عندما يرفض الاهل العريس..او العروس

يهتم بالحوارات والنقاشات الجادة فقط الرجاء الالتزام !!

المشرف: بانه

صورة العضو الرمزية
ناجي عثمان عبد الرازق
مشاركات: 31498
اشترك في: الخميس 2010.3.4 7:12 pm
مكان: السعودية

عندما يرفض الاهل العريس..او العروس

مشاركة بواسطة ناجي عثمان عبد الرازق »

[align=center]في أحيان بيكون سبب الرفض تافه
مثلا ممكن يرفضو عشان ما من نفس القبيله

ولا عشان اسباب عنصريه

او عشان ما من نفس الطبقه الاجتماعيه


أو مفلس !!!!

الـــــخ








السؤال هو : ما هو موقفك اذا رفضت الاسره الشخص الذي اخترته/يه عن حب واقتناع
هل يكون الاصرار ام محاولة اقناع الاسره بالقبول
ام انك/كِ ستخرج/ي عن طاعة الاسره وتتزوج/ي دون موافقتهم
ام طاعة الاسره وصرف النظر عن الفكره برمتها
؟؟؟؟؟
[/size][/font][/color][/align][/b]
صورة العضو الرمزية
بعد الزمن
مشاركات: 16470
اشترك في: الثلاثاء 2010.3.9 4:30 am
مكان: الضواحي

رد: عندما يرفض الاهل العريس..او العروس

مشاركة بواسطة بعد الزمن »

اكيد الاصرار ومحاولة اقناع الاسرة بكل الطرق والسبل الممكنة والمتاحة
والعرس في الاول والاخير قسمة ونصيب
صورة العضو الرمزية
احاسيس
مشاركات: 4997
اشترك في: الأربعاء 2010.7.7 2:10 pm
مكان: الخرطوم

رد: عندما يرفض الاهل العريس..او العروس

مشاركة بواسطة احاسيس »

والله صراحة راى وموافقة الاهل بيكون ليه النصيب الاكبر فى القصة دى لكن بعد كدا حسب اجتهاد الشخص ودرجة تمسكو بالطرف الاخر يعنى اذا بت مثلا ممكن تقول يا الزول دا ياتانى ماعايزة اعرس كدا بتضغط على اهلها لحدى مايوافقو وفى نفس الوقت مابتكون خسرت اهلها اما الولد ففى الغالب يعنى الزمن دا مافى ولد بجبرو على بت معينة يعنى اذا هو مقتنع بيها برغبة اهلو حيتزوجها واذا متمسك بحبو القديم اكيد حيصر ويكون على موقفو لحد ما يحقق هدفو
اتمنى ما اكون اطلت عليكم والف شكر اخى ناجى على الطرح اللمميز دا فعلا موضوع حساس ويحتاج شوية حكمة وتروى فى التصرف
صورة العضو الرمزية
Keeptown
مشاركات: 3882
اشترك في: الثلاثاء 2008.12.9 6:15 pm
مكان: الخرطوم

رد: عندما يرفض الاهل العريس..او العروس

مشاركة بواسطة Keeptown »

يا سيدي في الاول والاخر دي الاسره الربتك وطلعتك زول ناجح...

لمن كمان بقيت بتحب...

انا رأي انو الاقناع في الاول ولو ما نحج اكيد بسمع رأيهم...

لانو اكيد بكون في سبب مقنع خلاهم يرفضو
...
صورة العضو الرمزية
بت السرف
مشاركات: 10839
اشترك في: الأحد 2011.3.20 8:47 pm
مكان: نبض الشوق الساكن جوة

رد: عندما يرفض الاهل العريس..او العروس

مشاركة بواسطة بت السرف »

