شاااااكوووش

يشمل القصائد الشعريه , الشعر الشعبى , الحلمنتيش , والدوبيت .

المشرف: بانه

صورة العضو الرمزية
بت السرف
مشاركات: 10839
اشترك في: الأحد 2011.3.20 8:47 pm
مكان: نبض الشوق الساكن جوة

رد: شاااااكوووش

مشاركة بواسطة بت السرف »

[grade="8b0000 ffa500 ff1493 800080 ff0000"]

اتحداك ..
انت الساكن الاعماق..
وانت الفارس التائه ..
فى غمام ريدى ..
اتحداك ..
تلف الدنيا ..
كان تلقاهو ..زى قلبى ..
وزى ريدى السكن فى المقل احلام ..
ونظم في القوافى كلام ..
لا قالوه لا سمعوا بيهو انسام ..
اتحداك ..
كان تكتب حروف غناى ..
دى المكتوبة بدمى ..
وكان تسكن فى عيون الصيد ..
دوام محفوفة بنبضى ..
وشايلة القليب فى يد ..
هادياهو ليك حبى ..
وكاتباهو بى محاية شوق ..
كان تفهم ..كان تزيد شوقى ..
اتحداك ..
كان تلقى لقليبى بديل ..
وكان تتوسد الاحلام ..
وتسمع معاها هديل ..
وكان شمسا عليك طلت ..
مااظن تلقى زى جناحى ظليل ..
وزى قلبا ينادى عديل ..
من مطر الحزن ..يضارى جميل ..
زى ريدك ..
زى ريدك وكت صبح جواى
وانت مشيت ..
زى نبضك ودع خطاوى الشوق ..
وكت ودعت احلامى ..
امشٍ ..
بلاك الدنيا مسخت زين ..
امشٍ ..
بلملم فى حواف الجرح الهبش صبرى ..
وبفتح باب من تانى ..
تشرق على شمسى ..
اتحداك لو ترجع ..
تلاقى قليب ..
لا مشتاق ..لا الدرب القبيل
يرجعو ليك ..
اتحداك ..
كان تقدر تلملم جراحاتو ..
وتنفخ فى جواهو الروح ..
اتحداك ..
يوم باكر يلاقى زولا غيرك يهواه ..
زولا يسوقو من تانى فى خطاوى الريد ..
ويفرح بيهو من اول ..
اتحداك ..
تندم ..حد عمرك ..
على الضيعتو من ايديك .[/grade]
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: شاااااكوووش

مشاركة بواسطة waya »

[grade="4b0082 ff1493 4b0082 ff1493"]إذنك معــــــــــاك [/grade]



[grade="4b0082 ff1493 4b0082 ff1493"]زي مادخلتي بلا اذن اتفضلي واذنك معاك
سدي النوافذ والشرف وماتنسي جري الباب وراك

لو فاكرة بجري وراك واجيك مكسور واكون كايس رضاك
اتذكري الزيك كتير في الدنيا ما خلقوك براك
نفس الطريق الودا ليك ذي مابيودي بجيب سواك
بنساك ولا أسفاً عليك ايه يعني لو كان مات هواك

اوعك تعيشي علي امل من تاني احلم بي لقاك
شان ماتفيقي علي وهم بالواضح ابقي صريح معاك
لافي الدخول لافي المروق ماحس قلبي اسر خطاك
وزي مادخولك كان غلط اسع مرقتي وبي رضاك

مابطوف خيالك دنيتي ومابكون هواكي سبب هلاك
لوتقدري الهوا أمسكي قادر اعيش بيكي وبلاك
لو جرح الصدى غنيتي مابرضي ستري يكون غطاك
ومهما يظل صوتك وراي مابتلفت واسمع نداك

اسوء شعور انك تريد زول ماعرف قيمة وفاك
يمرق يلاقيك مبتسم يمشي ويغدرك بي قفاك
قانوني في الريد حكمتين انسي البفوت زي مانساك
واعظم صمود انك تموت عطشان وجاري النيل حداك[/grade]
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: شاااااكوووش

