اغنية عند سماعها او ترديدها نتالم

المشرف: بانه

أضف رد جديد
صورة العضو الرمزية
امال الناس
مشاركات: 27686
اشترك في: الأربعاء 2009.6.17 9:57 am
مكان: السودان

اغنية عند سماعها او ترديدها نتالم

مشاركة بواسطة امال الناس »

رد الرســـــــــــــــاله $

الديار خليتها زاتها لما ضاقت بي ديارك
والبعاد الشايفو قاسي ما زمان كان بي اختيارك
انت فاكر بنسى جرحك جيت تنمغ في اعتزارك
لما رحت تجور على ورحت ابعد عن مسارك
تاني كاتب لي خبارك انت فاكر قلبي لسه ولسه تايه في مدارك؟
الجواب الجاي منك عندي صار ماليهو قيمه
والهوى الكان بيني بينك عد بالشوق والهزيمه
اسي لما طريت هواي وقصة الزكرى الاليمه
جاي تاني عشان تعاود للحكايات القديمه
يبقى ردي على جوابك ياجميل الرجعه لالا
وكوني ارج ليك تاني الف مليون استحاله
ما الفراق انت البديتو يوم حرمت الروح وصالا
وانت عارف البادي اظلم ايه لزوم يعني الرساله
الكلام الفي جوابك كان بعدي علي زمان
قبل ماتقدر عيونك وقبل مايخوني الزمان
انت قايل قلبي بنسى فتره الذل والهوان
دي الكرامه العندي اغلى من عيونك والحنان
اصلي حاسس طول سنيني انو اشواقي وحنيني نقطة الضعف اللي فيني
الا اسع انت انسى انو كان بيناتنا قصه
وتاني ماتعشم عيونك اني بهواك انت لسه
وانت لو فاكرني بحزن شان فراقك او جفاك
تبقى موهوم في عواطفك واصلو قلبي زمان نساك
ابتديت انساهو ليلك والسنين المرو ديلك
وانسى جور كل الاماسي الفيها كم قاسيتو ويلك
وانت لو فاكرني بحزن شان فراقك ياحليلك
صورة العضو الرمزية
امال الناس
مشاركات: 27686
اشترك في: الأربعاء 2009.6.17 9:57 am
مكان: السودان

رد: اغنية عند سماعها او ترديدها نتالم

مشاركة بواسطة امال الناس »

معذرة.. لو معاك منى الكلام حـــــره .. معليش الخطاب كاتباهــــــو مضطرة
حـــــــــــرام والله مننـــا إنت تتبرا .. خمسة سنين تفوت تجى فيها فد مرة
وراك أنا كم شقيت وعشت فى مرة .. وتعبـــت مع البطان الهم للعيون غرة
بيخاف الغرق الغاص ورا درة .. قالو أدب الصغار والعقــــدة من خدرة
حليلى أنا الزمن ضى فاطرى ما انفر .. وخمسة سنين غياب مابتحملن حرة
أنا الحاضنة العذاب وآمالى محتضرة.. وإنت الفى النعيم ما خات حساب بكرة
مسكينة التقول فى الإغتراب سترة .. وتتناسى القروش فى يوم تكون ضرة
حليل زمنك وكت عايشنا بالأُجــرة .. يا ريــــت لا عرفـــــــت ولا مرق برة
**********

الكاتما فى جواى كتير متملك الجوف والعصب
وما كت دايرة أقولو ليك لكن لسان الحال غلب

ما بنسى يوم ودعتنا وسافرت فى غرة رجب
خليت وراك الدار حزين يتباكا والدمع انسكب

أعذرنى والله العظيم لو ما الضرورة أنا ما كتب
وأنا خايفة فى بعدك يكون الضاع
هو ضعف المكتسب

اليومة داك ناس البلد هنونى شايقيى وعرب
قالو لى مبروك خير وجاك يكتب سلامتو الإغترب

قالو لى دوب نجم السعد
طلاكى من بعد إحتجب
يا دوبا بالك يستريح
وتنسى العذابات والتعب

فضّلت أحسب فى الشهور
قاعدالى فوق نيران لهب
صابرة وحريصة على العيال
لا بيقو للريح فى المهب

سديت خانتك من مشيت قايمابو واجبى كأم وأب
والأسرة يضنيها المسير
وتتهاوى لو ما فيها رب

والله ما بنكر جميلك برضو لينا ثناك وجب
موكب هداياك ما انقطع
كان سترة فى الزمن الصعب

لابسين وماكلين والنعيم كايلنا
فى يوم ما نضب وعايشين معيشة المترفين
طولنا والطبع إتخرب

البيت مفرش بالحرير ومليانة إيدى بالدهب
لكن خسارة على محل
عاش سيدو خمسة سنين عزب

الشى المهم ما قلتو ليك
وليهو إنت ما ظنيت
حسب كبرو الصغيرونين خلاص
خايفالم الطبع الكعب

وصولوها مرحلة الخطر
والأمن ما زال مستتب
وانا كتّ قادراهم زمان
لكن بعد كبرو اتغلب

حصلنى قبل الجد يفوت
دوبنهم فوق العتب
قبال نحصد الخير ندم
ومابيجدى كان لمت وعتب

خايفالم الطيش فى الدروس
ومابرضى لو واحد رسب
خوفنى المتعبنى الكبير
بعدين يمرقو بلا أدب

وريتك الحاصل على
لا فيهو ثورة ولا غضب
شان الحديث مايبقى نى
والواحة يكتنفا الجدب

أنا قلبى مازال لسة حى
ونجمو الملاهج ماغرب
وآخر كلامى ترد على
لا أبقة بكرة أنا السبب
ما كنت دايرة اقولو ليك
لكن لسان الحال غلب ..
صورة العضو الرمزية
3Aiz A3eesh
مشاركات: 959
اشترك في: الثلاثاء 2014.1.14 2:35 pm
مكان: SoRe

رد: اغنية عند سماعها او ترديدها نتالم

مشاركة بواسطة 3Aiz A3eesh »

