[grade="00008b ff6347 008000 4b0082"]رسل لي ..رسل لي
هدية لطيفة خلت قلبي يحن ويميل
حرير أبيض مشغول بي قطيفة
صورة قلب وسهم نحيل
انت جميل والجابك لي ملاك وجميل
يا منديل ..يا منديل
هدية من ايدك مقبولة
معناها اني على بالك
ونعيد الأيام الأولى نتأمل حسنك وجمالك
انت جميل والجابك لي ملاك و جميل
يا منديل ..يا منديل
لما اسافر يوادع ويشاور
يشاور يوادع ...بالمنديل
لما اعاتبو يداري دموعو بالمنديل
لما أغازلو يداري الفرحة ..الفرحة ..الفرحة
بالمنديل [/grade]
***
لو بالأيد أعيش بينكم مدى الأيام
أغنيلكم ، وأنتو تكونو لى ألهام
ونزرع ريد وعالم كله خير وسلام
ولكن أه، وأه بتخفف الالالم
بودعكم وتبقى سعادة الأحلام.
***
وعندى أمل أعود فى موسم الأمطار
زهور تضحك وخضرة تتوج الأشجار
والاقيكم ويصبح فينا أحلى نهار
ولكن آه ، آه بتخفف الالام
بودعكم وتبقى سعادة الأحلام
***
وفى الأخر ، وداعاً أوعوا تنسونى
أنا المشتاق، بشيلكم جوه فى عيونى
وبطراكم ، عليكم الله أطرونى
ولكن أه، وأه بتخفف الالام
بودعكم وتبقى سعادة الأحلام [/grade]
[grade="00008b ff6347 008000 4b0082"]عقلي انشغل بهواك والحكمة
عيني لجة ومجافية النوم
يا إرب عيني
هاك بعض حالي البي روقي اسمعيني
شاكي الغرام ما لقيت لي من معيني
لو كان كلام في الطيف مرة اسمعيني
خليني اصلى النار في هواك دعيني
فوق اللي جاري علي لا تجرديني
ثوب الغرام ودوام عنه انشديني
طايع مريد لقساك باهي اليديني
ما اخترت غانية سواك و حق ديني
مهما يلاقي عذاب قلبي السجيني
ومهما يزيد ويفيض همي ويجيني
لو كان يزور الطيف مرة ويجيني
تلبس حظوظي السود ثوب اللجيني
من يوم رماني سنان لحظك سنيني
محق علي نومي ومحق سنيني
اصبحت كل صباح يزداد انيني
كالبلبل المفرود يا مي حنيني
دائما تكيلي غرامك ما بتكيني
فوق لا اطيق من هجر تكلفيني
دائما تزيدي علي دائي الدفين
لمتين تراعي لحالتي وتنصفيني [/grade]
[grade="00008b ff6347 008000 4b0082"]من قليبوا الجافي لقليبي الحان
النسيم يتردد عامل استحماح
يا نسيم ما بالك تثني قامة البان
وانت رايق تلعب والعشوق تعبان
اكتشف ما داخلي مد وسع بان
هد جرحاً بالغ أم دا سم ثعبان
يالغرامك حل ورحل السكان
من مدائن جوفي تملك الأركان
ما ألذ النار السارج بي لو كان
ابقى قلبي وقلبك في الغرام شركان
قلبي لا يسلاك لا يطيق نكران
بين شاهد جفني البدموع وكران
فرعك البتغمز بالوضيب عكران
والضمير الميل صاحي أم سكران
الدوش أفكاري رب لي الجان
خمره تمزج تينا تسقي در أسنان
رق يسطل سمعي من ريدك الرنان
انتوا ناس في الدنيا ولا حور في جنان
انت حسنك كامل والعشوق كملان
طش عقلوا الهامل فارق الزملان
في المنام بتقدل طيفك العطلان
والحجارة اتنت لو قليبك لان[/grade]
كلمات رجعنالك كلمات جميلة
وعلي ما اعتقد مقصود بها الوطن او الاصح السودان الحبيب
و نحنا هنا نقصد بها منتدي انا سوداني يا مها وكل ما نغيب وننقطع عنه بنرجع
ليهو تاني عشان هو المحل الوحيد البنفرج فيه كروبنا ونغيير فيه الزعل بالفرح
ونقابل فيه اصدقاءنا واصحابنا اعضاء منتدي انا سوداني
وكلمة من هنا وموضوع من ده ومجادلة ومداخلات بتنسينا همنا
يديك ويدينا وبدي جميع الاعضاء العافية انشاءالله يا عزيزة
[align=center]مافى إنسان يحكي ليكم عن دموع الناس وحبات العرق
يروى غربة زول موالف عمره لا راح لا مرق
أصبح الشوق فى حروفه نار على صفحة ورق
مافى يا ناس قلب يسأل عن غريق شبعان غرق
شفتو: لما الليل يروح والفجر يفرد جناحه
والعيون الساهرة تغمد والقلب تهدأ جراحه
نحن يادوب يومنا يبدأ ما ضرورى يطل صباحه
أنحرمنا من الحبايب وعشنا فى الغربة البعيدة
كل موجة حزن تمضى بكرة موجة تهل جديدة
لا خطاب بحمل محبة ولا وصية بت نريدها
لا أمل ينعش قلوبنا ولا خيالاتنا السعيدة
البسأل ما بتوه دارنا نحن قريبة ليه ...