مشاركة بواسطة waya »

أنا غايتو بكره من سكات
أحسن من الناس البتكره في العلن
بتجرع الأسى والنواح
بفرش جروحي على الوطن
لا يوم شكيت ظلم البنات
لا سهرت لا هداني الشجن
صابر مصبر فوق جرح
باسم برغم شقى الزمن
شلت السكات برهم جراح
بمسحبو جرحي وكت يئن
إيه يعني لو فاتت حبيبتي وعرست
ما عادي كل الناس بتُبلى وتمتحن
أو يعني إيه لو عرسوها بدون رضاي
ما كل بنات الحلة فاتن وعرسن
وأنا كان علي
عاجباني حالتي بدون عرس
شن فايدة النوم في سرير
مادام هي أصلاً ما بتحس
شن فايدة اللبن العصير
الباسطة والنوم بي نفس
شن نلت منها غير شقاي
إتكتم الأهات وأدس
وأنا غايتو ما داير عشق
أحسن لي منهن أنحبس
بس لا بحب ذي الخلوق
لا تاني في الريد بنغمس
ما حبهن ...
ذي لون هدومن وطرحتن
ذي الكريم الياما بشتن بشرتن
ذي نار هجيرن ولفحتن
ذي ضحكتن في فرحتن
أو صرتن في زعلتن
ذي التقول ما بعرفن
معنى الكلام السكتن
سرفن قلوبنا أسى ونواح
سرقن عقولنا ونضرتن
نشقى ونعاني وكمان نموت
يوم يخلفن في جيتن
وشربنا من كأس الخداع
نسجنو من توب خمرتن
ياخ ما كفاية هوان وذل
لمتين حنسمع كلمتن
لو جد رجال أولاد رجال
ما أظن حنرضى مذلتن
وين البنات الجد بنات
ديل باقي حاضرنا النتن
ديل لا بنات لا الله قال
يا ربي تقطع سيرتن
ما ذي بناتنا الكان زمان
ديل فارقن توب ملتن
عرضن قلوبن بالقروش
باعن عفافن وعفتن
ورونا عاد بتفوتو وين
عاد الله برفع رحمتو
وين تلقو تاني الإنبساط
وين تمشو تاني وتقدلو
والله كان تتهملو
لا زول بجيكن لي عرس
لا دينو ذاتو يكملو
وأنا غايتو ما بتفرق معاي
عادي الوجع بتحملو
بس للأسف خايف عليكن يا بنات
باكر تجو وتتململو
أها نحنا أعلنا الحداد
عاد إنتو واصلو وكملو
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: شاااااكوووش

مشاركة بواسطة waya »

انعل يومك
ويوم حبيتك وشوفته عيونكويوم اتكسرته بقيت مجنونكويوم الحب العاش فى ظنونك
[/font][/font]ويوم المسن الجابنى وجابكويوم ما ابوك اتزوج امك ويوم ميلادكويوم قررت اضيفك عندى ويوم القلب الدقة ورادك
[/font]وانعل برضو كمان يومىيومى الكلو اقاسى همومىيومى الاسهر احلم بيكى وانتى تنومى
[/font]و....ولعنت ابليسى واستغفرته
واستنيتك يوم العيدولبسته الشوق الجبتو جديدوفرشته البيت بالحب والريد
[/font]ووأول مرة العيد يتاخرأول مرة نصوم مانفطروأول مرة دموعى تقطر
وراجع تانى
أعيش وحدانى
الملم فرحى المات خلانى
وأنتى الفرح مات ماشوفتو وأنتى الجانى
وأنتى سعادة عمرى الفضل وأنتى شقايا وكل أحزانى[/align]

وبس ح أفضل أمارسو هواكإنعل انى عرفتك مرة لكن لسع بستناك
واحاول ابعد منك ليكى, واهرب منك وابقى معاك[/align]
واكورك تانى وانعِل يومكوانعل قلبى وانعل قلبكانعل حبى وانعل حبكانعل دربى وانعل دربك[/align]
وانعل انى بسلم نفسىوارجع تانى اواصل حربك[/align]
[font=arial (arabic)]
[font=arial (arabic)] [/font]
[font=arial (arabic)] [/font]
[font=arial (arabic)] [/font]
[font=arial (arabic)] [/font]
[font=arial (arabic)] [/font]
[/font]
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: شاااااكوووش