صورة العضو الرمزية
dream-lady
مشاركات: 25355
اشترك في: الجمعة 2011.4.29 10:32 pm
مكان: الرياض

رد: اغنية عند سماعها او ترديدها نتالم

مشاركة بواسطة dream-lady »

صورة العضو الرمزية
امال الناس
مشاركات: 27686
اشترك في: الأربعاء 2009.6.17 9:57 am
مكان: السودان

رد: اغنية عند سماعها او ترديدها نتالم

مشاركة بواسطة امال الناس »

أتذكرى فى الدجى الساجى ... مدار حديثنا العذب
وفوق العشب نستلقى .. فنطوى صفحة الغـــيب
وإذ مـــالاح نجم سعد .. نرشف خمـــرة الحـــب
اتذكرى عهد لقيـــانا .. ويوم القبــلة السكـــرى
وقبَّل ثغرى الظامى .. فقــــد لا تنفـــع الذكـــرى
وترقد فى يدى كالطفل .. الثم ثغرك العطـــــرى
وقطرات الندى الرقراق .. تعلو هامـــــة الزهد
والحان الهزار الطلــق .. فـــوق خمـــائل النهر
ولما ينقضى اللـــيل .. وينــعس ساقـــى الخمر
يرف الضوء كالحلم .. يسكــب خمـــرة الفجــــر
اتذكرى قبلتـــى والليـــل .. يــروى طلعـــة البدر
كيف اناملى الحيرى .. تداعب خصلة الشعـــر
وتنعس فى ظلال النور .. تحكم بالهوى العذرى
اتذكرى عهد لقيانا .. ويوم القبلـــة الســــكرى
وقبل ثغـرى الظامى .. فقد لا تنفــع الذكــــرى
صورة العضو الرمزية
امال الناس
مشاركات: 27686
اشترك في: الأربعاء 2009.6.17 9:57 am
مكان: السودان

رد: اغنية عند سماعها او ترديدها نتالم

مشاركة بواسطة امال الناس »

يا ربيع الدنيا في عينيا
يا نور قلبي يا معنى الجمال
يا اُختا روحي يا أماني هواي
عشت في دنيا الخيال
أنا فيك عشقته الروعة ما أحلاها في الدل والدلال
والمعاني الراسمة نور إشراقة
في عينيك ظلال
وابتسامتك لما تأسر قلبي تحكي عن المحال
تحكي عن شوقك إليا
تحكي عن بُعد الوصال
من قلبي من اجل المحبة وهبت ليك شعر الغزل
مع انو قدامي الطريق أنا عارفو يا السمحة انقفل
مافي قسمة
مافي يا نور قلبي حتى بصيص أمل
ما قدرت اقرب من ضراك
وما قدرت لي فراقك اصل
يا حبيبه ليه
ليه قلبك قسا وكتمتِ ما تُخفيهُ عني
أنا عشت في حبك مقيم
ما عرفت نُكران أو تجني
ما عرفت غير حُبك غرام
وسرحت فيهو سنين بغني
وهبته دمعاتي الغوالي
وهبته عمري أنا وهبت فني
صورة العضو الرمزية
امال الناس
مشاركات: 27686
اشترك في: الأربعاء 2009.6.17 9:57 am
مكان: السودان

رد: اغنية عند سماعها او ترديدها نتالم

مشاركة بواسطة امال الناس »

شوفى الزمن يا يمة ساقنى بعيد خلاص
دردرنى
واتغربت
واتبهدلت يا يامة
ورينى الخلاص
ساقنى القدر منك بعيد
جرعنى كاس
يا يمه
يا فيض الحنان الما كمل
يا يمه
يا بدرى البشع دايماً يهل
يا يمه
يا نور الصباح وكتين يطل
واشرى يا (زينوبه) ولدك فى دروب الشوق كتل
محروم من الحب والمحنة
وراك همل

يا يمه
يا بحر المودة وكت يفيض
يا يمه
يا شعلة أمل زادت وميض
يا يمه
يا عنقود كلام منظوم قريض
يا يمه
يا نغماً حس بالشوق يرن وافكارى فيهو .. بيرتعن
دمعاتى شانو .. بينزلنواتذكرك يا يمه
فى الدغش النسايمو يهبهن
قايمى الصباح متكفلتى
شايلى الحليلى على المراح
والساعة ديك يادابو ديكنا بدا فى الصياح
والطير صغارو يغردن .جبتى اللبن بانشراح
واتذكرك يا يمه
ساعة الهجير صالاكى نار الدوكى
عُستيلنا الفطيررشيتى قلتى اكلوهو خير
واتذكرك يا يمه
يا بسمة الطفل الغرير وكت الخلوق ترقد تنوم
واسهر براى أرعى النجوم
والشوق يرف جنحيهو
بى فوق لى يحوم
هتف باسمك فى الخيال
طيفك كمان بي فوقى جال
واتمنى لو لحظات يدوم
لكنى فجأة القاهوو زال

واتذكرك يا يمه
ساعة الناس يجونا من البلد
ناعم ترابا على جسيماتن رقد
ريحة التمر فوق الهدوم
لون الخدار خانس لّبد
والشوق أوارو بيشتعل
كان ظنى فيهو يكون خمد
واتذكرك يا يمه والناس قالو قايمين البلد
رصو الهديمات ..عدلوا
ركبوا اللوارى وقبلوا
خلونى وحدى بلا أنيس
كيف انفرادى ..اتحملوا
شالوا السلام من عندى ليك وان شاء الله عندك يوصلوا

يا يمه
ساعة يوصلوا
ويقولوا ليك ..شفناه فى بلد الامان
مبسوط ورايق فى امان
أنبسطى يا نبع الحنلن
وانا حالى يشهدبو الزمان
يايمة رسلى لى عفوك ينجينى من جور الزمان..



