ظاهرة الزواج العرفي (دقواناقوس الخطر )

يهتم بالحوارات والنقاشات الجادة فقط الرجاء الالتزام !!

المشرف: بانه

أضف رد جديد
صورة العضو الرمزية
الأميرالحب
مشاركات: 8630
اشترك في: الثلاثاء 2009.12.15 10:12 pm
مكان: الجليد

ظاهرة الزواج العرفي (دقواناقوس الخطر )

مشاركة بواسطة الأميرالحب »



بسم الله الرحمن الرحيم

السلام عليكم ورحمة الله وبركاته

ظاهرة الزواج العرفي اصبحت منتشرة وبكميات كبيرة في الجامعات السودانية وبكم مخيف

كثير من الدراسات اظهرت نسب كبير من هذا الزوواج بين اوواسط الشباب وخاصه الطلاب

تداولت وسائل الاعلام ظاهرة الزواج العرفي التي توجد ما بين اوساط الطلاب في الجامعات رغم انكار الحكومة بوجودها. الظاهرة نشأت في الاصل وانتشرت في العالم العربي عن طريق لبنان ومصر، بالاضافة الى

الظروف الاقتصادية الحالية في البلاد، والتي تعلقها الحكومة الحالية على شماعة الحرب الدائرة في الجنوب. ورغم استخراج وتصدير البترول الا ان الوضع زاد الى الاسوأ وزادت العنوسة وكثرت جرائم الاختطاف.

الوجه الآخر لهذا الوضع هو ظاهرة الطلاق، التي كثرت وانتشرت بدرجة كبيرة، وبخاصة لدى المغتربين وقد تخلى الرجل بكل برود عن اسرته واطفاله لعدم استطاعته اعاشتهم مما دفع النساء الى العمل في الاسواق

والاختلاط مع الرجال، وذلك كله من اجل طلب الرزق في ظل ظروف بائسة.

وقد يستغرب المرء عدم تصريح الحكومة والاعتراف بوجود ظاهرة الزواج العرفي مع العلم بأن العديد منا شاهد ولا يزال يشاهد هذه الظواهر.

فلندق ناقوس الخطر

لهذا الاخطبوط الهدام اخوتى

الموضوع مطروح للنقاش

فى انتظار الاراء النيرة

دمتم اخوتى
صورة العضو الرمزية
هندوسه
مشاركات: 377
اشترك في: السبت 2010.9.18 3:36 pm
مكان: هنا

رد: ظاهرة الزواج العرفي (دقواناقوس الخطر )

مشاركة بواسطة هندوسه »

دائما ما اسمع بالزواج العرفي وانه ظاهره متفشيه!!

ولكنني طالبه في جامعه الخرطوم الان ولم اسمع طيله دراسني بانه موجود بيننا في الجامعه..

اعتقد ان المجتمع يهول الامر قليلا الحمدللع لانزال في السودان محافظين على الكثير..
هذا رايي وتقبل مرروي...
صورة العضو الرمزية
jasmina
مشاركات: 5229
اشترك في: الخميس 2009.9.10 2:26 am
مكان: في مكان ما

رد: ظاهرة الزواج العرفي (دقواناقوس الخطر )

مشاركة بواسطة jasmina »

[glow=ffccff]
صحيح انو الحاله الاقتصاديه ليها تاثير في انو تنتشر الظواهر دي في العالم العربي بس في النهايه
ده بيرجع لضعف الوازع الديني وكمان بالنسبه لانتشار الزواج العرفي ده بيرجع للبت الضعيفه
الشخصيه الماعندها ثقه في نفسها وتسترخص نفسها وتقدمها في طبق ذهبي انصياع وراء شهوه
زائله .....اما الاختطاف والاغتصاب ديل العتب على الجهات المختصه ...المفروض اي زول
يجرم باحد الجرائم دي يعاقب عقاب اليم بدون رحمه او يعدم فوراً وعلى مرئى من الناس عشان
يكون عبره لمن يعتبر وتاني اي زول تسول ليهو نفسو يعمل عمله شنيعه زي دي تستحضر
ذاكرتو الحيحصل ليهو بعديها.لكني رغم ذلك اعتقد انو السودان لايزال بخير ...............تحياتي


[/glow]
صورة العضو الرمزية
محسية
مشاركات: 10735
اشترك في: الأربعاء 2010.3.10 7:10 pm
مكان: بين الفكرة ...وممكن واقع

رد: ظاهرة الزواج العرفي (دقواناقوس الخطر )