مشاركة بواسطة waya »

سكنتي في عالم هواهو اصبحتي ستو وروعتو
نسيتي ايام السواد سهرو وسهادو ولوعتو
ورجعتي للفرح الجميل البدري فارق سكتو
ولملم عقاب الذكريات وبي ايده قشقش دمعتو
كان قايلك انتي فرس رهان يفش غبينتو وزعلتو
قايل معاك يعيش سعيد والدنيا تسمع ضحكتو
ويسكت الشامتين علي ويغيظ محاسن صاحبتو
***
لكن معاك عرف الشقي وكسحتي انتي خطاهو
حسستي انو وحيد زمانو وفي قلبك انتي مافي سواهو
وماكلفك غير جمله واحده واحده كانت سبب ازاهو
ومن يوم داك هو يطنطن بدل ما يفط سطر سطرين نص كراسو فطاهو
صورة العضو الرمزية
فتحو الشقيان
مشاركات: 80
اشترك في: الاثنين 2012.7.9 3:54 pm
مكان: السعودية

رد: شاااااكوووش

مشاركة بواسطة فتحو الشقيان »

كن كالمسمار لايزيدك الشاكوش إلا ثباتا
الدغري
مشاركات: 3592
اشترك في: الثلاثاء 2010.4.6 9:14 am
مكان: السعودية

رد: شاااااكوووش

مشاركة بواسطة الدغري »

لك التحية اخ وايا على الابداع

وذي ما بيقولوا الباعك بيعوا
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: شاااااكوووش

مشاركة بواسطة waya »

فتحو الشقيان .. الدغري ,,
تشكراتي لإطلالتكم هنا ..


عندي سؤال وبيفرض نفسوليه الناس بقوا مابحسو؟وليه بتألمو لي أفراحنا؟ويفرحوا لي ألامنا ويقسوا؟وليه بدونا الوش اللامع؟وخلفو سواد النيه بيرسوا
وليه الزول قدامك طيب؟وخلفك ديمه يناقض نفسووديمه نفاق الناس متزايدوين؟ من رب الناسيتدسوا؟
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: شاااااكوووش

مشاركة بواسطة waya »

من تاني جاااي !!