[align=center]حبابك استاذ ناجى ..
كتير من الزيجات بتحصل دون موافقة الاهل ..ودى بتترتب عليها نتائج مأسوية...
وقلبل بستحمل وبواصل ..وكتير بغلبو البسوى ...وبرجع تانى لاهلو ..
ويبقى اللوم والتقريع..ماقلنا ليك مابنفع|تنفع معاك ..ويدخلو فى دوامة تانية من الاحباط وياريت لو سمعت الكلام...(ياقلبى ماكان الخصام)..
وتتدفق دموع وانهار ..وكل واحد يلعن الحب وسنينو..
وللا انتو رايكم شنو ياجماعة؟؟؟[/align][/size]
صورة العضو الرمزية
toota osman
مشاركات: 74
اشترك في: الأحد 2011.7.10 11:26 pm
مكان: المملكة العربية السعودية-المدينة المنورة

رد: عندما يرفض الاهل العريس..او العروس

مشاركة بواسطة toota osman »

فعلا في الاخر هو قسمه ونصيب بس الإقناع مرات بيعمل نتيجه
صورة العضو الرمزية
ناجي عثمان عبد الرازق
مشاركات: 31498
اشترك في: الخميس 2010.3.4 7:12 pm
مكان: السعودية

رد: عندما يرفض الاهل العريس..او العروس

مشاركة بواسطة ناجي عثمان عبد الرازق »

بعد الزمن كتب:
اكيد الاصرار ومحاولة اقناع الاسرة بكل الطرق والسبل الممكنة والمتاحة
والعرس في الاول والاخير قسمة ونصيب
بعد الزمن _ سلامات ، رفض الاهل ممكن يكون تعنت ومرات بكون لاسباب ما منطقيه او اسباب عنصريه وده كتير شديد
صورة العضو الرمزية
ناجي عثمان عبد الرازق
مشاركات: 31498
اشترك في: الخميس 2010.3.4 7:12 pm
مكان: السعودية

رد: عندما يرفض الاهل العريس..او العروس

مشاركة بواسطة ناجي عثمان عبد الرازق »

أحاسيس _ سلام
في رأيي برضو الناس الكبار (أولياء الأمر) والبنعتبرهم مرجع عندهم شئ من الحق فيما يعتقدون لانو بشوفو انو عندهم خبرة و تجارب واسفار بتخليهم مؤهليين انهم يحكموا علي الناس ---.
...
صورة العضو الرمزية
ناجي عثمان عبد الرازق
مشاركات: 31498
اشترك في: الخميس 2010.3.4 7:12 pm
مكان: السعودية

رد: عندما يرفض الاهل العريس..او العروس

مشاركة بواسطة ناجي عثمان عبد الرازق »

keeptown كتب:يا سيدي في الاول والاخر دي الاسره الربتك وطلعتك زول ناجح...

لمن كمان بقيت بتحب...

انا رأي انو الاقناع في الاول ولو ما نحج اكيد بسمع رأيهم...

لانو اكيد بكون في سبب مقنع خلاهم يرفضو
...
كمان في مبالغات شديدة ياأخي _مرات الام يكون عاجبها ود اخوها الطبيب وشايفه فيهو حاله استثنائيه وتحاول تتحجج على الزول الغريب..وفي نفس الوكت ما بتكون قادره تفرض القريب غصباً
وفي النهايه يبقى شعور بالحزن لدى الطرفين (الاباء والابناء) في عجزهم عن ارضاء بعضهم البعض
...
صورة العضو الرمزية
ناجي عثمان عبد الرازق
مشاركات: 31498
اشترك في: الخميس 2010.3.4 7:12 pm
مكان: السعودية

رد: عندما يرفض الاهل العريس..او العروس

مشاركة بواسطة ناجي عثمان عبد الرازق »

بت السرف كتب:[align=center]حبابك استاذ ناجى ..
كتير من الزيجات بتحصل دون موافقة الاهل ..ودى بتترتب عليها نتائج مأسوية...
وقلبل بستحمل وبواصل ..وكتير بغلبو البسوى ...وبرجع تانى لاهلو ..
ويبقى اللوم والتقريع..ماقلنا ليك مابنفع|تنفع معاك ..ويدخلو فى دوامة تانية من الاحباط وياريت لو سمعت الكلام...(ياقلبى ماكان الخصام)..
وتتدفق دموع وانهار ..وكل واحد يلعن الحب وسنينو..
وللا انتو رايكم شنو ياجماعة؟؟؟[/align][/size]