مشاركة بواسطة محسية »

من الاسباب الاساسية التى تمكن من وراء انتشار الزواج العرفى هى فقدان التكامل العاطفى داخل الاسرة نتيجة انشغال الاب والام وعدم اهتمامهم بسلوك ابنائهم وتركهم للوسائل الاعلام والاصدقاء بدون مراقبة



وكذلك الاظروف الاقتصادية التى تحول دون اقامة زواج شرعى وتوفير متطلباته والحرمان الثقافى

الى جانب الحرية الغير المسئولة سواء فى الاسرة او المدرسة او الجامعة واهم شى ضعف الثقافة الدنيية وقلة الوزاع الدينى

ويجب على الاباء والامهات ان يكون فى حوار مفتوح مع ابنائهم لتحذيرهم من مخاطر الزواج العرفى وتوفير الرقابة الاسريه لتعرف كل مايقوم بيها الابناء فى اوقات فراغهم وعلى اصدقائهم المحطين بيهم

تحيااااتى
صورة العضو الرمزية
احاسيس
مشاركات: 4997
اشترك في: الأربعاء 2010.7.7 2:10 pm
مكان: الخرطوم

رد: ظاهرة الزواج العرفي (دقواناقوس الخطر )

مشاركة بواسطة احاسيس »

والله حقيقى موضوع فى غاية الخطورة ولو المجتمع ماتدارك هذه الظاهرة حتكون العواقب وخيمة جدا والموضوع محتاج لنشر توعوى بين الناس عشان العالم دى تصحى من غفلتها ويعرفو روحهم هم بعملو فى شنو فكلكم راعى وكلكم مسوؤل عن رعيته بداء من الحكومة والمجتمع والعائلة والاصدقاء
سلمت عزيزى على الطرح ولى عودة لان الموضوع له نواحى كثيرة حقيقة
صورة العضو الرمزية
الأميرالحب
مشاركات: 8630
اشترك في: الثلاثاء 2009.12.15 10:12 pm
مكان: الجليد

رد: ظاهرة الزواج العرفي (دقواناقوس الخطر )

مشاركة بواسطة الأميرالحب »

الحقيقه مره يا اخوات
بس دي الحقيقه في جامعات السودان بدون استثنتاء
الالا من رحم ربي
ولكم التحيه علي المرور
صورة العضو الرمزية
أبو أحمد
مشاركات: 1287
اشترك في: الجمعة 2008.5.9 8:35 pm
مكان: الخرطوم_السودان

رد: ظاهرة الزواج العرفي (دقواناقوس الخطر )

مشاركة بواسطة أبو أحمد »

والله يا جماعة الموضوع دة خطيير جداً و لازم
الناس تنتبه ليهو
صورة العضو الرمزية
الأميرالحب
مشاركات: 8630
اشترك في: الثلاثاء 2009.12.15 10:12 pm
مكان: الجليد

رد: ظاهرة الزواج العرفي (دقواناقوس الخطر )

مشاركة بواسطة الأميرالحب »

ابو احمد يديك الاعافيه علي تالمرور الراقي
وفعلآ الموضوع اخطر من ان نكتب فيه
الان نريد علاجات الي مثل هذه السلوكيات
الغريبه في مجتمعنا السوداني
مع كل الود
صورة العضو الرمزية
brain
مشاركات: 667
اشترك في: الخميس 2009.8.13 11:54 am
مكان: السودان

رد: ظاهرة الزواج العرفي (دقواناقوس الخطر )

مشاركة بواسطة brain »

يا جماعة ده ما اسموا زواج عرفي سموه أي حاجة تانية لأن كلمة عرف لا نستقيم مع المعنى المراد طرحه
صورة العضو الرمزية
الأميرالحب
مشاركات: 8630
اشترك في: الثلاثاء 2009.12.15 10:12 pm
مكان: الجليد

رد: ظاهرة الزواج العرفي (دقواناقوس الخطر )

مشاركة بواسطة الأميرالحب »

brain كتب:يا جماعة ده ما اسموا زواج عرفي سموه أي حاجة تانية لأن كلمة عرف لا نستقيم مع المعنى المراد طرحه

حبيبنا الموضوع بالجد شاغلني شديد
ومن انا صغير لم اعرف عن هذا الزواج
بس للاسف الزمن اتغير كما يقلزن الناس
بس انا بقول اتغيرو الناس وليس الزمن
تحياتي
الدغري
مشاركات: 3592
اشترك في: الثلاثاء 2010.4.6 9:14 am
مكان: السعودية

رد: ظاهرة الزواج العرفي (دقواناقوس الخطر )

مشاركة بواسطة الدغري »

التربية .... الأسرة ......... البيئة المحيطة ...............