ﺟـﺎﻱ ﻣـﻦ ﺗﺎﻧـﻲ ﺑﺘﻔﺘـﺶ ﺟـﺎﻱ ﺗﺴـﺄﻝ
ﻋﻨــﻲ ﻣﺎﻟــــﻚ
ﺟـﺎﻱ ﺑﺎﻛــﻲ ﻭﻣﻨﻜـﺴﺮ ﻣﺎﺗﻘﻄـﻌﺖ ﺃﺣﺒـﺎﻝ
ﻭﺻﺎﻟــــﻚ
ﺃﻭﻋــﻚ ﺗﻜـﻮﻥ ﻧﺎﺳـﻲ ﺍﻟﻌﻤﻠﺘـﻮ ﺃﺭﺟـﻮﻙ
ﺧـﻼﺹ ﺧﻠﻴـﻚ
ﻓﻲ ﺣﺎﻟــــﻚ
ﻣـﺎﺯﻣـﺎﻥ ﺃﻧﺎ ﻗﻮﻟـﺘﺎ ﻟﻴــﻚ ﻭﻋﺸﺎﻧــﻚ ﺃﻧـﺖ
ﻛﺘـﻴﺮ ﺑﻜﻴـــﺖ
ﺑـﺲ ﺃﻧـﺖ ﻣﺎﺳﻤﻌــﺘﺎ ﺍﻟﻜـﻼﻡ ﻭﻛﺴﺮﺗـﺎ
... ﻟـﻲ ﺧﺎﻃـﺮﻱ
ﻭﺟﻔﻴــــﺖ
ﺟـﺎﻱ ﺗﺎﻧـﻲ ﺑﺘﻌـﺘﺰﺭ ﻗﺼــﺪﻙ ﺗﺼﺤــﻲ
ﺍﻟﺰﻛــﺮﻳـــﺎﺕ
ﻣـﻦ ﻳــﻮﻡ ﻗﺴﺎﻭﺗــﻚ ﻭﺍﻟﻔـﺮﺍﻕ ﺭﻳـﺪﻙ
ﺧـﻼﺹ ﺃﻋﺰﺭﻧـﻲ
ﻣــﺎﺕ
ﺻـﺪﻗﻨـﻲ ﻟـﻮ ﺟﺒــﺘﺎ ﺍﻟﻨـﺠـﻮﻡ ﻋــﺰﺭﻙ
ﻛـﻤـﺎﻥ ﻣـﺎﺑﻘﺒـﻠــﻮ
ﻭﻟـﻮ ﻗﺎﻟـﻮ ﻟـﻲ ﺑﻌــﺪﻙ ﻋــﺬﺍﺏ ﺑﺮﺿـﻲ
ﺍﻟــﻌــﺬﺍﺏ ﺑﺴﺘـﺤﻤﻠــﻮ
ﺻﻌـﺐ ﺇﻧـﻲ ﺃﺗﻨﺎﺳـﻲ ﺍﻟﺠــﺮﺍﺡ ﺍﻟﺠﺎﺗﻨـﻲ
ﻣﻦ ﻳــﻮﻡ ﺟﻔـﻮﺗـــﻚ
ﻳـﻮﻣﺎﺗـﻲ ﺑﺘﺤــﺪﻱ ﺍﻟـﻌـﺬﺍﺏ ﻭﻣﺼﺒﺮﺍﻧـﻲ
ﻣــﻌـﺰﺗــــﻚ
ﻟـﻜـﻦ ﺧـﻼﺹ ﺍﻟـﺮﻳــﺪ ﻗـﺴـﻢ ﻭﻧﺴﻴـﺘﻚ
ﺇﻧـﺖ ﻭﻗــﺼﺘـــﻚ
ﺣﺘـﻲ ﺍﻟـﻌﺸـﻢ ﺍﻟﺸﺎﻳـﻠـﻮ ﻟﻴـﻚ ﻳﺎﺣـﻠﻴﻠـﻮ
ﺿـﺎﻉ ﻣـﻦ ﻗﺴﻮﺗــﻚ
ﻭﺁﺧـﺮ ﺍﻟﻤﻔﻴـﺪ ﺍﻟﻤـﺨﺘﺼـﺮ ﺃﻣﺴـﺢ ﻫـﻮﺍﻯ
ﻣـﻦ ﻓـﻜـﺮﺗــﻚ


الدغري
مشاركات: 3592
اشترك في: الثلاثاء 2010.4.6 9:14 am
مكان: السعودية

رد: شاااااكوووش

مشاركة بواسطة الدغري »

شنو يا اخونا

الحاصل شنو

اضربت شاكوش ولا شنو
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: شاااااكوووش

مشاركة بواسطة waya »

الدغري كتب:شنو يا اخونا

الحاصل شنو

اضربت شاكوش ولا شنو
ههههه .. طبعا ... ده أنا لو ما أتشوكشتا في الاسبوع مرة .. يبقى في حاجة غلط :d:
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: شاااااكوووش

مشاركة بواسطة waya »

