هل اولاد المغتربين حناكيش؟؟؟؟؟ ادونا رأيكم...!!

واحة المغتربين...كل ما يتعلق بالمغتربين من اسئلة،استفسارات،،،تعارف،،،،تهانى،،تعازى واخبار

المشرف: بانه

أضف رد جديد

هل اولاد المغتربين فى رائك حناكيش؟؟؟

لا
86
31%
نعم
24
9%
فى كثير من تصرفاتهم
26
9%
فى بعض تصرفاتهم
57
20%
من اسلوب تربيتهم
55
20%
من اسلوب الجو فى السودان
33
12%
 
إجمالي الأصوات: 281

صورة العضو الرمزية
صلاح يحيى سليمان
مشاركات: 3213
اشترك في: الاثنين 2006.10.23 11:47 pm
مكان: المانيا
اتصال:

هل اولاد المغتربين حناكيش؟؟؟؟؟ ادونا رأيكم...!!

مشاركة بواسطة صلاح يحيى سليمان »



((الحنكوش / الحنكوشة هو ذلك الززززززوووول الذى لم يذق طعم البشتنه فى حياته الدنيا ..
ولم يتمتع بمذاق الشلهتة فى مدافرات مواصلات الكلاكلة القبة ...
ولم يستمتع بسكن رواكيب الحاج يوسف التى تقى حرارة الشمس ولا تغنى عن زمهرير الشتاء ..
وقضى جميع مراحله التعليمية فى المدارس غير الحكومية ذات الطوابق المتعددة
والبلدان العربية ذات الرفاهية المطلقة.. والمكيفات ذات الهمبريب الضاغط ...
ولم يشرب من المياه سوى المياه الصحية ))

صفات الحناكيش:-

الحناكيش ناس (بابــــــــا) و (مامـــــــا) وناس ال (جلكسي جواهر) و (البيرقر الجامبو)
وناس (أحواض السباحة) و (لعب البلياردو) وناس (عمرو دياب) و (نانسي عجرم) ...

طيب ياجماعه لفيت الدنيا كلها وافتش عن معني المصطلح ( الحناكيش ) ولقيت الناس كلها متفقه
علي التعريف اعلاه !!

طيب ماعندهم ذنب الناس ديل سوي انهم ظروفهم خلتهم يتغربو بعيد من السودان
ويكونو مسجونين في شقه ومايشوفو الشمس الا الخميس والجمعه ..

طيب ده مش عذاب سجن وغربه الناس تعمل شنو وماعندها موضوع غير التلفزيون

ولانو تلفزيون السودان مامشجع خاصه انو كلو اتفاقية السلام وموجهات السلام
بالتالي تبداء رحلة البحث عن قنوات افضل ووووووووووووو
ووولى عودة...!

مع تحياتى
صورة العضو الرمزية
احمد يس
مشاركات: 2931
اشترك في: الأحد 2006.10.29 9:34 am
مكان: المملكة العربية السعودية

رد: هل اولاد المغتربين حناكيش؟؟؟؟؟ ادونا رأيكم...!!

مشاركة بواسطة احمد يس »

الاخ .صلاح

موضوع الحناكيش........... موضوع مهم بغض النظر عن التسمية اللى فيها نوع من الدعابة او الفكاهة................... الكلمة فى حد ذاتها ليس لها مصدر فى اللغة العربية ولكن هى لغة عامية سودانية....................
المهم فى الموضوع انها بتمثل نوع من التجنى او الحساسية على ابنائنا اللذين نشأو فى بلاد الغربة.............وقد تصل فى بعض الاحيان الى مرحلة الحقد والكراهية
ولنا عودة
صورة العضو الرمزية
بت أبوظبي
مشاركات: 983
اشترك في: الجمعة 2006.11.3 3:32 pm
مكان: مدينة الأبراج

رد: هل اولاد المغتربين حناكيش؟؟؟؟؟ ادونا رأيكم...!!

