انا الليلة طبعا سعيد سعادة مابتتوصف والفرحة عاملة لي قبضة في الامعاء الغليظة ويادوبك حسيت بنفسي اني عايش ولي كينونة في هذه الدنيا والله من الفرحة الليلة وزعت لي جردل ونص عصير كركدي وحلو مر كنت مدكنن عندي من عام اول واي زول لقيتو ماشي بالشارع شربتو من الجرادل حقتي دي
وطبعا انتم يالحلوين عاوزين تعرفو انا مالي مبسوط كدا وكاتلاني ام فريحانه طيب تعالوا النكلمكم يلااااا
تعالوا جاي لسع
وكل واحد يشوف ليه بنبر يقعد فيه
اها اسكتو عشان اكلمكم
طبعا اللية ياجماعة بقدرة قادر غار اخوي الكاشف الي السودان بعد خراج روح وبعد ماكمل الوراي والقدامي من المدخرات والاشياء الثمينة بالاضافة الي كمية كبيرة من الاردب بتاع الفول والعدس
وطبعا والله لي كم شهر كدا كنت جاري وراء تسفير اخوي الكاشف ولله الحمد بعد خراج الروح وبعد
جهد جهيد قدرت اعمل ليه خروج نهائي وطبعا مااخفي عليكم العملية دي انا سميتها ( اتغدي بيه قبال مايكمل عدسك ) وطبعا مااخفي عليكم جاتني مساعدات خفية شدت من ازري ووقفت الي جانبي بعدما رات
حالي التي تصعب علي الجيروات وانا والله بكتب ليكم البوست دا والفرحة قربت تعمل لي شلل اطفال
في الخياشيم الارتوازية بمقدار رختر وانا من هنا اقول بكل صدق بلاء وانجلا والليلة يالمرسال يادوبك
تضوق للريال طعم وتعبك الراح هدري ربنا يعوضك فيه خير وحسبي الله ونعم الوكيل وانا من هنا اناشد مواطني السودان والدول المجاورة باخذ الحيطة والحزر وانا يستعينو بالامم المتحدة في حالة حدوث اي اضرار جسيمة من اخوي الكاشف ...
تخريمة مرسالية ...
بالجد الليلة انا حاسي بنفسي ذي اليتيم من فراق اخوي الكاشف ربنا يوصلو بالسلامة واجازة سعيدة مع الاهل وارجع واقول انا في بعد الوطن دفعني ضئ العين تمن .
الاميرة توتة كتب:ههههههه هدي شوية يا مرسالو انا سمعت انو الفرحة الشديدة دي بتجيب مرض ال نفس اعرف اخوك حسي وهو ارتاح منك قصدي فارقك احساسو شنو بيهناك وبعدييين كلها يوميين او
اسبوع وحتشتاق ليهو اكييد ولا شنو ....
منو الاميرة توتة بجلالة قدرها
ياود كبوشية دق النوبة يدقوق بمفراكة مليانة ملاح خضرة
اهدي شنو كمان يابت امي والله انت لو عارفة الحاصل تعزريني وتعملي لي كشف مستعجل
لزوم يعني كدا ذي مابيقولو اخوانا الفي الاندية الرياضية لسد النقص الحاد وهم والله ماقاعدين يقصرو
نسدها ليهم بجاي يجيبو لينا الشباك مليانة وياريت لو مليانة سمكك كان احسن اخخخخخ
ماعلينا مالك طلعتيني من الموضوع نحن كنا بتكلم في شنو
ايووووه اتذكرت كنا بنقول اخر مرة صلينا فيها الجمعة بتين افتكر يوم التلاته
والله الكان علي ودكبوشية انا من دربي دا اقوم الحق الكاشف والملم بقجتي
واسلم الكارو لاقرب معرض سيارات وابيعها بشيك اجل
تسلمي علي المرور والله وحشتنا مداخلاتكم البتخلي الزول
يقوم يجري يبلع ليه لوح تلج علي الريق
يكشف حالك يارب :
انته البارح ما قنبت تبكي في المطار
ومناديل المطار كلها كملتها
يعلم الله ياناس البلدا قصد ناس الراكوبه
الزول د ا كان ما مشيت معاهو كان ركب الطياره مع الكاشف اخونا
بكي ودرديق في المطار ذي الشفع
نحاربه بي شنو والله يابت امي الاحزان دي خشت فينا ذي قونين غانا في شباكنا