صورة العضو الرمزية
امال الناس
مشاركات: 27686
اشترك في: الأربعاء 2009.6.17 9:57 am
مكان: السودان

رد: اغنية عند سماعها او ترديدها نتالم

مشاركة بواسطة امال الناس »

حبي انا ليك كان زادي كان جوه الحنايا دفين
كتن بضاري من الناس وخايفه عليهو من العين
عليهو انا كنت بصوم وافطر عليهو بكابد النارين
وكنت بحسب سنين الغربه ولما تعود تجيني متين
وكنت برجاك فوق النار لما وكت لقانا احين
نونس في براءة اطفال وفي الحب نروي ننهل زين
وكل مايوم ازيد البينا لما بقينا قاب قوسين
اتاري انا كنت فيك مخدوعه وكم من زيي مخدوعين
وما قايلاك تلعب بي تعيش اللحظه بس والحين
وماقايلاك حبيب الاف وقلبك قبله للضالين
وماقايلاك تنسي حبيب صبر راجيك سته سنين
كيفن هان عليك تنساهو زولا كان عليك حنين
تشغل بالك الاشواك لمن تزبل الياسمين
وكنت دايراك بسمه عريضه في وش الزمان الشين
وكنت دايراك وكت الحاره تبقي لي دخر خزين
وكنت دايراك مقنع حوبه وكتين المضاره ابين
وكنت دايراك فارس احلام تشاركني ونتم الدين
وكنت دايراك شريك الروح اخدمك حافية القدمين
وكنت بحلمبك انت معاي مجرتك بالعديل والزين
وجنبك في شمالك قاعده تسمع في دقر ياعين
تبشر زين مع الاصحاب وتتشبل من الوزين
وانا الابحرت راكبه الموج اكيد مرساي بين موجتين
وداعا ياسراب خداع محال مابيروي عطشانين
وداعا ياحلم عابر يسعد ويفرح النايمين
وداعا ياكلام معسول حدو ومكمنو الشفتين
وداعا ياسحابة صيف شايله مطر بليله رهين
تبشر بي مطر جايينا وياما الناس رجوهو سنين
وكل زولا يفكر فيها ومامعروفه تنزل وين
والف سلام عليك ياقلبي المسالم وديمه طبعو حنين
يتاورو الشوق ويلعب بيهو تنحر في حشا السكين
تعاودو الزكري تنتر جواه وحالو احنن المسكين
اخيرا ليك الف سلام قبل ماتجف دموع العين
وقبال مني ماتعدي وقبال الفراق مايحين
بخيت وسعيد عليك انشالله ويبقالك عمار وبنين
وقلبي انا خلي في اناتو بعدك ياما راجي انين
ولو كان ياقلب حبيت بعدو وبعد قسمت يمين
انشالله ماينتم ليك مراد وماتضوق لا حلو لازين
وعمرك ماتجيك سعاده وما تتهني قول امين
وتاني الحب عليك حرمان وعد الحر امانه ودين


صورة العضو الرمزية
امال الناس
مشاركات: 27686
اشترك في: الأربعاء 2009.6.17 9:57 am
مكان: السودان

رد: اغنية عند سماعها او ترديدها نتالم

مشاركة بواسطة امال الناس »

القدر في يوم فرقنا
يوم بقيتي هناك براكي
أنا أصلي لو بالإيد بسافر
كان زمان سافر معاكي
إلا سفرك قاسي دربو
وكان سفراً من غير رضاك
يمة آه من حالي بعدك
يمة أنا اتعذب وراكي
كنت بفتش عنك أسأل
وماني عارف سر مداكي
أنا كنت فاكر الرحلة برهة
وتاني ترجعي لي جناكي
إلا سفرك قالوا أبدي
يستحيل طبعاً لقاكي
يمة كنت دايرك قريبي
يضوي دربي بها ضياكي
لما أبكي تسكتيني
أنا لو أبيت بيزيد بكاكي
من حنانك أروى أنهل
أشرب وأصغى أسمع من غناكي
يمة دا المكتوب عليّ
إني أحيا وأعيش بلاكي
لازم أرضى القاسمو الله
مهما ضقتا الويل وراكي
وياني ساير فوق دريبك
مهما إبتعدت خطاكي


صورة العضو الرمزية
امال الناس
مشاركات: 27686
اشترك في: الأربعاء 2009.6.17 9:57 am
مكان: السودان

رد: اغنية عند سماعها او ترديدها نتالم

مشاركة بواسطة امال الناس »

مرام مرقت على الجيران
ومرن ديل كم ساعات
غابت نجمة الضيفان
واكتست الارض ظلمات
مرام ما جات…!!
حكاية كان وياما كان
حكاية تشيب الولدان
حيرت الانس والجان
وبرهنت انو ما في امان
رجع وأد الطفولة زمان
زمن عبدة(هبل)و(اللات)
بعد لبست جديد في جديد
مرام مرقت تبارك العيد
وقفت سمعتنا نشيد
حلاوة موبايلا الفي الايد
مع التسريحة والباندات
اتاريهو الغدر منصوب
مسطر ومافي منو هروب
برغم رضانا بالمكتوب
ده غدر ما وراهو سكات
بدون إنزار..بدون اسباب
مرام غدروها جمب الباب
مرام هجمت عليها ذئاب
طباعم من شريعة الغاب
ملاكاً حولوهو رفات
قلوب لا رحمة لاإحسان
مدبجة بي صفات شيطان
وظهرت قدرة الرحمن
محل اسنانها هو الاثبات
دريبها على الارض منقوش
سريرها من العصر مفروش
معالمو باقية وسط الحوش
ملابس الروضة واللبسات
بعد شمس العصاري تغيب
مرام كانت تودي تجيب
عندها بسكويت وحليب
في تلاجتن راقدات
وحيدة اخوانا والوالدين
عليها يخافو متمنين
تتعلم تتم الدين
وليها يوزعوا الشربات
*******
يا صاحباتها وينها مرام
سماح يادوبو فرهد قام
عمير ما تم خمسة اعوام
ملازماها البراءة سمات
عيال الروضة ياسمحين
لمن جيتو متماسكين
ما شفتوها راحت وين
مرام سرقت منام العين
مرام حرقت حشا الامات
وليه بتقول مرام ما جات
*******
مرام كلما وجيها يلوح
تبق جوانا احساسات
مرام بقت القلب والروح
سحابة تخدر البلدات
مرام غصة حلق مجروح
تقوقيها القميريات
مرام صفحة كتاب مفتوح
يقروه الطلبة والطالبات
مرام عصفور يئن مجروح
ما شفعها الدمعات
مرام جزء من (محمد) و(نوح)
و(تبارك) و(عم) و(النازعات)
مرام شربت محاية ولوح
وفي ساعة المغيب بخرات
مرام دعاء للجميع مسموح
بعد ما تكمل الصلوات
مرام حاتظل سؤال مطروح
جوه بيوتنا والطرقات
مرام حاتظل سؤال مطروح
وسط اولادنا في الجامعات
مرام حاتظل سؤال مطروح
موجه للشباب بالذات
وليه بدت السماحة تروح
إرث اجدادنا والعادات
*******
اخيرا داير اجيز القول
منو المسؤول..؟؟!!
تقول دي ثقافة البتر
ولا سيف العولمة المجهول
الدجتل مع المحمول
افلام فاضحة والمسكول
عموماً…….
بيوتنا في فك غول
مخيف اسموا الفضائيات
ومرام ما جات..!!