انت ما مجبور علينا نحن مجبورين عليك ...
* * * * * *
كان سألت علينا كنت عرفت احنا الليلة وين ...
كنت أول لما أحنا نغيب ثواني تقول سنين ...
غيروك يا وحيدنا ؟ ولا صابت ريدنا عين ...
اشتهينا تكون معانا .. ما لقينا حنان عينيك ...
أنت ما مجبور علينا نحن مجبورين عليك ...
**********
مرة شفناك يا الحنين طالى فى حارتنا صدفة ...
جابنا ليك الريد وجينا الحصل جابتا الفه ...
ولا لالا آلجابنا ليك .. لو بتطرا دربنا عرفه ...
إن سرحت شويه فينا وما رجيتنا عشان نجيك ...
انت ما مجبور علينا نحن مجبورين عليك ...
*********
لسه مستنين تجينا ناسى طالبنك زيارة ...
يا جمال فرحتنا شاتل الصباحة بالنضارة ...
كان عمرنا زمان وروح .. فى رجاك ما راح خسارة ...
أنت ما تفكر تجينا .. نحن بالأفراح نجيك ...
أنت ما مجبور علينا نحن مجبورين عليك .
[grade="00008b ff6347 008000 4b0082"]بشوف كل حاجة في الدنيا......بتمشي مع الزمن تكبر
الا الشمعة لما تدور تفارق الليل.....تكون .... اصغر
تّنزل دمعة فوق دمعة.....ودموعة الحارة.....تتقطر
وانا المجبور.....علي الشمعة اقول اطفيها..مابقدر
***
لما تنور الشمعة.... تخلي قلوبنا..........مجتمعة
ماتأذوها يوم أوعة..........عشان ماتظلم الروعة
نحنا الشمعة بنريدها.......أإصلها روعة الروعة
وعشانه الشمعة سهرانه......تحرق ليله في اللوعة
***
تغالب الشمعة..ظلم الريح...حرام تقضيه ليلها نويح
كم ضوت مع الافراح...وكم هنت حزين وجريح
ماأصلو الشمعة فنانة.....تخلي الكون جميل وفسيح
لي الليل الطويل هي دليل....ولي القلب العليل بتّريح
***
طبع الشمعة بتريح..........عشان ماتفرح الحبان
كم شالوها للحنة........ وكم ضووها للعرسان
بعد ماكملت نورها..........مشو خلوها للأحزان
وديمة الشمعة مظلومة......ويجهل قدرها الانسان[/grade]
حقيقة كل اغاني الفنان كمال ترباس جميلة
وهو من الفنانين الذين لديهم الجديد مع كل زمن
نحيك ونحي الفنان كمال ترباس
ونقول ليهو
انت المهم والناس جمع ما بتهمني
[grade="00008b ff6347 008000 4b0082"]أعاين ما الشبه باين
وعايدة القمرة لي أصلها
كبرنا وكبرت احزانا
وإنتوا كبرتوا وزدتو حلا
وزي ما القمرة تبدأ هلال
جمالك إنتي يومي يهل
ومحيك بدرو يتجلى
ويزيد قجة ويوج ويول
وعينيك سارحة ما هماها
يكتر سهري ولا يقل
صباحك إنتي حقو الناس
يجوهوا يشيلوا منو الفال
صباح البشرى للمحزون
صباح العيد على الأطفال
وطبعك فيه رقة ونفرة
زي طبع الجدي الجفال
وأسألي عن سؤالي عليك
الطير في سماه سألتو
لو لاقيتي يشرح ليك
ما فضلت غير أسرح
واناديك وأشابه قيس
وكل عيون أعاين فيها
بينا وبين عيونك أقيس
وكل نغم سمعت نداه
وكل خطاوي جاية تميس
أقول إنتي وخلاص بنتي
وأبشر زي كأني عريس[/grade]
[grade="00008b ff6347 008000 4b0082"]القمري في صباحك اهز الروح نواحك
اسل الروح نواحك
لوتقدر تجامل لو عايز تجامل
رسل لي جناحك
رسل لي جناحك لي يوم ما بزيدو
اسافر بيه وامشي لي زولي البريدو
ابل في الشوق في قربو وجيش الهم ابيدو
لو جاك يوم عزولنا وشوش ليك خايف
عايزك تابا لي وتحرمني الجناح
عارفو حسود و جاهل وما بدور لي نجاح
لو قال ليك بسرقو وبمشي بعيد و ينجع
يسكن جم حبيبو وما منظور دة يرجع
بحلف ليك بربي و قوتك عيشة عيشة
ارجع ليك جناحك كامل ريشة ريشة
و ما بسرق جناحك وما بكتم صراحك
لي لحظات فريدة وعايز يوم اعيشا[/grade]
[grade="00008b ff6347 008000 4b0082"]من هسه وبقيت تنسى
دلايل الريد وكت تظهر
وحاتك ما بتدسى
شفنا عيونا بي عينيك
وما عدينا لي مرسى
شقى وغرق مشاعرنا
بحر أمواجوا ما بترسى
زمان كنت الحنان سيدو
وزمان ما كان بتتوصى
شقي البمسك درب ريدك
وراك قليبو بنقصى
تعال ناجينا حجينا
وأحكي عن الغرام قصة
قلوبنا صداها غطاها
زمن محتاجة لي لمسة[/grade]