مراســـــيــ .. الريـــد !!

يشمل النثر ،، الخواطر ......الخ

المشرف: بانه

صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

مراســـــيــ .. الريـــد !!

مشاركة بواسطة ود الزوحي »

مراســــيــ .. الريـــد !!



بدينا خلاص حكايتنا ..


ورحلة ريدنا دابا بدت ..


زمان كان عادي ..


بنتناقر ونتشاكل ..


وعادي نقول فراقنا حصل


ونتفارق ..


لكن حسيييي .. خلاص


ما ظنيت نقوم نزعل


نقرر .. في لحظة نمشي بعيد


نشيل أحلامنا نتراجع عن الفكرة


وكم وعدا قطعنا سوا


عشان يوم بكره ما يخرب


بقينا خلاص وسط مركب


نفتش في مراسى الريد


عشان نوصل !!
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: مراســـــيــ .. الريـــد !!

مشاركة بواسطة ود الزوحي »

صحي البيناتنا من أحلام ومن ريدة

بقت جد جد هي دنيانا

بقينا نعيش على الفرحة

نصحى الصباح نضحك

وقبل النوم بنضاحك

كأنو الدنيا ما مهمة

وكل الهم هو ضحكاتنا ..

حتى الناس بقت تحتار

برغم قساوة العيشة

وكل الضيقة والالام

بتبقى الضحكة هي العنوان

وببقى شراعنا ظاهر فوق

مرفرف بين مراكب الريد !!
صورة العضو الرمزية
يقين
مشاركات: 4114
اشترك في: الثلاثاء 2014.11.18 8:28 am
مكان: بين الواقع وكَمْ أحلام

رد: مراســـــيــ .. الريـــد !!

مشاركة بواسطة يقين »

شراع الريدة .. فارداهو

على زورق حياتي .. ظلال

يكِف حر الفراق مني

يملأ دُناي ..غنا وموال

يقرب مني مرساكَ

ويبعد عننا الأهوال

موج الشوق .. جارفني

حنينو مزوِّد الإقبال

لأنو بدون لُقايّ معاك

أنهك بالي ألف سؤال

عيون الوحشة أضنتني

جنن وحشتها الترحال

بريد أحوالي في بُعدك

تاه بي لمتو.. المُرسال

وكان لازم ..أرُم الحال

أرمم فارق الأحوال

عشان كده مالقيت غيرو

شراع ريدتي

أفردو ليكَ .. غُتا ومفرش

يهّون ..رحلتي إليكَ

ويحول كُل مُر ..لي زلال!

ود الزوحي:

"عوداً ..احمد" أولاً

وصمتٌ بحقِ جمالِ مقطوعتك أعلاهُ

فقد ..منحتني .. "تهويدةً" لما إستيقظَ من ال"حال"!

لكَ التجلة

صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: مراســـــيــ .. الريـــد !!

مشاركة بواسطة ود الزوحي »

يقين كتب:
ود الزوحي:

"عوداً ..احمد" أولاً

وصمتٌ بحقِ جمالِ مقطوعتك أعلاهُ

فقد ..منحتني .. "تهويدةً" لما إستيقظَ من ال"حال"!

لكَ التجلة


يقين .. انت عارفة لما يقوليك خاطرة وكلام من الوجدان ببقى صعب الواحد يقيف وما يكتب .. لأنو الدنيا عايزة كلام .. والكلام ما بوفي .. عشان كدا لازم منها الكتابة .. ولأنو القلم والورقة ما بقاطعوك زي باقي الناس .. ببقو أقرب ناس لينا من الباقيين .. والفي القلب مافي زول بقدر يوصفه بأي وصف فبتلقى اليد بتحس بيهو والقلم بعبر عنها

يسلمو ع المرور الجميل .. ومن نسى قديمو تاه !!
صورة العضو الرمزية
السنبلاية
مشاركات: 16000
اشترك في: الأحد 2010.3.28 1:46 pm
مكان: ود مدنى

رد: مراســـــيــ .. الريـــد !!

مشاركة بواسطة السنبلاية »

حمد الله على السلامة ود الزوحى .. ان شاءالله أخر الغياب ...

