على خفيف

المشرف: بانه

صورة العضو الرمزية
ود المطامير
مشاركات: 299
اشترك في: الجمعة 2011.3.4 9:39 pm
مكان: أبوظبى

على خفيف

مشاركة بواسطة ود المطامير »

نزلت من البص حق رفاعه فى الميناء البرى الخرطوم
وطلعت من الميناء البرى ومشيت موقف مواصلات أم درمان
وهناك عجبتنى الكافتيريات المنتشره وخاصه وريحة الأكل كانت شهيه
وأنا كنت مهوووى بالطريقه الصاح
قعدت على كرسى وإتكيت على الطاوله مستنى الفول المصلح
وبعد كم لقمه لاحظت لطفل مشرد قاعد فى الضُل وبعاين لى
لاحظت إنو معاينتو طالت وأشرت ليهو وقلت ليهو تعال
إتلفت وما إتحرك وتانى وتالت وبإلحاح أشرت ليهو وقام وجانى وهو متردد
كانت ملابسه رثه وممزقه وكان ذى ما تقول كدا شهر ما إستحمى
ورغم قساوة ظروفه إلا إنو فيه مسحة وسامه مدفونه تحت
طبقات الأتربه والبشره المحروقه بأشعة شمس الهجير
قلت ليهو غسل يديك وتعال وفعلا مشى وغسل يديهو وجا
ومسك الرغيفه وقطع منها حته ومد يدو عشان يغمسها فى صحن الفول
طوالى مسكت يدو وقلت ليهو .. لا .. لا
قلت ليهو .. الفول خليهو لى أنا أصلى طولت منو ومشتهيهو
أطلب تحب تأكل شنو ؟ إتلفت نحو مكان تجهيز الأكل وقال لى .. شيه ..
طلبت ليهو شيه وبقينا نأكل .. لا سألتو ولا سألنى لحد ما شبع تب
وشربنا بارد وأديتو مصروف جيب وودعتو ومشيت أسأل عن حافلات أم درمان
بعد فتره جاتنى لفته على الكافتيريا أكان أشوف ليك صاحبى
مقعد تلاته أطفال فى مثل عمره وهو يخت ليهم فى صحن الأكل
شافنى ورفع لى يدو ورفعت ليهو يدى وإبتسم لى وإبتسمت ليهو
وركبت الحافله وشتت .
صورة العضو الرمزية
ود المطامير
مشاركات: 299
اشترك في: الجمعة 2011.3.4 9:39 pm
مكان: أبوظبى

رد: على خفيف

مشاركة بواسطة ود المطامير »

فى أول مارس اللى فات حزمت حقائبى وركبت الطائره متوجها إلى السودان
بعد فراق دام 16 سنه عند ما أطليت من باب الطائره ملأت رئتي بهواء الفجر المنعش
خاصه وكان هنالك رزاز مطر خفيف وأخذت أنزل سُلم الطائره درجتين درجتين
وحينما لامست قدماى أرض المطار شعرت بخدر لذيذ يسرى فى عروقى
تيار المحبه للتراب الغالى يتغلغل فى فى أوصالى وأنا أسير نحو بوابة المطار
وما بين بوابة الدخول للمطار وبوابة الخروج من المطار ( قصة ألم ) تنفع تكون فلم بإسم
( التكشيره ) أما المطار كمطار فلا مجال للمقارنه بالمطارات التى عبرناها
لأننا على قدر حالنا ودا هو حالنا
لكننى وجدت الجمال كل الجمال ونحن ماسكين شارع شرق الله البارد
أطلت شمس الصباح ناعسه وأشعتها الذهبيه تغطى الكون ، كان كل شى أمامى رائع
الغابات على جانى الطريق ، الناس البسطاء وهم ينتشرون سعيا وراء أرزاقهم
مراح ضان سارح ، مراح بقر يقطع الشارع بكل هدوء ، كلب نافق على جانب الطريق
روق سمبر يطير بشكل هندسى بديع ، إمرأه تحمل على رأسها قفه