اها بجيك بقادي جهزي جك عصير وفيه تلجة عااااائمة
انا القاها من منو ولا منو فات شفاط العدس وحراق الحلل وبقيني نحاحي في ود الزوحي
عشان يخش لينا لي جوووه ياود الزوحي ماتدخل لي جوه قبال مانقوم نربطك بحبال بنان
منو الاميرة توتة بجلالة قدرها
ياود كبوشية دق النوبة يدقوق بمفراكة مليانة ملاح خضرة
اهدي شنو كمان يابت امي والله انت لو عارفة الحاصل تعزريني وتعملي لي كشف مستعجل
لزوم يعني كدا ذي مابيقولو اخوانا الفي الاندية الرياضية لسد النقص الحاد وهم والله ماقاعدين يقصرو
نسدها ليهم بجاي يجيبو لينا الشباك مليانة وياريت لو مليانة سمكك كان احسن اخخخخخ
ماعلينا مالك طلعتيني من الموضوع نحن كنا بتكلم في شنو
ايووووه اتذكرت كنا بنقول اخر مرة صلينا فيها الجمعة بتين افتكر يوم التلاته
والله عشان خاطر الاموره اقصدالاميره توته :
نجيب ليها لبن الطير تستاهل كل خير
بث لو عشانك انت بنضرب مدافع
دبابتو كلاشات يضربك الشمّالي اخوي في عنقرتك المدوره دي
شف المسخره والكلام الفاضي
وبعدين يالمريسيل اخوي
اذكرو مواتاكم اقصد اخوانك بالخير الراجل دا يعلم الله شوف عيني
اداهو 3000الف ريال سعودي
للمعيشه لمن يجي الكاشف اخو ي
واشتري ليهو شوالين عدس وشوال حمص وشوال فول
انا الليلة طبعا سعيد سعادة مابتتوصف والفرحة عاملة لي قبضة في الامعاء الغليظة ويادوبك حسيت بنفسي اني عايش ولي كينونة في هذه الدنيا والله من الفرحة الليلة وزعت لي جردل ونص عصير كركدي وحلو مر كنت مدكنن عندي من عام اول واي زول لقيتو ماشي بالشارع شربتو من الجرادل حقتي دي
وطبعا انتم يالحلوين عاوزين تعرفو انا مالي مبسوط كدا وكاتلاني ام فريحانه طيب تعالوا النكلمكم يلااااا
تعالوا جاي لسع
وكل واحد يشوف ليه بنبر يقعد فيه
اها اسكتو عشان اكلمكم
طبعا اللية ياجماعة بقدرة قادر غار اخوي الكاشف الي السودان بعد خراج روح وبعد ماكمل الوراي والقدامي من المدخرات والاشياء الثمينة بالاضافة الي كمية كبيرة من الاردب بتاع الفول والعدس
وطبعا والله لي كم شهر كدا كنت جاري وراء تسفير اخوي الكاشف ولله الحمد بعد خراج الروح وبعد
جهد جهيد قدرت اعمل ليه خروج نهائي وطبعا مااخفي عليكم العملية دي انا سميتها ( اتغدي بيه قبال مايكمل عدسك ) وطبعا مااخفي عليكم جاتني مساعدات خفية شدت من ازري ووقفت الي جانبي بعدما رات
حالي التي تصعب علي الجيروات وانا والله بكتب ليكم البوست دا والفرحة قربت تعمل لي شلل اطفال
في الخياشيم الارتوازية بمقدار رختر وانا من هنا اقول بكل صدق بلاء وانجلا والليلة يالمرسال يادوبك
تضوق للريال طعم وتعبك الراح هدري ربنا يعوضك فيه خير وحسبي الله ونعم الوكيل وانا من هنا اناشد مواطني السودان والدول المجاورة باخذ الحيطة والحزر وانا يستعينو بالامم المتحدة في حالة حدوث اي اضرار جسيمة من اخوي الكاشف ...
تخريمة مرسالية ...
بالجد الليلة انا حاسي بنفسي ذي اليتيم من فراق اخوي الكاشف ربنا يوصلو بالسلامة واجازة سعيدة مع الاهل وارجع واقول انا في بعد الوطن دفعني ضئ العين تمن .
وحتي الملتقي
تحياتي واشواقي
مرسال الشوووووووق ...
ههههههه ياخ دا كان معسم جيبك عسيم
برمة : عليك الله اسمو منو خليني ادعي بيهو واحد كدا غايظني