[align=center]كلام موضوعي جدا وواقعي الى حد بعيد فالحب اعمى ويأتي من غير ميعاد..لذا قد لا تتوافق مقاييس المحبين والراغبين في الزواج مع معايير الاهل وهنا تطل النزاعات برأسها وتقع المشادات_ شكرا بت سرف
[/b][/font][/size][/align]
صورة العضو الرمزية
ناجي عثمان عبد الرازق
مشاركات: 31498
اشترك في: الخميس 2010.3.4 7:12 pm
مكان: السعودية

رد: عندما يرفض الاهل العريس..او العروس

مشاركة بواسطة ناجي عثمان عبد الرازق »

toota osman كتب:فعلا في الاخر هو قسمه ونصيب بس الإقناع مرات بيعمل نتيجه


[align=center]المجتمع في حوجه شديده لثوره اجتماعيه واعادة صياغه لطريقة التفكير في الزواج نفسه فالجيل الحالي يتزوج في ظروف مختلفه وعالم متغير ،لا زال مقيد بثقافة الماضي في بعض النواحي مثل إصرار الكبار على فرض اراءهم شكرا toota osman
[/b][/font][/size][/align]
صورة العضو الرمزية
امال الناس
مشاركات: 27686
اشترك في: الأربعاء 2009.6.17 9:57 am
مكان: السودان

رد: عندما يرفض الاهل العريس..او العروس

مشاركة بواسطة امال الناس »

مرحب ناجي


رفض الاهل كان زمان ولكن في الزمن الحاضر ما اظن لانه مامن الساهل تجد لابنتك او ابنك الشخصية البتفهمها والمتوافقة وكل الاسر اصبحت متحضرة ومتفتحة وما بتمسكوا بالاشياء المافيها صالح كتير لابنائهم ولاحظت كثير من الاسر اذا تقدم خطيب لابنتهم بتم عقد القران يوم حفلة التعارف ده دليل علي تفهمهم لمصلحة بنتهم وهم متاكدين انهما متفاهمين والا ما تقدم لها فكثير من الفتيات بعطن اهلهم فكرة عن العريس المتقدم وبالتالي الاهل لا يريدون غير سعادة بنتهم اقسم بالله وشاهدت انا بنفسي يوم التعارف بتم العقد بدون ما يدفع العريس زرة حتي بعد كده يحضروا لاتمام الزفاف يعني اليوم ما ذي الامس في تقدم باهر وحضارة ظاهرة .
واذا وجدت بسيط من من الاسر (من ناس زمان ) ورفضو العريس او العروسة تحاول البنت او الولد اقناعهم واذا وصلوا معاهم لطريق مسدود والله بفتكر دي حياة اثنين هم الحايعشوها بسعادتها وشقاها فلماذا اخضع لراي الاسرة التي لا تقدر مشاعر ابنائها لماذا اخضع لانانيتهم واستسلم لهدم سعادتي طالما جاءني من احب بالباب والله اتزوجه واكيد في يومن من الايام حترجع لي اسرتي بعد ما يصبح لدينا ابناء واسرة سعيدة وحصلت كتير ورجعت في النهاية الاسرة لابنائها .
صورة العضو الرمزية
أم عسجد
مشاركات: 3395
اشترك في: الثلاثاء 2010.2.23 8:45 am
مكان: ام درمان

رد: عندما يرفض الاهل العريس..او العروس

مشاركة بواسطة أم عسجد »