من مطار الخرطوم وعبر شارع الشرق رأيت ما جعل عيناى تدمعان من الحبور والسرور
صورة العضو الرمزية
ود المطامير
مشاركات: 299
اشترك في: الجمعة 2011.3.4 9:39 pm
مكان: أبوظبى

رد: على خفيف

مشاركة بواسطة ود المطامير »

فى سفرتى أعلاه
ذهبت لأن الوالد كان بعافيه شويه
وفى آخر يوم لإجازتى ضميته إلي وأنا أودعه
كان عندى إحساس إنه سوف يكون الوداع الأخير
راودنى هذا الشعور أكثر عند ما لاحظت أن أجسدنا لا تكاد تفترق إلا ويضمنى من جديد
كان قد تخطى السبعين من عمره والجسد الذى كان ممتلئ قد إصبح نحيلا ويعانى ما يعانى
كان صدقى العزيز وفردتى وكاتم أسرارى ورفيق غربتى لسنوات طويله
جففت دموعى وأنا أحمل أشيائي وذهبت خارجا من المنزل وعيني فى عينيه
كل كم خطوه كنت ألتفت إليه فأجده ينظر إلي ويلوح لى بيده إلى أن غبت عن ناظريه

بعد أربعة أشهر تكرر نفس مشهد شارع الشرق وفى نفس توقيت الفجر وأنا ذاهب لوفاته
صورة العضو الرمزية
ود المطامير
مشاركات: 299
اشترك في: الجمعة 2011.3.4 9:39 pm
مكان: أبوظبى

رد: على خفيف

مشاركة بواسطة ود المطامير »

سبحان الله
كنت دائماً أتمنى وأتمنى وأتمنى
أتمنى أن يلم الله شمل أسرتنا كلها
أبوى وأمى وأنا وأولادى وأخوى وأولاده وأختى وأولادها
وتحت النيمه فى الحوش الفسيح نأخد صوره جماعيه

ولقد كان ولكن كرسى الوالد كان خاليا إذ جمعتنا وفاته .. الله يرحمه
صورة العضو الرمزية
ام اسامه
مشاركات: 1670
اشترك في: الأحد 2014.3.2 9:05 am
مكان: الخرطوم

رد: على خفيف

مشاركة بواسطة ام اسامه »

16سنة غربة وشابكنا ياراجل
خالتو وعمتو ههههههه
رحم الله الوالد
ياجدي
صورة العضو الرمزية
ود المطامير
مشاركات: 299
اشترك في: الجمعة 2011.3.4 9:39 pm
مكان: أبوظبى

رد: على خفيف

مشاركة بواسطة ود المطامير »

ام اسامه كتب:16سنة غربة وشابكنا ياراجل
خالتو وعمتو ههههههه
رحم الله الوالد
ياجدي
ههههههههههههههههههه

وح تقولى إيه لو عرفتى إنو ال 16 سنه قبلها كمان 12 سنه هع هع هع

تعرفى يا خالتو كلمة خالتو وعمتو فيها تأدب وإحترام بغض النظر عن فارق السن

الله يديك العافيه
صورة العضو الرمزية
ام اسامه
مشاركات: 1670
اشترك في: الأحد 2014.3.2 9:05 am
مكان: الخرطوم

رد: على خفيف

مشاركة بواسطة ام اسامه »

ود المطامير كتب:ههههههههههههههههههه

وح تقولى إيه لو عرفتى إنو ال 16 سنه قبلها كمان 12 سنه هع هع هع

تعرفى يا خالتو كلمة خالتو وعمتو فيها تأدب وإحترام بغض النظر عن فارق السن

الله يديك العافيه
يديك الف عافية ياجدو
ههههههههه
صورة العضو الرمزية
مسلمة وافتخر
مشاركات: 9423
اشترك في: الخميس 2008.11.13 5:16 pm
مكان: حيث اكون نفسى

رد: على خفيف

مشاركة بواسطة مسلمة وافتخر »