لا لعجرفة النساء

دوري أنا لأقول لا
رغم الهزيمة والفجيعة واعتراض الاهل لأ
رغم الذين تمثلوا بلقيس الهة الثراء
رغم الرصاصة وهى من توقيع حتشبسوت لآ
لا للبلاغة لا للفظ بات مختوماً بتاء
لا للحروف المرمرية وهى تستجدي بثينة بالثناء
باختصار لا لعجرفة النساء
................................
دوري أنا لأفجر البارود فى نفسي وافترش العزاء
احببت موسيقى الانين عشقت رائحة الدماء
من اجل...........لأ
حتى ولو قاصت السكا تحت خط الاستواء
حتى ولو رتقت خيوط العنكبوت الارض فى جيب السماء
ساقول لا
ستقولها رئتاي آآآآآخر ما بصدري من جزيأت الهواء
ستقول لا
لن تخادعني أمور اللف والدوران والالتواء
حين خلقت خلقت حراً كى اقول برغبتى ابداً
وافعل ما اشاء
هذا المسمى فى قوانين اللغات حباً ثمة ادعاء
هذا كلام فارغ ...هذا شعار ساذج ...هذا هراء
ما الحب فى نظري سوى حآ قد التصقت بباء
يئست مقاومتي ففرت صهوتى عنها بهذا الاستياء
وتركت اطلال المدينة لم اعد ووالله احتمل البقاء
ونسيت كيسي والحقائب والجواز وبذلتي خوف اللقاء
ويهزني من داخلي صوتاً تعالأ بالنداء
لا يهم الحكم بالاعدام ما دامت جريمتك النقاء
ما دام هابيل الذى سيدير ساحات القضاء
لم يبقى من جيشي وامالي سوى حرفين...لأ
.................................................. .....
دوري أنا لاشق عن كفني واخرج من عبأت الشتاء
واصيح لأ
من قال أنى اصير اسير مخلبها ومجنون الطلاء
من قال أنى لن ارددها بكل لغات هذا العصر لأ
لأ لن اعود لو تطوع لى نساء الكون فى بيتي إيماء
ستدك لأي كل ملحمة لدعم الكبرياء
ستهد تاج محله ستهز جنتي سباء وترقص فى الفناء
اسأل اخي
هل صور التاريخ ماري إنطوانيت البرئية من سحابات الرياء؟
هل سجل التاريخ لحن للمصائب لم تشقشق فيه انسة الغناء؟
بالطبع لأ
اكتب اذاً لولا براغش ما تكبد اهلها ذاك العناء
واكتب اخي
لولا الهوى ذاك السلاح المفترى ما صب قيس من وعاء فى وعاء
واكتب اخي
مهما بذلت العمر تبني اسرة سترى حماتك فجأة رمت البناء
هذه بداياتي الفت مجئها دوماً بطعم الانتهاء
لا فرق عندي صار بين اليوم ولى او نهار اليوم جاء
ما عدت اعرف كيف يلتهب الصباح او كيف ينطفئ المساء
لا فرق عندي بين ميقات الفطور او العشاء
ما عدت اعلم من عدوي من اعز الاصدقاء
هل هؤلأ ام هؤلاء
حتى الصداقة والعداوة والسعادة والشقاوة
والسذاجة والبراءة كلها صارت بمنظاري سواء
افلا يحق لمثل حالي أن يقول لكل انثى من بني حواء لأ

لالالالالالالالالالالالالالالالالالالالالالا
صورة العضو الرمزية
مها
مشاركات: 11010
اشترك في: الأحد 2009.8.2 7:14 pm
مكان: السودان

رد: شاااااكوووش

مشاركة بواسطة مها »

waya كتب:
ههههه .. طبعا ... ده أنا لو ما أتشوكشتا في الاسبوع مرة .. يبقى في حاجة غلط :d:


صورةصورةصورةصورةصورة
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: شاااااكوووش

مشاركة بواسطة waya »

مها كتب:صورةصورةصورةصورةصورة

شفتي حاجة ... هاكي دي , شاكوش طااااااازة


فاكره أنى عـشان بحبك أنسى عزة نفسى ليكِ ؟
وارضى ظلمك لمشاعرى ونظرة بأطراف عينيكِ ؟
وأبقى شاعر يبيع كرامتو ديمة واقف بين أيديكِ ؟
مستحيل ما ممكن أقبل.. تانى ما بسأل عليكِ
...
نحن نتفانى ونـضحى ونسهر الليل الطويل
نهدى للحب ضو عيونا وكل إحساسنا النبيل
نحيا مهما عشنا ليه وما بنلاقى سوى القليل
نحن ما نصنع مصيرنا وما بنضارع المستحيل