صورة العضو الرمزية
امال الناس
مشاركات: 27686
اشترك في: الأربعاء 2009.6.17 9:57 am
مكان: السودان

رد: اغنية عند سماعها او ترديدها نتالم

مشاركة بواسطة امال الناس »

أنا ما كنت داير الاغتراب
لكني مجبور ابتعدت
حسيت متل غمز الحراب
وفي أنه الصبر النكد
أرجع وأقول إنتي السبب
قلتيها لي ما بترضي بي
عيشة وسط
دايرها فوق عيشة رغد
قاريهو في عيون الصغار
طلباتم الما ليها حد
حسيتو في عيناك سؤال
احترت ما لاقيلو رد
نظراتك الحادة النبال
سيطان بتلهب في الجسد
وانا كنت صابر زي بلال
كان ردي ليها أحد أحد

الكاتمو في جواي كتير
من حرقتو الجوف اتهرد
ما كنت قاصد أقولو ليك
لكن لسان الحال سرد
ما بنسى يوم ودعتكم
وبي حسرة غادرت البلد
ختيت على جرح الفؤاد
فُرق البيات والولد
ما اعتدت أفارق للصغار
والوجعة فرق الفي المهد
زفر القليب آهات حزان
حسيتبو جواي ارتعدت
كان انتي شوقك لي بحر
كيفني انا المكتول كمد
خليت لك الروح والقلب
سافرت بي باقي الجسد

عارفك حريصة على العيال
فوقك بعد الله اعتمدت
في الحارة تسوي لك رجال
للمايلة والمحتاج سند

اتغشن القالن وراي
هلن لي نجمات السعد
ما اتغربن وضاقن معاي
مر عيشة الهم والنكد

لو عني كررتي السؤال
أنا بني وبين الفرحة سد
سهّيت وغايتو علي حال
يعلمو الفرد الصمد

عزّابي في قاطوع صغير
في ضيقو زي ود الأحد
في السوق صباحات الله خير
حايم وازازي بلا غرض

الزي بيهو الليل يطول
يتقلى فوق جمرو الوقد
اتوقعي البجي ليك يقول
في الغربة محبوبك فقد

البي ده ما بيغباهو زول
يحكيهو طرفي الما غمد
سنتين افتش في كفيل
لي حالي فد زول ما نشد

في التالتة رب العزة قال
حامدنو حلال العقد
مكتب ولا كان في الخيال
في الفارهـ الدور قعدت

عربية والراتب كبير
ورابطلي خرزة من الحسد
بليت عروق قلبي المرير
عِزة ورفاهية وسعد

لكني يا حظي التعيس
تميتلي شهرين واترفدت
قالوا الوظيفة اتعممت
محجوزة لي أهل البلد

شوفي الضرايب فوقي كم
كان جيت أفكر في البلد
وزي الكلام ده يزيدني هم
ويرفع لي إفراز الغدد

قوليها لا تهابي الحروف
كان في غيابي الشوق برد
البي ده كلو من الظروف
والله ما لي فيهو يد

اليبقى في فرش الحرير
ماخدنو من فك الأسد
بي ضحكة في ابواب جحيم
لي دمعة اتبلابه خد

أنا شان رضاك أرحل بعيد
لي غربة لي دمعة وسهد
وأنا فيها ساهي البال شريد
أفكاري فيكم وفي البلد

سامحيني لا تابعي الظنون
ما زلنا بيناتنا الوعد
والغربة من أجلك تهون
وطعم العذاب يصبح شهد

جوابك الظاهرو الوداد
كاتباهو بي دمع الحرد
يجي ردو في نفس المعاد
نتلاقى طيارة الأحد

الكاتمو في جواي كتير
من حرقتو الجوف اتهرد
ما كنت قاصد أقولو ليك
لكن لسان الحال سرد..


صورة العضو الرمزية
امال الناس
مشاركات: 27686
اشترك في: الأربعاء 2009.6.17 9:57 am
مكان: السودان

رد: اغنية عند سماعها او ترديدها نتالم

مشاركة بواسطة امال الناس »