ود المطامير كتب:فى أول مارس اللى فات حزمت حقائبى وركبت الطائره متوجها إلى السودان
بعد فراق دام 16 سنه عند ما أطليت من باب الطائره ملأت رئتي بهواء الفجر المنعش
خاصه وكان هنالك رزاز مطر خفيف وأخذت أنزل سُلم الطائره درجتين درجتين
وحينما لامست قدماى أرض المطار شعرت بخدر لذيذ يسرى فى عروقى
تيار المحبه للتراب الغالى يتغلغل فى فى أوصالى وأنا أسير نحو بوابة المطار
وما بين بوابة الدخول للمطار وبوابة الخروج من المطار ( قصة ألم ) تنفع تكون فلم بإسم
( التكشيره ) أما المطار كمطار فلا مجال للمقارنه بالمطارات التى عبرناها
لأننا على قدر حالنا ودا هو حالنا
لكننى وجدت الجمال كل الجمال ونحن ماسكين شارع شرق الله البارد
أطلت شمس الصباح ناعسه وأشعتها الذهبيه تغطى الكون ، كان كل شى أمامى رائع
الغابات على جانى الطريق ، الناس البسطاء وهم ينتشرون سعيا وراء أرزاقهم
مراح ضان سارح ، مراح بقر يقطع الشارع بكل هدوء ، كلب نافق على جانب الطريق
روق سمبر يطير بشكل هندسى بديع ، إمرأه تحمل على رأسها قفه

من مطار الخرطوم وعبر شارع الشرق رأيت ما جعل عيناى تدمعان من الحبور والسرور
الله يرحم الوالد ويسكنه فسيح جناته
فعلا السودان ليه طعم خاص
السودان بلدى بلد الناس السمر
حلات بلدى وحلات ناسها
صورة العضو الرمزية
ابن عوف
مشاركات: 7729
اشترك في: الخميس 2008.6.19 7:51 pm
مكان: وسط اهلى الطيبين وسمحين

رد: على خفيف

مشاركة بواسطة ابن عوف »

الله يرحم الوالد ويعطر ذكراه

يديك العافية

ودى طوبتي مافي زول يحركها من هنا
صورة العضو الرمزية
ود المطامير
مشاركات: 299
اشترك في: الجمعة 2011.3.4 9:39 pm
مكان: أبوظبى

رد: على خفيف

مشاركة بواسطة ود المطامير »

ام اسامه كتب:يديك الف عافية ياجدو
ههههههههه
ههههههههههههههههههه

تسلمى والله
صورة العضو الرمزية
ود المطامير
مشاركات: 299
اشترك في: الجمعة 2011.3.4 9:39 pm
مكان: أبوظبى

رد: على خفيف

مشاركة بواسطة ود المطامير »

ذات الشجون كتب:الله يرحم الوالد ويسكنه فسيح جناته
فعلا السودان ليه طعم خاص
السودان بلدى بلد الناس السمر
حلات بلدى وحلات ناسها
اللهم آميييين يا رب العالمين

والله فعلا حلاة بلدى وحلاة ناسا

بلد جد رغم اللى عليهو سمح بالحيل
صورة العضو الرمزية
ود المطامير
مشاركات: 299
اشترك في: الجمعة 2011.3.4 9:39 pm
مكان: أبوظبى

رد: على خفيف

مشاركة بواسطة ود المطامير »

ابن عوف كتب:الله يرحم الوالد ويعطر ذكراه

يديك العافية

ودى طوبتي مافي زول يحركها من هنا
اللهم آمييين

وليك على أحجز ليك قدام هع هع هع
صورة العضو الرمزية
ود المطامير
مشاركات: 299
اشترك في: الجمعة 2011.3.4 9:39 pm
مكان: أبوظبى

رد: على خفيف

مشاركة بواسطة ود المطامير »

نور العالم
بنغالى الجنسيه وهو الطباخ الخاص للعبد لله
راجل كبير فى السن وسنونو بدت تقع واحده ورا التانيه
دا ما المهم ، المهم ، مطبخنا بعيد شويه ومن فترة لاحظت إنو
هو بجى شايل لى صحن الملاح بيد وصحن السلطه بيد وبكون طابى
كيس الخبز تحت أباطو

بكره إنتو معزومين معاى غد
ا
صورة العضو الرمزية
شذي زهر
مشاركات: 5554
اشترك في: السبت 2012.4.14 10:00 pm
مكان: السودان

رد: على خفيف

مشاركة بواسطة شذي زهر »

ود المطامير
ربنا يرحم الوالد. ويغفر له
..ويرحم كل امواتنا.