مرت الأيام علينا كم فرحنا وكم بكينا
كلمة طيبة تجينا منك تبقى مـوسم بهجة فينا
وكلمة زعلانة وحزينة تهدم أمالنا البنينا
وهسى فى تيه المشاعر ضحكت الأحزان علينا

صرت متعب فى هواك وعندى احساس بالندامة
وحاجة تعصر قلبى لما أبكى من جرح الكرامة
والحروف فى لسانى ماتت وفوق عيونى مشت غمامة
وأنتهت قصتنا بدرى يا ربيعى مع السلامة
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: شاااااكوووش

مشاركة بواسطة waya »

لمّا تقصد زول .. تحاصرو
عشان يحبّك غصب عنّو ..
و تبدا تنسج وهم كاااامل
إنو بـِرتاح ليك .. و إنّو .....!
و انت عارفو عيونو واااضحة
لما تبعِد .. ما بـِحنّو ..
و اصلو ما قال ليك : " بحبّك"
شان هواجسك يطمئنّو ..
إلا بس خطأو الأساسى
المجاملة - بعْضِ فنّو ..
و يمكن أدّاك المساحة
و كان دى غلطة كبيييرة منّو ..
إنت مجنون بى مشاعرك
بس هو ما بان ليكا جِنّو .. !
حقّو ما تسمّيها ريدة
و قصة بين اتنين .. لأنّو
إنت عشت براااك حكايتك
أمّا زولك ... ماااا أظنّو ....!
لمّا تشكى تقول : " خذَلْنى "
يبقى عندك ( وعد ) منّو .. !
ياما زول فصَّل خريفو
على سُحُب ما مشتهنّو ..
و ياما ناس خلَقت مآسى
و بى الوهم .. فى الدنيا جَنّو
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: شاااااكوووش

مشاركة بواسطة waya »


أوقات نحب ناس بيجرحوناوريدهم بدل يسعد بيضُر...
ونعيش وندفع فى التمنحسره ودموع،ومرات عُمر...
وأوقات بنختار ناس غلطوالقسمه تبقى دوام عُذر...
ونخسر عشان رافضين نشوفونقول نصيب لازمو الصبُر...
نحلف نتوب وتانى بنحبونفس الشريط يرجع يمُر...
ونفضل نحب ويفضل سؤاللمتين نحب نوطى الجمُر؟؟

صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: شاااااكوووش

مشاركة بواسطة waya »

أدي التصاريح لي غيـــــوم الفـــــرحه..
شان ترجع تـــــرش ..
و أشبه رضا العصفور ..
و تغريدو البيملا الكون امـــــان ..
مهما الرياح نفضتـــلو عـــــش ..
أهي دي الشمش يوماتي
تنسيج في الصباح
ما خيبـــــت ظن الغبـــــش ..
مش قلت ليـــــك
لو كنت ما قدر الوعود
في دمــي اوعـــاك لا تخـــــش ..؟!
و انا ما صدقتـــــك ريـــــد و شـــــوق
شان انت في الآخـــــر تغـــــش ..!
أنا ذاتي بستاهل عشان
باريت احساسيسي الطـــــرش ..
رددت في ســـــري الكبيـــــر
عشقـــــك .. تراتيـــــلك .. غناك ..
و حلمـــــت بيك ..
و دفقت بي كامل رضاي ..
كل المواعيـــــن الأبت ما تحتـــويك ..
حفيـــــانه في شوكـــــك مشيت
و الدنيا رماضه و هجيـــــر ..
ذليتـــني حد ما هـــــان عليك
عمـــــر ابتساماتي القصيـــــر ..
بس مـــــا عليك ..
انا عـــــافيه ليك ..
علي كل حال شكـــــرا" كتيـــــر ..
لا كنـــــت أول ريـــــده لـــــي
لا انـــــت ح تكـــــون الأخـــــير
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: شاااااكوووش

مشاركة بواسطة waya »



