيك...لما ترعش ايديك

وتبكي عيوني ...لما اتذكر...

فراقنا الكان...

وانشج الحان...وأتأمل فيك

وتمد ايديك...تمسح احزان

واتشبث ...اتعلق بايديك

وأقول...خليك

وفجأة ...بس!
صورة العضو الرمزية
dream-lady
مشاركات: 25355
اشترك في: الجمعة 2011.4.29 10:32 pm
مكان: الرياض

رد: وفجأة بس....!

مشاركة بواسطة dream-lady »

kaydoo كتب:
موضوع في قمة الروعه
لطالما كانت مواضيعك متميزة
لا عدمنا التميز و روعة الاختيار
دمت لنا ودام تالقك الدائم

ولطالما كان مرورك اخضرا يانعا يثير في القلب الراحة

والتميز يسطر الوانه من اشخاص رائعون مثلك كايدو

دمت مفخرة لنا عزيزي ودام نبضك
هامس
مشاركات: 1098
اشترك في: السبت 2007.3.31 6:20 pm
مكان: أبو ظبى

رد: وفجأة بس....!

مشاركة بواسطة هامس »

dream-lady كتب:
لقيتك...
ورغم مرارة الغربة
وبعد الفُرقة
...لقيت الدهشة ملك يمنيك
وحب الدنيا .....شايلو في ايدك
....
همسة: الله يسلمك هامس ياأنيق

دوما أحرفك تسرق الدهشة من بين الاسطر

لقـيـتـك
ومن يومـ لقياك حبيت الدنيا عشانك
يا المحتاره الناس فى شأنك
زينته القـمر إنت أمـ هـو الزانك
ضـيـك كـفـه
ودر وشال وجع الغربه

(همسه) يا أستاذه
دوما أسطرك.. هى المايسترو لدوزنة الأحرف
صورة العضو الرمزية
dream-lady
مشاركات: 25355
اشترك في: الجمعة 2011.4.29 10:32 pm
مكان: الرياض

رد: وفجأة بس....!

مشاركة بواسطة dream-lady »

هامس كتب:لقـيـتـك
ومن يومـ لقياك حبيت الدنيا عشانك
يا المحتاره الناس فى شأنك
زينته القـمر إنت أمـ هـو الزانك
ضـيـك كـفـه
ودر وشال وجع الغربه

(همسه) يا أستاذه
دوما أسطرك.. هى المايسترو لدوزنة الأحرف
ووسط الفرحة ب(لُقياك)..حسيت بخوف


خوف فُرقاك...وما(ألقاك)...

او اني فجأة...القاك (حلم)...ويتلاشى خيالك

وآه من وجع الغربة السطر خوف...الواقع يبقى خيال

والخيال يتسطر واقع

واذوب اتكور يا(وطن) بين احضانك..واحلم ارجع


وبزيادة الغربة....اموت اتوجع


هامس: دامت همساتك...ألقاً
هامس
مشاركات: 1098
اشترك في: السبت 2007.3.31 6:20 pm
مكان: أبو ظبى

رد: وفجأة بس....!

مشاركة بواسطة هامس »

dream-lady كتب:
ووسط الفرحة ب(لُقياك)..حسيت بخوف


خوف فُرقاك...وما(ألقاك)...
او اني فجأة...القاك (حلم)...ويتلاشى خيالك
وآه من وجع الغربة السطر خوف...الواقع يبقى خيال
والخيال يتسطر واقع
واذوب اتكور يا(وطن) بين احضانك..واحلم ارجع

وبزيادة الغربة....اموت اتوجع


هامس: دامت همساتك...ألقاً

لقـيـتك
وما ظنيت فى يومـٍ ما...ما ألقاك
حاسى بوجع الغربه..وفراق أحباب
الواقع واقع مهما ظنيت ورسمتو خيالك
مصيرك ترجع لى تراب أجدادك
لى ديوانك.......تفـتح أبواب
مانى حلمـ..وطن شامخ..عِزه وكرمـ
شموخ توتيل وجبال التاك
ناطر..بلهفة شوق سـفـن الأحباب
تعال كحَل...عيون أحبابك بجميل محياك

(همسه) و دامـ لك ما حباك الله به
هامس
مشاركات: 1098
اشترك في: السبت 2007.3.31 6:20 pm
مكان: أبو ظبى

رد: وفجأة بس....!

مشاركة بواسطة هامس »


لقـيـتك
ويومـ لقياك أصبح لى عـيـد
غـيـمـة شـو ق ولـهـفـة ريـد
زى نسمه صباحيه مع تغـريـد
صرت أردد إسمك غـنـوه نشيد
فى إسمك أردد أقولو وتانى أعيد
وفـجأة بس.....حسيت إنى بعيد
صورة العضو الرمزية
dream-lady
مشاركات: 25355
اشترك في: الجمعة 2011.4.29 10:32 pm
مكان: الرياض

رد: وفجأة بس....!

مشاركة بواسطة dream-lady »

هامس كتب:
لقـيـتك
ويومـ لقياك أصبح لى عـيـد
غـيـمـة شـو ق ولـهـفـة ريـد
زى نسمه صباحيه مع تغـريـد
صرت أردد إسمك غـنـوه نشيد
فى إسمك أردد أقولو وتانى أعيد
وفـجأة بس.....حسيت إنى بعيد

ولمن حسيت بالفرقة...شايلة معاول
والحيطان ...بتمد في رقابا
والشبابيك ...الكانت سارحة....ضامة ضلوعا...وداسا احساسها

مديت ايدي...وزحت ستارك
وبسمت لعينيك...وسقيتو خضارك
...وطريت النسمة...تحنن دارك
ووصيت الحلة ...والشارع وجارك
وجيت باريت ...الغيم الماشي قصاد اسوارك
ورجيتا تمطر...توطي السور الحاجز...نورك ونارك
وفجأة بس!
صورة العضو الرمزية
سلطان القلوب
مشاركات: 494
اشترك في: الخميس 2011.4.21 9:29 am
مكان: في قلوب كل الغلابة
اتصال:

رد: وفجأة بس....!

مشاركة بواسطة سلطان القلوب »

[align=center]جميل جميل جميل بلا تكليف ولاتنميق ولا ترتيب أحرف دعيها هكذا ........ ودعينا نقرأها كما نُحب ...... لله درك أيتُها الأُنثى .... تكادين أن تصنعي لغةً أُخرى ....لها من الجمال مالاوصف لة ................. دُمتي بخير[/align][/color][/size][/font][/b]
مغلق

العودة إلى ”مكتبــــــة dream-lady“