سلام اخى ناجى
شكرا على الطرح المميز
فعلا اخى دى مشكله حاصله وبتمر بمعظم الناس
وانا دايرا اقول حاجه للبنات وياريت يفهمو الحاقولو ويقيسو بعد داك قد يكون دا صاح او غلط
لما الولد يحارب اهلو عشانك معناها بريدك صاح وبعزك اكتر منهم
سؤال هل انتى بتقدرى تعملى معاهو اكتر من العملتو معاهو امو وابو؟؟؟لو ضامنه روحك طوااااالى وافقى عليهو بس دايرا اقول ليك حاجه (البيع اهلو عشان خاطر مره ببيع المره عشان خاطر جزمه (عدم المؤاخذه))
والبت لما تكون دايراتتزوج مابتتزوج الولدبراهو بتتزوج معاهو امو وابو واخوانو واخواتو عشان الحياة تكون ساهله وعاديه
وبالذات الام اصعب حاجه تكون نسيبك رافضاك والمفروض تكون ليك ام تانيه بعد امك
ونفس الشيى بنطبق على الولد حتكون ماسكاها ليك العمر كلو( انا بعتا اهلى عشانك) يعنى ماحتقدر تقول ليها زحى من الدرب :d:
الزواج ماشى ساهل دا تصاهر مع القبايل ولازم يكون فى تراضى بين الطرفين عشان الناس تعيش فى امان
صورة العضو الرمزية
مرسال الشوق
مشاركات: 14746
اشترك في: الاثنين 2009.11.2 3:49 pm
مكان: عارفني منــــــــــــــك

رد: عندما يرفض الاهل العريس..او العروس

مشاركة بواسطة مرسال الشوق »

مشكوور الغالي ناجي علي الطرح الجميل
وانا افتكر الانسان يكون عندو موقف شجاعي شويه مع الاسرة
عشان الاسرة مرات بتفكر من ناحية ضيقة شديد وهو العريس او العروس ديل
اهلهم منو طابايعهم شنو حالتهم المادية شنو وووووو ..... والخ
لكن نسو اهم شئ فهذا الزواج وهو ان الزواج ليس قميص يلبس ويقلع او اكلة
او حاجة من هذا القبيل ولكن هو استقرار ومودة كيف مانظروا للعريس او العريس
من هذه الناحية وهي التفاهم والحب لان الاختيار العشوائي او الاصرار علي ان لايتزوج
البنت او الولد الا من يراه الاهل مناسب من ناحيتهم وماسيحصل ويترتب عليه من هذه الزيجة
بدون ارضاء طرف من ( العريس او العروس ) وضاربين باختيارهم وحبهم بعرض الحايط
وافتكر اي تشدد في هذه المسالة يجني حصادها في المستقبل العريس او العروس بالفشل
وتكون حياتهم نغمة بدلا عن نعمة ممايؤدي الي نهاية مطاف معلوم ويكون وقعت الفاس في الراس
بعد فوات الاوان ...
صورة العضو الرمزية
ناجي عثمان عبد الرازق
مشاركات: 31498
اشترك في: الخميس 2010.3.4 7:12 pm
مكان: السعودية

رد: عندما يرفض الاهل العريس..او العروس

مشاركة بواسطة ناجي عثمان عبد الرازق »

امال الناس كتب:
مرحب ناجي


رفض الاهل كان زمان ولكن في الزمن الحاضر ما اظن لانه مامن الساهل تجد لابنتك او ابنك الشخصية البتفهمها والمتوافقة وكل الاسر اصبحت متحضرة ومتفتحة وما بتمسكوا بالاشياء المافيها صالح كتير لابنائهم ولاحظت كثير من الاسر اذا تقدم خطيب لابنتهم بتم عقد القران يوم حفلة التعارف ده دليل علي تفهمهم لمصلحة بنتهم وهم متاكدين انهما متفاهمين والا ما تقدم لها فكثير من الفتيات بعطن اهلهم فكرة عن العريس المتقدم وبالتالي الاهل لا يريدون غير سعادة بنتهم اقسم بالله وشاهدت انا بنفسي يوم التعارف بتم العقد بدون ما يدفع العريس زرة حتي بعد كده يحضروا لاتمام الزفاف يعني اليوم ما ذي الامس في تقدم باهر وحضارة ظاهرة .
واذا وجدت بسيط من من الاسر (من ناس زمان ) ورفضو العريس او العروسة تحاول البنت او الولد اقناعهم واذا وصلوا معاهم لطريق مسدود والله بفتكر دي حياة اثنين هم الحايعشوها بسعادتها وشقاها فلماذا اخضع لراي الاسرة التي لا تقدر مشاعر ابنائها لماذا اخضع لانانيتهم واستسلم لهدم سعادتي طالما جاءني من احب بالباب والله اتزوجه واكيد في يومن من الايام حترجع لي اسرتي بعد ما يصبح لدينا ابناء واسرة سعيدة وحصلت كتير ورجعت في النهاية الاسرة لابنائها .
مرحب آمال الناس