يوم ضليتي درب الريد * منوالرجّع خطاك هدّاي
وختّاك في سواد العين * وغتاك بي رموشو بلاي
ضماك بي حنان دفاق * علي صدراً حنون لولاي
وصداك عن طريق مشبوه * علي قمم الضلال ودّاي
انا الدّليت قليباً ليكي * تائـــه لافـــهم لاراي
انا التكنت فيهو الريد * وحدّر في جداولو دماي
سمدتو الحنين والشوق * وساهر في سقايتو براي
وفرهد في رعايتي اخضرّ * الا قطف ثمارو سواي
انا اللملم شتات قلبــك * ومابتلم كان لولاي
انا الضميتو وكت الصدمة * من دون الخلوق واساي
سقيتك سلسبيل الريدة * لما براكي قلتي كفاي
ويوم هبت رياح الهم * ملاذك من سموما ضراي
انا السويتو كان في الصون * وكان محفوظ سنين جوّاي
ومافي النية كان القول * ومابتـــحدث الســوّاي
الاّ صحيح قيلب البت * يعاهدك ومن وراك خازاي
وقلبك هو الجبرني اقول * بعد صدّ وصبح جافاي
حرام بعد البنيتو معاك * بعد اخلاصي آآه ووفاي
اتحرّق قليبي اسي * ويكون موت الاماني جزاي
عشقتك بي صدق إحساس * شلتك غنوة في جوّاي
واتحديبك الامال * بقيتي بدل اماني مناي
ويوم سافرت جيتي براك * تلملمي في دريبي وراي
وتبكي من الالم وغالبني * اقاوم بالرجالة بكاي
واترددت اني اعود * لكن الوطن ناداي
دا ريدو مكبل الاحساس * ومنساب حبو جوة دماي
ودعتك لي الله يوم سافرت * شايل لي همومي معاي
وعُدت انا بي رجل مشلولة * كانت في الحقيقة فداي
جيتي قعدتي جمبي وتبكي * عينيك جدولن جراي
حسيت انو ريدك لي عظيم * عظمة وليد فدّاي
وماداير بلاكي سعادة * جمبي وجودك انتي حداي
شلتك في عيوني الساهرة * في كل لحظة كنتي معاي
بنيتا عليك قصور امال * تلاطع بي جمالا رؤاي
اشيد في قصور احلامي * وانتي تهدي تاني بناي
وسمعو الناس حكاية ريدا * طالت بي غبارا سماي
سألتك لما فاض الكيل * هل حبيتي تاني سواي؟
سكاتك طال بلا ساسباب * قايل السكات فوق راي
اتوقعت منك كلمة * تشفي جروحي تبقي دواي
ولما نطقتي مابترجيني * اصبح استحالة شفاي
قلتي لي ايوة عشقت مبرجاك * خليني النشوف دناي
وفجأة كسي البسيطة ظلام * لقيت في الدنيا نفسي براي
فقدتك في زمن كت فيهو * محتاج ليكي تبقي حداي
ودايرك كل انامل حانية * تمسح لي دمع جراي
ودايرك في ليالي الآهة * تبقس لس حضن لولاي
ودايرك لي جروحي الغيرة * تبقي علاجي والداواي
ودايرك للجزء المفقود * تبقي بديل تتمي اعضاي
علي زمناً قضيتو معاك * ياخداعة وآآاسفاي
ومالبيتي يوم ناديت * انا الكت لي نداك لبّاي
وكان وقع الجسم وانشلّ * ماماتت شموعو رجاي
وكان ذاب الجسد بالعلة * مابيصدي الدهب جوّاي
وكان ماتت شموع الفرحة * لا زال العشم ضوّاي
وكان شاخ العمر والله * لسه قليبي في التاتاي
وكان حير طبيبي الحال * ماعند زول بشوفو دواي
وكان فييّ الامل مفقود * صبر ايوب بلاهو عزاي
زي ماجاتو ريح الرحمة * يبقي تهب كمان تالاي
استنشق عبير انساما * انصح والقي فيها شفاي
وكان زاد الزمن كان قلّ * لسه انا في رجاها تراي


صورة العضو الرمزية
امال الناس
مشاركات: 27686
اشترك في: الأربعاء 2009.6.17 9:57 am
مكان: السودان

رد: اغنية عند سماعها او ترديدها نتالم

مشاركة بواسطة امال الناس »

عـــافــيـــة مــنــك وراضــيــة عنــك سـو رضايـا
ومـــا بـيــخــــيـــــب الـرضــا والـدتــو يـا جــنـايـا
أنت مـن يـا دوب صـغــيـــر مـن زمان دايماً مـعايا
أنــت ديـمـه أمـامـي سـايـــر مـا بخـليـك بـي قـفايـا
ما بتغيب من عيني لحــظـة ولا حصـل سبتك ورايا
لا من الله يشيـل أمانتوا أنا بـبـقي خاصاك بالرعـاية
ليَ يــرعــاك الـبـيـــرعـي لـيَ بـيــك يبـــرد حشايـا
أصــلـك أنــت هـديــه مـنـو والله بـيـك أجزل عطايا
جيـتــنـي واحـد مـالـي تــانى رحمـه في آخر صبايا
قـبــل مــا أفــقــد قــدرتـي وقـبــل مـا تنـهـار قـوايـا
جيـتـنـي ذي بــدر منـور وفجـأة طلـيــت فـي سمـايا
انـت لــمـا خـلاص كـبـرتـا دار تسيبني أعيش برايا
دار تـفـارقـني وتـسـافــر والـحــزن يصـبــح جـزايا
كيف يـهـون لك تحـزن أمـك شـان تحـقـق ليـك غاية
كان مسـافـر شـان عـلاجي بـلـقي في شـوفتـك دوايا
وكان عشـان تـســقـيــنـا نهـلك نحـن بي حنـك روايا
كان عشـان كــرعــيــنـا راحـل نحن بي بـعدك حفايا
كان مهاجـر شــان تـعـرس خـيـر أبـوك مالي التكايا
خـيـرو وافـر أبــوك يحـمـدوا مراحو مليـان بالسعايا
وبالـقروش الجـيــب مـجكن ولسه برضو الجايا جايا
بـرضـي مــنــك مـا بـقـصـر بـحـفــر أديـــك المعـايا
كــان ده كـلــو كـمــان شُـويّ بـتلقي في دهبي الكفايا
أصـلـي مـن ســويـتــو نــاذرا إبـقـي لــي أيـام قسـايا
خـاتـــا للــزمــن البـعــانـد لـي سعــادتــك يــا عشـايا
أنـت مـن شبـيـت صـغـيــر راسـي مـا بتحتاج وصايا
مـا حـصـل خيـبـتــا ظـني ولا فشــل فيـك زين غنـايا
لا تسـيـب أمــك تـهـاجــر يـمـه محـتـــاجــي الحـمايا
لا تسـيـبـني وراك تـرحـل إنـت يـاك ضُـلـي وضرايا
أنـت فـوق الـحـوبــة مـقـنــع إنـت للـمـكشـوف غطايا
دايري مـنـك تـبــقـي جنـبي . جنبي في فـرحي وبلايا
دايـري كـان قحـيـت اتـبـنـك ارفـع اقـســمـلـك غـتـايا
أنت سـاعـة تـبـقي جنـبـي تـبـقـي ضُـلــي وتـوب قفايا
ومـا بخــاف ظـلـم الـلــيــالي وأنـت يــاك عكاز عمايا
دايـري أقـضـي عـمـيـري جنـبـك أصـلو قارب للنهايا
خـايـفـي كـان ســافرتـا ترجع تلقي فـاضي البيت بلايا
حـيـنــا مـا بتـنـفـع قـروشـك وما تجـيــب لك أم سـوايا
مـاني عــارفـي سـبــب رحـيلك يـا وليدي شنو الحكاية
إلا تبـقي بـــراك شــايـف فـي فــــراق الــوالــدة غـايـه
ما بعاتبك وما بلومك لو رحلت بلـقي في الأمثال عذايا
عـلـي حـجــر دايـمـاً قليـبـك وقليـبـي كـله عليـك جنـايا