عوامل كلها أدت الى افرازات سالبة .............

وقديما قالتها الصحابية هند بنت عتبة : أتزني الحرة ؟؟؟؟؟؟؟؟؟؟؟؟؟؟؟؟؟
صورة العضو الرمزية
الأميرالحب
مشاركات: 8630
اشترك في: الثلاثاء 2009.12.15 10:12 pm
مكان: الجليد

رد: ظاهرة الزواج العرفي (دقواناقوس الخطر )

مشاركة بواسطة الأميرالحب »

الدغري كتب:التربية .... الأسرة ......... البيئة المحيطة ...............

عوامل كلها أدت الى افرازات سالبة .............

وقديما قالتها الصحابية هند بنت عتبة : أتزني الحرة ؟؟؟؟؟؟؟؟؟؟؟؟؟؟؟؟؟


الدغري :
لن نقول بعد كلام هند شئ
بس اعزني نريد ان نتفادا المشكله
ونعمل من اجل اصلاحها اخي الدغري
وهذا الكلام يمس كل بناتنا وامهاتنا واخواتنا
فلذلك طرقت الموضوع كي نتباحث فيها
وننصب الحلول امام اعيننا
لك ودي
صورة العضو الرمزية
ملوله جد
مشاركات: 28
اشترك في: الاثنين 2011.1.31 10:24 pm
مكان: الخرطوم

رد: ظاهرة الزواج العرفي (دقواناقوس الخطر )

مشاركة بواسطة ملوله جد »

الموضوع جد خطير وله ابعاد عديده جميعها يحتاج للعلاج
فهناك من يجربه من اجل التجربه وهؤلاء هم الذين تتوفر فى ايديهم كل شئ ويريدون تجربة كل شئ ابتداء من المخدرات ومرورا بالزواج العرفى وهذا ناتج عن الفراغ الذى يعيشيونه والخواء الفكري وه

وهناك من يجربه بحثا عن المتعه وباقل تكلفه ويبحث عن ضعيفة النفس التى تبيع نفسها حتى ولو من اجل رصيد للموبايل الذى لا ندرى من اين اتت به

واللوم كل اللوم والعتب الكبير يقع على الاباء والامهات الا تلاخظ اى ام قبل الاب اى تغييير فى سلوك بنتها او ابنها اذا لم تلاحظ فهى ليست كفء لتكون اما
الا يلاحظ الاب ان ابنته تلبس ملابس لا تتوافق مع مستوى دخله وتحمل موبايل لو اشتغل عمره كله لما استطاع ان يحظى بمثله ولا يسالها من اين لك هذا
الدخول والخروج من المنزل بسبب وبدون سبب وكمية الاعذار والمبررات التى تقدم عند التأخير وليس هناك من يحاسب هل تغلب الابناء على الاباء وكبروا على ان يسألوا ام ان الاباء عملوا بنصيحة كان كترت عليك الهموم اتدمدم ونوم وسدوا اذن بطين والاخرى بعجين وتركونا لهذه الظواهر التى تنهش فى مجتمعنا وللاخت التى قالت انه لاتوجد فى جامعتهم نقول لك لا تاخذى بالظواهر وانظرى الى اقرب الاقربين منك فى الجامعه وسترين العجب العجاب ولا نتكلم من اجل الكلام ولكن لدينا حقائق ماثله امامنا واذا كنت غير مصدقه فاذهبى الى المحاكم لترى كم القضايا بهذا الخصوص
ودمتم
صورة العضو الرمزية
الأميرالحب
مشاركات: 8630
اشترك في: الثلاثاء 2009.12.15 10:12 pm
مكان: الجليد

رد: ظاهرة الزواج العرفي (دقواناقوس الخطر )

مشاركة بواسطة الأميرالحب »

ملوله جدآ :

ملوله انت جد ما ملوله بس حرام يكون اسمك ملل
ما مهم نخش في الموضوع
اكيد من يكون بيده كل شئ يعتبره تجربه
ويحاول ان يخش التجربه
ومنهم من يريد ان يتمتع
باقل ثمن كما اسلفتي
لك التحيه والشكر والعرفان
أضف رد جديد

العودة إلى ”حوارات جادة“