انا بعترف .. بانى ياما ظلمت ناسوبقيت سبب فى جرحهم..ورضيت أكون ناكر جميلأنكر وفاهم وحبهم..
ناس غلطتم رادونى جدعايزنى كان بس جنبهم..وبالله شوف تمن الوفاأنا بعت ريدهم وبعتهم..
أنا بعترف ..بانه قلبى كتير قسىوعنادى كم حدد خطاى..وفقدت ناس غالين علىذنبم محل ماافوت وراى..وغرورى صوّر لى وهمبانى قادر أعيش براى..وبالله شوف اَخر الغرورشايل قلم .. بندب شقاى
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: شاااااكوووش

مشاركة بواسطة waya »

ﻧﻔﺴﻲ ﺃﻛﺘﺐ
ﺑﺲ ﻗﺼﻴﺪﺓ ﺗﺒﺪﺍ
ﻏﻴﺮ ﺇﺣﺴﺎﺱ ﻫﻮﺍﻛﻲ
ﺣﺎﺟﻪ ﺃﻛﺒﺮ ﻣﻦ ﺗﺠﺎﻭﺑﻲ ﻟﻤﺎ
ﺃﺳﻤﻊ ﻟﻲ ﺻﺪﺍﻛﻲ
ﺣﺮﻭﻓﺎ ﺃﻭﺳﻊ ﻣﻦ ﺳﻤﺎﻱ ﻭﺑﺮﺿﻮ
ﺃﻛﺒﺮ
ﻣﻦ ﻣﺪﺍﻛﻲ
ﻭﻓﻴﻬﺎ ﻣﺎ ﺗﻈﻬﺮ ﻣﻼﻣﺢ ﺃﺻﻠﻮ ﻟﻲ
ﺣﺮﻓﺎ ﻃﺮﺍﻛﻲ
ﻧﺺ ﻳﻜﻮﻥ
ﺃﺧﻀﺮ ﺑﺪﻭﻧﻚ ﻭﻋﻤﺮﻭ ﻣﺎﺑﻌﺮﻑ
ﻧﺪﺍﻛﻲ
ﻭﻛﻞ ﺣﺮﻭﻓﻮ ﺗﻜﻮﻥ ﻗﻮﻳﻪ ﻭﺃﻗﻮﺓ
ﻣﻦ ﺇﻳﻘﺎﻉ ﺧﻄﺎﻛﻲ
ﻭﻻﺗﺪﺧﻠﻲ ﺑﻴﺘﻮ ﺇﻧﺘﻲ ﻻ ﺗﺸﻮﻓﻲ
ﺩﺧﻞ ﺣﻤﺎﻛﻲ
ﻧﺺ ﻳﻜﻮﻥ
ﺩﺍﻳﻤﺎ ﻣﻜﺎﺑﺮ ﻭﺃﺻﻠﻮ ﻣﺎﻳﻄﻠﺐ
ﺭﺿﺎﻛﻲ
ﻭﺣﺪ ﻗﻮﺍﻓﻲ ﻳﻜﻮﻥ ﺑﺠﺮﺡ ﺷﺎﻥ
ﻣﺎ ﺗﻤﺪﻱ ﻋﻠﻴﻮ ﻳﺪﺍﻛﻲ
ﻭﻣﺎ ﻳﻜﻮﻥ ﻓﻲ ﺩﺍﺧﻠﻮ ﻃﻴﺒﻪ ﻭﺃﺻﻠﻮ
ﻣﺎ ﻳﺮﺣﻢ ﺑﻜﺎﻛﻲ
ﻭﻣﺎ ﻳﺤﺲ ﻓﻲ ﻳﻮﻡ ﺑﻄﻴﺒﻪ ﺃﻭ ﻳﺤﺲ
ﺑﻲ ﻣﺸﺘﻬﺎﻛﻲ
ﻧﺺ ﻳﻜﻮﻥ
ﻗﺎﺳﻲ ﻭﺑﺨﻮﻑ ﻛﻞ ﺣﺮﻭﻑ
ﺍﻟﺸﻮﻕ ﻭﺭﺍﻛﻲ
ﻭﻣﺎ ﻳﺨﻠﻲ ﺣﺮﻑ ﻳﻜﻮﺭﻙ ﺷﺎﻥ
ﻳﺨﻔﻒ ﻟﻲ ﺷﻘﺎﻛﻲ
ﻭﻣﺎ ﻳﻜﻮﻥ ﻓﻲ ﺣﺮﻭﻓﻮ ﻭﺍﺣﺪ ﺯﺍﺗﻮ
ﺿﺎﻳﻖ ﻟﻲ ﻫﻨﺎﻛﻲ
ﻭﻣﺎ ﻳﻤﺮ ﻓﻲ ﺧﺎﻃﺮﻭ ﻃﻴﻔﻚ
ﻭﻻ ﻳﻜﻮﻥ ﺑﻌﺮﻑ ﺳﻤﺎﻛﻲ
ﻧﺺ ﻳﻜﻮﻥ
ﺷﺎﻳﻞ ﺣﺮﺍﺑﻮ ﻭﺳﻴﻔﻮ ﻣﺪﻫﻦ ﺑﻲ
ﺩﻣﺎﻛﻲ
ﻟﻴﻚ ﻳﻜﻮﻥ ﺩﺍﻳﻤﺎ ﻣﻌﺎﺩﻱ ﺩﻳﻤﺎ
ﺭﺍﻓﺾ ﻟﻲ ﻟﻘﺎﻛﻲ
ﻧﺺ ﺗﻜﻮﻥ ﺳﻜﻴﻨﻮ ﺟﺎﻫﺮﻩ ﻳﻨﺤﺮ
ﺃﻱ ﺣﺮﻑ ﺑﻜﺎﻛﻲ
ﻧﻔﺴﻲ ﺃﻛﺘﺐ
ﺑﺲ ﻗﺼﻴﺪﻩ ﻓﻴﻬﺎ ﺃﺯﺟﺮ ﺯﻳﻒ
ﻫﻮﺍﻛﻲ
صورة العضو الرمزية
الاميرة توتة
مشاركات: 2653
اشترك في: الجمعة 2011.8.12 4:46 am
مكان: sudan