صورة العضو الرمزية
امال الناس
مشاركات: 27686
اشترك في: الأربعاء 2009.6.17 9:57 am
مكان: السودان

رد: اغنية عند سماعها او ترديدها نتالم

مشاركة بواسطة امال الناس »

رويان من قليبك يمه
شوق وحنان وريــد
وغرقان من عفوك والله
من ماقُم وليــــــــيد
تفضل في القب ذكراك
مهما فُت بعـــد
وكل مازاد عفوك علي
أقول هل من مزيــــد
ماسافرت شان ارتاح
أعيش هاني وسعيــد
ولا هم العرس يايمه
كان بيت القصيـــد
لا تقولي ان فات خلاك
جافاك الوليــد
شاغلاه المدائن العايمة
أسراتنو غيــــد
مابشغلني عنك حاشا
لا مال لا وليـــد
ولا بتمنعني شوفتك يمه
أغلال الحديــد
ماكان قصدي اهجرك يمه
لما رحل بعيـــد
قصدي امسح دموع بالحسرة
جاري علي الخديــــد
لا تلوميني كان قصرت
اتاخر بريـــــدي
ماهو جفا السبب والله
مانسيان أكــــد
بينك وبين وليدك يمه
بالو صبح شريـــد
بين يرضيك وبين ياوالدة
يرضي طموح عنيـــد
رضالك يايمه كل مناي
وغاية ماأريـــد
وتحقيق الهدف مابيبقي
بالتمن الزهيـــد
يومي قليبي في ذكراكي
يجترّ ويعيـــد
طيفك مابيبارح لحظة
حاميني الغميـــد
الله براهو عالم يمه
مشغولبك شديـــد
ومناي جمبك أعيش والله
لو كان لي ايـــد
لازم يمه انسيك الشجن واللوعة
والفرح الوئيـــد
لازم تنسي زمناً فات
وتعيشي زمن جديـــد
لازم كل تعبك فيي
اتعبو فيك وازيـــد
ولازم اشيل همومك يمه
والبسك الجديـــد
دينك فوقي مابتحلّ
لايوم الوعيـــد
شباب فدك وماكفي
ليك عمري الوحيـــد
مابتلهيني عنك دنيا
مابيمسكني قيـــد
ما إنتي الفرح والراحة
والهوي والرصيـــد
ليك سلامي مامحدود
من الارقام يزيـــد
عدد ذرات تراب الكون
جبال وسهول وبيـــد
عدد ما أشرقت انوار
وطلّ صباح جديـــد
وعدد مانسمة هبّت باكر
وداعبت الجريـــد
كل مناي تلقي العافية
والعمر المديـــد
وتفرحي بي يوم الفال
وتباركي لي الجديـــد
يوم داك بالفرح نتلاقي
ونتقاقلد شديـــد
وتبقي الدنيا بسمت ليّ
وجات زي ما أريـــد
جاييك جاي لي عينيك
منها ما أحيـــد
ومنها نستمد الراحة
ومنك نستفيـــد
ويتمدد فرحنا ويبقي
عمري انا كلو عيـــد
وفي حضنك للدنيا
لون وطعم جديـــد

صورة العضو الرمزية
امال الناس
مشاركات: 27686
اشترك في: الأربعاء 2009.6.17 9:57 am
مكان: السودان

رد: اغنية عند سماعها او ترديدها نتالم

مشاركة بواسطة امال الناس »