مشاركة بواسطة بت أبوظبي »

أعتقد أنه مصطلح الحناكيش يطلقوا على الناس اللي بتتصنع الحنكشة أوالتي تتباهى بأنها في الغربة وأنها تعيش أحلى عيشة وتأكل أحسن أكل وتلبس أحسن لبس ووووإلخ ..
وتفتخر بأنها تنتمي إلى هوية أخرى غير هويتها الأصلية وتتصبغ بصبغة غريبة عنها أو صبغة لا تناسبها .. ومش بس أولاد المغتربين لكن المشكلة في آباء هؤلاء الحناكيش اللي بكونوا في بعض الأحيان سبب للحنكشة المفتعلة ..
ده رأيي
صورة العضو الرمزية
صلاح يحيى سليمان
مشاركات: 3213
اشترك في: الاثنين 2006.10.23 11:47 pm
مكان: المانيا
اتصال:

رد: هل اولاد المغتربين حناكيش؟؟؟؟؟ ادونا رأيكم...!!

مشاركة بواسطة صلاح يحيى سليمان »


كلامك جد فى محلو...وده فعلا الحاصل...يعنى كتير من الناس فى السودان بفتكروا
مصطلح الحناكيش مربوط فقط باولاد المغتربين فى دول الخليج...وفى كتير من الشباب
عائش حنكشه تمام وما طلعوا من السودان خالص....ذى ما كنا زمان بنقول ليهم اولاد العز وناس القروش....!
بالمناسبة اخ احمد تعرف انو مصطلح الحناكيش او حنكشه اصلو مصرى!!!!!! وغير مصطلح سودانى عامى كما يعتقد الكثيرين....دى آخر معلومة وجدتها.

مع تحياتى
صورة العضو الرمزية
احمد يس
مشاركات: 2931
اشترك في: الأحد 2006.10.29 9:34 am
مكان: المملكة العربية السعودية

رد: هل اولاد المغتربين حناكيش؟؟؟؟؟ ادونا رأيكم...!!

مشاركة بواسطة احمد يس »

من انواع الحناكيش والمواقف الطريفة يا صلاح
مره مشينا السودان ونزلنا عند حبوبة اولادى وكان عندى بنت صغيرة حوالى 6 سنوات ووقتها كانت الموية فى السودان حالتها سيئة جدا وطبعا ناس السودان اول الضيوف ما يجوا طوالى بيقدموا الموية
الموية شكلها فى الكباية مغبرة جدا.............
بنتى قالت لحبوبتها لا يتيته انا مابحب الليمون ههههههههههههه
صورة العضو الرمزية
دلوعة الامارات
مشاركات: 13
اشترك في: الاثنين 2006.12.11 4:53 pm
مكان: دبي الامارات

رد: هل اولاد المغتربين حناكيش؟؟؟؟؟ ادونا رأيكم...!!

مشاركة بواسطة دلوعة الامارات »

الصراحة البيقول ان أولاد المغتربين حناكيش الكلام ده ما صاح لأن في كتير من السودانيين متربيين في السودان حناكيش شديد كمان
صورة العضو الرمزية
احمد يس
مشاركات: 2931
اشترك في: الأحد 2006.10.29 9:34 am
مكان: المملكة العربية السعودية

رد: هل اولاد المغتربين حناكيش؟؟؟؟؟ ادونا رأيكم...!!

مشاركة بواسطة احمد يس »

دلوعة الامارات
الحنكشة هى صفة فى الانسان وليس فى قطاع معين او جنسية معينة....................
يعنى ما تزعلى............................ انا شفت فى الخرطوم اولاد وبنات عمرهم ما خرجوا برا السودان وعليهم حنكشة مش على حد..........................
وبعدين تعالى هنا ما الحنكشة كلمة مرادفة للدلع................
سؤالى هنا ؟ انتى حنكوشة والا لا............................... انا عن نفسى بحب طريقة كلام الحناكيش
بس ما بحب حنكشتهم...................
صورة العضو الرمزية
قمر السودان
مشاركات: 25
اشترك في: الأربعاء 2006.12.6 5:57 pm
مكان: في السعودية و قلبي في السودان

رد: هل اولاد المغتربين حناكيش؟؟؟؟؟ ادونا رأيكم...!!

مشاركة بواسطة قمر السودان »

اولا شكرا ليك جدا يا اخ صلاح و كمان انا عايزه اقول حاجه انو ناس السودان بيعملو حاجات بتقرف جدا و لمن نقرف منهم بقولو حناكيش مثلاالناس يغسلو ايدينهم من مويه المطره الراكده و اذا قلنا يع فيقولو علينا حناكيش كمان اذا عملو حاجه غلط و قلنا ليهم عليها يقولو حناكيش مثلا مره انا شفت ست الشاي قاعدة تسف في الرماد و لمن قلتا ليها ليه قالت لي عندي حرقان قلتا ليها كده معدتك بتتاكل قالت لي اااي انتو ما عندكم الادويه (طبعا زعلتا بالجد ) و شكرااااااا جدا على الموضوع
صورة العضو الرمزية
صلاح يحيى سليمان
مشاركات: 3213
اشترك في: الاثنين 2006.10.23 11:47 pm
مكان: المانيا
اتصال:

رد: هل اولاد المغتربين حناكيش؟؟؟؟؟ ادونا رأيكم...!!