عوداً حميداً
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: مراســـــيــ .. الريـــد !!

مشاركة بواسطة ود الزوحي »

السنبلاية كتب:
حمد الله على السلامة ود الزوحى .. ان شاءالله أخر الغياب ...

عوداً حميداً


أن شا الله يا السنبلة .. عارفة مشاغل الدنيا تسرق منية في لحظة عشم .. متابعنكم .. تحياتي !!
صورة العضو الرمزية
Micro kareem
مشاركات: 390
اشترك في: الاثنين 2015.1.19 8:01 pm
مكان: لا يوجــد مكـــان محــدد ، لكـــني اتنقـــل حســـب توجيهات القيـــادة
اتصال:

رد: مراســـــيــ .. الريـــد !!

مشاركة بواسطة Micro kareem »

اخر روعة وارق الكلمات ....شكرا راقني هذا كثيرا
صورة العضو الرمزية
يوسف مدير
مشاركات: 972
اشترك في: الجمعة 2011.2.11 7:11 am
مكان: السودان - ربك

رد: مراســـــيــ .. الريـــد !!

مشاركة بواسطة يوسف مدير »

وان شاء الله هذه المراكب ستصل الى وجهتها طالما ان هنالك آمال تقودها ومنارات تضئ لها الطريق ..
شكرا اخي ود الزوحي على هذه المساحة ..
وحمدا لله على السلامة بالعودة ..
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: مراســـــيــ .. الريـــد !!

مشاركة بواسطة ود الزوحي »

micro kareem كتب:
اخر روعة وارق الكلمات ....شكرا راقني هذا كثيرا

سعادتو كريم .. منور إنت يا راقي .. وإن شا الله نكون دايما عند حسن الجميع !!
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: مراســـــيــ .. الريـــد !!

مشاركة بواسطة ود الزوحي »

يوسف مدير كتب:وان شاء الله هذه المراكب ستصل الى وجهتها طالما ان هنالك آمال تقودها ومنارات تضئ لها الطريق ..
شكرا اخي ود الزوحي على هذه المساحة ..
وحمدا لله على السلامة بالعودة ..


تسلم يامدير .. دعواتنا لكل المراكب العايمة تصل بر الأمان بدري .. وتلقى الريد منارة وقيف !!
صورة العضو الرمزية
ام اسامه
مشاركات: 1670
اشترك في: الأحد 2014.3.2 9:05 am
مكان: الخرطوم

رد: مراســـــيــ .. الريـــد !!

مشاركة بواسطة ام اسامه »

ود الزوحي
وقفت هنا عند انيق كلماتك
شكري وتقديري
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: مراســـــيــ .. الريـــد !!

مشاركة بواسطة ود الزوحي »

ام اسامه كتب:ود الزوحي
وقفت هنا عند انيق كلماتك
شكري وتقديري

أم أسامه نورت البورد .. وكلك زوق !!


تحياتي
صورة العضو الرمزية
السنبلاية
مشاركات: 16000
اشترك في: الأحد 2010.3.28 1:46 pm
مكان: ود مدنى

رد: مراســـــيــ .. الريـــد !!

مشاركة بواسطة السنبلاية »

ود الزوحي كتب:أن شا الله يا السنبلة .. عارفة مشاغل الدنيا تسرق منية في لحظة عشم .. متابعنكم .. تحياتي !!
ربنا يسترها معاك يا ود الزوحى ...

منور يا باشـــــــــا ...

2 1212 2 1212 2 1212
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: مراســـــيــ .. الريـــد !!

مشاركة بواسطة ود الزوحي »

مرات الواحد بعمل ليهو حاجات كدا بكون ماااااا مقتنع بيها

أو فلنقول رافضة تماما

ممكن تكون ..

كلمات .. مجاملات .. تصرفات

حاجات كده تمشية حال ليس إلا

بس لأنو الواقع فارض نفسو

وفارض كيف الدنيا بتمشي

ببقى هناك يقين وقناعة

بأنو الدنيا دي قصة طويلة

ما معروف من وين ببدوها

ورحلة سفرك فيها بتتطول

لو جافيت الريد والخوة !!
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: مراســـــيــ .. الريـــد !!