لابإيدك لابإيـدي * دا الزمان الاختار كدي
نفترق والفرقة حارة * ونرضي بي حكم الارادي
فراقك يوم فراقك طعنة * كانت غايرة في اعماق فؤادي
شلت الاشواق وصابت حبي ليك * وسامي ريدي
رغم اني بصوم عليهو * وكان فطوري وياهو زادي
وكنت حافظة جميع عهودك * وانت جرت نقضت عهدي
اصلو قالوا البادي أظلم * وانت جيت بي ظلمي بادي
وانا شفت من بعدك مصائب * كنت فوق نيرانا قاعدي
انا من أوارا فرش لحافي * من لهبا طَبق وسادي
والفرح نافر مجافي تملي * شارد مني غادي
زي سراب احلامنا ودع * لاوقف لاداير يهدي *
علي مصايبي تراني صابرة * والبيصبر الله بدّي
الله بس ياهو البيعلم * بي نزيف قلبي وسهادي
وياما ساهرت الليالي * وبي نواحي نجوما شاهدي
ساوية من زكراك غطايا * وفوق لحاف احزاني راقدي
ويازماني كفاية ارحم * فيّي شمت الاعادي
خلي ماضينا اليروح * زي سحابة صيف يعدّي
انا ماني دايري اعيش * زمانا فيهو ماينتما قصدي
ماني دليري اعيش زماناً * ماعرف قيمة وجودي
ماني دايري اعيش زماناً * سدّ بيني وبينو وادي
ماني دايري اعيش زماناً * زكراهو توارّا ومعاودي
ماني دليري اعيش زماناً * ماعرف قيمة وجودي
دايري انسي الذكري زاتا * رغم انها في خالدي
انا اعتزلت الريدة بعدك * وفي الغرام حصلت حدّي
الغرام حرمان عليـــّا * انا من زمان طاراهو عهدي
كيف انسي مرة تانية * وكان قبل دا انا ضقت وحدي
دابي من تعزيبك ارتح دابي * وتاني كيف ارجعلو صادي
الكرامة وقيمي ترفض * وكبريائي والمبادئ
انسي زي مانسيتك اسع * وصرت انسان عادي عندي
وعاند الزكري الاليمة * تراني لي زكراك معاندي
كل ماتملك مشاعر * لي شريكة عمرك ادّي
وابقي عشرة علي شريكتك * ابقي ابدا معاها جادي
مهما فات بالزول خيالو * العقل ياهو البيهدي
والقليب كان راد وحبّ * تاني ماظنيت يعادي
دا الحبيب كان صحصح * للحبيب بالروح بيفدي
دي الحياة وسنتا ياحبيب * مرة تاخد ومر تدي
لا الحناسة تجيب رضاها * ولا بتجيب احكاما شدّي
ويوم حناضل القوز طعيمة * ويوم مزاق اياما شهدي
لينا شاهرة تملّي سيفا * وفوقنا حكم اقدارا حدّي
والفرح لحظاتو عامة * والحزن تمشيلو فردي
ابتسم وامسح دموعك * والحزن ماأظن بيجدي
والفراق لسع مواصل * لا انتهي لا بينا مبدي
ولا بايدك ولابايدي * ودالزمان الاختيار كدي
صورة العضو الرمزية
امال الناس
مشاركات: 27686
اشترك في: الأربعاء 2009.6.17 9:57 am
مكان: السودان

رد: اغنية عند سماعها او ترديدها نتالم

مشاركة بواسطة امال الناس »

القلب الجريح الديمه ينزف فى دماهو
اشرح لى بس ورينى ايه ذنبو الجناهو
حافظ لى زمان العشره ذاكر ما نساهو
وكيف تنساهو انت يا روحو ليه بتزيد شقاهو
كلما ا شرق صباح يا روحى قلبى يزيد عناهو
وانت القاسى ما راعيت كفاهو عذاب كفاهو
مره اطراهو انت طبيبو فيك يكمن شفاهو
ومن غيرك محال ينصح يطيب ويجد دواهو
ده الزول القبيل حباك فى جهلو وصباهو
ليه خليتو عاش وحدانى كيف اختر سواهو
بانى عليك حياتو قبيل و فاكرك كت معاهو
حرام تنساهو والله حرام تهد ماضى البناهو
اساهر الليل ويشهد لى نجمو الفى سماهو
وانوح حدى الصباح عينى النوم ماب تراهو
باكى الماضى ديمه بنوح حكيت فاقد جناهو
وين زولى الوسيم دلونى عيشتى جحيم بلاهو
حليلو ويا حليل الماضى فى ودو وصفاهو
وطريت برقو البشيل عبادى من تبسم سناهو
وفرعو البان رشيق يتنى مال هتف نداهو
وضميرو الزى جدى الغزلان بعيد ضارب خلاهو
ضلام الليل سبيبو سوادو مسدول فوق قفاهو
مهما طال عذابى انا برضى دايما فى رجاهو
صورة العضو الرمزية
امال الناس
مشاركات: 27686
اشترك في: الأربعاء 2009.6.17 9:57 am
مكان: السودان

رد: اغنية عند سماعها او ترديدها نتالم

مشاركة بواسطة امال الناس »

يانسمه مين غيرك يكسر حواجز البين
يتحفني بي اخبار مريودي نور العين
طولته مستني يكتبلي لو سطرين
يحكيلي كيف حالو وان شاء الله هو زين
مفروض يكاتبني مهما اكون انا وين
حسب اتفاقنا الكان يوم كنا متفارقين
رسلته مكتوبين ما جاتني أي ردود
ان شاء الله مانعو هو خير لا يبقى صد وجحود
يا حليلي انا الممكون وصابر على ناري
وكل ما ادس حزني تفضحني اشعاري
وكل العلي والبي اسبابو من جاري
ويومي الاقصر انا ما بيقبل اعزاري
يا نسمه قوليلو الحال وراك مايل
والليل بلاك ليلين وديمه الدمع سايل
قوليلو يومك داك يومي البقيت راحل
ماقلت لي الرد ما تشيلو هم واصل
يا نسمه عارفاني مكتول ضناني الشوق
للبلد من جم صلحاب كري والسوق
عمرابنا والقوزين ليهن سلام مطبوق
خاصه المحطه تحت وقز ام شديرة الفوق
شوق البلد جواي يا نسمه ازاني عديل
خلاني ابكي وانوح كل ما اشوف النيل
اطرى الجروف والناس تنزل دموعي تسيل
يمارى لي منظر منقه و قرين ونخيل
يا نسمه شفتي البي وتابعتي بالتفصيل
ارجوكي سافري خلاص واوعك من التاجيل
برجاكي فوق نارين حزني وظلام الليل
وبصبر لي يوم يومين فيها الله بيه كفيل
صورة العضو الرمزية
امال الناس
مشاركات: 27686
اشترك في: الأربعاء 2009.6.17 9:57 am
مكان: السودان

رد: اغنية عند سماعها او ترديدها نتالم

مشاركة بواسطة امال الناس »