مشاركة بواسطة صلاح يحيى سليمان »

اعزائى...بت ابوظبى،احمد،دلوعة الامارات
وقمر السودان...اشكركم جزيلا على تعليقاتكم فى الموضوع.
شئى آخر ومهم جدا اود ان اضيفه الى الموضوع....!
نحن السودانيين تبدل حالنا في كثير من المفاهيم وأرجو ان لايصل بنا الحال الي الحقد والكراهية
وأبناؤنا من حملت الشهادة العربية هم شريحة مهم جدا وبل مؤثر غاية التأثير في المجتمع السوداني بما يتحمله المغتربين من أعباء جمه هي محل تقدير وأحترام من كل السودانيين وأولهم الدول التي يدفعون لها هولاء الشريحة وبالعمله الحره ويساهمون مساهمات فاعله جدا في كل الملمات ونعود الي حملت الشهادات العربية وهم كاغيرهم من الطلاب ونذكر منهم اناس حصلوا علي درجات عالية ومشرفة مما جعل
الجامعات ان تقبلهم دراسة مجانية لآن هولاء
هم غدا هم أطباء ومهندسين ومهنيين مهره نفاخر بهم ويتسابقون عليهم من يعرف قدرهم كل في مجاله وعندما يتأهلون ويعودون الي دول المهجر حامليين شهاداتهم يرتقون بها أعلي درجات الوظائف لأنهم درسوا في مراحلهم الأولي في بلادهم وكم من أعلام بلادي ممن يحملون الشهادات العربية وهم وزراء وسفراء وأطباء ومهندسين وفنيون مهره نفخر بهم ومزيد من الأبداع ابناء المهاجرين والتحصيل العلمي بكل فخر وأعذاذ لأنكم تدفعون أغلي الأثمان علي مرحلتين غربه وعند العوده ايضا يدفعون ولكم التحية وللأهاليكم وهم يقدمون الجهد والعطاء.

:Sudan: :Sudan:
وله رائكم شنو فى الكلام ده؟؟؟؟؟؟؟؟؟؟؟؟؟؟؟؟؟

مع تحياتى
صورة العضو الرمزية
بت أبوظبي
مشاركات: 983
اشترك في: الجمعة 2006.11.3 3:32 pm
مكان: مدينة الأبراج

رد: هل اولاد المغتربين حناكيش؟؟؟؟؟ ادونا رأيكم...!!

مشاركة بواسطة بت أبوظبي »

كلامك مزبوط يا صلاح .. لكن منو حيفهم الوضع والحال ده ؟؟ غايتو الله يكون في العون وتتغير أي فكرة خاطئة عن المغتربين وأولادهم ..
بمناسبة الفكرة الخاطئة عن أولاد المغتربين .. كان لي صديقه عزيزة جدا على بتحكي لي موقف والله العظيم ما عرفته أقوليها شنو .. المهم مرة رشحوها لعريس شاب مقيم في أميركا .. وكان الإختيار عن طريق أخته المقيمة في أبوظبي .. بس بعد كده رفض ترشيح أخته وقال عايزه تجيبلي عروس من أبوظبي ناس الكيت كات والنيدو !! :017: لالا ديل ناس مدلعين وما بتحملوا المسؤلية .. :017:
والله حاله !!..
صورة العضو الرمزية
دلوعة الامارات
مشاركات: 13
اشترك في: الاثنين 2006.12.11 4:53 pm
مكان: دبي الامارات

رد: هل اولاد المغتربين حناكيش؟؟؟؟؟ ادونا رأيكم...!!

مشاركة بواسطة دلوعة الامارات »

\أحمد يس السلام عليكم ورحمة الله وبركاته

أنا ما حنكوشة دة رد على سؤالك
بعدين الحناكيش ديل البصنع الدلع لاكن أنا مامنهم
ممكن تقول فيني نقطة دلع لاكن ما حنكوشة
صورة العضو الرمزية
احمد يس
مشاركات: 2931
اشترك في: الأحد 2006.10.29 9:34 am
مكان: المملكة العربية السعودية

رد: هل اولاد المغتربين حناكيش؟؟؟؟؟ ادونا رأيكم...!!