قد يرضخ الأبن لرغبات والديه من الزواج من تلك الفتاه التي تمناها الوالدين دون ادارك مدى سعادة ابنهم معها وكل مايهمهم ان ابن فلان تزوج بنت فلان وهذا الزواج عنوانه النهاية المبكره والحياة التعيسه حيث ستكون هذه الزيجه مليئة بالمشاكل في كثير من الاحيان وتكون نهايتها الطلاق.
[/quote]
صورة العضو الرمزية
ناجي عثمان عبد الرازق
مشاركات: 31498
اشترك في: الخميس 2010.3.4 7:12 pm
مكان: السعودية

رد: عندما يرفض الاهل العريس..او العروس

مشاركة بواسطة ناجي عثمان عبد الرازق »

mon كتب:
سلام اخى ناجى
شكرا على الطرح المميز
فعلا اخى دى مشكله حاصله وبتمر بمعظم الناس
وانا دايرا اقول حاجه للبنات وياريت يفهمو الحاقولو ويقيسو بعد داك قد يكون دا صاح او غلط
لما الولد يحارب اهلو عشانك معناها بريدك صاح وبعزك اكتر منهم
سؤال هل انتى بتقدرى تعملى معاهو اكتر من العملتو معاهو امو وابو؟؟؟لو ضامنه روحك طوااااالى وافقى عليهو بس دايرا اقول ليك حاجه (البيع اهلو عشان خاطر مره ببيع المره عشان خاطر جزمه (عدم المؤاخذه))
والبت لما تكون دايراتتزوج مابتتزوج الولدبراهو بتتزوج معاهو امو وابو واخوانو واخواتو عشان الحياة تكون ساهله وعاديه
وبالذات الام اصعب حاجه تكون نسيبك رافضاك والمفروض تكون ليك ام تانيه بعد امك
ونفس الشيى بنطبق على الولد حتكون ماسكاها ليك العمر كلو( انا بعتا اهلى عشانك) يعنى ماحتقدر تقول ليها زحى من الدرب :d:
الزواج ماشى ساهل دا تصاهر مع القبايل ولازم يكون فى تراضى بين الطرفين عشان الناس تعيش فى امان
أهلا عزيزتي mon
إن الضمان الأساسي لاستقامة الحياة الزوجية ليس العامل الخارجي بل العامل الداخلي المتمثل بالزوجين، ومدى ترابط الألفة والمحبة وحسن العشرة بينهما .. ففشل الاختيار له سلبيات عدة منها هو أن تصبح الأسرة مثل "القوقعة الفارغة" التي تبدو جميلة من الخارج لكنها خاوية من الداخل،ومن دواعي هذا الفشل والتصدع علاقة الزوجين بأهليهما ومدى إحترام الاهل لتلك العلاقة _ شكرا مون للإضافة الثرة
صورة العضو الرمزية
ناجي عثمان عبد الرازق
مشاركات: 31498
اشترك في: الخميس 2010.3.4 7:12 pm
مكان: السعودية

رد: عندما يرفض الاهل العريس..او العروس

مشاركة بواسطة ناجي عثمان عبد الرازق »