السودان بلدنا. وبنحبو رغم المحن. .

أما عزومه الغداء
انا...صخصيا. .. :040:
بعتذر
صورة العضو الرمزية
مسلمة وافتخر
مشاركات: 9423
اشترك في: الخميس 2008.11.13 5:16 pm
مكان: حيث اكون نفسى

رد: على خفيف

مشاركة بواسطة مسلمة وافتخر »

ود المطامير كتب:نور العالم
بنغالى الجنسيه وهو الطباخ الخاص للعبد لله
راجل كبير فى السن وسنونو بدت تقع واحده ورا التانيه
دا ما المهم ، المهم ، مطبخنا بعيد شويه ومن فترة لاحظت إنو
هو بجى شايل لى صحن الملاح بيد وصحن السلطه بيد وبكون طابى
كيس الخبز تحت أباطو

بكره إنتو معزومين معاى غد
ا
بشرب موية بس :d:
صورة العضو الرمزية
ود المطامير
مشاركات: 299
اشترك في: الجمعة 2011.3.4 9:39 pm
مكان: أبوظبى

رد: على خفيف

مشاركة بواسطة ود المطامير »

إحذر

عند ما تبيع موبايلك لأى محل بتاع موبايلات
لا تطمئن إنك قمت بمسح كل ما فيه من صور وفيدوهات خاصه
فأصحاب المحلات من ذوى النفوس الضعيفه لديهم برامج تعيد كل ما تم مسحه

فى الفيس بوك يتم نشر صور وفيديوهات دون علم أصحابها تم إسترجاعها من موبايلات مُباعه
صورة العضو الرمزية
ود المطامير
مشاركات: 299
اشترك في: الجمعة 2011.3.4 9:39 pm
مكان: أبوظبى

رد: على خفيف

مشاركة بواسطة ود المطامير »

شذي زهر كتب:ود المطامير
ربنا يرحم الوالد. ويغفر له
..ويرحم كل امواتنا.

السودان بلدنا. وبنحبو رغم المحن. .

أما عزومه الغداء
انا...صخصيا. .. :040:
بعتذر
اللهم آمييين يا رب العالمين وربنا يحفظ ليك كل غالى وعزيز

كيفن تعتذرى من الغداء ؟ دا أنا الحاله قلت ليهو كتر الخبز هع هع هع
صورة العضو الرمزية
ود المطامير
مشاركات: 299
اشترك في: الجمعة 2011.3.4 9:39 pm
مكان: أبوظبى

رد: على خفيف

مشاركة بواسطة ود المطامير »

ذات الشجون كتب:بشرب موية بس :d:
هههههههههههههههههههههههههه

والله يا ذات الشجون الحاله دى أنا راعيت للمشاعر وإختصرت القصه

عشان أنا لسه ضيف وكدى هع هع هع
صورة العضو الرمزية
طلال الحكيم
مشاركات: 4056
اشترك في: السبت 2010.5.8 11:08 am
مكان: السعودية

رد: على خفيف

مشاركة بواسطة طلال الحكيم »

ربنا يرحم الوالد ويجعل مثواه الجنة...

واصل يا جميل
صورة العضو الرمزية
شذي زهر
مشاركات: 5554
اشترك في: السبت 2012.4.14 10:00 pm
مكان: السودان

رد: على خفيف

مشاركة بواسطة شذي زهر »

ود المطامير كتب:إحذر

عند ما تبيع موبايلك لأى محل بتاع موبايلات
لا تطمئن إنك قمت بمسح كل ما فيه من صور وفيدوهات خاصه
فأصحاب المحلات من ذوى النفوس الضعيفه لديهم برامج تعيد كل ما تم مسحه

فى الفيس بوك يتم نشر صور وفيديوهات دون علم أصحابها تم إسترجاعها من موبايلات مُباعه

طيب الحل شنو؟؟؟
غير أني ما ابيع
أضف رد جديد

العودة إلى ”منتدى الراكوبة“