مشاركة بواسطة احمد يس »

[align=center]ربنا لا يحنكش لك عزيز ولا قريب[/align]
صورة العضو الرمزية
mr.zool
مشاركات: 1
اشترك في: الثلاثاء 2007.1.30 11:04 pm
مكان: لاىاتنتمن

رد: هل اولاد المغتربين حناكيش؟؟؟؟؟ ادونا رأيكم...!!

مشاركة بواسطة mr.zool »

السلام عليكم
كيفكم
انا عضو جديد بس الموضوع ده شداني
انا مولود في السعوديه وعايش هناك
والجامعه في الاردن
وما كل اولاد المغتربين حناكيش بس الاغلب رجال ويتشد بيهم الظهر
المهم انا قلت اكتب ليكم عشان ابين ليكم اللبس ده
وبعدين ديل اللي يسوو نفسهم حناكيش ديل ناس عايزين يسوو نفسهم كووووووووول
بس ما عارفين كيف
دلوووووووووعة عمان
مشاركات: 2
اشترك في: الاثنين 2007.3.19 7:46 pm

رد: هل اولاد المغتربين حناكيش؟؟؟؟؟ ادونا رأيكم...!!

مشاركة بواسطة دلوووووووووعة عمان »

حرااااااااااام عليكم المغتربين ناس لذاذ و ما ذنبهم اذا اتربو على الكيتكات و النيدو و نظرا لاني مغتربة (من و انا عمري سنتين بعمان و انا الحين في المرحلة الثانوية) المهم هم مطلعين و طموحين و شايفين ناس السودان ديل ناس بيئة خالص بس ماقصدي اغلط بس احاول اوصل ليكم فكرتنا عنكم زي ما وصلتو لينا فكرتكم عننا و احنا ناس شفنا العالم بره بيتعامل كيف هنا ما في زول بشاكلنا لو ما رجعنا زجاجة البارد و ده حاجة بايخة جدا في التعامل و احنا مش ماعندنا وطنية بس شايفين الفرق بين لالسودان و دول الخليج بس ما عايزة زوووووووووووووووووووول يزعل


عاشقة الجلكسي جواهر بتقو ليكم تشاااااااااااااااااااااااااااااااو نتلاقا على خير و ده ايميلي
misscandy_s@hotmail.com
صورة العضو الرمزية
استارو
مشاركات: 1280
اشترك في: الأحد 2007.3.4 8:27 pm
مكان: السعودية

رد: هل اولاد المغتربين حناكيش؟؟؟؟؟ ادونا رأيكم...!!

مشاركة بواسطة استارو »

شكرآ مشرفنا على اللفتة البارع دى
اسف ياحلوين ومن غير زعل
انا مقيم فى السعوديه
منذا 3سنوات
طبعآ نسبة لمجال عملى فى الاتصالات
بتجينا جوالات من دبى تجميع
يعنى اولاد المغتربين هنا سمناهم او سميتآ انا
(((التجميــــــــــــع)))
حناكيش كتــــــر عليهم ديل شئـآ من الامعقول
1/ عدم فهم0
2/ عدم مسؤولية0
3/ لايفقهون عن السودان شى0
4/ مفلسين ومتفلسفين0
5/ همهم الدراسة فى الهند ولمن تجيب ليهو سيرت السودان يقول0
ياي ياى ياى0
النظر للمراة السودانية نظرة تشكك فى انوثتا0
كلمة حناكيش بسيط فى حقهم ومن غير زعل
صورة العضو الرمزية
عاشقة محمود عبد العزيز
مشاركات: 669
اشترك في: الجمعة 2007.3.2 12:17 pm
مكان: الامــــارت

رد: هل اولاد المغتربين حناكيش؟؟؟؟؟ ادونا رأيكم...!!

مشاركة بواسطة عاشقة محمود عبد العزيز »

الظروف اللي بينشأ فيها الانسان....و التربيه هي البتأثر في كون الانسان ده حنكوش ولا لأ
علشان كده ممكن نربط الحنكشه بأولاد المغتربين نظرا للبيئه اللي عاشوا فيها و الوسط مختلف شويه
عن حياة الانسان السوداني الكادح فدي الحاجه اللي بتخلي صاحب الشهاده العربيه يكون حنكوش رغم انو ممكن يشوف نفسو انسان عادي لكن غيرو شايف انو حنكوش........