مرسال الشوق كتب:
مشكوور الغالي ناجي علي الطرح الجميل
وانا افتكر الانسان يكون عندو موقف شجاعي شويه مع الاسرة
عشان الاسرة مرات بتفكر من ناحية ضيقة شديد وهو العريس او العروس ديل
اهلهم منو طابايعهم شنو حالتهم المادية شنو وووووو ..... والخ
لكن نسو اهم شئ فهذا الزواج وهو ان الزواج ليس قميص يلبس ويقلع او اكلة
او حاجة من هذا القبيل ولكن هو استقرار ومودة كيف مانظروا للعريس او العريس
من هذه الناحية وهي التفاهم والحب لان الاختيار العشوائي او الاصرار علي ان لايتزوج
البنت او الولد الا من يراه الاهل مناسب من ناحيتهم وماسيحصل ويترتب عليه من هذه الزيجة
بدون ارضاء طرف من ( العريس او العروس ) وضاربين باختيارهم وحبهم بعرض الحايط
وافتكر اي تشدد في هذه المسالة يجني حصادها في المستقبل العريس او العروس بالفشل
وتكون حياتهم نغمة بدلا عن نعمة ممايؤدي الي نهاية مطاف معلوم ويكون وقعت الفاس في الراس
بعد فوات الاوان ...
أهلا بأخي الغالي مرسال الشوق
نعم أتفق معك في أن فكرة اختيار الزوجة / الزوج باتت مشكلة المجتمع فالأب والأم يريدان الخير والمستقبل الواعد لابنهم / ابنتهم ولاكن يبقى إجبار أبنائهم على شريك/ شريكة العمر أمر في حساس وقد يكون سبب رئيسي في كثير من الخلاقات وعدم التوافق .. أجبار الأب او الأم على اختيار شريك الحياة يقع في نطاق المحظور ويجب التصدي لمثل تلك العادات وكسرها حتى لاتكن ملاذ ليتشبث الغير بها ..
صورة العضو الرمزية
نهر المحبه
مشاركات: 6170
اشترك في: الجمعة 2009.5.29 6:15 pm
مكان: في ارض الله الواسعه

رد: عندما يرفض الاهل العريس..او العروس

مشاركة بواسطة نهر المحبه »

ناجي منور الحوار العام...
افتقدنا قلمك ومواضيعك...
وموضوعك هادف...وبالفعل احيانا بنصادف مشكله زي دي...
بحاول اقنع الاسره بالشخص الاخترته...
وهم يقنعوني باسباب رفضهم...
يعني كل واحد يطرح وجهة نظره بشرط انها تكون واقعيه ومنطقيه في نفس الوقت
لانه احنا مادايما نظرنتنا المستقبليه بتتفق مع نظارات اهلنا هم بكونو شايفينها من زاويه غير زتويتنا
بس مستحيل اني اخسر اسرتي في سبيل اني اعيش مع الشخص نفسه...في حال اقتنعت باسبابهم ...فقط لاغير
صورة العضو الرمزية
ناجي عثمان عبد الرازق
مشاركات: 31498
اشترك في: الخميس 2010.3.4 7:12 pm
مكان: السعودية

رد: عندما يرفض الاهل العريس..او العروس

مشاركة بواسطة ناجي عثمان عبد الرازق »

نهر المحبه كتب:ناجي منور الحوار العام...
افتقدنا قلمك ومواضيعك...
وموضوعك هادف...وبالفعل احيانا بنصادف مشكله زي دي...
بحاول اقنع الاسره بالشخص الاخترته...
وهم يقنعوني باسباب رفضهم...
يعني كل واحد يطرح وجهة نظره بشرط انها تكون واقعيه ومنطقيه في نفس الوقت
لانه احنا مادايما نظرنتنا المستقبليه بتتفق مع نظارات اهلنا هم بكونو شايفينها من زاويه غير زتويتنا
بس مستحيل اني اخسر اسرتي في سبيل اني اعيش مع الشخص نفسه...في حال اقتنعت باسبابهم ...فقط لاغير
[align=center]شكرا نهر المحبة _ نورتي البوست
أتفق معك في الرأي بأن يكون الأهل هم من يختار الشريك أو على نقاش الاهل في الامر بشكل عام وذلك لمدى وعى وخبرة الأهل في ذلك ومعرفتهم بشكل عام على المجتمع من حولهم أكثر وان كانوا على تلك الدرجة الكافية من الوعي..[/align][/b][/color]
صورة العضو الرمزية
الحلم السوداني
مشاركات: 1154
اشترك في: السبت 2011.4.9 5:28 pm
مكان: في كل مكان:)

