مصـرع عروس بفستان الفرح !

خاص فقط للنساء....الزينة..الموضه..الاخبار..تبادل الافكار..التعارف

المشرف: بانه

أضف رد جديد
صورة العضو الرمزية
زهره العلا
مشاركات: 205
اشترك في: الاثنين 2013.7.15 9:10 am
مكان: السودان

مصـرع عروس بفستان الفرح !

مشاركة بواسطة زهره العلا »

خبر مفجع قريته من حوالي شهرين وهزني اوووى




حادثة على كوبري أكتوبر اودت بحيات عروس بفستان فرحها وهي راجعة لعش الزوجية



اللى ياما حلمت بيه



والفستان بدل ما هو أبيض بقى أحمر



يااااه على الدنيا سبحانك يارب واستوقفني شىء




اننا قصاد احتمالين:



الاحتمال الأول : ان العروسة دي كانت عاملة فرح كبيررر ورقص وتنطيط وسلو وصلصة


ووو......



الاحتمال التاني : ان العروسة كانت بتخاف ربها مرضيتش تغضبه حتى فى وسط فرحتها

خافت كل المعازيم دول يكونوا فى ميزان سيئاتها هى وزوجها او انها تبدأ حياتها الجديدة بمعصية


حسيت انها ملكة مكياجها وجسمها وشكلها وجمالها مينفعش كل العيون تشوفه


لأأأ ده لجوزها وبس مش فاتحها معرض النظر للجميع





طيب انا ليه كتبت الموضوع ده؟



كتبته لانى امبارح بالصدفة جات جارتنا تورينا فرح ابنها


ياااااه على كمية الرقص والمعصية اللى فيه


والشباب مش مبطلة رقص


والعروسة مش مبطلة رقص


والعريس مش مبطل رقص


حتى اهلهم مش مبطلين رقص



والله انا كنت حاسة انها مسابقة رقص واللى هيرقص اكتر هيخد جايزة


لا والعريس فرحان بعروسته وهي شغالة الله ينور والشباب كلها عينهم عليها



فــــين النخوة ماتت فى 73 :نقره لعرض الصورة في صفحة مستقلة.. فيين الرجولة ماتت فى يناير 25 نقره لعرض الصورة في صفحة مستقلة



احناا ليه مش بنتعظ :( يعني تخيلت ان لو كانت هى دي العروسة اللى توفيت ياترى هتكون خاتمتها ازااي




ياعروسة انتى فاكرة انك ضامنة عمرك لثانية قدام .. والله الواحد ماضامن عمره



ياعروسة خدي عبرة من عرايس كتيرر قبلك



ماتوا بفستان فرحهم :(



ميهمكيش كلام الناس وانهم هيقولوا عليكي معقدة والكلام ده


خلييكي مع ربك -ارضيه ..



يعني العروسة اللى ماتت دي محدش هينفعها دلوقتي لو كان فرحها مختلط ومتبرج


محدش هيحاسب عنها فى قبرها اللى هتبات فيه فى ليلة فرحها : (



بالعكس والعياذ بالله ده ممكن يبقى سوء خاتمة لها
وأقصى حاجة الناس هتعيط عشانها أسبوع ! شهر بالكتير ! وبعدها هينسوها
وهي تتحاسب عن كل معصية حصلت فى قاعة الافراح ولا حول ولا قوة إلا بالله



مستنية أيه لسة عايزة تعملي فرحك هشك بشك بعد اللى سمعتيه !!!


وغير ده كله على فكرة اللى بيبدأ حياته بمعصية ربنا مش بيباركله


انا اعرف ناس كتيرررر عملوا افراحهم كده واقسم بالله ما في حد من اللى حضرتلهم فرح متبرج


اإلا كان في شىء بينغص حياتهم ( تأخر إنجاب – مشاكل مع الاهل – مشاكل زوجية ...)



غير اللى بيبدأ حياته من غير معصية

ممكن حد يقولي عادي بردوا بيحصلهم مشاكل
بس هقولك حاجة حتى لو حصلهم مشكله بتلاقيها اتحليت لوحدها او مش بتكون بنفس حجم المشاكل التانية


يعني مش بتستمر كتيررر عكس من بدأ حياته بمعصية



يعني مثال على لسريع عندي 2 قرايبي اتجوزوا فى وقت قريب من بعض
واحدة بدأت حياتها بفرح مختلط وكله رقص واغاني وهيصة



والتانية مرضيتش تعمل فرح خالص رغم انها زمان كانت بتنتقض كل اللى مش بيعملوا افراح


بس سبحان الهادي : )

واصرت انها لاتعمل حواجبها كمان وفعلا كانوا ناس عمالين يتريقوا عليها انها مش هتعمل فرح ولا اغاني يعييني مسكتوش تريقة وغمز ولمز عليهانقره لعرض الصورة في صفحة مستقلةوهي يعنييني لم تبالي
ومن ضمن اللى كانوا بيتريقوا العروسة التانية اللى فرحها مختلط ..



والحمد لله مهتمتش بتريقتهم واول ما تزوجت ربنا رزقها بالحمل وبطفل زي القمر الكل بيحبه جداااا وزوج ما شاء الله اخلاق وتدين



في حين البنت التانية حملت وخلفت ولكن سبحان الله ابنها ملهوش اي قبول بين الاطفال سبحان الله


وزوجها معاملته صعبة جداا معاها وضرب واهانة ولا حول ولا قوة إلا بالله

وللأمانة ان فى ناس مش بتكون تعرف ان الافراح دي حرام ولما بتعرف بتووب وبتندم وبتستغفر كتيررر

التوبة النصوح تجب ماقبلها ويقبلها الله تعالى مهما كان نوع الذنب





هنهي الموضوع بجملة واحدة ( من ترك شيئاً لله عوضه الله خيرا منه )




نسأل الله ان يغفر لنا ويجيرنا من عذاب النار


ويجنبنا الفتن ما ظهر منها وما بطن


ولا تنسوا نشر الموضوع فالدال على الخير كفاعله ...

منقول
صورة العضو الرمزية
نسيم الشمال
مشاركات: 26385
اشترك في: السبت 2011.6.11 9:14 am
مكان: السعودية

رد: مصـرع عروس بفستان الفرح !

مشاركة بواسطة نسيم الشمال »

موضوع في غاية الاهمية والفائدة في ميزان حسناتكِ بمشيئة الله ..
الريحال99
مشاركات: 17
اشترك في: الأربعاء 2014.4.16 8:28 am
مكان: الايمارات العربيه المتحده

رد: مصـرع عروس بفستان الفرح !

مشاركة بواسطة الريحال99 »

في ميزان حسناتكِ بمشيئة الله اللهم يدخلك الجنه مع عباد الله الصالحين امين
صورة العضو الرمزية
بانه
مشاركات: 11781
اشترك في: الأحد 2012.10.14 7:37 pm
مكان: ارض الله الواسعة

رد: مصـرع عروس بفستان الفرح !

مشاركة بواسطة بانه »

صورة
أضف رد جديد

العودة إلى ”منتدى حواء السودانية“