ولكن السودان برضو مليان حناكيش و كلهم شهاده سودانيه....

يعنى اولا و أخيرا البيئه و المكان هو الحكم في موضوع الحنكشه
صورة العضو الرمزية
أمنية شبيكة
مشاركات: 1
اشترك في: الجمعة 2007.3.23 6:21 pm
مكان: الدوحة

رد: هل اولاد المغتربين حناكيش؟؟؟؟؟ ادونا رأيكم...!!

مشاركة بواسطة أمنية شبيكة »

والله صراحة في فعلا في السودان ناس بالفعل حناكيش،وده برضو ما بيمنع انو يكونوا في مغتربين ما حناكيش
lolaaa
مشاركات: 29
اشترك في: الثلاثاء 2007.3.27 3:01 pm
مكان: صنعاء

رد: هل اولاد المغتربين حناكيش؟؟؟؟؟ ادونا رأيكم...!!

مشاركة بواسطة lolaaa »

سلاااااااااااااااام
انا عضوه جديدة بس الموضوع شداني وحبيت اقول حاجة
انو المغتربين ديل ماسابو البلد كدة لكن الظروف اضطرتهم وبعدين اي واحد قاعد ينتقد فيهم لو لقى فرصة اغتراب الان ماحايرفض ابد
وبعدين مش كفاية على المغتربين الاحساس بالغربة برة كمان يحسوه في بلدهم وسط اهلهم وناسهم لانو من جد احنا بنكون جاين السودان مشتاقين لكل شي هناك نجي نلقى الناس تعاملنا كاننا غلطانيين (ولا مرتكبين جريمة)والواحد يقول متين يرجع من مكان ماجا عشان يرتاح بس منم ضحكهم ومضايقتهم _طبعا مش الكل_بس اتمنى انو النظرة دي تتغير وبعدين مافي ناي متربين في السودان وحناكيش
lolaaa
مشاركات: 29
اشترك في: الثلاثاء 2007.3.27 3:01 pm
مكان: صنعاء

رد: هل اولاد المغتربين حناكيش؟؟؟؟؟ ادونا رأيكم...!!

مشاركة بواسطة lolaaa »

سلاااااااااااااااام
انا عضوه جديدة بس الموضوع شداني وحبيت اقول حاجة
انو المغتربين ديل ماسابو البلد كدة لكن الظروف اضطرتهم وبعدين اي واحد قاعد ينتقد فيهم لو لقى فرصة اغتراب الان ماحايرفض ابد
وبعدين مش كفاية على المغتربين الاحساس بالغربة برة كمان يحسوه في بلدهم وسط اهلهم وناسهم لانو من جد احنا بنكون جاين السودان مشتاقين لكل شي هناك نجي نلقى الناس تعاملنا كاننا غلطانيين (ولا مرتكبين جريمة)والواحد يقول متين يرجع من مكان ماجا عشان يرتاح بس منم ضحكهم ومضايقتهم _طبعا مش الكل_بس اتمنى انو النظرة دي تتغير وبعدين مافي ناي متربين في السودان وحناكيش
صورة العضو الرمزية
عفراء
مشاركات: 118
اشترك في: الثلاثاء 2007.3.27 6:27 pm
مكان: الامارات

رد: هل اولاد المغتربين حناكيش؟؟؟؟؟ ادونا رأيكم...!!

مشاركة بواسطة عفراء »

السلام عليكم ورحمة الله وبركاته
[blink] الاخ صلاح شكرا على موضوعك هذا بس عايذا اقول ليك نحنا مش حناكيش
بس البئية الاتربينا فيها غير عن البئية الفى السودان غير كدا هنا فى الغربة كل حاجة سهلة
والكل بتعامل بى رقة انا السنة الفاتت مشيت السودان وكنت احاول انى ماظهر انى مغتربة
لاكن كنت لو مشيت الدكان وطلبتا حاجة الكل بعاين لى بستغراب ناس السودان بقول علينا حناكيش
يعنى فى السودان لو قلت لى زول لوسمحتا بقول عليك حنكوش
[/blink]
أضف رد جديد

العودة إلى ”ملتقى المغتربين بالخارج“