يوسف مدير كتب:شايفك شايل في ايدك نوتة ..
وكمان بيغادي عاملين جوووطة
قلت القصة شنو يا اخلا
لقيتها تهاني لبدرا هلا
قدرما فتشت لكلام علشان اكتبو لقيت روحي بشوت في الآوت ... !!!
احساس انك تجليها واااقفة ده احساس صعب خلاس ..
لاكين يا مااان اقبل مننا الفتافيت ديل ..
وكان كشحتهم برة الشارع بتكون ما قصرت في حق اللوم ولا اتلومت ..
كلامي دقااااق ناقصو نكهة جيتك وتشريف قولك السمح الما خمج داااك ... انسان يا طبعك رايق وهادي
والناس بتشوفك زولا عادي
بس لو يعرفو سر تسميتك
ولو يعرفو بس حلاوة نيتك
نغرق ونغرق لي حد العمق ..
ونعرف بالجد
انك انساااااااااااااااان ...
ما تكورك ياخ .. خلاص جيت ..
ولولا مشيت اشوف المتواجدين الآن وأرزعهم في بوستيني كان ليوم الليلة أكون غمران ومِجلّي !!!
والله يا يوسف .. لقيت بطنك (حالةْ ما غريقة) الدلو ذاتو قصّر ..
وماف زول فركش بطابيطي .. وكركش طراطيبي .. غيرك .. في هذا البلد الأمين ..
هظرت معاك .. مسحتني .. معراكة خالية من طايوق الحنين !!! اخخخخخخ انا ..
لمممممن ختّيت يدي في نافوخي ..
كنت قايلك بتجي تجدع فينا ضُلّك الـ في (ضل المطر) .. أتاريهو مرسوم على رمل المسافة ساكت !!!
وضّحت وجهة نظري ولاااااا بتقول ان شاء الله خير .. مرقت منّك ..
تاني قلت: احتمال أنا الزودتها كوز والكلام ما في المقام ..
هاظرتك ساي قلت إمكن الجليد يذوب إن وُجد ..
تاني قلت ياخ الأيام بتوريهو قدُر شنو الزول ممكن يكون (تِفِل) يكسّر الكبابي ويضحك ..
وإذ بك تأتي الآن ..الآن .. متخمخم بِقِرَبٍ تفغر الخشم .. وتبل نشاف الريق ..
يا زول ما معقول أستحمل ليك دا كلو !!!
ياخ
كنّا فرشنا السكة ورود
لو كلّمتنا كان .. بالجيّة
الزوّار الكرام .. بجيكم بعدين بإذن الله للرد
نفر نفر
إتي يجيّهو ليك الكوشة قولي آمين 45
أووووه ماي قود .. لقد وخزتني القشعريرة !!!! وكان المزمبع .. ما جايب خبر !!!
ملهي في جخنوني .. أرتكب في حماقتي القديمة .. تدوير الذات .. حدوووت تجيب الزيت ..
فكان زيتي لقنديلي .. الذي لا يضئ عتمة دربي فحسب .. إنما بوجود آخرين .. شكّلو الوجدان .. فصنّقروا كما يحلو القُعاد .. في أمنٍ وأمان ..
وقعمزوااااا في وسطه متجدعييييييين .. جِنِس تجدَّع .. يحسدوهم عليهو ..
فافعلوا ما طاب لكم .. مثنى وهاتريك 45
سنبلة يا ضو
معليش ياخ
ما شفتا البوست دا في حينه فكما لا تعلمين .. البال أشتر ..
ما نجيك في شينة كلوكلو
تسلمي لي (أنا دا) براي ..
وشكرن كتيرن على الجدعة المجهبذة دي
وعقبال ما تشوفي شفّعك شايلين وليداتم حفايا (حبوبة يعني) يا حبوبة ..
وشدييييدة ولضيضة لا خَرَف لا قَرَف
شكراً أختي أنا
إتي يا سنبلاية
مفروض تحمدلو لحروفي السلامة المَرَقَت من (الكتمة دي) لى همبريب الله دا ؟؟
ولّ عدد المشاركات ؟؟
كيوبيد كتب:مبروك يا انسان
جبنا ليك المال وما لقيناك
غيتو الشنطة اتوزعناها انا ومراسيلو
وعندك جلابيتين عند وايا
تعال تم الباقيات
وما تعمل نايم
مبروك تانى ي دفعة
قدر الجلابتين الخليتوهم لي .. عِلّا أعملم ناموسيات ..
حيث إنو (إنسان) لم يتعرّف بعد (كما يجب) على الزي السوداني الأصيل
ياخوي الجلابية بلبسا في السنة مرتين !!!
والكلام دا ما فات ليو وكت
قبليها ما سعيت جلابية خالص
فاااااا تقومو تدفعوهم لشخص محتاج
يا زول لو فيك مروة جيب لي شنطة عرسي
اتنين اتنين بس .. لأني عارف ذوقك وكدا 45 45 زي الواطة دي
الباقي بتمّو بعرق جبيني .. دستة دستة .. ولى فوق ..
هيييييييع خلّوهِن دستين دستين
مجهـــــود مميـــــز ورااااااااقي
تحياتي العطرة لك
مبرووووووووووووووووووك
اخوك ميرفابي
دحين مليون ما كتيرة ؟؟؟
وقسما بالله قبل سنتين تلاتة كنت بكتب (200) مشاركة في اليوم .. عاااااادي
يعني في ظرف خمسة يوم بكتب الكتبتو في تلاتة سنوات هنا
شكلو كدا اللياقة نخّت .. والحيل يمشى الهويني على هلنكته كما يمشي أبوالقدح 45
مليون كتيرة ياخ حاليا
العمل بقى واخد الوكت كلو .. وطبعا بحبو جدا ..
شكرا اخوي
وما نجيك في عوجة تااااااااب
المَوَاجَبَة البدون نفِس ظاااهرة !!!!!!!
حسي أكان ما ساي .. شاحدك ليها ؟؟؟
على العموم الله يهنيك .. أكان بنُّوتة أو في انتظار فارس الأحلام أو بى شُفّعك ..
الف مبرووووك ليك اليفك ده وعقبال ماتجينا تاني بهناك في المخازن ونديك اردب اردبين انسان شخص يحمل بين طيات قلبه روح مرحة مداعب مشاغب محب ومتعاون لك اجمل المني والتبريكات وعقبال المليون يارب
مِنْ تقع كلمات معيّنة على مسامعي .. طوّالي بدنقر ..
حيث الكلام السمح بخلي الكبرياء يجد طريقا لدواخلك بكل بساطة
حينها .. يا ....... أو ........
والاتنين كعبات !!!
المَوَاجَبَة البدون نفِس ظاااهرة !!!!!!!
حسي أكان ما ساي .. شاحدك ليها ؟؟؟
على العموم الله يهنيك .. أكان بنُّوتة أو في انتظار فارس الأحلام أو بى شُفّعك ..
وحات الله كنت حاسة......قلت يجى انسان ويقول لى شاحدك انا
مرات كدا بروح مننا الكلام عديل كدا
يعنى فى ناس مهما قلنا فيهم ما بنوفيهم حقهم ... وانت واحد منهم