رد: شاااااكوووش

مشاركة بواسطة الاميرة توتة »


آآآه منك يا أناني

لما كنت .. كسيح محطم ..

مالقيت غيري مرسى

لما لميت ليك شتاتك

وإحتويت .. نزفك وضمدت ليك جراحك

ماإفتكرتك يوم بتقسى

،،

لما .. فاضت روح قليبك بي سهم خاين وغادر

وكُلو شي آمنت بيهو

فقدتو بين زيف المشاعِر

جيت حييت في ذكرياتك كلمة أنسى

وإنتشلتك من ضياعك ..

قلت ترسى

وذااااتي بيك وليك أرسى

،،

كنت راجياك يوم تجيني

تحتويني

تكتب أشعارك في ريدي

وتكتم ..آهاتي وأنيني

أنسى بيك الكان بيحصل

والحيحصل

والأسى الممكن في بكرة ,, يغشى دنيايا ويجيني

،،

رجيت .. وتهت في إنتظارك

بوصلة حلمي المعشعش بين دريبات الأماني

بَحّ صوتي الكان بيترجى رجوعك

وكان بيصرخ ليكَ بي كُل المعاني

ما جاني منك صوت ينادي

ولا صداي السبتو عندك عادني تاني

الملاذ الكستو بين وطنك .. نفاني

الدروب المارقة منك..

لخبطت كوني وكياني

القليب العشت بيهو نضيف ..وأبيض

صار .. مُقسّم

ولونو من كُتر البكا ..

إحْمّرَ قاني

،،

آآه منك .. يامُخادع ياأناني

آآآه .. من الوعد السراب

آآه .. من الذُل والعذاب

وآآآآه .. من رداً مُشلهت لي جواب

لا بيسمن لا بيفيد بعدو العتاب




أضف رد جديد

العودة إلى ”همس القصيد“