فطور العريس

خاص فقط للنساء....الزينة..الموضه..الاخبار..تبادل الافكار..التعارف

المشرف: بانه

أضف رد جديد
صورة العضو الرمزية
حموودى
مشاركات: 1836
اشترك في: الجمعة 2007.6.29 1:49 pm
مكان: السودان الخرطوم
اتصال:

فطور العريس

مشاركة بواسطة حموودى »

ماذا تعرف/ تعرفي عن فطور العريس؟
صورة العضو الرمزية
بنت الكلاكلة
مشاركات: 403
اشترك في: السبت 2007.4.28 10:43 am
مكان: في قلب انا سوداني

رد: فطور العريس

مشاركة بواسطة بنت الكلاكلة »

صراحة لا شئ خخخخخخخخخخخخخخخخخخخخخخخخخخخخخخخخخخخخخخخخخخ

تقبل المرور
صورة العضو الرمزية
متين نرجع
مشاركات: 241
اشترك في: الثلاثاء 2007.3.27 2:01 pm
مكان: دولة قطر

رد: فطور العريس

مشاركة بواسطة متين نرجع »

اخونا حمودى
من عاداتنا السوادنية المعروفة من زمن بعيد
فطور العريس
باختصار ام العروس ملزمة تودي لاهل العريس الفطور من صباحية يوم العرس ،، والفطور فيهو كل ما لذ وطاب على الاقل لازم الفطور يكون من خمستااااااشر حلة مظبطه فيها ملاح التقلية والنعيمية واللحمة المحمرة والعصيده والفول ومستلزماته من بيض وجبنه وزيت وطعمية وبيتزا (دي جديده) والشعيرية والسكسكانية وما ننسى الخبائز المشكلة وكمان حاجات جديده بتزيد كل ما كان لسان ام العريس طويل ، وبتزيد وبتحلى اكتر كل ما كانت ام العروس بوباره ، وتزيد اكتر كل ما كان اهل العروس غريب ، يعني ما من اهل العروس ،،

اها رائكم شنو ؟؟ دي عادة سودانية نحافظ عليها ؟؟ ولا تروح مع بعض العادات السودانية الضارة ؟؟؟؟؟؟؟





وانا بسال السؤال دا كمان لانوا في كتير من امهات العرايس بيشتكن من تكلفة الفطور العالية ،، وكمان متعبه ،، يعني لازم ام العروس تجيب صاحباتها وجاراتها ويساهرن في سوات الفظور ،،، وام العروس عليها حاجات كتيره ،، حاجات عايزه ميزانية ووقت زي دق الريحه مثلا وسوات الدلكه ، دا كلو مكلف شديد ؟؟
وبعدين بصراحة كدا بتحصل مشاكل كتيرة بين اهل العروس والعريس بسبب فطور العريس ،، يعني لو ام العروس اتشجعت كدا واعتزرت وقالت والله ما بقدر على الفطور ،، تقوم القيامه في بيت العريس ،، وتسمع كلام كتير من ام العريس ، زي مثلا ما قدرونا النسابة الجداد ،، فضحونا ،، ام العروس ما جابت لينا الفطور ،، هي ما عارفه انو فطور العريس دا تقدير ولا ما عارفه يعني ،،ويبقى الموضوع دا عقده كدا لي جنى الجنا ؟؟؟؟
ريرى
مشاركات: 13
اشترك في: الأحد 2007.9.16 11:17 pm
مكان: دبى

رد: فطور العريس

مشاركة بواسطة ريرى »

فطور العريس من أجمل التقاليد السودانية الأصيلة البتمنى إنها ماتنتهى وتفضل لأنها بتدى العرس زيادة فرحة وبهجة خاصة اليوم القبل مايودو فيه الفطور اللمة حقت اللأهل والغنا والزغاريت لى الصباح دليل الفرحة الشديدة لكن ممكن إكون بى البصيت والمختصر حاجة لذيذة وجميلة وبعدين عدم ودى الفطور بخلق مشاكل عن بعض الناس تأدى لى فرتيق العرس زى ماحصل مع صحبتى أمها ماودت الفطور عشان ماجابو ليها شيلة دكان تمام حصلت شكلا رهيبة ساعة العقد لولا تدخل الأجاويد كان العروس إتطلقت قبل الحبر الأسود ماينشف فى ورقة العقد وبعد العرس المشاكل إتواصلت لى الليلة عشان كدا أحسن أم العريس تجيب شيلة دكان تمام عشان إجيها فطور رهيب
صورة العضو الرمزية
spanisheyes
مشاركات: 2127
اشترك في: الأحد 2007.10.21 10:50 pm
مكان: بلدي التاني (ليبيا)

رد: فطور العريس

مشاركة بواسطة spanisheyes »

ما حصل حضرت لي عرس في
السودان ما بعرف لاكن عندنا هنا
العروس بتقوم تسوي برااااها :040:
ريرى
مشاركات: 13
اشترك في: الأحد 2007.9.16 11:17 pm
مكان: دبى

الفقرا وست الودع

مشاركة بواسطة ريرى »

من أسواء العادات السودانية عند المرأة السودانية بى الرغم من التقدم الهأهل والتطور فى التعليم وكل حاجة إلا إنو الناس كل يوم زايدين إيمان بى الفقرا وكلام ست الودع ومش بس النسوان لأ كمان الرجال بنافسو النساء فى المشى والإيمان بيهم والبنات بقى مرض مزمن ماعندو علاج عندهم
صورة العضو الرمزية
حموودى
مشاركات: 1836
اشترك في: الجمعة 2007.6.29 1:49 pm
مكان: السودان الخرطوم
اتصال:

رد: فطور العريس

مشاركة بواسطة حموودى »

فطور العريس من أجمل التقاليد السودانية الأصيلة البتمنى إنها ماتنتهى
الحقيقه العادات السودانيه كتييييره ولكنها في طريقها للزوال رويدا رويدا


والاحتفاظ بالعادات والحاجات الجميله مسؤليتنا نحن الشباب .
صورة العضو الرمزية
قمر ام درمان
مشاركات: 789
اشترك في: الأحد 2007.5.27 7:13 pm
مكان: جده

رد: فطور العريس

مشاركة بواسطة قمر ام درمان »

فطور العريس فعلا عادة سودانية جميلة واصيلة.. ولو الناس عملوها زي اهلنا زمان مافيها شي .. لكن المبالغات والهدايا البتهد ابو العروس وتكسر ضهره وتخليه يقول احسن البورة .. .. ونا س شوفوني .. انا بودي احسن من ناس فلان .. خلت الامور تتعقد والناس تشيل الهم .. اتمنى ان الناس تاخد العادات الجميلة والاصيلة وتترك العادات الضارة ... البنشوفهاش ي فطور اليوم
خال الطاهر
مشاركات: 2
اشترك في: الجمعة 2009.12.18 6:56 pm
مكان: الهند

رد: الفقرا وست الودع

مشاركة بواسطة خال الطاهر »

ريرى كتب:من أسواء العادات السودانية عند المرأة السودانية بى الرغم من التقدم الهأهل والتطور فى التعليم وكل حاجة إلا إنو الناس كل يوم زايدين إيمان بى الفقرا وكلام ست الودع ومش بس النسوان لأ كمان الرجال بنافسو النساء فى المشى والإيمان بيهم والبنات بقى مرض مزمن ماعندو علاج عندهم
مشكور علي اموضوع الجميل
أضف رد جديد

العودة إلى ”منتدى حواء السودانية“