عذرتـك فـى الخطـاب الجايـى منـك شكـوى مُـرة
يحكى مأساة بعدى عنِّك .. وكل سطورو مآسى تتـرى
والدموع غطت جوانبـو.. وكـل كلمـة معاهـا عبـرة
زادت الحزن البعيشو .. وسـود لياليـى زادو غبـرة
وصرت ألعن فى ظروفى .. وجور زمانى الزادنى حسرة
وقلت لازم بكرة أرجع .. بكرة توصل ليكـى بشـرى
داير أقفِّل باب عذابنا وليـك أعـود يـا أحلـى زهـرة
وننسى أيام التعاسة .. ونهنـى بيـن عثمـان وسمـرة
ما شفتى فى الغربة .. العذاب زايد على شـد العصـب
وأنا ما قصد رد الخطـاب بـس السكـات زاد التعـب
وماكى البراك يا ست هواى عندك لسـان الحـال غلـب
أنا بعدى عنك نار مولقدى فـى حشـاى عديـل لهـب
من قمت فارقت الديار .. وركبت فـوق درب الصعـب
وخليت ناس غاليين عزاز .. هم عندى أغلى من الدهب
مردومة فوق راسى الهموم وفى غرفة الشقـى إنصلـب
ما كنت عارف كيف أكون .. وأنا للنتايج مـا حسـب
أنا مانى راضى أفوت وأسيبكم .. لكنى مجبور واتغصب
جبرتنى ساقتنى الظروف .. والعيشة والحـال الكعـب
وطلباتك المـا ليهـا حـد .. وحـال العيـال الإتقلـب
بنيت آمالى العراض .. للمـال ألـم ..واقضـى الإرب
وأبنى القصور ليك والعيال .. غرفن تكون متحف لعـب
وأبقى المعلم فى البلد .. وراس مالى يا عجب العجـب
لكن خطايا اتعثرت .. وحظـى التعيـس كـان السبـب
وأسع وكت جانى الخطاب .. شلّ الفكر وعقلى انسلـب
وخلانى فوق جمر العـذاب إتقلَّـى شقيـش مـا اتقلـب
زاد العلى .. نوحى وشقاى وخلانى من حتفى اقتـرب
وقررت أعود .. قبل النـدم وقبـال يضيـع المكتسـب
وطايرى القروش وكتين تكون فى هد حياتنا هى السبب
صورة العضو الرمزية
امال الناس
مشاركات: 27686
اشترك في: الأربعاء 2009.6.17 9:57 am
مكان: السودان

رد: اغنية عند سماعها او ترديدها نتالم

مشاركة بواسطة امال الناس »

انا المأساتي ما بتتقال بقيت احسب عميري الفات
عزب لا حفله لا شبال
لقيت الـراح كتيـر وكتيـر مـرق لا زوجـة لا اطفـال
ترانـي فـى مهـب الريـح مريكـب لا فحهـا الـشـلال


بقيـت مسحـور عيونـك ديـل اتحجـر بقيـت تمـثـال
وافتـش فـى مكانـك ويـن لقيتـك فـى قليـبـى هـنـا

انا الجرب مآسي الغي تعال شـوف كيـف حفـن كرعـي
وانـا اتبشتنتـا يـا خـلاي فـوق درب الفريـع الـنـي

بقت لى مع العيون قصـة مخلفـة فـوق جروحـى الكـي
خيالـن مـادوام نافـر يحلـق فــى خـلاهـو الـصـي

ولا قـادر افـيـق وارجــع ولا قــادر ادارى الـبـي
واشوف غيمك انا العطشان واقـول هسـع يجينـي الـري

وافكر فى امـور الحـب وادور فـي ساقيـة غيـر معنـي
يـا حليلـى انـا حليـل ايـام سعادتـي معـاك وكــت

كـان الزمـن بـسـام يـشـاور لــى دوام ضـحـاك
يضمنا كان هدوء الليـل هـو لا حـس همسـة لا كـوراك

لقيـت يـا قلـب زولـك بـعـد وجـعـك لقيـتـو دواك
اتاريهـو الزمـن دولاب قسـي ورجعنـي الـف سـنـه

طريـتـا انــا طـريـت السمـحـة بـيـن اهـلـهـا
وكت تنـزل وكـت تطلـع مـع الحـوب يجتمـع شمِلهـا

تـمـد ايديـهـا للمنـقـة تـداعـب للجـريـد قبلـهـا
وماهماهـا زولا فـات يقاسـي الغـربـة مــن اجلـهـا

ماخلانـي ابتليـت بـي ريدهـا افتـل فـى حبـال رملـه
كمان خايف الجنون يحصـل تفـوت عقليتـي بـى قبلهـا

بوريكم مآسي غرامي عشتها وعمرى كان تمنها
*********************
وانــــا الـمـأسـاتــى مـــــا بـتـتـقــال

صورة العضو الرمزية
امال الناس
مشاركات: 27686
اشترك في: الأربعاء 2009.6.17 9:57 am
مكان: السودان

رد: اغنية عند سماعها او ترديدها نتالم

مشاركة بواسطة امال الناس »

لا شوفة تبل الشوق ولا ردا يطمّن
أريتك تبقى طيب إنت ، أنا البي كلو هين


قليبا لي رهيّف عارفو ماب يحمل حنيّن
إنت ماب يغباك حالو الفيهو كل البيهو بيّن

بقيت مالي غير أشعاري أكتبه فيك وأدوّن
أقول يمكن تزيل ما بي ولاّ قليل تهوّن

ومالكن يا قماري بتشدن إيش لازمة تغنّن
نغيماتكن تهيج أشواقي للعينين يبكّن

بدّيكن وصية أمانة لي سيد روحي طيرن
ترا الحال العي شفتنو قولن ليهو أحكن

قوليلو السحب في روضو ما عادن يكبّن
وأضحى محل خراب ما فيهو غير زهرا مضبلن

قولن ليهو ليلو طويل .. طويل.. طولا يجنّن
لا قمرا ظهر في سماهو ، لا نجمات يضوّن

وكل ماليهو يتصبّر يقول أيام يعدن
يمنّي لنفسو بي لقياك ولاّ ترد لو يمكن
أضف رد جديد

العودة إلى ”منتدى الاغانى والكليبات العربية و الاجنبية“