مشاركة بواسطة ود الزوحي »

الريد دا كتاب مفتوح بزاته


قدر ماتلف شطآن ومواني


حتلقى إشارة الريد مرفوعة هناك


وتلقى منارة الحب الصادق


هناك بتنور وسط الشاطيء


وكل الشوق الكان متطاير


برسى هناك في شط الريدة


وكل اتنين بيناتهم ريدة


ببقو كمان زي مركب وشاطي


ببقى المركب كايس الشاطيء


وبرضو الشاطيء كايس المركب


والمريود بالريد بتهنى


بشعر إنو الدنيا دي دايمة


وبطلب ربه يطيل في عمره


ويلقى المركب قيف الشاطيء !!
صورة العضو الرمزية
السنبلاية
مشاركات: 16000
اشترك في: الأحد 2010.3.28 1:46 pm
مكان: ود مدنى

رد: مراســـــيــ .. الريـــد !!

مشاركة بواسطة السنبلاية »

ود الزوحي كتب:
ما معروف من وين ببدوها
ورحلة سفرك فيها بتتطول
لو جافيت الريد والخوة !!
لو جفت الريدة والخوة ..

تلقى ناس كانواا جوهـ

وفى لحظة جاااطة الحــكاية ..

وبقى البررهـ ـ بررهـ والجووهـ - جوهـ

وجوهـ خارج برهـ التغطية ..

وبقى فى خيالنا رهاب رهاب

والبررهـ .. حاول يدخل لجوة ..

رايك شـــنو ندخل البررهـ جوة باســـم الخوة ...

تسلم ود الزوحى ..

فقط .. ارد أن اقول أنى كنت هنا 2 1212 21212
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: مراســـــيــ .. الريـــد !!

مشاركة بواسطة ود الزوحي »

السنبلاية كتب:
لو جفت الريدة والخوة ..
تلقى ناس كانواا جوهـ
وفى لحظة جاااطة الحــكاية ..
وبقى البررهـ ـ بررهـ والجووهـ - جوهـ
وجوهـ خارج برهـ التغطية ..
وبقى فى خيالنا رهاب رهاب
والبررهـ .. حاول يدخل لجوة ..
رايك شـــنو ندخل البررهـ جوة باســـم الخوة ...
تسلم ود الزوحى ..

فقط .. ارد أن اقول أنى كنت هنا 2 1212 21212



حبابك يا السنبلة .. انت تنوري .. شاكرين لكم حسن المتابعة !!
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: مراســـــيــ .. الريـــد !!

مشاركة بواسطة ود الزوحي »

مرات العاشق ما بستحمل ..


كلمه تضيره .. أو تتحكم في وجدانه


وبرغم حلاوة الريد الحاصل


ببقى هناك زلات ومصاعب


يا بتغير نص القصة العجبت قلبك


يا بتكون زي أي مصاعب


إنت براك بتغير فيها


أصلو جمال الريد في الرجعة


وقصة إنو أسيبك وأمشي دي ماااا معقولة


كل الناس بتحب تترايد


وبرضو كمان بتحب تنطاع


بس مرات بتجيك عقبات


بتعكس حجم الشوق والفال


والعوام ما بخاف يتبلبل


بل بحاول يلقى القيف !!

صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: مراســـــيــ .. الريـــد !!

مشاركة بواسطة ود الزوحي »

الناس من حولنا ماعاجباهم


قصة أبقى أريدك .. وأبقى معاك


بس معروف القلب الوافي


ما بتدبل بالأزمان


بل مطلوب يتعافى ويكبر


يبقى الشجر الفي الواحات


يبقى ظلال الصيف الحارق


ويبقى القيف الفي الشطآن


عشان يوم دهرك يغلبك وتبكي عليهو


يبقى عليك القلب الحان


ويبقى منارة الشوق الفارد


كل جنحينو عشان يلقاك !!
صورة العضو الرمزية
ام صبا
مشاركات: 4302
اشترك في: الأربعاء 2009.3.4 3:30 pm
مكان: المملكه العربيه السعوديه

رد: مراســـــيــ .. الريـــد !!

مشاركة بواسطة ام صبا »

أضف رد جديد

العودة إلى ”بوح الخواطر“