رد: عندما يرفض الاهل العريس..او العروس

مشاركة بواسطة الحلم السوداني »

من رأي ان ح يكون من الصعب في علاقة تشيبها شائبة من البداية (رفض الاهل )خير دليل سواء الرفض تم من قبل اهل البنت او اهل الولد والاخيرة اصعب لان معنى اهل الولد رافضين وقتها الولد حيكون في موقفين اما اكمال المشوار واتمام الزواج وهنا انه عصى اهله واهله ما راضين
ويقولوا المافيه خير لاهله ما في خير للغريب وان كان الحب او غيره الغالب في العلاقة !!اكيييد لهم سبب في الرفض لدرايت الاهل وخبرتهم في الحياة للمواضيع دي بخلاف ان البنت هنا موقفها صعب حتى قدام اهلها انها اتزوجت واهل زوجها رافضينها مما يشكل انتقاص وغصة لها اكييد حتى لو على مستوى المحيطين بها واحنا ما بعيدين من الكلام اللي يقال في الحالات الزي دي (مرة قوية _اهله ما راضين _اكيد ساحراه_اكييد حيطلقا) ويكثر القيل والقال التي لا تلبث الا انها تنغص الزواج دا

وكذلك بالنسبة للفتاة في حال اهلها رفضوا الشاب المتقدم ورغم صعوبة موقفها بالمقارنة مع موقف الشاب مع اهله لان البنات على الاغلب ما يصروا في الامور المثل هذه ويقفوا في وجه الاهل ...واذا حدث واتزوجت واهلها ما راضين حتى لو الزوج كان بحبها ما ننسى الايام كيف ممكن تعيد وتفتح الموضوع دا وتبدا المشاكل ووقتها لا سند لها وحتى لو اهلها وقفوا معاها في مشاكلها وبدون ذكر الكلمة النظرة منهم حتقول (ما قلنا ليك لا من البداية !!!!؟؟؟؟!!!!)

وكثير ما نسمع بقصص ان ممكن بس الاب او الام غير موافقة ويحصل سبحان الله خلاف في ما بعد ولا قدر الله طلاق ويرجع الاب او الام الكان رافض منهم ويقول ما قلت من البداية لا !!!

وبخلاف ذلك الرجل الشرقي عموما اذا حس بانتقاص او برفض من قبل اهل الزوجة لن يغفرها ولو بعد حين وممكن يستغل بنتهم لتعذيب الاهل من خلال المشاكل من باب (بوريكم ليهو مش رافضيني )ودا طبعا مش عموما على الجميع ولكن لاننسى ان في ضعاف نفوس وفي ناس ما بتنسى وفي كلام بجيب كلام وفي مجتمع براقب وبترقب لاي زلة والعيون بتكون 10 عشرة على هذا الزواج وغير المتداخلين .....

فزواج بدون مباركة اهل يكون ناقص وان انكتب له النجاح .....الواحد يقدم على الزواج ويتمنى المباركة والتوفيق مع مباركة الاهل فما سيكون الحال في عدم موافقت الاهل !!!!


اسمح لي ان اقوليك بوست وموضوع اكثر من مهم لانه الا ما تسمع او تشوف او تقرا عن حالة زي دي ...يديك الف عافية وكل المشاركين امتعونا الصراحة بأرائهم

تقبل مروري وتحياتي
أضف رد جديد

العودة إلى ”حوارات جادة“